انيس: مامتجيوناش امدام باش نشركو معاكم اخبارنا ، تقطع الحبل اللي كان جامعنا معاكم ، حنا كنقلبو على بنتنتا وغنبقاو نقلبو تا لاخر نهار فحياتنا ، مامحتاحين المساعدة من تا واحد ، قادين براسنا
نور: الواليدة سالاه تمشي ، نوضي يالاه
نور ماجاوبش انيس ومروى فشلات ماقدراتش توقف وهزها فيديه هبطها لطوموبيل وزاد مع الطريق وتبعوه ليكارد كورد وتفرقات الحوقة وسد انيس باب الدتر وبقاو غير لافمي ديالو باغين سفهمو شنو وقع حيت اغلبية مافهموش اللغة
انيس: هادا اللي كان محيح هنا هوا راجل غيثة ، هوا اللي غتاصبها وتزوجها وهي مابغاتش تبقا معاه وطلقها(العاءلة مصدومة )وهادا اللي معفر هاز خنافرو للسماء خوه و ديك نجوى كرم اللي معاه مو، شيعانين فلوس و انا وبنتهم وغانحيكم من اللخر حيت مابقات حتى حاجة كتخبى، انا وبنتهم رتابطنا فالسر بلا مايعرفو عاءلتها بالي بيناتنا شي حاجة
يسرى: هييييييه😱دابا غيثة كانت كتنعس مع هاداك؟ قلبي تهرس وماعالم بيا غير الله، هي اللي صدقات لها وماكرهتشش كن كنت بلاصتها ، ناااري ياختي معامن كانت كتبات
جهان: ناااري ممتيقاش ، ضربيني بشي مقلة نفيق، غيثة تزوجات بهاداك ، سبع ياختي بغيت غير نتخيلو ميفاش كان عايش معاها مابغات تشد ليا تا صورة، وداك خوه نااااري على بوكوووص وعلى شخصية متقل كيشوف غير من الفوق ماع مكيهبط الراس
فوزية: (زوجة الاخ) والله ماكدب قالك نحوى كرم، والدو دوك السبوعة ومزالة محبدة بحال هيفاء ، ولادها بحالها فالزين ، شوف ليك غيثة بيمن تزوجات !!!!وا هنتي هادو مجهديييين ، خاص ضاروري غيثة ترجع باش نساجمو مع ديك العاءلة وداك خوه يتزوج شي وحدة منكم البنات
يسرى: واغير حيت دابا جا فوقت مرون اما كن طيحتو بزربة
جهان: انا سطاوني 😍 واش بصح هادشي اللي وقع؟ انا جاب ليها الله كنت كنتفرج فشي فيلم ميريكاني طروادي !
يسرى: خاصك شي مقلة نييت لداك الوجه باش تفيقي، شوفي غير تلطوموبيلات اللي جاو فيهم وموارهم ليكارد كورد ، داك راجلهت كلاها فضهرو وبقا واقف كن شي ميخي مم مات
جهان: سكتي متفكرنيش انا مشيت كفتة صافي
⏭
نور: غادي نلقاوها ، خاصنا نلقاهوها و فاقرب وقت
مروى: خرجات لينا هاد البنت من الجنب ولسقات فينا لسقة ، تا قلنا تهنينا ها هي روناتنا عاوتاني، خاصك تلقاها اما عهد مغاديش يقلب عليها شفتو ماتسوقش لهضرة اللي قاليه انيس
نور: ماتعرفيش داك الحنش فاش كيفكر ، ماتعرفين فرحان ولا زعفان ، كيطير وكينفاعل دغيا وغير على سبة اففففف
مروى: قلب على هادا البنت رجعها لعاءلتها ، ضميري كيأنبني واها وليت كنكرها ومابقيتش حاملة نشوفها ولاكن حبدها رجعها ليهم
نور: غادي نجبدها ماتخمميش ، انا من نهار خرجتها من القصر ماداني النعاس، قلت زعما نقصح معاها باش تكرهني وتخرجني من راسها ساعة خرجات على راسهة افففف حماقتني هاد البنت وعدوانية مكتمشيش بالعناد خصها السياسة
مروى: ماشي شغلنا تمون كيما بغات تكون مهم رجعها ليهم ، غادي يبرى باك نخرجو من هاد المغرب فمرة ونتهناو...شوف دابا انا طرسق شد داك المصعور خايفة يمشي يقلب ديك الطونوبيل...عيط ليه شوف واش يجاوبك...
....: الرقم اللذي تطلبونه غير مشغل المرجو اعادة النداء لاحقا.تيت تيت تيت
غيثة: اففف😔 مكيشبرشي
العودة: شكون هادا؟
غيثة: واحد الولد كنعرفو يقدر يعاوني بلحق تيليفونو طافي
العودة: انا نعاونك تبنيتي غير سيري رتاحي ، حنا هنا غير انا وبنتي ونتي مرحبا بيك معانا مونسانا ، ماتخسبيش راسك برانية علينا حسبي راسك وحدة منا
غيثة: شكرا اخالتي
مشات كلسات كتفرج حتى دخلات واحد البنت دايرة النقاب ، جلسات البنت كتحيد فحوايجها بقات غير بواحد الكولون وطريكو ديالو وطلقات الشعر ودابرة مكياج وكانت مخبيا وجها تحت النقاب ، طلقات مسجالة فيها الشعبي وجلسات كطلع وتهبط فغيثة حتى عيطات ليها العودة من الكوزينة ومشات عندها
العودة: هادي جديدة معاكم وداك الضيف فاش يجي طلعي نيشان لبيت للي لفوق وقضي تما وهبطيه نيشان مع الدروج يمشي فحالو خلي هادشي حسي مسي هاد الساعة باش ماتهربش البنت ولا طيحنا معاها فالمشاكل
سمعات البنت الهضرة وطلعات لفوق لدار الثانية اللي فيها البيوت فين كيمارسو الفاحشة ، الدار مأتتة من داكشي الرفيع حيت العودة كدخل فلوس صحيحة كل نهار وكتقود فالبنات وتخلص عليهم واللي ماعندو فين يقضي الغراض كيجي عندها ومل حسي مسي بلا فضاءح
وصل الوقت وطلعات البنت وطلعات معاها الراجل وغيثة جالسة لتحت كتسمع الموسيقى لفوق كيسحابها شي ناس ساكنين تما وجلسات تعشات عادي وتفرجات فالتلفازة وداتها العودة لواحد البيت نعسات فيه
⏭
عهد ماكملش طريقو وقف فجنب الطريق رجع الكوسان للور وشعل الشاشة ديال الطونوبيل وحبد الخريطة دالمغرب كاملة مدينة بمدينة و قرية بقرية وكيخرك بصعوبة لان وجع الضربة اللي فضهرو فاق معاه وصابر ليها وكمل شغلو ، عيط فالتيلي لشخص واحد اللي مكلف بالرجال وليكارد كورد ديالو وكلفو يفرق كل مجموعة فمدينة و فقرية فانحاء المغرب كامل وصيفط ليه الصورة دغيثة من الفايسبوك ديالها وبدات رحلة البحث وكمل الطريق لمراكش يعالج الجرح اللي فيه ، نور كذلك نفس الشيء دار ونتاشرو جميع رجالهم كيحققو ويبحثو بطريقتهم والمغرب حتى حاجة فيه مكتخبى نضرا لمساعدة البركاكة والشمشامة اللي عندنا..
