بعد ما طارت الطيارة وشق عهد طريقو لكولومبيا بقات غيثة مع مها جالسة حداها مكتقدرش تنوض وتحرك من بلاصتها غير كتشوف وضحك وتغني ودخل وتخرج فالهضرة ، اما نور بعد ما هدىء ماماه رجع للبيت د الميمة ونعس فيه وبقا نضال مع صابر جالسين لعشية كاملة تا دازت الكنازة وتفرقو الناس وكل واحد مشا بحالو وبقا غير صابر وكلارا مرتو وميساء معاهم فالفيلا ، كل واحد شاد اتجاه كيبرد فيه على راصو تا ضربات 12h دليل وعلن نضال على اجتماع عاءلي اجتمعت فيه العاءلة فطبلة طويلة وسط القصر كل واحد كيمسح نيفو بالبكى ، بدا شي كيشوف فشي وكيتغمزو بالعينين كيسولو بعضياتهم على شنو واقع تا نطق نضال...
نضال: جمعتكم باش نكولكم كلمة وحدة ...نور تزوج اليوم بغيثة ...كلكم كتعرفوها اللي هيا الصديقة ديالو ، هاد البنت دخلات عاءلت آل سقراط ولات وحدة منا وخاص كلشي يحتارمها ، واللي عندو شي اعتراض يقولو لينا دابا
نضال فاش نطق خلا كلشي حال فمو ، وعد بقا غير كتشوف مصدومة وضارت شافت فنور اللي كان متكي جبهتو على يدو وميكيشوف فحتى واحد فيهم فير كيشمع وصافي ، وعد رجعات شافت فميساء اللي مبلوكية عينيها فنور والدموع كيتجمعو وعينيها خارجين ، جاتها الصدمة قوية خلاتها بدون حركة غير مصدومة والكل كيشوف فيها بحصرة ويشوف فنور، اما نور ماهزش ؤاسو يشوف فيها كاع ...بقا ساهي وجمع الوقفة مشا بسرعة لبيت الميمة وجلس فيه كيمسح على وجهو ويطلع الشهيق والزفير تا دخلات عليه ميساء غينيها محلولين والدموع نازلين بوحدهوم كيجريو لابسة توني كحل وشعرها مطلوق ووجها متعوب بالبكى فالكنازة ونيفها حمر ، ضار نور شاف فيها ورجع قلب وجهو وهي تمشي فاتجاهو بخطوات بطيءة وكتشوف فوجهو وتحرك راسها ممتيقاش ، شداتو من كتفو وضوراتو جيهتها كتحرك راسها يمين يسار وهوا قالب وجهو للجنب مابغاش يشوف فيها...
ميساء: علاش كادير ليا هاكا، علاش كتفقصني زعما ، علاش مانبداوش من اللول ونرجعو كي كنا
نور: ههه نتي مريضة خصك تعالجي ...شحال من واحد كتبغي نتي شحال؟ ها؟ (كيضحك عليها) ههه مهم ها واحد منهم طار ، ماعمرك تحلمي نرجع ليك اميساء ، ودابا بسلامة، مرتي كتسناني
ميساء: لااااا اهىءاهىء 😭😭😭 نوووووؤ اهىءاهىءاهىء
نور خرج وخلاها طايحة فالبيت على ركابيها وكتبكي ونزل خرج من القصر ، اما مايساء بقات غالارض كتبكي وتغوت وتشد فقلبها دارت كنتزة اخرى تا دخلات عندها واعد كتجري كتسكتها ...
وعد: 😢 ضافي علاش كاديري هاكا فراسك دابا علاش ؟
ميساء: نور مشا ...نور ضاع من بين يدي ، نور مابقاش غيرجع ليها اهىءاهىءاهىء 😭😭😭
ميساء: ماعرفتش اش وقع ليا ماعرفتش اهىءاهىءاهىء 😭😭😭 كنحس بالعافيى شاعلة فقلبي من جيهتو اهىءاهىءاهىء 😭😭😭 ماسحابليش غادي يتزوج ا وعد اهىءاهىءاهىء كان ضدد فكرة الزواج بضفة نهاءية اهىءاهىء 😭😭 علاش دار هاكا علاش اهىءاهىءاهىء 😭😭😭 4 سنين وهوت معايا ودابا خلاني 😭😭😭اهىءاهىء
وعد: اختي مفهمتكش ، مرة كتقولي كتبغي نور مرة كتبغي عهد ، مابغيتيش تفهمي ليا؟ اففف نوضي راه واخا تبكي دابا معند البكى باش ينفعك، بقيتي تنقزي من عهد لنور تا ضيعتيهم بجوج من يديك ، عهد ماغيتشدش ليك واخا طيري ونور اللي بغاك يصح هانتي ضيعتيه
ميساء: عهد كان ديما كيرفضني داكشي علاش سحابليا كنبغيه ولاكن نور صبر ليا وماحسيتش يقيمتو تا مشا ليا هىءهىء 😭😭😭
وعهد: نتي كتعرفي داك الزمر دعهد كي داير ، وبقيتس تابعاه، عيت نقوليك راه مغتصوري منو والو ماسمعتيش ، عمرو بغا شي وحدة وعمرو غيبغيها، هاداك ماعندوش الحب فالقاموس ديالو و ماصالحش ليك ، نور اللي بغاك نتي مابغيتيهش ولا ماعرفت مالكي؟
ميساء: خليني اهىءاهىءاهىء 😭😭😭 ضلامت الدنيا فوجهي ،تا حاجة مابقات عندها قيمة دابا اهىء 😭😭 نور ضاااع ليا ضاااااع اهىءاهىء 😭😭😭😭
ميساء: نور دالي ...وعمر شي وحدة تديه ، واخا نعرف نموت ومانخليهش لشي وحدة..
