مشات غيثة تابعة المربية طلعات هيا وياها للبيت وقفات على غيثة مربعة يديها تا جمعات حوايجها وهزات صاكها ونزلات كتجر فيه ويزلق ليها وتعاود تهزو ويزلق بالتقل تا هبطو ، رجعاتو لبيتها اللي جالسة فيه مع البنات وحطاتو فوق السرير ديالها وخرجات مع الرءيسة للكوزينة
الرءيسة: يالاه بداي تغسلي داكشي هانا راجعة نشوف.
نزلات على دوك الماعن كتغسل بالقصة والغدايد وتشلل وتحط وكتبكي وتمسح نيفها ومغددة وكتنكر غير بوحدها والخدم كل شوية كيدورو يشوفو فيها معجبين منها
غيثة: الله ياخد فيكم الحق ...خاصكم غير السبة باش نغسل هاد الزمر يخخ...الماكينة كاينة وانا نغسل بيدي تفوو ..العقوبة ! واخا هانا كنغسل عاد الباكور عاوتاني جيبو شي عوقوبة اخرى ...الزمر هن 😬
سالات وبقات واقفة متكية على لافابو مربعة يديها وعاقدة غوباشتها كتشوف وكل مرة تزل ليها دمعة من عينها وتمسحها بعصبية ، جات عندها رءيسة الخدم كتعوج وضحك وشافت الماعن وقلباتهم وغيثة حاضياها بحال شي بنت صغيرة ماحاملاهاش ومهبطة راسها وهازة عينيها لفوق كتشوف فيها وتخزر
الخادمة: اويييلي هادي حاازقة ماعندها والو؟؟؟ وكانت زعما هي من اصحاب القصر وفاللخر ولان خدامة طززز ...تفوو ماعندها تا لعبة
سدات الصاك وخرجات رجعات لخدمتها ، الخدم كاملين كيعرفو غيثة وعارفين انها كانت من اهل القصر وكانت مريضة نفسيا وختى الرءيسة عارفاها وهادشي علاش كارهينها حيت كانو كيخدموها ودابا ولات وحدة منهم ومل واحد كيبغي يتعالى عليها قدر المستطاع و كيدلوها وكيرهوا .
رجعات الرءيسة عند غيثة لقاتها سالات الماعن كاملين وسولات عليها قوالو ليها راه داوها لطواليطات وتبعاتها لقاتها محنية دايرة الليكات وكتحك بالشيتة وساخطة على الوضعية واخا الطواليطات كبار ونقيين و موديرن ولاكن ماعطاوهاش لوازم النضافة الحديثة اللي كتسهل التنضيف: خلاوها كتفرك بالشيتة والبرودويات ومقوسة كتفرك وكتنهج وكيوريوها البلايص اللي تحك
الرءيس: يالاه كل واحد يرجع لخدمتو و نتي ماتخرجيش من لاكويزين عندك عقوبة على الصدع اللي درتي (شاف فالرءيسة) نتي اخر مرة تجرئي تمدي يدك على شي واحد ، هادو كيتسماو موضفين القصر ماشي عبيد الاللة سمعتي ، هادشي اللي درتي ماكيديروهش الناس الواعيين ويلى تكرر غنشوف شغلي معاك
الرءيسة: مامنحقش دخل فيهم وانا اللي مكلفة بيهم
الرءيس: وانا مكلف بيك وبيهم وبكلشي وبلا مانحلو مكتب الشكايات عاوتاتي ولا غادي نحلو نيت حيت هادشي ماخصوش يتكرر ...سمعوني كاملين...مكتب الشكايات غيتحل كيما كنا سدسناع سابقا بعدما مشاو اصحاب القصر ودابا رجعو وغيتفتح واللي عنو شي مشكل او كيعاني من شي حاجة يقدم شكاية فمكتب الشكايات باش نشوفو مصدر الخلافات منين جاي ، ماشي كل واحد يدسر شرع يدو ، هادا قصر ماشي غابة ...واش مفهووووم
