دخل عهد كيباركي الطوموبيل بعصبية فالباركيكنغ وكيردها اللور بالجهد ورجعها القدام وغيثة شادة فالكوسان كتمخض وراسها كيمشي ويجي والزاج فومي اسود ماكايبان ليها تا حاجة برا تا نزل عهد وزدح الباب ونزل نور برك على الزر باش يرحع الكوسان لقدام وتنزل غيثة، يالاه نزلات تقلبات كتقيا بالدوخة ديال السوكان وعهد زاد وخلاهم موراه ومشا دخل وبقات هي كترد توطبوع حدى الجوموبيل تا سخفات وخرجو عينيها ونور شاد ليها فيدها والحزن غالب عليه غير كيشوف وكيتنهد ، وقفات الطوموبيل اللي موراهم ونزلات مها وجات شداتها وهي كترد ونور دخل مرفوع وتبعاتو مؤوة كتبكي وكل واحد وحالو ، ملاك ماعرفاش راسها فين هي ماتيقاش وغيثة جالسة تخرج فمسارنها ومها حشمات تا هزات غيثة راسها شافت فين هي عاد تصدمات ودهشرات ومها جاراها وهي غادة وكتقلب على نور بعينيها ودايخة فالناس غير حاللة فمها تا دخلو للصلات اللي وسط القصر والخدم كينضمو ويديو الناس يجلسوهوم ، جلسو وسط الناس ومكمشين وسط الجو ديال البكاء وكل واحد كيبكي فصمت بلا غوات بلا نتيف والناس جالسين راقيين وكلاص كل واحد جالس ومقاد بحال الى جاي لسبوع ماشي لكنازة ، كلشي فابهى حلة و الليكات فاليدين والرجال بالكوستيمات والخدم مصافين فصف واحد بانتضام وكلشي تحت السيطرة ، بكات ملاك تاهيا على زهرها بحال الى كانت كتسنى فير البلاصة فين تخوي قلبها اما غيثة غير حاللة عينيها ومدمعين بحال شي بنت فعمرها خمسنين بريءة وغير كتشوف بعينيها فالناس و الرقة دالقصر مبهوطة ونسات راسها حاضية غير الناس تا نخزاتها مها
ملاك: فين كتعرفي هاد الناس؟
غيثة: مانعرف خليني😟
ملاك: واش انا كنحلم ولا بصح؟ حنا فالقصر يالمسخوطة ديالمن هاد القصر؟ واش هاد نور ولد شي امير ولا شنو؟ هادشي بزاف؟
غيثة: (بغات تنوض) انا ماجا (انا راجعا)
ملاك: فين غادا؟ دوزي تجلسي واش ماكتشوفيش حنا فين؟
غيثة: هانا ماجا غير خليني😟
ناضت وخلات ملاك كتحلف وكدور فعينيها ماصلاحش ليها تنوض لها قدام الناس ومشات غيثة كتشوف فينات لا فامي ودور فالقصر غادا وحاللة فمها تا بانو ليها الدروج كبار وغيؤ الخدم اللي كيطلعو لتما وتمات طالعة كتقلب على نور تا لقات مروى جالسة هي ونضال غير بجوج فواحد الصالة صغيرة بالفوطويات ومروى ماعسة على سدر نضال كتنخصص وهوا كيسكت فيها ويبوس ليها فيدها ، بقات غيثة معجبة فيهم تا شافها نضال وهي تحشم
غيثة: يغيت نشوف غير نور 😳
نضال: فبيتو ، (عقل عليها نهار الحفلة ونعت ليها بصبعو جيهت البيت وقلبو وجهو جيهت مروى كيعنق فيها وغيثة مشات فاتجاه اللي وراها كتقلب والبيوت بزاف مستفين واحد حدا واحد
مروى: شفتي نور مسكين ؟😢
نضال: فبيتو احبيبة كنت معاه
مروى: وعهد؟😢
نضال: مرييض ، شد فيه الرواح وبغا يبقى بوحدو ، خليتو ناعس وشي نعاس ماغايدوز عليه
مروى: عنداك غير نور يجلس بوحدو يبقا على الشراب تا توقع ليه شي حاجة
نضال: لالا غير رتاحي نتي ...خليت صابر معاه و وصيتو مايخليهش بوحدو
مروى: (بغات تنوض) نمشي نشوف عهد واش داز عليه الحال
نضال: (شدها) غير خليه يغا يبقى بوحدو ..راه غير كان سخون وخوا على راسو الماء بارد ودابا ينوض بييخير
شدها ماخلاهاش تنوض وبقا جالسة وكتنخصص ، اما غيثة شداتها جوالة مع واحد الكولوار كتحل وتسد فالبيوت كتقلب على نور تا دخلات لواحد البيت كبيير بحال سويت لقات فيه شوية الضوء شاعل خفيف فيه الريحة درجال و رقات غادة مسرحة عينيها تا بان ليها فوق الناموسية ناعس على كرشو وضهرو عريان والبيت سخون وراسو مخشي بسن المخاد كيبان غير ضهرو وشعرو كحل ودرعانو فيهم الوشام وقربات عندو جلسات حداه فوق الناموسية بشوية كتشوف فيه تخلط ليها الاعجاب مع الحزن وهوا قدامها شاد الناموسية كلها ..