مشات كتجري نازلة و وعد موراها تابعاها كتعيط تا خرجات بلا عقل ماكادورش كاع موراها
خرجات ميساء كتجري برا ووعد كطل عليها وهي ترجع كتجري
تا دخلات على باها فالبيت كان جالس وشاد البيسي وداير نضاضر مركز مع الخدمة عريان غير بالشورط باقي بنفس الوشام ونفس الفورمة واخا تقدم فالسن ولاكن الرياضة مابيناتش ليه التقدم فالسن بصفة نهاءية بلعكس جامعاه التقدم فالسن والشعيرات خفاف بيضين فشعرو عطاه لون كري غامق زادو جمالية فسن 57سنة ، لقاتو جالس مركز على تاهز راسو فيها مستغرب من الدخلة اللي دخلات عليه كاجري عندو وتغوت
وعد: بابا ...ميساء خرجات كتجري جيهت الباركينك تابعا نور
سمعها نضال هز تيلي فلبلاصة بلا مايجاوب وعد وقفو ليكاؤد كورد ميساء منعوها تخرج وشدوها ردوها للفيلا كتغوت وتندب وتزلق بحال شي حمقة تا تجمعو عليها كاملين مها وباها ونضال نزل عندها عريان غير بالشورط عرفها علاش دايرة ديك الحالة كاملة ، شدها من يدها وطلعها معاه للبيت جلسها قدامو وهي كتميل وتجدب بلغوات ، هوا كيحاول يهضر معاها وهي كتغوت ماخلاتش ليه فرصة يهضر، تقلب رجع للبيسي وخلاها موراه كتبكي فوق الناموسية وتندب ودار ليزيات فودنيه وسد الباب باش ماتخرجش ، خلاها كيتسناها تسكت باش يعرف ستناقش معاها؟ بقات هاكاك تا خرجات مروى من الدوش لابسة بينوار ووجها مكشر ساخطة على الوضعية تا شافت ميساء كتحير فوق الناموسية ومشات شداتها عنقاتها كتسكت فيها ونضال جالس قدامهم عاطيهم بالضهر وخدام فالبيسي ، عيات مروى تسكت فيها وهي والو كاع السوفل ديالها خرجاتو تا بدات كتسكت شوية بشوية وبدات مروى تهضر معاها وشادة ليها فيدها
مروى: ايوا نتي دابا اللي خليتيه ! كنتو غاديسن مزيان تا ضارت ليك فالخوى وخليتيه ، حيت شد معاك الطريق نشان ومابقاوش المشاكل بيناتكم داكشي علاش مليتي وجاتك العلاقة مملة وروتينية، ماشي بحال قبل كان هوا كيجري ونتي تابعاه، وكيرجع وتعاودي تسمحي فيه نتي ويبدا يجري موراك؛ هوا دار عقلو ونتي لا ، وليتي نتي اللي كل مرة تمشي وتخليه..راه يصير تا يعيا ويطفش ، كن درتي عقلك تا نتي كن دابا تزوجو شحال هادي
ميساء:😭😭😭 مافكرناش فالزواج ، عمرو جبدو ليا وتا انا عمرني فكرت فيه ، الزواج بالنسبة لينا غير ورقة وصافي
نضال كان ممسوقش واليزيات فودنيه تا طاحت فودنو الجملة للي قالت ميساء وضار عندها
نضال: الله يمسخكم بجوج ...لا نتي لا هوا ولا ديك العقلية ديالكم ، مزيان باش ترباو بجوج ، هادشي فصالحك نتي وياه اللي جالسين تلعبو وتنفخو لينا راسنا العام اللي جا يلقاكم شي كيجري على شي
مروى: نفكرك كي كنتي ولا نسكت😠؟
نضال: كنت ومابقيتش..داكشي غلط فغلط ، عقلية فالصو
مروى قلبات وجها حيت مكتهضروش ورجعات لميساء ، ميساء واخا سمعات نضال قالها هاكاك ماتسوقاتش حيت تقدر تقول ماكتر وعندها عادي ، مي نضال واخا باقة عندو عقلية فشكل ولاكن قطع الشراب و ولا كيصلي ومكيبغيش يسمع داكشي
