غيثة : عقلتي فاش قلتي لي ماتقدرشي تمشي للحفلة ديال عيد ميلاد اللي فطنجة و كانت ماماك مريضة ومشيتي عندها ، انا ديك الساعة دابزت مع بابا كيما ديما ماخلاليشي يا القيحبة يا هادي وناضت ليه ماما وضربها حتى سخفات قدامي وضربني حتى يانا ومشا وانا شربت السم باش نتاحر وعتقوني حتى جبرت راسي فكلينيكة .......................................
غيثة بدات كتعاود كلشي بادق التفاصيل لحمزة بلا متنسى حتى حاجة وماخبات عليه تا حجة وعاودات ليه القصة بأكملها حتى وصلات لفين هيا دابا والجزيرة اللي جالسة فيها مع عهد
حمزة: اواااااااااه ناري هادشي كااامل داز عليك !!!!! واااااااع ودابا عندك بنيتة؟ بفففف وانا فالصراحة اغيثة كنت باغي نقول ليك هادشي شحال هادي ولاكن نتي كتبغي تشوفي الفوق وانا ماكانوش عندي امكانيات باش نغيشك كيما بغيتي، انا من ديما كنت كنبغيك وعارفك متبغيش تزوجي بيا خيت موضف عادي ولاكن انا دابا خرجت من الازمة اللي كنت فيها و حليت شركة فالمغرب ديالي ديال الفوسفاط وبعدت على داكشي دالبانكات وانا راه من نهار غبرتي مانسيتك وكنبغيك وماقدرتش نساك اغيثة ويلى بغيتي رجعي نتزوجو وبنتك نديرها بحال بنتي واها تزوجتي جوج مرات انا قابل عليك وعارفك ماعندك عقل غير كترgعي ومدرمة مي تران مي عادي نصبر ليك تا تكبري وتولي تفكري بعقلك هادي نرحبة وغدوز
عهد قرى المحادثة كاملة ودار كيشوف فغيثة بغضب وهي ناعسة على صدرو وناض لاح ليها تيلي حداها وخرج من الشومبر وخلاها
بعد سبعة ايام ...عهد من الليلة اللي خلاها فيها مابان وماعاوداتش شافتو بالمرة واخا طراى ليها العجب فيه وفالغبرة اللي غبر ولاكن عاجبها الحال حيت جالسة على خاطرها ومامسوقاش للعالم وكتكونيكطة مع حمزة كل ليلة عادي وكتنزل للبحر كتعوم ومستمتعة بالجو والطبيعة والخضورية وكتسارى كيبغات وتلبس كي بغات وحتى راجل مكيدور فديك المنطقة حيت عهد ديجا منع على الرجال يديورو فديك الجهة .
طلعات من البحر اللي الماء ديالو صااافي والحوت بالالوان كيبان والحجر تحت الماء كيشغل والرملة بيضاااء بحال الطحين ، لابسة مايو فالغوز ولوات عليها فوطة وتسرحات كتشمس وطبلة صغيرة حداها فيها كوكتيل ديال العصيير، دوزات الصباح كامل فالبحر كتلعب باصداف البحر والاحجار ديالو وكتجمع فيهم وترسم فالرملة وكتحاول تشد الحوت اللي فالماء تا سخفات ورجعات بحالها دخلات لاوية عليها فوطة ومشات للكوزينة فين كاينين الخدامات الفيليبينيات وجلسات غلى الطبلة كتفرج فيهم وهي ناشطة ورجعات طلعات لبيتها دوشات وبدلات ونزلات لقات الغداء محطوط حدا لابيسين تغدات وتشبحات مستمتعة بالجو وجبدات تيليفون دوزات النمرة ديال حمزة كتهضر.