مشات واحد الفءة من رجال عهد طاحو فالقرية اللي فيها غيثة والبقية انتشارو فالمدن والقرى الخرين كيقلبة بوساءل التكنولوجية وحتى بالطرق العادية باش يلقاو غيثة.
الرجال اللي فالقرية مشاو بداو بالجدارمية اللي فيها حيت مافيهاش البوليس غير ليجوندارم اللي فيها وعطاوهم الصورة وبداو معاهم فالتحقيق واخا لغة الحوار صعيبة حيت حتى الجدارمية مكلخين فاللغة طالعين سطولة تفاهمو مع رجال عهد بصعوبة ، بقا واحد كيقولها لواحد حتى وصلات للمقدم ديال الحومة قالها لمرتو ومرتو باش تجمع ليه خبارات الحومة كاملة
داز اسبوع وغيثة معززة مكرمة مكتخرجش من الدار وماقرب ليها تاواحد خيت العودة عند بالها فيها الدم كتسناها تا تمشي وغيثة ماعرفاش عندمن جالسة ، وصل النهار اللي سالات المهلة اللي عطات العودة لغيثة كتسناها تقطع الدم .
نهار جديد فاقت غيثة فدار العودة اللي صبحات ناشطة ناوية دير الزردة لغيثة بلليل ومشات عندها لقاتها فايقة
غيثة: واخا... ناضت غيثة لبسات واحد الجلابة فوق البيجامة ودارت الشال على شعرها حيت البرد قاصح وخرجات مع العودة مشات معاها للسوق
السوق عامر كلشي كيتقدى وغيثة غير شادة فالعودة وكتشوف ومنين ما دازت كيتبسلو عليها الناس حيت العودة مشبوهة وكلشي عارفها فاسدة ، بقات العودة كتقدى وكيما كل سيمانة جميع اهل الفيلاج كيمشي يتقداو من سوق واحد اللي كيعمر كل اسبوع، بقات الغودة محنية كتعزل فاللفت ومرت المقدم حداها كتعزل ، العودة مطورة ومجبدة عارفة مرت المقدم اكبر بركاكة داكشي علاش مكتعطيها حتى باش تنقي سنانها، مرت المقدم شافت غيثة وبقات كطلع فيها وتهبط وجبدات الهضرة مع العودة
مرت المقدم: اكيدايرة ؟ لاباس عليك ؟ عاش من شافك
العودة: ربي يخليك الحبيبة
مرت...: كي دايرة مع الزمان ؟ شكون هاد البنت؟
العودة: بنت ختي جاو يدوزو معايا شي يامات
مرت...: اااه يوا مزيان ..الله يعاون
العودة: بسلامة
مشات العودة كملات التقدية ومرت المقدم تاهيا مادات ماجابت ومتوقعاتش تكون البنت اللي قالها المقدم هي غيثة اللي مع العودة، تقداو ورجعات بحالها لقاو جميلة مطيبة الغدا وجلسو تغداو ، العودة وبنتها حسابهم فراسهم وغيثة ماعارفة مسكينة والو ؛ سالاو الغداء وناضت جميلة هزات السطولة والساك
احلام ماشي ختارتو غيثة ك اسم وصافي ولاكن لاسم كينطابق عليها حيت كانت كلها احلام وطموح وفالاخير تبخر كلشي وبقى كلشي مجرد احلام و وغيثة وشخصيتها اللي كانت حتى هما بالنسبة ليها غير حلم عمرو يتحقق هادشي علاش ختارت تكون حلم وعطات هاد السمية لراسها والدموع فعينيها ، مشات مع جميلة للحمام كتبكي فالطريق ، دخلاتها جميلة الحمام وفركاتها وكسلاتها والناس كيشوفو فغيثة و داخو فالزين اللي عطاها الله و بالاخص فاش طلقات شعرها قدامها كتغسلو بقات جميلة حاللة فمها حيت عمرها شافت غيثة طالقة شعرها وعمرها تخيلاتو يكون طويل حتى لديك الدرجة ، دوشو وسالاو وخرجو لقاو العودة خملات الدار ولات كضوي ودخلو عمرو براد دال اتاي شربوه وتكاو ارتاحو من الحمام حتى وصلات 8 دالعشية وناضت جميلة فيقات غيثة كتحلون عليها مشفات لها شعرها
غيثة دوروها البنات بالهضرة حسات وكلاو ليها عقلها وعي باقة صغيرة دغيا زربو عليها وسكروها تا بدات كضحك وكيضحكو عليها وجلسات كتهضر وهما كيضحكو والعودة طلعات شافتها هاكاك عجبها الحال
العودة: وشكون عرف كل مرة كيجي واحد جديد انا كيهمني يعطيني الفلوس وصافي وقالي فتيليفون غير تكون شي وحدة اللي فيها ميدار وصافي ، قلت ليه راه حرافية باش يجي
العودة: واهاهيا سكرات دابا وحسن نيت مللي كضحك غادي يعجبو الحال وانا قلت ليه باقة صغيرة وزوينة وقالي طلبي اللي بغيتي غير المهم يتبرع عزاز عليه الصغارات
جميلة: هادا شي شيباني عزيز عليه الصغر هههه
العودة: مهم هواوا كيدق دخلوها للبيت وحيدو ليها حوايجها وهبطو لتحت خليوها مع السيد يضبر راسو معاها
نزلات العودة تحل الباب و البنات دخلو غيثة لبسوها سوميج دو نوي وخلاوها فوق الناموسية سكرانة كضحك بوحدها ونزلو لبيوت ديالهم ، طلعات العودة الكليان عند غيثة و وطلات عليه من العوينة شافتو كيحيد حوايجو ونزلات فحالها خلاتو معاها وجلسات كتسناه يسالي ويخرج يعطيها فلوسها ، تسنات تا عيات وبغات طلع دق عليه وهي تجرها جميلة
جميلة: كوراه عجباتو ماسخاش بيها خليه تا لصبح باش يتهلا فيك فالفلوس
العودة: هههه هاحنا غنشوفو سمعت الضحك ديالها من هنا ههههه باينة داخ فيها
