دوزت داك نهار غا فجميع الحوايج . و بركت مع بابا و وهيبة حيت انتوحشهوم بزااف , فالليل طلعت بيتي شفت واش باقي ناقصني شي حاجة .دوشت لبست بيجامة ديال نعاس عبارة عن شورت و ديباردور حيت راه لجو سخون درت لمنبه مع الستة ديال صباح و نعست.نضت مع الخمسة دصباح مفزوعة ..... حلمت براسي كولي دمايات و كنجري فواحد الغابة و تابعيني الكلاب و انا كنجري وصلت حدا الحافة شوية و هو يوقف عليا واحد كيبان غي الظل ديالو قاليا نونو ماكين فين تهربي و تيرا فيا بفردي وتلاحيت من ديك لحافة و انا كنسمع غي صوت ديال ضحكات ديالو.نضت كولي عرقانة و مخلوعة.قلت عود بالله من الشيطان الرجيم.دخلت الدوش دخلت تحت لماء و باقا كنفكر في الحلمة .نفضت الافكار الخايبة .خرجت صليت و دعيت الله يوقف معايا.لبست حوايجي عبارة عن سروال كحل دجين طاي هوت مقطع و بيل نازل من لكتف صفر و بالغين صفرا شعري ديل الحصان ,ايلاينر و ماسكارا و غلوز غوز بارد هزيت نضاضري و لفليز ديلي و تاجهت لمقهى فين كين امير
وصلت لقيتو سابقني
انا:(بستو)صباحو
امير:صباحو زين واجدة
انا:وي
امير:ايوا نشربو شي حاجة و نمشيو.اش تشربي
انا: قهوة كحلة
امير: ههه العادة كيف العادة هه
انا:ههه وي
مهم شربنا اش خدينا
و شدينا الطريق نحو الاكديمية .وقفنا لوطو قدام واحد القلعة اسوارها عالية من برا دايرة فحال باب ديال الحبس فيها واحد لبوابة كبيرة فيها بزاف ديال الحراس .تحلات لينا لبوابة دخلنا لواحد الساحة كبيرة فيها بزاف المتدربين كيتدربو بقيت اكنشوف دكشي فحال ديال العسكر.من تم مشينا لواحد الرصيف فيه غي لبيروات لي دزنا من حداه كيقدم التحية لامير ههه وقفنا قدام واحد لمكتب دخلنا ليه
امير:بركي(بغيت نهدر معاك قبل ماتبداي التدريب).
امير:احم سندس خاصك تفهمي واحد الحاجة و دخليها لراسك .هنا كيفك كيف المتدربات اتعاملي فحالك فحالهم ايلا غلطتي اتعاقبي . و من اليوم انا سميتي النقيب امير,ونتي اتعيطي ليا الشاف ,مبغيت اسندس حتا غلط
انا:(فهمت قصدو يعني حتا حد ماخاص يعرفني انا ختو)اووك الشاف
امير:(بابتسامة)مم دابا تفهمنا .انشرح ليك دابا القواعد ديال اكديمية و توقيت الزمني ديالك.....( نخليه يشرح ليها و نمشيو نشوفو واحد لوحش داخل لاكديمية ههه)
كيف قلت ليكوم هه وحش و اشمن وحش هه داخل من داك الرصيف بالزي ديالو عاطيه هيبة ليشافو كيتخلع منو وكيعطيه التحية وهو قاع مامسوق ليهوم غادي فحال الطرام بديك لفورمة لي عندو ههه انوصفو ليكوم حتا هو هه واحد لفورمة كتخلع الزي الرسمي ايتفرقع طويل والبشرة ديالو سمرا شوية لعينين خوضر و شوفتهوم الطيح لي مايطيح ههه انا طحت و لفوم صغير ملامح روجولية بلا قياس انا صافي انحبس القصة قلبي الصغير لا يستطيع التحمل اكثر . دخل لبيرو ديالو و برك بكل كيبرياء و برك كيدقق فشي وراق.صافي نراجعو عند خوتنا
امير :صافي فهمتي
انا :وي الشاف كلشي واضح .
امير:هاكي الزي ديال التدريب ديالك . وياله نوريك الغرفة ديالك
انا :(نضت) اووك اشاف
امير:هه زيدي زيدي
وصلنا لواحد الغرفة فيها خمسة ديال الناموسيات داكشي فحال لحبس وكينين ربعة ديال دريات
امير:نقدم ليكوم سندس اتكون هي الزميلة ديالكوم في الغرفة جديدة (ودار شاف فيا وقال بشوية)عنداك تنساي لي قلت ليك ا
انا:حركت راسي بالنفي (تبسم ومشا)
انا:(موجهة كلامي لدريات)احم فين هو سريري و فين نحط حوايجي
الاولى:انا غفران مرحبا بيك ها فين سريرك و را جيهة فبلاكار خاوية
الثانية:انا ليلى مرحبا بيك اختي
الثالثة:(بتعجرف)احم انا اسماء
الرابعة:(بابتسامة) انا كوثر اختي مرحبا بيك و اي حاجة حتاجتيها انا في الخدمة
انا:هه شكرا عينيك حتا نتي زوينين . انا الحلم ديالي نكون في خدمة بلادي هادشي لاش ختاريت الشرطة
اسماء: وهانتي فيه دابا (و كتخنزر)
كوثر:(قربات ليا و كتهدر بشوية)ماتديش عليها غي حيت شافتك حسن منها و صافي
انا:ههه نو عادي