حمزة: زعماا؟؟ ماعندكش نتي شي كونط نحط ليك فيه الفلوس؟
غيثة: اااااه عندي انا نسيفط ليك في مسج
حمزة: اوك واخا(قطع)
سيفطاتو ليه فمسج ورجعات تكات مرتااحة وكتهضر مع امها وتسول على بنتها والكعادة ديما كلشي مزيان ، غيثة غطير بالفرحة حيت قريب يتطلق سراحها وتهنى وتولي حرة ، بقات مشبحة تا دخل عهد جا عندها وابتسامة على وجهو وجلس حداها
عهد: ريتا... بنتي ليا ناشطة
غيثة: فين غبرتي؟
عهد: كنت فالمحمية فين كاينين الحيوانات ...تمشي؟
غيثة: اه ديني نشوف 😍
عهد: اوك طلعي لبسي حوايجك ولبسي شي حاجة سبور باش تحركي مزيان
غيثة: واخا
طلعات كتجري وبقا هوا متبع ليها العين وكيشوف فيها وناض موراها مشا دوش وخرج لبس سروال دجين فالخزي وكاط بيلار فالموطارد وتيشورط كحلة وكاسكيطة فالخزي ودار نضاضر على الشمس وبارفان ونزل طلع فالهامر وجلس كيفتخ جوان حتى لواه وشعلو حط يدو على الشرجم وتكى راسو اللور ساعي كيفكر وكيتكيف حتى طلعات حداه ماشافش فيها حتى الشوفة وقلع بسرعة والهمر كتهز فالسماء وغادي vvvvvvvvv فالطريق منين ما داز كيهربو الطيور وغيثة مكمشة مخلوعة
غيثة: بشوية غتقلبنا
عهد: لا رد
غيثة: وااااا بشوية الخراااااا تفو
شد الفران حد واح الجرف عاااااالي كيطل على البحر تا لسقات غيثة مع الزاج بالجهد الفران اللي قبط
غيثة: الهيييماجي الخراااااا حتى تهنيت منك ورجعتي عاود تفووو
دار عندها وحيد النضاضر وضربها بيهم للوجه تا جرحها فوجها ، شدات فحنكها وبقات مصمرة ما فهمات والو والدموع نازلين كيجريو و وجها كيسيل بالدم ، نزل من الطونوبيل بحال البركان وحل عليها الباب وجرها تا طاحت
طيحها فالارض و واقف كيشوف فيها عينيها خارجين كتبكي وناضت وقفات مغزفة كتغوت لابسة شورط قصير ابيض وبودي x اسود من الضهر وصدرها مهزوز وسبرديلة نيوبالونص جديدة كحلة وشعرها مطلوق كيتحرك معاها غيثة: الهيماااجي (كضربو) شنني باغي عندييي هاا؟؟ شنني بغيتي مني علااااش كدعملي هاااايدا اهىءاهىءاهىء 😭😭
عهد: (شدها من شعرها) سمعي ...تكرهيني اه نتقبلها ...ماتبغينيش من حقك ماضربتكش على يدك وماقلتش ليك بغيني بزز منك ...ولااااااكن تمرمدي كرامتي فالارض هااادي اللي منسمحش ليك ديييريها ...انا مهضرش عليك بالخايب بحال اللي درتي نتي يا الكلبة سمعتي ، كنسبك فوجهك ماشي مع شي وااحد اخر .
ضربها بتسرفيقة تا طاحت فالارض
غيثة: انا غنرجع ليك فلووووسك اهىءاهىءاهىء وبعد مني اهىءاهىءاهىء 😭😭😭
عهد: (هزها من شعرها) اللي قاليك نتزوج بيك كاتقولي ليه مرحبا هااااا؟ فيك الدوودة ، واااادابااا بغيني ولا كرهيييني غادي نوري قحبة موك عهد شكايسوا باش تكرهيني مزيياااااان
جرها للجرف من شعرها وهبط ليها راسها لتحت كيبان ليها البحر هاااايج والجرف عااااالي بزاااف والامواج قاصحين كيضربو فالجرف اللي طالع كامل حجرة وحدة بحال الحيط ، شافت هول المنضر والامواج والكشكوشة لتحت كتخلع و خرجو عينيها و وجها فيه الدم وعاود هز ليها راسها تا شافت فيه
