ناضت غيثة للكوزينة توجد العشا و وعد جلسات مقابلة ولدها وبنت غيثة وكتفرج فالتلفازة تا رجع انيس لقا وعد جالسة شادة البراهش وتحنى عندها كيفرنس ، شاف يمين يسار بانت ليه غيثة عاطاه بالضهر كتقع بطاطة وهوا ينزل على وعد ببوسة فمها تا قجها وجلس هز ولدو وهز ذهب كيلعب معاهم وقلب التلفازة للاخبار وتكى شاد البعالك واحد من هنا واحد منها و وعد ناضت للكوزينة كتعاون غيثة فالعشاء وكيتجمعو ويضحكو
غيثة: اول عيد ليك غدوزيه معانا ههه
وعد: اه ههه العيد اللي فات دوزتو مريييضة مع عاءلتي
غيثة: انا دوزتو فالزنقة
وعد: العيد داز علينا كحل ...عهد ماجاش كاع وانا مريضة ونور تاهوا ماجاش وكل واحد فين شدها
غيثة: اصعب حاجة خوا تكون بعيد على واليديك ، نتينا بعدا راك مجوجة بدارك ماشي بحالي وكتبغي راجلك وكيبغيك سعداتك
وعد: وا حتا نتي عندك بنت من خويا واخا كدبتي علينا قلتي لينا بنت راجلك لاخر
غيثة: وراه كانت عندي ضرووف و متزوجتشي بيه بصح راه غير فالاوراق وصفي ماشي زواج ديال بصح وخاك بدااال لبنتي لكنية ورجعها على سميتو
وعد: هوا فشكل ولاكن ضريف غير نتي متفاهمتيش نتي وياه...راه هوا طبعو فشكل خاصك تفهميه وغتعرفي عهد كي داير
غيثة: الصمت
وعد: عهد راه انا وياه توام واش عارفة هادي ولا لا؟
غيثة: لا..كان يحسابلي خوت وهوا الكبير وصافي
وعد: ههه وراه غير من السميات تعرفينا توام انا وعد وهوا عهد ...توام حقيقيين وهوا خرج قبل مني زربان هههه
غيثة: ههه
وعد: من الصغر وهوا الكاركتير عندو صعيب ولاكن حنين واخا مكيبينش مي وقت الشدة كيبيين الحنان ديالو بالفعل ماشي بالهضرة اما الهضرة الزوينة عمرنا سمعناها من فمو ديما خاسر وداك الصوت فاش كيبدا يهضر كيخلع دعدع ليه
غيثة: لا بلعكس مابقاشي مدعدع يمكن غير كان مجروح وصافي
وعد: يمكن (كتنقي بطاطة) فاللخر دعدع ليه الصوت بحال الى تبحبح كيخلعني
غيثة: مابقاااشي هايداك تقاد ولا عادي
وعد: اودي خليني ماتفكرنيش فيه
غيثة: ههه علاش؟ عاودلي علاش؟
وعد: اش غنعاود ليك راه اسطورة خصو كتاب داك السيد
غيثة: هههه
وعد: فاش كان صغير كان باسل كيطير مكيتشدش وديما رادين معاه البال وديما كيدابز وديما مضارب ...كنا كنقراو فاللول فالمغرب فليكول ديال ماما وكانت ديما مراقباه وكيقرى معايا فنفس القسم ومكيرصاش
غيثة: واش قريتو هنا؟ بلحق مكانشي كيفهم الدارجة
وعد: واحيت ماشي مدراسة عادية ...مدرسة فيها اساتذة ميريكانيين كانو كيقراو فيها ولاد الووزارء و الديبلوماسيين و السفراء ورجال الاعمال وغيييير شكون وشكون وماكانش شي مغريبي كيدور فيها حتا العساس ديال الباب من افريقيا والدرجة مكتسمعش فالمدرسة نهاءيا وحنا ماكناش كنخرجو ونتصاحبو مع الناس ونترافقو معاهم ، حدنا حد المدرسة والقصر لاغير فين بغيتي نتعلمو الدارجة وحنا مكنسمعوهاش وفالقصر كنهضرو الانجليزية وليكول تاهيا ...
