عهد: كيشوف فيها ويطلع ويهبط فيها وشاد تيلي كيدورو فيديو ونور يدو على لحيتو عاقد حجبانو كيتسنى ردة الفعل ديالها، شافت فيه غيثة وهي تمشي جيهتو خايفة وكتشوف فعهد تا طاحت عينها على تيلي فيدو ورجعات عندو مشات وقفات قدامو وشدات ليه التيلي ، بقا كيشوف فيها وطلق من التيلي خداتو هيا وجلسات حداه كتلعب
غيثة:(هضرات باسبانية مخلطة بالعربية) عتخرج لي الفرض!!! وانا صردتو لحمزة ، ماعطاتنيشي هند نقل منها !
عهد:(فهم المعنى دهضرتها) دابا نخرجوه انا وياك
نضال: البلان باين ، دابا نور غطلق غيثة .
نور: بشرط
نضال: ؟؟؟
كلشي دار شاف فيه ...وملاك غير حاللة فمها وعينيها خارجين مافهمات والو
نضال: شنو هو الشرط؟
نور: تبقى معايا تا تبرى ...واخا يتزوجها عهد مايديهاش ، وتبقى تحت عيني حتى يرجع ليها عقلها
ملاك: 😱
عهد: (صعر) ماغنتسناش حتى طلقها يالاه...غنتزوجها وهي مزوجة بيك ونكبتوها حنا كاع
نضال: صافي (غوت) حنى قابلين الشرط ديالو
عهد: مامستليش انا لهادشي (ناض) هادشي غير تخربيق ولا غندير بناااقص كاع من شي زواج
نور: (تعصب) واغير ديرها غاتهنينا وتهني راسك
نضال: هضرت وكلمة وحدة قلتها، (شير بصبعو جيهت عهد) نتا غتكلس حتى يرجع ليها عقلها ...ونتا غطلقها يتزوجها هوا، براكة من لعب الدراري الصغار راكم رجال زعما
غيثة هربات مور مها مللي بدا الغوات وبقا تيلي د عهد معاه شاداه وعهد جلس بعصبية كينهج ونور مبررد اللي بغا يربح العام طويل
عهد: (تحت السنان) سمع...موافق ، طلقها ليوم قبل غدا ، وانا اللي غنتزوجها ليوم قبل غدا ، وحدها ترجع عقلها ماغنزيد هنا تاضربة
نضال: هي اللولة، ها الورقة ديال الطلاق وقع عليها نتا
مروى: ملاك اجي معايا نفسر ليك ...
نوضات مروى وغيثة طلعاتهم لفوق
نور: ويلا ماوفاش بكلمتو؟
نضال: وانا شكاندير هنا؟ بوكيمون انا😡
شد نور الورقة وقع عليها وطلعوها لغيثة شدو لها صبعها بصمات تما ورجعو كالعادة 3 سوايع فنصاص الليل وهما كيقادو فالوراق ويقلبو ويشقلبو ورقة كدخل ورقة كتخرج تا سالاو ووقع عهد بعصبية وطلعو لغيثة بصمات عاوتاني ومروى كتشرح الوضع لملاك من اللول خلاتها حاللة فمها
مروى: تيقي فيا، انا هنا وعهد ميقدرش يدير شي حاجة لغيثة وانا فجنبها غير تهناي
ملاك: الله يرحم ليك الواليدين، بنتي باقة صغيرة وماشي ديال التكرفيس ، غادي تزيد تمرض ولا تموت
مروى: كوني هانية، ماغيوقع ليها تا حاجة ، انا غنوض نديها لبيتها وحنى خصنا نخرجو حيت نور غيدخل فاي لحضة لبيتو يلقانا مازالين فيه
ناضت ملاك دايخة ومروى شدات فغيثة وخرجو من البيت وملاك غادا وكتوصي تا وصلات مروى لبيت عهد الجديد من غير البيت اللي حرق ودخلات ومعاها غيثة