هربات كتجري جوج خطوات وتبكي و وقفات سمعات صوت الهامر مزال خدام حيت عهد ماسكتهاش وهي ترجع كتجري تفكرات الحيوانات غاياكلوها وخافت تمشي ويخرج ليها شي سبع ورجعات ركبات فطوموبيل كتقفقفوسدات عليها كتحاول تشوف كيفاش كيخدم داكشيغيثة: اواااعدي قتلتو 😭😭😭 اواااعدي رجعت مجرمة اهىءاهىءاهىء 😭😭😭 لالا هوا اللي كان غيقتلني وثزول ليا بنتي هليني تهنيت منو اهنننهنهنهننننن علاااش قتلتو تفوووو كن مات بوااحدو دابا غيبقى يجي ليا فالاحلام بحال داك الفيلم المغريبي ديال فطومة اهىءاهىءاهىء 😭😭😭😭 عمري نتهنى منو تفووو (كتخربق فازرار الهامر) كيفاش كيتحرك هادشي تفووو كيفاش غنسوقو وانا عمري سقت شي طوموبير اهىءاهىءاهىء
كتحاول تجرب الازرار وكتشوف يمين يسار خايفة ينقز عليها شي سبع وبدات كتبرك برجليها كترجب كيفاش ترجع الطونوبيل اللور ، بركات كلى الكسيراتور بالجهد والطوموبيل عاطية وجهها للجرف وهي تنقز بيها الهامر من اعلى الجرف دازت فوق الراس ديال عهد حيت واخا دفعاتو شد التوازون ديالو وتعلق فالحجرة بيد وحدة ويالاه بغا يطلع وسمع صوت الطوموبيل مجهد وهي تنقز قدامو وسمع الغوتة دغيثة على احر جهدها ونقز فالبلاصة من الفووق ، الطوموبيل عابهبطة وهوا هابط موراها حتى غطسو فالماء ودخل الماء على غيثة وهيا حاللة عينيها وسادة فمها كتحاول تحل الباب باش تخرج و والو كلشي تكوانسا وكضرب فالزاج والطوموبيل هابطة كتقرب للحجر وهوا يبان ليها عهد شد فالباب كيضرب فيه بالجهد قبل ماتوصل الطونوبيل للحجر ، بقا كيضرب وغيثة مخلوعة البواقات كيخرجو من فمها ماقدراتش تنفس ، بدا كيضرب الزاج بالجهد بالكوع ديال يدو ومغزز سنانو تا فرع الزاج وبقا يضرب الجناب دالزاج باش يتحيد وجر غيثة من شعرها اللي كيدور قدامو فالماء وهي كتلسق فيه جرها خرجها من الطوموبيل عنقها وبدا كيضرب بيدو بالجهد وكيقول ماضربت وهي لاسقة فيه والهامر تقيلة وكبيرة نازلة حتى تضربات مع الحجر الشىء اللي اذا لانفجار تحت الماء ودفع جهد الانفجار الماء بالجهد حتى تهز عهد فوق سطح الماء وهز معاه غيثة
غيثة: هاااااااااااااه (تنفسات) قح قح قح
عهد الكوع ديال ديو باش ضرب الزاج كامل مجروح كيسيل بالدم وغيثة طلقات منو كتنفس بصعوبة وهوا كيشوف فيها بغضب هز يدو عطاها تسرفيقة تا ضربات الماء
عهد: (كيغوت) كيسحاااب للزامل بووك كتمثلي فيلم هندي يالقحبة (كينهج) هااااا؟(عطاها تسرفيقة خرى حتى تقلبات فالماء ) شفتي كنتي غتموتي يا البرهووووشااااا الكلبة اسوء موتة ...كن خليت ديلمك تمووووتي اش جااابني لييييك يالحماااارة الله ينعل عدو ربك (ضربها بالطرشة)
غيثة بدات كدوخ قدامو ومابقاوش يديها كيتحركو بالعصى اللي عطاها وسط الماء وجرها بالجهد عندو وكيسب وماكاينش منين يخرجو حيت غير الجرف عاالي ومكتبانش اليابسة والامواج كبار كيدفعو عهد مع الجرف وهوا شاد غيثة بيد وكيشوف فبقايا الطوموبيل طالعين كيفورو والدخان كيطلع منهم فوق الماء بجهد الانفجار