جلسات حداه وهوا كان فايق ماناعسش غير خاشي وجهو ، حطات يدها على شعرو وهوا يضور كيهضر تحت السنانعهد: ميساء غاتقلبي عليا ولا... (شاف غيثة)
غيثة: 😱(جمعات الوقفة )
عهد شافها وعينيه حومر ومزيرين بالرواح ، غير شافها سخط وكيخزر فيها وناض لاح الغطى بالزعفة ، وغيثة كطلع فيه وتهبط مصدومة ووجها حمر ومكمشة يديها مزيرة ، شدها من دراعها وجرها بالجهد وهي كي الريشة تا لسقات مع الحيط
عهد: (زاد دخلها فالحيط) ماعندك تا لغة يا البرهوشة الكاسولة فااااك (تعصب)
غيثة: الخراااااا طلق مني تفووو 😡
عهد فهم تفو حيت كيسمع كراميل كيقولها وعرف بلي عايراتو وجمع معاها بتسرفيقة تا عواج ليها العنق وبدات كتبكي
غيثة: 😭😭كتحكر عليا اهىءاهىءاهىء شني زعما انا ماعنديشي الصحة ندافع على راسي يال الحيوان (كدفع) طلق مني اهىءاهىءاهىء 😭😭😭 مشي عند اللي قد وعمل راجل عليهم اهىءاهىءاهىء 😭😭😭
عهد: انا شماتة (كيحسب ليها وهي فالارض) وبغل ياك وحمار ..زيدي شنو اخر ؟ (تعصب عليها )
هزها بجاكيطتها لاحها على الناموسية وهوا على سبة زادت كملات ليه هيا وحيد ليها حوايجها وهي كضرب وتفركل وتغوت وهوا ضخم عليها تمكن منها وحمها وهي كتزيد تغوت وتعايرو
مروى: اش جايها عندك؟ هاااا؟ شنو اللي جابها عندك وهي كانت كتقلب على الشومبر ديال نور ، كيفاش تا وصلات عندك؟
عهد سمعها تصدم بقا غير كايشوف ومروى كتحيح عليه ماخلاتش ليه
عهد: تناقشنا الواليدة وستافزاتني و.. (قاطعاتو)
مروى: ستافزاتك نضتي تكرفستي عليها (كتغوت) شنو سنافدتي دابا هاا؟ بردتي ؟ تهنيتي ؟ طفات النار اللي فقلبك ولا باقة؟ من الصباح ونتا جمع جمع جمع جمع تا جات هي فطريقك خويتي فيها غدايدك؟ ...كنتي على شبة اما هي مادرت ليك والو 😡 علاااش اعهد علاااش
مروى كتحيح وعهد خرج للبالكون كيكمي معصب ضرب الطلبة تهرسان ومروى كفضات على يديها ومشات عند غيثة تسعفها ، غير حيدات عليها الغطى وهي ترضو غمضات عينيها ماقدراتش تشوف وخرجات عندو جراتو
مروى: زيد عندي لهنى تشوف شنو درتي ، (وقفاتو وعرات الغطى) شوف الاعصتب فين وصلوك دابا ، شوووف مزياااان ، (عهد شاف وقلب وجهو) كي جاتك دابا ؟ شنو دارت ليك هاد البنت وهي اللي فيها يكفيها وشحال وهي ناعسة فالكلينيك ... (غوتات) هزها 😡
عهد: فين غنهزها (تعصب)
مروى: هزها دخلها لدوش 😡
هزها عهد كيتنفس بعصبية ودخلها لدوش حطها وسط الماء وماحملش راسو وغسلات ليها مروى بلا متفزك ليها شعرها وعيطات العهد هزها فيديه ومروى كتلبس ليها البينوار وكتشوف فيه كتندمو وهوا كيحول عينيه ماكيبغيش يشوف فيها تا مقاو ليها الحالة وحيدات مروى الغطى على النماموسية وفرشات واحد اخر وحطاتها فوقو ، جات تلبس ليها حوايجها وهيا تلقى اليبنوار تنقط بالدم حيت مزال كيهبط وزادت جعرات على عهد اللي كل مرة كيخرج للبالكون باش مايشوفش داكشي ومو كتعيط ليه يشوف باش تندمو
مروى: عهد...سير جيب ليا فوطة من الدوش واجي عندي لهنا
مشا جاب ليها عرام دالفوطات وبغى يخرج للبالكون وشداتو
مروى: جلس حدايا هنا ...😡
جلس كيسوط وساكت كيجمع النفس ويطلقها وهي دارت ليها فوطة بين رجليها ولبسات ليها السليب وعهد قالب وجهو معصب ..
مروى: لبس ليها حوايجها هانا جايا دابا ...
عهد: وا الواليدة... (سكتاتو)
مروى: عجبك الحال فاش حيديتهم ليها ياك، ايوا حتى دابا لبسهم ليها تا نرجع😡 نشوف شنو واقع برى ونهدن مها على بيدمن نشوفو هاد الحالة فين وصلتيها 😡
خرجات مروى وخلاتو غيطرطق كيلبس لها حوايجها و عاقد حجبانو، جا يلبس ليها السروال لقى الفوطة طبعات بالدم وحديها دار ليها وحدا خرى بينها وبين السليب وحط لخرى فالجنب ولبس ليها حوايجها وخرج للبالكون كيتمتم فنفسو ويضرب الحيط غير بوحدو ويكمي كارو تابع كارو ...
خرجات مروى كادور فالقصر كتشوف الاحوال كي دايرين لقات خوها صابر و نضال بجوج فالجردة ومشات طلات على نور لقاتو متكي فبيتو وكيتنخصص و دخلات باستو من راسو وهوا ساكت ماجاوبهاش وخرجات هبطات لتحت وسط اجواء الموت وكلشي كيهرنن مشات جلسات حدى مالاك اللي جالسة على الجمر وكتشوف بعينها على الله تبان ليها غيثة تا جلسات حداه مروى
ملاك: الله يرزقكم الصبر😔
مروى: امين(تأثرات)😢... ماتخافيش على غيثة راها لفوق مع وعد بنتي جالسين فبيتها ...وعد محتاجة ادلشي واحد اللي يسمع ليها ويصبرها وميما كاتشوفي كلشي مشطون وحتى واحد ماعندو العقل ، داكشي علاش لقات حداها غيثة مونساها
ملاك: الله اودي ياللة براك الله فيك وسمحي لينا على هاد الدخلة 😥
مروى: ماتقوليش هاكاك ، بنتك بحال بنتي وعزيزة عليا وعاودات ليا على الضروف اللي كدوز منهم ، وانا غنعاونها ونعاونك حتى نتي انشاء الله ، مرحبا بيك معانا وماديري فراسك والو ، كاع المشاكل غتحل
ملاك: (حشمات من معاملة دمروى ليها) الله يكثر خيرك الاللة وسمحي لينا زشكرا هزيت همنا وسط هاد الضروف اللي كدوز منها والله يعضم الاجر
مروى:(سلامت عليها والدموع فعينيها) لهلا يخطيك الحبيبة، غيثة راه غتبات مع وعد وحتى نتي غتباتي معانا ، ولدي نور عاود عليكم ودخلتو خاطري وحتى غيقلق الى مشيتو (بغات تنوض) الى عيتي من السفر اجي معايا نوريك بستك فين تباتي ورتاحي
ملاك: بلا ماتعدبي راسك الاللة ولاهيلى كتحشميني بهاد التواضع ديالك ، لهلى يخطيك ويصبركم ويصبرنا كاملين ...غير خلي غيثة مع بنتك ماعندي حتى مشكل
ناضت مروى بعد ماتهنات من جيهت مامات غيثة وطلعات لشومبر دعهد لقاتو ملبس ليها حوايجها ناعسة فوق الناموسية وعهد فالبالكون ساخط على الوضعية تا دخلات عليه مو