دخلات مروى وغيثة معاها مخبية مور ضهرها وعهد جالس على اعصابو فوق الفوطوي متكي على ركابيه، هز عينو شاف غيثة مخبية مور مروى ومروى جاراها كتسايس معاها تا جلساتها فوق الناموسية وتقنتات غيثة فراس الناموسية جامعة رجليها وساهية خايفة ومروى مشات جلسات حدى عهدمروى: شوف البنت والحالة فاش وصلتيها، حنى دابا بغيناها ترجع لعقلها ماشي تزيد تسطى، عنداك دير ليها شي حاجة او تغصبها على شي حاجة بزز منها
عهد: وصاافي الواليدة...صافي سيري ترتاحي دابا بلا ماتخممي لهادشي
ضارت غيثة كترعد وخايفة مترددة تا تقلبات جيهتو وراسها تحت يدو
عهد: (كيشوف فيها ويلعب ليها فشعرها) حنى غنخرجو التمرين ، ودابا غنعسو شوية تا لصباح ونخرجوه اوك
غيثة: 😢 (حركات راسها بالايجاب)
عهد: يالاه غمضي عينيك بحالي (غمض عينيه)
بقا مغمض عينيه مدة وهي ناعسة تحت يدو تا حلهم لقاها نعسات وجر يدو بشوية تحت راسها وتقلب للجهة الاخرى ونعس
مروى: (فس بيتها)زعما عهد ميقدرش يآدي غيثة...بقا فيا نور وميساء ، شوف كيفاش تصالحهم حتى هما ، ميساء غتفرح فاش تعرف بلي نور طلق غيثة
نضال: ههه نور ماتزوجهاش اصلا، غير درنا ليه خاطرو وكان معصب فالكلينيك ووقع على الوراق بزربة ودرتهم ليه مزورين ماعاقش بيهم غمزت صابر باش يفهمني وزربنا عليه
مروى: ههه ورااه عاااق
نضال: !!!كيفاش؟
مروى: جا قالها ليا وقال ليا بللي هوا عاق بيهم مزورين وكمل عليهم غير باش يبعد غيثة على عهد و يسترها قدام عاءلتها والوقت كامل كان حاسبها بحال ختو وقالي مانقولش هادشي لحتى واحد كان غرضو شي وسيلة اللي يفك بيها المشكل وصافي
نضال: !!! اواااه ...هه مسخووط ...دابا هوا طلع نزق عليا ولا كيفاش؟وليتي تافقي مع ولادك مور ضهري ولا شنو؟
.
مروى: عند بالك غير نتا اللي مطور هههه اااه ونسيت ماقلت ليك راه نهار اللي مشا عهد لكولومبيا رجع فوسط السيمانة فطيارة اخرى والطيارة ديالو اللي وصلات راه جات خاوية ههه انا عاد دابا عاود ليا هادشي قبل مادخل عندنا نتا
كلشي فالقصر مشا ينعس ، نور دخل لبيتو وميساء فبيتها مريضة كتبات معاها وعد وعهد وغيثة نعسو تا صبح الحال ودخلات الشميشة وسط بيت عهد الكبير وهوا ناعس على كرشو وخاشي وجهو وسط المخاد وغيثة مالقتش فين تنعس لايحها فالطرف واهوا شاد الناموسية كاملة وجها ماكيبانش بشعرها ولايحة رجلها فوق ضهر عهد ولاسقة حداه مكمشة والغطى مليوح فالارض تا تحرك حرك عهد تقلب على ضهرو بشوية ناعس وحرك معاه غيثة تخشات رجلها بين رجليه و جا راسها على صدرو وهوما ناعسين ، حل عهد عينيه بشوية لقى غيثة ناعسة عندو ورجلها بين رجليه وبقا كيتسوعب تدريجيا تا حل عينيه مزيان وبقا كيشوووف فيها وخلاها ، جر تيلي بيدو حداه كيخربق فيه مدة تا فاقت غيثة كتجبد وتفوه وتحك عينيها ، هزات راسها شافت فيه وهوا ممسوقش كيشوف فتيلي ومرة مرة كيشوف فيها، ناضت مدوخة تقلبات جيهة اخرى على كرشها وخلاتو وكملات نعاسها وهو ناض كيتكسل دخل للدوش دوش وخرج ملوي عليه الفوطة وشعرو كيقدر وريحت البرفان كتعطي منو لقى غيثة باقة فالفراش حاللة عينيها ما فيها ماينوض كتشوف فالسقف ...
.