غيثة: اه فهمت ...ايوا ..(كتبتاسم )وعد: ايوا كان كيقرى مزيان من ناحيت القراي مكانش كيرضى شي واحد يجي هوا اللول ديما كيجي اللول وكيبدى يسب فالكوسالا كان كيعطيهم واخا الكاسول كان كيجيب 7 فالمعدل حيت كلشي كيقرى مزيان ومكاينش السقوط
غيثة: هههه مسخوط كملي
وعد: مكيحشمش كانت كتعجبو واحد البنت كتجلس حدايا فاش كنا كنقراو فالسادس وكان كيبوسها وسط القسم قدام الاساتدة كيبقاو مساكن غير كايشوفو شادين راسهم عههه وديما كيتشكاو لماما منو و وحاد المرة كنا سافرنا لفرنسا وحصلو بابا مقنت واحد البنت زعرة فواحد القنت كيتحاك معاها هههه
غيثة: هيييه😱
وعد: عاااادي ههه حيت حصل بابا وماما واحد المرة ناعسين خههه وحل عليهم الباب وناضو كيجريو ههههه ومشا كيدير بحالهم ههههه
غيثة: اوااعدي 😱 ايوا
وعد: ايوا قاليه بابا علاش كدير هاكاك قاليه هوا حتا نتا علاش كدير.... قاليه بابا علاش درتي وماتعاودش عهد شد فيها ديك الساعة وعرف بللي داكشي اللي كيدير راه شي حاااجة فشكل حيت كن بابا خلاه كان غينسى ولاكن بابا فاش قاليه ماديرش عاد هوا لسق بحال الى قاليه دير، ومن تما وهما تابعينو منين ما داز كيجر البنات واخا يكون شاد فماما وغادي فالزنقة يجر بنت معاها تا كتلقاه ماما كيبوس ههههه زامل ولد الحرام
غيثة: ههههه😂😂😂😂
وعد: كانت عندو شي ست سنين ديك الساعة وكان بوكووص والبنات كيبداو يبوسوه ويوقفو ليه وهوا كيبوس من الفم هههه ولف البوسان مع الكبار وحتى الصغار منين ماداز كيبوس ويتباس ...كان واحد المرة غيقتل نور ...جاتو الغيرة فاش ماما ولدات وطيح نور من فوق الناموسية وبغا يشتف عليه تا نضت انا كنغوت عتقتو وعلققو بابا مور الباب
وعد: ايوا بلا مانقوليك فاش كبر نور تاهوا كان عهد كيتريني فيه ههه كان نور ديما كياكل قتلة ههه كان بحال شي شكارة كيتريني فيها عهد ههههه واحد المرة فالمغرب فالمدرسة ضربني واحد الولد وناض كالك عهد كيحامي عليا ساعة كحلها كحلة زحلة ضرب الدري وطلع معاه بوني للفك تا الدري عض لسانو وتقطع ليه اللسان وبقا لاسق غير من الطرف وداوه خيطوه ليه وماما تكلفات بكلشي وداك الولد فاش برى هههه فاش برى ولا كيشوف عهد كيهرب اما عهد شدو بابا حلف ليه وقاليه غنخليك تمشي بلا سروال فالمدرسة الى عاودتي ضربتي ششي واحد هههه
غيثة: هههههه ايوا
وعد: ايوا عهد تخلع ولا مريض بداك التهديد وديما كيبغي يدابز كيرجع للور تا لواحد النهار تعصب وحيد السروال ومشا عريان فالمدراسة تا دخل على ماما للادارة شافتو تخلعات خههههه قاليها مانعاودش نلبس السروال باش اللي هضر معايا غنحويه ههههههه حيت بابا قالي ماضربش هههههههههه وغاندير ليهم كيما كيدير ليك بابا هههه ماما كانت فاجتماع ديك الساعة فاش دخل عليها هاكاك شوها هههه وماعرفت فين تعلم ديك الهضرة يمكن سمع بابا كيقولها باينة هههه ماما ناضت كطير خرجاتو لبساتو الطابلية دالبنات وحشمها مالقات فين تخبي وجها وقالها ليها قدام كلشي وغوبش طلع ليه الخرا لراس ههه وفاش رجعات ماما للقصر نوضاتها مع بابا وقالت ليه شنو وقع ههه بابا وحل مالقا كيفاش يدير لعهد منين ما شدو كيخرج بما كفس تا كان بابا غيحماق معاه
غيثة: هيييه ههههههههه😂😂😂😂 سطورية هاد خاك
وعد: وا بزاااااف مايتعاود شتي اي كارتة طاحت ليه فبالك راه دارها عهد و اللي كان خايب فيه هوا الضرب ...كان كيدابز صباح وعشية وديما كيجري مور شي دري الى هرب ليه ومايتهنى تا يعطيه سلخة عاد يتهنى ويرجع فحالو ويخلي الدري فيه امارة فوجهو ...دابا ولا غامض ماتعرفي شنو تحت راسو وفاش كان صغير كان كيتبتهم بهضرة ويدير اللي فراسو دابا راه تقااال و اللي شافو دابا تقيل ميقولش كان كيطير كي الزواق
غيثة: اواعدي كان باسلوعد: ماشي غير كان باسل كان جن