مروى: نور دابا يرجع ليك كوني هانيا ، غير نتي خليك موراه وماتخليهش ينساك، ماتحيديش من قدام عينيه باش تبقاي ديما فبالو
ميساء: 😭 هوا علاش زعما تزوج ؟ كيفاش دار ليها؟ 😢😢 عمرني شفتو معاها ولا شي حاجة ؟ كيفاش ماكيبغيهاش و تزوجها😢 هوا مكيفكرش فالزواج وماكيجيش على بالو 😢 دغيا تزوج؟ !!!!😭😭😭😭
مروى: هادشي اللي كاين ، ماعندنا مانديرو، مهم نتي خليك معاه وتفرطيش فيه ويقدر واحد النهار غيرجع
مروى شافت فنضال بعينيها كيتشاورو واش يقولو ليها ولا تا هضر نضال
نضال: سمعي...عهد غتاصب ديك البنت فلحضة غضب..ونور تزوج بيها حيت الصديقة ديالو والعاءلة ديالها فشكل ...ماشي فحالنا، ماعندهمش هادشي و البنت ومها غيتعدبو بزاف هادشي علاش نور تحمل مسؤليتها
ميساء: (خرجو عينيها) شنووو ؟؟؟ وعهد علاش ميتحملش مسؤوليتها هوا علاااش 😭😭😭 علاش نور هو اللي يتحمل مسؤوليتها 😭😭
نضال انا هضرت معاك اميساء وها ودني تخرج هاد الهضرة ، جيتك نيشان والى مشيتي قلتيها لشي واحد عمرك تحلمي بنور، من حقك تعرفي تا نتي ولاكن ماشي من حقك تدخلي فحياة البنت ولا ديري ليها مشاكل سمعتي، وعهد الى بززنا عليه البنت غيتكرفس عليها هادشي عباش درنا هاكا وتزوجها نور
ناضت ميساء كتبكي غتسطى ورجعات لبيتها جلسات فالارض جامعة رجليها وكتبكي اما نضال سد البيسي وناض ينعس حدا مروى اللي عطاتو بالضهر ماعجبهاش علاش يقول لميساء الحقيقة، نعس موراها وعنقها واخا مهضروش وماهضرش معاها عنقها ونعسو ، بقات ميساء كتبكي الليل كامل مانعسات ماشافتو كتبكي وتذكر الذكريات تا صبح الحال وطلعات الشمس وهي تنوض هزات تيلي ديالها كتصوني ، بقات كتصوني وتعاود تا جاوبها صوت كيحيح بعصبية فالسماء
قطع ليها وخلاها كاطير وتنزل بالفقصة والبكى والغدايد تا عيات وخلسات فالارض كتخمم حاللة فمها و وجها منفوخ ، رجعات كتعيط لنور وهوا كيقطع عليها وكتعاود تعيط وكيقطع تا طفاه فمرة وكلسات تبكي وتندب فالبيت مع الستة دالصباح ، اما نور من اللحضة اللي خرج فيها وهوا حدا البحر الليل كلمل جالس فالطوموبيل كيشرب ويكمي تا عيطات عليه ميساء مع 6 الباح وبدا كيقطع عليها وضرب التيلي شقفو كامل وديمارا الطونوبيل مشا لكلينيك نيشان يطل على غيثة، دخل لقاها ناعسة فبلاصتها ومها ناعسة حداها فوق الفوطوي ، شافهم ناعسين وسد الباب وخرج مشا فاتجاه القصر دخل و كان كلشي ناعس ، مشا لبيتو دوش وطاح فوق الناموسية على كرشو مغمض عينيه تا نعس ، ضربات 12h ديال النهار وفاقت مروى شافت فنضال حداها ناعس وناضت بالها مشطون ، مشات دوشات وخرجات لفات نضال تقلب للجهة الاخرى ناعس وجبدات الالبون ديال التصاور دولادها كتفرج فيهم وكتبكي بوحدها وتقلب فالتصاور تا طاحت فالصورة دعهد فاش كانت عندو 25 سنة(الصورة) وبقات كدوز يدها عليها وكتهضر بوحدها وتبكي عليه وتشوف جيهت نضال وتبكي وترجع تشوف فالصورة دعهد وتبكي تا حل نضال عينيه وبقا كيتفرج فيها وهي كتبكي ماشافتوش ، بقا حاضيها شحال عاد ناض عندها وحيد ليها الالبوم من يدها وباسها من راسها