بقات غيثة ساااهية فالسقف وعهد كيتحرك فالبيت حتى ناضت و وجها حمر كيتزنك فالنعاس ديما و كتصبح مبوgسة ، ناضت ببيجامة شورط قصيييير وديباردور ديالو وشغؤهل مطلوق وعينيها ناعسين وتمات غادا جيهت الباب وعهد كيشوف فيها شبغات دير تا دورات البواني بغات تخرج مي الباب مسدود
عهد: غييثة...غيثة (كيعط ليها)
غيثة : لا رد (كدفع الباب تخرج)
عهد:(مشا عندها وقفها) فين خارجة؟
غيثة: نمشي عند نور ...خليني (كدفع الباب)
عهد: نور ! (صعر)
غيثة: نووووور (كتيعيط) ...نووووور (كدفع الباب)
عهد: مكاااينش نوور ...مغتخرجيش (تعصب)
غيثة: اهىءاهىءاهىء 😭😭 نووور بغيييت ...اهىءاهىءاهىء نمشي عند نوووور اهىءاهىءاهىء
هزها عهد كتفركل وتغوت حيدها من جيهت الباب وهي كدرب فيه وتغوت كيسخاب ليها غيغتاصبها عوتاني
غيثة: طلقني ازمر خليني نمشي عند نور ....نوووووووووور اهىءاااهىءاهىء
غيثة كتوغت وتهضر اسبانية مخلطة بالعربة وهوا شي كيفهمو شي مكيفهموش وكيسمع غير سميت نور وهي كضرب فيه ، فكل مرة كيطلق منها كتمشي كتجري جيهت الباب كضرب فيه باغة تخرج وكيرج عندها معصب ومكيبنش الاعثاب ديالو وكيهزها كتفركل وتبكي مكيبغيش يفورصي عليها اولا يشدها بجهد باش متوقعش ليها شي حاجة تا قمشاتو بضفارها فوق الحاجب ديالو تا سال ليه الدم
دخلها للدوش عندو غسلات وجها بشامبوان وخرجات بيه فازك وناض نور مسح ليها وجها وهي فيها الشهقة دلبكى وجلسها وعز تيلي ديال البيت عيط للبنات للي مكلفين بغيثة طلعو عندها وطلعو ليها الفطور ، كتفطر وتشتت حداها وكتشهق و الماكلة فمها وكترجع تبكي ونور حاير معاها جالس حداها بقات فيه كتاكل وتبكي وتسكت شوية وتاكل وتبكي وهوا كيهز ويعطيها تا دفعات الماكلة وشبعات
نور: (هضر مع المكلفات بيها) غتلبسوها شي حاجة سخونة ديال الثلج وديرو ليها شي طربوش فراسها وقادو ليها حالتها غتخرج
...: هي اللولة مستر نور
دخلو غيثة لواحد البيت محلول وسط الشومبر ديال نور وبداو يقادو ليها وهوا دخل للدوش دوش وخرج لقاها جالسة فرحانة وكضحك ، لبسوها طريكو بيج ديال الخيط وسروال دجين زرق وليبوط بيج رطبين وطربوش قهوي مغلوق وجالسة وحداها جاكيطة ديالها فالقهوي وفيها الزغب ابيض من لداخل ومكياج جاها زوين وبانت كبيرة وعكار قهوي (الصورة في الجزء الموالي)
نور: اووووه ههههه هاي هاي هاي
غيثة: ههه😄 (حشمات)
نور: ايوا شتي ...دابا هانتي وليتي زوسنة وكضحكي ، ماتبقايش تبكي (جلس على ركابيه قدامها) غيثة ...عويناتك زوينين كل مرة كيتبدل ليهم اللون على حساب اللون اللي لابسة ههه
غيثة: ههه اه انا زوينة😍
نور: هههه عارفة راسك زوينة هههه
غيثة : اه 😄
نور : ههه يالاه انا نلبس حوايجي ونمشيو اوك
غيثة: (فيها الشهقة دلبكا ) اه 😄
ناض نور بدل حوايجو فالدوش اما عهد خرج كيقلب على غيثة بعينيه ونزل لتحت تا شافها جايا وشادة فنور كيضحك معاها وتحلو عينيه وبدا كينهج
عهد شاف غيثة جايا شادة فنور بدا كينهج ويشوف فيهم وهما كيقربو عندو تا وصلو ، غير شافتو غيثة تخبات مور نور كطل عليه بنص عين وعهد شدها من دراعها جرها بالجهد عندو تا طلقات غوتة كتصمك الودنين وخرج عينيه فنور ونور تعصب تاهوانور: طلق من البنت (جر غيثة عندو) ماشي تزوجتيها صافي راك غتخكم فيها
