شهر ونص فدار القحاب الجزء 15

موجتماع مقود بكل ماتحمله الكلمة من معنى …….. العالم ديال القحاب كحل مضلم ……. العكس ديالهوم هما ….. كلثوم زادت خلعاتني ملي قالت ليا غايحويوك فالمحطة إلى مشيتي ليها …… ماعمرني عرفت بلي ترمت طفل ولا راجل بصفة عامة كاتصلاح لشي،حاجة خرى من غير الخرى حيت ماعنديش كي نعرف الفكر ديالي حدو التاجرات ديال الحانوت العالم الخارجي ماكنتش عارف أش واقع فيه ….. تا براهيم مكايخلينش نقرا جورنان ولا المجلات ولاشي كتاب وخا كنت دار بني الله على المطالعة ولكن ملي كانغسل تلالج كانشد،جورنان نقراه هو لول عاد نمسح بيه و بعد المرات كانسهى فيه وكانتهجا مكانعرفش الضربة فين كاتنزل عليا …… ملي خرجت لزنقة ولعالم ديال القحاب عاد قلت الحمد لله على نعمة الكونطوار لي مطاكي علينا ……. كلثوم قالت لخديجة دابا نتي أش غانديرو واش غاتجيبي الخاتم من دارك ؟؟؟ موحماد خاصنا نديبانيوه بأي وجهين كان إمشي إطل على مو …… قالت ليها خديجة أنا قلت ليكوم تال ليل فاش كايكون خرج هداك إسكر تا إلى حصلني بعدا غايكون سكران أنا لي غانخلي داربوه …… أنا داك البلان ديال خديجة مابانش ليا فيه كايبان ليا غا تخربيق ….. قالت ليها كلثوم دابا ياللهي نتحركو من هنا …. و نا طيح ليا حنان فبالي قلت ليها كلثوم نمشيو ندربو دورة فالدرب لي،كنت خدام فيه نشوف ديك الدرية حنان لي جابتني عند الحاجة واش نلقاها …… راه كنت عزيز عليها و درية ضرييفة غا المعاملة ديالها فشكل معايا والله ديما كاتسولني علاش خرجتي من القراية …… واش كاتهضر مع ماماك واش كاتسيفط،ليه عفاكوم نمشيو عندها ……. قالت ليها خديجة نمشيو مع هد الكربوز وخا هد درية ملي غا كاتعرف الحاجة باين بلانها …… قالت ليا …. كلثوم يالله عاوتاني غانشدو الطوبيس هد ريالات لي عندنا أموحماد غايمشيو غا فالطوبيس …… مشينا وصلنا للدرب صافي مابقيتش خايف ولات عندي التقة فالنفس دخلت معاهوم للدرب بالعلالي و لي بغا إشوف إشوف هما بعدا قحاب لقيت فيهوم الخير مالقيتوش تا فشي زامل فداك الدرب و تا فالكربوز لي كنت خدام عندو تلت سنين ب مية وخمسين درهم لسيمانة بالعكس غازاد شعل العافية فالواليدة …… دخلنا للدرب بقينا كاندورو مع الزناقي ….. وصلنا للعمارة قلت ليهوم ونتما تسناوني هنا راه دريات ساكنين غا بوحدهوم غانجبدو ليهوم شي صداع ……… قالت ليا كلثوم بلاتي ….. بلاتي …… واش هنا ساكنة حنان فهد العمارة ….. قلت ليها أه علاش ؟؟؟ كانعرفهوم والله تا كانعرفهوم ساكنة مع شي،دريات خرين كايقراو معاها فالجامعة كلهوم عروبيات ……. قلت ليها أاااااه قالت ليا سير …. سير طلع شوف واش،كاينة حنان و نزل …… وقيلة دار ليك الله تاويل د الخير أ الكربوز …… طلعت للأسف حنان مابقاتش ساكنة تمة تحولات ……. نزلت قالو ليا أمنضرة لقيتيها ….. قلت ليهوم لا مابقاتش ساكنة هنا ……. قالت ليا يا الله يا الله صافي نسى حنان …… قالت ليها خديجة فين غانمشيو ……. البلاصة المعلومة و الملعونة فنفس الوقت جنب البحر …… شدينا الطوبيس،تاني ومشينا البحر ….. ماعمرني تسوقت البحر واش،زرق ولا بيض …… تا تعاشرت مع القحاب و صلنا لسخر كل واحد قالس فجهة كايخمم لحريرتو كي غاتخرج …….. نعيمة مطلوبة للعدالة الزواج مشا عندها خمسة وربعين سنة مادارت تا قلوة فحياتها …… كلثوم ماندويوش عليها …… ماعندهاش تاشي،حلم أو هداف أو أمل