نضال: علاش كتفقصي راسك؟ عهد مابقاش صغير كيما كتشوفيه فالتصاور ..خليه يتعدب باش يندم على داكشي اللي دار، هوا دار الدنب خاصو يدفع تمن داكشي اللي دار، ماهضر مافال تاكلمة و غير قلت ليه سير فحالك مشا بلا ميتردد، كان كيسحابلي غادي يواجهني ويتحمل مسؤوليتو مي هوا دارها ليا على قد فمي ومشا
مروى: 😢 ولادي بجوج كيتعدبو 😢 نور كيتحرق بوحدو وعهد الله عالم بيه دابا 😢 نتا حرمتيه ماحضرش لكنازة وهوا ماكانش غيجي اصلا تا سمع لميمة مريضة ورجع ، وفاللخر ماحضرش لكنازة😢 ونور ضحى بكلشي باش يصلح الامور ويخلي كلشي على خاطرو وهوا مابقا عندو خاطر ، شكون غيدير ليه هوا خاطرو ، انا كنتعدب من جيهت ولادي بجوج 😢 بغيت نرجعو كي كنا ويرجع عهد ونور ويتصالحو 😢 وتخلي عهد هوا اللي يصلح الغلط ديالو ماشي نور يتعدب بساب عهد ، انا دخت مابقيت عارفو ماندير ، كن ماشديتيش الضد من اللول مع عهد كن راه كلشي غادي مزيان😢 دابا هوا كشا اهىءاهىء ما غايعاودش يؤجع انضااال اهىءاهىءاهىء 😭😭😭
نضال: (عنقها) صافي دابا مابكيش احبيبة انا غانشوف كي ندير نرجعو ، كاع هادشي داز فلحضى غضب كان كلشي غاضب فيها وبقينا كنتصرفو بلا عقل وترون كلشي ، ونور مابغاش عهد يتزوج بيها حيت غيتكرفس على البنت وهي صغيرة ودرنا ليه خاطرو باش يتكالما ..هادشي اللي وقع
مروى: طلق مني 😢 ماتشدش فيا حتى تصلح بين ولادي عاد شد فيا 😢 شوف كي دير ماشي سوقي المهم ولادي يتصالحو 😢
ناضت مروى غضبانة وخرجات وخلاتو كيشوف ومشات لليت نور دخلات عندو لقاتو ناعس وتكات حداه كتلعب ليه فشعرو وهوا ناعس وكتبكي وتشوف فيه نيفو حمر باين فيه الحزن وهوا ناعس...
حلات عينها غيثة فالكلينك كتقدر تحرك وتجلس شوية ولاكن غير كتشوف ودخل وتخرج فالهضرة وكتسهااااا شحاااال كتبقى سااااهية حتى كتحل فمها وكترجع تسدو ترجع تبكي شوية بحال الدراري الصغار وريوكها هابطين وكدوز بالكم ديال لبيجامة على عينها كتمسحم وتبدى ضحك عاوتاني ومها مقهورة غير كتمسح ليها فمها وكتبكي ، عطاتها تشرب وشدات غيثة الكاس كتشرب وتزلع ومها كتعاونها وتمسح ليها تا دخل عليهم نور ومعاه مروى كتبكي ، مروى شافت غيثة هاكاك ومشات عنقاتها وكتبكي ، مروى كتبكي وغيتة كتفرنس وكتلعب ليها بالسنسلة فعنقها وهيا تهز راسها قالت لها
غيثة: عطيني هادي ههه (السنسلة)
مروى: (شافت فيها وكتبكي) واخا ..نعطيها ليك ابنتي 😢
غيثة: تعطيها لي دابا ؟ 😄
حركات ليها مروى راسها وحيدات السنسلة عطاتها ليها وكتبكي ووغيثة كتشوف فالسنسلة ودارتها فعنقها فرحانة وكل مرة تهبط راسها تشوف فيها وضحك ، نور كيشوف ويتفقص على الحالة ديالها وملاك نشفو دموعها من البكا ولات غير كتشوف مقهورة ...جلسو حداها كيهضرو وهي كتشوف فيهم وتسمع ، كتعرف علاش كيهضرو ولاكن عقلها مكيفرقش بين الحوايج اللي كيبكيو الحوايج اللي كيضحكو
نور: بان ليا ولات كتقدر تجلس شوية ، شنو ؟ نديوها للقصر تعالج تما حسن من هاد الجو ديال الكلينيك وريحت الدوايات ولانكول !