غيثة كتغوت تمشي من وحدة لوحدة كتجبد فيهم وتجر وتغوت وكتبكي وتسكت وتالفة غير بوحدها ورجعات نقزات فوق البياص على ركابيها هزات الصك وخواتو وخشات راسها فيه كتقلب لا يكون لاسق لداخل وناضت رجعات نزلات كتحيح وشعرها مطلوق بحال الحرير كيبري غادي جاي معاها تا تحل عليهم الباب ودخلات الرءيسة لابسة بيجامة ديال النعاس على شكل قميجة وسروالها فالابيض حريري
الرءيسة: مااالنا على هاد الصداااع؟؟؟
كلشي وقف وقفة مستقيمة وهبط الراس الا غيثة اللي بقات واقفة بحال الثور كتنفخ والسالف مغطيها من كتافها وضهرها ونازل تا لتحت والسروال ديال البيجامة نازل كيبين الشقة ديال طرمتها وكتزدم فيه باقدامها والتيشورط طالعة لفوق بكترت الحركة والتنقاو
غيثة: سرقو لي تيليفووني 😠 (كتشوف فيهم )
الرءيسة: نتي باينة فقتي من شي حلمة ونايضة مصدعانا ...(غوتات) يااالاه مل واحد لبلاصتو ولا نعطيكم عقوبة
غيثة: ولاااااااااه وما تعطيوني تيليفوني داااابا حتى ندير ليكم شي فضيحة
الرءيسة: سمعي ، غنعاودها لآخر مرة ، غتمشي تنعسي وتسكتي ولا غتمشي داابا لحبس انفرادي تباتي فيه منو للارض كتسمعي غيثة: وا عطيييوني بورطابلي ولا ندير صبعي فودني ولا نعيط والعااااااااااااااااااااااو (غوتات تا باون حلامقها كيفيبريو)
عيطات الرءيسة على واحد من ليكارد كورد دخل شدها
رءيسة: ديها لحبس انفرادي تبات فيه تا لصباح باش تربى
داها الكارد وهي كتغوت ولاكن البلاصة د الخدم بعيييدة وحتة واحد ما كيسمعها وهبطها لتحت الارض فالدروج لغرفة مضلمة ولاحها تما وشد عليها الباب دالحديد وخلاها كتبكي بوحدها ولاسقة حدا الحديد خايفة من الضلام والوحدة بحال الى لاحها فشي قبر ، الخيال ديال الحديد باين فالارض والغرفة عندها سرجم صغيور منو للسقف وكيطل على الارض اللي برى الجردة وكيبان من برى لاسق مع الارض حيت الغرفة جات بحال لاكاف تحت الارض ، تكمشات كتبكي وكتشوف فجنابها وكتسمع صوت البوم واصوات الاشجار والريح داخل من السرجم كتبدى ترعد وتقفق وتعصر غير بوحدها تا عيات وخشات وجها بين يديها كترجف
⏭
مروى: (كدهن يديها) نضال فكل مرة كنسولك على عهد كتهرب؟
نضال: عهد مامساليش (شاد بيسي)
مروى: و مامساليش حتى يسول فيا؟
نضال: عهد نهار سيفطي ذهب قالي عندو شي شغل مهم ومامساليش يهز حتى التيليفون فير تهناي
مروى: انا احساسي خالغني بغيت غير نسمع صوتو
نضال: دابا عطي الراحة راسك راه قاد براسو واش فتبقاي تابعاه حياتو كاملة؟ خليه يستاقل شوية راه مكيبغيش اللي يبقا يضغط عليه بزاف وحنا بقينا كنضغطو عليه تا ...
