كيف تخطفين رجلا قبل زفافه الجزء الثاني

وأنا تايهة فوسط أفكاااري مافيقني منها إلا صوت إصطدااام قوي مللي تلفت اللور عرفت بللي واحد السيارة فخمة دخلات فسيارتي المتواضعة....لانا:اوووف على نهار هادشي اللي بقا ليا غير الكسيدة ،ياااربي والموطور د اللوطو كاين اللور يخخخ...تعصبت وخرجت من اللوطو وأنا مفقوووسة حيت يالاه ماخدييتها باش نتهنا من العذاب د الطرونسبووور واخا صغيرة إلا أنها مريحة..مشيت شفت الضربة وأنا الغليان كاين فراسي حتا سمعت صوت رجووولي بامتياز اللي هز كياني:امم باين ليا طوموبيلتك ضربات ضربة خاايبة،هذا الخطأ د السائق الخاص ديالي،وأنا على أتم استعدااد باش نخلص الأضرار.....مااادرتش عندووو وماشفتوووش يااع شحاال حاس براسوو كيتفطح بديك "السائق الخاص ديالي" وعااد زيد ديك قالك أنا نخلص ليك الأضراار بحالا غادي يعطيني الصدقة ماشي من الواااجب عليه حيت هو اللي غالط أما أنا كنت شادة اليمين ديالي....
لانا:(وهي كتفحص السيارة وبلاما دور)هااادشي اللي عندك ماتقوول؟مكااينش كلمة سمحيلي؟
الشخص:(بلا مبالاة)قلت ليك غنخلص التعويض د الأضراار ؟ااش باغة مزاال؟...
لانا:(وهي دااايرة)اعتذااااار هادشي اللي كنط...
طلاقااات عيني مع عينيه السوداوتين وسرعاااان ماعرفتوو شكووون حتا نطقت..
لانا:أثير اليقطوني!!