قصتي مع الطبيبة الجزء 12

ضربني محسيت بوالو ومعقلت على والو حتى فقت بارك فكرسي ومربوط وهو يدخل خونا داك لي جبتو انا باش يخطف خونا وحتى خونا بقا تيشوف فيا وتيضحك قاليا من نيتك باغي تخطفني وماشي عند واحد من رجال لواليد قلت ملقيت منقول تخورت كلشي سالا دبا فيناهو با مصطفى يلاه تنضور فعينيا تنقلب عليه حتى تنسمع صوت طوموبيل قريبة و واحد صداع طوموبيل ضربات فدار ودخلات لداخل حدانا فصالون عرفتو با مصطفى هو لي حمق و يديرها نزل وهو يشوف فيا وقاليا أشكين دبا باقي تقولي شيباني نكويك ناري علام هاد سيد تيضحكني فشي لحضات تنقول موحال واش نضحك فيهم يلاه حل ليا يديا وهوما يدخلو خوتنا من لباب تصدمو هادشي تيوقع غير فالأفلام تنشوف فشيباني جبد سلاح خوتنا تزراو قاليا يوسف خود داك خونا ديه لفيرمة وتفاهم معاه قلت ليه لعميم ونتا قاليا أسير ألقلاوي حياتي كاملة دوزتها حرب مع لعسكر د لحدود بست ليه راسو شديت لقنبة لي كنت مربوط بيها ربطت لخونا يديه وخشيتو فلمالة وخرجت طوموبيل بزز غادي وتنسمع خونا تيغوت لور الله على شعور مزال مشفتي والو غندمك وصلنا دخلت بعدا خرجت كاع لخدامة صيفتهوم ودخلت خونا لدار بركتو فوق واحد لكرسي وحليت ليه فمو بدا تيطلب فيا قلت ليه غير هني راسك لا طليبك لا باك غادي يعتقك ليوم يومك غير تهنى وجو تبدل فيه لون بغيت نخلعو بعدا جبت واحد لامون ههههههه حطيتو فوق لميدة وقلت ليه ليوم نصيفطك كفتة أوليدي عند باباك قاليا خويا لله لله يرحم ليك لواليدة سمح ليا مبقيتيش غادي تشوفني قاليا واحد راس نخليه يمشي ولكين ملي تنتفكر كيفاش كانت حياتي وكيفاش هيا دبا و لواليدة هادشي كامل بسبابو شديت واحد لموس ومشيت من وراه وبقيت تنفكر غادي نقتل واحد لأول مرة يلاه حطيت لموس على عنقو وهو يدخل با مصطفى قاليا لا يوسف بلاش أولدي غادي تزيد تقودها على راسك ميستاهلش تدير هادشي على ودو خونا بدا تيغوت سديت ليه فمو وشفت ف با مصطفى وقلت ليه دبا منقدرش نطلق خونا هو شاف دار وشافك وعرفني باقي حي قاليا عندي حل لهادشي نصيفطوليك يخدم عند واحد خونا فالمكسيك غدا معمرو يبقى يخرج من تما قلت ليه عرفتي شنو دير هادشي أصلا انا منقدرش ندير هادشي شدو ودارو فلمالة ومشى وبقيت فدار صافي كلشي سالا ؟ دبا نقدر نمشي نشوف قبر لواليدة دوشت وتنقيت مزياان وصليت وخرجت وصلت للمقبرة لي حدانا وهو يباليا لواليد بارك حدا قبرها ...(يتبع)