علو المنحدر العالي اللي طاحت منو سيارة هامر وثقل وزنها فاش ضربات فالماء بقات نازلة وعهد خرج غيثة قبل ماضرب السيارة مع الحجر حيت عرفها غتنفاجر لان الحجر مابعيدش على سطح الماء بزاف ولحضة اللي نفاجرات فيها كان عد بعد عليها والماء زاد عزو لفوق بجعد اللنفجار اللي دفعو غوق سطح الماء ، شد غيثة سخفانة واللامواج كضربو من كل جهة وكيدفعوه جيهت الجرف وهوا كيحاول يجدف بيد وحدة باش يبعد على البقاية ديال السيارة اللي كطلع من تحت والزيت و ليصانص اللي طلع فوق الماء وقبل للاشتعال واخا هوا فوق سطح الماء والعافية كتبقى شادة فالاصانص وعهد تقاص والعافية يلا شعلات تقدر تقيسو هوا وغيثة ، بقا كيضرب بيدو بالجهد وناعس على ضهرو وشاد غيثة باليد الاخرى حتى بان ليه الكابو ديال الطوموبيل غادي فوق الماء ومشا جيهتو جرو ولاح غيثة على كرشها عليه فوقو ، بقاو رجليها فالماء وكرشها و وجها على الكابو ويدها مدليين القدام وسخفانة وببقا عهد كيدفعها ويعوم بيها حتى بعد على بلاصت الانفجار باش ميشربش شي واحد منهم داك الماء اللي فيه الزيت، بقا غادي مع جناب الجرف دافع غيثة كيشوف واش تبان ليه شي طلعة صغيرة ولا شي دخلة ساعة والو حتى بان ليه القرش جاي جيهتو قاصدو نيشان حيت يدو كتنزف والقرش كيشم الراءحة على بعد امثاار عهد: لااااا...نوووو وااااي..ماشي وقتك الله يحرق الزااامل بوك اشنو اللي جابك دابا فااااااك...غيثاااااا
عهد: صااافي سدي فمك ولا نفرع الزمل بوك...بعدي جيهت البحر للوسط باش مايضربكش الماااا للجرف يدوخك وبقاي قريبة ليا وماتبقااايش دمعي ولا غنمشيو فيها
غيثة كضرب بديها والخلعة قتلاتها وكدير داكشي اللي قاليها وصوت البحر كيخلع والامواج فيهم الرغوة كيضربوها جيهت الجرف حتى لسقات معاه كتبكي وشدات فواحد الحجرة بقات معلقة فيها وعهد كيشوف فالقرش ويضور موراه كيشوف فغيثة وكيحرك راسو بالايجاب
عهد: بقاي لاسقة تما ماطلقيش
دار كييشوف فالقرش وكيجمع النفس وعاقد حجبانو والقرش كيقرب وعهد كيغمض عينيه كيزيير عليهم وكيرجع يشوف فالقرش وكارز على سنانو كيستاعد ليه وكيطلع النفس مزيااان وكيرجع يطلقها حتى قرب ليه الحوت وغطس تحت رجليه وحل فمو على قدو تحت رجلين عهد وعهد كيشوفيه حيت الماء صافي وكيبين كلشي كيشوف القرش حال فمو وخشا رجل عهد فيها ويالاه يغا يعض وبالخف عهد كان كيتسنى هاد الفورصة وشد الكابو اللي كان كيدفع بيه غيثة ...من الجنب ديالو ماضي فيه حديدة مسطحة وقفها وهبطها فالماء بكل ما كيملك من قوة قبل مايسد ليه القرش على رجلو بسرعة فاءقة غرسها ليه وسط فمو وهرب رجلو بسرعة البرق وزاد دفع الكابو وكيكرز على سنانو وكيدفع تا فتح ليه فمو وتوسخ الماء بالدم ولا كلشي حمر وبقا فم القرش محلول والكابو مغروس ليه وسط فمو تشركو ليه جناب الفم وعهد غطس بقا لاسق فالكابو كيغرس فيه برجلو وكيضرب بالجهد باش يزيد يغرسو كتر تا توقف الحوت على الحركة وهبط حال فمو فالماء والكابو مغروس فيه والدميات فالماء وغيثة مخبية عينيها مقدراتش تشوف الصراع ديال عهد مع القرش ومابقا كيبان والو فالماء تخروض ، طلع عهد فوق سطح الماء كيلهت ورجلو تجرحات فاش خطفها من فم القرش تقاس من ليمولي بنياب القرش حتا تقطع السروال ويدو تجرحات بالكابو اللي شدو بقوة باش يتحكم فيه وميفلتش ليه .