مروى: علاش كتهرب من الجواب ، انا كنهضر معاك ونتا كتهرب ؟ علااش؟ رجع تزوج بيها غير حتى تبرى ومايوقعوش ليها المشاكل مع عاءلتها ومن بعد طلقها ، مهم خرجها من هاد الازمة اللي هيا فيها😢
عهد: تهلاي فراسك الواليدة
مروى: جاوبني راه...الو ...الو عهد .😭😭😭 الو اهىءاهىءاهىء
قطع عهد على مروى خلاها كتبكي تا عيات وطلعات نعسات ، نور بات فالشومبر مع غيثة فوق فوطوي كبير حاضيها لا تنوض ولا توقع ليها شي حاجة ، تا صبح الحال وناض دوش ولبس حوايجو وخرج تلاقى بميساء فالكولوار ودار راسو ماشفهاش وهي تشدو كتبكيميساء: نور حشومة عليك اهىءاهىءاهىء تزوج بيا تا انا غير ماتخلينيش اهىءاهىء 😭😭😭 انا مابقا ليا والو نتسطى 😭😭 مانقدرش نشوفك مع شي وحدة اخرى منقدرش اهىءاهىءاهىء 😭😭😭 نوووور. (مشا وخلاها) نووووور اهىءاهىءاهىء 😭😭😭
طاحت كتبكي فالارض وضرب وتجدب تا عيات وناضت كتمسح عينيها بحال المسعورة وكتجري تابعاه وتشد فيه وهوا غادي مكيشوفش جيهتها وفينما تشد فيها كيحيد ليها يديها وهي كتبكي وتغوت ، مشا وخلاها طايحة فالارض كتبكي وزاد وخلاها ، ميساء تابعة نور ونور ماعاطيهاش وجه وفين ما يخرج فيها كيقلب الطريق باش مايشوفش فيها وغيثة كتعالج فبيتها وملاك شدات ورقة الطلاق ديالها وجلسات حدا بنتها وعاءلتها ماعارفينش اشنو كاين وشنو واقع وخوها فين مايسولها كتقوليه شدونا وضايفونا ماخلاوناش نجيو وكتسكتو بهاد الهضرة تا داز اسبوع ولات غيثة كتقدر توقف بالمساعدة ديال الفرمليات اللي كيضلو حداها ، وعد غير جالسة فبيتها ومرة مرة تمشي تجلس مع باها و مروى غضبانة على نضال مكتهضرش معاه ، اسبوع داز بزربة ونور عاطي وقتو لغيثة كيضحك معاها واللي طلباتها كتحضر تا لواحد الصباح.
فاقو اهل القصر كاملين كل واحد اش كايدير وكل واحد والمورال ديالو ، ناض نور من فوق فوق الفوطوي ومشا طل على غيثة لقاها ناعسة ودوش كالعادة وخرج ، اما ميساء مرضات فبيتها مابقاتش كتخرج منو وغير مريضة كتبكي بلليل وبالنهار وملاك ناعسة ، فاقت مروى حدى نضال خلاتو ناعس و غسلات وجها وقادات حالتها ولبسات كيطمة كحلة وسبرديلة كحلة ونزلات تشم الهواء لتحت فالجنان ديال القصر ولقات نور مسرح رجليه كيتمشى ويخمم ومشات عندو تا ضار لقاها غادا حداه، تا واحد فيهم مهضر مع لاخر وبقاي كيتمشاو كل واحد فاش ساهي تا قلب نور الضورة راجع للقصر ومروى متبعة ليه العين تا مشا وبقات هي غادا وكتبكي وتمشى ، نسات راسها وبقات غادا فالغابة اللي وسط القصر تا شدوها جوج يدين حطو ليها مادة على نيفها فقدات الوعي وطارو بيها ، فاق نضال كالعادة مالقاهاش حداه ودوش ونزل كيما ديما يقضي شغلو تا شاف نور داخل للقصر...
نضال: نور ، ماشفتيش ماماك
نور: (غادي وكيهضر) فالغابة كتسرح رجليها
نضال: اااه..
نضال خرج يتبعاه ويحاول يصالحها كيما ديما واخا كترفض تهضر معاه تا وقفو عليه جوج من رجالو خبروه بللي مروى تخطفات من وسط القصر وهوا يصعر عليهم
نضال: تحرك دير خدمتك ، جبد ليا مروى فين ما كانت، ليووم تكون عندي ولا مانتا ولدي ما باك سمعتي
نور: (صاعر) خليني مني ليه ...والله تا نقتلو ، ماكاينش اللي يقدر يدخل لقصر من غيرو هوا
نضال: قصفني بماماك، واخا اعهد ...غا بلاتي ، ضربني من جيهة اللي كضرني ، عرفتو ساكت على شي مصيبة، (كيمشي ويجي ) بغا يحمقني ...يعلم الله فين داها دابا كيرد الصرف دابا
ناض نور كيطير للبيرو دباه الخاص فين كيوقغو ليكارد كورد ونضال موراه ، بداو رحلة البحث لان نضال تأكد 100% لطبالي عهد اللي خطفها داكشي علاش ماخايفش عليها حيت ميقدرش يأديها وبدا يقلب على خاطرو هوا ونور واخا مثوثر وداخ خلا نور اللي مكلف و بدا بالخطوط الجوية هي الاولى والخطوط البحرية وتحركو رجالهم ف انحاء المغرب باش يوقفوها قبل ماتخرج من البلاد ، اما نضال شاد تيلي وكيصونؤ على عهد ويعاود 20 الف مرة عاد تشد ليه..نضال: شنو زعما كيسحاب ليك راسك كدير؟؟ ها؟ مالك خاطفها ، غتوقع ليها شي حاجة ولا تجيعا شي ازمة نقتلك بيدي سمعتي
عهد: هه ماخطفتهاش...راه عندها راجلها علاش غنخطفها ، ولا هوا مقدرش يحميها ولا شنو؟
نضال: علامن كتهضر!!! وليتي كترد عليا الهضرة؟
عهد:كنهضر على غيثة!