عهد: وبربي يا نور ومارجعتي لور تا نرتاكب فيك شي جريمة (جر غيثة عندو)
تشاد نور وعهد وغيثة مخبية كتبكي تا وقف عليهم نضال فكهم وكل واحد كنهج فجهة
نضال: لا مزياااااان ... (تعصب) جبدو الفرادا حسن وتريو فبعضياتكم باش نتهنا انا منكم فمرة
نور: ماعندوش الحق يبزز عليها شي حاجة
عهد: ماشي شغلك ...انا اللي مسؤول عليها سمعتي ...ماعندش الحق تدخل بيني وبينها (تعصب)
نور: البنت بغاتني وجات عندي وكترتاح ليا ، وعزيزة عليا وكنتفاهم انا وياها ؛ واخا تزوجتيها ماشي من حقك تجبرها على على شي حاجة هي ماباغاهاش
عهد: غير تبرى غنطلقها وربح بيها ديك الساعة ، بغيها ولا تبغيك ولا موتو الله ينعل نننن😡
نضال: الله ينعل والديكم اللي مارباوكمش ، مضاربين عندي هنا كي لبراهش
غيثة: انا بغيت نور اهىءاهىءاهىء 😭😭 كنبغي نور انا😭😭
عهد كيشوف فيها بعينين حاقدين وكره وكينهج
نور: سمعتيها اشنو قالت ، ايوا دابا ماعندش الحق تحكم فماشعرها سمتي ، هي اصلا ماحملاكش وهادا غير غلط وقع باش تزوجتيها وهي ماعرفاش راسها وتش مزوجة بيك اصلا
عهد بغا يطير عليه وشدو نضال
نضال: سكت نتا 😡عهد ها السخط ها الرضى يلا عاودتي خطيتي يدك على خوك (طلق منو) دير دابا اللي عجبك الى بغيتي السخط ضربو وحتا ا نور، الى مشيتي حتا قصتيه راني ساخط عليك ...جلسو دابا وقولو ليا شنو كاين؟
عهد كيمشي ويجي بغا ينفاجر كيجمع النفس ويغمض عينيه ويطلقو بعضبية وعادي جاي ونور واقف كيشوف فيه شوفة انتصار وعهد كل شوية يشوف فنور بشوفة خايبة كتخلع
نور: غيثة بغات تخرج ، وانا بغيت نخرجها، هاهي سولها
عهد: (بعصبية ) ماعندها فين تمشي
نضال: خرجها
عهد: كيفاااش خرجها واش... (قاطعو نضال)
نضال: هي باغا تخرج مع نور ...ماشي كعاك نتا ومن حقها حيت داكشي اللي دوزتي عليها ماغتنساهش ومازالة لدابا كتعاني منو ...نور خرجها دابا يالاه
نور: غيثة اجي ...غنخرجو (كيضحك معاها)
شد ليها فيدها وهي لاسقة فيك وغادة كتشوف بنص عين فعهد خايفة منو تا مشاو، عهد شاف فباه وكيحرك ليه راسو بعبارة "واخا" بحال الى كيتحلف وزاد طلع لفوق ، بقا نضال واقف كيشوف ويخمم ومشا تبعو خاف يمشي يدير ليه شي بلان عاوتاني ويرد ليه الصرف، اما غيثة ركبات فالطونوبيل مع نور وكتشكي عليه
نور: غيثة ...انا ديما معاك ، ماعمرني مانخليه يآديك واخا، حنا غنمشيو دابا وندوزو نهار زوين غير انا وياك باش تبراي دغيا وترجعي حسن من اللي كنتي (ضار كيشوف قدامو وكيهضر مع نفسو) ونيت يطلقك ونساليو هاد الروينة فمرة
بقاو غاديين ونور كيطلب من غيثة تغني ليه وهي كتغني تا وصلو ل اوكيمدن بالجيبي اس وحل ليها الباب خرجات ، كانت الدنيا عامرة والاعين عليهم كاع الناس حاضياهم منين ما دازو ، غيثة شافت التلج ومشات كتجري عندو لابسة جاكيطة ديالها القهوية وبدات كتلعب ونور واقف كيصورها داير ليها فيدو وكيضحك وهي كتنقز وتهز التلج وضربو وهوا كيصور ويضحك
نور: غيثة ...شوفي فيا ناخد ليك صورة هههه
غيثة: هاا؟
وقفات قالت ليه شنو بعفوية وشد ليها صورة وجلسات كضور تما تا سخفات وهوا موراها ورجعات كتجري
غيثة: راه فاين كعدلو الطاجين 😄ههههه