طلع فوق سطح الماء على ضهرو كيرتاح وكيتنفس من الصراع المميت ديال القرش ورجع دار عند غيثة وهي نكمشة على الحجرة كتبكي والماء كيضربها فالجهد كيزيد يلسقها مع الجرف ، مشا عندها كيرع بيدو وجرهاعهد: صافي مات ..(كيحيد تيشورط ) افففف تعلقي مور ضهري سربي غايشمو ريحت الدم الخرين ويجيو
لسقات فيه غيثة بالزربة عنقاتو مور ضهرو ومشا كيدرع بيده بسرعة وكينهج وكيضرب بالجهد فالماء وغيثة مخبية وجها فضهرو لاش مايعورهاش الماء حتى ضرب جبدة طويييلة وهوا كيدرع بيديه و مالقاش الخرجة اللي يهرجو منها ملشي عالي بحال الحيط غاطسين فالماء وماعندوش كي يدير يطلع لليابسة ، كلشي حجر طالع مستقيم بحال الجبال والماء مجهد كيديه ويجيبو وغيثة لاسقة فيه ، مشا جيهت الجرف بان ليه الماء كيدخل فالحجر من واحد النفق صغيير تحت الماء
ربط ليها يدها بالسطة مع واحد الحجرة لاسقة فالجرف كبيرة وخلاها كتبكي وغطس بزربة فالنفق الديق اللي كيدخل ليه الماء بحال شي قادوس ديال الارض وبقا غادي فالنفق كيخلع مضلم وعهد قاطع النفس وكيضرب بالجهد فالماء وكيدرع حتى بان ليه الضوء كيضرب فالنفق وتبع الضوء تا خرج فواحد المغارة وهز راسو كيتنفس حيت النفق طوييييل بزاااف والوقت كامل وهوا قاطع النفس ، شاف المغارة ورجع غطس بزربة رجع مع النفق كيزرب والنفق مسقف بالحجر وفيه الماء مكينش التنفس فيه ، خرج للبحر وهز راسو فوق الماء كيتنفس نيشان عند غيثة فكها وحيد ليها السمطة وشدها
عهد: غتغطسي معايا
غيثة: (مخلوعة) غااايين عنغطس اهىء 😭
عهد: بلا بكى غيمشي ليك السوفل ...سمعي (شدها من وجها) غنغطسو انا وياك سمعتي وغتشدي فيا فنجرك دغيا ، كاين واحد النفق لتحت بين الحجر غيبعدنا بعدا من هنا ومن بعد نشوفو شنو نديرو مهم مكيوصلش ليه الحوت الخايب حيت النفق ديق ...جمعي النفس مزياااااااان ويالاه
جمعو النفس بجوج وغطسو وهوا شاد ليهاا فيدها دخل للنفق كيخلع وصوت الماء فالنفق بحال شي وحش كيهضر ، غيثة تخلعات من النفق وصابرة شادة النفس وعهد كيجدف بزربة وغادي فالنفق اللي طويييل وصعيب الانسان يقطع النفس مدة طويلة ، غيثة بداو فقعات النفس كيخرجو من نيفها ماقدراتش تصبر وعهد شافها طلقات النفس وبغات تستنشق الماء وقلبها تحتو بزربة حيت النفق ديق صعيب يتحركو فيه ، قلبها وهوا فوقها والماء كيرجع للور جيهت البحر بعد ما وصل لنص الطريق ، كالا برجلو باش ميدفعوش الماء لور وشد لغيثة فمها باش ميدخلش ليها الماء حتى خرجو عينيها وحط فمو على يده للي حاطها على فم غيثة وكيحرك راسو يمين وشمال باش متشربش الماء وهي خرجات كاع النفس اللي كانت جامعة ، جر يدو بالخف حط فمو على فمها وزير عليها وسد ليها نيفها وطلق النفس اللي فيه من فمو لفمها وكارز بشفايفو على شفايفها باش تنفس وبقت كيطلق ليها النفس من صدرو لصرها بشوية وهي كترجها ليها كيتنفسو فبعضياتهم وعهد صدرو واسع جامع النفس بزاف ماساطش فيها النفس كاملة عطاها غير داكشي اللي يكفيها ورجع سد ليها فمها وحرك ليها راسو وجرها بعد ماغمر ليها الرية ديالعا بالنفس اللي جامع واحتافض هوا بالباقي فصدرو وكمل الطريق كيجدف والاكسيجين قليل اللي بقا ليه وبقا كيضرب بالجهد فالماء وشاف غيثة طلقات النفس عاوتاني وشدها دار ليها نفس العملية وحط فمو على فمها وسد ليها النيف وبقات كتنفس منو ختا رتاحت شوية وخلى ليها النفس اللي بقات ليه وجرها وزاد فالسرعة حيت مابقاش ليه النفس حتى هز راسو فوق سطح الماء وهزها معاه وسد المغارة وبدا كيلهت ويجمع النفس وغيثة كذلك