نضال: انا كنهضر على ماماك!!! فين ديتيها؟ راه غتجيها شي سكتة قلبية بالخلعة
عهد: شنووووو!!!!! كيفاش ماما!!!! كيفاش تخطفات؟؟
نضال: بلا ماتبدا تسطى عليا...رجعها بلا مانجي ندير فيك يدي
نضال: (تلف ) وشكون داها (ضارت بيه الدنيا) عهد ماماك تخطفات من وسط القصر سحابلي نتا
عهد: (تلف بالصعرة) ماتقولش ليا تخطفات ميفاش تخطفات من وسط القصر !!!
نضال قطع ماكملش الهضرة ورجع حل شاشة كبيرة عطا امر لسيرفيس ديال كامرات المراقبة اللي فشوارع كاملة كيما دار فالمرة السابقة ونشر راجالو كيقلبو ، وهوا عينيه خارجين بدا يكمي ويبرد فالكارو ...ورجع للبحث ديالو كالعادة رون الدنيا و خرج على السيطرة تا بدا كيترعد وزاد كمل ليه نور..
نور: كاع الخطوط قلبتهم ، والطيارة د عهد ماخرجاتش من المغرب ، ومادخلاتش اصلا
نضال: ماشي هوا اللي خطفها ...مابغاش يتفهم ليا ...(كيعيط فالتيلي) الو ...كاع رجال ديال القصر يتجمعو عندي دابا، تا واحد مانلقاه ناقص (قطع)
نور: ميمكنش الواليدة تخطف من القصر هادي خاجة مستيحلة، مايمكنش شي واحد يدخل للقصر وهوا كامل مراقب ، وحدة من جوج ..سا اما معانا الخوانة فالقصر يا اما هيا هربات ،شي حاجة تما حيت مستحيل تخرج راه هادي مكيتقبلهاش العقل
نضال: غنشوف كامرات القصر(كيترعد) شيغ غادي تبان شي حاجة
نور: انا نقلب اتجاه للكامرات
قلب نور اتجاه للكامرات للي جيهت الغابة مالقى تا وحدة خدامة
نور: ميمكنش !!!! ماخدامينش؟ شي حاجة واقعة ماشي هي هاديك ...كاين معانا الخوانة هنا !! (تعصب)
نضال:والله لا فلت منها شي واحد ، هاد الخاءن غنجبدو نجبدو ، مروى غنجبدها واللي مور هادشي غادي نقتلو بيدي.
نزل نضال لتحت كيحيح رجع لعادتو القديمة كيضرب ويهرس و وقف كيشوف فرجالو مصافين حداه بحال العسكر تا هضر المسؤوال عليهم كاملين
...: تا واحد ماناقص كاملين حاضرين!
نضال: الرابور ديال كل واحد فيهم وفين كان يجيني دابا
طلع ساخط لقا نور كيشوف فالشاشة
نور:لاحضت واحد الحاجة !!! الكمرات الخارجية خدامين ومابانتش الواليدة ولا شي واحد خاطفها بمرة؟
نضال: كيفاش ...كاين شي ديكلاج صحيح تما ...ولا توقفو الكامرات تا خرجات هي عاد رجعو خدمة!!! اصلا ماكايناش الحركة على برا والديكلاج ماغايبانش
نور: يمكن ، تقول سرطاتها الارض ؟؟؟
نضال: هادشي ميمكنش ، شي لعبة تما!!! ماماك تخطفات ومزالا فالمغرب ، وخطفها شي واحد معانا من القصر خرجها من الباب اللوراني حيت الحركة تما ميتة وديكلاج دالكامرات مغيبانش ، مروى باقا فمراكش ماخرجاتش منو ، كاع الطرقان مبلوكيين والتفتيش جاري ...وعهد هضرت معاه تزعزع،، سيغ راه شاد الطيارة دابا
