شهر ونص فدار القحاب الجزء 12

داك نهار ديال تنين كانت الحراكة ناشفة فدار الحاجة ….. ماشفنا تا حد من غير المقدم …. لي،جا بعجاجتو ولكن الحاجة خطيرة ….. عارف ملي جاعندها المقدم غاتبعو شي،حاجة خرى المقدم حد خبارو عند القايد …. ماعندوش،شي علاقة مع البوليس ….. دخلات قالت ليهوم الدريات لي عندها شي شرويطة تلبسها راه شي خدمة مكايناش اليوما ……. القحاب لبسو وخرجو فحالاتهوم بقينا أنا وكلثوم وخديجة و الحاجة …… قالت لكلثوم نتما إلى غاتخرجو سيرو خرجو دي داك الكربوز إضربو شوية دالبرد …….. الله حسيت براسي بحال شي حباس غايخرجو ….. قالت ليا كلثوم سير لبس،حوايجك يالله …. لبست خرجنا أنا وكلثوم و خديجة ….. غا خرجين ماعرفين راسنا فين غاديين ……. قالت ليها كلثوم لخديجة مغاطليش على دارك وراجلك ….. قالت ليها لا لا غانمشي عندو غايخلي دار بويا خليه تا دوز واحد السيمانة ….. المغاربة كلهوم تحنزيز الله إحضر السلامة كلثوم مكتوبة ليها على جبهتها قحباااااااااااا و خديجة مزرك ليها راجلها عنيه و نا مستسلم للمكتاب وغادي معاهوم مادزناش على شي واحد ماشافش فينا ……. شدينا الطوبيس مشينا جهت لبحر تغدينا تما بواحد الشوية ديال السردين وبقينا مجلوقين ……. سولت كلثوم قلت ليها كلثوم شنا هو الحلم ديالك فالدنيا ؟؟ قالت ليا نموت …… كلثوم مجانيش،جوابها غريب جاني عادي و نتي أ خديجة ………. خديجة قالت ليا نتلاقا مع خوتي نشوفهوم بغيت نعنكهوم …… قالت ليا أكلثوم ونتا أموحماد ….. قلت ليها أنا ماعنديش الحلم …….. وعلاش عايش أموحماد …… باش مانموتش ……..بقاو كايضحكو عليا …… قالت ليها خديجة موحماد كايحب هههههه عجباتك ،شي برهوشة أموحماد فالمدينة …….. بفففففف موحماد طفرو بقا ليه غا الحوب …….قالت ليا كلثوم وقول قول ضروري تكون عندك شي حاجة باغي توصل ليه شي حاجة كاتقول إلى عطاني،سيدي ربي الفلوس،غانديرها شي حاجة كاتقول إلى كبرت غانديرها غا قول راه مغانضحكوش،قول ….. قلت ليها بغيت نخدم ونجمع الفلوس باش نبني،واحد البيت وكوزينة فالبلاد،دارنا هي لي مشوهة فالدوار بقا فالبني قديم و مي كل شتوة الناس،كاينعسو وهي كاتبقى مضاربة مع القطرة …… ماضحكوش بصاح حيت كانو كاينتضرو نقول ليهوم شي،حلم مضحك ولكن بصاح أنا داكشي،هو لي كان مبرزطني ملي كانت الواليدة باقا عايشة …… دوزنا نهار زوين أنا وكلثوم وخديجة نسينا بيه دار الحاجة …….. ونسينا بيه حياة القحاب وحسينا ببعضيتنا بحال الناس،ماشي،كربوز مقطع بيه الحبل و جوج قحاب دايعين ……. بقينا كاندورو تا المغرب رجعنا لدرب ولكن نهار مابغاش،إكمل على زينو جا تا لخر وخياب ……. و صلنا قدام الحانوت ديال الحسين عييط على كلثوم …… مشات عندو كلثوم قاليها مانصحكومش،تباتو فالدار اليوما الحاجة راه هزاتها صطافيط،قدام حانوتي ميقات العصر وراه بحال وااااالو الدار غا تبقا محضية …… رجعات عندنا كلثوم و قالت لينا داكشي لي قاليها حسين ….. بقينا كانشوفو فبعضيتنا …… قالت ليا كلثوم موحماد نتا هانا غانطلب ليك الحسين تبات عندو ………. أنا وياك أخديجة راه غانزططو ريوسنا …… أنا فرحت قلت ليل مامعاهش الضحك كلثوم وخديجة موالفين بيه أنا غانبات عند الحسين …… ولكن الحسين ولد القحبة مقبلش عليا …… وهادي واحد الحاجة معروفة على الشلوح كايخافو على ريوسهوم ……… و خا داكشي ديال حنا خوت و حنا شلوح داكشي غا تخربيق مامنو واااااالو كانتحدا أي،واحد إقول ليا لا ونقوليه غدا جي لكازا و دير راسك مقطع بيك الحبل مكايعرفك حد ويلا بيتك شي،واحد،ولا رحمك شي