هزها بيد وحدة وهيا معنقاه برجليها من جنبو وكتلهت وراسها كيمشي ويجي وطلع بيها لليابسة وسط المغارة كلها كريسطال كيضوي المغارة ، حطها فوق الرملة حدو الماء وتلاح حداها على ضهرو كارز على سنانو من الارهاق والتعب الشديد والطاقة اللي مشات ليه فالانفجار وانواج البحر الكبيرة وغيثة فيدو هازها وسط غضب الامواج اللي كانو كيضربوه من وخدة لوحدة وهوا كيجدف بيد وحدة والقرش اللي خرج ليها وتقاتل معاه والنفق الخطير اللي اللي داز منو وجار غيثة والماء كيمشي ضدو وكيرجع للوراء وهوا كيضرب بالجهد باش يبزيد القدام وغيثة على ضهرو والنفس اللي عطاها وكمل بلا نفس حتى وصلها...تشبح على ضهرو كيجمع النفس ويطلقو ومغمض عينيه حتى رتاح وقلب وجهو كيحل عينيه بزز شاف غيثة مرمية حداه على جنبها ورجل فالشرق ورجل فالغرب ويديها مدليين وشعرها كيقطر وسادة عينيها ، خشا يدو تحت خسرها حين ناعسة على رملة رطبة وجرها عندو لاوية مكتحركش هي والرملة عنقها وبعد ليها الشعر غلى وجها ولقا يديها محكوكيكن فيهم الدم بقوة الماء اللي كان كيضربها مع الحجر وهي كتحاول تشد فالحجر ، تفلقات فجبهتها وكتافها تجرحو وركابيها ورجليها ويديها ، كلاتها مع الحجر ، بقا كيشوف ليها يديها ورجليها وهي كتهز الراس بزز وطلقو ماقدراش تحل عينيها ولا تحرك يديها ، عنقها بيدها بجوج وزير عليها وهي مخشية فيه بحال شي قطة سخفانة ، بقاو هاكاك تا غفاو وعهد معنقها ليديه مامخليش الريح منين يدوز ليها وخاشي وجهو فوجها ونعس .داز وقت طويل عليهم وهوا هاكاك ناعس تا بدات غيثة كتحل عينيها وتهز راسها لقاتو معنقها وشافت فيه ببراءة ورجعات خشات وجها فيه وعنقاتو وتكمشات كتشوف فجهة وحدة بعينيها وكتحرك راسها كتزيد تخشا فيه ورجليها مكمشين بحال شي بيبي صغيور خايف وكتسمع نقاطي ديال الماء كيقطرو من السقف فوسط البحيرة اللي طلعو منها ودوك النقاطي كيتسمعو فالمغارة بالجهد حيت كبيرة والصداء كيتعاود ديال القطرات، المكان مخيف وخها زوين ومضيء ولامع بالوان الكريسطال وفنفس الوقت فيه بيبان من الحجر كبار وغار حدا غار وبزاف ديال الطرقان ، غيثة وعهد نعسو كتر من 6 دالسوايع وماجابو للدنيا خبار حتى سمعات غيثة صوت قطة وتلفتات موراه وعهد ناعس معنقها بيدو ، شافت قطة ناصعة فالبياض ولون عينيها فاتح وفيها زغب كثيف وزويينة دايزة حداها وبعيدة ماكاتشوفش جيهتها وغادة هازة شوالها ، شافتها غيثة بقات معجبة فيها ودارت كتفيق عهد
غيثة: عهد...عهد ...نوووض شوف نتبعو هاد القطة راه عارفة الطريق يمكن
عهد هز راسو شاف ..لقا قطة جميلة كتمشي ودور تششوف فيهم وتمشي خطوة ودور تشوف
عهد: !!!!
عهد قلب وجهو للجهة الاخرى مابغاشش يشوف فالقطة وعنق غيثة وسد ليها فمها وقلب ليها وجها كيهضر فودنها بشوية عهد : شووووو متغوتيش ماتخافيش صافي تصرفي عادي ومتشوفيش فالقطة اوك...غتمشي بحالها وبلا متغوتي غيتسمع صوتك فالمغارة كاملة
غيثة: اااااعععممم ...اعععننن (شاد ليها فمها)
هز عينو شاف القطة غبرات عاد بدا كيحيد يدو بشوية على فم غيثة
عهد: شووو صافي بلا غوات ...غتفوتي نضربك ها ودني منك
غيثة: علاااش متبعناهاشي تورينا الطريق راه باينة كتعرف الطريق
عهد: اه باااينة كتعرف وعادي بلاصتها دابا صافي سدي هاد سوجي ونوضي نشوفو كيفاش نخرجو ومماتعاوديش تحبدي ليا هاد الهضرة وماتسولينيش حتى نخرجو من هنا وسولي كي بغيتي...حطي فراسك حنا فمغاااارة مغااااارة اغيثة يعني القطوط ماعندهم ما يديرو هنا وهاد الكرة الارضية ماعايش فيها غير بنادم والحيوان سمعتي ...كملي من راسك وسكتب شوفي قدامك ويلا بانت ليك شي حاجة ديري راسك ماشتيهاش
غيثة: ولاكن راه والله حتى قيطة!!
