شارابوفا الجزء الثاني

صافي سالينا من ركن التعارف ايوا خليوني ندخل نسلم على مالين الدار هه انا: السلام

الاب مصطفى: وعليكم السلام ابنتي كيف داز امتحان ؟

انا : (بست ليه راسو و بركت حداه) هه نو متخافش كيف ديما مكنقنعا غي بالمرتبة الأولى هه

هيبة : وا شحال فيك ديال التبعصيص

انا:مهم ماشي فحال شي ناس الباك عامين و هما ساكنيين فيه و للي يحسدني يكون غي فحالي ععع

نقدم ليكوم عائلتي المتواضعة المتكونة من الاب ديالي مصطفى 50 سنة مدير مالي لشركة cim معروفة في المغرب و الخارج .و الاخ ديالي امير 28 سنة خدام فشركة مي هاد الخدمة دايرها غي تغطية حيت هو نقيب في المخابرات و هاد السر عارفاه غي أنا حيت انا وياه قراب لبعضياتنا بحال الصحاب هه و متووووووتز لطاي و عيونو خوضر و الشعر مارو رطب انوريكم طوف ديالو متزعطوش فيه هه و اخيرا وهيبة 19 سنة عندها حقها من الزين و لقرايا الله يجيب كتطييييييرسماها بابا على اسم ماما ماتت و هي كتولدها الله يرحمها تزوجو عن حب كبير رغما على عائلتهم حيت رفضو زواجهم و من تزوجو تباراو منهم و حتى فموتها ما جاو الله استر و اصلا حنا مكنعرفو تاحد منهم من ماتت الاب ديالي لي تكلف بينا عمرو دخل شي مرا لدار هو اب وام وكلشي الله يخليه لينا

وهيبة:(كتدوز ايديها قدامي) هيهو و فين سارحة ياكمة شي حبييب هههه؟اتهناي فلن يتزوجك و طلقاتها بضحكة شريرة

انا(ضربتها لراس) الله يمسخك اصلا مكنأمنش بالحب و مكينش هادا لي تزاد ويخلي سندس تفكر فيه

وهيبه:(كتحك فراسها) و مغورة و معقدة.راه صيبت الغوطي وصايبت لي البيض و كاشير لي كتبغي واخا.....

انا:(قاطعتها حيت عارفاها كارثة في الطياب) حرقتييه هههههه اش شداك لشي طياب هه و ناري

وهيبة:(مقلقة)ياك وسري انا لي مفكرا فيك و بغيت نفرحك

انا:(عنقتها)انضحك معاك اصلا واخا هكاك اتكون بنينة (الله يمسخني) و زايدون غي ناكلو و ندي ختي نرجها اش بان ليك ها؟

وهيبة:(فرحات و باستني في حنكي) ويييي نموت فيك اضرافات زيونات الفنون ...

انا :وا صافي باركة من الصباغة ياله

ايوا مشينا ناكلو خيلوطة ديالها محرقة و لبيض بقشورو هههه كول و نقي زريعة هه باز لراجل لي غيديها.سالينا لماكلة و مشيت طلعت لبيتي نوجد راسي

يتبع ...