رن الجرس باش خاصنا نتوجهو الساحة ديال التدريب . لبست الزي ديالي و مشيت انا و كوثر التدريب باينة عليها ضريفة. كلشي داير الصف حتا انا شديت بلاصتي في الصف حتا كنسمع صوت الصفارة شفت في منبع الصوت لقيتو واحد لكائن فضائي هه عندو شاف فية دار واحد تخنزيرة معرفت علاش تفووو باين نهار كيف ايدوز
نمشيو عند انيس
انيس:من بعد ما تجهت الساحة باش نبداو التدريب . صفرت باش ينتابهو و انا نلمح واحد الوجه ماغريبش عليا . ناري والله حتا هيا درية ديال لمقهى .هدشي بزاف على الصداف , شافت فيا معرفت مندير و انا نخنزر فيها ,غي الله يدوز هاد التدريب على خير
انيس:مزيان . ياله عندكم خمسطاش دورة علا الساحة بغيتكوم تكملوها في ثلاثين دقيقة
الكل مصدوم و كيدويو كيفاش في ثلاثين دقيقة و ساحة كبيييرا . انا غي ساكتة حيت مولفة بتدريب لقاسي
انيس:(كيغوت)واش عندي هنا حمام لي معجبو لحال راه لباب قدامو . ونزيدكوم لي غيتعطل دقيقة وحدة غنزيدو خمسطاش اخرة و غيتحرم من الاكل وبداو تنبحو ليا تم يله تحركو
لكل كيجري و بدا كيسخف ايلا انا و واحد المتدرب بقينا بنفس الريتيم حتا صالينا في مدة خمسة و عشرين دقيقة
وقفت و هو ينطق:انا لؤي هه مم مكنتش عارف كينة شي حد ايشد معايا ريتم فحالك هه اتكوني نتي هي لمنافسة ديالي هه
انيس:اه واقيلا ماسمعتيش مزيان وقيلا من قلت مابقات يستراحة (هو راه ماقلهاش غي مابغاش يخليهوم بزوج و صافي) اه كنتي مشغولة كتفرنسي ليا . يله تجمعي نتي وياه عندكم تدريب ديال لقيتال و من تصاليو اتمشيو تحوكو طواليطات كعيقاب ليكوم
انا:(تفو علا قنس)اووك الشاف(الله يعطيك شي غبارة )
لؤي:حاضر الشاف
سبقنا و مشينا ل واحد ساحة اخرا
انيس كيورينا حركات ديال الدفاع علا النفس . انا دكشي تقناه معرت لاش واقفه هنا
انيس: دابا انبداو لقتال كثنائي كول متدرب مع متدربة .انا انختار كول واحد معامن ايتقاتل
عزل كل واحد معامن لؤي جا مع ديك اسماءههههه ليوم اتاكل قتلة و انا عزلني مع واحد غوريلا
انيس:لي غيخسر ايبات بلا عشاء
انا :(كنهدر مع كوثربشوية) هادا مالو مع لعشاء ؟
كوثر:سكتي المسخوطة دابا تجيبيها فعضامك
سمعها انيس و دار ضحكة جانيبية(ههه هبلة عمرني شفت شي وحدة فحالها)
مهم كول جوج كيدوزو يتقاتلو وهاداك اكي غوت ماعجبو حال جات نوبا ديال لؤي و اسماء كلات قتلة داكشي لي كنت انديرو ليها برد ليا فيها غضايضي ههه شريراة انا دازو شي رابعة و جات نوبتي
كوثر:(كتهدر بشويا )الله يرحمك يالله بدينا نولفوك
لؤي شاف فيا زاعمة الله يعاونك تقدمت للساحة شفت داك بوعو داير واحد الشوفة ديال ينتصار في خاطري والله لاكانت ليك هزيت عيني لقيت امير كيشوف فيا من بعيد . مهم صفر 123 ضربتو لعنقو ب يدي جبتو كاو (انقوليكوم كيفاش ههه حيت من كنت في اكديمية ديال فونون لقيتال علمونا نقط ضعف جسم للانسان ومنها العنق اتخليه مغيب واحد 10 دقايق) درت لقيت كلشي كيشوف و حال فمو فيا منهم هو ضرت ليه شفت فيه شوفة شيطانية مشيت وقفت في الصف
---
كملنا التدريب يله انمشي و هو يعيط عليا بوعو ههه وليت مسمياها عليه ههه
انا بالفرحة حيت هناني عنقتو. و فديك اللحظة انيس كان جاي يشوفها فين واصلة و مع لحلة ديال لباب مع الصدمة بقوة الصدمة بقا واقف و شاد فالقبدة ديال لباب بقوة عاد هدر
انيس(بغضب و مكرهش يشد لؤي يقتلو)تبارك الله تبارك الله سيرو شي غرفة . بالغوات هنا ولات عندنا دار لق.... ها (وشد سندس من يديها)دوي تكلمي
لؤي يله بغا يدوي و هو يقاطعو انيس بالغوات:نتا خرج برا لهدرة ماشي معاك دابا . لؤي شاف فيا باسف ومشا
انا يله بغي نخرج و هو يحبسني
انيس:(معصب بلا قياس)اش هاد لفعايل ديال لقح... ها؟ يلا كنتي باغا تق.... خرجي من هنا و ديري لي بغيتي را بلايص ديال لق.. موجوداي باش تجي هنا و ديري لي بغيتي و تحابي ليا مع زو... نو
انا:(محملتش لهدرة لي قال ليا و غوت عليه) اييه حتا لهنا و حبس منسمحش ليك تطعن فشارفي هوكا شكون يسحابلك راسك باش تقول هاد لهدرة و هاد لمرة حتا تفهم عاد حكم و ولي توزن كلامك عاد جي دوي معايا . تميت خارجة و هو يجرني من يدي و لاحني جهة ديال حيط و شدني من يدي بجوج و زير
