لبسات غيثة تكشيطة ديال الساري منبتة بالباج فاتح جاتها زوينة وخلات شعرها مطلوق وديجا دايرة المكياج مازادت حتى حاجة وماشافتش كاع راسها فالمراية ، قادات ليها ملاك التكشيطة وضبرات ليها فصباط فلون التكشيطة نمرة 36 وخرجو ركبو مع أنيس اللي كان جالس برى مع رجال ودراري دلافامي داهم للقاعة ودخلو شدو بلايصعم مع الناس وبدا الجوق ورجال مخلطين بالعيالات كلشي مقاد وكل واحد عاجبو راسو ، جلس انيس حدا غيقة فالطبلة وجلسات حداهم الجدة وبعض من بنات العاءلة اللي حاطين العين على انيس مل وحدة مدير حراكات باش ينتابع ليها ولاكن هوا الوقت كامل وهوا جالس عاقد حجبانو هو وغيثة وكل شوية يقطع تيليفون على وعد ويمسح الميساجات باش ميتأثرش بيهم، بدات الحفلة والجوق محيح الشعبي والعلوة وكلشي محزم كيشطح وملاك جالسة لابسة تكشيطة من تاكشط خواتاتها وكضحك بزز وتسفق بيديها وغيثة كتشوف هنا وهنا كتسنط الموسيقى وساكتة حتى هضرات وحدة من خوالاتها اللي جالسين معاهم فالطبلة
سعاد:غيثة ..نوضي غني لينا نسمعو صوتك
أنيس: لا لا غير خليها راه عيانة شوية مافيها اللي يغني.. (كيهضر مع راسو) بقا ليها فير الغنا هاد الساعة
غيثة كانت جالسة مابيها ماعليها حتى ناضت شافها انيس نايضة غادية جيهت الجوق وخدات الميكرو من عندهم و هضرا معاهم وهي تبدل الموسيقى بعد ما كان الشعبي نايض و كلشي كيردح ويهيت، تقلبات موسيقى هادئة وغيثة واقفة والحزن معمر عليها من كل جوايه وعقلها فعالم اخر وبدات كتغني والدموع نازلين ليها وكلشي كيشوفو فيها حتى من مها بدات كتبكي وأنيس كيشوف فيها بقات فيه..وكلشي تبورش من صوتها اللي كيدخل بين العضام وبالاخص ف
《صباااارة يا مي صباارة ..واصباارة يااامي حتى فات القياااس 🎶🎶صبارة وماديت اللووومة ماديرة علااااش
...: ويلييي على فضيحة 😱 يا ودي يا ترابي ، مها طلقها الراحل حيت عارفها خارجة الطريق لا هيا لابنتها ، هاهوا طلقها ودارو مابغاو مالقاوش اللي يحكمهم
السبوع خدام شي كيشطح شي كيتبوزة والهضرة على غيثة تنشرات من واحد الواحد وشي كيقواطلها لشي حتى وصلات للطبلة فين جالس أنيس وسمع البنات كيهضرو بيناتهم وماجا فين يهضر ختى وقفات عليه مو وجها صفر و حتى قطرة ديال الدم مكتمشي فيه، شاف أنيس هاكاك ماقادراش حتى توقف وناض عندها خرجاتو برى
ترونات القاضية وناض الصداع و ملاك سمعات الصدع لداخل دخلات وغيثة شادة فيها من اللور وسمعات العضرة والانضار عليها وتأكدات مللي سمعات مها كتندب وانيس شادها هوا وخوتو وكلشي كيهضر فدقة وحتى واحد مكيسمع للآخر ، كلشي كيلغي بلغاه و ملاك مصدومة وغيثة عينيها خرجو فاش شافت بنات عاءلتها كينعتو فيها و اولاد عاءلتها حتى هما وزياد كيطلع فيها ويهبط كلشي مصدوم والقيامة قايمة
بقات ملاك ساكتة وغيثة موراها مخبية من الناس وكتبكي وخاشية راسها فضهره مها و الجدة كتحيح و انيس كيدافع بوحدو و البقية جايين كيجريو يعرفو شنو واقع ، كل واحد اش كيقول والهضرة الصحيحة ماعند حتى واحد ، شي كيقول ضحو عليها شي كايقول باعت راسها شي كيفول خرجات لفساد هي ومها ، عيا انيس مايشرح وغيثة بغات تسطى وكتبكي وكترعد ، مشا انيس هز الميكرو باش يسمعو كلشي وقف كيشرح للناس بصوت مرتفع شنو وقع ولاكن لمن كتحكي زابورك يا داوود ...كلشي كيقول راه غير كيسترو الفضيحة وكيقول هاكا باش يغطيو عليها وحتى واحد ما تسوق للهضرة ديالو والمهم عندهم عو انهم عرفو غيثة مابقاتش بنت والسلام شي حاجة اخرى مبغاوش يفهموها ، كيفاش وعلاش حتى واحد ماعندو فضول باش يعرف ، ملاك ماقدراتش تستحمل وجرات غيثة لواحد البيت كيبكيو بجوج وملاك كتخوي قلبها وغسثة جالسة وسط السيكان والبالز ديال الناس اللي مكركرين فداك البيت ومخشية فالتكشيطة كتجرج فيها وتبكي ملاك: شتي دابا؟ كن على الاقل قبلتي بداكشي اللي كتب ليك كن راه قلنا ليهم تزوجتي واحد لاباس عليه وعطاك فالصداق داكشي ، باش غنجاوبهم دابا باش؟ ماعندنا باش نجاوبهم ؟ تشوهنا ، اللي عطى الله عطاااه وعلى الاقل ماكنتيش طلعي من داك القصر خاوية، هاداك حقك ومن حقك تاخديه وتشوفي واش يقدرو يهضرو، ديك الساعة كلشي يعطيك قيمة ملي يعرفو عندك اوتيل المخير فهاد كازا مكيكسابوش وعاد الفلوس فالبانكة ونتي يالاه عندك 16 وملكتي هادشي كامل منتي تعيشي كي بغيتي وكلشي يهبط راسو مللي يشوفنا ، هاهيا دابا الخبار غتوصل لباك وغيعيط يسب فينا ويشبع فينا سبان ؛ يلاه 3 شهور دابا باش طلقنا وراه الكلب جاب وحدة اخرى وتزوج بيها
