نضال: عااارف، خليه انا كنحتارم القرارت ديالهم وكل واحد حر فحياتو ، عهد محطم و وكيهرب وكيكدب على راسو باش ينسى لخرى ، ماباغيش يفكر فيها وكيتهرب من الافكار ديالو ، هوا من اللول ماكانش باغيها وكيقلب على السبة باش يكرها، وهاهوا لقى السبة وماباغي لا يسول لا يبحث لا حتى شي حاجة وهادا شغلو هو حر
نضال: هوا هاكاك ، مابغاش يحب وماشي من النوع اللي كيقلب على الحب وكيخلق لراسو الاعذار باش ينسى وكيقلب على وحدة اخرى تنسيه فغيثة، غيثة بالنسبة ليه قالب وطلع معاه و شاف عليها اللي شاف و قنعو راسو بداكشي اللي شاف وماباغيش يخدم عقلو باش متيزيدش يطيح فيها وخايف يلقى داكشي كذوب او يلقى عندها اغذار ويحن من جيهتها، هوا كان باغي يشوف شي حاجة خايبة باش تبقى ليه فعقلو ويكرها وداكشي اللي كاين
مروى: هبيل واللهيلا مسطي ، الناس كيقلبو على الخب وهوا كيهرب منو
نضال: اييييوا اش غنديرو ، مانقدرش ندخل ليه فخساتو وكيما منبغيش اللي يدخل فحياتي مكندخلش فحياتو ، راه كبير و عااايق وفااايق وكيبغي يشوف غير داكشي اللي بغا وكيبغي يفهم غير داكشي اللي هوا باغي ، من اللهر عهد ضدد الحب وضدد شي وحدة تسيطر عليه كيما بغات تكون بغا يعيش هاكاك ماكيبغي تا بنت ، هاداك شغلو وهوا حر فيه ودابا سيري عيطي ليا على وعد راه هاز ليها الهم مثر ماهازو ل عهد ومكاينش اللي عبر فيهم قد نور ، نتزعط فميساء وحلس حداها .
ناضت مروى مشات عيطات على وعد اللي طوال شعرها شوية وجات جلسات مع نضال متكية ليه على سدرو والضيم طايح عليها
نضال: ايوا دابا خنا غنبقاو ديييما كنبكيو؟
وعد: (على سبة ) اهىءاهىءاهىء 😭😭
نضال: قلت ليك واش نعيط عليه ونهضرو كاملين ونتي مابغيتيش
وعد: لا ..كن بغاني كن قلب عليا ، مشيت عندو وسمح فيا ، حتى ماتكون عندي نفس عاد معيط ليه، واخا نموت مانسمح لكرامتي تهان مرة اخرى، نتعدب ومايسيق ليا الخبار ولا ندل راسي قدامو 😢
نضال: كن مشيتي مع عهد لكولومبيا ترتاحي شوية
وعد: لا ..الى بغيت نمشي غنمشي عند نور مانقدرش نجلس مع عهد تما يمشي يقتلني ، هوا معصب غير مع حوايجو ونجلس انا حداه ! لالا غير خليني
غيثة: اللي بغيتي ولاكن راه ماعندي تلفازة ولا والو غتقنطي
نعيمة:واغير يالاه نتوانسو ، غنقول لبابا نبات مع صاحبتي
غيثة: يالاه اللي بغيتي
مشات نعيمة مع غيثة للدار وباتت معاها تما والصباح ناضت نعيمة لطواليط وهي تلقى واحد الكموسة حدى راس غيثة جامعة فيها الفلوس وغرها الشيطان وهزاتها لقات فيها الفلوس مكشين وخدات ليها النص الكبير وخلات ليها غير شي حاجة قليلة ورجعان نعسات حداها كأن شيءا لم يكن
فاقو البنات الصباح وغيثة مكتحلش الكميميسة دالفلوس حتى كتشدهم عاد كتحلها باش تخبي فيها لدواير الزمان ومكتجبدش منها باش مضيعش الفلوس، ناضو خرجو كل وحدة شنو شرات من الحانوت؛ غيثة شرات رايبي وميريندينة من الصرف اللي عندها فجيبها و نعيمة شرات موميرة غيها الفرماج والكاشير والبيض وعصيري قدو قداش من الفلوس اللي سرقات لغيثة وباش تبان قدامها بريءة دوقاتها من الكوميرة عطاتها شوية من العصير ومشاو للقهوى خدمو كالعادة وغيثة اي كتصور فليسات من عند الكليان وكيضورو معاها وكتجمع الفلوس تخبيهم، كابرات واخا مكتقدرش وكتسخف وماكتمشي بحالها حتى كيدوزو الجفاف للقهوى وينقيو الدنيا عاد كيخرجو ، بدلات غيثة حوايجها باش تمشي بحالها وهي تشدها نعيمة