انيس (شادها من يديها و كيدوي بالغوات) اخر مرة ترفعي عليا صوتك ماتزادش لي رفع عليا صوتو باقي ماولداتوش مو (و هو يقرب ليها و كيشوف فعينيها لي رفعوه لعالم اخر)
---
كان بغا يهضر مي من شاف عينيها مابقا عارف مايقول بقا غي يشوف فيها و منبعد طلق ليها من يديها و شد ليها وجهها بكل حنية و وكيشوف فيها هي بغات تبعدو عليها مي معامن سيد مسافر هه قرب ليها من شفافها و طبع عليهوم قبلة بكل حنية شويا السيد جعر شدها من يديها بجوج لاصقهوم معا لحيط و بدا كيبوس فيها بكل وحشية و كيعض هي كتحاول تفك من القبضة ديالو مي والو حاكمها مزيان كتحاول تغوت كيسد ليها فمها بقبلة بقا مدة هكاك حتا فيقاتو بواحد الدقة لحجرو و دفعاتو هوو بقا غي شاد فيه و مصدوم
سندس:(كتنهج و معصبة) حمار كيفاش تجرأ وتقرب ليا يله كنتي داير فيها لإمام لقزابري الساعة نتا احيوان هادي اخر مرة(بتحدير)اخر مرة تقرب لجيهتي ولا انسى انك شاف ديالي (و شافت فيه باحتقار و مشات)
انيس بقا واقف شحال ف طواليط كيحاول يراجع الاحداث لي وقرو شاف في لمرايا مدة ودربها بيديه حتا تهارسات وخرج لي داز من حداه كيبعد عليه حيت من كيكون فديك لحالة لي جا قدامو مكيعقلش عليه . مشا دخل لبيرو ديالو ردخ لباب و لاح لكيطما ديالو لارض و ريب لبيرو ردو سفاه علا علاه شويا بقا غادي جاي فداك لبيرو و كيسوط
انيس(كيدوز يديه علا شعرو بنفاد صبر)اووف اووف انا حيوان حمار كلب كيفاش درت هكاك كيفاش حتا قربت منها . عيرتها و باش كملتها و جملتها بستها تفووو مي راه من شفتها معا داك زا.. مقديتش نتصبر كنت انقتلهم بجوج اوووف اووووف مي علاش تقربت منها علاش ؟ناري عينيها سحروني غي شفت فيهوم تلفت اووف علاش مكندش لنتحكم ف راسي من كنشوفها علاش اقلبي كتضرب علاش لا ميمكنش ميمكنش (وهز لكيطما و سوارت و زاد)
نرجعو عند سندس لي مشات لغرفة ديالها معصبة دخلات مهدرات مع تاحد كوثر شافتها بديك لحالة بغات تدوي معاها دارت ليها بإديها سطوب وتلاحت ف ناموسيا و كتفكر اش سرا كتزيد تعصب
سندس(كتدوي ف خاطرها)حيوان حمار كلب والله ويعاود نشوف كمراتو حتا نوريه كنكرهو كنكرهو عمرني كرهت شي حد فحالو (و غمضات عينيها و نعسات)
صبحنا و اصبح لملك
نضت مع الستة ديال الصباح حيت هادا هو وقت لفياق ديال اكديمية دخلت دوشت مشيت لمطعم نفطر غي ريحت جا عندي لؤي
لؤي:سندس كيف صبحتي . باينة الشاف لبارح سمعك هدرة خايبة باينة غي من وجهك اش قال ليك
انا:(تفكرت لبارح و مبغيت نقول ليه والو)نوو راه غي غوت نتا عارفو اكيغوت علا اي حاجة(و بغيت نبدل لموضوع)هه ليوم عندنا حصة ديال الرقص قاليك شي واحد سميتو جون ايدربنا باينة فيه شي زوين ههه
تاجهنا لقاعة ديال رقص واو كلها مرايات بحال داكشي ديال لبالي حتا كنسمعو صوت بحال ديال عيالات درنا جيهت الصوت ههه ويلي هادا هو جون ههههه ويلي لابس كولون مزير و طالون و بيل مزير و شعر شادو هههه ناري كيف كيتمشا ب طالون ههه حسن مني هه
انا:(كنصحك)هه توما شوفو ليا جوون هه
لؤي:(معصب)دابا هاد غوزو ايدربنا طيحو الدل علينا
كوثر:ههه لا بزاف توما شوفوه كيف كيتعوج لا لا صافي انهرب هه
جون:(كهدر و يتعوج)(الحوار بالانجليزية انترجمو ليكوم ههه احم احم)هاي انا جون لمدرب ديال الرقص . انعلمكم حركات ديال بعض الرقصات لي خاصكوم تقنوها :كلاسيك و السالسا و الطانgو هادو ثلات رقصات خاصكوم تقنوها . عارف اتقولو حنا هنا باش ندربو علا لقيتال اش جابنا للرقص.(رجع شي زغيبات لور و دوا) حيت كجسوسين خاصكم تعلمو كولشي و اي حاجة تكونو تعرفوها حتا من الرقص .(و بدا كصفق و كيتمشا بغنج بداك الطالون)يله كول واحد يشكل ثنائي باش نبداو
انا وقفت مع لؤي وكنضحك
لؤي:ناري كون يطلقوني عليه والله حتا نقتلو
انا :ههه سكت سكت هه