وعد: ههه اااه ...مكياكلش الحار حيت اول مرة كان صغير بزاف تكون عندو 3سنين كنا خرجنا مع مانا والميمة وكراميل لجامع الفنا تعشينا تما واحط الزيتون حاااااار جغديد قمامو ومع هوا كيطير هز وخشا فمو وناض كيغوت ههههه دخان كيخرج من ودنيه من تما كرهو كيكره شي حاجة سيمتها الحار ههههه اااه بلا مانحسب ليك شحال من مرة تكركب من الدروج عهه ديما نازل مكركب كي الكورة تا لتحت وكينوض مكيبكيش وكيشوف فماما كيفرنس خايف تغوت عليه وكيقوليها احح طحت ههههههه غير قبل مانعرفوك كان كيعجبني نشري ليه الصداع مع بابا واااو المتعة واخا كناكل هلكة من عندو كنت كنكدمها ونرجع ...نفليو بطاطة دابا ولا تا لبلاتي
غيثة: باقي عاد فطرنا تا نبغيو نتعشاو ونقليوها
وعد: صافي خليها
وعد مشات تشوف ولدها وغيثة بقات ساهية جالسة على الكرسي كتحمر دالجاج فالفران وهي تجبد التيليفون وجبدات التصاور كتشوف فيه وتبتاسم وتكبر الصورة كتأمل ملامحو وكضحك وكتذكر الذكريات ديالها معاه فالباطو وفالجزيرة وحسات بالنقص حيت ولفات كتناكر هي وياه و فاش غبر خلا بلاصتو وخلا على ليها فراغ كبير ماحسات بيه تا شافت تصاورو ...جاها الحنين ولسق ليها فدماغها وكتحمر الدجاج وهوا فبالها كتخيلو معاها فالكوزينة ميشوف فيها كطيب ومبزطها ، سالات الطياب وحطو العشا وهوا فابالها كتخليو كيتعشى معاهم وجمعات الطبلة وابتسامة على وجها حيت فجميع اللحضات كتخيلو معاها ...فرشات فواحد البيت اخر فالارض الكواش رقاق وخلات ليتها لخالها ومرتو وباها مشا نعس وخالها ومرتو تا هوا وغيثة بدلات لبنتها وغسلات ليها باش تبرد شوية من الصهد ودارت ليها ليكوشة جديدة ولبساتها كسوة رقيقة وخلاتها ناعسة فالارض على جنبها ونعسات تاهيا حداها على ضهرها وطفات الضو وخلات السرجم محلول داخل ضو القمرة ...جبدات تيليفون كدوز التصاور ديال لانيف وكل تصويرة شافتها كتغمض عينيها لمهلة كتسترجع فيها الدكريات وترجع تشوف صورة بصورة وكتسهى كتذكر تا شافت الصور وحطات تيلي وتقلبات جيهت بينهتا كتشوف فيها وتبتاسم وكدوز يدها عليها وكتخيل عهد ناعس حداها بحال من قبل و معنقها هي وبنتها ، بقات كتحلم وتخايل تا نعسات.
⛅صباح جديد ...
الكل فاق بكري والاب وانيس مشاو للجامع وغيثة و وعد كيوجدو الفطور تحت انغام الطرب الاندلسي ديال عيد الفطر وكلشي فرحان وكلشي لابس الجديد ذهب ولد انيس لابسين حوايج جداد وغيثة و وعد لابسين قفاطن بلا حزام بلديين
بالبلاغي ديالهم و طالقين الشعور ومقادين الحالة واجواء العيد فالصباح الباكر كيتسناو يرجعو الرجال من الجامع وكلشي فرحان .غيثة: صافي كلشي واجد ماتعرف يجي يعيد علينا شي واحيد
وعد: يقدر يجيو جيرانكم ولا عاءلتكم ماعرفتش؟
غيثة: ماعرفتشي ماما علاش ماجاتشي وفاين هيا دابا؟
وعد: راه هضر معايا بابا قالي راها فالدار ديال عهد فلندن يمكن عجباتها لندن وجلسات تما كيديها الشيفور فين ما بغات حيت الدار محروسة ماشي بوحدها
غيثة: ايوا صافي مهم تكون مزيانة ...باباك ياكما تقلق حيت جيبت معايا ذهب؟
وعد: لالا بلعكس ديما كيسولتي عليها وعارفني دوزت معاكم رمضان كامل ...راه ماعندوش مشكل اويلي وانا بنتو هانا معاكم ماتبقايش تفكري هاكا
غيثة: عهد مكيعيطشي عليك؟
وعد: رمضان كامل وانا كنصوني راكي شفتي على عينيك فين ماتقولي ليا صوني كنصوني وتيليفونو طافي وبابا قالي راه مارعرفش فين شادها
غيثة: واعيط لو دابا جرب شوف واش يشبر ليك ...ماسولشي فبنتو مرة؟؟ واديما كان كيسول فيا وديما تابعني وهادا شهر كامل ما تفكرنيشي زعما؟
وعد: بلاتي معاود نصوني نشوف؟
غيثة: واخا..
هزات وعد تيلي كتصونيوهوا يشد ليها
وعد: هاهوا كيصوني
غيثة: (فرحانة)بصح...
وعد: اه شوو...الو ...الو عهد...ههه مبروك العيد ....شكرا علينا وعليك كي داير ؟ ...ايوا فين هاد الغبور شهر وزيادة ماسولتي وحتى نمرة ماخادامة !!...اه قالها ليك بابا؟ اه انا فتيطوان دوزنا رمضان والعيد هنا ....لاباس عليها خههه (غيثة فرحات) فوقاش؟.واخا ...اوك بسلامة (قطعات)
غيثة: سول عليا ياك!!