الشيفور: طلعي يالاه وجلسي تم (فالدروج) غتوسخي الكراسة
كلعات غيثة كتجري والكحول دايعين فحناكها جمعات جلايلها اللي ولاو تقال بالماء وتكشيطة ولات كي الخنشة وجلسات كتبكي فالدروج ديال الكار والكريسون كل مرة يطل عليها كيلقاها كتبكي بوحدها وكتشطح بالبرد
يا ايتها الحياة هاتي ما لديك من قسوة ، لم اعد اثأثر ...فلقد تألمت بما يكفي، فعندما ينكسر الماء سأعلن انكساري ..صغيرة لعبت وكبيرة لعبو عليا، تماديت فأحلامي ونسيت أن القدر مكتوب ، نصيبي فالدنيا هو الطريقي المجهول المجهول اللذي لا يعرف المزاح، المجهول هو القدر والقدر لغة مميثة ..والموت ارحم لي من هذه الحياة ، لا أعرف الى اين وكم الساعة ، سأترك قدري يكمل ما بدأ..لن انسى بداياتي وسانتضر نهاياتي ، لا مأوى بين عاءلتي ، فهل لي مأوى في الشارع؟ هل الشارع ارحم لي ؟ هل هادا الطريق الصحيح؟ هه لا اعرف ولم يبقى لي خيار سوى اكتشاف المجهول فلا كرامة ولا شرف ولا كبرياء سيجعلني استحي او اهزم بعد الان ، سأواجه قدري مهاما كان...فلا حياة لمن تنادي يا فلان ...حياتي مجرد كذبة وكذبة مرت بسرعة ، لا ذنب لي فيها ، قلت فيها براءتي ..صورتي ..كبرياءي ..كرامتي ..واهم شىء واللذي قتل قبل ان يقتل #شرفي
مابقا لغيثة خيار كيما قالت والزنقة هي اللي قدامها ، واللي ماعارفاهش بنت 16 سنة هو انا الزنقة فالرحمة كسولة والزقة هي اللي غتجاوبها حيت شوافة وغتشوفها وتشوفنا كاملين العالم ديالها اللي ماعارفين عليه والو، غتورينا الوقت كيف كيتبدل وبنادم كيف كتبهدل ..هي الزمان اللي خلا الدمعة على خدود الرجال تنزل ، شوف كيفاش غتوقف على رجلك فالزنقة وماتخلي حتى شماتة يترجل، الزنقة دياب والديب على الضعيف كيتعنكر، الزنقة عندها قوانينها الدقة فالحيط ولا فينا...الزنقة حكارة والى مازطمنا عليها تزطم علينا ، ليلها صعيب مكتزنزن فيه حتى دبانة ، سكاتها وحش مجرد خطوات او خيال وسط هاد السكات كينوض الرعب فقلب انسانة انسانة اللي شقات طريقها وماعرفاش شنو مخبية ليها الزنقة الخواانة ، الدنيا مرة تعطيك مرة تاخد ليك ، الدنيا كدرو وكدور وكتميل بحال شي سكرانة قلبات الام ولاب والعاءلة ..ضمرات القلوب هرسات كلشي بالمرة ، وبالفلوس خلات وجه الام يبدل البشرة ، الزنقة هي الام العاكرة ترجع القلوب كي الحجرة ، اما الدنيا ديما لاعبين معاها وكانحاولو نربحوها واخا عمرها طلعات خاسرة .
وصل الكار فنصاص الليل كلشي ناعس لور لاسق مع الزاج كيشخر ريحت البيض مصلوق والكاشير كتعطعط اللور كل واحد اش كيخشي فوجهو ، شي ناعس كيحزق الحزقة ديالو سبقات الموطور ديال الكار فالصوت واللي فايق كيتجمع عاطيها لتبركيك والنميمة شاد الطريق وكيجمع فالدنوب ، كل واحد مخشي مكمش من البرد من غير غيثة اللي جالسة فالدروج والبرد ديال الطريق كيدخل تحت الباب كيضرب فيها وحوايجها فازكين مكتقدرش تحرك وصوت الميكات كيتخرششو لور وكل مرة تهز راسها طل تشوف شنو كياكلو والجوع قاتلها لدرجة ضهرها مقدراتش توقفو بالجوع والبرد حتى وقف الكار وحلو الباب ضرب فيها البرد حتى طارو شفارها اما شعرها لسق مع ضهرها كيقطر بالماء
الشيفور: واا نزلي راه وصلنا حيدي من الباب خلي الناس ينزلو
غيثة: ها؟؟ وصلنا؟
الكيريسون : هبطي هادي اخر محطة غيبات الكار هنا..علاش نتي ماعرفاش راسك فين غادة؟
غيثة: فاين حنا؟
الكريسون:نتي فتاهلة
غيثة: فين؟ غاين جات هادي ؟
الكريسون، (كيشوف فيها عجباتو) اجي وقفي تسنايني هنا ..نزل السيكان ونوريك فين جات
كلشي ضربها بجرية واللي سكران سحا بالخلعة تشتو القراعي دالشراب وكل واحد عطى رجلو للريح وغيثة واقفة كتجري فبلاصتها بالخلعة ، شي مخلوع من شي حتى علقو كاملين وهي تقلب الطريق بقات هاربة فالليل الدامس بوحدها حتى بانت ليها مدراسة حداها ودخلات كتجري ليها مشات نيشان وكتبكي بوحدها والسم ديال البرد كيطلع معاها ، دخلات لواحد القيسم فالضلام وتخشات تحت البيرو منها للارض وتكمشات كتشنى النهار يطلع
صباح جديد ف آلي سقراط ..