واحد نعطيك تحويني …… ماعليناش الحسين عطا الأعذار لكلثوم قال ليها سدة عندي مضييقة وكدا وكدا والولد كايبان ليا معقد لا لا غا عدريني …… رجعات كلثوم قالت ليا موحماد مابغاش الحسين تبات عندو ……. قالت ليها خديجة يالله إنخرجو من درب وغايحن الله …… مشينا كلسنا فجردة وبقينا كانشوفو فبعضيتنا تا شي واحد فينا ماعندو شي باب إدقو تا خديجة لي كانت مزوجة بدارها بقات كاتقحبن تا تشردات معانا …… قالت ليها خديجة كلثوم عندي واحد بنت عمتي ولكن بعيدة شوية تقدر تضيبانينا ……. كاينة فكاريان ” راس الما “يالله نشدو الطوبيس ماحد الوقت باقي …… قالت ليها كلثوم واش ضامنة فيها بلي غاتبييتنا عنداك غانزيدوها بفلوس الطوبيس ونصدقو راجعين …….. قالت ليها ولا لا غا زيدو زيدو تمينا غاديين للبلاكة وهي تبدا تنقط،الشتاء …….. طلعنا للطوبيس شاداها الشتا طريق كاملة تا وصلنا …… وصلنا نزلنا بين لكريان والطوبيس ربوع ساعة ديال الطريق على رجليك مزال ……..سردنا حالتنا حالة كانقطرو …… دخلنا الكاريان كاتشوف غا وجوه هما مغريب أخر ماشي ،هداك لي كاتعرفوه ….. ناري دوك الناس فاش عايشين الغيس والخنز ديال الواد الحار وريحت الخرا وكثرت القزدير …… دخلنا مع الكريان ضلام الحال مافيهش الضو كلثوم شادا فيا الحفرة لي تطحت فيها كاطيح فيها تاهي خديجة مولفة هي قالت لينا مرة مرة كاتجي عند هد بنت عمتها ……. و صلنا البراكة دقات خديجة خرجات بنت عمتها ….. سلمات عليها قالت ليها مرحبا ……. دخلو دخلو نهار كبير هذا ……. دخلنا فين أودي غادخل ها البوطا والكوكوت ها الناموسية ديال نعاس التلفازة فوق الصندوق د كوكا …… مهم بنادم مضرك على السماء وصافي ……. بنت عمت خديجة مزال ماعرفاتش بلي جينا باش نباتو ………. بقاو شادينها غا فالتزريكة ديال العين كاتعاود ليها خديجة أش،واقع ليها كاع دارو على الخبار قالت ليها خديجة عبد القادر مسكين مزال مطلقش الله سراحو ….. قالت ليها ديك المرا لا لا مزال أختي باقي …. تاهو راه مادارش فيها مايصلاح ……. دابا الراجل مابقاش مصدعني والولد أختي معيشني فالويل و العداب عمرني شت معاه نهار بيض ….. كانكايكمي الكارو قلنا ماشي مشكيل دابا راه زاد،عليه الحشيش …… و كايعصرو فالماحيا …….. مكايدخلش تايودن الفجر وكاينعس تالعصر ……. أنا بقيت غا كنشوف و كانخمم أش،هد القلاوي أش هد الحياة من نهارطلعت من البلاد عمرني تلاقيت مع شي،واحد بخير غا المزاليط،غا لي مقودة عليهوم ……. غا العذاب الأليم …. غا المناحيس …… هدوك بقاو كايهضرو ونا كاتقول ياربي دوز هد ليلة بخير وعلى خير أما ماعجباتنيش …….. دخل داك ولدها لي كانت كاتدوي عليه وبصاح نيت كايخلع سلم علينا وقاليها مرحبا بيك أخديجة قالت الله إبارك فيك أولدي ….. قال ليها شكون زرق ليك عينيك …… قالت لا لا أولدي غا واحد المسمار …. قاليها مسمار أودي أنا قلت ليكوم عطيوني لورد شحال هادي نربي داك العروبي إلى كان عاجباه صحتو ……. كلثوم منحوسة الله إحضر السلامة هي سباب العداب لي غانعيشوه ديك ليلة فات حواها شي واحد ولد داك الكاريان وكايعرف ولد ديك لمرا بتنا عندها …… ماقلهاش ليه تاسكرو و حنا كنا مجبدين فداك الصندوق واحد حدا حدا واحد بحال السردين وهو يدخل لينا سكران ……… أنوضو ياولاد القحاب فأخر يامنا نوليو قوادة قدام النا س جايا قحبة وجايبا معاها قحبة إباتو عندك ………. و لد القحبة أنا جرني فرجلي ولاحني حدا الباب كلثوم جمع معاها بواحد الطرشة بانت ليا سبقاتني القدام خديجة خرجات بجرى تفوووووووووووو على نحس …

يتبع ...