وعد: (بحزن) صاراحة سول على ذهب ...راه عارف دوزتي رمضان هنا نتي وذهب وحنا معاك حيت قالي بللي قالها ليه بابا وليوم عاد خدم النمرة وقالي السيمانة جايا غيجيو كاملين هوا وبابا وماما ونور وميساء للمغرب...راه كان ضرب على المغرب وهاهوا راجع مع بابا عاوتاني
غيثة:(بحزن) ايوا زعما شااعل التيليفون و عندو النيمرة ديالي وماكلفشي راسو حتى يعيط لي ولا يسول فيا ! واخا يعمل غير السبة بذهب زعما!
وعد: وراه عادي العيد هادا شي كيعيط من هنا وشي من هنا وتيليفون مكيسكتش راه عندو المعارف ديالو اللي كيعطو ليه ويسولو فيه وغيكون مشطون بالتيليفون تا يفضى ويعيط ليك ماشي نسى بنتو
وعد: كرم راه شحال وهوا كيتعالج فلندن حيت عهد قالو خصك تبرى من المرض للي فيك
غيثة: باش كان مريض؟
وعد: كان مخنت ودابا ترجل ورجع
غيثة: راه مريض بالنسيان
وعد: وراه كبر بسيف ماينسا...يالاه راه جداتك و عماتك جالسين فالصالة مع باباك وانيس
غيثة: واخا
مشاو جلسو مع العاءلة و الجدة طلبات السماحة من انيس على المشكل اللي وقع وغيثة جالسة كتسمع وشادة بنتها فيدها و طالع ليها الخيخ حيت ماخلاو ماقالو فيها...عطاتهم صوابهم وجلسات وهما بقاو ميطلعو ويهبطو فيها هي و وعد و كيشوفو فوعد و الجمال ديالها وعينيها الرماديين ماتوقعوش انيس غيتزوج بنت بحالها
الجدة: شنني كيعملو الرجال اللي جبرنا نتاحيت؟
عبد المالك:هادوك اللي جبارتي نتاحيييت؟؟ هادوك عاملين بحال بوليس ايما صردهم الراجل دغيثة معاها حيت مكيخاليهااااشي دمشي بلا الحرس فهمتي
الجدة: اااه هايداااك...فاش خدااام الراجل ديالا؟؟؟
وعد وانيس وغيثة: !!!😰😰😰
عبد المالك: مادعرفشي الخدمة ديالو يايما واخا نقولا لك
خرجو وخلاو غيثة بوحدها جالسة سادة عليها وسدها على خدها كتفرج فالتلفازة فطيور الجنة وساهية كتفكر والحزن على وجها.تا واحد ماطل عليها وحتا وتحد ما دق عليها من غير وجبة العشاء اللي طلعو ليها وهي الوقت كامل وهي كتسنى فبنتها وماجالوهاش ليها وماقدراتش تخرج حيت ماعندهاش بلاصة بيناتهم ومابغاتش تسمعش شي هضرة تحشمها وتمرضها وفضلات تبقى فبيتها كتسنى بنتها، عيات تسنى ماجابوهاش ونعسات مقلقة كتفكر وتبلاني بوحدها .
بدات كتقاب وتشقلب فبلاصتها وكضحك وهي ناعسة كتحلم تا فاقت كتلهت وناضت شربات الماء وكتفكر الحلمة اللي حلمات وشربات كينة درالراس ورجعات تكات تحت ضوء القمر اللي داخل من البالكون والسرجم
نضال: ولدك راه مابقاش كيما كتعرفيه وهوا قالي ماباغي يلقى تا وحدة مقزبة وطالقة سوالفها واخا تكون مو
مروى: وغنغطيو الشعر!!!!!
نضال: اييه غطيه وفاش مايكونش عريه حسن مايقوليك شي كلمة متعجبكش يسحاب ليك عهد اللي كتعرفي هه راه ربى اللحية ولات عندو تا لهنا وداك الخاطر اللي خارج النطاق الديني ماغاديش يديرو ليك دابا غير تهناي ...وحسن لبسي شي حاجة طويلة نتي وميساء بلا ميشوف شي رجل معرية غيدور فيكم شي دورة خايبة
مروى: هييه! دابا غنبقاو نهار كامل وحنا بالفولار؟؟؟
عهد: راه ماجايش بوحدو تا نكونو غير حنا ولبسي اللي عجبك
مروى: اوييييلي زوينة هادي!!!