مروى: تا..اش؟؟ شنو اللي مخبي عليا ؟ وكيفاش سيفط ذهب غير هاكاك ...شنو واقع؟
نضال: راه كن كانت واقعةشي حاجة مغاتلقاينيش انا متكي هاكا ، غاتلقايني كنطير ونزل كي البرق
مروى: وعلاش سيفطها؟
نضال: راه قلت ليك عندو مايدار وبفمو قال ليا مشغول وسيفط ذهب لينا نقابلوها تا يسالي شغلو وماباغيش يهضر فالتيليفون ومامساليش اصلا للتيليفون
مروى: لنا عييت نعسط فنماري اللي عندو كاملين و عيطت حتى على محمد حتا هوا مكيشدش وعيطت على مو قالت ليا ماكاينش محمد مسافر هوا وعهد!! يعني ماكاينينش فقطر وقاطعين الاتصال بجوج
نضال: ونتي بقاي تابعاه كتسولي من موراه...راه بزاااف امروى هادشي بزااف على عاءلت محمد ماعيطوش ليك يسولوك على ولدهم ؟ غير نتي اللي خايفة عليه !!! وبهاد الخوف ديالك راك غتخسريه والى عرفك عيطتي لام محمد مغايعجبووش الحال وغيقلب وجهو عليك امروى مااالكي مكتفهميش
مروى: اففف هاطري مزيير عليا بزااف بغيت غير نسمع صوتو
نضال: علاش ماتمشيش تشوفي بنتك فلندن ودي معك ذهب ولا يالاه نمشي كاملين ماحد وعد مازالة تما معاهم
مروى: وراجلها؟
نضال: راجلها رجع عندو خدمة وخلاها على خاطرها تا يشد البيبي راسو شوية وترجع عندو
مروى: لالا غير خليني هنا حتى نسمع صوت عهد علد نرتاح
نضال: ايوا تصبحي على خير ، جلسي تسناي صوت عهد ينزل عليك من السما الراجل لحيتو كتر من لحيتي ومزالة كتخاف عليه مو هادا هوا المرض
نضال: بكترت ما كتتكري بزاف نور هرب وماكيبغيش يجاوب فالتيلي و وعد كذلك خيت غير غيسمعو صوتك غتبداي فالنكير ، بقا عهد الوحيد اللي كان كيجاوب هاهوا دابا تقطع الخط بينا وبينو وبين خوتو فمرة وحتى الصونيت مكيصونيش ليه ، رخفي شوية وخليهم يسيرو حياتهم راه كيصبرو ليك بزااااف ...نتي معار كامل ونتي شادة تيليفون من نور لوعد ومن وعد لعهد تا ولاو كيتهربو
مروى: راه ولادي ماعندي ماندير
نضال: ديري صناطات فودنيك وتصنطي لعضامك ...يالاه نعسي احبيبة و خوي راسك راه كل واحد قاد بشغالو
غيثة: واللهيلا كنت عايشة فالبيت اللي لفوق وعهد عطاني تيليفون وهما داو ليا 😢
...: ههه لا زوينة هادي ...نتي سا اما حمقة يا اما باغا تحمقيني؟ شنو نكتب ليك انا دابا فهاد الشكاية؟؟ امم؟ نكتب ليك منتي لغوق ونزلتي لتحت ...وشكون اللي عطاك تيليفون!!! عهه واش عارفة راسك علامن كتهضري ؟ وكطنطقي بسميتو هاكاك بلا رسميات بلا والو ؟ راه غتعاقبي على هادشي واش كتفهمي
غيثة: والله مانكدب هانتا فاش يجي نسولوه راه هوا اللي عطاه ليا وديال الالماس غير صبر دابا يجي وتشوف ولا عيط ليه سولو هوا يقوليك شنو كاين
...: (كيشوف فيها مستغرب) نتي باينة نعستي ليلة فالحبس انفرادي وطار ليك الفرخ وجايا طيريه ليا تا انا...ماعندي ماتكتب ليك شوفي شي حل اخر هادشي اللي كتقولي راه مستحيل
