شهر ونص فدار القحاب الجزء 16

فقنا أنا وكلثوم لبسات حوايجها …… لبست حوايجي وهزيت صاكي …… قالت ليا فين غادي بالصاك قلت ليها ياك قلتي ليا غاتشوفي دوكتورة ولا ماعرت أش غاتشوفي تضيبانيني …… نمشيو ديريكت المحطة …… أتا أشمن محطة ولا يخان كيما كاتقول ….. واش حنا غانهزو صاك تال الرباط …… غاتشوف تورية داك الصاك مغاتشوفش فينا تا شوفا صحيحة …….. واش عندك بعدا فيه ؟؟؟ بغيت نقوليك شي حاجة وماتقلقش …… قولي مغانتقلقش …… داك السروال أموحماد من نهار جيتي عند الحاجة فوقت ما غانخرجو هو لي كاتلبس ….. واش،ماعندكش،شي،سروال أخر ؟؟ هداك راه مشا ليه لون …… لا هو لي عندي أنا الحوايج كانشريهوم غا من العيد للعيد و هدا هو لي عندي داكشي لي،فصاك كلهوم ديال لخدمة وخا ……. يالله يالله حياتك عداب وخلي صاك تا نرجعو ليه ………. واش كاتقحبني عليا أكلثوم مرة الدار ضايرين بيها البوليس مرة ماضايرينش بيها غانمشيو غانرجعو غاتقولي ليا تاني الدار مخاصناش نقربو ليها …… وتا داك الصاك أش فيه أصلا ؟؟؟ وخا جيبو جيبو غانديرو ليه حل ……. خرجنا من الدار يالله ودن الفجر لقينا الحسين كايحل ….. قالت ليه كلثوم …… الحسين وخاتخلي عندك الصاك ديال هد ولد عمك راه مع ديك العشرة غانرجعو ليه الحسين خنزر فيا مزيان شاف فيا دوك الشوفات ديال راك طيحتي،الدال على الشلوح …… راه سواسة مكايتعاشروش مع القحاب شبع فيا سبان بعنيه وهو أصلا هو واحد مول الضيطاي مكايحملونيش ديما كايخنزرو فيا …… الحسين حيت كانبان ليه طيحت الدال على الشلوح …… ولكن هانا كاع مابغيتش نتعاشر مع القحاب ونسكن فدار القوادة عندك باش تفيدني نتا ؟؟؟؟ عندك باش تعاوني ؟؟؟ ما غاتفيدني بالتقلوة مول الضيطاي هو محاملنيش على قبل كلثوم كانكون معاها بزاااف قالت ليا ملي يالله بانت عند الحاجة كايدور بيها باش إنزل عليها وشراتها ليه مع الحاجة ….. و الحاجة شراتها ليه مع المقدم ….. و المقدم شراها ليه مع القايد …… هدا بلان لول وقع لينا على صباح مع الكربوز الحسين مابغاش إشد عندنا الصاك تا كلثوم فاقت خاسرة ……ماكتراتش معاه لهضرة ….قالت ليا تسناني تما …. رجعات الصاك لدار ورجعات ……. البلان التاني وقع لينا مع الشلوح نيت دخلنا لواحد لمحلبة نفطرو فيها ……. وشافو دوك الكرابز فكلثوم و هو يكول هداك لي فالكونطوار لصاحبو لداخل كايعمر فأتاي .” أكدو ياكد بيهي إفتى كيسنت رايادو ستمازيرت إكاس أضار ” “أجي طل طل على بيهي غايرجع البلاد على رجليه ” لحكرا تاع زبي العنصرية تاع إخان حيت بانت ليهوم كلثوم مطرفة و بوكوصة وباينة قحبة قالو ليك هد الكربوز طاحت عليه هادي كاتكشط فيه …… كلثوم حسات بلي دواو عليها ….. قالت ليا موحماد أش قال هدا قلت ليها وااالو …… وغا قول قول أش قال ….. مزال ماكملتش ليها وما قال واااالو …….. تابان ليا خونا فالله خوات عليه داك الكاس ديال أتاي فوق راسو ……… تفوووووووووو على صباح صبحنا على الكرابز راه فهمتو أش قال لصاحبو ملي غا قال بيهي و تمازيرت ……. باينة بيهي هو نتا وتمازيرت غاترجع ليها بسبابي كايصاحابو عندي كرون ……. ولاد القحاب كثرت بلا بلا بلا والحضية …….. كن كانو