عهد: (عنقها وكيفكر كيفاش يهضر معاها) هانتي شوفي ، نتي عيااانة وماكاين لاقطة لا والو فهمتي...غير كيجيب ليك الله والعيا كيوريك شي حوايج فشكل راهم ماشي بصح ، دابا الى شفتي شي حاجة ميكي وتصرفي عادي ماتبعيهاش ...بليييز اريتا سمعي شكانقول ليك راه غتحمقيني بمسبتك غتوقع ليا شي حاجة وتبقاي هنا وماكابنش اللي يخرجك...هادشي مافيهش اللعب سمعي شكنقول ليك بليييز
غيثة: صافي واخا 😔
عهد: يالاه نوضي نبدلو لبلاصة ...غيكون طاح الضلام على برى وهاد المغارة مضوية ماغايبان لينا الليل من النهار
نوضها كيجر فيها وهي مضروبة فركابيها وهوا عريان لابس غير سروال والكاط و يديه مجروحين ، شد فيها وصابر للجرح القاصح اللي فرجلو وكيمشي كيعرج وراد البال لاي صوت واي حاجة سمعها ومركز مع كلشي وغادي عاقد حجبانو وعنق غيثة حط يدو على وجها لسقها مع صدرو تحت يدو و باش متشوف لا هاكا لا هاكا ، بقا غادي معنقها وهيا قارمة تحت يدو ومدورة يدها مور ضهرو خايفة ، غادين والماء كيقطر عليهم وغيثة كل شوية تزلق ويهزها حتى مل وهزها فمرة قدامو معنقاه برجليها وخاشية وجها فعنقو كترعد بالخوف وهوا هازها بيد ويد شادها بيها من راسها باش فين ما بغا يدخل كيتحنى ويهبط ليها راسها وصابر للضربة فرجلو تا بعدو بقاو غادي وفين ما بانو ليه البيبان بزاف كيهز حجرة ويلوحها فالغار قبل ميدخل ليه وكيشمع صوت الحجرة الى مادارتش الصداء مسموع لداخل كيعرف بللي ديك الطريق مكتخرجش و صوتها محدود ومسدود ، عكس الحجرة اللي كيلوح فغار اخر كيتسمع صوت الصداء كيتعاود ، كيعرف بلي الصوت ماعندوش حد والطريق محلولة وكيكمل فاتجاع الصداء القوي فكل محاولة ، بقا غادي وكيشوف هول واعالي المغارة وعجاءبها ومنضارها الخلابة و قطرات الماء المخيفة اللي فكل مرة كتقطر على راس غيثة كتقفز وكمش فيها مكتقدرش تهز راسها وهوا كيكيوز يدو فكل مرة على شعرها باش يهدنها حتى لقا راسو وسط غيمات جامدة من الكريسطال كيغطي ضوء ازرق من السقف والمكان مضوي اكثر وبراااق ولامع ، بقا واقف كيشوف حتى بانت ليه واحد الدخيشة مسطح فوقها سحابة جامدة من الكريسطال قريبة لراسو ودخل ليها وهبط راسو وحط غيثة وجلس حداها كيرتاح من الطريق اللي ضرب وسط المغارة كيقلب على الخرجة ، تكى غيثة على ضهرها كتلمس بيديها سقف الكريسطال الناعم ممصدقاش شنو كتشوف وعهد جالس حداها طوا السروال وحيد الكاط والتقاشر حطهو حداه وبدا كيتفحص الجرح اللي عندو فليمولي غارق ليه فاللحم والدم مابغاش يحبس ، ناض كيمشي على الحجر برجليه حفيتن ورجليه رطبين من لتحت صافيين ممولفش يزطم على شي حاجة قاصحة ، هز حجرة وبعد على غيثة وبدا كيضرب فالكريستال تا هرس واحد الطرف وهزو باارد حيت المغاربة باردة من لداخل والحجر اللي طالع بيها كيشد البرودة ، هزو وجلس حطو على الجرح باش البرودة تقطع الدم حيت دمو سخون وشحال وهوا كيمشي والدم كيجري فيه بكترت الحركة الشيء اللي ماخلاش الدم يتقطع و طرف الكريسطال البارد اللي حط على جرح خلاه ينقص النزيف حتى تقطع ، الوقت كامل وغيثة كتشوف فيه شنو كيدير وكتمشي وتجي فبلاصتها تا هز راسو فيها
عهد: فيك البولة؟
غيثة: (مترددة) أ..مم...