قبل مايصبح الصبح طلعات العودة كدق عليهم حل ليها الباب وخرج نزل مشا فحالو ، العودة بغات تبعو تشد فلوسها وهي تشوف غيثة ناعسة عريانة مغطية بليزار والفلوس مشتتين فوق منها بالعرام وفاللرض، دخلات العودة كتجري كتجمع وتلقط فرحانة كي الحمقة جمعات الفلوس وهبطات عند بنتها كتجري وراتها الفلوس اللي لقات فالبيت دغيثة ، ماقداتهم فرحة ومشاو نعسو فرحانين تا صبح الحال ، فاقت غيثة لقات راسها عريانة ولاسقة فيها ريحت الرجال عرفات راسها نعس معاها شي واحد وناضت كتجري لقات شوميز دو نوي حداها مرمية فهمات شنو وقع ليها ولبسات بيجامتها كتبكي و تندب كي الحمقة ونزلات كتجري للدار كتغوت وضرب فراسها والعودة وبنتها كيشدو فيها وكيحاولو كياكلو ليها عقلها بالهضرة ناض الصداع فالدار والجيران كيسمعو والعودة ماكتبغيش الفضايح بدات كطمعها بالفلوس وبللي هي مولات الري والشوار ولاكن غيثة مابغاتش تسكت وخرجات ليهم من الدار كتغوت قدام الناس ومشات كتجري وكتبكي وشعرها مشعكك جامعاه بقراصة والبرد كيزفزف ، مشات جيهت المحطة دالكار وبدات كترغبو يركبها وخلاها تركب ، طلعات كتجري جلسات والناس كيشوفو فيها كتبكي بغات تسطى وصوتها كيتسمع ، الطريق كاملة ماسكتات حتى سمعات الكريسون كيعيط
غيثة بدات كترعد وعطاتو داكشي كامل اللي جمعات وكتبكي بالخلعة وبغا يجرها يديها معاه حتى فكها واحد شافها كترعد، مشا واخد الولد يفكها شمكار تاهوا وناض دابز مع الشمكار اللي كريساها ونوضوها صباط، غيثة شافتهم مشانقين وهي ضربها بجرية هربات مخلوعة كتشوف يمين يسار فيت تهرب وهي دخل لواحد القهوة كتزرب فالنشية حانية الراس باش متعيقش ، تبعوها الشماكرية كيجريو تا لحدا القهوة وبقاو واقفين ماعرفوش اشمن اتجاه شدات
الشمكار: هانتا ضيعتيها لينا
...: واسير تقود جاؤ داير ليها فيها بطل باغي تفكها زعما باش تبرع بيها بوحدك، جي عدني يا صاح قلي قسم معايا نقسم معاك ماشي تهليها تعلق ونجلسو لا انا لا نتا دابا، واش بحال ديك القوقة كيفلتوها الناس ..تفو علا بشار تابعينك تا فالحوى
مشاو الشماكرية بعدو على القهوة كيقلبو وغيثة خرجات من الطواليط فين كانت مخبية كتسلت ومشات لكونطوار ديال القهوة
الشخص: (كيعيط) ناااعيماااا اجي ...سيري دي البنت عطيها اللبسة باش تبدى الخدمة
مشات نعيمة طلعات غيثة للفيستيير عطاتها سروال كحل و قميجة بالجيلي فالاسود وطابلية كحلة صغيرة وجمعات ليها شعرها كوتشوفال ونزلات، القهوى كلاص وكيجلسو فيها غير الناس النقيين وديارين ليهم داكشي منضم واللبسة ديال الخدمة بوحدها
نعيمة: غتهزي البلاطو وتمشي تشوفي اي واحد جلس شوفيه شنو بغا وسيري سربيه ويلا وحلتي اجي عندي
غيثة: واخا
بدات غيثة الخدمة كتسربي فالناس وجات معاها اللبسة الكحلة والطبلة اللي مشات ليها تسربيها كيبداو يضسرو عليها ، القهوة فيها مطعم وريسطو فنفس الوقت وفيها جوج طبقات وكبيرة موديرن وفيها السرباية بزاف ، غيثة عجباتها الخدمة وكتحرك بحماس و كتخدم حيت لقات الامان وماشي بحال الشارع وحتى المضهر ديالها نقي وماشي ريجامة كدور فزناقي، واخا كيبسلو عليها بعض الكليان سواء كانو شبتب او شراف كدير راسها مكتسمعش و مكتهزش فيهم العين واخا كتحرج بزاف من هضرتهم ، وصلات وقت الغداء وعطاوها بوز ديالها تغدا فيه و حطو ليها شوية دالماملة مع شلادة والفريت طلعات كلاتهم بعيدة وهبطات الطبسيل غسلاتو وحطاتو ورجعات للخدمة، اي كليان حطات ليه بوشيطة فيها فيها الحساب كيخلص وكتهزها تعطيها للمحاسيب كيرد فيها الصرف وكترجعها للكليان كيهز فلوسو وكيخلي ليها البورفوار ، عجباتها غيثة هاد القضية ديال البقشيش اللي كيخليو ليها و حتى واحد ماكينوض يلا ميدور معاها وكتوصل التدويرة حتى ل 100 درهم بعض المرات فخاطر الزين والجمال والعوينات واهم حاجة اللهجة والصوت اللي كيخلي الكليان يبقا عاصر فالقهوة باش يشوفها وكيبدى يطلب كل شوية باش تجي عندو هي تسربيه ويسمع صوتها ، داز النهار كيجري عند غيثة جمعات 500 درهم غير ديال تدويرة اللي كيخليو ليها الكليان ومشات عند مول القهوة اللي مزال كاع ماسولاتوش شحال يخلصها مول القهوة: غدا مع 8 غادي تجي ...بحالك بحال كاع السربياية اللي خدامين هنا باش تنقيو الدنيا قبل مايبداو الكليان يدخلو وغادي نعطيك 25 الف ريال فالشهر والتدويرة ديالك راكي كتاخديها من عند الكليان
غيثة: صافي واخا ، واش واخا نبات هنا هاد الليلة