وبدينا فالحصة انا و لؤي مندامجين في الرقص مي كنحس شي حد كيراقبني من بعيد كندور مكنلقا حتا حد
نشوفو شكون هادا لي كان حاضيها ههه شكون من غيرو انيس لي منبعد داكشي لي سرا ماعندوش لوجه باش يشوف فيها و خاف ايلا قرب ليها ميقدش يتحكم في راسو و قرر يولي يراقبها غي من بعييد مي من شافها كترقص هي و لؤي و شاف كيشاد فيها لؤي من لخصر ديالها تعصب ومشا قبل ميدير شي مونتيف تاني
سالات لحصة ديال الرقص
---
سالات الحصة ديال الرقص كنت خارجة انا و كوثر شادين في لؤي حتا كنسمع سميتي درت لقيتو امير
امير: انسة سندس اجي معايا لبيرو واحد الدقيقة
انا:(الله يسمعنا خير يكما هاداك خينا ... نونو ميمكنش ايجيبها افراسو )شفت ف كوثر و لؤي زعما غي سبقوني و تبعتو
انا:(نغزتها باش تسكت )و مشينا لمكتبة كل واحد فيهوم عزل كتاب .و انا باقا كنقلب علا كتاب شفت واحد ديال اينشتين (نظرية اينشتين حول الارض) يله هزيتو و انا نسمع :زوين داك لكتاب (درت و انا نتصدم اوووف هادا اش كيدير هنا )
انيس:(حتا هو كان هاز كتاب ف ايدو)زوين داك لكتاب ايختييارك زوين .اول مرة كنشوف متدربة كتقرا فحال هاد لكتوبا اغلبية كيقراو كتب رومنسية (ودار ضحكة جانبية)
نا:(خنزرت فيه)اصلا انا مكنأمنش بشي حاجة سميتها الحب و كلمة الحب قاعمة عندي في القاموس اللغوي ديالي. وزيدون ياك نبهتك قلت ليك مانبقاش نشوف كمارتك ايلا في تدريب (و ضرباتو بكتفها و زادت)
انيس في خاطرو(غتولي تأمني بيه ا سندس هادا وعد مني و غتبقاي ديما تشوفيني قدامك كنواعدك اتولي تبغيني)و مشا
بركت في طابلة بديت نقرا باش نسا كمارت داك بوعو مكنحملش نشوفو واو كتاب زوين بزاف معرفتش شحال ديال لوقت ساليتو هزيت راسي لقيت لؤي و كوثر ناعسين هههههه
انا:(كنفيق فيهوم و نضحك) ههه نودو شوهتو بيا هه جاين تقراو ولا تنعسو
لؤي:(كيتكسل)وااااع ها راه معرفت كيفاش داني نعاس
كوثر:(باقي فيها نعاس)يله اسندس نعسو را مشا لحال .توادعنا مع لؤي و مشينا وخنا غادين حتا نطقات كوثر
كوثر:سندس مكتلاحديش لؤي كيف كيتعامل معاك تقريبا ماكيتفارقش معاك فين ما كتكوني كيبغي يبقا معاك .قبايلة كان باغي يمشي لحديقة مي من قلتي غادا لمكتبة حتا هو مشا
انا :اش كتقصدي
هي :مم باينة لعمى راه معجب بيك و لي بان ليا حتا نتي
انا:ههه نو غا جاب ليك الله لؤي كنوشوفو فحال خويا و صافي حنا اصدقاء و صافي مايمشيش بالك بعيد هه و اصلا انا والحب ساكينان لا يلتقيان هه يله يله الهبلة
انيس لي كان كيراقب كيف العادة سندس و سمع الهدرة ديالها رتاح من سمعها انها مكتحس من جهة لؤي بتاحجة و فرح بزاف دابا تاحد ماغيخد منو سندس ديالو هه ليه بوحدو و مشا حتا هوو ينعس بعدما تأكد حتا هي دخلات لغرفة ديالها و نعسات
(ههه هادا ولا داير فيها جاسوس بلا خبار لقايد هه قاع هدا حب الله يجيب ليا حتا انا راه ختكم كتكب وتفقس هه كنعاني هه )
---
اصبحنا و اصبح لملك
فقت كيف العادة مع الستة دوشت و فطرت مع لؤي و كوثر مي كنحس براسي مامرتحاش بحال شي حد مراقبني كنتلفت مكنلقا تاحد يمكن اكنتخايل .كنهز راسي كنلقا ديك اسماء كدير فيا شي شوفات ديال لقتيلة شي نهار ندير ليها شي عاهة اووف بنادم كيف داير
كملنا لفطور و تاجهنا لصالة ديال التدريب ليوم عندنا حصه ديال السلاح ايدربنا امير خويا
دوزنا الحصة في تعلم انواع الاسلحه و المصدر ديال كل واحد و كيفاش تفككو و تجمعو و بدينا نتعلمو القنص و كيف قال امير ماكانش كيرحم مي كنت كنسمع لهدرة و و تعلمت بسرعة كبيره سالينا الحصه مشينا ديريكت المطعم حيت امير منعنا علا الغدا باش نتدربو . تعشيت و تلاحيت دودة
فقت كيف العادة و درت روتين الصباحي ليوم عندنا حصه ديال الطبخ هه عنداكوميمشي بالكوم بعيد نوو هه مكنتعلموش الطبخ كنتعلمو انواع السموم والاعشاب الضارة و الاعشاب لي كتعالج دازت الخصه راسي ضرني هو و نيفي بكثرة الشم ضخت حيت شميت واحد للعشبة كتدوخ بزاف كنت خارجة من القسم حتا وليت نشوف كول حاجة منها جوج شويا مابقا يبان ليا والو .