نعيمة: يالاه انا عارضة عليك للعشى هاد المرة
غيثة: لالا اختي غير خليني نمشي نقضي باش ما كان بلا ماتخسري فلوسك فالماكلة
مشا السرباي جاب ليهم العشا وعنر الكبلة مزيان وغيثة كتشوف لاول مرة غتشبع كرشها ، جلسات كتعشا ونعيمة كتخشي فوجها وغيثة مكتقربش للمرقة كتاكل غير ناشف ، عمرات غيثة كرشها مزيان وحطات يدها على كرشها كتحس بيها كتحرك ومخبية الكرش باش ماتعرفش نعيمة بالي راها حاملة ، ناضت غيثة بغات تعاون معيمة فالخلاص وماخلاتعاش وجبدات نعيمة الفلوس خلصات داكشي كامل وخرجو توادعو وكل وحدة مشات فحالها ،غيثة كل ليلة كتشوف فكرشها فواحد المراية مشققة لاسقة فالحيط مقشر والياجور كيبان منو ؛ فين ما كتشوف كرشها كتبدى تبكي ، بدات كتقبا الفكرة ديال انها حاملة وكتجلس تسنط بوحدها كي الحمقة لتحركات ديال البيبي وديما كينوضها بللي بالزديح والضرب حتى كتشهق وترجع تنعس ، داز الشهر هاكا وغيثة خدامة كتكابر وتصبر حتى شدات الخلصة ديالها وجمعات الباقشيش حسباوتو لقات 300 درهم اللي جمعات فالشهر وماخصرات منها حتى ريال كضيباني ديما فالعشى وفالفوطور باش ما كان اما الغدا كيعطيوه ليها فالقهوى، مشات حلات الكميميسة لقاتها خفيفة وهزاتها مخلوعة قلبها غيسكت خواتها كتقلب كي الحمقة ونضات كتقلب فالبيت روناتو مالقاتش الفلوس
غيثة: اواااعدي فاين مشاااو 😭 فاين نزلتهم ؟؟؟؟انا نزلتهم هنا فااين مشااااو اهىءاهىءاهىء 😭😭😭 اواااعدي فلوسي اللي شحال هادا وانا نجمع فيهم مشاو ليه اوااااعدشي سرقوني الشفااارة اهىءاهىءاهىء 😭😭😭 شكون سرقني شكون اهىءاهىءاهىء شني زعما انا نسيت وخبيتهم فشي بلاصاااا فاين يكونو مشاو اهىءاهىءاهىء 😭😭😭 اواعديييييي الفلوس باش عنولد و ونجلس حتى نشوف شي نعمل مور الولادة ضاعو ليييي اهىءاهىءاهىء شني نعمل يا ربي شني اهىءاهىءاهىء 😭😭😭😭انا ضييييعت ضييييعت اهىءاهىءاهىء 😭😭😭جلسات غيثة كتندب وتشتف بوحدها تا شبعات وكمداتها ورجعات كدمع وتحسب الفلوس من اللول وتبكي حاى سالا وناضت خباتهم تحت البوطة وماطاختش ليها نعيمة فالبال حيت شحال هادي باش سرقاتهم ليها و غيثة كيسحاب ليها يالاه تسرقو ومارضاتش البال لداك شوية دالفلوس اللي بقا ليها فالخنيشة ، العيا والارهاق والتعب ماخلاوهاش تركز فحتى حاجة وناضت نعسات كتبكي وفالصباح مشات للخدمة لقات نعيمة ضاربة سنسلة ديال الذهب فعنقها من داكشي الرفيع ولابسة توني جديد وغيثة حالتها حالة ، شافت فيها بنص عين ومشات كملات خدمتها ومانواتهاش فيها حيت عشاتها وتهلات فيها ، دازو الايام وغيثة غلى نفس الحالة ومخبية كرشها حتى ولات عندها 9 شهور وحتى واحد مارد ليها الباب ، كتخدم وتجري وكرشها مخبية حتى لواحد النها كان عندها روبو وخرجات مشات للسوق تقدات الخضرة وجات هازاها ، عيات فالطريق وجلسات كترتاح شوية حدا واحد المدرسة فجوايه 3 دالعشية الزنقة خاوية والشمش عاطية، بدات تقلب بالوجع وشادة فضهرها وكرشها وكتعصر بوحدها
غيثة: امممممممممعععععععع.....اننننمننممم ااااااه ياربس ربي ربي ربي اااااه يا ربي الموت هادي اااااالله ياربي غنموووووووووت غنمووووت