عهد ولا كيقدر يجلس لان المريز اللي جاتو كانت غتشللو ، ناض وقف لابس توني كحل وجهو كيفسر شحال من حاجة ونضراتو كتوحي لهم كبير هازو وجروح عميقة صعيب تبرى دغيا ، دخلات عندو مو تشوفو لقاتو خارج
مروى: فين غادي؟ جلس ترتاح شوية
عهد: لا باغي نخرج برى يضربني البرد شوية
مروى: عهد!! مالك ؟ عندك شي مشكل
عهد: والو مكاين والو غير خليني نخرج شوية ومنها نيت طل على الواليد كي بقا
خرج مشا طل على باه وقف كيشوف فيه ناعس ومهرس من رجلو ويدو وعنقو والاكسيجين على فمو ، بقات شخال كيشوف فيه والصورة ديال الكسيدة قدامو مايغاتش تمحى ، رجع خرج مشا جلس برى فالجردة جبد الكارو كيكمي واخا الطبيب نصحو يبعد على الكارو فالوقت الحالي، عهد كيدير اللي فراسو مكيتشناش شي واحد كيقول ليه شي حاجة ، جلس كيشوف فالورد وداير القب ديال السورفيط وساهي فواحد الوردة قدامو حمرة كيشوف فيها حتى باتاسم ، الصورة دغيثة قدامو مكتمشيش حتى دقيقة، كيحاول يفكر فشي حاجة من غيرها وكيحري عليها بأفكار اخرى ولاكن كتجي لبالو كل لحضة ، كل لحضة كيتفكرو راسو معاها والوقت اللي دوز معاها حتى كيبدل الفكر ديالو مللي كيتفكر الكلمة اللي قالت ليه وهي معاه فالفراش وموراها كيتفمر الهضرة اللي قالت ليه وهوا ناعس فوق البياص.
ناض مشا عند ديك الوردة اللي كان كيشوف فيها وقطعها لاحها فالارض وزطم عليها ودخل لقا وعد جالسة كتبكي مكتخطش التيليفون من يديها ، داز قدامها عقلو مرفوع ومشا خلاها هازة تيلي كتصوني وتعاود
نور: عهد؟ سافا؟
عهد: لا رد
دخل للشومبر ديال باه وجلس فوق الفوطوي حداه وتكى راسو على ضهر الغوطوي وساهي كيخمم ، الوقت كامل كيدوزو حدا باه ساهي وكيفمر حتى كيعيا ويرجع يخرج يضربو البرد وهي غادا ، مابقاش كيجاوب الناس بزاف وحتى من مو مابقاش كيجمع معاها كيما اللول ، غير ساكت وساهي وعاقد حجبانو وبين تنهيدة وتنهيدة كيتنهد تنهيدة ، اما وعد تلوقت كامل كتبكي بوحدها وتخبى باش ميشوفوهاش كتبكي وتلتيليفون مكتحطوش وغير كتفكر وحزن شديد على وجها بااين ، كيواسيوها على اساس باها اللي مريض ، ولاكن هي قلبها هاز شحال من جرحة ومنها جرح باها تا هوا ..
فاقت غيثة اللي نعسات تحت البيرو على صوت التلاميذ اللي الصغار اللي دايرين بيها كيتساؤلو ومبعدين خايفين منها ، حلات عينيها مصدومة هاد تفكرات فين هي وناضت مع النوضة دخلات المعلمة شافتها وهي تخلع بدات كتهضر معاها من بعيد المعلمة: اشكون نتي وشكاديري هنا؟ شنو دخلك لهنا😠
غيثة: (كتقفقف) انا غير مالقيتشي فاين ننعس ونعيست هنايا 😦
المعلمة : اجي زيدي عندي لهنا
مشات عندها غيثة كتجر فجلايلها تقال وداتها المعلمة للادارة عند المدير اللي كان كيهدر مع الحارس ديال المدراسة شافوها بقاو كيسولوها مالها وهي ساكتة مابغات تجاوب حتى واحد غير كتبكي وكترعد ، شافها الحارس بقات فيه وداها معاها عند مرتو غير تما فالمدراسة عاطيينهم الدار وسط المدراسة حدى الباب ودخلها عند المرتو شافتها تخلعات وهوا يجرها الحارس للكوزينة
الحارس:(غالبة عليه الشلحة) هاد البنت راها ماعندها حد لقاوها ناعسة فواحد القسم ، عطيها شي حاجة تلبسها نديو معاها الاجر راه مسكينة كتنقز بالبرد وداكشي عليها فازك
الزوجة: اممم مسكينة ، ايوا وشنو واش غتبقى معانا ؟
الحارس: واغير قضي حاجة دابا ختى نشوفو شنو نديرو ، قضي حاجة قضي حاجة ديري فيها الاجر
خرج الحارس ومشات الزوجة عند غسثة اللي بقات واقفة مابغاتش تجلس باش متفزكش ليها الفراش
الزوجة: اجي معايا يا بنتي ياجي ، ماتبكيش غادي يكون خير نشاء الله ماتخافيش اجي غسلي عليك هاد الحالة راه البرد كيقطع