انيس لي كان كيف العادة مراقبها شافها اتطيح الارض جا كيجري باش يشدها مي لؤي سبقو و شدها انيس لاح لؤي و بعدو عليها و هزها و مشا بيها لبيرو ديالو حطها في فوطوي و بدا كيدير ليها ريحه كان شعرها مدرق ليها النص في وجهها حيد دوك الزغيبات و بقا كيشوف في ملامح وجهها
انيس(كيلمس في وجهها وكيهدر )هه كتباني فحال شي ملاك و نتي ناعسة شكون يقول نتي هي ديك سندس لي كتخرج عينيها هه شي نهار اندخلهوم ليك( كيلعب ف شعرها)اه كن تعرفي اش درتي فهاد القلب ولا فحال الحمق غي تابعك اه كن تعرفي شحال نبغيك (وطبع قبلة علا فمها طويلة )من حس بيها بدات تفيق بعد عليها شوية
انا:اي راسي اش كندير هنا اش وقع ليا (و بغيت نوض)
انيس:(بخوف)نوو خليك مرتاحة راه شميتي عشبة كتدوخ و نعستي. غي واحد الساعة اتولي مزيان خليك مرتاحة هنا انا انمشي نجيب ليك شي حاجة تاكليها
انا كتافيت نحرك ليه راسي غي ب ايجاب ورجعت تكيت هو ابتاسم و مشا . اول مرة كنشوفو كيبتاسم بحال هاكا و من حليت عيني كان باين فيه الخوف بزااف .و انا سارحة في افكاري حتا قاطعني صوتو
انيس:هه فاش ساهية . هه هاكي تاكلي
انا:(بابتسامة) سمحلي حيت عضبتك
انيس:(الله على ضحكة عندها)نو كولي باش تقدي توقفي علا رجليك باش تمشي لغرفة ديالك ترتاحي . حركت راسي بايجاب و بديت ناكل ماعقلتش عليه قاع فحال يلا كانو رابطيني هه
سليم:(كيشوف فيها وضحك)هه ابشوية عليك هه عنداك توحل ليك هههههه
شفت فيه و هي توحل ليا نيت بديت نكوح
---
انيس شافها هكاك تخلع جا كجري عندها عطاها كاس ديال لما وهزكاس ديال لما شربو ليها و بدا كيحك ليها علا ظهرها .شافها باقا مخنوقة هز ليها راسها باش تنفس . هزات راسها طاحو عينيها ف عينيها و بقاو شوف فيا نشوفيك اطجين الحوت هه انيس لي كان هايم في عينيها لي سحروه من نهار شافهوم ما شاف رباح هه بقا كيحقق ف ملامح وجهها شوية نسا راسو وبغا يقرب ليها فيقو من القلبة غي دقان ديال لباب لؤي و كوثر لي كانو مخلوعين عليها و اسماء لي كلاها لفضول باغا تعرف اش كاين
كوثر:(جات كتجري عند سندس و عنقاتها)خلعتيني عليك اصحبتي من غيبتي واش شوية لاباس
لؤي:(حتا هوو كان مخلوع. شد ليها يديها )واش مزيان دابا كتحسي براسك بيخير خلعتينا عليك بزاف
انيس:(معجبوش لحال) احم كنظن انك خاص تكون في لغرفة ديالك اسي لؤي
لؤي: سمحلي اشاف مي تخلعنا علا سندس و جينا نطامنو عليها
انيس :(معصب و كيهدر تاحت لسانو)سمعتيها ايوا سير لغرفة ديالك راها باقا خاصها راحا و شاف ف كوثر و اسماء :ديوها لغرفة ديالها خاصها راحه دابا
مشات سندس و كوثر لي شادة فيها ما اسماء ماحاملاهاش كيفاش انيس ليعمرو داها فشي وحدة ليوم كيف تعامل مع سندس مكرهاتهاش تموت و اصلا هي لي دارت ليها العشبة المنومة كانت باغا ضحك عليها المتدربين مي مضرباتش لحساب انيس يكون تم .
دخلت الغرفة ديالي عاوناتني كوثر باش نتخشا في بلاستي غمضت عيني مي مابغاوش يمشي من بالي انيس كيف كان خايف عليا قبايلة و ديك شوفة ديال عينيه و ابتسامة ديالو حتا هي.اووووف لاش كنفكر فيه دابا ياك انا مكنحملوش مي قبايلة كيف كان كيشوف فيا.... صافي نساي اسندس هو غي بقيت فيه و عاونك و هادشي ماغيمحيش لاهانة لي دار ليا صافي نعسي و نعست
---
اصبحنا و اصبح لملك
هاد الصباح فقت ماشي كيف لعادة هاد الصباح فقت كولي نشاط و فرحانة معرت علاش
درت روتين الصباحي كيف العادة و مشيت لمطعم لقيت لؤي و كوثر سابقيني تم و الصدمة لكبيرة حتا ديك خيتي د اسماء باركة ف نفس الطبلة معاهم ناري هادي لاش كتقلب
انا:(شفت فكوثر و درت ليها براسي اش كاين)صباح النور
كوثر :(هزات كتافها زعما ماعرفاش)صباح النور ازين كيف صباحتي شوية؟
لؤي:اه كيف صباحتي لبارح خلاعتينا عليك
اسماء.(بمكر)خلعاتنا كاملين لبارح (باستهزاء)حتا من شاف انيس لي ماموالفش يديها فشي متدربة خاف عليك
انا(عرفتها كاتدق عليا)نو الحبيبة ماعندك مناين تخافي هانا قدامك صحة سلام(بابتسامة صفرا )و شاف انيس دار غي لواجب ديالو و صافي (وشفت فيها زعما بلا مايمشي بالك بعيد )فهمتي احبيبا .
هي بتاسمات و فالداخل ديالها كره لسندس كبييير مكرهاتش تشربها سم و تهانا منها
انا:يله نمشيو لمختبر راه عندنا حصة ديال كيمياء
مشينا لمختبر وكل جوج كيشدو باياص انا و لؤي شدينا نفس لباياص . و لوقت لكنا كنهدرو فيه انا وياه سمعنا تحنحنين تلفت تصدمت ههه سليم هو لاستاد ديال لكيمياء هه . وهاد لمرة مبدل لوك و شعرو طوال شوية جاه خطيير بزاف قاع دريات طاحو فيه ههه .شاف فيا و دار واحد ابتسامة جانبية .