فالحياة عايشة وصافي ……. أنا براكة عليا غا الرسالة ديال الواليدة لي مابغاوش حروفها إخرجو ليا قدام عيني …….. كانشوف البحر و كانخمم لحريرتي …… شفت واحد الراجل جاي مع مراتو وهزة ولييد،صغيور كاترضع فيه وبنية يالله كايعلمها بابها تمشى ….. قلت ياسلام كن غا دوزت تا أنا هد المرحلة فحياتي كن غا كان تأنا با فجنبي فجنبي،فسن لي،فيه هد الدرية و إشدني تا أنا فكتافي إعلمني كيفاش نتمشى فالحياة …… واش زعما تا أنا نقدر واحد نهار تكون عندي لمرا و جوج ولاد بحال هد الراجل ونخرجهوم و نجريو ونضحكو ونلعبو لا لا محال ….. شوية و نا نقول تاني،دابا هد،الراجل لاش مزوج كاع ولاش ولد هد لولاد حرااااام عليه ……. علاش إكون سبابهوم إتزادو فالحياة واش عارف مصيرهوم ….. ها هي خديجة كانت بمها وباها و خوتها و الدار والمحال و الفلوس واحد نهار مشا كلشي،…… ها هي كلثوم تا هي بنت فلاح كبير كانت بنت دارهوم بباها و مها وخوتها ………. واحد نهار كلشي مشا بقات لراسها ….. دابا واش هد الراجل ضامن لديك البنت بلي مغايكونش مصيرها بحال ديال كلثوم وخديجة إلى كبرات ……. واش ضامن داك لولد لي كايرضع فمو مغايكونش مصيرو بحال ديالي و بحال ديال كويلات فالمحطة ……… أنا معارفتش شنا هي الفائدة من الولاد علاش الناس كايولدو علاش ؟؟ موحمااااااااااااد ……. موحماااااااااد و القلاوي راه كانعييط عليك فين سارح …….. فأرض باك ……. ماتبقايش تعييطي،عليا بحال هكداك خلعتني يالقلاوي ……. ونوض نوض …… نتحركو …… أجي بعدا نتي ماكملتيش ليا فين كاتعرفي حنان و الدريات لي ساكنين معاها ؟؟ واشمن تاويل قلتي ليا دارها ليا الله ؟؟ ديك لهضرة ماشي هنا …… كلثوم جبدات كارو تشعل مالقاتش بريكة ….. مشينا كاندورو على هدوك لي كالسين على الصخر تا هما باش تشعل ……. شعل لينا واحد وندمنا ….. شعلات عندو كلثوم و مخبية كارو بين صباعها ….. قالت ليا كلس كلس،نتكييف هد الكارو و نطركو ديك القحبة راه فين كالسة تاهي ….. كلست كانتسنى فكلثوم تكييف وهو يجي عندها داك خيينة لي عطاها تشعل …… قاليها وخا نهضر معاك أزين ……. قلت ليها كلثوم نوضي نمشيو نتقاودو ……. قالت ليا بلاتي،بلاتي ……. أهاه دوي يا خويا دوي ……. هركاوي القحبة يماه مكلخ …… بغا يحوي بهاديك عجبتني و بغيت نجي لداركوم …… ساعة جا تال رحبة د زبوبة و بغا يلعب زليكة كلثوم شبعانة التقحبين …… تحويها بالفلوس نقوليك واخا ……. ولكن بالهضرة مافهاش شك بلي نتا لي غاتهز لفتة …… قالت ليها خويا قلت واش،غاتسولني على شي حاجة خرى الزواج ودارنا جيتي معطل أنا مخطوبة …… وخا نسولك مزال غا سؤال …… وصافي سير تقود ……. هدا لي كالس،حدايا راه خويا …….. سمحي ليا …… سمحي ليا ختي ….. ولاد القحاب إخافو مايحشمو ……. تفووووو ولد القحبة حرم عليا هد الكارو ماعرفتوش فين داز …… يالله يالله نتا نوض،…….. مشينا عند خديجة رجعنا لدرب بقينا كالسين فجردة كانتسناو يودن العشاء باش خديجة تمشي،لدار تجيب الخاتم …….. تقول هد الخاتم فيها عزيمة و لاشي حاجة سحرية ……. أودي الله إنعل بو الحياة …….. خديجة مشات لدارها قالت لينا تسناوني تما أنا راجعة ….. بقينا كانتسناو فيها . قلت ليها كلثوم فين غانباتو تاني اليوما ….. قالت ليا فترمتك ….. فين غانباتو فالدار …… إنا دار ؟؟ دار الحاجة ….. صافي بلا ماتبقى مزري لفيلم ديال الحاجة سالة ….. الحاجة تشدات خديجة كاتسنى نهارها تلحق عليها …… و نا غانقاود نخوي هد المدينة لشي،قنت أخر …. ونتا غاتمشي عند مك فهد اليامات …. دابا يا كلثوم الحاجة شحال غايشدوها فالحبس،…….. وسكت سكت لا نلقاوها سبقاتنا لدار هاديك قدا بكرها تمشي لبلاد،وترجع وتلقاها تاني خدامة منوضة لبلبالة ……. واشوف بشحال غايحكمو عليك نتا …… هي دابا الحاجة غاتخرج ؟؟ الحاجة غاتخرج وموالفة بداكشي،الحاجة راه غاكاتدخل كاتختار القحاب فلحبس،وكاتعطيهوم لادريسة ملي يخرجو إجيو عندها ديريكت …….. خديجة رجعات باينة مادارت وااااااااالو …… كلثوم واااالو ياختي ……. كيفاش،وااااااالو ولد القحبة بدل لقفل ديال الدار ……. و مول زريعة قال ليا راه من نهار لحد،فالعشية مابانش و سطافيط كانت هنا جوج دالمرات كايدق تا يعياو وكايمشيو ……. خديجة حماضت عندها القضية ……. شتي نتي يا خديجة طريقك لاروب ……. عمر شي،بلان ديالك خرج مقاد ……. ونا ختي راه كانوي ندير غالخير …… دويت أنا قلت ليها أه أختي خديجة ا النية أبلغ من العمل …… كلثوم نوضو نوضو تقاودو نمشي نعسو ….. كحالت ديال بصاح ……. دخلنا لدار حالتها حالة مضلمة تا الضو تقطع قالت ليا كلثوم موحماد سير سير جيب شمع قلت ليها لا لا ……. أنا مغانخرجش مزال …….. و تاسير جيب شمع من التقحبين تاع واااالو …… وراه و الله لاخرجت مزال ……… خديجة كانتناكرو أنا وكلثوم خرجات تجيب شمع ……. للأسف مرجعاتش ………. خرجنا أنا وكلثوم جبنا جوج شمعات وبقينا كالسين كانشوفو فبعضيتنا ……. بقات فينا بنت القحبة …… الغيب حجتو معاه و لكن حجت خديجة باينة ماتكون غا لبوليس،ولا راجلها …….. لي،شدها و خلا داربوها وداها ليهوم ………. كلثوم ودابا قولي ليا فين كاتعرفي حنان وصحاباتها ؟؟ واشمن تاويل دار ليا الله ؟؟ عقلتي ياموحماد على ديك السيدة لي كنت قلت ليك عندها فيلا فالرباط و كاتخدم عندها الحاجة قابلة …….. أه عقلت عليها مالها …… عندها طييحات واحدة من الدريات لي ساكنين مع حنان لكرش ….. داكشي لكيقولو ليه الإجهاض …… وديناها مع ستة د الصباح أنا وثورية الدكتورة بطموبيلتها حطيناه فداك درب مع الستة د الصباح ……. حيت تكرفسات بزااااااف وكانت شوية غاتموت ليهوم فدارها بييتوها تال غد ليه ……….فمن كانت حاملة ديك الدرية ؟؟ ماعرفتش أنا داكشي ماكانسولش عليه مهم هي على ماقالت فشي طالب كايقرا معاها و أوال مرة إحوي …….. ولكن نتي عمرك قلتي ليا بلي كنتي فدار القابلة …….. لا كنت فيها اليامات لولا ملي يالله عرفت الحاجة و كانت باقي كاتيق فيا دوزتها عندها واحد سيمانة بحال خدامة …….والتاويل لي دار ليا الله أنا أشمن تاويل ؟؟ الدكتورة ثورية هي لي غانمشيو عندها غدا لرباط،باقي عندي لادريس،ديالها و غاتعاونا ……….كلثوم أنا كايبان ليا هدشي غاتقحبين قلت ليكوم البارح خليوني نمشي نقلب على راسي …….. باغي تمشي سير ….. سير …… راه الباب قدامك ……… وخا أنا غانمشي نعس تصبحي على خير …… فين غاتمشي ؟؟؟ لبيت لخرا علاش ماتنعسش حدايا …… لا لا ماباغيش ننعس حداك بغيت نعس حدا مي ……… كلثوم كاتعاني من الحرمان العاطفي بكل ماتحويه الكلمة من معنى بغا غا لي حس بيها وتحس بيه …….. تصبحي على خير ……… شوف غدا غانفيقو بكري خاصنا نخرجو من الدار مع الستة بحال وااالو إجيو البوليس،إضربو فيها دورة تاني ……… كلثوم خديجة دابا أش إكون وقع ليها ؟؟؟ ماعرفتش وا صافي سير تقود تنعس

يتبع ..