مول..: كيباتو هنا الدراري اللي كيسربيو ماعندك كي ديري تباتي معاهم
بدلو حوايهم ولبسات بيجامة اللي كانت جايا بيها ومشات مع نعيمة لدار باتت معاها والليل كامل ونعيمة باغا تعرف شنو واقع لغيثة ولاكن غيثة تعلمات تجمع فمها ومابقات كتيق فحتى واحد و قبل ماتمشي تبات فدار نعيمة سولاتها على عاءلتها عاد مشات معاها ، الليل كامل وهي ناعسة ورادة لبال فين ماتسمع شي تخرشيش كتنوض وفلوسها خباتهم فسدرها باش ميسرقوهومش ليها عاوتني حتى صبح الحال و ناضت بغات تخرج تمشي القهوى وعطاتها نعيمة واحد الجلابة سترات بيها البيجامة وعيات فيها باش تاكل مابغاتش خافت يديرو ليها شي حاجة فالماكلة حتى خرجات عاد شرات شي تخربيقات من الحانوت كلاتهم ومشاو للقهوى بداو الخدمة والطلب على غيثة بوووحدها، كلشي باغيها هي اللي تسربيه والكليان ولاو كيعمرو القهوى بلا عدد حتى ولا مول القهوى داير قانون جديد باش اللي فات ساعتاين وهوا جالس ينوض بحالو او يكونصومي شي حاجة من جديد ، هاكا مشات الايام فحياة غيثة وديما كتبات مع نعيمة وكتصبح خدامة وكتجمع فالفلوس مكتخسر تا ريال ، شدات الخلصة الاولى ديالها ودخل الشهر الثاني بدات كتعيا فيه والارهاق كيجيها وكتفشل وكتخدم بزز والدموند عليها ومول القهوى عاجبو الحال حيت عندو الربح فيها ونهار اللول عرفها داكشي علاش خدمها عندو ...
⏯
مروى: عهد مالك وليتي هاكا؟ مالك مابقا حد كيقدر يعضر معاك غير كتعاير فالناس واللي جا جيهتك كتسوط فيه
مروى: صافي دابا ...حنا غير بغينا نعرفو علاش هادشي وصافي
خرجات مروى من الشومبر دعهد وهوا جلس متكي على ركابيه كيشوف فالارض مخصر سيفتو وكيتفكر ..
#فلاش_باك 🎬مكالمة هاتفية..
الشخص: مسيو عهد البنت لقينها فدار مشبوهة وقلنا نعلموك قبل ..
عهد: كيفاش دار مشبوهة؟
الشخص: ليجوندارم اللي كيعرفو المنطقة هما اللي قالو شي واحد خدام معاهم كيوصل ليهم الخبار شافتها مرتو فشي مارشي مع شي مرى ودرنا البحث ديالنا لقيناها فعلا فدار الدعارة وقلنا نخبروك قبل مانديرو تا خطوة
عهد: لا رد (مصدوم وبقا ساكت شحااااال عاد هضر) اوك خليوها تما وديرو ليا موعد فديك الدار وطلب اللي بغات بلا مايعرفو شكون.
قطع تيلي تيلي وناض من فوق البياص فسبيطار حيت كان جرح اللي فضهرو كيتعالج وكان كينعس ديما على كرشو ، مشا شد الطريق كيطير للقرية اللي قالو ليه و الشخص اللي هضر معاه هوا اللي كيف واحد كيهضر الدارجة باش يهضر مع العودة وتشد ليه موعد ، وصل عهد بلليل لابس سروال اسود وتريمو باج فوقو لافيست دسال الكوير ودق كاي زبون فالباب ديال العودة وحلات ليه وبلا ميهضر معاها حيت مكيعرفش اللغة شافتو تصدمات فيه بقات حاللة فمها وسدات الباب طالعة فرحانة وهوا ساكت كيشوف المنضر فين عايشة غيثة وطلع عايف الريحة ديال الدار والمناضر اللي كيشوف ، لقى الطبلة فيها الشراب خانز والكيسان بزااف محطوطين والطبلة مكرفسة معفنة وكيتسنى يشوف غيثة حتى دخلاتو العودة عندها البيت شافها متكية فوق الناموسية عريانة بشوميز دونوي وكضحك ماقداراش تهضر او تحرك بالشراب ،سدات عليهم العودة الباب و حيد لافيست حطها ومشا قرب خداها كيشوف فيها مصدوم ممتيقش عينيه و جلس حداها كيتسنى يشوف شنو دير ، غيثة شافتو وشدات فيه باش تنوض عندو وكضحك بالجهد وهوا كيطلع ويهبط فيها وكيتنهد ، عنقاتو بغات تبوسو وهرب وجهو مابغاش يبوسها وكيبعد وجهو وهي كتعلق فيه سكرانة ، شاف فيها بنص عين كيفكر وبدا كيحيد ليها حوايجها وكيشوف ليها فعينيها وفين ما تبغي تبوسو كيبعد وجهو حتى خلاها عريانة عرفها مستاعدة للمارسة جنسية ، ويمكن ليه يدير فيها اللي بغا واي واحد فبلاصتو كان يدير فيها اي حاجة ، بعد عليها وخلاها هاكاك عريانة قدامو فوق الناموسية وكيشوف فيها عينيه تزيرو وجهو تزير ماحملش المنضر وكل شوية كيدفل فالارض وجلس بعيد عليها مقابل معاها وحط يديه على ركابيه مصدوم وكيشوف فالارض ويرجع يهز راسو فيها
عهد: عجبك هاد المستنقع ؟؟
غيثة: ههههههه
عهد: (كيمسح على وجهو بعصبية وكيلهت) مزيااان ...ملي توسختي توسختي وعاجبك هادشي خليك فيه ، خرجتي للتقحبين اغيثة ههه لالا احلام مابقاتش سميتك غيثة ياك...شحال من واحد كيدوز عليك فالنهار؟ ملاي هربتي علاش مافكرتيش تخشاي فشي خدمة ولا ديري الميناج؟ ولا نتي عجبك تخدمي ناعسة وتخلصي واقفة؟ لقيتي تقبة كدخلك الفلوس وعجبك هاد العفن في وليتي جالسة ...