بقا نور كيطير وينزل وناضت الروينة فالقصر ونضال رجع لعادتو والصداع و الغوات كيبرد غدايدو فرجالو وطالع نازل ترونات الدنيا وجميع الاتجاهات والخطوط السماوية والارضية شادهم نور كيدخل ويخرج فيهم والاثر ديالها مابانش ليه نهاءيا ، نهار كامل وهوما كيقلبو ويدخلو ويخرجو و وعد مافراسها والو لا هيا لا ميساء ولا مالاك،الروينة نايضة وهما مخشيين فبيوتهم ما جايبين للدنيا خبار ، نضال خرج ليه العقل ونور كثر منو كيقلبو ويعاودو تا ضربات 12h دالليل والاثر مخفي حتى ريحت الاثر ماكايناش ونور ونضال فالبيرو كل واحد اش كايدير والتيليفونات محبسوش ، نضال سخط سخطة عاليمية تا خرجو ليه عينيه وعروقو بغاو يطرطقو ونور عينيه ماحيدهمش من البيسي والشاشة ، كيتسنى تبان ليه شي حاجة تا وصلو خبر ديال الطيارة دعهد نزلات فالمطار ...كمل البحث تحت الاعصاب و الثوثر وبقا فبلاصتو كيعصر دماغو ويغوت ويصعر دماغو هوا باه ، دازت نصف ساعة عليهم تادخل عليهم عهد كيجريعهد: فين الواليدة؟
دخل معاهم عهد فالبحث دون جدوى حفرو فالسماء والارض ومالقاوهاش ونضال طالع نازل كينهج ومنع الخبار توصل لوعد ومنعها تخرج من بيتها ، عياو يقلبو وكلشي معصب ومعقد ماتحلاتش ليهم المسألة تا وصلات 3 دليل وماجابو تا نتيجة ، والدنيا مرونة ، نزل نور بدا يبحث فالرجال دالقصر وييحيح ونضال فالشومبر مكيهضرش مع عهد كل واحد فيهم اش كايدير ورجع خرج نضال من البيرو خلا غير عهد بوحدو تما كيقلب ، شاف باه خرج وخرج تاهوا مشا فاتجاه طريق مضلم سري فالقصر كيعرفو غير نضال ونور وبقا غادي تا وصل لواحد الجناح اخر بعيد بزاف و مضلم ودخل ..
عهد: الواليدة ههه
مروى:ههه غوقاش جيتي ؟
عهد: الطيارة اللي جات ماشي انا
مروى: كيفاش ؟
عهد: من بعد نشرح ليك ، مهم خليك هنا جيت نطل عليك وصافي (عنقها)
مروى: عنداك باباك يعيق بينا
عهد: لا ...تلفت ليهم كلشي ماعندهم منين يعرفو ، مهم خليك دابا نرجع
مروى: واعدني غتبقى ماتمشيش ...ياك قلتي ليا الى لعبت معاك هاد اللعب غتبقى
عطاها جهاز صغير بحال يوسبي وباسها وعطاها طرف الخيط شداتو وشد هوا ماتبقى من كرة الخيط وبقا غادي من اتجاه اخر من غير اللي جا منو ، اتجاه قريب وفيه الضوء وشاد الكرة كيطق الخيط من حيت مروى مكتعرفش الطريق اللي بغاها تمشي منو ودار ليها هاد الحيلة باش تبع الخيط هوا اللي غيوصلها لبيتها ومشا تا تا وصل للكولوار وعقد الخيط مع البواني داباب ، كان خيط رقيق بحال السبيب مكيتقطعش وجرو مع الحيط باش مايتعكلش فيه شي واحد ومشا للبيرو كيمثل عليهم بللي خايف بحالهم
نضال: (غيتسطى) كيفاش مشات ...ميمكنش الا الى بلعاتها الارض
نور: الاثر ماكاينش !
عهد: الواليدة باينة مخرجاتش من القصر، تقدر تكون باقة فالقصر
عهد: حيت القصر هوا اللي بقا ماقلبناهش ...قلبنا الدنيا كاملة والواليدة ماخرجاتش والاثر مابانش والكاميرات اللي على برا ماشدوهاش وهي خارجة، دونك باقة تالفة فشي بلاصة فالقصر!