ناض شد ليها فيدها وبعدها شوية على البلاصة فين جالسين و وقف حفيان مكفض السروال على رجليه والسروال هابط شوية تحت كرشو و بوكسر كيبان ابيض
ماقدراتش تنوض وهزها لقاها جلسات على عقرب صفراء وقلبها بالخف بين يديه فالسماء على كرشها لقا العقرب عضها ف فخضها من اللور وهي كتبكي والشورط فازك ومشا كيطير دخلها فالركنة اللي كانو جالسين فيها وقلبها على كرشها
غيثة: ااااي طلق منييي اهىءاهىءاهىء 😭😭😭
عهد: سكتي عضك عقرب ...راه السم غيقتلك
نصل ليها الشورط بالخف وكيزرب عينيه كيشوف هنا وهنا بالخف حيد ليها البودي اللي لابسة خلاها بسوتيامات وشرك البودي ولواه ليها على رجلها وعقدو مزياان حدا العضة باش يقطع فيها الدم ، زيرو تا مبقاتش كتحس برجلها
عهد: (كيهضر بالزربة مخلوع) ريتا متحركيش متبكيش راه الثوتر كيزيد فانتشار السم بسرعة ، سكتي وبردي باش ميسخنش فيك الدم حتى السخونية كتهييج السم ، يالاه تكالماي غنخرجو هاد السم دابا وماتخلعيش
غيثة: عنمووووت اهىء اهىءاهىءاهىء 😭😭😭
عهد: (كيحل الساعة اللي فيدو بزربة) مغتم تيش واااسكتي وماتخافيش ماحدك خايفة كتسخني الدم والسم كيهيج مع سخونية ديال الدم والدم كيجري سخون كيجر معاه السم وكيتنتاشر بزربة، بردي ما تخليش الدم يسخن
سكتات غيثة وكتقطر بالعرق والدم تورم ليها ففخدها تحت الجلد وعهد شد البزين ديال الساعة فسخ ليه الحديدة بسنانو وكيزرب وحكو بزبة مع الحجر باش يسخن ويفتح اللحم دغيا ، سخنو مزيان وحطو بلاصت العضة وجر جرة وحدة تا تحل الللحم شوية وغيثة عاضة يديها كتبكي وتعصر وماحساتش بفتحة اللي فتح ليها فخضها حيت سخن الحديدة وزرب عليها وهبط فمو كيمص ويدفل بالجهو وبزربة ، بقا كيكرر العملية تا مص ليا الدم كامل اللي متورم وكيعصر ليها رجها بصبعانو وعينيه مركزين كيتحدا داك السم وكارز على سنانو وغيقة كتعصر ودموعها نازلين كيجريو وطرمتها عريانة حتى مص ليها كلشي وحد طرف الكريستال بارد على الجرح شوية حتى برد اللحم شوية و فتح العقدة اللي عقد ليها باش حبس الدم وعاود ربطاها فوق الجرح
عهد: ماتحربكش خليك هاكاك
غيثة: (كتعرق) لبس لي سروالي
عهد: فازك صبري متحركي
هز الشورط وخلاها ناعسة على كرشها فشلانة و جبهتها كتعرق ومشا حدا واحد ضاية صغيرة دايز منها الماء شلل فمو وغسل رجلو وغسل وتحنى على ركابيه ومتكي بيدو عليهم وشد السليب ديالها شللو فالماء وغسلو وعصرو وعاود هز الشورط شللو مزيان فالماء بااارد صافي تحتو حجيرات نقيين كيبريو، عصرهم مزياااان بيديه بحال الى عصراتهم الماكينة ونفضهوم ولاحم على الحجر ينشفو وجع عندها هزها فشلانة سخوونة وداها جيهت خرير الماء اللي دايز فيه الماء كيجري صاافي ونقي وتحنى على كابيه واقف على صبعان رجليه وفتح ليها رجليها على كرشو ودوز يدو تحت ضهرها وهبطها شوية بين رجليه حداها الماء وشعرها مدليه فوفطق الماء وبدا كيهز بيدو ويخوي ليها على راسها باش تهبط ليها السخانة وهي عينيها كيتلسقو بحال الى داخلاها الموت وفمها محلول مكتحركش وكتشوف فيه وتبتاسم والضبابة على عينيها وهوا كيشوف فيها منعسها على يدو بحال بيبي وكيفزك ليها جبهتا وهز ليها رسها شوية وبدا كيشرها من الماء اللي كيجري قدامو بحال عوينة وكيخوي ليها فمها وكيشوف فيها بحنين خايف يفقدها
أنا أحترق الجزء 24
محتوى القصة
التنقل بين الأجزاء