نور: غكرتيني فالميمة الله يرحمها ، كانت كتبغي الطاجين وانا ماكانش كيعجبني ديكشي ميدم بزااف (شد ليها فيدها) مهم ...نمشيو ناكلو الطاجين هههه
غيثة: هههه يالاه 😄
مشا نور وغيثة جيهت الدخاخن والدواجن والمأكولات الدافئة اللي كتجيب الجوع فالجو الباارد و و قفات قدام صف ديال الدواجن كتحل وتسد كتشوف اللي عجبها وهي دور عند نورغيثة: ناكلوهم كاااملين 😃
نور: هههه تقدري ؟
غيثة: نقدر 😃
نور: اوك ...يالاه ختاري دابا واحد وانا نختار واحد ونساليوهم وناخدو عاوتاني لخرين صافي؟
غيثة واخا ههه😄
ختارو الطواجن واحد ديال دجاج محمر والتاني ديال لحم بالبرقوق والزيتون والفريت والموناضة وشلاضة وجلسو فطبلة حدا الشجر كيتغداو هوا وياها وكيضحك معاها وهي فرحانة ، نور عزيزة عليه الحياة البسيطة واخا من اثرياء العالم كيبغي ياخد الحرية فالاختيار ديالو ويتصرف بطلاقة واخا اول مرة يجلس فبلاصة شعبية ويشرب فانتة والفريت مع غيثة عجبو الجو ديال الضحك والهواء نقي وجالس معاها كينقب من الطاجين بالفرشيطة وهي خشات يديها بجوج فاللحم بالبرقوق ودازت للدجاج اللي عند نور كتنوع فالماكلة وهوا كيموت بالضحك وكيجمع ليها الكمام وحاضي معاها باش ماتوسخش حوايجها وشد تيلي سيفط لعهد الفيدسو والتصاور ديالهم وهوا ناشطين
عهد من اللحضة اللي طلع مشا نيشان بحال البركان للشومبر د ميساء ودخل لقاها كتموت فالفراش و وقف عليها
عهد: نوضي تهزي راه الموت ماغترضش ليك نور ، يالاه نوضي غسلي ديك الكمارة ولا دوشي توكضي
خزر فيها عهد وهي ترجع تسكت وماعادواتش هضرات تا وصلو بانت ليه طونوبيل ديال نور الفيراي بيضاء لانها هي الوحيدة اللي تما وكتبان من الطيارة ومشا وقف موراها بالفيراري الدهبية وشميشة ضاربة فيها كتبري وسط بياض الثلج ، سكتها وخرج مغززف كيكمي السيgار وميساء معهاه يلاه خرجات وهي تعبس
ميساء: اويلي الارض كيدايرة ؟ كي نمشي فيها (كتخلف وخايفة طيح) ويلي ويلي الطالون منقدرش نمشي بيه هنا؟
عهد: زيدي تحركي ولا حيديه وسيري حفيانة
ميساء: واجي شد فيا بعدا راه منقدرش نمشي
عهد: (كيهضر ويقلب فالتيلي على نور فين كالس) من اللول لبسي شي حاجة مقادة
مشا عندها شدات فيه وبدا كتمشى كتفتف وهوا عاطيها يدو شادة وغادي كايشوف فالتيلي ، سالاه بعدو من حدا الطوموبيل وبداو البنات كيمشي ليها يتصور حداها وحدا الطوموبيل دنور وحتى دراري لكبار كيتصورو حداها ، بقات ميساء غادة تا خوات بيها رجلها كانت فطيح وشدها عهد من خصرها عزعا وشاد التيلي فاليد الاخرى و كيكنر
عهد: تفو ..شوفي فين كتحطي رجلك المرض ...هزيهم من الارض يخ
طوات ميساء رجليها وشادة ليه فعنقو وهوا غادي بيها شادها بيد وحدة وكيقلب فالتيلي باليد الاخرى تا هز عينيه الرماديين كيبريو سرحهم وسط الطبيعةلقى نور وغيثة جالسين تحت واحد الشجيرة كيتغداو ومشا تاقرب ليهم وحط ميساء كملات على رجليها وشادة فيه، كان نور كالس كيمسح لغيثة تا جر عهد الكرسي وجلس بيناتهم
نور: (تصدم) منين خرجتي نتا؟
جلسات ميساء والحزن على وجها ودازو فعينيها الدموع ، دار نور شافها و بدا كيتنفس بالزربة وارتابك وكل شوية يحيد عينيه ويرجع يشوف فيها
أنا أحترق الجزء الثامن
محتوى القصة
التنقل بين الأجزاء