مروى: نوض اجي لهنى 😡
عهد: لا رد
ناض كيصبر لهضرة تمو وماكيجاوبهاش فقط مغدد من لداخل وكيرد الحر لداخل
مروى: غانديوها لكلينيك دابا
عهد: شناهواااا!!!!؟؟؟؟
مروى: كي كتسمع ، ماحد كلشي ملهي غاتنوض دابا تهزها تخرجها من الباب لوراني ديال القصر وتديها لشي كلينيك قريب
مروى: لبنت محلولة دابا ولبرد فالزنقة غيفرعها لبرد، غاتديها بلا مايسيق شي واحد الخبار لا من رجالك لا من رجال باك ولا من رجال خوك ، دايرين خليات هنا كل واحد وعصابتو ماكتفلتو تا خاجة ياربي السلامة ، يالاه هزها😡 وغير بشوية عليها ؤاك فرعتيها يا المصيبة
عهد: ماغتمشيش معايا؟
مروى: مالي حمقة نخرج دابا ، باش باك يشخشخ ديلمي
عهد: وشنو دابا؟
مروى: غاتديها بوحدك وتجلس حداها وتلسفون فيدك ياش ما كان جاوبني ، مالك خفتي ! ...نتا مزعزع الدنيا فكولومبيا و جيت تا لعادي وحلتي زعما؟ باااز ...يالاه نزل من الططريق لخرى وخرجها من الباب اللوراني ، راه هادشي اللي درتي لهاد لبنت ماغاديش يخرج ليك طريف ودنوبها غيخرجو فيك ، مازال حتى جداتك ما دفناها ونضتي نتا بهاد الجنون اللي فيك ضيعتي لبنت شرافها ، ماقتلتينيش فصغرك غاتقلني فكبرك ، شي نهار تسكتي لقلب
عهد: كيسمع كيغزز سنانو ماقدرش يرد عليها وكيتسناها تسكت حست عارف راسو يلا جاوبها غاتزيد طليه واجا ماسكتها ، لبس كريرة كحلة فوق التوني لكري وسبرديلتو نايك وهز غيثة فيديه ملوية فالكاشة وداها كيما قالت ليه مروى ، غادي بيها من الباب اللوراني وكل شوية يشوف فيها وهيا سادة عينيها ومضوربة فوجها والتقاشر غوز فرجليها ويديها مجموعين فالكاشة بحال شي دري صغير و شعرها كيطير تا هرجها من الباب لوراني فضلام وركبها حداه وهي راسها كيتمايل ، نعس ليها الكوسان ودار ليها السمطة من جوج جوايه باش ماتميلش و دار السيلونص لطوموبيل وقلع كايطير يد فالفولون ويد شاد ليها فيدها وكل شوية يضور يشوف فيها تا وصلها لكلينيك
وصلها ونزل هازها فيديه و غادي وكيغطيها بحال شي بنت صغيرة وسجمع ليها رجليها عندو تا تعرض ليه واحد من الاطباء كيوريه فين يحطها ودخلها للشومبر وحطها وسولو الطبيبالطبيب: شنو المشكل اللي عندها؟
عهد: (بالصعرة) تغتاصبات
خرج صاعر برا وبقا واقف واقف كيهز ؤاسو فالسما ويؤجع يشوف فالارض وكيمشي ويجي ويمسح على شعرو وعنقو تا خرج الطبيب
الطبيب: مع الاسف ...البنت تعرضات للغتصاب خطير وطرطق ليها العرق و تقاس ليها الرحم وخاصنا نحيدوه ليها فأقرب وقت اما العرق راه كويناه وحبسنا الدم
عهد سمع الطبيب اش قال وتصمك بقا غير كايشوف وضرب راسو مع الحيط تا تزعز والطبيب حدر راسو وزاد مع الطريق ، بقا عهد يمشي ويجي و الدنيا دارت بيه ورجع جلس جبد الكارو كيفدي الغدايد وكيشوف كيفكر فشنو المعمول تا ضرب يدو للجيب جبد التيلي كيدور لمو للي كانت جالسة على البيضة كتفكر الموت كتجلس تبكي وكتفكر غيثة كتجلس تندب اما ملاك جالسة مع الناس حجو ليهم العشى وكضرب فلحم الغزال وفواكه البحر والديسير بشتى انواعه والحلوى كتفرق والعواصر ماحبسوش ومافراسها مايتعاود ،مروى غير شافت عهد كيصوني طارت للبيت ديالو جاوباتو فالبلاصة
مروى: الو ...
عهد: الواليدة انا غندي غيثة دابا معايا لكولومبيا
مروى: 😨 علااااش واش تسطيتي ؟ مايمكنش😡 واش غير اجي وديها؟ سحاب ليك هما بحالنا ، مها راه مخلياها امانة عندنا ونور كيشول عليها وتجي نتا تديها؟
عهد: انا قلت للي عندي وللي بغا يوقع يوقع (قطع )
مروى: اويييلي واش هادا تسطى ولا مالو ؟ غيحمقني عاد المسخوط عيت مانستر عليه، ولاكن ماغيفكتي معاه غير نضال
نزلات كتجري تقولها لنضال وهي تلاقى صابر طالع مع الدروج مسخسخ ولسقات فيه
مروى: صابر (كاتشوف فجنابها) انا فمشكل كبير عاوني عافاك
صابر مالكي ياك لاباس ؟
مروى: عهد غتاصب الصديقة ديال نور عاد دابا وداها لكلينيك ودابا قالي غايديها لكولومبيا والبنت مريضة ومها معانا جات تعزينا وهما كيتبعو التقاليد والاعراف ماغنلقى باش نجاوب مها وعاد نور مابغيتوش يعرف
صابر: (تصدم) مشكيييييلة هادي مع عهد عاوتاني ....صافي غنتبعو بلا ماتوصلي هادشي لشي واحد لا نضال لا لنور غادي ينوض الصداع وعهد قبييح غيتعادا مع ياه وخوه ، انا غادي (مشا)
خرج هوا وطلعات مروى كطل على نضال لقاتو مع نور فالبيت ورجعات جلسات كتخمم وتبكي تا بانت ليها نانسي جايا كتجري عندها وكتبكي عنقاتها و جلسات حداها ، زعرة وطويلة جسم منحوت والصدر واقف ومؤخرة بارزة وعينين جدابين وفم مرسوم وبشرة فاتحة وآية في الجمال
نانسي: كي بقيتي 😢 انا غير سمعت الخبار جست كنطير، فين حبيبي عهد؟ بغيت نشوفو
مروى: عهد عيان احبيبة مابغا يشوف حد ، ساد على راسو
نانسي: غايبغي يشوفني انا 😢 كيرتاح ليا غانمشي عندو
مروى: سيري غيوريوك البيت ديالو الى حل ليك الباب دخلي عندو
ناضت نانسي كتجري لابسة كسوة قصيرة كحلة باليدين وليبة موس كحلة وطالون كحل عالي وليكات كوحل ديال الجلد فاليد وساك فاليد وشعر مطلوق ومشات دقات تا عيات ماسمعها حد جبدات تيلي كاتصوني عليه، عهد فاش قطع مع مو دخل عند غيثة لقاها معاها الفرمليات وناعسة على ضهرها دايرين ليها الاكسجسن وحالين ليها رجليها معلقينهم كل رجل فقنت وهضر بالزعفة مع وحدة من الفرمليات مشات عيطات ليه على الطبيبوجا كيطير دخل عندو
نضال سمع مرونها ونزل كيطير وسط القصر تا قشعاتو مروى وتبعاتو كتجري موراه بلا ماتعيق قدام الناس تا خرج نضال برا وهي موراه
مروى: مالك ، شنو كاين (اويلي عنداك يكون ساق الخبار😱)
نضال: جلسي هانا جاي ..