خرج نضال خلى مروى كتقلب على ماتلبس ومشا لقا ميساء طالعة فالدروج مقزبة والصدر عريان
نضال: ميسااااء...طلعي شوفي مروى راه كتسول عليك
ميساء: اوكيي
غيثة جالسة طايح عليها الضيم تاسمعات صوت سيارات برى وناضت كتجري قلبها توقف بالفرحة احساس كيفشل ، وقفات كطل مور الخامية وشافت سيارة ليموزين هامر طويلة كتتاسع حتى ل 14 شخص ، موراها بزاف ديال السيارات كاط كاط بليكارد كورد نزلو كيجريو والحرس مستفين فالجناب ، نزلات امرأة طويلة ورقيقة باينة فوجها من اكابر لابسة عباسة كلاص وصباط عالي ودايرة الشال لايحاه على راسها و موارها راجل ديجا شافتو غيثة وبقات كتفكرغيثة: فااين شفت هاد الراجل؟؟؟
لابس فوقية بيضاء وسلهام اسفر وفيه الاسود ديال الخليج واللبسة كاملة خليجية ، شافت عهد نازل وهي تبتاسم تلقاءيا نزل وتبدل وجهو تنور وربى اللحية زادتو جاذبية على اللي قبل ، بقات كتشوف فيه فرحانة ..نفس الشوفة نفس النضرة الحرشة والملامح الخشنة غير هاد المرة النضرة ديالو فيها تعبير اللا مبالات ونضرة الكبرياء باقا هي هيا ، الشعر اللي كان قوي نقص فيه ممن الجناب ولقاش رطب واسود داكن والعيون السوداء تللي كتلمع بلون الرمادي الداكن ، لابس طريكو اسود سامبل وسروال اسود دجين سانمبل وكاط فالاسود ديال الدان جديد والساعة فاليد واللي لمحات هوا خاتم ابيض فيدو اليسرى وبقا كتشوف ومتبعا العين نفس الوقفة والمشية والحركات غير اللحية بيناتو جدي كتر من الاول ، الجسم الجداب باقي نفسو وزاد عمر على اللي كان ، فرحات وبقات شادة فالزاج كتشوف فيه تا شافتو ضار موراه كيشوف فالباب ديال الطوموبيل بحال الى كيتسنى شي واحد ، لمحات بنت نزلات فمقتبل العمر لابسة عباية سوداء ولايحة الشال على راسها وشادة بوشيطة براقة فيدها وناقشة الحنة ولاكن ماعارعاش هتمام حتى نزلات موراها بنت حتى هي فمقتبل العمر لابسة عباية فالباج فاتح وفيها الدونتيل وشال فنفس لون العباية وكتبتاسم وتشوف فيه وهوا بدالها نفس الابتسامة ونزلات شدات ليه فيدو ناقشة الحنة والجلايل العباية كيضربهم الريح ومصبغة ضفارها بالاحمر وخاتم فيدها الماس وكتشوف فعهد فرحانة وعينيها كيبريو وشادة الشال بيديها باش مايطيرش تكون عندها حوالي 26 سنة ملامحها عربية وحتى عينيها عربية وحرفها كوحل وزوينة فوجها وموراه نزل شاب بملامح عربية لابس سروال اسود وقميجة بيضاء وشعرو كحل وحروفو كحلين وطويل ومفومي تا هوا ، شافت مروى فالباب واقفة فرحانة لابسة قفطان بلدي ودايرة شال على راسها وكتسلم بلباقة عليهم وعنقات البنت اللي شادة لعهد فيدو ، غيثة كتشوف ويديها على والزاج والدموع نازلين وهي ماحاساش بيهم خيبة امل كبيرة لم تكن في الحسبان ، بقات متبعة ليهم العين وشافت عهد مد يدو سلم على ميساء باليد مافهمات والو ودخلو كتشوف غير الحركات ديالهم والابتسامة وكلشي فرحان بلا متسمع الصوت حتى دخلو لداخل
غيثة بقات مضمرة فالسرجم النفس ديالها السخون ضبب الزاج لاحت بقات مصدومة كتشوف وساهية كتفكر والدنيا كدور بيها غيثة: ايمااا قلبي كيضرني (شدات فقلبها) شني كيوقع لي وادا جاب وحدة معاه يضبر راسو انا اللي ماكنتشي باغياه ودليتو تا شبعت وماخليت ماقلت لو ...كان قودامي كيشوفني غير انا ودابا بحال الى عمرو شاف فيا ...كنحس براسي اول مرة نعرفو ...
لبسات بينوار فوق السوميج قصير وحلات الباب بغات تشوف شنو كاين والحزن مالي وجهها وخرجات للدورة ديال القصر الفوقانية وبدات كطل وكتشوف فيهم شافتو هاز دهب مجلسها عندو وحداه البنت اللي شادة ليه فيدو كضحك مع ذهب والكل جالسين وصاحبو محمد جالس من جيهتو الاخرى كيضحك مع ذهب وعهد كيهزها ويجمها ويلعب معاه وهي صوت الضحكة ديالها ميتسمع فارجاء القصر كامل...الخدم مستفين وكلشي منضم وغيثة فشلو ليه ركابيها فاش شافت البنت اللي مع عهد هزاتها فيدها كتبوسها، طاحت للارض وجلسات شادة فالحديد وكتشوف بين الاعمدة ديال الحديد وعينيها كيبكيو وهما لتحت كل جوج كيهضرو مع بعضياتهم ، نضال كيهضر مع الراجل الكبير ومروى كتهضر مع المرى وكضحك وكتشير ليها بصبعها بحال الى كيهضرو على ذهب ، غيثة شاعية وراسها على الحديد كتشوف فيهم وصوتهم بانجليزية كاملين ميهضرو ونور مجمع مع محمد ، وقف عليها كرم نوضها من بلاصتها وهي مشللة عينيها فيهم ودخلها لبيتها وجلسها وسد الباب وجلس حادها وجبد المذكرة
شوق: ايوا هاهوا هاد النهار جا هههه...نهارك يالاللة مع الراجل اللي كتبغي
غدير: عقلتي اول مرة فاش جا عندنا للقصر ...من تما وانا كنحلم بيه ومن تما ما عاودتش شفتو حتى جا هاد المرة عندنا ...واخا عندو بنت ماكيهمنيش المهم انا معاه دابا هههه نااري خاايفة
غيثة فاقت على صوت الزغاريت فالبيت ديال عهد والهضرة الخليجية وناضت دايخة وقفات مور الباب دبيتها كتسمع وكتفهم الهضرة دالخليج ، الصوت مخبل ماواضحش الحوار فقط صوت الضحك والقهقهة ديال النساء.