غيثة: وا عيط لعهد سولو وغاتشوف
...: ابنتي هادشي مايمكنش واش انا شحال وانا هنا عمرني حتى ماشفتو فاص افاص بقا غير نعيط ليه ؟؟ واش عارفة علامن كتهضري ولا لا؟؟ راه الكينغ يعني ملك ماشي اجي وهضر معاه راه الى سمعونا كنهضرو انا وياك عليه غيصفيوها لينا ...نوضي ابنتي شربي شي كينة دراس وسيري ترتاحي
غيثة: وتيليفوني ؟ وهاديك بنت الحرام اللي دخلاتني للحبس؟
خرج الشخص وسد الباب وبقات غيثة مهبطة راسها و وجها اصفر باينة فيها مريضة وجالسة بزز وكتشوف غير من لتحت وخايفة من الرءيس والرءيس جلس كيشوووف فيها وفحالتها
الرءيس : عاودي ليا مالكي ؟ باغي نشمع قصتك من اللول حتى اللخر وعلاش هبطتي تخدمي مع الخداماتغيثة: انا....🔙
الرءيس: اممممم (كيحرك راسو) فهمت دابا ... (شاف فالساعة) هادي الستة ديال العشية من 9 ديال الصباح وانا كنسمع للقصة ديالك بلا مانشعر تا مشا الوقت...واش عارفة راسك معامن طحتي ولا لا
غيثة: انا بغيت غير بنتي صافي
الرءيس: ابنتي راه مستحيل تاخديها ..شتي واخا وتقراي وتخدمي وتولي لاباس عليك راه مستحيل تا خديها حيت الخصم ديالك كبير بزاف ...حنا كنهضرو على عاءلة ملكية ماشي على شي رجل اعمال عادي فهمتيني يعني هادو واخا مكيحكمو تا دولة راه ملوك وعندهم السلطة فالعالم كامل حتى قانون مكيوقف ضددهم واخا تمشي لمريكان وبالاخص ولهم الكينغ اللي عندك معاه بنت، راه كينغ عندو نص فكولومبيا وكل بلاد عندو فيها جزء وكلشي داير ليه اعتبار حيت غني بزاف وعلا مابان ليا ومن خلال هادشي اللي كتعاودي راه كان كيتعامل معاك مزيان حيت هاد النوع بكرت ماعندو القة فنفسو مكيحتاجش تقييم من شي واحد حيت عارف راسو شكون هوا وماشي اي حاجة دازت قدامو كيلتفت ليها ...لا راه الى تعامل معاك غير قد هاكا (وراها صبعو) راه معجزة حيت التفكير ديالو ماشي بحال ديالي واش الملك بحال اي واحد؟؟؟ الا ...راه هوا هاكاك وهاكاك تربى وانا كنت كنشوفو فاش كان صغير حيت عمري كامل وانا خدام هنا تا شرفت ، واش اللي كابر فقصر واليديه اغنياء فوق مكتصوري و وكيمشي ويجي بالحراس وحتى الدرجة ماعندو ومكينخارطش مع الناس وحياتو دوزها فالخارج بين القصور والرفاهية و كلشي داير ليه اعتبار وماكاينش للي يهز الراس عليه وكبر فهاد الوسط وتكونات عندو شخصة من خلال الوسط اللي عاش فيه ومن صغرو وهوا ملك كي بغيتي تكون عندو عاد الشخصية ؟ بطبيعت الحال راه شخيصتو فشكل وطريقة التفكير ديالو مختالفة وكيقراها فشكل وكيشوف من زاوية وحدة اخرى عكسي انا وعكس الباقي وفالاخير تعامل معاك مزيان راه غلى هاد الحساب كيبغيك ، اما كن ماكانش كيبغيك كان غادي يتصرف معاك تصرف اخر وهاد النوع ديال الناس واخا تقولي ليه اللي قلتي مغتأثريش فيه حيت المفهوم ديالو مختالف وحتى داكشي اللي حنا منتفرجو فيه وكيضحكنا يقدر هوا ميضحكوش ويجيه بايخ وباسل لانه ملك فهمتي ، ويلى غتاصبك ملك راه ماشي بحال الى غتاصبك شمكار ، ملك راه فشكل حتى الاغتصاب داز فوق ناموسية وسرير ملكي وراءحة ملكية ، هادا راه ماشي اغتصاب هادا راه النعيم...كن تكرفس عليك شي واحد فوق الارض عاد غتشوفي الاغتصاب