بقات كتجوع وتعصر والعرق كيهبط وناضت باش ميشوفوهاش الناس هزات الخضرة ديالها ودارت مور المدرسة الدنيا خاااوية تما وجلسات كتسنى الوجع يفوتها ، بقات هاكا حتى هبط الماء ميشؤش مع رحليها وهي ماعارفة والو ومافاهماش اش داكشي ، حسات بداشي يغا يهبط وهبطات السروال فوق الربيع كتبكي وتعصر وعاضة فالشال اللي على راسها والعرق كينزل وكلها مترعد وترجف حتى هبط البيبي فوق الربيع وجلسات غيثة كتجمع فالنفس وتلهت والدمايات نازلين ، الحركة والخدمة و القدرة الالاهية ماخلاوها توجع بزاف دغيا ولدات واخا وجع الولادة ماعارفو غير اللي مجربو ، سمعات البنيتة كتغوت بصوست رقيق وكلها زرقة وغيثة متكية على الحيط كتنفس وعينها خرجو كتبكي حتى رتاحت وطلات على البنت شافتها كتحرك و الحبل السري خرج منها جامع بيهنا وبين بنتها ، بغات غيثة تهزها وماعرفتش والخيط شاركهم بجوج وهزات واحد الحجرة كتبكي وشدات الحبل حطاتو فوق واحد الحجرة وهزات حجرة اخرى وجلسات كضربو حتى تقطع وحيدات الشال اللي فوق راسها فرشاتو وحطات فيه البنت ويديها كيترعدو ولواتها فيه وهزاتها عندها وجلسات كتبكي وتشوف فالبنت وكيبكيو بجوج
غيثة: شدي البنت انا غنرجع الصباح واي حاجة وقعات عيطي ليا فالتيلي زهرة: واخا لاللة احلام
غيثة: (هازة تيلي) الو وي ...هانا جايا دابا ، ما غنتعطلش راه غير كنت مبرزطة مع ذهب كينوضو ليها السنان وكتمضي سنانها فالسلوكة ،ماخلات حتى شارجور صحيح ولا شي كابل مقاد كلشي ضيعاتو
عماد : مهم انا لتحت كنتسناك
غيثة: واخا هانا جايا
نزلات غيثة لابسة ومفركسة والصيف دخل وهابطة فالدروج ديال العمارة بالطالون كتقرقب حتى نزلات لتحت لقات عماد واقف كيتسناها فمرسيديس كحلة كلاص ،سلم عليها من لابيز وحل ليها الباب وطلع ركب حداها غادي سايق وكيتجمع هوا وياها لابس كوستيم وريحة فايحة ومقبول فوجهو
عماد: واش عارفة صوتك كيداير ولا ماعارفاش ؟ صوتك راه شي حاجة اللي ماضايراااش بلا منهضرو على الوجه والكاريزمة ديالك هادو راه صدااع الراس شي حاجة الطوب، كلشي غيسمع صوتك كيضهشرو ، ولاكن الى طلبو منك تغني دابا متغنيش ، خليهم حتى يشوفوك فالتلفازة باش كلشي يتصدم مللي يشوفو الفيديو كليب ديالك و يسمعو صوتك ، يالاه نمشيو
نزلات غيثة اللي ولات اسمها ذهب على سميت بنتها وسط الاعلام وشدات فعماد المندجر ديالها اللي مكلف ليها بكلشي ودخلان بكل تقة فالنفس والصحافة كتصور ، تجمعو عليها ميسولوها وعماد جرها وبعدوهم ودخلو للاوتيل في فاس فين داير ليها الحفلة بمناسبة اصدار اول البوم ليها على القنوات التليفيزيونية اللي غيتطلق من بعد اسبوع
دخلات غيثة فابهى حلة لابسة غوب فالاسود كتبري كاملة منبتة طويلة بحال الحوتة وضهرها عريان علامات الجمال كيبانو من ضهرها ، كتافها الرقاق وضهرها المستقيم و عضام كتافها كيتحركو بطريقة راقية وطالون اسود عالي ، مكتعرف حتى واحد فالناس المدعويين ، غير شادة فعماد وكتشوف وتبتاسم حشمانة وترمش عينيها وتشوف فالارض ، لاول مرة غيثة كتحضر حفل مخصص ليها هي وهادشي خلاها حشمانة وفرحانة فنفس الوقت ، طلعها جلسها فوق الخشبة فواحد الطاولة طويلة جلس فيها عماد المندجر ديالها وهي والميكرو قدامها وبزاف ديال ليميكو قدامها ديال الاداعات اللي