شوق ومها ومروى وميساء دخلو صبحو على غدير ومها لبساتها طاقم من الدهب الخالص وغدير جالسة لابسة عباية بيضاء وبلغة بيضاء فرجلها وكتحرك بزز وشادة جلسة وحدة مكتقدرش تنوض و وجها منور باينة على ملامحها الفرحة والسعادة والحشمة من عاءلتها وعاءلت عهد ، اطباق الحليب والتمر داخلة خارجة والفوكه الجافة وكلشي فرحان بالاميرة غدير ودايرين بيها فالبيت وهي مهبطة راسها تا دخل عندها باها وخواو ليه الطريق وحط بطليها تاج على راسها من الدهب الخالص وباسها من جبهتها و عي كدمع بالفرحة ومقادراش تهز فيه الراس .
محمد من الليلة دلبارح و الصورة دغيثة فبالو واللقطة اللي شافت فيه بحال شي فارة كتسرق السكر وهربات وشعرها كيضرب فمؤخرتها ، بقا كل شوية كيدوز حدا الباب ديالها غادي جاي وكيشوف فالباب مسدود وكيمشي كيبعد وكيعاود يرجع على الله تبان ليه .نضال مشا هوا عهد خرجو للغابة اللي فالقصر كيتمشاو وكيهضرو وكينتناقشو بيناتهم
نضال: دابا عاود ليا بالتفاصيل شنو كاين
عهد: راك عارف اش غنعاود ليك؟
نضال: من نهار مشيتي من الجزيرة وصيفطتي ذهب
عهد: اااه...كنت ديجا هضرت مع محمد فالتيليفون قالي بللي غاديين فرحلة مع شي مجموعة من العلماء الاسلاميين غادين للفضاء وراك عارف دوك العلماء كيبغيو يبحتو ويلخصو ويكتاشفو ...مهم قالي نرض عليه باش ما كان قبل مايسالي شهر ويدخل رمضان وكانت بقات شي20 جور ...وقالي واش تمشي وانا نيت كنت خاصني غير نبدل البلاصة باش نرتاح فديك الفترة ومشيت لقطر قررت نسافر وراك عارف ديك الساعة شنو كاين ، صيفت ليك ذهب قلت ليك عطيها لمها
نضال: زعما ماا..قلبتي على غيثة مااا والو؟
عهد: هه علاش غنقلب عليها اصلا وانا غادي باش نتفك ، كن بغيت نبقا مراقبها وحاضيها نبقى حداها بلاااا مانمشي...ماخضيتها ماسولت عليها واصلا مامساليش باش نبقى جالس قدام الكاميرة كنتفرج ونضيع وقتي فوحدة ماتستاهلش ،
اااااخر همي نجلس نراقبها وحتى اخبارها مابغيتهاش توصلني وماباغي نعرف عليا وا...لووو باختصار كنت باغي نمحيها ...مهم ...سيفطت ذهب ومن موراها سيفطت كرم يرد البال لذهب وهي حدا مها ومشينا جلسنا تقريبا فمركبة فضاءية انا ومحمد وجوج علماء كبار فالسن ، وانا لفوق كتبان ليا واحد البلاصة الوحييييدة اللي فوق الارض هي اللي مضوية وفاش سولت عليها قالو ليها هادي راه مكة وصبحان الله فاش كيضلام النصف دالكرة الارضية اللي جيهت مكة ك تبان مضوية ...ايييوا من تما دخلنا فرحلة بحث واستافدنا من دوك العلاماء وصمنا الايام الاولة فالمركبة وكنشوف كلشي كينوض يصلي وصليت معاهم ...داك الوقت حسيت بواحد الراحة نفسية ومابقيت كنفكر فحتى واحد حيد كنشوف راسي بحال الى خرجت من الدنيا وبقيت بوحدي غير انا والاعمال ديالي هادشي اللي بقا كيدور ليا فراسي ، كنشوف الكرة الارضية قدامي خليت فيها واليديا وبنتي وكلشي وشوف واش نرجع ولا يدي مول الامانة امانتو تما ، اللي زاد ريحني كثر هما العلماء اللي كنت معاهم متدينين بزااف وفسرو ليا شخال من خاجة والوقت كامل اللي دوزنا وحنا مجموعين كامل كان الحوار غير على الله القبر الحساب العقاب والصلاة كنصليو كل ساعة بلا حساب وعمر وقتي بقراءة القرآن وعلموني نقرى العربية شوية حيت كنت قريت القرآن مطرجم العام اللي فات وهاد المرة قريتو معاهم سالاه تطلق لساني شوية فاللغة العربية ، فاش رجعنا قلت ليهم نمشيو نشوفو ديك البلاصة اللي شفنا مضوية من الفضاء ، خيدت الوشام كامل ومشينا ليها ودرنا عمرة فرمضان وتبعت داكشي اللي كيدرو كامل وبحال الى كنت هاز حمل تقيل على ضهري وحطيتو ، عيدنا فمكة وشعلت التيلي نهار العيد راك عيطتي ليا وقلتي ليا ذهب مشات دوزات رمضان مع مها ، هااانيا خليها مها هاديك تجلس معاها شحال مابغات نضال: ماعاودتيش سولتي على غيثة