غيثة: الصمت (نعسات)
ناض عهد وقف قدامها كيشوف فيها ناعسة وكلشي فيها عريان وداير صبعانو فجيبو كيتفرج فيها بحرقة وفنفس الوقت عافها ، هز الغطى لاحو عليها و رجع جلس فوق واحد الكرسي شحااااال كيشوف فالارض وساهي الوقت كاااامل وغيثة ناعسة قدامو حتى قرب النهار يطلع و سمع الدقان وناض هز لافيست ديالو جبد منها الفلوس ومشا عند غيثة وهي ناعسة
حل عهد الباب وخرج عينيه مزيرين فيه البكية على داكشي اللي شاف ولاكن مادرف حتى دمعة ونزل خرج برى وهز راسو فالسماء كيتنفس ويطلع فالنفس وركب مشا و تبعوه رجالو غادي وكيشوف فديك الدار من المراية د الزاج حتى بعد عليها وشد الطريق مع الفجر غادي فالطريق وكيوقف كينزل يتمشى على رجليه ويشم الهواء والصورة دغيثة قدام عينيه وهي عريانة وكيرجع يكمل الطريق ويوقف عاوتاني شحااال حتى وصل و كاره الحياة ونوضها مع نور باش يحبس التقلاب على غيثة والمشهد ديما كيتعاود ليه فعقلو ، مابقاش كيحمل سميتها والنعاس مكينعسش وديما مغبن ومغيير مكيضحك مكيهضر والوقت كامل وهوا بوحدو كيشرب بلليل وبنهار
داز الوقت ...ونضال خرج من الكلينيك ولا كيقدر يجلس ويهضر واخا داير الجبص وكيتحرك بزز، عاودات ليه مروى كلشي من اللول حتى الاخير ماجرى نضال: عيطي ليا على عهد نهضر معاه
مروى: بلا ماتهضر معاه عليها غادي غير يعصبك
نضال: عيطي انا غنعرف نهضر معاه
مروى: واخا
مشات مروى عيطات ليه من الشومبر لقاتو جالس كي ديما على ساهي وكيفكر ، ناض مشا عند نضال جلس قدامو والحسرة على وجهو
نضال: مالك ؟ شتك ماشي هوا هاداك؟
عهد: لا رد (قلب وجهو)
نضال: هضر اصاحبي خوي قلبك انا كنسمعمك
عهد: (شاف فيه شحااال) الواليد ...نتا كنتي كتبغي الواليدة ياك
نضال: وباقي لدابا وحتى هي كتبغيني
عهد: ديجا عودات ليا على المغامرات ديالك نتا وياها ولاكن اللي بغيت نعرف واش كانت كتكرهك فاللول عاد ولات كتبغيك ولا من اللول كانت كتبغيك؟
نضال: بلعكس من نهار اللول كانت كتبغيني ومابغاتش تعتارف ليا
عهد: دونك نتى درتي المستحيل على وحدة كتبغيك و نتا عارف هادشي
عهد: انا فعلا تسببت ليها فمشكل ولاكن تنازلت و شحال من مرة وكنقول هادي اخر مرة وكنرجع نتقرب منها، ولاكن اللي شافتو عيني ...عمرني نساه...(عاود ليه كلشي داكشي داكشي اللي شاف)
نضال: بفففففف، علاش ماتسنيتيهاش حتى تفيق وتهضر معاها؟
عهد:واااا الواليد انا كنقلك البنت مكتحملنيش علاش غنتسناها تفيق ، تصور دابا من كان شي كليان اخر بلاصتي عوا اللي دخل عندها ، تصور دابا المنضر ديالها وسط داك العفن و كليان اخر شاف داكشي اللي شفت وشبع فيها وخلاها ، شحااال وهي غابرة وشحال وهي فديك الدار ، حسب شحال من واحد شاف داكشي اللي شفت انا ، تخيل راسك بلاصتي و الواليدة فدار الدعارة سكرانة و عاجبها الحال تما ولابسة ....يخخ
نضال: صافي فهمتك ، عندك الحق ، مك عمرها مشات لشي حاجة برجليها عكس هاد البنت هي اللي بغات تبقى فديك الدار
عهد: كل ليلة الواليد مع واحد !! تخيل دابا كل ليلة كتسكر باش تبات مع واحد ، مانكدبش عليك مللي سمعت بللي هربات بغيت نرجعها وندير اي حاجة باش تسمح ليا واخا ماغتبغيش ولاكن المهم كانت فعيني نقية ، اما دابا ...مانكلفش راسي كاع نبحث عليها او نحرك دماغي عليها ، باراكة داكشي اللي شافتو عيني ومشيت برجلي باش نتأكد
نضال: كن غير رجعتيها بعدا
عهد: ههه ترجع راسها الى بغات ، هي اللي بغات تبقى فداكشي خليها ، من واحد لواحد حتى تعيا ، هي ختارت ديك الطريق وقبل ما نمشي عندها انا راه شبعات ...اودي كرهت حياتي ماكرهتش نموت ونتهنى، بغيت نقنع راسي فدديك اللحضة بشي حاجة اللي تخليني نتراجع وقلت يمكن مبززين عليها داكشي ، ولاكن هي سكرانة يعني بخاطرها شربات وكن كانت مدير داكشي بزز راه من الليلة الاولى تهرب من تما، ولاكن هي لا يقات تما ليلة على حتها حتى شفتها انا