مشات غيثة مع المرة كتبكي دخلاتها لطواليط بلدية عادية والبرد قاسح بحال السم حيدات غيثة حوايجها وشعلات ليها المرى الشوفو وخلاتها كدوش بوحدها ، غيثة زرقها البرد حتى مابقاتش كتحرك يديها غير بزز وفمها زرق وجها مابقاش فيه الدم ، حلات الروبيني وقردات حداه عريانة وجلسات كتعمر فالسطل الماء سخون وتخوي على راسها وكترعد ، بفات كتخوي تخوي تخوي حتى سخون عضامها و سخن الدوش وسخن ليها لحمها مزيان ودفات عاد بدات كتغسل وتنقي راسها وتفرك رجليها اللي مغيسين فريك بالحجرة وهي معوجة سيفتها عايفة الوسخ اللي لاسق فيها ، بقات كتفرك حتى رجعات كتشعل وغسلات شعرها رجع للون ديالو و اللمعان وشللات ماسخاتش تخرج من الدوش والسخوني اللي سخونة فيه، مدات ليها المرى الفوطة ومدات ليها الحوايج من الباب وبدات كتشوف شنو عطاتها المرى : هزات سليب كبر منها لبساتو ولبسات سوتيامات كبر منها وبدودي وجوج تريكوت ديال الخيط وسروال كولون رقيق وسروال ديال الخيط ؛لبساتهم كاملين عاد لبسات فوقهم بيجامة بالسروال سخونة وتقاشر غلاض وزيف ديال حياتي دارتو فراسها وزادت فوقو شال غليض من البرد و جمعات الحمام نقاتو وخرجات من الدوش كتشعل بيضاء والحناك حومر وعوينات كيشعلو ويديها بيضين مكمشين بالماء عاد بانت بنادم ، شافتها مولات الدار بقات مبهورة فيها وفزينها
الزوجة: اجي بنتي تغداي
مشات غيثة جلسات فالطبلة مع المرى والحارس اللي شاف غيثة تصدم فيها مهبطش عينو عليها مياكل وحال فمو فيها ، اما غيثة هبطات على طبسيل ديال العدس سخون دقة وحدة وجلسات كتاكل ماعقلاتش على راسها ، كلات بيدها ورجليها والمرى غادة جايا كتسخر والحارس كيشوف فغيثة باعجاب واخا هي قد بنتو ماقدرش يهبط عينيه حتى سالا وناض عند مرتو للكوزينة
الحارس: ميمونة، غير خليها تبات عنا عاد الليلة وهضري معاها شوفي مالها ، دي وجيبي نتي وياها فاللغا شوفي مالها
ميمونة : انا مكنجلسش مرتاحة والبراني معايا ، غدوز غير هاد الليلة وتمشي ..سالينا 😠 البنت زاهية والدراري غيرجعو فالعشية يمشي يلسق فيها محمد و لا حكيم ولا ياسين ونوليو فشد ليا نقطع ليك
الحارس: ايوا قضي حاجة دابا قضي ..هانا مشيت
مشا الحارس ورجعات ميمونة عند غيثة بغات تجبد منها الهضرة
جلسات ميمونة كتستنطق غيثة وغيثة مكتجاوبهاش حتى طلع لميموتة الدم من غيثة اللي مابغاتش تهضر وناضت خلاتها جالسة ، جرات غيثة واحد الكاشة وتكمشات فيها كتسمع صوت الشتاء كيطيح برى مجهد والجو مغيم والضبابة والرعد كيخلع، جلسات غيثة مابغاتش تزعزع من بلاصتها سخنات عضامها فالكاشة كتفرج فالتلفازة حتى نعسات وستحلات النعاس والسخونية ومن بعد التحميمة عمرات كرشها بالعدس وجبدات عليها بنعسة وميمونة غادا جاية كتشقى فالدار وكتشوف فغيثة بنص عين حتى ضلام الحال ودخل الحارس لقاها ناعسة دايرة الزيف دحياتي وملوية عليها الشال و وجها كيبري ، بقا كيشووووف فيها حتى بانت ليه ميمونة جايا حتى هي بواحد البيجامة طويلة والفواطة ودايرة العكسة (الشدة ديال زيف حياتي) و بدات تنكر عليه كي ديما
دخل حكيم بغا يجلس لقا غيثة ناعسة فوق السداري ومع البيت صغير تستفو كاملين فوق سداري واحد كيشوفو فيها معجبين وكيهضرو داخو فيها وفالبشرة الناعمة ديالها وحروها الطفوليين وشفايفها الورديين ، حلات عينيها بشوية وكتسمع الهضرة بزااف ومع حلاتهم كلشي حل عينيه فيها ملي شافو عينيها واللون البرااق ديالهم وشفارها العاليين الكثاف ، شافتهم مستفين قدامها مافهمات والو بقات غير حاللة عينيها وكتشوف حشمات وجلسات مقنتة جامعة يديها كتشوف فيهم كيتوشوشو بيناتهم وكيشوفو فيهامحمد: واش هادو عوينات ولا البيْ😍
ياسين: اشمن البي الخرى ماكتعرف حتى تهضر الله يخليها سلعة، هادي راني قلت ليكم هرجات من التلفازة 😍
الحارس: (دخل عندهم) غتنوضو تكعدو ولا نتبرى منكم قدام الله والله حتى نمسح باباكم من الحالة المدنية ، ايييه قالك يجوجو وانا مزال خدام عليهم ، جمع عليا نتا رجليك خليني نجلس ، الزواج ماتقدوش عليه وهاد البنت غتبقى معانا حتى نلقاو واليديها
غيثة كتسمع وشي كتغهمو شي مكتفهموش حيت كيهضرو الشلحة والعربية وحنان جالسة حداها كتشوف فيها وتقيس ليها يديها و وجها جاتها بحال شي مونيكة غير كتقيس فيها والدراري كيديرو كسكروط ويتناكرو حتى عياو وجرى عليهم باهم ينعسو فالصالة كاملين و حنان وغيثة سنعسو فبيت الجلاس اللي فيه التلفازة ، غيثة كان كيسحاب ليها كاين العشاء ومزال غيتعشاو ساعة تقولبات طفاو الضواو ونعسات خداها حنان كتسولها وغسثة ساكتة مرة مرة كتبدى دمع ، جلسات حنان كتشوف فغيثة حتى نعسات وبقات غيثة جالسة ضرها الجوع وناضت كتقلب على ماتاكل فالكوزينة بالتخبية وبلا مادير الحس ، لقات الحامض وتشهاتو وهزاتو قطعاتو بشوية فالضلام وبقات كتمص فيه وتعاود حتى عنقها من اللور ...
