قصتي مع آية الجزء الثالث

مشات وخلاات ليا بزااف ديال الأفكار كيدورو ليا فدماغي .. كيفاش هاد البنت من البدية ديال العام وهي مكضحكش وديما خايفة ؟ كيفاش بنت بحالها زوينة وقرطاسة وممصحباش وقليل فاش كتهضر مع شيواحد ؟ علاش مضحكاتش من إثر دوك الدعبات لقلت ليها ؟ مهم درية مشات لدارهم وانا رجعت لدارنا بدماغ عامر أفكار كنفكر فشي طريقة لنتقرب بيها من هاد درية ونعرف سر لمخبياه مهم وصلت لدار دخلت سلمت على لواليدة طلعت لبيتي تكيت واحد شويا وبديت كنفكر فشي بلان فواحد لحظة طاحت ليا واحد الفكرة فدماغي وقلت علاش لا منطبقهاش وربي يدير لفيها لخير مهم قلت مع راسي نقلب على أية ف فايسبوك ولا نسول شي صاحبتها واش عدها كونطها مهم حليت طيلي دخلت لكونط بقيت كنروشيرشي على أية مي ملقيتهاش جربت سميتها وكنية مي والو مهم مشيت عند صاحبتها بريفي لقيتها خارجة مي خليت لها ميساج وطلبت منها تعاوني باش نلقا لفايس ديال اية طفيت كونكسيون رجعت كنفكر فأية ديك درية ضريفة لأنا ناوي معها الحلال حق رب فأعماق قلبي كاينا شي حاجة كتعيط وكتعاود سميتها ودماغي مندامج مع قلبي وكيعرض ليا تصاور ولقطات لسجلهم على اية ولاات كتبان ليا قدامي مع تعابير حزينة فوجهها وكتبان ليا كي ديما خايفة من شي حاجة ومع هاد تفكير طاحو ليا مجموعة من الإفترضات فدماغي فواحد لحظة قاطعت مي هاد التفكير وهاد الغوص فالأفكار والتوهمات عيطات عليا باش نزل نتغدا نضت قلت "اعود بالله من الشيطان الرجيم " ومشيت غسلت وكلست مع العائلة وتغديت معاهم وسولااتني مي : مالك احسين هاد نهار معجبتينيش ؟ انا : درت ديك ضحيكة زعما مكاين والو وقلت ليها والو امي غا عيان شويا وصاف مهم لواليدة عندي عارفاني وعارفة بلي انا مقلق ولاا شاغلاني شي حاجة مهم قالت ليا واخا وسكتات هي هاديك كملت نضت غسلت يدي ورجعت لبيتي ورجعت لدوامة الأفكار ورجعات ليا أية لعقلي مهم حاولت نعس مي دماغي مبغاش يسكت بوحدو كيفكر كيفاش مشفتش داك الخوف وداك الحزن فوجه ديك درية وهي كتقرا معيا وتقريبا يوميا كنشوفها ؟ وفواحد لحظة تفكرت بلي كاع دراري ودريات لكنقرا معاهم كيحاولو يتهربو ما أمكن من ديك درية بضبط من غير واحد درية خرا كتقرا معنا سميتها "هدى" وبالتأكيد عرفتيها وي هي هاديك لسيفط لها ففايسبوك وسولتها على لكونط د أية هاد هدى هي بوحدها لكتعمر مع أية وخا فرق كبير بينها وبين أية حيت هدى ديما ضاحكة مع كلشي وانسانة متفتحة عكس اية مهم رغم كلشي هما صديقات وديما كنشوفهم كيهضرو ماعليناش نعست واحد ساعتين فقت لقيت 16:00 نضت من بلاصتي غسلت وجهي وتفكرت داك لميساج لسيفطو لهدى وبزربة هزيت تيليفوني دخلت لفايسبوك شفت علبة رسائل فيها 2 فرحت قلت اتكون غي هدى وبالفعل دخلت لقيتها هي لمسيفطا ميساج فيه " اه عندي لفايس ديالها احسين مي نتا لاش باغيه ؟ " كنت كنفكر اشغنقول ليها وهي طالعة اون لاين دوزت واحد جوج دقايق وانا كنفكر واش نكدب عليها ولا نصارحها بالحقيقة فكرت وفكرت وفلخر زعمت وكتبت : هدى منكدبش علك نجيك نيشان بغيتو حيت اختي ديك درية كتعجبني وبغيت نتقرب منها حق الله مبغيتش نضحك عليها ولا داكشي لكتعرفي لا انا اية دخلات ليا لقلبي وسكناتو وبغيت غي نعتارف ليها " اية مبغاتش تخسر ليا خاطري حيت اول مرة نطلب منها شي حاجة وهي اصلاا درية زويونة وضريفة ومكتبغيش تخسر شي واحد . ماعليناش مشينا لواحد لبلاصة حدا ليسي فيها واحد لكرسي تحت واحد شجرة كلسنا وهي كلسات لهيه مهم حاولات تبعد مني بأطول درجة ممكنة مهم كلسات فجنب .وقلت ليها : خخخخ مالك ا اية واش خايفة نأكلك اودي الله يهديك كحزي شويا نهضرو ونضحكو ومولاها ربي را انا ماشي مجرم باش تديري معيا دوك الإحتياطات اية : لا غا خليني هكا احسين (قالتها بصوت فشي شكل تغلغل لدماغي .. وهادي اول مرة نستعمل هاد الأسلوب ونفشل فيه ) انا : وخا خودي راحتك.مهم كتقراي معيا ا اية ومكنعرف علك والو وفصراحة نتي بنت ضريفة ومأدبة دخلتي ليا لخاطري من الأول دالعام. اية : شكرا .اشبغيتي تعرف عليا احسين ؟ (حشمات اية وازدادت جمالاا حق رب مقدرتش نحيد علها عينيا ) انا : منعرف انا من جهتي بغيت نعرف كلشي والله .. مهم انخرج لكم بخلاصة ونهنيكم من هاد دردشة المملة حيت عارفكم شعب البطاطة ماعدكمش مع القرايا . كلست مع اية وهضرنا شي 30 دقيقة تقريبا وحاولت نتعرف عليها كثر وحاولت نغير فيها شويا ونحيد منها ديك الحشمة من جيهتي وخا كتبان لكم نص ساعة قليلة مي انا ستاغليتها ولعبت بأفكرها شويا مهم اية علما قالت ليا كبرات فعائلة محافضة من درجة المتوسطة وعندها خوتها كبار وملي دكراتهم ليا بان ليا فعينيها شويا دالخوف مي مبغاتش تعمق فتفاصيل دخوتها منعرف واش كتخاف منهم ولا اش تم وعاودات ليا بلي مها ماتت ملي كان فعمرها هي 8 سنين وبلي باها تزوج بوحدا خرا وهي كتقول لها ماما وخا هي ماشي مها لحقيقية وشخصية دأية كتبان ليا ضعيفة بزااف معرفتش واش كتعيش شي ضروف ماشي هما هادوك ولا شنو واقع ليها حيت طوال ديك المدة لكنا كنهضرو فيها هي كانت غي كدور فعينيها وكتشوف فالمحيط لحنا كالسين فيه وكتبان ليا خايفة من شي حاجة .مهم دازت نص ساعة وقالت ليا اية غنمشي و وصلتها تالواحد لبلاصة وقالت ليا صافي غا سير احسين انا غنكمل حيت دارنا قريبة من هنا وسلمات عليا ومشات انا ضحكت وقلت ليها " اية عفاك بقاي ديما ديري بحال هكا متقرايش سبورة ديال الإعلانات " كنت باغيها ضحك وتكون هاديك أول مرة نشوف فيها اية كضحك مي للأسف حتى الإبتسامة مضهراتش فوجهها اكتفت بالإشارة بيدها ومشات .