كيف تخطفين رجلا قبل زفافه الجزء الثالث

قلتها وأنا مصدووومة وصوتي كان شبه مسموع ولكن يبدوو بلي سمعوو

أثير:(بضحكة جانبية)عرفتيني؟

يااااربي بالله كنت مشغووولة بهاد الموضوووع واش عادي شي إشارة من عند القديير؟..ماقدرتش نجااوبو كأن القط كلا ليا لساااني ومع راااسي كنقوول شكوون مايعرفش أثير اليقطووني اللي اسموو كيعبر عليه "أثير"جوهر السيف وبريقه...رجل الأعمال المعرووف وصاحب داار النشر العريقة واللي مجلة سيدتي كتعتابر من أهم إصداراتها،انتبهت لنظرتو المتسائلة فجااوبتو بطريقة أكثر تهذيبا:أكيد سيد أثير..شكووون مايعرفكش..نتا اللي كتملك دار"الحمامة"للنشر

أثير عقد حجبااانوو وتعجب من ذكرها لدار الحمامة بالضبط وهو كيملك مؤسسات آخرين أكثر شهرة من دار الحمامة

لانا:(شافت التساؤل على محياه):أنا خدامة فمجلة سيدتي اللي كيتم نشرها عن طريق مؤسسة دار الحمامة

أثير:(حط على جبهتو،وكأنه كيحاول يتفكر شي حاجة)اااه...نتي هي ديك الصحفية اللي دارت استجواب مع زوجة رجل الأعمال إكس

لانا:(حركات راسها بالإيجاب):ااه هي أنا

لمعت عينيه وهو كيحاول يتذكر آخر لقاؤو الوحيد بينوو وبينها اللي مكايتعداش الثواني وذلك فحفل المجلة السنوي...قدماتها ليه لالة غيثة...غيثة كاظم اللي هي الشريكة ديالو فالمجلة وأيضا أم زوجتو المستقبلية "شيرين"...كيييفاش ماردش بااالووو لهاااد الجمااال وهاد الملامح الفاتنة آنذاك،بالحق كيغاددي يدير ولالة غيثة كتنتظر منو أي هفوة باش تدمر زواجوو ببنتها..