بقات كتمص فالحامض هو والزيتون حتى عنقها من لور محمد وضارت مخلوعة غوتات غوتة وحدة واللي ماكانش فراس محمد ان صوتها رقيق حاد كيتقب الودنين بحال صوت الفلالس ، هرب محمد كيجري شدو باه اللي كان نايض حتى عو عند غيثة مع الضورة دالبيت شنق عليه عرفو مشا عندها وجمع معاه بتسرفيقة فالضلام وهرب محمد مشا ينعس ، فاقو مالين الدار كاملين مخلوعين كيجريو ومحمد تا هوا كيمثل انه غاد ناض ، غيثة بقات واقفة فالكوزية مخلوعة حتى جراتها ميمونةميمونة: اش واقع ، مالكي مغوتة علينا هاد الغوتة خلعتينا فنصاص الليل
انيس: وعد ...نسايني الله يحفضك شوفي شي واحد من طبقة ديالك نسايني ؛انا اللي فيا كافيني ، بصح كنبغيك ولاكن ماعندي ماندير ، دابا سيري بداي حياتك مع عاءلتك انا وعاءلتي راه ماصالحش ليك
وعد: (جمعات القوة ديالها) يااااك ..واخا..واخا عنداك شي نهار تجي طلب مني السماحة ، ودير فبالك ضلمتيني وانا مادنبي والو فهاد الحريرة اللي بين عهد وغيثة وتجرجرت فيها وكنخلص فالثمن دهادشي ، غنتعدب وغندب وغايجي النهار اللي نساك فيه ؛ عقل على هادشي؛ نتا ضلمتيني ايونس سمعتيي (كتشير بصبعها) ضلمتيني 😭
مشات وعد كتبكي وانيس متبع ليه العين وحاط يديه على وجهو بغا يبكي بافقصة حتى ديمارات ومشات ورجع هوا فحالو، وعد شدات الطريق المراكش كتبكي وكتكمي الطريق كاملة حتى وصلات للقصر وهي تلقا عهد واقف ليها بطولو وعرضو مربع يديه لابس كلشي كحل وكاسكيطة مستيلية فوق راسو ، شافتو وعد وهي تزراق بالخلعة
عهد: فين كنتي؟
صوت عهد الغليض اللي ولا مجروح ديما كيخلعها ..برى حلقو بقا مدعدع صوت رجولي خشن كيزعز الدار مللي كيهضر
وعد: (كتقفقف) كنت غير كنبدل الجو شوية
عهد: عند انيس ؟
وعد: 😨
عهد: شنو مشيتي كديري عندو؟ اش بينك وبينو ؟
وعد: لارد (مالقات ماتقول وشوفات ديالو كيخلعوها وحركاتو فاش كيبدى يهضر صعاب والشوفة عندو كتخلع دغيا كتخلي وعد تلف و دوخ ليه لا هيا لا كاع الناس اللي دايرين بيه
عهد: زيدي عندي لهنا
مشات عندو وعد وكتشطح بالخلعة وهوا يشدها منشعرها وشاف فيها حتى قرب نيفو لنيفها وهي عينيها خارجين غتموت بالخلعة وهضر معاها بصوتو فوسط وجها
غيثة: لالا مايحتاجشي، كنت مريضة من قبل فالوالدة داكشي علاش وقع لي هايدا
تخشات غيثة مكمداها فعضامها وختى الماكلة ماكلاتش ، دخلو الدراري كالعادة كل مرة كيحاول يتقرب منها واحد وهي كتهرب منهم وبالاخص محمد اللي زعم عليها بتعنيقة ، ولاو الدراري كيجيو بكري غير باش يشوفوها ويشبعو فيها شوفان ، اما ميمونة ماحاملاهاش تبقى عندها وغير كتقلب ليها على السبة، معسات غيثة ورمات موراها كلشي وخلاتهم مجمعين فالبيت حتى ناضو ينعسو ، صبح الحال وناضت غيثة الصباح بكري لطواليط تبدل اولويز لقات الدم مشات فمرة
غيثة: اواعدي ميمكنشي ؟ عاد جاتني البارح وقمرضاتني ودابا تقطعات؟ شني هاد المرض عاوتاني تفو
غيثة من بعد مالقات الدم مشات حيدات اولويز لاحتها وتوضات وخرجات لقات حنان كتسيق الماء ديال الشتاء اللي دخل عليهم للدار وميمونة مشات للسوق ، سمعو الدقان فالباب ومشات حنان حلاتالتلميذ: قالت معلمة عطيها كاس دالقهوة يكون سخون
مشات حنان صايبات القهوة وخرجات وبقات غير غيثة فالدار كتسيق حتى دخل عليها الحارس كيجري خايف ونقز عليها بغا يشدها بزز
الحارس: يا الحبينو يا العمرينو نتجوج بيك ونعطيك اللي بغيتي
غيثة: (طلقات حلقها للغوات) وااااااااااعععووو اهىءاهىءاهىء 😭😭😭 طلق مني يا الكلب يالحوان (كضرب ) مشي بعد مني تفو عليك يا الهيماجي اهىءاهىءاهىء 😭😭😭
الحارس: غير بوسة ، بوسيني كتحمقيني نطلق ميموونة و تولي نتي مولات الدار يا الكبدة ويالمعدة
بقا الحارس مزير غيثة وهي كتغوت بالجهد قلبات الدنيا بالغوات وكضرب وتقمش حتى دخلات حنان كتجري سمعات الغوات ولقات باها باغي يتمرفس على غيثة وبدات كتغوت، الحارس شاف حنان دخلات عليهم وناض كيجري هرب برا وناضت غيثة كتبكي كان شوية ويتعدى عليها ومن زهرها دخلات حنان ، حنان طاحت على ركابيها مصدومة وغيثة خرجات كتجري وكتبكي للزنقة بواحد التوني لابساه فالخضر معربن كان جلبو ليها الحارس واحد ليها واحد لحنان وصابو كحل فرجلها ودايرة الزيف دحياتي اللي معمرها حيداتو من نهار دخلات عندهم للدار لا هوا لا الشال قهوي فوق الزيف ، مشات غيثة بعدات على المدرسة وجلسات كتبكي حدى واحد الحانوت ديال الحوايج شحااال حتى شافتها واحد المرى جايا من السوق حيت السوق عندهم كيعمر جوج مرات فالاسبوع وكيتسوقو الناس كاملين فمرة وحدة، وقفات عليها المرى كانت لابسة جلابة حمرة وزايدة فوق كتافها شال غليض ودايرة سنسلة مدهبة فيها عين وبولة زرقة وجامعة شعرها بقراسة دالميكة وضاربة تكحيلة مجلخة فعينيها وعكار قهوي وفونضوطان ابيض حالتو حالة بحال كينطة
