شارابوفا الجزء السابع

امير:(عنقها ويحك ليها راسها)ههه شششش الهبيلة على شحال عندي منكم راه نتوما عيني هه وا جمعي خنونتك هههه (بمكر)عند بالي مخلي رجالة ورايا الساعة غي تحزمات الفقوصة بالقرعة وقالت ليها ياله نقطو الواد....غي لهبلة على ختها

انا:و حااااااااااااااااامض

وهيبة:(بحال ايلا تفكرات شي حاجة وضحكات)هههههه كون شفتي اش طرا ليوم ههههه ختك كانت اتصيفط واحد كوما

امير:(خرج عينيه) كيفاش؟

انا:راه غي واحد سخن عليه راسو و تبسل عليا مي را....

امير:(قاطني)واش اداك ؟ واش تعدى عليك باقا عاقلة عليه؟

وهيبة:ههههه خاصك تسولها واش هرستيه؟ واش باقي يقدر يتمشى؟واش يقدر باقي ياكل ولا يشرب ههههه واااااع

عيت منغمز مي هي سرسبات كلشي

امير:(ميت بالضحك)وناري هههههه درتي لعبة لكاتش ههه (وتسرح بالضحك)

انا:واصافي زدتو فيه .وطلعت لبيتي دوشت و لبست صليت صلاتي ونعست ههههههه غيبت

اصبحنا واصبح الملك

انا:(مخلوعة)!واااااااع اش هدشي؟

امير و وهيبه:ههههههههههههه

انا(فااااازكة بالماء)اش هاد اللعب لباسل؟

وهبة:وا عينا من فيقو فيك ونتي كومة

امير:(كيضحك و داير فيها البراءة)را غي فيقناك و مبغيتيش .. خفنا تكوني متي و خوينا عليك شويييييييية لماء باش نتأكدو بلي راك حية

انا:(شيرت عليه بمخدة)شوييييية؟هاد سطل كامل و غي شويييية؟ اتخرجو برا و لا انرتاكب فيكم شي جريمة

وهيبة ياله بغات تدوي خنزرت فيها وهربات

امير:نوضي انعاسة باش نمشيو نديرو سبور

انا:اوووك خرج نغسل و نبدل عليا ونمشيو

امير:وا غي انا ههههه ابدلي شحال بدلتليك وغسلت ليك ههه

انا:و خررررج خلاص واااااه

خرج امير و كي ضحك .نضت دوشت وصليت و مشيت نلبس حوايج سبور شورط قصير غري وديباردور كحل و سبرديلة كحلة و شعري جمعتو لفوق و مشينا انا و امير جهت البحر