خبرهم عماد يجيو باش يشهر غيثة و يبرز الحضور ديالها فالوسط الفني ، جلسات غيثة وكتشوف فالشخصيات كيشوفو فيها من المعارف ديال عماد حشمانة و وجها حمر وكاع الانضار عليها ، رجعو يدياتعا الناعمتين للحياة وكبرو ضفارها وبدات كتعتاني براسها كثر حيت بدات مسيرتها الفنية وخصها تكون فالمستوى والمضهر اهم شيى فهاد المجال وهادشي كامل قراه ليها عماد وخلا منها نجمعة على وشك السطوع فعالم الفن وقدامها اسبوع ، فقط اسبوع وغتسطع النجمة ذهب فجميع القنوات وجميع البرامج الاعلامية، بدات الصحافة كيسولوها وهي مرتابكة بالفرحة والخلعة والحشمة...
...: مادموزيل ذهب شنو احساسك ونتي كتسناي الالبوم ديالك يخرج للوجود؟
غيثة: وي انا اللي كنكتبهم و الاغاني ديالي اللي غادي تسمعهم من دابا اسبوع كيعبرو على الاحاسيس ديالي وعلى المسار ديالي وكيفاش حتى وصلت و على الصبر والامال اللي خلاني نوصل و واخد الجوهرة اللي جات فآخر لحضة و بدلات ليا حياتي بزااف وخلاتني نشوف الحياة من جهة اخرى وهي السند ديالي والقوة ديالي باش انا وصلت لهادشي وانا متأكدة ان الاللوم ديالي غادي ينال اعجاب الجماعير لانني كتبت كلماتو بكل احساس وكل حرف فيه كيعبر على حياتي وعلى قصتي انا .
تسفيقات...👏👏👏👏👏👏👏👏👏👏👏👏👏👏👏👏👏
غيثة: ههه (حشمات) شكرا شكرا ليكم ..شكرا بزااف
...: واش العنوان اللي ختاريتي للالبوم عنوان عجبك و فكرتي فيه... (قاطعاتو)
غيثة: ابدا...العنوان ديال الالبوم هو اختار راسو ماشي انا اللي ختاريتو ، العنوان كيعبر عليا انا شخصيا وماجاش من وحي الخيال بالعكس جا من اعماق الاحاسيس ديالي وانا كنكتب فكلمات كل اغنية وقدامي الجوهرة اللي كتساندي داءما وليها فضل كبير فهادشي
...: واخا تكشفي لينا على الجوهرة ديالك؟ شكون ؟ و اشمن صنف كتنتمي ليه
غيثة: اعتذر ، انا سميتها جوهرة والجوهرة ايلا شاف بريقها كلشي ماكتبقاش جوهرة فلهذا منقدر نقول شكون او نعطي لمحة عليها ، هي جوهرة كتخصني انا لا غير
...: العنوان" انا احترق "اللي ختاريتي للالبوم واش ماجاكش غريب او يمكن ميقبلوش منك الجمهور؟
غيثة: لا جلني مختلف على باقي العناوين وانا مرتاحة من هاد الناحية لان اي حاجة كتخرج من القلب كيحس بيها الجمهور والعنوان خرج من القلب بحال الاغاني العشر ديالي وكيما غنيت باحساسي وستمتعت للاغاني ديالي وانا كنسمعهم متأكدة غادي يحس بيهم حتى الجمهور ديالي
...: واش بالنسبة ليك الجمال اللي غيوصلك فهاد الميدان او الصوت؟
غيثة: بالنسبة ليا بجوج ، كل واحد كيكمل الاخر، انا ماشي مغرورة ولاكن هاد الميدان كيقبل الصوت وحضور وجمال وملي كيتلاقلو هادو كاملين فالفنان كيوصل خاص غير اللي يشد بيديه والعزيمة والارادة غتوصلو ويلا موصلش دغيا غيوصل مع الوقت
...: واش عمرك درتي شي عملية تجميل؟ شحال فالسن ديالك و العاءلة ديالك واش هي اللي كتساندك او هي ضدد فكرة الغناء؟
غيثة: (غرغرو عينيها) فعمري 18 سنة اما بالنسبة للسؤال الثاني فغنجاوبكم عليه فالاغاني ديالي اللي فتسمعهم من دابا اسبوع
ناضت غيثة وقفات كتحي الحضور ونزلات فوق الخشبة تعارضو ليها بعض من المدعوين وقفات كتهضر معاهم والصورة ديالها اللي الالبوم مطلوقة فجميع الشاشات ، مشا عماد وقف مع واحد من المدعوين ...