ركب وخلاها وتبعوه رجالو موراه مشا نيشان تا دخل على عهد وموراه عرام ديال ايكارد كورد شاف الروينة وعهد هاز السلاح من نوع خاص الحجم ديالو صغير من نوع كوبوي وكامل دهبي ماكيصدرش الصوت (الصورة) وتقيل واخا صغير بزاف ديما كيهزو عهد معاه تصنع خصيصا ليه ومنحوت بعبارات خاصة وعليه اسم عهد
نضال: حط السلاح اعهد (غوت)
عهد ضار شاف فيه مغزف ورجال نضال واقفين كيتسناو اللحضة اللي يشدوه فيها لان التعليمات دنضال قالهم يشدوه
نضال: هضرت معااااك ..حط السلاااااح
عهد بعصبية رجع القرطاس لبلاصتو وخشا السلاح لور ، يالاه خشاه طارو عليه ليكارد يشدوه ولاحهم كاملين تا واحد ماقدر يشد فيه ، نضال صعر ومشا عندو وقف قدامو وعهد كيلهت واقف والتيشورط كري ولات فازكة من السدر بالعرق ، وقف قدامو نضال وغوت عليه
نضال: خرج برا ...خراااااج
خرج عهد غادي ساكت وكيضرب فاي حاجة جات قدامو وكيتعصر فنفسو ونضال موراه و كيشوف فيه تا خرجو لزنقة
نضال: اشنو درتي ؟ (غوت) هضاااااار شنو درتي ؟
عهد ؛ (غوت تا لسما تا بانو ليه العروق) عتااصبتهاااااا
نضال: شدووووه (امر رجالو يشدوه)
اللي جا بغا يشدو كيضربو عهد ورجع مشا عندو نضال وقف قدامو وعهد غيطرطق مكيقدرش يرد الهضرة على باه حيت كيحتارمو وعمر نضال هز عليه يدو ولا ضربو لان كل واحد كيحتارم الطرف الاخر، نضال هز يدو حطها على عنق عهد اللي مزير قاضح والعروق خارجين تا طاح عهد على ركابيه و كيغوت لسما تشللات فيه الحركة كيقدر فير يهضر ويشوف وتوقفو يديه ورجليه بسباب الابرة لي ضرب ليه نضال فعنقو باش مايتحركش
نضال: شدوه دابا وديوه هانا جاي موراه (مشا)
عهد: كيشوف بنص عين والفوار طالع منو وكيغزز سناو وكيحاول يحرك يديه مي كيحركم شوية ، شوده وهوا يضرب لي حداه براسو تا جا فالارض وضرب التاني من الجهة الاخرى بروسية تا رعفو وجاو عندو كاملين تحاماو عليه يشدوه وهوا وكلهم مهربين ريوسهوم وداوه كيسب و يدفل عليهم ويتحلف فيهم ولي قرب ليه كايكالها بروسية ، اما نضال رجع عند صابر اللي خلاه كيهضر مع الطبيب وفسر ليه الحالة ديالها
نضال: شنو كاين؟
صابر: عهد غتاصبها و هتك البنت تا قاص ليها الرحم و قالك غايتحيد ليها
نضال: مسخوط الواليدين هاد المسخوط خرج ليا من الجنب ، غادي يخرج ليا عقلي، عؤفتو غايكبت شي تكبيتة من الصباح وهوا كينفخ ويسوط كيتشارجا ، ضسراتو مو والله تا ندمو على هادشي ، اش قربو لبنت (تعصب) البنت جات تعزينا وهوا خرج عليها وباقا صغيرة بالمكبوت لاخر بانت ليه غير هي والصديقة د نور من الفوق ...
نضال: دوخني ولد الحرام حرت معاه والله تا حرت، المشاكل فاش كتنزل كتنزل دقة وحدة، مهم خليوها هنا عيط ليها على الاطباء دالعاءلة يحضرو دابا وانا غنمشي تا نرجع ..
صابر: عنداك اصاحبي تقتلو ، برد الاعصاب
نضال: بسبعة دالرواح داك المسعور ماغاديش يموت غير تهنا ...