المرى: مالك ابنتي كتبكي واش ضربك شي واحد
غيثة: اهىءاهىءاهىء 😭😭 لا (هزات راسها شافت فالمرى)
المرى: (الله على غزالة كتفتن بالزين) مالكي جالسة هنا بوحدك؟ واش ماعندك حد؟
غيثة: (حركات راسها وكتبكي)
المرى: نوضي اجي معايا ماتبقايش جالسة هنا غيتكرفس عليك شي واحد
ناضت غيثة كتبكي مشات مع المرى حيت باينة برانية على المنطقة لان اهل الفيلاج كيعرفو البراني حيت عدد سكان معروف وشي كيعرف شي
وصلات غيثة مع المرة للدار وجلسات مربعة يديها كتشوف حشمانة والمرى حيدات الجلابة وكتمضغ فالمسكة وكتعيط على بنتها اللي فالسطحالمرى: جمييلة وااا جامييلة
جميلة: (كتبومبة) مرحباا مرحبا ، شكون نتي يا الغزالة ؟
غيثة: انا غيثة😔😢
جميلة: شمالية نتي يا العايلة ههههه
غيثة: اه 😔
جميلة: (هزات لها وجها كتشوفيها وتبومبة عليها) باينة فيك الزييين
..ايوا مرحبا بيك عند بنت العودة ههه
مشات جميلة عند مها كيطيبو الغدا ويهضرو
جميلة: شكون هادي ياالعودة؟
العودة: (اسم اللقب) لقيتها كتبكي فالزنقة باينة تالفة ولا هاربة من دارهم ، دابا نقلقل السوق مور الغدى، يالاه زيدي هزي داكشي نتغداو راه فالعشية جاي واحد الضيف، هاد البرهوشة هي اللي غتزيد تجيب لينا الكليان بلا ما نضربو حتى لعندهم على رجلينا
غيثة جالسة وكتشوف فالدار مفرشة على حقها وطريقها و ساكتة حتى حطو الغدى وبداو كيتغداو وغيثة حشماتة كتاكل وحانية راس ، سالاو وجمعو الطبلة وجات العودة جلسات كتسل لغيثة لسانها بطريقتها ...هزات الكارطة وفرشاتها قدام غيثة
العودة: قولي ..ها قلبي ها تخمامي ها باش ياتيني الله
غيثة: ها قلبي هاتخمامي هاش باش ياتيني الله
العودة: (فرشات الكارطة ) انا مشوف ليك طريقك اش فيه والى كان بصح فولي بصح الى مكانش بصح قولي ماشي بصح وماتكدبيش
غيثة: واخا😢
جميلة جالسة وكتشوف وكضحك بوحدها حيت هادي طريقة ديال العودة باش كتجر لبنادم لسانو غير بالحيلة حيت الكارطة ماكتوريها والو وكتهضر على الله باش غيثة تقوليها هادي كاينة هادي مكايناش
العودة: سميت مك وسميت باك واشحال فعمرك ؟ قولي ليا باش نهز ليك الخط
غيثة: ماما مليكة وبابا عبد الماليك وعندي 16 سنة
العودة: (كتشوف فالكارطة وكتخربق) عندك مشاكيييييل
جميلة:(ههههه باااينة عندها مشاكيل فير من البكا اللي كتبكي ومن الزنقة اللي جالسة فيها هههه )
العودة: سبابك الحب ابنيتي (حيت الحب هوا اللي كيبكي بنت فسن 16 سنة ) مزوجة ولا مخطوبة ولا راشمينك؟
غيثة: مطلقة 😢
جميلة: 😍
العودة: (دارت ضحكة شيطانية) نتي ماشي بنت هنا وجايا من طريق بعيدة ، يا اما جراو عليك واليديك يا اما هاربة ؛ حيت الكارطة هادشي اللي كتقول
غيثة: هربت 😢
غيثة تصدمات من العودة حيت كتجي فيها هي هاديك غير على الله وبدات غيثة كتقول الصراحة باش تشوف شنو مخبي ليها تلاقدار حتى عرفات منها العودة كلشي وجمعات وطوات بديك الهضرة الخاوية اللي كيتبتو بيها اي واحد وكيوريوه غير اللي يعجبو
العودة: كلشي مزال يتصلح وداخلينك فلوس كثيرة و واليديك راضين عليك وكاين واحد طويل وشهب غتلقاي معاه وغيبغيك وتبغيه وتعيشو السعادة الله يزيدم .(شافت فجميلة) نوضي حطي لنا شي براد د اتاي مشحر 😉
دخلوها لبيت النعاس ودخلات عندها العودة عبطات ليها السروال بغات تقلبها باش تأكد وهي تلقى فسليب ديالها نقاطي ديال الدم وقلباتها ورجعات ليها حوايجها كيف كانو وخرجات عند جميلة جميلة: امدرا؟؟
العودة: متقوبة ماشي بنت ومزيرة صبغي مابغاش يدخل ونقية كتشعل وغادي تعجب الكليان ، ولاكن فيها الدم واقيلا عاد غتجيها شفت فيها نقاطي ديال الدم ، مهم ماعلينا دابا، غلدي تعيطي على فرح دوز الليلة هنا انا هاد البرهوشة غنتسناو حتى تمشي منها الدم وتبدى خدمتها ، ماكتابش ليها تبدى هاد الليلة ، خليها ناعسة حتى تفيق ونتهلاو فيها باش تجلس معانا على ماتولف الخدمة
جميلة: ونيت باقة صغير غيتسطاو عليها منبقاش كاع حنا نحركو رجلينا تولي غير هي اللي مطلوبة ونرتاحو حنا شوية .