نضال: صافي بغات داكشي خليها ، انا فهمتك شنو بغيتي توصل ليا ، وحتى انا بلاصتك كنت نتاحر ولا نقتلها
عهد: ماتستاهلش نخوي قرطاسة، دابا واخا انا اللي غتاصبتها و تسببت ليها فالمشاكل ولاكن بغيتها فالصراحة واخا كرهاتني، سمحات فداكشي الي عطيتها ومشات و جاتني قاصحة وفنفس الوقت كبرات فعيني ولاكن دارت عليا عزت نفسي ومشات كدل كتبيع لحمها لشمايت وعايشة فمستنقع هادي هي عزت النفس عندها هي ؟ واخا باقة صغيرة داكشي اللي كدير راه بزااف مكتستحملو حتى بنت 27 سنة
نضال: صافي نساها ، لقات راحتها تما وعجباتها ديك الطريق خليها، حسن تنساها، واخا غتعدب بزااف ولاكن خاصك تنساها
غيثة: ناري ياختي عييت مابقيتشي قادرة نزيد حتى خلفة نعيمة: وا نتي عطيتي راسك للخدمة حتى سخفتي وحتا النهار د الروبو ماكتشديهش
غيثة: اختي خاصني نخدم باش نجمع راسي راه ديك الخلصة اللي كيعطيني ماعندها متعملي، وانا خاصني نكري شي بيت باش مانبقاشي متقلة عليكم فالدار
نعيمة: وشكون قالك متقلة علينا؟
غيثة: لا اختي انا باش نبقى مرتاحة خاصني نكري ونستاقل ، مهم غانحاول نكابر واخا كنحس براسي عنطيح وركابي عيخواو عليا
نعيمة: وانتي تعرفي اختي على الاقل شربي ليك الليمون باش ماتخفيش
غيثة: راه كل مرة كنشربو حتى زعف عليا مول القهوة وبديت كنشرب داكشي اللي كيخليو الناس فوق الطابلة
ناضت غيثة كملات الخدمة بزز ورجليها كتجرهم بالكشايف وكتجمع الفلوس ومشات طلبات نص نهار ديال العشية من عند مول القهوة وعطاه ليها ومشات بوحدها كتموت والسخفة شاداها و وجها صفر ومشات عند واحد السمسار كانت موصياه على شي بيت صغير فالسطح ورخيص وقريب من القهوة
غيثة: (دخلات عند سمسار وجلسات سخفانة فوق واحد الكرسي) سلام عليكم ، الله يرحم يماك واش حبارتي لي شي بيت كيما قلت لك؟
السمسار: كاين موجود ، وغير هنا و 500 درهم فالشهر ، غتسكني مع الجيران ومشاركين الكوزينة والطواليط و بيتك بوحدك بسوارتو
غيثة: واخا فوقاش نشبرو؟
السمسار: دابا نيت الى موجودين الفلوس يالاه نديك عند مولات الدار تعطيك الساروت
غيثة: واخا يالاه دابا
ناض السمسار مع غيثة وهي غادة لابسة واحد دربالة جلابة حالتها حالة وكتجر فواحد الصابو بيض ولا كحل بالوسخ ودايرة الشال باش تفادى الدسارة ديال الدراري ومشات وراها السمسار البيت وعطات 500 درهم لمولات الدار وشدات الساروت وخرجات كتجر فرجليها وكتقيا فالشارع حتى وصلات لمحطة ديال الطوبيس وطلعات جلسات ، حطات راسها على الزاج وعينيها دابلين حتى وصلات للبلاصة اللي بغات ونزلات مشات لواحد السوق فيه الحوايج باليين وجلسات كدور تما وكتقلب ختى لقات واحد الناموسية بالية واحد العصيرة وشراتهم وخلاتهم عند مولاهم ودازت للجوطية قريبة من تما شرات لغطى و شي حوايج ديال اللباس باش تبدل وهزاتهم مقاتلة معاهم حتى وصلات عند مالين الهونضة ودات معاها واحد عند مول الناموسية هز ليها داكشي وداتو معاها فالهونضة للدار فين كرات وطلعهم ليها لتما ، عطاتو 100 واخا عيات كتشطر معاه مانزلتش ليها على داك الثمن، فرشات داكشي وحطات ديك الناموسية وداؤت فوقها الغطى ورجعات ونزلات شرات التيد من الحانوت و بوطة صغيرة ورجعات لدار صبنات دوك الحوايج ونشراتهم والسخفة شاداها بزز باش كتنفس حتى سالات ومشات طاحت نعسات دودة ماهزاتش الراس تا صبح الحال فاقت مع 6 دالصباح هزات الحوايج اللي صبنات ومشات للحمام خدات الكيس والصابون بلدي وداكشي وطلبات ليهم السجولة ودخلات غسلات وكتجر السطل بزز حتى سالات وخرجات من تما جمعات حوايجها رجعاتهم للدار ومشات للخدمة فالوقت باش تخدم ، الحلوة اللي كتبقى فالطبلة كتهزها تكملها هي واي حاجة شاطت كاتاكلها وكتبقى تشوووف فالفيترينة ديال الحلوى وماكتقدرش تهز وكتسنى حتى يطلبها شي واحد وكتسخر ليه وتبقى حاضياه يخلي فيها شوية باش تاكلو هيا