غيثة: 😔
غيثة: انا ماعندي مانعمل بيه ومايغتاصبنيشي لافوق الناموسية ولا فوق الحصيرة كن كان ملك مايغتاصبنيشي اصلا..واش الملك كيغتاصب؟الرءيس: شوف هوا شنو عندو فراسو ، يمكن ماشي غتاصبك حيت باغي يغتاصبك يقدر كانت نيتو شي حاجة اخرى ، ونتي فلتي عمرك هضرتي نتي وياه ولا تناقشتي نتي وياه وماعارفة عليه والو ودوزتي معاه هاد المدة كاملة وشراك كعاهرة، يقدر مان عارفك ماتبغيش تجلسي معاه وشراك كعاهرة باش تجلسي معاه اما كن بغا ياخدك من تما بلا ميعطي تا سنتيم راه يهزك من تما بسهولة ويجيبك عندو سقدر بلعاني خلاك تشوفي راسك كتشراي
الرءيس: وفالاخير قالك انا مكنعسش مع العاهرات باش يربيك على التختيار ديالك لديك الطريق ويوريك العهر كي داير وكن مطحتيش معه وطحتي مع شي واحد اقل منو وماعندو جهد باش يفكك من تما وشراك واحد اخر راه كان يدوز عليك ما اكثر من داكشي اللي داز ولاكن راه هوا ما كيشريش العاهرات ماحسبكش اصلا عاهرة ، خلاك على راحتك وتعامل معاك مزيان ودافع عليك قدام القرش ، كن شس واحد اخر كن لاحك للقرش ياكلك ويهرب هوا اتا براسي نشوف راسي قدام القرش نهرب بلا منشعر ونخلي اللي معايا ، طحتي معاه محارب صحيح وخرجك منها وباقا حية لدابا ، واخا كيمشي وليكارد كورد موراه وكتشوفيه مكيوسخش يديه حيت هوا عكس باه تماما، باه كان كان كيقتل بيديه اما ولدو مكيحضرش نهاءيا باش يقتل او يدابز مع شي واحد ، ولاكن واخا هاكاك راه بلا ليكارد كورد قاد بشغلو فهمتي ومامساليش باش يبقى يدخل فنقاشات فاضية ، وهادشي كينطابق عليك حتى نتي حيت مهضؤش معاك ومجبدش ليك الهضرة على داكشي اللي وقع ومغيشرحش ليك سواء كنتي صغيرة ولا كبيرة حيت كيمشي على داك المعنى اللي كيقول خير الكلام ماقل ودل ، وماتسنايش شي نهار يشرح ليك واصلا دابا ملي قتلتي ليه ولادو عمرو يشوف جيهتك غير تهناي وحيت كيبغيك مابغاش يعاقب على داكشي اللي درتي واخا تكوني غلطتي راه الغلط شي بعد المرات مكيتغفرش ، بحال هادشي اللي درتي راه غيبقى مرسخ ليه فعقلو وداكشي اللي شاف فين ما يبغي يهضر معاك غيتفكرو
غيثة: انا ماقصدشي نقتلهم وندمت 😔
الرءيس: مهم تيليفون ديالك غادي نرجعوه ليك انا بالنسبة لهادشي اللي عاودتي ليا وعلى حساب ما فهمت ، ماعمرو يعاود يضايقك حيت اصلا مكتبغيهش وتنازل بزاااف باش يرضيك ونتي اللي متجاوبتيش معاه واخا غير شوية باش تصلح الامور وماغيشدكش بزز منك ونتي دابا حرة ديري اللي بغيتي
