مهدي و شيماء الجزء 16

تيقوليا خوك وأنا عارف خويا مستحيل يعيطلي هكدا بعد هاد لوقت كامل وصوت مبدل بزااف.. قاليا سمع سمع قبل ميمشي بالك بعيد راه ممعيطش لك على ود لماضي حنا ولاد دبا وبغيت ندوي معاك وماشي على ود لفلوس درتي صرف العفريت تهلا ليا فلواليد ولواليدة وفراسك هادشي علاش معيطلك رد بالك راه كلشي ولا حاط عينيه علك أولهم واحد من صحاب ديك شركة ويمكن هو لمدير لي قاد معاك هاد لعقد سمعت بلي باغي يتهنا منك يمكن تنادم معاه لحال وجاتو ديك 35% تقيلة.. وضفاك كيفاش عرفتي هادشي كامل فين نتا واش مزال مناويش ترجع لدار ونديرو حل لهادشي.. منقدرش نقولك فين أنا وكيفاش عرفت هادشي لمهم رد بالك متنقولش ليك هكذا حيت كتعني ليا شي حاجة ولا خايف عليك بالعكس غادي نفرح غير هو ديك ساعة والديا مغادي يبقا عندهم حتى واحد يقابلهم وأنا غادي مسافر ويمكن مغاديش نرجع لهنا عاود لمهم هادشي لي كنت باغي نقولك. وقطع عليا قبل مندوي ولا نسولو فين غادي يمشي هضرتو ولات كتخلع بحالا هربان من شي فيلم ديال لgangs/العصابات و واتق من راسو رجعت حدا لواليدة حاط راسي على رجلها وناعس هاد لبرهوش عندو لحق وخا معرفتش كيفاش عرف هادشي كامل ولكن هضرتو بصح خاصني نرد لبال لراسي شويا.. أول حاجة ضوبلنا لباب درنا واحد أخر ديال لحديد زعما لي غيحل ديال لخشب غادي يوحل مع دلحديد ولكن هكدا تتحس بالأمان شراجم كذالك طبعا لواليد حلف ميخلي شي واحد يقاد هادشي ركب لباب وكلشي بوحدو.. كنت باغي نتحولو ولكن لواليدة وديك لهضرة ديال خوك تيجي مغاديش يعرف طريق مفخبارهاش بلي لبرهوش عارفنا باش معشين ومعاش تندخلو لحمام وكلشي وأصلا قال ليا بلي غادي يسافر ومغاديش يرجع منقدرش نقول ليها هادشي ولا غنرجعو لنقطة البداية تاني قلب عليه فين مشا واش قلتي ليه شي حاجة... هاد ليوماين لي كنا تنقادو فيها دار مدويتش مع شي واحد ومخرجتش كتعيطلي مريم متنجاوبش مزال هضرة شيماء كتدور ليا فدماغي خاصني نعرف راسي فين غادي ولا نغيرها مجاتش تبقى لاعبة عليا لعشرة عيطتلها نتلاقاو أبنت ناس قالت ليا وخا ماشي دبا حتال ليل قلت ليها وخا فلمحل ديال كمال فين كنت خدام ديتك ليه شحال هادي قالت ليا وخا مع 20:00 تلقاني تما.. حتى أنا عصرت عليها حتال ونص عاد غادي عندها دخلت لقيتها كتشرب تاني ومن عند الله كنت باغي ختنى تشرب غير باش تطلق شي شويا فهضرتها ونقلقلها وقفت مع لكمال بوحدنا قلت ليه شوف جيب ليها Absenta ولا شي لعبة تدوخها توصلها ديال بصح قاليا أحياني علك العفرية طلعتي منهم كنت غالط فك, لا حول ولا قوة الا بالله راه بالك مشى بعيد بغيت غير نسولها شويا وصافي بلاما تكدب.. قاليا واخا سير برك حداها وضرب هادشي على حسابي.. بارك مع ختنى وكتشرب خيتي قالتلي بلي قطعات هادشي زعما واحد لحضة جا كمال قاليها مريم نجيبلك شي حاجة تاكليها؟ ختنى وهيا تبدا تضحك تضحك قاليا صافي ختنى هرب ليها لفريخ تألق عليها ومشى سولتها فكريني علاش تفارقتي نتي و ولد خالتك؟ وهيا تبقى تبدا تضحك كتقوليا إوا لله يرحمو ختنى مزال عاقلا على راسها كتر مني غير مطلعاها عليا بنت ناس متعودا حاطا تيليفون ديالها فوق طابلة بغيت ناخدو وهيا تجرو بنت ناس أنا تنجر وهيا كتجر حيدتو ليها غير بزز عرفتها مقوداها مقاداش توقف وعاقلا شنو كتقول وشنو كتدير حليتو مشيت نيشان لContacts تيليفون عامر نماري أنا لمهدي6 ومساجات تسمع غير شلونك حبيبي.. مسحت نمرتي كتبتلها فلmemo واحد زوج سطور نقد نختاصرهم فكلمة ليعنطبمك درتها فل alarm باش غدا تفيق على دوك زوج كلمات سديت تيليفون و درتو ليها فصاكها وصلتها لباب دارهم رب ديال رجولة أما كون تبعت واحد راص عندي كون راه لقات راسها فكاع لمواقع مع لpornstars رجعت لدارنا كدالك بلوكيتها ومسحت نمرتها وتصاورها كاع داك تخربيق ديالها.. ونعست مرتااح لغد ليه فايق فدارنا مع والديا شحال هادي ما بقيت معاهم تفيق تلقا لواليدة موجدالك لفطور ولواليد بارك تيخور فتلفازا لقديمة ضربات معانا كتر من 20 عام وكتخسر تيقولك سلعة ديال شينوا ولد ناس غير ديال تغتاصبو من ودنو ولكن وخا هكداك معلم تيفهم فكلشي لمهم باركين تنفطرو حتى تنسمعو دقان بغيت نحل قاليا لواليد ريح أنا غادي نشوف شكون خرج وهو يرجع قاليا تكلم تكلم لواحد لبنت وي قالها هكدا وتيطلع ويهبط فراسو وديك لإبتسامة ديال أنا فخور بك لواليدة سابقاني للباب جيت نشدها تتسمع لبيجامة دارت زييط ولدها عندو لي يتحرق ما يتم ومزال كتلبس ديك لبيجامة لي طاب ليها لواليد فاش مشا يخطبها وعزيزا عليها ديك لبيجامة شافتها تقطعات وهيا تحط ليا وااحد تصرفيقة تا مالك قطعتيها راه بغيت عير نجيب خبار دنيا دخلات تبدل غادي نشوف شكون هاد بنت ناس كتباليا شيماء بنت خالة مريم قلت ليها شيماء؟ مرحبا ختي دخلي لواليد سمع ديك ختي وهو يقول لواليدة غير بشويا عليك راه تيقوليها ختي هادشي قدام لبنت عائلة لقيطة دبصح لواليدة وهيا تحضر لعين لمكان دخلي أبنتي متبقايش واقفة عند لباب قلت ليها أه دخلي لقيتينا تنفطرو مقدراتش تقول لا دخلات باركين لواليدة كتقوليها تبارك الله بحالا غادي نعيدو بيها وأنا داك لسان عندي متيرتاحش قلت ليها مشفتي والو الواليدة راه غير عيانة دبا مع مات ليها خوها عرفتي كيف كانت.. ختنى ديك دغمة ديال لخبز وحلات ليها فحلقها بدات كتكحب لواليد وهو يضربها لضهرها صافي صحة وسلام لواليد طلع تيفهم حتى فبنادم.. باركين ومبغاتش تدوي قدام دار كملنا لفطور جمعت طابلة لأول مرة فحياتي زعما راني حادك لواليدة كتقرص فلواليد واش هدا مهدي لي ربيناه ولا شنو هدا.. بقات باركا معاهم حتى بدلت حوايجي وخرجنا بزوج 100% غادي تكون مصيفطاها مريم...

يتبع