سليم:احم انا سليم استاد ديالكوم ديال كيمياء. فهاد لحصه انعرفو مكونات لقنبلة لكيماوية ليدوية و كيفاش نقدو نفككوها و كيفية صنع واحدة. مي خاصكوم تبعو معايا راه غلط صغير اتكون اضرار وخيمة .(بتحدير)واش مفهوم؟
الكل مفهوم
سليم:ايوا نبداو
بدينا لحصة و سليم لي كان كيشرح لينا مكونات لقنبلة (هيدروجين ,اسيد ...) وكيفاش نفككوها (خاصنا نقصو تركيز لهيدروجين ) ودابا وصل لوقت باش نصنعو واحدة و كل ثنائي خاص يتعاونو
انا ولؤي تعاونا و نجحنا باش نصيبو واحدة في حين كلشي منجحجش .ما وحد جوج غي لحافيظ الله كون متدخلش سليم كانت اتشعل فينا لعافيا
سليم كيدور علا كل ثتانئي و ماراضيش علا لوضع حتا وصل عندنا
سليم:مم اول ثنائي قدر يصنع قنبلة .مم معندي منتسالكوم توفقتو فيها مزيان
حنا:شكرا استاد
سليم دار ابتسامة و مشا
انا بغيت انعرف علاش ديما كيضحك زايد فعرس هههه ولا باغي يبين سنانو هه بيني و بينكوم ضحكتو خطيييرة ههه
---
سالينا لحصة انا و لؤي لي كونا ضاحكين . لوقت لي بغينا نخرجو من لمختبر و قفني صوت سليم
سليم: انسة سندس ممكن واحد دقيقة
انا:شفت فلؤي باش يسبقني فلول عتارض مي ف اخير مشا
سليم:(بابتسامة) هه واتبارك الله عليك كلشي متفوقة فيه بهرتيني سمعت حتا فمواد اخرين متفوقة فيهوم خصوصا في لقتال
انا:(بتكبر حيت انا و سليم معندناش رسميات من كنت خدامة معاه ) هههه ايوا لعود ليتحقرو يعميك هه
انيس لي كان تيراقب سندس كيف لعادة سمع لحوار كامل و تعصب بزاف مي حاول يصبر راسو مي من سمع لعرادة ديال سليم تماك تدخل
انيس :(معصب) لا ممنووووع . فين عمرك سمعتي بشي متدربة كتغدا مع لمدرب ديالها ؟ (و شاف سندس باحتقار) ولا كيف لعادة مكتفلتي حتا فرصة باش تغوي شي حد (هه مسخوط هاد انيس فين ما بغا يقادها كيعورها)
انا:منحتاجش نغوي شي حد و زيدون انا كنت انرفض حيت انا هنا متدربة و نتا معندك دخل فيا اولا إيلا كنتي نتا شاف ديالي هادا ماكيعنيش انك تهيني و نسكت ليك
سليم حاول يبرد الاجواء : اصاحبي راك ماعرف والو انا و سندس راك كنت....سندس شافت فيه باش يسكت حيت انيس ماعرفش لحقيقة ديال سندس و شكون هي
سليم: راه كنت بغيت نجازءها حيت ليوم تفوقات تصنع قنبلة و صافي
انيس (مدخلاتش ليه لهدرة ديال سليم و شك كينا شي حاجة)هادا ماشي مبرر باش تعرض عليها لغدا ونتا عارف هادشي ممنوع . شاف ف سندس و قال ليها:سيري نتي منهنا . مشات سندس كولها معصبة و انيس لي ماكانش اقل منها خنزر ف سليم و مشا لبيرو ديالو
انيس: اووك حطو و يمكن ليك تمشي :. و بدا يقرا في لملف ديالها
انيس(شد فراسو من كثرة الصدمة) لا ميمكنش سندس الاسم الكامل ديالها هو سندس الدحماني هي الاخت ديال امير ؟لا ميمكنش و علاش ماقال ليا والو علاش مخبي عليا ؟(هز تيلي و ركب رقم)اجي عندي دابا .(بالغوت)قلت ليك دابا
---
من بعد شوية دخل عندو امير يله بغا يدوي و هو ينزل عليه انيس بواحد لكرشية جابو بارك فكرسي
انيس(شاعل)ها امتا كنتي اتقول ليا امتا ؟دوي
امير:(شاد ف فمو لي دايز بالدم)اش انقول ليك
انيس :(شنق عليه )عاد مازايد فيه ؟امتا كنتي اتقول ليا بللي ختك متدربة عندنا هنايا؟ها دوي
امير: كنت انقولها ليك مي في لوقت لمناسب . انا و سليم ...
انيس:اييه حتا سليم كان عارف قول غي انا لي فدار غفلون و مقلوبة عليا لقفه
امير(مافهمش علاش انيس كبر الموضوع حيت ماكيتستاهلش مي حاول يبرد حيت لحالة لي كان فيها انيس يلا قال كلمة زايدة اياكلها)احم غي تهدن و انا انشرح ليك كولشي اصاحبي غي برك و تهدن انفهمك
انيس برك ف بيرو و شابك يديه:هانا كنسمعك نطق
امير:سندس من صغرها و هي كتدرب فنون لقتال و كانت متفوقة حتا في دراسة ديالها مي كان لحلم ديالها تكون في المخابرات و هي عندها قاع المؤهلات باش تلتاحق بيها مي الاب ديالي كان رافض هاد لفكرة . مي بالمساعدة ديال سليم لي خدمها معاه في شركة ديالو قدينا نغطيو علا التحاقها هنا في الاكديمية و مبغيت تا حد يعرفها حيت...