رجع نضال للقصر داخل سخون كيشوف بنص عين ومروى كانت جالسة كتسناه تا شافتو داخل ومشات تعرضات ليه غير وصلات عندو وهوا كيتمشا بزربة ..نضال: تبعيني 😡
مروى: 😵واخا
مشات موراه نا دخل لبيتو وهي موراه سدات الباب كترعد وضار عندها
نضال: ماعلينا داب، ماغنهضروش تا لمن بعد ، غاتمشي تعيطي ليا على مها دابا
مروى: 😨 اويلي
نضال: سيري جيبي مها 😡
مروى: 😫 واخا
نزلات مروى مشات تجيب ملاك والخبار لكيد وصلات لنور بما ان ناضت الروينة فالكلينيك وصلوها ليه سخونة وهوا فالبيت جالس بوحدو تا ناض صاعر بتوني اسود وتيشورط نص كم مشا نيشان لبيت عهد فرع الباب مالقاهش وهبط وسط عباد الله كيجري تا كلشي وقف كيشوف مالو تا بعينو برا القصر يعرفو شنو كاين وهوا قلع وزاد كايطير وملاك وحدة منهم تا نزلات عندها مروى كتبكي
مروى: اجي معايا بغيتك ضاروري
ملاك: واخا 😔 ماديري فراسك والو راه كلنا ليها
مروى: سمحي لينا 😢
ملاك: نتوما للي سمحو لينا تقلنا عليكم
مروى:😭
طلعاتها مروى لفوق لواحد الصالة خاصة كان فيها نضال غادي جاي كيتسنى تاجلسات ومروى كتبكي وترعد
خرج نضال خلا مروى معاها كيفيقو فيها والخدم ضايرين بيها ومشا شد الطريق عند عهد ، اما نور وصل للكلينيك لقاه مفجر بليكارد كورد كيضربو السلام و مشا كيجري عينيه حومر وكيعمر فالفردي فالطريق تا وصل الشومبر كيقلب بعينيه على عهد مالقاهش و هوا يبان ليه صابر جالس ، شافو صابر وناض كيجري عندو
نور: كيفاااااااش !!!!!!! وبربي تا نفقص لديلمو الخاصيات وحيدو ليها الرحم ، شداه ليها ...فين كيعرفها باش يتعدى عليهاااااا البنت قاصر واااااااع والله تنقتل الزامل بوه
صابر ماقدرش يشدو ونور كيطير وسنزل غيتفركع كيضرب ويهرس ماخلا تا كرسي صحيح ، شافو صابر غاسقتل شي حد والفردي فيدو وعيط لنضال ، نضال قلب الطريق ورجع للكلينيك كيجري لقاه مرونها وتصرف معاه نفس التصرف اللي دار مع عهد وحتى نور مقدرش يرد الهضرة على باه وجلس كينفخ حدى الانعاش ونضال جلس حداه كيكالميه
نضال: غيتزوج بيها بزز منو وستحمل مسؤوليتها بغا ولا كره
نور: ياش يتكرفس عليها كل نهار يااك ؟ (معصب) انا السبب تا جات لبنت عندي وتعلقات بيا وانا اللي غنتزوجها ومانخليهاش ضيع ويتكرفس عليها ولدك اللي ماعندوش القلب
نضال: من حقك ، بغيتي تزوجها داابا نزوجوها ليك
نور:دابا نيت ، وحتى مها مايوقع ليها والو الى يتزوجتها
نضال: مرحبا ...صابر 😉
صابر فالبلاصة وقبل متفيق مها وتجي حضرو كلشي فنصاص الليل و كتب عليها نور ودخلو ليها وسط العماليات بصمو ليها صبعها تما وجمعو وطواو فساعتاين عاد جات مروى ومها كيجريو تعرض ليها نور وهي كتبكي غتسخف
نور: (شدها) انا اللي تكرفست عليها وراني تزوجت بيها
ملاك: 😨
ملاك: 😨 علاااش تغتاصبها وهي مادارت ليك والو 😭😭😭😭 حرام عليك بنت وحدة اللي عندي رزيتيني فيها 😭😭 اهىءاهىءاهىء مللي بغيتيها من اللول اجي طلبها والعيب والعار يلا حيدتها ليك 😭😭😭مروى:😢
نور: غدا غنشوفوها كاملين ، دابا راه تحت العناية المركزة (كيهضر وكيخبي الغضب ديالو)
جلسات مروى وملاك كيبكيو بجوج والرجال بوحدهم كيتسناو النتيجة تا نوضات مروى مالاك لشومبر ترتاح ورجعات جلسات كتشوف فنضال بنص عين عالله يهضر معاها وتاهوا كيشوف فيها بنص عين مقلق منها ونور بيناتهم جالس متكي على ركابيه حامية فيه العافية تا خرجو الاطباء كيتناقشو بناتهم ويضحكو ، شافو نضال وجمعو الوقفة ...
الطبيب: شكون اللي قال خاصها تحيد الرحم؟ الرحم ديالها مزيات غير تقاس شوية من واحد الجهة وصلحنا الوضع خارجيا واخا طاح منو واحد الطرف صغير من على برا مي مع الادوية كيتكون من جديد دغيا وهادشي كيوقع عادي ممكن يتعرض ليه اي واحد
صابر: ؟؟؟؟ واش متأكد؟
الطبيب: متأكد ، كنضن الطبيب اللي كشف عليها فاللول ما حللش الحالة ديالها مزيان وغلط وصافي ، مايحتاج يتحيد ليها الرحم ، كلشي داز مزيان واخا البنت خصها وقت طويل باش تبرى حيت الاغتصاب اللي تعرضات ليه شنيع بزاف وهي ماشي قد هادشي
نور: (والله لا خليتها فيك اعهد ، غير يلاتي غنتلاقاو نتلاقاو ، طال الزمان ولا قصار)
نضال: !!! صابر شكون قالك غيتحيد ليها الرحم؟
صابر: الطبيب الاول اللي شافها!!!!
نضال: امم واخا جيبو ليها هاد الطبيب الناجم نتعرف عليه
مشاو جابو ليه الطبيب للي كشف على غيثة فاللول ولقاوه شارب الشراب باش يقدر يخدم بالليل ، ناض ليه نور عطاه جوج بونية وهزوه داوه فين يتربا
ناضت ملاك بعد ما عطاوها مهدىء وخرجات كترجي طل على بنتها لقات غير مؤوى ونور اما نضال وصابر مشاوملاك: 😭😭😭 بنتي ...كي بقات بنتي؟
مروى: 😢 مزيانة الحمد لله غدا غندخلو نشوفوها فير تهناي راه هضرنا مع الطبيب
ملاك: الله ياربي شهادشي سلاط علينا
مروى: دابا صافي تحل المشكل و غيثة تزوجات ، يعني مابقا تا مشكل
ملاك: اش غنقووول لخالها واش غانقول لعاءلتي وباها الى سولني عليها
تور: (تعصب) ماغاتقولي ليهم والو ، مني ليهم
ملاك: راه غينكروني عاءلتي والى بقيت بلا عاءلة راه كابقى والو، غايسيقو الخبار ينكروني انا وبنتي 😢
نور: ماغاتقولي ليهم والو ، ماغاتقوليش ليهم تزوجات ولا وقع ليها هادشي ولا حتى حاجة، عارف انا كيفاش كيفكرو ، دابا غتبقاي معانا تا تبرى غيثة ونديرو داكشي اللي كاديرو وكيفاش كاديرو مهم كاشي غايمشي على حساب داكشي ديالكم
ملاك سكتها نور ما خلا ليها فين تزيد تهضر وبقاو قصارين فالكلينيك تا واحد ماداه نعاس ومروى رجعات للقصر بقا غير نور جالس شاد راسو ومالاك حداه كتبكي، اما نضال مشا تا هوا للقصر فبلاصة اخرى سرية ماكيعرفها تا واحد ودخل عند عهد اللي شدوه فوق كرسي ديال الحديد شادين ليه يديه بالحدي غليض باش مايتحركش من بعد مامشا مفعول الابرة وبدا كيتحرك
نضال: متربيت فيك واالو 😡 الوحيد اللي طلع مربي هو نوور ، فرعتي لبنت تا شرشمتي ليها الرحم وصغر منك ، شداكشي درتي ليها 😡 وعلاااش ، شنو السبب اللي خلاك دير داكشي
عهد : اسباب خاصة (كيهضر تحت السنان بعصبية ماكيهزش صوتو قدام باه)
نضال: اهاه!!! اسباب خاصة ! شنو دابا مصير ديك البنت ؟ خرجتي عليها على قلت لبنات ؟
نضال: غتنوض دااابااااا الطيارة اللي جابتك ترضك سير قتل ولا كزر كي بيغيتي فجهة اخرى والمغرب عمرك تحط فيه رجلك سمعتي، وحتى الدفن ديال دالميمة والله لاحضرتي ليه ...