غيثة: بغيت نبقا خدامة هنا باش نبقى قريبة من بنتي
الرءيس: حتى واحد مايجري عليك وكن فكرتي مزيان كن راجعتي نفسك شوية وتسامحتي معاه مان يكون حسن...انا غنشوف الكامرات كاملين ونشوف شكون خدا ليك تيليفونك وغانعاقبو على هادشي اللي وقع ليك كوني هانية ، انا عطيتك ليوم راحة سيري رتاحي وغنسيفط ليك الدواء ديال الراس وفيتامينات وسيري راجعي هادشي من اللول وفكري مزيان فشنو قلت ليك
غيثة : انا بغيت غير بنتي
الرءيس: هاد الجملة شخال ونتي كتعاودي فيها؟؟ هااا؟ يمكن من نهار ولدتيها وتتي متعاوديها على والو، بنتك نتيي وبنت الكينغ وراه ماغاتاخديهاش حيت ماكاينش الل يعطيها ليك من غير الارادة ديال باها وهادشي دخليه لراسك وخدمي عقلك راه تا واحد مغينفعك لا قانون ولا فلوس ولا دموع ، عقلك اللي غينفعك الى سمعتي ليا شنو كانقول ...توشي دابا سيري من بعد ونهضرو، انا غنشوف شكون هز ليك التيليفون
مشات غيثة رجعات لشومبر اللي مع البنات وحيدات اللبسة ولبسات بيجامة وتكات حازمة راسها تا نعسات ، الرءيس ناض مشا لغرفة المراقبة اللي فيها الكامرات ودفتر فيديه قسد فيه داكشي اللي عاودات ليه غيثة وكاع تلمزيودة اللي خوات عليه دونها عندو ، دخل لغرفة النراقبة لقى رجال مراقبين الكامرات الرءيس: سلام ...رجع ليا الفيديو اللور قبل 48 ساعة نشوف شنو وقع فيه
الرءيسة: هاد الشيء عادي ...انا ماشي اول مرة ندخل لتما ومولفا كندخل ونخرج راك يالاه بديتي الخدمة معانا وماعارفش علاقتي مع الموضفين...انا مراقبة كلشي ويلا دخلت راه دخلت باش نشوف ياكما هاربة شي وحدة من الموضفين من الخدمة ومخبيا فالبيت هادشي علاش دخلت ، هادا ماشي من حقك نتا تبخبت فيا، يالاه جيتي جديدس اما انا 17 سنة وانا خدامة هنا و حافضة الموضفين وعارفاهم وديما مراقباهم
هز التيليفون عيط للبيرو ديال الامن فالقصر نيت حيت القصر فيه بحال شكل ادارة لتحت متوفر على كلشي و مراقب وكيحلل ويفكو المشاكل بلا مايدخلو اصحاب القصر فأمور الموضفين وبعاد بعيد البعد على هاد النوع ديال المشاكل
مشاو جوج من رجال الامن لمكتب الشكايات بقاو كيحققو مع البنت ومع الرءيسة تا سالاو
الرءيسة: حنا مكنخرجو من القصر حتى كنتفلبو مزيان فالدخلة وفالخرجة يعني كن كنت هازة شي حاجة غادي تحصل عندي فالخرجة (قاطعها الرءيس)
الرءيس: ولاكن لحد الان مزال ماخرج تا واحد من القصر وكل اسبوع كتاخدو فيه السبت والاحد عطلة وكتناوبو شي كيخدم شي كيخرج عطلة فنهاية الاسبوع والبنت ليوم دخلات من العطلة يعني ماخرجات معاها تا حاجة وكن هزات شي حاجة غتوقف طبعا كيما قلتي وهادا كيعني انها ماشي هي اللي سؤقات ونتي اللي باقا هنا ونتي اللي عندك التيليفون