عهد: لالا وماباغيش اصلا ... انا تزوجت اولا باش نبعد على المحرمات وداكشي راك عارف وتانيا عندي 30 سنة وباغي نشوف ولادي وتالتا تزوجت وحدة كتبغيني بصح يعني مكاين لاش نبقا نمرض راسي مع وحدة مخليييييت مادرت معاها ومفر على ذنبي وفديتها بروحي وقتلات ليا ولادي وكنت ناوي نشد معاها طريق مي مكتابش وانا مرتاح هاكا غلطت معاها وكنت مستاعد نصحح غلطي واخا كانت كتقوليا شي هضرة بحال السم ...كنكرهك كنت ديما كنسمعها وفاش زدت قتانعت مللي قالت ليا ماحدك لاسق فيا ونتا كتزيد تكرهني فيك ، يعني الملخص ...لا جدوى هاكاك غنبقاو تنموتو وكتر من داكشي اللي درت عليها راه مكاينش ومع دالك باغا غير بنتها ماباغانيش اشنووو غندير انا..حط راسك بلاصتي جبدتي عينيك عطيتيهم ليها وزاااادت كرهاتك حيت عطيتيها عينيك ههه ايوا دابا عطيوها بنتها الله يعاونها اللي خلقها خلق غيرها بنتعا مخنحرمهاش منها وفين ما بغات تعيش تعيش ونهار نبغي بنتي نشوفها غنجيبها نشوفها ، تعدبات عليها من حقها تبقا معاها وماغانزيدش ندي دنوبها ونشدها معايا صحة وحلفت حلفة قطعية مانتبعها وطاحت من عيني وانا رجل منلتاقطش اللي طاح من عيني ابدا
نضال: واش كتهضر من نيتك؟ عندك بنت معاها اعهد
عهد: هه (بسخرية) من بعد ...حنيت راسي مرة وحدة منعاودش نحنيه ...نعيش بكرامتي ومانعيش وانا شاد حدايا وحدة مكتبغينيش وكاين الالاف منها واللي عندها كاين عند وحدة اخرى...انا عطيتها حقها دابا ، بغات بنتها تديها انا عطيتها حريتها دابا ومرتاااااح واللي معجبوش الحال يضرب راسو مع الحيط هاكا كنت وهاكا غنبقى كبرياءي فوق كل شيء منهنا لفوق وسالات الهضرة...المرى الى قالت ليك بعد مني ومابعدتيش منها راك ماشي راجل
نضال: وهاد البنت كتبغيها؟
عهد: كتسمع الهضرة ...كطيع ...زوينة ...انثى بمعنى الكلمة ، وفيها شي حوايج اللي كتخليك تبغيها عكس غيثة ...كدير غير الحوايج اللي كيزيدو سكرهوني فيها وكن غير حاولات تبغيني من جيهتها مي دابا صافي ماندي دنوبها ماندي دنوب مرتي ونخونها واخا غير بإحساس
بقا عهد كيلعب الكورة مع باه وشافهم نور ودخل معاهم تحاماو على عهد بجوج تا حيدوها ليه
نضال: ههههااااهها حسنها
نور: شغايحسن؟
نضال: اللحية
نور: جات معاه خليها
نضال: لا تخاطرنا
عهد: لالاااا سمح ليا مكنقمرش خههه حرام خخههه
نضال: غتشدنا بحرام وحلا عاوتاني؟ دابا نتا من فضيلة الدواعش ولا الارهابيين؟
عهد: ههههه ما من هادو ما من هادوك انسان طبيعي غير حيد عليه المحرمات صااافي فين كاين المشكل؟ سحابك اللي دار اللحية وشد طريق الله راه ولا ارهابي ولا داعيشي؟ تفكير لااا علاااقة ...هانا كنضحك كنهضر علدي باقي عهد هوا عهد غير شدينا طريق الله مالكم على هاد التفكير العوج ...مامعقد ماوااالو ان صلا من اللول ماكنحضر حفلات ولا سهرات وكنصلي ونقطع وكان عيبي البلية وشراب والبنات ودابا حيدتهم و هنيت راسي ...هههه بحال الى وليتو كتخافو مني ؟؟ شي مهار نفجركم ردو البال هههههه
نضال: ديرها نتا الله اودي
نور: والمافيا؟
عهد: اش من مافيا؟؟؟ بانت ليك عندي شي مافيا؟ شفتيني كنهرب ولا كنتاجر فالمحرمات؟؟؟ عندي جيش ديال ومنضمة مكتهرب ماكتبعي وتشري فالحرام...اراضي الالماس اللي فالعالم شريتهم وكنتاجر فالاحجار ماشي الكوكايين و القنابل راه سلاح بحالو بحال بحال الاسلحة اللي كانت فعهد الرسول عليه الصلاة والسلام هادوك للدفاع على الوطن والبلاد غير هوا ماغنبقاو نعطيو لحتى بلاد من غير المسلمين باش مانديروش يد مع الكفار
نضال: انا خرجت داك السوق ديال الاسلحة
عهد: هاداك السوق انا اللي غنعرف ليه خرج سوقو خليني مني ليه غنفرجك فيهم كاملين .