نضال: غوت ...تعصر ...موت والله لاحضرتي لكنازة ، عقاب ليك وغتبقى هنا تادوز الكنازة بلا كارو بلا ماكلة واخا عندك الماكلة زتيدة ناقصة ولاكن الكارو والله لا شفتيه ، عرفتي الفرق دابا بين الاكسجين والكارو ... (كيفقصو) هوا الاكسجين الى ماشميتيهش تموت ولكارو واخا تموت والله لا شميتيه هههه خليك هاكا يتفركع ليك الراس ، ونزيدك الحالة اللي درت فالبنت غطاها خوك وتزوج بيها سمعتي 😡
خرج نضال وخلا عهد كيرعر يوحدو مربوط والكرسي تقيل لاسق مع الارض ديال الحديد وكيتنفض فبلاصتو وعهد كيغوت ولا حمر والعروق يانو مشدود من يديه ورجليه وكيسب فالرجال اللي ضايرين بيه من السمطة لتحت وكيجر يديه تا سال الدم منهم بغا يتسطى وينوض وكيبرد جنونو فليكارد اللي واقفين كيسمعو فالمعيور ومصمرين بعاد عليه وكيشوف فيه كيترطى والكرسي كيتزعز خايفين ينوض، اما مروى جالسة على البيض غتسطى على ولدها تا رجع نضال داز من قدامها ماوقفش ليها ومشا سد عليه فالبيت وبقات هي كتشوف ماقدراتش تبعو ، داز الليل كحل على كلشي تا صبح الحال مع الستة دالصباح فالكلينيك فالشومبر دغيثة وحلات عينيها من البنج مكتحركش غير كدور فعينيها ولسان تقيل والاطباء ميريكانين دايرين بيها وكيجربو واش تجاوب معاهم مي مكتفهم تاحاجة غير كتشوف بعينيها تقال وفمها ناشف ، حيدو ليها الاكسيجين وخلاوها ترتاح تا ضربات العشرة وتوكضات ودخل عندها نور اما مها داوها لاشومبر عطاوها مهدءات ترتاح، دخل نور لقاها مجبدة على ضهرها وكتشوف بقات فيه وقرب ليها
نور: غيثة 😊 سافا؟ عرفتيني؟
غيثة: هههه نور كنبغيك 😍 ههه
نور: 😰 غيثة سافا؟؟؟؟
غيثة: خرج لي التمرين وسال الدم 😮 ههه شكون ضربها ، انا غيثة 😠 مشي بحالك تفو ، عانمشي مدراسة نشيشو ههههه(كتهضر بزز)
نور: 😨صافي هادشي ياربي اللي كان ناقص !!!!لبنت تفركات فدماغها ، والله تاندمك اعهد ، بربي وحرامت عليا الميمة تا نخرج عليك
غيثة دخلات فحالات صدمة اللي خلاتها تفقد ماتبقى لها من العقل وصدمات معاها حتى نور اللي بقا واقف كيشوف فيها وهي كضحك وتبكي فنفس الوقت وتهضر بوحدها يحال الى كاينين معاها الناس وماكايبانوش كتجمع معاهم بقا نور كيهضر فالشرق وهيا كتجاوبو فالغرب فاللخر ماطلع ليه والو معاها وخرج كيخمم معصب تا جات مها طل عليها ونفس الديكور اللي وقع لنور وقع لمها تاهي تصدمات وندبات وجدبات تا عيات وجلسات شادة راسها كتبكسحدى غيثة وغيثة مرة تسكت مرة تهضر غير بوحدها وفين ماتبغي تحرك كتوجع وترصا مكتحركش ، بقاو هاكاك النهار كامل كل واحد شاد قنت كيتفقص فيه تا قربات العاصر وعيطو لنور فالتيلي يحضر للدفن ومشا محروق من جوج جوايه، من جيهت غيثة ومن جيهت الميمة ، رجع للقصر بلا عقل واجواك الموت زادت علات فاش بدات لافامي كدخل تودع الميمة للمرة الاخيرة وكلشي كيبكي ، غسلوها تما وغطاوها ودخل نور كيتمشى بزز وباه حداه شاد فيه تا طل على الميمة كيبكي ويشهق بصوتو المجروح والمبحوح تا هزوها فالتابوت مخرجينها ونور اول واحد هاز وروح غطلع ليه وباه وصابر و ولد خالتو رانيا للشي شد بلاصت عهد هوا اللي غيهز حدا نور ، خرجوها والناس كتسخف من موراها و وعد و ميساء ومروى طاحو ماعودوش ناضو ،ما نانسي غتسطى وتشوف عهد فين كاين عيات تسرح عينيها قدام الحشد دعباد الله ومالقاتوش ، بغاو بعض العيالات نضرا لكل واحد وديانتو يتبعو الميمة ولاكن نضال منع حتى مرى ماتمشي وهزوها خرجوها للطوموبيل طويلة كحلة وحطو الثابوت تما ومشاو صف طويل ديال الطوموبيلات اغلبيتهم ماطريكيل خارجية مكيتحدش ، ركب نضال حدا نور اللي غادي وعقلو طاير وسط شواراع مراكشي كاع الناس واقفين كيشوفو فالكم الهاءل ديال الطوموبيلات اللي موراها ، دخلوها لجامع صلاو عليها و حتى اللي مكيصليش صلى وكيتبع الناس وكملو طريقهم للمقبرة كانو موجدين ليها قبرها ديجا وحطوها فيه ونور على ركابيه كيهز فالتراب بيدو ويشوف مصدوم والدموع نازلين ليه تا وقف عليه واحد من الفقهاء...الفقيه: كتحرقها اوليدي يهاد الدموع ، ماتبكيش عليها باش ترتاح
نور سمع الهضرة ومشح عينيه بزز تا دفنوها وهز البالة رد عليها التراب ..