⏭
وعد: (هازة تيليفون كتبكي) الو ماما اهىءاهىءاهىء 😭😭 عهد عاق بالعلاقة ديالي انا وانيس ومشا يقلب عليه
مروى: اوييلي ...علاش قلتيها ليه
وعد: ماقلتش ليه وماعرفتش واقيلا كان عارف غير كان مريض كيتسنى يبرى وانا كي الحمقة كنشوف فيه الوقت كامل وهوا عايق بيا اهىءاهىءاهىء 😭😭
قطعات مروى اللي كانت فالكلينيك حتى عيطات ليها وعد كتشكي عليها وخرجات كتجري جرات نور معاها فالطريق عاودات ليه بزربة وركبو تبعو عهد بالجيبي اس لقاوه يالاه خرج من مراكش بوحدو بلا ليكارد كورد فالفيراري الذهبية ديالو اللي جالو من نهار وقعات الكسيدة
مروى: نور الله يعطيك الستر اولدي زيد فالسرعة نلحقو عليه
نور: راه كنطيرو الواليدة نفس السرعة باش غادي هوا غاديين حنا
مروى: اويييلي غادي عندو برجليه غادي يمشي يقتلو
نور: هاحنا قرابين ليه شوفي هوا فين وخنا وفين
مروى: (شادة تيلي) هانتا شوف المسخوط ماكيجاوبش
نور: مافهمتش انا علاش خاشي راسو فحياة وعد علااااش
مروى: وا المسخوط هاكاك داير ناتعرف منين تشدو ، كيتقلب بحال البحر ، كل مرة علاياش كتجيه الكانة، دابا انيس دار علاقة مع وعد وعهد حس بالقالب طلع معاه ، كيسحابو انيس حشاها ليه وانيس راه بصح كيبغي وعد ماشي بغا ينتاقم من عهد على ضهرها هي
نور: فهااامت فهمت، هاحنا غنفكو هاد الحريرة .
انيس مان فالدار وتلعاءلة كاملة مجموعة تما عندو فالرباط خواتاتو وخوتو وبناتهم اللي تسنطو على غيثة ومها، جات العاءلة كاملة طل على ملاك ويشوفو كي بقات ، يسرى كانت كطل من الشجرم وكتهضر فالتيلي مع الصاحب باش ميسمعها تا واحد كتى كتبان ليها فيراري شدات الفران سيك كلشي هرب يسحابهم كسيدة، و تحلو البيبان لفوق ونزل منها عهد مكشكش كارز على سنانو
يسرى: الله شكون هادا واش نزل من الفضاااء 😍😍😍😍
قطعات تيلي على الصاحب وبقات حاللة فمها فيه وفالحديدة ومتبعاه بعينيها شافتو داخل للعمارة اللي كطل منها هي ،بغات ترجع تقولها لجهان وهي تسمع فران اخر نزلات فيراري كحلة ماط نزل منعا نور ومروى كيجريو ومروى لابسة طالون وليبة موس ومونطو باج فاتح حد الركبة وشعرها مطلوق وشادة فنور باش مطيحش ودخلو للعمارة تبعو عهد
كانت الاعاءلة كاملة جالسة فالصالة مجمعين حتى سمعو الدقان بالجهد والباب غيتفرع بالدقان ، كلشي تفعفع من صوت الباب اللي بغا يطير من بلاصتو ، مشا انيس كيجري حل الباب لقا عهد قدامو نقز عليه بحال شي تور طيحو فالارض وطلع عليه ستف ليه كلاكات متابعين بيد وحدة بسرعة البرق قبل مايبداو يفكو العاءلة ، ناضو الرجال كيفكو وعهد لسق لسقة على انيس مابغاش ينوض عليه والاخ دانيس مشا كيجري هز جنوية طويلة وجا كيجري ضرب عهد للي كان كيشوف غير فأنيس ودمو سخون جاتو الدقة فالضهر حتى كرز على سنانو وغمض عينيه من حر الضربة ورجع حلهم كينهج وناض على انيس خلى نيفو كيسيل بالدم وشد خوه اللي كان هاز الجنوية فيدو ضرب ليه يدو بركلة حتى طارت الجنوي وملشي هرب كيغوت ، دخل فيه بدماغ حتى داخ وكلهت، ناض انيس بغا يدابز مع عهد وشدوه وشدو عهد فجهة اخرى اللي كيدفع اي واحد قاصو او قرب ليه بلا ميعقل على تا واحد ، جلس كيخلط ويضرب والدم نازل مع ضهرو كيشرش وهوا دمو سخون مزال محاس بالضربة ، مروى كانت طالعة مع الدروج ختى سمعات الغوات وطلعو كيتجراو شافت عهد كولو دمايات من ضهرو واللي جا فطريقو كيضربو وغادي جيهت انيس ، اما خوه سخف من الروسية اللي عطاه عهد للنيف ، وقفات ليه مروى فطريقو لان تا واحد ماقدر يتحكم فيه وهوا هايج بحال البركان ونور كيجرو وعهد كيحيح من السمطة لتحت ماعقل على تا واحد ومو قدامو حابساه
مروى: (كتلهت وترعد) عافاك احبيبي عافاك الى ما بررد ، غاي نموت ليك هنا والله تا نموت ليك
عهد كيسب فانيس اللي شادينو عاءلتو ماخلاوهش يضارب وعهد قدامو ومو الوسط ماخلاتوش يزيد تا خلفة جيهت انيس ، الدنيا عمرات ببنادم العمارة كاملة تجمعات واللي دايز من الحومة كاملين طلعو كيتفرجو ، عاءلت انيس عيطو لبوليس جايين فالطريق وعهد الوسط فالصالة ديال الدار محيح صوتو القوي خرج وصل لراس الدرب والحوار بالانجليزية كيفهمو غير شي وحدين الاغلبية غير كيشوفو من بعيد خايفين يقربو وتجي فيهم شي دقة