الرءيسة: مانسمحش ليك تتاهمني ويالى بغيتو قلبو حوايجي قلبوهم اصلا حتى حاجة ماكتخبى والقصر فيه جميع وساءل التكنولوجيا اللي كتكشف كلشي
الرءيسة بدات كتنهج بالخلعة والخادمة كترعد بغات تبول فحوايجا والرءيس خرج مع واحد من رجال الامن مشاو لغرفة دالرءيسة قلبوها سفاها على علاها مالقاو فيها والو ومشات لغرفة البنات لقاو غيثة نااعسة حازمة راسها فوق السرير ومشاو لسرير الخادمة حيت مكتوب فيه السمية وكل شرير مكتوب فيه اسم صاحبو ، قلبوه وهزوه وحطوه تا فلاوه وهما يجبدو التيليفون من وسط المخدة اللي كتنعس عليها الخادمة وخرجو وغيثة ماجايبة للدنيا خبار ناعسة فسابع نومة
مشاو نيشان لمكتب الشكايات كان واحد من رجال الامن جالس مع الرءيسة والخادمة ودخلو عليهم الرءيس: (هاز تيليفون) هادااااا شناهواااا؟ هااااا (كيغوت)
الخادمة:😱 اويلي ماشي ديالي انا عمرني شفتو
الرءيسة: واقيلا ماشي انا اللي خصني نتعاقب وانما نتا سيدي الرءيس اللي خصك تعلم وتقرى اصول الاحترام
خرجات كتفرنس وخلاتهم ، الامن بلا مايزيد الهضرة خرجو الخادمة داوها وخرج الرءيس شاد تيليفون فيديو وداز على فرمسيان فالقصر كاياخدو من الدواء فابور للامراض اللي كتجي على غفلة وخدا ليها دواء ديال الراس وشي مقويات ومشا عندها ، الرءيس كبير فالسن وانيق وشعرو بيض كيمشطو جنب بحال عبد الحليم حافض وفغالب الاحيان كيتشنتف ليه فاش كيخرج برى وكيضربيو البرد كيطلع ليه الشعر فالسما وكيتعصب معاه وكيرجع ينعسو بيدو فالجنب و فصالتو رقيقة ولابس كوستيم ايفازي وخفيف فالمشية ، دخل عندها لقاها ناعسة وفيقها ، حلات عين وخلات عين وشادة فراصها
الرءيس: ها الدواء ديالك شربي هاد الكينة غيدوز عليك الراس، وها تيليفونك والشارجور حتى نضبر ليك فيه ، راه طافي دابا خصو يتشارجا
شدات غيث التيليفون فرحانة كتشوف فيه بغات طير بالفرحة
الرءيس: مهم انا غادي نرجع عندي مايدار ونتي رتاحي هاد النهار من بعد ونعودو نشوفو قضيتك ونحاولو نخلو العقد عقدة بعقدة ، انا سميتي كرم و غاش تحتاجي شي حاجة اجي عندي
مروى: نتا انا شكيت فيك ماتعالجتيش غير شرفتي وهترتي وجاك الزهيمر ونسيتي راسك كي كنتيكرم: لااالا !! شحاال وانا وسط اطباء نفسانيين وشحال ديال التجارب دزو عليا حتى كرهوني فداكشي اللي كنت فيه يخ وحتى الصلاة وليت كنصلي وهيا اللي عاوناتني بزاف حتى تفورماطيت
مروى: ايوا على سلامتك هاهوا كنتي كتشكى منو وكرهتيه كاع وكن ماهوا ماتوليش طبيعي بحالك بحال الناس
مروى: بلعاني دار ليك هاكاك هوا هاكاك طبعو ماشي كرهك ولاكن هاداك الطبع ديالو واخا كتقول راه سمح فيا وقصح معايا ولاكن راه لمصلاحتك
كرم: هوا كان كيكره يشوفني مزوق وكان كيعيف وقالها ليا فوجهي ماحشمش مني