اما عهد باقي فيلاصتو مكتفينو يالحديد ولاكن جالس مكيتحركش كيشوف فبلاصة وحدة ملامحو مكتبشرش بالخير والشوفة ديالو مؤكزة فبلاصة وحدة جامع كف يديه والنفس كطلع وتهبط طويلة ماجا عندو تاواحد والليلة الماضية ، بقا هاكاك متحركش مدة طويلة تا دخل عندو نضال وقف قدامو وعهد مهزش فيه تلعين ومتزعزعش
نضال: دفنا الميمة ، ودابا يمكن ليك تمشي وماتعاودش ترجع للمغرب نهاءيا، نتا تسببتي لراسك فهادشي
عهد : لا رد
نضال كيهضر وعهد باقي كيما هوا ماحركش عينيه تا خرج نضال وحلو عليه الحديد وهربو من قدامو مس هوا واخا تحل الحديد مادار تا حركة بقا جالس كما هوا فبلاصتو كيجمع فالنفس ويطلقها ، رجع مور للقصر دخل لبيت الميمة ونعس فبلاصتها ومن ديك الساعة فاش قاليه الفقيه ماتبكيش مابكاش وتأزم ماخرجش من البيت تا رجع نضال للقصر مشا طل عليه من الباب وخرج خلاه ومشا عند مروى يشوفها لقاها سارحة فيلاصة وحدة شادة المخدة والخدامة كدلك ليها يدها بلاصت القلب ، قرب ليها نضال جلس حداها حط يدو يدو على شعرها مس ماتجاوباتش معاه ، بقا كيشوف فيها شحال تا هضرات والدموع فعينيها
مروى: حرمتي عهد من اخر لحضة انه يشوف الميمة فحياتو كاااملة 😢 البنت وقع ليها المشكل ووقفنا معاها كاملين وصلحنا الغلط ، ولاكن عهد ضيعيتي ليه كلشي مللي حرمتيه ، وجد راسك انضال غايجي واحد النهار وتحتاج لولدك ماغاتلقاهش 😢 وهادشي كامل دابا يدوز ويتنسى ولاكن عمر عهد يرجع كي كان، انا كنعرفو كي داير ، كان عندو قلب حنين انا بوحدي اللي عارفاه ودابا حجرتيه ليه ، الى كان عندك شي ولد سميتو عهد غير نساه..
نضال دخلات معاه الهضرة اللي قالت مروى وقلبات وجها عليه مابغاتش تزيد معاه الهضرة وناض كيفكرر ويخمم ليها ونزل بغا يخرج وهوا يبان ليه عهد داخل للقصر كينهج كيشوف قدام مكايبانش ليه كاع الباشار اللي كاين ، داز قدام نضال ماشافش فيه بحال الى ماكاينش قدامو بقا نضال متبع ليه العين تا طلع مع الدروج وعينيه فالارض ، شافتو نانسي جات كتجري عندو بغات تعنقو مي مللي شافتو هاكاك جمعات يديها وبقات واقفة تا داز حداها ومشا نيشان دخل لبيتو وسد عليه، نضال مللي شاف عهد هاكاك طلع عند نور نيشان لقاه باقي كيما هوا ودخل عندو وجلسنضال: نوور ..نوض بغيت نهضر معاك فشي حاجة
نور: انا راجل هي اللي بنت وضعيفة وباغاني اما انا كي بغيتها كي مابغيتهاش يقدر مع الوقت تبدل الفكرة ، البنت كتبغيني وانا اللي خليتها تعلق بيا دونك الى زدت وخليتها غادي تموت مافيهاش ، حيت انا اللي رضيت ليها امل فالحياة
نضال: وميساء؟
نور: هه ميساء هه ...ميساء هي اللي ماباغانيش وماعرفاش اصلا اش باغا ، انا مغانخليش وحدة كتبغيني ومادنبها والو ونتبع وحدة مسطيا كل مؤة اش كيقول ليها راسها ، واخا كنبغيها غنشد فاللي شادة فيا ماشي فيها ميساء ، خليها تا تعرف راسها اش باغا بعدا ...ماغانبقاش حياتي كاملة مرة تقولي كنبغيك مرة تقولي مانصلاحوش ...صافي تمشي ت..تعاود راسها واخا نعيش حياتي كاملة كنبغيها عمرها تعاود تسمعها من عندي ولا تشوفني كنقلب عليها
نضال: امم (كيحرك راسو كيفكر) وشنو السبب اللي خلا عهد يغتاصب غيثة؟ ياكما كيعرفها ديجا وفاش شافها معاك ماعجبوش الحال؟
نور: لا مكنضنش واش كيعرفها حيت ماكينش شي منطق اللي كيقولها؟ هوا فالشرق وهي فالغرب وكن كان كيعرفها غايبان لينا سوا من غييثة ولا منو هوا
نضال: هادا غير احتمال وصافي ! ايوا وشنو اللي خلاه يقرب ليها
نور: هادشي للي غيسطيني هوا علاش هي بالطبط وهوا شبعان بنات ! ماضططرش انه يغتاصب شي وحدة
نضال: كاينة تما ان ، عهد دافع كبير ماشي اي وحدة شافها كتعجبو ، واخا كاع تعجبو مكيبنش ليها و كيتحكم فراسو بزااف من جيهت هادشي وكيجيه باسل اصلا...هضر مع البنت وشوف منها واش ديجا دازت شي حاجة بيناتهم ولا شي حاجة بحال هاكا
نور: (كيفكر) اجي ...بما انها طار لها الفرخ غتبقى تردد غير داكشي اللي خلاها توصل لهاد الحاجة ، اي واحد دخلو الهبال كيبدى يعاود غير ماجرى ليه وداكشي اللي مأثر عليه
نضال: وحاجة اخرى هي علاش جيت عندك، عهد عطيه التيساع ، مانشوفكمش مشادين ☝ ، خلص على داكشي اللي دار و دابا جمع وطوي ومانشوفكش نتا وياه كضريو
مور: (تعصب ) ولاكن ابابا ر....
نضال: سالينا...تشاد متا وياه نغضب عليك
نور: واخا (كيسوط)
نضال يالاه رتاح ليك شوية وحاول ماتعصبش راه ماعندك الاعصاب باش يفيدوك دابا (ناض)
ناض نضال خرج وخلا نور كيبرد جنون فالكارو كتفو نضال بالهضرة اللي قاليه باش ميدابزش مع خوه و مشا فاتجاه عهد وهوا يبان ليه خارج من البيت زدح الباب موراه وغادي قدامو فالكولوار
نضال: عهد (عيط ليه)
عهد وقف بقا واقف شوية تا عاود عيط ليه نضال ودار عندو مشا فاتجاهو نشان وعينيه عامرين بالغضب وقف قدام باه كيشوف فيه بحقد ..