نهار على نهار كتزيد غيثة تعيا ومابقات خفيفة كيما الاول وكتخدم بالزربة، ولات تقيلة وكتحرك بزز وكل نهار كتجي معطلة للخدمة حتى تعصب عليها مول القهوة واحد الصباح جات حتى ل 9 دخلات لقاتو واقف كيتسناهامول القهوة: على السلامة، شتك شبعتي فلوس وليتي كتجي فير فاش كيقولعا ليك راسك ولا شنو؟
غيثة: راه مريضة داكشي علاش مكنقدرش نجي
مول القهوة: شهر هادا ونتي مريضة!!!!! مزاااال مابغيتي وتي تبراااي؟؟؟ الى ماعينكش فالخدمة سيري عطى الله اللي يخدم
غيثة: (تخلعات) لالا صافي هانا غنولي نجي انا اللولة ، غير خليني هنا ماتجريشي عليا راني كارية ومعنديشي باش نخلص الكرى وغنبقى فالزنقة 😭 اهىءاهىءاهىء 😭😭
مول القهوة: مهم هادي اخر مرة ، المرة جايا ماتعاوديش، يالاه سيري لخدمتك الله يسامح
مشات غيثة حانية الراس و كتبكي وتمسح ومشات بدلات حوايجها ورجعات كتجر للخدمة واخا مريضة و وجها صفر وضعافت بزااف ولاو فيها غير العضومة وماكاتاكلش وكتقتاصد باش تخلص الكرى والماء والضوء وكتجمع الفلوس لدواير الزمان ، واخا كدوز حدى شي شي حاجة تشهاتها مكتشريهاش باش متخصرش الفلوس ، قبل ماكانتش كاتاخد نهار روبو ودابا ولات كتاخد نهار فالسيمانة كتمشي فيه للحمام وتمشي للسوق تقدى شوية دالخضرة وشي اواني باش طيب فيهم وكتمشي للجوطية تشري ماتلبس ، دوزات النهار دالخدمة والبورفوار ديالها كتخبيه ورجعات بحالها للدار دخلات للبيت اللي كارية كامل مقشر وحالتو حالة وفراشها قديم وحتى الكوزينة مكتشركهاش مع الجيران حيت كينوض عليها الصداع ، بدلات غيثة حوايجها كيما العادة ونقات العدس وقشرات مطيشة وهي جالسة فالارض وكطيب عشاها تا سالات وخواتو فالطبسيل ورجعات للبونجة ديال الناموسية الصغير اللي شرات خاطاها منها للارض وجلسات كتاكل بالمعلقة العدس ومتكية على الحيط ماعندها لاتلفازة لا تيليفون لا حتى حاجة سادة عليها فالبيت اللي ماعندو حتى السرجم ، بدات كتاكل وكتفكر معا وباها وعاءلتها وداكشي اللي داز عليها وتزيرات وقفات ليها اللقمةو حطات الطبسيل وتكات على ركابيها كتبكي وتشهق بوحدها حتى نعسات .
⏯
"غيثة: عهد ... (كتبتاسم)
عهد: غيثة .. (كيبتاسم)
غيثة: عطيني شريبة
عهد : واخا (عطاها الكاس)
غيثة: لا عطيني جوج كيسان واحد ميشبعنيشي
عهد: وعلاش مالكي غيشرب معاك شي واحد
غيثة: اه هههه عطيني كاس واحد اخر
عهد: اوك
مشا جاب ليها الكاس و رجع مالقاهاش
عهد: (كيعيط وسط الضلام) غيثااااا...غيثاااااا...غيثة ها الماء
جابو صوت ديالها من الخفاء بلا ماتبان ليه
غيثة: صافي بلاااش، كاسك حطيتو ليك انا جبرت الماء
شاف عهد فالكاس لقاه باقي عامر ماشرباتش منو وبدا كيعيط عليه بالجهد ومكتجاوبش .."
عهد: (ناعس) غيييثة ...غيييثة ...غييييثاااا (فاق)
فاق عرقان كيلهت والبيت مضلم مع وقت الفجر كيشوف فالبيت وكيفكر الحلم وناض دخل للدوش وقف خدا المرايا عريان لابس غير الشورط وكولو عرقان كيلهت وغمض عينيه طلع النفس مزيان ورجع طلقو وغسل وجهو ودوز الماء بيدو على عنقو وعلا سدرو وعلى شعرو وخرج للبالكون كيشوف فالليل كيمشي والنهار كيطلع وجلس فوق الفوطوي تكى على ضهرو وكيدوز يدو على صدرو وكيحاول يتنفس والصورة دغيثة قدامو مكتحيدش واخا كيحاول مايفكرش كتجي ليه ديما فالمنام وكينوض كيعيط بسميتها وكيبقا فايق مخنوق حتى كيصبح الحال
اشرقت شمس الصباح بالوانها الذهبية وذفءها وعاودت العصافير تغريدها من جديد تحمل راءحة الورد وتعلن عن فصل جديد .."الربيع"🌱مشا فصل الشتاء وخدا معاه معانات فتات بريءة كابرات وجاهدات طول فترة الشتاء بعرق جبينها ، مشات معاه الليالي السوداء الباردة والدموع والاوجاع اللي عاشتها غيثة واللي غاتبقى مرسخة ليها فالذهن ديالها مدى الحياة، نشفو الدموع وتعودات على حياة القهر والفقر والجوع وتجاوزات المرحلة الاولى من حياتها وخطات الخطوى الاولى اللي نجحات فيها وهزات فيها راسها وصبرات على قسوة الحياة..