انيس :(قاطعو)حيتاش نطق
امير:حيت هي لي غتكلف لينا بجاك باش نطيحوه هادشي لاش مبغيت تاحد يعرفها باش نحميها
امير:(مافاهمش علاش انيس دار هاد ردة ديال الفعل)اصاحبي ياك كونا تفاهمنا نغرسو جاسوسة لي تغويه و تقدر تجيب لينا لخبار ديالو و وتحركاتو و تطيحو لينا في الشبكة ياك هادي هي الخطة ديالك و نتا لي راسمها ؟و سندس هي لي غتكلف بهاد المهمة
انيس:(باقي مصدوم) لا مايمكنش . ايلا سندس شوف شي وحدة اخرا واش عارف خطورة هادشي ؟اتحطها في فم السبع بيديك(وا شحال مغيار هاد السيد هههه)
امير:(بنفاد صبر)واش نتا اتخاف علا ختي كثر مني؟انا عارف خطورة هاد المهمة . مي سندس راه قدها و قدود و ماكينة حتا وحدة مؤهلة لهاد المهمة قدها
انيس تعصب مسكين هاز تجاكيط ديالو و ضرب فكتف امير و خرج شاعل لي شافو كيبعد عليه فطريقو تصادف مع سليم شاف فيه باحتقار و زاد في اتجاه ملهى ليلي شاد واحد لقنت مظلم و برك كيشرب بكثرة كاس متبع كاس و عينيه حومر فيهوم لهيب و قلبو محروق علا حبيبتو سندس .سليم لي من شافو فديك لحالة تبعو قبل ميدير شي حاجة دخل لملهى بدا كيقلب عليه بعينيه حتا رمقو فواحد القنت بارك كيشرب فيه .
سليم:(حيد ليه لكاس من يديه )انا راه خوك واقيلا . مالك علا هاد الحالة قول ليا اش واقع
انيس:(خدا لقرعه نزل عليها كاملا)
سلميم:اش كاين عمرني شفتك فهاد الحالة ا انيس ؟
انيس:بلا متدير ليا طيارة دابا انا جاي هنا باش ننسا ماشي باش تجي تصدع ليا ك.. يله سير تق...
سليم :ولله ماغنمشي حتا نعرف مالك اش واقع
انيس(كيضرب في قلبو ب اسى) قلبي كيدرني اسليم قلبي كيتعدب من نهار شافتها عيني ما هناني (هز يديه بجوج بحال غيدعي)ب يدي بيدي اسليم غنعطيها ليه يفترسها مكرهتهومش يتقطعو (وشد فراسو)
سليم:(مافاهم والو)كيفاش شكون هادي و لمن اتعطيها
انيس:(تنهد )سندس , سندس,سندس, هاد السمية و داك لوجه سكنو قلبي و عقلي من نهار شفتها ما عرفت الراحة. ونتا عارف هي لي غتكلف بالمهمة ديال جاك يعني بلا مادير ليا فيها كامبو
سليم:(بقا فيه خوه )راه امير لي رشحها للمهمة و انا وافقت حتا من الرؤساء وافقو, حنا مابقا عندنا فين دخلو دابا فات لحال. مي امتى و كيفاش حتا صرا هادشي ؟
انيس: من نهار شفتها في المقهى اثارني لجمال ديالها و الضحكة ديالها و كيفاش كانت كتعبر و من بعد ما جا داك ميخي كنت انا لي غانود ندكدكو مي هي عجباتني فيه مشات و دات قلبي و تفكيري معاها .حتا قلت نسيتها و شفتها عندي فتدريب كلشي كان معجب بيها مكرهتش نهرب بيها من تم نكون غي انا وياها شوية تعرفات علا واحد متدرب تم مابقاش كيفارقها واحد راس كيقول ليا قتلو وتهانا منو .كنت كنبرد اعصابي افيها من بعد شفتها هي وياه فطواليط معنقاه انا عارف هيا معنات فيها والو مي هوو نو صبيتها و من بعد تقربت منها بزز عليها مي مقديتش نتحكم في راسي عينيها.عينيها اسروني خلاوني فعالم اخر من فقت لقيت راسي كحلت الدواسا معاها وهي شخصيتها ماشي فحال دوك ق,, ديال فابور ,اكتفيت غي نبقا مراقبها من بعيد حتا سخفات لبارح كنت انموت كون سرات ليها شي حاجة .صباح من سمعتكوم مكرهتش ندفنك حي مي,,,,, دابا كلشي سالا انا نتاهيت اسليم انا خسرتها انا تدمرت ,كرهاتني ديال بصح عاد دابا هاد جاك صافي اسليم (و هز كاس تاني و شربو دقة وحدة)
انيس:(باهتزاء)واش كتنطنز عليا ؟اش كنت كنخبر ليك من الصباح ؟كنموت فيها ,كنعشقها ,ماقادش نصبر مازال ,ناري من كنفكر داك زا,,, ايحاول يتقرب منها النار كتشعل فيا منقدش اسليم منقدش علا فكرة تكون مع واحد غيري لا منقدش انحماق
سليم:وهي عارفة هادشي ؟عارفاك كتبغيها؟
انيس:نوو ماعرفاش اصلا هي كتكرهني (ضرب يدو مع الطبلة )انا كامبو انا حمار مكنسواش
سليم: اجي علاش متخيهاش تولي تبغيك ,بدل معاها التعامل ديالك
انيس :راك مكتعرفهاش هي قاسية بزاااف عمرني شفت شي شخصية قوية فحالها دوزت الاف دريات كلهم كانو خاتم بين يدي ايلا هادي ايلا سندس ماكينش فحالها (هه هاداداي داي ماكينش فحالها)
سليم:عندي ليك الحل . عتادر منها علا داكشي لي بدر منك و حاول تقرب ليها و تبين الاهتمام ديالك من جيهتها واخة تكون قلبها حجر ايدوب ليك
انيس:هه كاتضحك عليا باغي تردني كلون