بقاو كيشوفو فبعضيتهم وتحركو كيجريو نزلو كيقلبو القصر بثلاتة وعهد شد الطريق اللي نعت لمو ونور مشا فطريق اخر نضال هبط فاتجاه الطريق اللي نزل منها عهد فاللول، عهد عطى الاشارة لمو وشدات فالخيط وبقات كتجر وهي غادة تا تلاقات بعهد ضحك معاها وكملات طريقها شادة فالخيط تا وصلات للبيت ودخلات وسدات عليها، اما عهد هبط والطرق بثلاتة كتلاقيهم فنفس البلاصة اللي كانت فيها مروى ، تلاقة فيها نور وباه وعهد بثلاثة وبوحدهم مامعاهم تا واحد ، هادي خطة باش من عهد باش يتلاقاو تما بلا ميحضر ليهم تا واحد ، كان المكان مهجور وفيه شوية ديال الضوء ، وقفو بثلاثة فنقطة وحدة كيلهتو وهوا يهضر عهد وكيغزز سنانو كيخرج السم اللي كاياكل فيه من نهار وق اللي وقع
عهد: بغيتو تعرفو فين كاينة الواليدة ؟(شافو فيه بصدمة) الواليدة انا اللي خبيتها ...باش نحرقكم كيما كيما حرقتوني، (شير بصبعو جيهت نور) نتا كتبغي البنت وبغيتي تزوج بيها ماشي باش تحمل مسؤليت الغلط اللي درت وخليتيني نبان فعينسهم ماشي راجل ...ونتا يالواليد حرمتيني من الكنازة دالميمة ، تافقتو مور ضهري وخططتو وطبقتو وماتشاور معايا تاواحد ، شكون قاليكم انا ماقادرش نتحمل مسؤليتها؟ ها؟ انا غلطت وديك الليلة هزيتها لكلينيك وقالو ليها وقع لها مشكل فالرحم وكنت مستاعد نتحمل مسؤليتها ، ولاكن نتا الواليد خرجتيني وجا نور زوجتيها ليه فالبلاصة، كلشي فراسي ...كلشي وصلني، ماخليتيش ليا فرصة دغيا زوجتيها لنور، (كيغزز سنانو) دغيا طلعتوني ماشي راجل ، وها الرجلة دابا كيدايرة ..وهادشي غير شوية من داكشي باش حسيت ، الواليدة هي نقطة الضعف ديالك وانا اللي خطفتها باش نسكت ليكم القلب ولاكن بقيتو فيا وفركعت هاد الرمانة ، دابا ماكتسالوني مكنسالكم ، غطلق البنت وانا اللي غتاصبتها وانا اللي غنتحمل مسؤوليتها
نور سمع عهد اش قال وبغا ينقز عليه يالاه تحرك وطاح نضال على ركابيه شاد فقلبو ، شافوه نقزو بجوج مخلوعين عليه ، ضارت بيهم الدنيا ونضال شداتو كريز ، هزوه بجوج كيجريو بيه مخلوعين عليه طلعوه لفوق وعهد تقال ليه اللسان وعينيه خرجو ،مقدرش يهضر تا حطوه فوق كرسي فواحد الصالة فالطابق السفلي وسط القصر و مشا عهد كيجري يجيب الماء
نور: (مخلوع) بابا...عافاااك شد فراسك.
نضال: غادي نربيه على هاد اللعب غير بلاتي عليه 😉..انا مزيان وهادا ماتنفع معاه غير الحيلة .كيما كان غيسكت ليا القلب غنسكت ليه القلب
نضال سخف اللي شافو يحلف عليه تا مات ، ونور كيغوت معاون باه فاالتمثيل ، عهد سمع نور كيغوت رجع كيرجي لاح الكاس وزلق على ركابيه عينيه تغرغرو بالخلعةعهد: سمح ليا الواليد ...مابغيوتش نوصلك لهاد الحالة (كيترعد ) انا السبب فهادشي كامل
نور: بلاصتك ما تبدا تندب كي المرى هزو معايا راه خصنا نديوه لكلينيك
عهد: (صعر) ديها فمك والله تا نفرعك ...(كيهزوه ويتغاوتو)
عهد:جاتك الغيرة (كيغزز سنانو) راه غا برهوشة اتبي غير برهوشة
نور: وقف هنا غنزل ....وقااااااف😡 مغنكملش معاك الطريق .حبس باغي نزل
هما غاديين كيتناكرو وعهد كيطير فالطريق ونضال للور سمع كلشي ماكرهش ينوض يلاقي لييهم الريوس تا وصلوه لكلينيك وهزوه طايرين بيه ، نور جالس مكالمي وعهد كيمشي ويجي قلبو غيسكت ورجع جلس شاد فراسو بغا يتسطى وكينهج لا ولاو عينيه حومر والعروق كيبانو ، خرج الطبيب وناض عهد هز عينيه فالطبيب وباين على وجهو الاحباط خاف يسمع شي حاجة ماشي هي هاديك
الطبيب: جاتو كريز من شي صدمة ولاكن دابا راه نجى منها وخاصو الراحة وميتعصبش
عهد تصدم بقا مبلوكي والطبيب مشا وناض دخل عن د باه طل عليه وباس ليه يدو ونضال مغمض عينيه والاكسيجين على نيفو وسدرو عريان ، بقا عهد جالس تجمعو عليه الاعصاب والحزن وكلشي وبقا شاد ليه فيدو وكيشوف فيه ويرجع يتعصب غير مع راسو ويبدا يتمتم ويرد اللومة لراسو ، خرج وخلا باه يرتاح ومشا مسرح رجليه كيخمم ويمسح وجهو و يلوي عنقو ويزير على سنانو معصب تا وصل لواحد الضورة وسمع...
أنا أحترق الجزء السابع
محتوى القصة
التنقل بين الأجزاء