مروى: وا ماحشم مني حتى انا للي مو ..راه كاملين كيضربها لينا فالوجه نيشاان ماشي كيهضر مور ضهرنا ، قاصح حسن من كداب ، وهانتا دابا تهنيتي منو راه غييغبر شحااال عاد غيجي ...نضال غيمشي لروسيا وانا كنضن غانمشي لندن عند ولادي ماعندي ماندير هنا بوحدي ، ويالاه تمشي معايا حتا نتا
كرم: (هز المذكرة) بلاتي نشوف (كيقرى) لالااا مانقدرش غير سيري
مروى: وعلاااش
كرم: نسيت ههه
مروى: ارى نشوف شنو كاتب تما
كرم: هادشي اسراري ماعندك ماتقراي ماتبقايش تعامليني بحال الى باقي كراميل القديم، انا نايض نشوف شنو واقع لتحت
مروى: اش داك لتما مالك خاشي راسك بين الخدم من نهار جيتي ونتا تما ؟؟ نهار عهد سيفط ذهب فالصباح جيتي نتا فالعشية بلا ماتعلم حتى دخلتي لقيناك مخشي وسط الخدم
كرم: خليني نتحرك حسن مانبقى جالس ماعندي مايدار ...نوضي جمعي حوايجك الى غتمشي لندن باش غدا يديك يحطك تما ويمشي هوا ماشي حتا لغدا وتبداي تشكي عليه
مروى: داكشي اللي غاندير
كرم هبط يكمل شغلو ومشات مروى جمعات حوايجها ودازت لشومبر ديال مروى طلبات من الخدامات يجمعو ليها حوايجها ، طاح الليل وغيثة مافاقتش ومخرجاتش من بيتها شادة راسها وناعسة كتسنط لعضامها وكل واحد مشا لبيتو ينعس.
مروى: نضال غدا غنمشي لندن انا وذهب غتوصلنا وتمشي نتا ، السيمانة جايا رمضان ونيت غندوزوه تما بلا ماتجي تا لهنا وعادنمشيو عاوتاني
نضال: مزيان(كيبدل حوايجو) ولاكن غتمشي بوحدك بلا ماتمشي ذهب
مروى: !! شنو ؟؟ مككيفاش؟
نضال: ذهب غتبقى هنا مع مها وحنا غنمشيو ندوزو رمضان فلندن و وعد غترجع عند راجها باش نبقاو مزيانين بلا صدع بلا مشاكيل
مروى: (ناضت كتغوت) لاااا ذهب غتمشي معاااايا و مغتبقاااش هنااا
تقلب نضال كيشوف فيها بغضب ماعجباتوش ردة فعلها والنفاخة ديالها وبقا كيخزر فيها
نضال: (بغضب) كيبان ليا غادي نعاود ليك الترابي من اللول حيت طلقت ليك بزاااف وطلعتي للسما...كنحتارم ولادك اللي بشلاغمهم وكنقول حشومة نضرب مهم وهما فاتوني فالطول ولاكن ماباغاش تحشمي، غدا غتمشي وخنافرك فالارض وتزيدي كلمة غنوليو دراري ، خلي العلاقة ديالي مزيانة مع ولادي وماباغيش نمد عليك يدي ونخسر مع عهد ونور حيت ماغايبغيوش ونتي عارفة هادشي ، ايلا بديتي تماداي غنتبرهشو كاملين وغنشتتو هاد العاءلة بسبابك وحتا واحد مايبقا يحتارم الطرف الاخر ، راه كبرنا مابقا عندنا خاطر لتخربيق والضرب والهضرة المعاودة (كيخزر فيها)
لاح التيشورط على وجها ومشا نعس عطاها بالضهر وطفا الضوء اللي جيهتو وخلاها واقفة مصدومة شادة التيشورط حيت مولفين كيهضرو بشوية بالوعي و التفاهم وبلباقة وبروطوكول واحترام بناتهم كاملين بعد ما كبرو ولادهم.
أنا أحترق الجزء 29
محتوى القصة
التنقل بين الأجزاء