...: شنو درتي لينا فداكشي اصاحبي؟
عماد: مالنا على هاد الزربة؟ ونتا كتشوف البنت يالاه قالت بسم الله ونتا كاتقول ليا كدا ما كدا؟!! صبر شوية اصاحبي هادشي راه مافيهش اللعب ، راه فيها روح غتزهق ، غيير بشوية وكلشي هتدو الحل المهم هوا الزربة اوهو
...: وراه شحاال وحنا كنتسناو نطلعو ونعوضو اللي فات، ودابا زادت قوادت بالبيان ...كلشي تسد حتا باب مابقا محلول واملنا الوحيد هو ديك التيتيزة
عماد: سمع باش نجيك من اللخر، انا مازال ماعطيت كلمتي سمعتي، الى بان ليا هادشي غيشكل خطر عليها راه غندير بناقص ، زايدون انا كنبغيها وكتعجبني ومنقدرش نغامر بيها، هادشي فيه يا ربحة يا دبحة و الى كانت دبحة غنخسرها وهي مستاهلش هادشي
...: وا مالك وليتي خواف اصاح واش هادا عماد اللي كنعرف، طزز تبدلتي اصاحبي من ديك الخسارة ديال ديك المرة وليتي واحد اخر
عماد: (حط الكاس) انا قلت للي عندي ، الى بانت ليا شي حاجة ماشي هي هاديك غندير بناقص، ويكفيني منادجر ديال وحدة كدوخ بالزين وصوتها كيرشي العضام وقنبولة غادي تنفاحر عما قريب، ديك الساعة ايلا خسرت معاها راه انا اللي غنضيع اما هي غيتهافتو عليها شحال من منادجر ..يالاه تلاح راها كتشر ليا بغات تمشي بحالها
...: ايييه على الحب كي رجع بنادم
عماد: فاكيو ..ههه
مشا عماد عند غيثة كانت كتشيرو ليه باش يجي عندها
غيثة: اففف علاش خليتيني بوحدي ؟ مكنعرفشي نهضر اللغات تحشمت
عماد: نتي راسك تقيل ياك عندك غير جوج مواد دابا كتقرايهم الفرنسية والانحليزية ومقدرتيش تحلي دماغك فيهم شوية؟
غيثة: انا بزز باش قدرت نهضر فوق الخشبة بحال المشاهير ونتينا كتقول ليا اللغات، سمح لي انا منقدرشي نبدل اللهجة ديالي ، تعصبت وكنقلد الهضرة د الداخل بزز مني مالي على حالتي ، نهضر بهضرتي واللي مافهامهاشي يعودها نراسو واللغة راني كنتعلم شوية شوية مهم كنفهم واها مكنهضرشي بيهم مزياااان المهم راني كنفهم
عماد: كتقهمي مزياااان وعرفتي شنو ، هاد السيمانة كاملة غتحفضي فيها اغاني غربية باش يتطلق ليك اللسان مزيان فاللغة
غيثة: وصافي يالاه نمشي راه بنتي دابا تكون كتبكي عليا
عماد: كتجي معاك هاد الكلمة كتحمق ههه بنتي ...واو شحال كتجي معاك ، وراه بنتي تا انا ماتنسايش، راه على كنيتي انا هههه ذهب الجوهاري
غيثة: اوك اللي بغيتي غير يالاه راه غير كنخليها بواحدا كيولي قلبي مقبوط عليا