رجال ياك هما بني عمك كن ديباناوك كن عاونوك كاع ماتسنى من القحاب بحالي إعاونوك باش تمشي عند مك …… كلثوم شاعلة على الصباح و حاقدة تا الفطور مافطرناش مزال ….. دركات فواحد القنيتة وتكييفات كاروو على الريق عاد رجع فيهاوالضو ……. مشينا شدينا الطوبيس للرباط تمنية لقاتنا قدام الفيلا ديال لقبلة بنت القحبة ……. قالت ليا هد بنت القحبة إلى ماشديناهاش هد لوقيتة ماغانشدوهاش خدامة فالسبيطار ديال المخزن و عندها مصحة خاصة …. ديالها كاتسالي سوايعها فالسبيطار و كاتمشي لمصحة ……. مغاترجعش تاليل …… بقينا كالسين قدام الفيلا ما خرجاتش الدكتورة تال تسعود عاد كايحل ليها العساس،لبيبان ……. بشاخ أوليدي على كاط كاط و الفيلا كيدايرة جردة قداش ولكن شي حاجة خرى مكايناش دوكتورة صفريتة لا فورمة لا وجه لا شعر تقول بوشعيب صافي ….. قالت ليا كلثوم شوف نتا راك زيزون مكادويش مكاتسمعش قلت ليها وخا ……… مشات عندها كلتوم دوكتورة شافت فيها بحال إلى سرفقتيها …… خرجات من الطوموبيلا شاعلة تا هي كاتكييف ….. قالت ليها كلثوم أش هد المجيا على نبوري ياك لاباس ؟؟ لا واااالو باس صباح الخير بعدا لا لة تورية ….. قالت ليها صباح الخير وخا هو باين الخير براسو جاي كايجري هد الصباح ……. كلثوم خرجات عينيها تورية شوفي غانجيك من لخر و لي نطولوه غانزيدو نطولوه ……. الحاحة فراسك خبارها ياك ؟؟ كلثوم جيني ديريكت أش باغا راني مامسالياش ؟؟ وشي حاجة أنا مكانعرفهاش ………. وتا نتي مكانعرفكش …….. هههههههههه بصاح أتورية نتي مكاتعرفينيش ولكن أنا كانعرفك نتي و كانعرف الحاجة وكانعرف القحبة نعيمة وكانعرف حنان ….. ليلى …… فدوى ….. رشيدة ….. كلهوم دازو عندك فهد الفيلا و كانعرف تادوك جوج وليدات لي مربياهوم فدارك منين جاوك و كانعرف شلا فرمليات لي كايجيوك بميكات ديال لبنج تا للفيلا ……. و كانعرف بزااااااااااف صافي صافي سكتي…… وهي تلوح ليا كلثوم إديها على كتفي لا لا هدا إلى قلت كاع هدشي قدامو عادي زيزون مكايدوي مكايسمع ولد عمي فمراتو التانية …. ولكن نهار لول جابتك عندي الحاجة …. قلتي لينا مقطوعة من الشجرة ………. أه بصاح وعلاش القحبة ماعندهاش الحق تبان عائلتها …… كلثوم أنا تاهي بدات كاتخلعني الدكتورة بقات حلة فمها مافهمات تا قلوة ….. بحالي بحالها …… كلثوم دابا أش،باغا من هدشي،كامل ؟؟ باغاتمنيين ألف ريال محتجها هد الصباح هدا وراني عمرني ماجيت عندك أوال مرة ………. ناري يالقلاوي أنا كنت كانقلب على تلت ألف ريال ديال المركوب كلثوم ماضرباتهاش،فين تنوض طالبها صحيحة ……. بغاهوم سلف الله و الإحسان و لا صحة وكريساج ؟؟؟ لي عجبك وراني مكانكريسيش نخليوها سلف ……. أش،غاتخلي يليا ضامنة ؟؟؟ غانخلي ليك أسرارك وفضايحك إكونو في أمان الله ؟؟ وخا تسنايني أنا جايا دخلات دكتورة للدار جابت تمنيين ألف ريال ورقة تنطح لخرى عطاتهوم لكلثوم ……….. كلثوم أخير مرة نشوفك قدام باب داري …….. هدا مكانتمناه تا أنا طهلاي فراسك دكتورة و ملي يكون شي،بريكول تاني نمرتك راه عندي نهارك مبروك …… تمنيين ألف ريال كانت ف خمسة وتسعين شي،حاجة مية درهم صرفها تديك سيمانة …….. طلعنا أنا وكلثوم للطوبيس ركبنا لور الطوبيس،كايصفر مع العشرة د الصباح ……. قلت ليها كلثوم حشومة داكشي لي درتي …….. حشومة يالقلاوي هي ملي كانتسناو فخديجة لي مقودة عليها بحالنا تبيع الخاتم باش تمشي تشوف مك… حشومة هي إلى مشيتي عند مك و نتا ماعندكش تا باش تاخد،كيلو د،ليمون ……و جايها بهد الغوفلة ديال الشعر وبهد الحوايج تزيد،تأكد ليها بلي كنت متشرد ومكرفص ومقودة عليك ……. ولكن دابا هد الفلوس،راه حراااااام أكلثوم ؟؟ حراااام عليها هي وحلال عليا أنا وياك كن لقيت نقتل أنا دين مها هديك راه تا هي وحدة من هدوك لي سببو فمعاناتي و فهد التبهديلة لي فيها أنا كانت كاتديني غا لدكاتيرة والأطباء و صحاب لعاقة إشبعو فيا حواااااا وشتيها كي نمراتني بنت القحبة لا أنا لا الحاجة قالت ليك مكاتعرفناش ……. و كاترزي لقحاب مساكن من عرقهوم واش عرفتي بشحال كاطييح لكرش هي والحاجة راه مكاينزلوش على عشرة لاف درهم درهم (ملي كان الإجهاض تاهوكانت عندو قيمة ) وعاطياها لرشوة فالسبيطار ديال المخزن وكاتخرج دوا وكاتديه للمصحة ديالها تخدم بيه فابور فعواض مايادواو بيه ولاد الشعب …… و مربية جوج ولاد إعلم الله فين جايباهوم و شكون هد الأمهات لي ترزاو فولدهوم ……. حيت سيدي ربي خلصها و عطاها واحد البنت معاقة محاملاهاش و مارضياش،بيها قدام صحابتها و قدام الناس واش وحدة غاضب عليها الله أ موحماد،وبغتيني نرحمها أنا ……. نزلنا فالطوبيس قالت ليا كلثوم هاك ها مية درهم سير عند الحلاق حسن هانا كانتسناك فقهوة خرج جي عندي مشيت حسنت رجعت عندها …… قالت ليا يالله طلعنا لباب لحد عند،صحاب الحوايج كساتني من الفوق تالتحت ….. مشينا الحوايج العيالات خدات شي،بيجامات الواليدة وشي زيوف وشي وأتاي و القهوة و شي ريحات شامبوان الصابون …………… المهم الصاك عمر نسيت كاع الصاك لي خليتو فدار الحاجة …… قالت ليا أشنو غاتمشي دابا المحطة ولا تسنى تا العشية باش تمشي فالطريق بليل …… قلت ليها بليل حسن ولكن هد الصاك فين غانحطوه تاني …… أنا ملي كانكون فالرباط مكانوحلش أموحماد ….. يالله ……شدينا طاكسي صغير مشينا المدينة كاتدق كلثوم على واحد ريدو خرج واحد القزامي شلح تا هو …….. غاهز النص فالريدو بانو ليا قراعي د هنيكن وروج طايحين فلارض و مراسة ملاصقين مع الكونذوار عرفتو بار …….. فرتوس باقي ناعس ……. أه باقي ناعس أكلثوم فين هد الغبور ……. واااالو غا الوقت أخويا …… الدريات باقي كايبانو ….. كلهوم كايجيو غا البارح هضرو عليك …….. لعشية أنا راجعة عندكوم تاني مهم خلي عندك هد الصاك ميقات المغرب هانا غانرجع ليه ……. فرتوس شد عندنا الصاك ودخلو مشينا أنا وكلثوم قلت ليها كلثوم فين غانمشيو دابا والمغرب باقي ليه شحال …… قالت ليا و الله ماعرفت عمرك تاساريتي فالرباط ……. قلت ليها لا ولكن حنا ماشي ديال التسركيل دابا أااااا كلثوم خاصنا نسولو على خديجة مسكينة نقلبو عليها نعرفو أش،واقع ليها …….. أه بصاح عندك الحق ولكن نزلو تاني تا لسلا ونرجعو ؟؟ مافيها وااالو ياك الرباط،تاهي فيها المحطة ؟؟ أه فيها غاتركب فالرباط نيت إلى بغيتي وهي هديك تا أنا نتهنا منك غانمشي ديريكت البار شحال هدي بيني وبين شي سكرة بعقلها من نهار حرماتو علينا الحاجة فالدار ……. رجعنا تاني دخلنا لدرب “سهب القايد ” كاع القحاب لي كايجيو عند الحاجة وهادوك لي كايعرفو خديجة دقينا عليهوم وحدة بوحدة تاشي،وحدة مامشاتش عندها خديجة تاشي وحدا ماعندها عليها شي خبار مشينا لدربها لي ساكنة فيه ….. تا هو كاع مالين الحوانت سولناهوم وااااااالو …… لي سولناه كايقول لينا ديك السيدة غبر ليها الأثار لا هي لا رجلها …….. كاندورو تا عيينا ورجعنا للرباط مشينا لبار هزيت صاكي ومشات معايا كلثوم المحطة كانقلبو على الكيران ديال تافراوت …. الكيران ديال تافراوت قلال …… كاين غا أكادير تزنيت إنزكان ……. قالت ليا كلثوم دابا واش ضروري تنزل فدواركوم بالضبط ….. قلت ليها لا أكلثوم تافراوت ماشي دوار تافراوت فيلاج تابعين ليه دواور خرين ….. بين دوارن وتافراوت بقا جبدة ….. وخا واملي تافراوت فيلاج شد شي كار ديال أكادير ولا تزنيت ….. تزنيت قريبة لتافراوت ياك ؟؟ كاينة شوية د الطريق ولكن إلى وصلت لتزنيت راني وصلت نيت كاينين الطاكسيات والخطافة عطا الله …… مزيان قطعات ليا كلثوم لورقة ديال تزنيت طلعت لكار وجات عندي …….. قالت ليا هاك شد،وماتدويش …….،شنو الفلوس أكلثوم لا لا لا ……. راني قلت ليك شد،وسكت راه غايشوفونا غايكريسيوك مزال هنا قبل ماتخرج مع الرباط،…….. شديت دوك الفلوس خشيتهوم فجيبي قلت ليها كلثوم …… والله كن لقيت كيفاش نقول الواليدة ديالي راني فالطريق لعنداك تنعس نعاسها هد ليلة مرتاحة ……… الواليدة ديالك أ موحماد هانتا غاتمشي عندها غاتشوفها وغاتشوفك …… من بعد أش غادير أموحماد غاتبقى فالبلاد ؟؟؟ ماعرفتش غالبا مهم مغانجيش مزال إلى ماجيتش مع شي واحد من لهيه إخدمني …. من المحطة الكونطوار ديريكت براكة هدشي لي دوزت فالزنقة …… شوف هانا راجعة الكار راه مزال مغايقلعش هانا جاية صافي …….. مشات كلثوم رجعات قالت ليا هاك هانتا هاد الورقة حتافض بها راه فيها نمرة ولادريسة ديال دار الحاجة راها عطيها سيمانة وتخرج تاني تبدا الخدمة ههههههه ………. و فيها نمرة ديال البار والعنوان ديالو راه هداك فين كان عتاكف كانكون تما تايصبح الحال …… وخا كانطلب الله مايرجعكش لعندنا و لكن ماتعرفش أش كايوقع إلى جاب الله رجعتي وحتاجيتني ……… واحد فهد جوج فين غا تلقاني يا البار يا دار الحاجة وطهلا فراسك أ الكربوز و طهلا فماماك وسلم عليها بزااااااف …… و إلى جاب الله رجعتي جيب ليا معاك شوية د أركان و أملو ههههههههه …….. الله إرحم وليدين أكلثوم ماعرفتش باش غانرجع ليك خيرك …….. غاترجعو ليا بدرك عليا وجهك ههههههههههه …….. كلثوم فين غاتمشي دابا نتي …………. غانمشي البار نضرب على موك شي سكرة بعقلها و نقلب على شي ضحية نبات عندو تا يصبح الحال ……….. وحضي،جيوبك ودعي معابثيا الله إجيب ليا شي،سكايري إكون شديد و سخي و كايلوحو شراب كاو مايمحنيش هههههههه ويكون مكايفيقش تال ربعة د العشية ……….. مافيا لي يدور فالزناقي تاني على الصباح …….. و طهلا فراسك …… ماتنساش ملي توصل لتزنيت عييط،غا على البار قوليهوم قولو لكلثوم الأمانة راه وصلات ……. بسلامة