سليم :نووو بالعكس نتا اش خاسر ماخاسر والو حيت ايلا بقيتي معاند راسك اتطير منك في رمشة عين و ديك الساعه بقا تبلق في عينيك
انيس:(بقا كيفكر و مدخلاتش ليه لفكرة انها تكون بعيدا عليه ولا تكون مع شي حد غيرو و قرر يدير بهدرة سليم)
سليم:(كيضحك)هههه وا برافو عليك اا سندس ههه معندي ميتسالك حتا من الوحش رديتيه روميو مابقا ليه والو ويبدا يكتب ليك الشعر حتا هو
انيس:دابا باراك من الضحك الباسل متخلينيش ندم حيت عاودت ليك
انيس:(من سمع هدرتو تعصب)هيه بلا متجبد هاد الهدرة راه يلا قرب ليها والله حتا نقتلو ,و يلا عاودتي جبدتي هاد الهدرة والله منعقل عليك
ساليم هه اووك اووك يله صافي باراك عليك غدا راه عندك تدريب احم اتشوف حبيبة ديال القلب ,
خنزر فيه انيس و نادو مشاو في اتجاه لفيلا فين ساكن انيس لي هي عبارة عن قصر ديال احلام تاجه انيس الغرفة ديالو مشا ديركت للدوش تخشا تحت لماء بارد باش تطفا العافية لي شاعلة في قلبو غي شوية خرج من الدوش لبس شورط وتلاح في الناموسية ديالو كيفكر في حبيبتو لي خدات ليه قلبو حتا داه النعاس
---
نمشيو عند سندس لي منبعد داكشي لي لي طرا خرجات من المختبر و هي كاعية تلاقات مع كوثر لي سمعات نص ديال الهدرة و فهمات سندس غلط
سندس:كوثر بلز خليني هاد الساعة مابغيت نهدر مع تاحد
كوثر:(بحزن) اش هاد شي لي سمعت اسندس عمرني كنت نتوقع منك هادشي خيبتي ظني فيك
بغات تمشي حبساتها سندس
سندس(شاداها من يديها)وقفي اش كاتخربقي اش سمعتي
كوثر:انا ,, انا بالصدفة سمعت هدرة ديالكوم نتي و الشاف انيس و استاد سليم حصلك اشاف انيس كتحاولي تقربي من استاد سليم ,عمرني كنت نصحابك من هاد النوع
سندس:اش كتخرقي نتيا؟هادا شاف ديالك احقر انسان شفتو فحياتي و زايدون نتي فاهما الموضوع غلاط خليني نشرح ليك
كوثر:ما عنداك ماتشرحي ليا انا سمعت و فهمت كلمشي
سندس:نو ماسمعتي والو خليني نشرح ليك و ديك الساعة حكمي عليا كيف بغيتي .
كوثر ربعات يديها و دارت ليها براسها زعما دوي
سندس: (تنهدات) احم اولا انا الاسم الكامل ديالي هو سندس الدحماني(كوثر حلات فمها من الصدمة) ,و كملات سندس في هدرتها:اه انا الاخت ديال النقيب امير الدحماني ... وعاودات ليها كلشي من كانت صغيرة حتا اقتراح ديال امير باش تلتاحق بالمخابرات و الخدمة مع سليم و من قرب ليها انيس مهم عاودات ليها كلشي كلشي بالتفاصيل كاملا
سندس:وي و دابا حتا نتي , و مبغي تاحد يعرف فهمتي , كون كانت شي وحدة اخرا لي قالت عليا هاد لهدرة كون راها في سبيطار دابا مي نتي كنعتابرك صديقتي هادشي علاش عاودت ليك
كوثر:(كتفكر)مم بغيت نقول ليك شي حاجة مي متقلقيش بللز
سندس:واش هاد لهدرة كاملة و باقا خايدة عليا نضرة خايبة
كوثر:نو بالعكس انا حتارمتك بزاف كون كانت وحده اخرا كون راه ستاغلات الاسم ديالها و المكانة ديال خوها ,انا كنفكر غي فحريرة ديال شاف انيس
سندس:(بغضب)معندك فاش تفكري فيه هداك حيوان ماكيسواش
كوثر:مم نوو انا ما بان ليا , انا بان ليا شاف انيس معجب بيك و كيغير عليك , كون شفتيه لبارح من سخفتي شحال خاف عليك و كيف هزك وطار بيك,انا لي فهمت انه كيبغيك اسندس والله
مشاو دريات في اتجاه الغرفة مي كان شي شخص دايز من تم و سمع الهدرة اخرة ديال كوثر بللي انيس كيبغي سندس و معجب بيها ضرب رجليه مع الارض و حلف في سندس و انيس عمرهوم يكونو لبعضياتهوم
نمشيو عند سندس لي دخلات لغرفه ديالها وتكات في بلاصتها و هي كتفكر في هدرة ديال كوثر
سندس:مم زعما تكون هدره ديال كوثر بصح؟نو ميمكنش هاديك اكتخايل (غمضات عينيها)بداو لقطات لي كانت معاه في لبيرو كيبانو ليها و كيف كان الخوف في عينيه و ابتسامة ديالو بتاسمات لا اراديا شوية تفكرات هدرتو و معامالتو لخيبة معاها تمحات ابتسامة ديالها و قالت في خاطرها:صافي اسندس ماتبقايش تفكري فداك الحقير تاني . انا عمرني انكون ليه ولا يحلم يقرب ليا تاني كانكرهك ا سي انيس كنكرهك و نعسات
شوية دخلات الغرفة اسماء شافت في سندس لي ناعسة بكره و حقد و مشات لبلاستها كتقول كتحلمي بقاي تحلمي انيس ديالي وغايبقا ديما ديالي ولله لا خليتو ليك واخا نقتلك ومتكونيش ليه
(هه دابا عرفنا شكون كان كيتسنط ليهوم وا هاد اسماء بانت ليا كتخطط لشي مصيبة اش بان ليكوم؟) ..
شارابوفا الجزء 11
محتوى القصة
يتبع ...
التنقل بين الأجزاء