فاقت الصباح غيثة فالبيت ديالها كساءر الايام نفس الروتين لبسات جلابة خفيفة ودارت الشال على راسها باش تفادى تحرش الناس بيها ومشات الخدمة ديالها كتعطس فالطريق وعينيها طايبين بالحساسية ديال فصل الربيع اللي دخل ودخل ليها البهجة لقلبها وسخن ليها عضامها ، ولات غسثة كتقدر تحرك شوية واخا كتعيا بزاف ولاكن كتكابر على لقمة العيش بعرق كتافها وعنر شي واحد دق عليها ولا تصدق عليها بشي حاجة ، الى مادمراتش عليها ماكتشدهاش ، بدات الخدمة حانية الراس وكتسربي فالناس وديما متبعة الماكلة بعينيها وديما حالة فمها فالحلوى وعينيها دابلين وعمرها قدرات تقيس فيها كتكتافي بالشوفة وصافي وديما كتمشي تجمع الطبلة كتبدى تلحس لاكريم بصبعها وكتاكل بقايا الماكلة اللي كتشهاها ومكتوصلهاش، وصل وقت الغدا وعطاوها طبيسيل فيه شوية دالماكلة وطلعات لفوق لقات نعيمة جالسة كتغدى وجلسات حداها كيتغداو بجوج وغيثة كتاكل وكتنهد من التعب والارهاق
ناضت غيثة كملات خدمتها وخرجات مشات لواحد المارشي تقدى شي حاجة للعشاء ودازت حدى مول الزيتو بقات كتشوووف فيه تا عيات وهضرات
غيثة: يرحم باباك عطيني واخد الزيتونة
...: هزي اختي خودي مرحبا ...دوقي اللي عجبك
هزات غيثة الزيتون بدات كدوق وكملات طريقها لقات مول شباكية وقفات كتشوف فيها
غيثة: عطيني وحيدة الله يرحم ليك الواليدين
...: خوديها اختي بالصحة
هزات غيثة حبة كلاتها وكملات طريقها كتشوف وكطلب الناس يدوقوها ومنين مادازت متبدى دوز لسانها على فمها حتى شمات ريحت المرقة عاطية من السناك وهربات كتجري وكتعاير غير بوحدها سادة نيفها ، كملات شغلها ورجعات فحالها طيبات عشاها تعشات ونعسات على ضهرها كتحس بكرشها كتحرك شوية بقات كتسنط ليها حتى نعسات ، وفاقت الصباح مع النبوري خرجات مشات عند طبيبة دالعيالات جلسات شادة نوبة مع الناس
وصلات نوبتها ودخلات عند طبيبة جلسات فوق الكرسي والطبيبة كتسولهاالطبيبة: فين عندك المشكل؟
غيثة:كنحيس بشي حاجة كتحرك فكرشي و كنرض بزاف كل صباح وديما كرشي كتحرقني ومنفوخة
الطبيبة: واخا..اجي معايا، طلعي هنا
طلعات غيثة فوق البياس وعرات على كرشها وحطات الطبيبة يدها فوق كرشها ودارت ليها تلفازة ونوضاتها وكتشوف فيها معجبة داخلها الشك من جيهت غيثة حيت باقة صغيرة
الطبيبة: شحال فعمرك
غيثة: (جلسات فوق الكرسي) 16 قربت نكمل 17
الطبيبة: اممم (كتأسف ) مزوجة؟؟
غيثة: لا علاش؟
الطبيبة:شحال دابا ماجاتك الدم؟
غيثة: كل شهر كتهبط غير شوية وكتقطع وكتجيني شي مرات جوج مرات فالشهر بتلحق دغيا كتمشي!!!!
الطبيبة: شغانقولك، راكي حاملة
غيثة سمعات الكلمة نزلات بحال الصاعقة حتى فشلو كتافها وبقات مصدومة حاللة فمها والطبببة كتهضر
الطبيبة: راه عندك 6 شهور دابا وماكنتيش متبعة ما والو والبيبي ضعيف بزااف
الطبيبة: ميمكنش تحيديه دابا وداخلة فالشهر السابع وعندك بنيتة ، من المستحيل تحيديه
غيثة: اواعدي شني عندي ؟؟؟؟؟؟؟؟؟؟ اهىءاهىءاهىء 😭😭😭😭 غير زولها لي مابغيتهاش اواااعدي يانا على السابع كيفاش السابع كرشي مابايناشي اهىءاهىءاهىء راه غير البرد تللي فرعني
الطبيبة: (كتكتب ) مهم انا قلت شتو كاين بغيتي تحيدي شغلك هاداك ، كرشك مافيهاش ليكاز وباقة صغيرة بزااف والبيبي ضعيف داكشي علاش مابايناش ومنفوخة غير شوية ، تقبليها بزز منك ، هادا الغلط ديالك وفات الفوت باش تحيديه
ناضت غيثة بالتلفة ماشداتش كاع الورقة اللي كتبات ليها الطبيبة وسمحات فيه وخرجات كتبكي وكتستحمل ماتبينش قدام الناس وخلصات 500 درهم ديال التدويزة وكتعطيها وهي كتبكي والناس كيشوفو فيها حتى خرجات لبرا وجلسات فواحد الركنة كتبكي وكتقيس كرشها ماتيقاتش ، شافوها الناس وتجمعو عليها وهي مشبحة فالارض كتبكي وتغوت وتمايل يغات تسطى والناس كيخويو عليها الماء ، ناضت بديك الحالة غادية كتجري وتبكي وتمسح بكمام الجلابة ، مشات عند طبيب اخر باش يحيدو ليها ومابغاش ومشات عند واحد اخر وجلسات كدور وتقلب على يفكها تاعيات ورجعات للدار دخلات وسدات عليها وجلسات كتبكي وضرب فراسها وتندب وكضرب كرشها بالاعصاب وعضات راسها ونتفات شعرها تا عيات وسخفات فالارض كتشهق بوحدها ، بقات نعار كامل هاكاك فاللخر ناضت غسلات وجها وكتقمش كرشها كل ساعة وضرب وجها ، عيات تجدب وتحيح النهار كامل حتى ضلام الحال وماكلات ماشربات وزاد الجوع فشلها ونعسات هاكاك تا صبح الحال وناضت مهلوكة شربات الماء وهزات طرف دالخبز دارت فيه الزبدة ونزلات عند مول لحانوت شرات كارطونة دلحليب وجلسات حداه كتشرب الحليب وتاكل الخبز وناضت مشات للقهوى تخدم ووجها شحفان وكتحاول تخبي الكرش ماتبانش حيت ميمكنش ليها تخدم فالقهوى وتسربي الناس وهي حاملة
أنا أحترق الجزء 15
محتوى القصة
التنقل بين الأجزاء