عماد: يالاه اري يدك
شد ليها عماد فيدها وخرجها ركبها معاه وداها للدار فأبارطومو كبيرة موديرن على شكل دوبليكس في حي راقي وعمارة راقية وطلعها فالاسانسور حتى وصلو للدار و دخلو مع جوايه 3 دلليل وعماد خيد لافيست ومشا لكوزية جبد قرعة دالويسكي من البلاكار والثلج من التلاجة عمرهم فالكاس وخرج كيشرب و كيحل فصدايف القميجة
غيثة مشات دخلات لبيت النعاس ديالها فين كتنعس هي وذهب ولقاتها ناعسة فسابع نومة كتشخر وعويناتها مجبدين وشفارها طالعين وشعرها رطب وعريانة لابسة غير ليكوش لان فاس كيكوي بالسهد ، حيدات غيثة حوايجها وخدات دوش خفيف بارد وخرجات لبسات بيجامة بالشورط وجمعات شعرها وخرجات عند عماد لقاتو متكي عريان لتبس غير الشورط فوق الفوطوي كيشرب ويتفرج فالتلفازة كيما العادة
غيثة: عماااد راه ذهب ناااعسة مابغيتش نفيقها ونجيبها ليك دابا ختى لغدا تفيق وشوفها
عماد: ماشي مشكل انا شوية نوض نشوفها، جلسي
غيثة: غنمشي نعس تا لصباح
عماد: اوك سيري...تصبحي على خير ،انا شوية ونمشي لبيتي نعس
غيثة : اوك بون وي
دخلات غيثة لبيتها وسدات عليها وهزات ذهب وهي ناعسة حاللة فمها بحال شي ملاك وحطاتها على سدرها وبدات كتلعب ليها فشعرها فرحانة بيها لان ذهب الوحيدة للي خرجات مها من الاكتآب اللي كانت فيه والحالة النفسية ، نعسات غيثة معنقة ذهب بحال كل ليلة و عماد بقا فوسط الدار كيتفرج فالتلفازة حتى تسدو عينيه ونعس تما .
⏭
لندن...11h0صباحا.
مروى: وينوووو على العمر ديالي كيفطر
ميساء: ههه كبر ياكي
مروى: اجي عندي انا نلوس كتكوت ديالي
ميساء: انا نمشي نشوف نور واش باقي ناعس
مروى: صافي غير سيري حنا ماعندنا مانديرو بيك (كتقلد صوت الدراري الصغار) ياك احبيبي حنا مابغيناهاش ، نبقى غير انا وياك ، شكون عوينات ماماتو ههه موااااح
هزو نضال كيلعب معاه ويبوس فيه ويعصر ليه نيفو بلعاني تا كيبغي يبكي وكيرجع يضحك معاه
نضال: حنا غنشوفو عمو عهد ياك
مروى: مزال موصل؟؟
نضال: سي غيكون وصل دابا ، ديما كيسول على رياض اول مرة غيشوفو هههه عزيز عليه قبل مايشوفو
مروى: توحشتو بزااف ، عام ماشفناه مباشرة من نهار خوى المغرب ، كن ماجيناش لهنا ماكلنش غيجي
نضال: (هاز رياض )صافي دابا هانتي جيتي لندن وغتشبعي منو حتى يطلع ليك فراس
مروى: زعما يكون نسى ...
