قصتي مع آية

المهم السلام عليكم ليوم جيت نعاود لكم قصتي لوقعات ليا هادي عامين تقريبا مهم تبعو معيا وخليو اي حاجة كتشغلكم ونفاردو بهاد القصة وتبعو مزيان وكنواعدكم بلي اتكون من ضمن أفضل القصص لقريتوها . انا سميتي حسين عندي 19 عام كنقرا فسيزيام وهادي قصة وقعات ليا مع واحد بنت قسمي كانت كتقرا معيا ولكن ماشي من هاد المنطقة غي جات ليها بحكم أن الواليد ديالها كيخدم وماشي مستقر فبلاصة وحدا مهم ماعليناش هاد درية أخوتي سميتها "أية" وعندها 18 عام .. أية درية ضريفة وزوينة وبغمزة طيح شعب كامل ماشي غي خمسة مهم درية داخلاا سوق راسها وخا بوقوصة وقرطاسة وزوينة لواحد درجة كبيرة مي هي مافبالهاش داك تصاحيب وداك التخربيق لا! هي كتهتم براسها وصافي يعني الهدف ديالها هو تبان درية بحال كاع الدريات وطوال الفترة لي عرفتها فيها عمرها طولات معايا لهضرة ولا هضرات مع شي واحد اخر ولا شفتها كضحك ماعليناش اسيدي كيقولو الغلاف لا يعطي خلاصة مافي الكتاب يمكن الغلاف فبعض الحالاات كيكون لا علاقة له بالكتاب اصلا لا يهم غا تبع معايا راك غادي شويا بشويا دبا تعرفتي على أية وعلى شخصيتها من برا ومتخافش انزيد نفصل لك وانزيد نعرفك كثر على هاد درية ولكن كل حاجة بوقتها ماعليناش واحد نهار فقت مع 07:00 بحال ديما ونضت غسلت وجهي ووجدت الفطور لراسي كيف ديما فطرت وهزيت شكارتي ودرت لي كيت وخرجت حيت عزيز عليا نتمزك فصباح خصوصا لراب حيت معنديش مع الموسيقى الهادئة .. خرجت وسديت لباب غادي ل ليسي باش نقرا ومبوق شويا حيت مكنعسش بكري .. وصلت حدا ليسي وملقيت تاواحد وكلت مع راسي واقيلاا زربت هاد نهار ولا كاين شي إضراب وانا مكاينش فهاد العالم كلست فواحد البلاصة فطريق لي كندوزو منو ل ليسي وهزيت تيليفوني ودخلت لفايسبوك ندوز بيه الوقت شويا وفواحد لحظة ملي هزيت راسي بانت ليا أية جايا ل ليسي بوحدها تاهي وقلت مع راسي وايلي هادي 07:50 وتاواحد مجا غا انا و ياها وتسنيت تا وصلاتني وقلت ليها : اية كيفاش البلان ؟ ترددات فالجواب مي فلخر جوبات اية : كيفاش انا : جيت وملاقيت تاواحد فليسي .. اشواقع ؟ اية : وايلي مكاين تاواحد ياكما يكونو دايرين اضراب وحنا ماعلابلناش انا : خخخخخ ناس كيسولو شي واحد عارف شي لعبة وانا كنسول مكلخة بحالها بحالي (قلت ليها هكا باش ضحك شويا وندخل لخاطرها ولكن بلا نتيجة حيت جاوباتني بكل برودة) اية : بلااتي نسول صاحبتي اشواقع ماعلينا باش منكترش عليكم اية سولاات صاحبتها وقالت ليها بلي من 8-10 مكيناش قرايا حيت كاين شي اجتماع ولا شي حاجة بحال هكا وقالت ليها واش ماشفتيش الإعلان لي حطو . الليسي كولو ساق الخبار الا انا واية ويمكن هذا هو القدر خلااني نهضر معها وخا معنديش بزااف مع بنات قسمي ومكنهضرش بزااف مع البنات .. مي اليوم فكرت نستغل الفرصة ونتعرف عليها كثر ..وبالفعل تشجعت وقلت ليها ياك حنا جينا جينا اية ونعاس طار اوا يالاه نكلسو شويا انا وياك ونهضرو وندوزو لوقت اشبانلك ؟ اية : منعرف احسين من الأحسن نمشي حيت ماما يلا عرفاتني كنهضر مع شي واحد منعرف اشغتقدر دير والله راك عارف انا ديما من المدرسة لدار من دار لمدرسة . انا : وخا ليبان لك مبغيتش ندير لك مشاكيل وخا سيري تالشي نهار اخر (قلتها ليها وانا كنشوف ليها فعينيها ) درية حشمات من نضرات ديالي وبدات كتشوف فالأرض ...