عهد: عمرني نحضر لشي كنازة من غير كنازت الواليدة .
عهد لاح هاد الكلمة لباح بطريقة كتسمم وبلا غوات بلا ميهز صوتو ومشا نيشان نزل مع الضروج كيدردك ونضال كيشوف فيه مصدوم وهبط فالدروج وهوا يسمع الغوات لفوق ، رجع طلع لقة الخان خارج من البيت دعهد ، دخل يشوف لقا الناموسية كتحرق شاعلة فيها العافية ولهيب النار كيضرب فالسقف...
لقا النار طالعة واللهيب فالناموسية كاملة والدخاخن كيخنقو، بقا نضال غير كيشوف فالناموسية كتحرق و ليزار فيه الدم وسبرديلة ديال لغيثة اللي بقات عند عهد فالبيت وخوايجو اللي كان لابس ديك الليلة والكالصوم ديالو وكلشي داكشي تستعمل فديكالليلة كامل فوق الناموسية كيتحرق ، مروى سمعات كلشي كيغوت والخدم كينضمو ويبعدو الناس وليكارد كورد لتحت مانعين شي واحد يطلع لفوق من غير المقربين جدا ، ناضت مروى كتجري شافت العافية الدخان خارج من البيت بدات كتغوت سحابلها عهد تما ودخلات لقات نضال وشدها عندو وهي كتشوف فالعافية كتاكل فداكشي تا دخل عليهم نور وهي تبعد مروى على نضال وعنقات نور وكتبكي ، خرجها نور من تما كيسكت فيها وهي لاسقة فيه تا داها لبيتها وجلس معاها وهي ناعسة عندو وكتشهق ، دخل صابر للبيت للي شاعلة فيه العافية مخلوع ...صابر: شنو وااااقع ، شنو كاااين؟ شهاادشي؟
نضال: هانتا كتشوف ، عهد شعل فمها العافية ، دابا قوليا كي ندير معاه ؟؟ شوف على فعايل فيه و على اعصاب كيدايرين، دابا قولي كن عطاك الله بحال هاداك كي غادير تفاهم معاه؟
صابر: فاااك ...بفففف ماعرفتش شنو كيقصد بهادشي؟ ماجاش وحرقو غير هاكاك ومحن راسو وجمع داكشي بيديه وشعل فيه العافية!
صابر: صافي دابا يالاه خرج من هاد البيت ...راه ولا كلشي رماد
نضال: عهد مرضني ...كنتفكر فاش كنهضر معاه وكيحني راس وهادشي تللي وقع دابا كنزيد نمرض ... ماعرفتش فين كان عقلو تا تكرفس على البنت ، والبنت صغيرة عليه كان غيقتلها ومادارت تا حاجة
صابر: نضال ...اللي عطا الله عطاه ، عهد كيعيش العهد ديالو ، ماتنساش كي كنتي تا نتا ...راه تاهوا دابا يكبر و يرزن راسو ويمل من من الصداع والمشاكل كما وقع معاك دابا ، مابقيتيش كتسوق حيت كبرتي واخا مشرفتيش بلا ماتقلق ههه مي الزمان هدنك وخصوصا ملي ربيتي ولادك ودوزتي تجارب رخيتي ليهم كلشي وخليتسهم يتحملو مسؤليت اغلاطهم ويضبرو راسهم
نضال: ماضربتش حساب لعهد غيوصل معايا لهادشي ، واخا عارفو عنيد ولاكن ماشي يلوح ليا الهضرة ... اودي مور هوا اللي صدق من ترابي الميمة ، كن ربيناه حنا كوراه خرج بحالو بحال خوه، ولاهيلا الى كنحمد الله على نور ، يحالو بحال سميتو ، من نهار تزاد فين ماحط رجليه كينور الدنيا وحتى مو مارجع ليها الشوف حتى ولادتو وسميتو نور على نور اللي رجع لمروى، وهاهوا تحمل مسؤولية ديال الغلطة اللي دار عهد
صابر: (تنهد) يالاه اصاحبي يالاه ...حتى نور نور نهار كينوض مكيتشدش ، عهد دابا يبرد ويرجع يطلب منك السماحة
نضال: ماعرفتش شكون اللي خصو يطلب السماحة من لاخر، واش انا ولا هوا ، انا حيت منعتو ماحضرش لمراسم الدفن ، وهوا على الهضرة اللي قاليا ومشا
صابر: بجوج تسامحو مع بعضياتكم ، عهد واخا هاكاك قلبو بيض بحال نور غير مكيبينش ...يالاه خرج من هاد البيت
خرج نضال وصابر كيهضرو وخلاو البيت مكلفين بيه الخدم من بعد نا تحرق كلشي ولا رماد ، اما عهد خرج من القصر مشا نيشان للكلينيك ودخل مكشر وجهو ومشا جيهت الشومبر د غيثة بغا دخل عليها ولقى مها معاها جالسة وغيثة كتغني الاغنية اللي غنات فلانيف وضحك مرة مرة
ملاك: (وقفات )شكون نتا اولدي ؟ علامن كتقلب
غيثة: y tú y🎶 tú y tù....🎶🎶😄(شافت غطف فعهد كضحك وتغني)
ملاك: متشرفين اوليد ...راه فاقت ولان بحال هاكا😢 ترزيت فبنتي 😢 مشا ليها تلعقل وهي باقا صغيرة ماعارفا والو فالدنيا ...وخوك تكرفس ليا عليها
عهد: (تصدم غير كيشوف فغيثة) كيفاش ؟
ملاك: خوك نور تكرفس عليها ، ولاكن دابا تزوج بيها وصحح غلاطو ، ولاكن بنتي مشا ليها العقل ، بالصدمة وقع ليها هاكا
عهد: شكون قالك هوا تللي تكرفس عليها؟
ملاك: هوا اللي قالها ليا واعتارف ، طلع ولد الناس وكان باغيها من اللول 😢
عهد بقا غير كيشوف وقرب لغيثة وهيا كتغني وبقا كيشوف فيها مطولا تا لقا راسو شاد ليها فيدها وهوا يحيد بزربة وعقد حجبانو وخرج زربان ما زادش الهضرة مشا نيشان للمطار طلع بالطوموبيل فطيارة خاصة ديالو كبيرة كتهز ليه بلاصت الطوموبيل و نزل زدح الباب وطلع من تما لفوق جلس فوق الكرسي جيهت الزاج ساهي برا الزاج تا الطيارة فالسما..
أنا أحترق الجزء السادس
محتوى القصة
التنقل بين الأجزاء