نضال: يقدر مدام انه بدا فعلاقة جديدة ومابقاش كيما كان قبل راه غيكون نسى ، انا بان ليا مرتاح فآخر مرة مشيت عندو لكولومبيا ، مفاهم هو وديك البنت ويقدر ناوي يشد معاها الطريق بما انه طول معاها
مروى: سمع واقيلا وصل؟؟ صوت الطونوبيلا على برى 😍 انا غادا عنداك طلق من رياااضنزلات مروى كتجري فدروج فيلا على شكل قصر كبيرة ديال نور وخرجات كتجري شافت عهد نازل ونزلات حداه بنت طويلة طولها مع الطالون قرب يوصل طول دعهد وشعرها اسود وعينيها كبار وبشرة بيضاء وزينها غربي وعينيها زورق بحال السماء ولابسة دجين قصير مقطع من الركبة وطالون عالي وبودي سامبل فوقو لافيست كحلة ، مشات عندو مروى كتجري طارت عليه بتعنيقة وهوا معنقها كيضحك على الجرية اللي جرات عندو
انيس: شوووووو صافي دابا (باس لها راسها) صافي علا سلامتك
غيثة كتبكي ومخشية فانيس حتى فشلات وطلعها معنقها وهي شادة فيه وكتبكي والدموع نازلين كيتلاقاو ليها فوجها وعماد هاز ذهب كتشوف فمها كتبكي وكتلكي حتى هي مابغاتش سكت ليه وطالع موراهم كيهزها من هاد اليد لهاد اليد باش تسكت وذهب مادة يدها جيهت غيثة كتحرك صبعانها بحال الى كتعيط ليها وعماد كيعنق فيها باش تسكت حتى دخلو للدار وهي تشوف غيثة مها فالركنة مكتخركش و وعد واقفة فالباب كتسناهم يدخلو، مشات غيثة كتجري عند مها طاحت ليها عند رجليها كتبكي وتبوسهم ليها وملاك كتشوف فيها وتبكي وفمها عوج ويدها عوجة وكتحاول تجر غيثة عندها حتى تسرحات ليها اليد وهضرات بزز منها ، وفهاد اللحضة تطلق اللسان لملاك و رجع الفم بلاصتو وعنقات غيثة وجلسو كيبكيو بجوج وانيس واقف كيشوف فيهم عينيه غرغرو وعد مكمشة حدا واحد الباب كتبكي وكتشوف فيهم ، كلشي لاحظ البنت اللي هاز عماد وكسرات الدنيا بالغوات حتى ناضت عندها غيثة هزاتها وهي تلسق عليها ذهب كتبكي وتصعر وعاضة ليها القميجة من الكول ، تحنات غيثة عند مها كتبكي وعطاتها ذهب فيدها بمعنى راها بنتها، شداتها ملاك عنقاتها وكتمشي وتجي بيها فبلاصتها وتبكي وصوت اللمى كيتسمع بالجهد فالدار كاملة، دازو ساعات ديال البكى وكل واحد خرج ما فقلبو وجلسو كاملين مجموعين فالصالة و وعد مقرباتش لغيثة خافت من ردة فعلها جيهتها وبقات جالسة فالطرف كتشوف فيها وفالبنت للي خاشية وجها مخبياه فصدر غيثة وكتشوف مرة مرة بنص عين والسكاتة فمها والدموع مفزكين ليها عينيها وصاقلة غير كتشوف شي واحد كيشوف فيها كتخبا فغيثة ماحاملة تاواحد من غير مها فهاد اللحضة ، دازت لحضة صمت طويلة كلشي كيشوف فالارض حتى واحد مازعم يجبد الهضرة، سكاااااااااات بحال الى قطعو ليهم الكونيكسيون كلشي ساكت مهموم حتى طاحت السكاتة من فم ذهب جات حدى رجلين ملاك وتحنات هزاتها عاد هضرات
ملاك: شنو سميتها؟
غيثة: ذهب بنتي وهادا عماد راجلي باباها
ملاك: مرحبا مرحبا ولدي
انيس: متشرفين
عماد: الله يبارك اخاي
الجواب اللي عطاتهم فيثة خلاتهم ساكتين حتى واحد مازاد شي كلمة وغيثة كتشوف فوعد وتقلب وجها ، رجعات شافت فيها لقاتها كتشوف فذهب وهي تعنقها خبات ليها وجها باش ماتشوفهاش وعد ، بقا انيس جالس شحال مربع يديه وساكت وناض خرج يجيب التقدية للضياف و وعد ناضت للكوزينة باش متبقاش جالسة حداهم وعماد خرج برى حيت بقا بوحدو مع العيالات وبقات غير غيثة مع مها متكية راسها عليها وملاك كدوز يدها على شعر غيثة وشعر ذهب وساكتين حتى دخل انيس مشا للكوزينة نيشان لقى وعد جالسة بوحدها كتبكي وعنقها وبدات كتبكي ليه فحضنو وهوا كيواسيها ويبوس ليها يديها وراسها حتى سكتات
أنا أحترق الجزء 16
محتوى القصة
التنقل بين الأجزاء