عهد: (كيسب انيس) واجهني فاص ماضربنيش من جيهت ختي يا الزامل ، هاناجيت عندك بوحدي باش متقولش مخبي وراء ليكارد كورد
مروى: راك مافاهم والو ، علاش داير هاد الحالة راه ماضربكش من جيهت ختك
انيس: كنبغيها وكتبغيني فهمتي ، كترجل غير فالوقت اللي كتبغي يا الزامل
عهد: الزاامل هوا باك (بغا ينقز عليه )
حيدي الواااليدة غننننننننن (صعر) الرجال كيواجهو يا الشماتة، مللي بقات فيك بنت ختك اجي عندي فاص وضربها ليا فوجهي ماتخباش مور ضهر ختي
انيس: عرفتي شنو (بغا يفقصو) انا رجعت ليك صرفك ، كيما تكرفستي على بنت مادارت ليك والو هانالعبت ليك بختك
عهد: وانا جيت نحويك قدام عروق طاسيلتك
عهد جهل وداز فمروى ونقز على انيس بحال الوحش وسط عاءلتو كلشي مصدوم مافاهمين والو ولاسقين مع الحيوط والبنات كينقزو فوق السدادر هاربين ، نور كان داير احتياطو حيت عارف راسو ميقدرش يشد عهد مللي كيصعر وجبد من جيبو عصية صغيرة كتشعل الضو وبدا كيقيط بيها عهد فرجلو باش يفشل حتى فشل بصعقات الكهرباءية وحلس على ركابيه ماقدرش يوقف واخا كيوقف بزز ماكيقدرش يزيد ومازال كيسب ومروى كطلب فيه يبرد حتى دخلو البوليس لقاو الروينة والقيامة وسط الدار والحومة عامرة بالناس كل واحد شنو كيقول وكيشوفو فالحديد قدامهم مافاهمين والو ، وقفو جوج طوموبيلات كاط كاط كانو جايين مور نور وعادد وصلو معطلين فيها رجالو، تحيحات فالحومة وبنادم مصدوم اول مرة يشوفو بحال هادشي ، كترت الكوموبسلات والرجال كاملين نصارة وكل واحد قد السخط لابسين الاسود كاملين بالعرام والفرادة فجيابهم لور ، كلشي تخلع وكيصورو منبعيد المنضر ديال المطايفة اللي نايضة وسط الحومة وكيتسناو البوليس يهبطو الشخص اللي كيسمعو صوتو كيحيح لفوق بالانجليزية ,كلشي داخلو الفضول باش يعرفو شكون وشنو واقع
دخلو البوليس لقاو الروينة مشاو بغاو يمينطو عهد يالاه وصلو ليه باش شدوه دفع جوج منهم تا طارو ودخلو ليكارد كورد بعدو البوليس وكيوريوهم البادج بلا ميحتاجو يهضرو معاهم وعلى حساب من خدامين ،البوليس شافو البادج رجعو اللور لان رجال عارفين ومولفين بهاد المواقف وكيعرفو ميفاش يتصرفو، بداو البوليس كيبعدو الناس باش تفرق الجوقة ولاكن مستحيييل الشعب المغربي واخا ترشهم كيليموجين لعينيهم يبقاو حالينهم باش ماتفلت ليهم تا لقطة، مروى دفعات عهد هي ونور جلس فوق واحد السداري كينهج وكيدور فعينيه بالفقصة و انيس شادينو رجال باش مايضاربش مع عهد اللي فشلو ليه رجليه بالضوء ونور كيهضر و رجال العاءلة اللي كيفهمو الانجليزية كيحاولو يدخلو بخيط ابيض كتارت الهضرة بزااف حتى لواحد اللحضة سكت فيها كلشي (لحضة صمت) عاد هضرات مروى مروى: شوف ضهرك كي محلول شوف شنو درتي بلا متفكر
عهد: الواليدة خليني هاد الساعة الضهر تحل ودابا يتسد وهاد ولد الكلبة الى ما .... (سكت) راني ماشي راجل الى ما ننننننن (صعر) دابا تشوف
انيس: (شادينو خوتو ) نتا سباب الروينة اللي حنا فيها، ختك جات عندي برجليها فهمتي ، انا ماشي شماتة بحالك نتكرفس على بنات الناس بلا خاطرهم
عهد: (كيضر بعصبة) الى هضرت اثبي راه غنبكيك فهمتي وحيت راجل عليك مغنهضرش على بنت ختك على شي حوايج باش نكلاصيك ونسكتك ، كن كنتي راجل ماتقولش عليها جات عندك برجليها وتمسح فيها؛ نتا اللي كدوي على الرجلة اثبي راك ماشي راجل ، رخف على راسك راه اللي بحالك قدامي كيبولو ، دابا عرفتك مبرهش واخا فعمرك 30 حيد داك الزيرو حيت ماتستاهلوش وخلي ديك الثلاتة بااااااراكة عليك ، ودابا سير تقود شفعات ليك الواليدة هاد الساعة ومازال حاطك فراسي حتى لاخر شهقة غنفرعك نفرعك
انيس: انا وريتك الفرق بيني وبينك وانا ماتعديش عليها بزز بحالك بغاتني وبغيتها هادشي اللي وقع ، اما نتا شتتي عاءلة ، شوف مها كي ولات ، فين هي دابا البنت فين؟ شفتيها هنا معانا،؟ هاااا؟ فيييين هيااااا ، بسبابك بنت عندها 16 عام عاطية وجها للزنقة و ماعارفين عليها والو هادي 10 ايام دابا ، هربات وخلات مها فالركنة
نور: 😨
مروى: 😱
عهد: هاد الهضرة سير كولها ، انا ماجايش نسمع هادشي فهمتي، كيما وقفت على ختي وقف نتا على بنت ختك ووريني الرجولة ، بنت 16 عام ماحضيتيهاش ، فين كنتي فاش هربات هااا؟
أنا أحترق الجزء 14
محتوى القصة
التنقل بين الأجزاء