امير:والله حتى غي سماوك سندس كانو يسميوك علال لقلدة
انا: (كنحسب ٣٣ ٣٤ ٣٥)ههه راه ١٦ لعام(يعني سطاش حيت لارقام عندي ف بيسي بالعربية اسفة)ديال الفنون القتال مامشاتش هكاك ب اصلا باقا كانديرها بلا خبار بابا حيت نتا عارف
امير:(بحسرة)اه عارف .هه اجي باقا عاقلة من ياله دخلتي لاكديمية دفنون لقتال كتجي لدار تبداي تهرسي في الفازات و تنقزي كنتي كتقولي انا بروسلي هههه
انا:هه وي كان الحلم ديالي نكون فحالو و نتقن جميع الفنون باش نكون في المخابرات مي....
امير:احم الوليد لي حبسك باقي عاقل
انا:(بحزن )وي دوماج
امير:(فكر وقال فنفسو علاش لا) عندي ليك وحد الحل باش دخلي المخابرات و بابا ماغيعرف والو
انا:(بصدمة)شنوا
امير:اديري فحالي انا
انا:كيفاش بحالك
امير:مم ادخلي اكديمية الشرطه و غتخدمي في شركة في نفس الوقت
انا:انا ههه وشكون هاد الشركة لي غتخدمني ونت عارف خدمة ديال المخابرات كل مرة في مهمة ....
امير:(قاطعني)هدشي خليه ليا.. من اتنجحي انخدمك في شركة ديال صاحبي هو عندو علم بهادشي من اتدخلي لاكديمية اتgولي ل بابا عندك سطاج في فرع الشركة لمدة شهرين حيت خاصك تبركي في المقر باش تدربي
انا:ههه ولايني راك شلاهبي ههه
امير:هه شفتي هانتي اتحققي لحلم ديالك و زايدون راه محتاجينك.. احم محتاجين فحال لكفائات ديالك
انا:امممم ايوا هه
امير: ياله نوسلك لدار باش نتكلف بالموضوع ديالك
انا:ميرسي خويا الله يخليك ليا
امير هه ياله الهبلة
مشينا لدار ودوزت نهاري عادي ...ودازت الايام روتينية بين الدار و لاصال ...
جا يوم إعلان النتائج ...تاجهت الجامعة و تلاقيت باسية و كاريم كيتسناو يتعلقو النتائج
انا:(عنقت اسية و بستها و سلمت على كاريم حتا هو)
كريم:هه شرابوفا غبرة هادي من نهار امتحان ماشفناك قليل فين نشوفوك فالواتساب..توإحشت....تواحشناك
اسية:(ماعجبهاش لحال)ياله زيدو راه كعلقو (حيت اسية كتبغي كريم مي عمرها صارحاتو حيت كان معجب بيا ونهار لي قالها ليا شرحت ليه حنا غي امي حيت كنعتابرو فحال خويا و هو تفهمني)
انا:هه ياله نشوفو حريرتنا فين واصلا
كريم:هه كيف لعادة شارابوفا هي لاولة في لكلية
انا:هههه ياله ياله
مشينا هه وكيف لعادة سندس الدحماني هي الاولة في الجامعة و كريم و اسية بمعدل مشرف الحمد لله
شارابوفا الجزء الثامن
محتوى القصة
التنقل بين الأجزاء