عهد: فراسك داك الياقوت كيدخل كتر مكايدخلو القنابل...حيت قنبولة وحدة كتجلسو فيها نتوما اربع سنين خدامين فيها وكتبغيهو بالملاير وانا فهاد الربع سنين كتباعو الكيلويات ديال الالماس اللي كدوبل داك المدخول وفربع سنين كتكون الحصيلة مكمحة ملاير واموال لاتحصى فهاد الربع سنين وعاد دابا المغارة للي كلها كتلمع عرفتي شغاتولد ديك المغارة ولالا؟ جامعة شحال من نوع ديال الالماس وتفرج الملايير ديال الدولارات اللي كدخل فالشهر ، تبقا نتا واحل فقنبولة محمق معاها راسك طرر...
نور: راه بلعكس كلشي كيدير ليك اعتبار
عهد: بزز منهم يديرو الاعتبار وانا فكل دولة شاري فيها الربع و امريكا اللتينة شاري فيها النص والى بغيت نشريها كاملة نشريها خه
نضال: دابا الى بغينا نحللو هاد الثروة مي نديرو ليها؟
عهد: كي دير ليها ؟ زعما الى كانت حرام وبغيتي ترجعها حلال؟
نضال: ايييه
نور: مينكنش
نضال: واييه عارف لاكن ماتعرف هاد العبقري يعطينا شي حل
عهد: (كيلعب بالكورة فرجلو) كاين حل واحد
نضال: شنو هوا؟
عهد: شحال تعطي ونفك ليك هاد الحجاية
نضال: نعطيك اللي بغيتي
عهد: عطيني هاد القصر بالي فيه ههه
نضال: هضر دابا خادا قصر الواليد نعطيه ليك نتا راه عندك باش تشري ماكبر منو ...وديالاه طلقنا ارى لينا الحل
عهد: سمع (وقف الكرة) غتشوف شحال جامعة الثروة ديال من a حتى ل z وماغتصرف منها حتى سانتيم ياك...وغتشوف شي واحد من المعارف ديالك اللي لابااااس عليهم يسلفوك وكل واحد يسلفك حتى تجمع نفس عدد الثروة اللي نتا كتملك ياك...غاتجمعها كااملة غير بالسلف وغتحطا جلنبا متخلطهاش مع الثروة اللي نتا شاك فيها انها فيها الحرام من بعد غترجع ليهم السلف ديالهم كاااملين بديك الثروة اللي نتا شاك فيها حرام فهمتي كتفرقها كاااملة ماتخلي تا سانتيم بحال الى تبادلتي معاهم...جمعتي ثروة بالسلف ورعتي السلف بالثروة اللي نتا شاك فيها ديجا ، وهاكا غتكون جمعتي ثروة حلال ...وحيت الثروة اللي عندك مشاء الله كبيرة فخاص واحد المجموعة ديال الناس اللي لاباس عليهم يسلفوك من عندهم وتجلس واحد المدة عاد ترجع ليهم السلف بالثروة الاخرى وهانتا فكيتي حريرتك بصحتك ههههه
نضال: !!!
نور: والله تا بصح...خاص غير اللي يسلف بحال الى غنتبادلو معاهم
عهد: مهم انا عطيتك الحل
نضال: حل ذكي ولاكن تا نشوف شكون يسلف ويدير فينا التيقة
عهد: شوف الشيوخ والامراء كل واحد يعطيك طرف وجمع الطروفة شوف واش وصلتي للثروة ديالك حيت واخا يعطيك شي واحد لاباس عليه الثروة دسالو كاملة مغتوصلش للنسبة للي عندك نتا فهمتي داكشي علاش خصك بزااف ديال الناس ملعقين مزيان فالعالم اللي يساهمو ويسلفوك ...مهم نلعبو شي ماتش صحيح؟
نور: هوا اللول
نضال: انا ربجتي ليا عقلي بهادشي
عهد: اجي تلعب دابا من بعد وتربج علاااا خاطرك وفكر بشوية عليك
بقاو لاعبين تا نساو راسهم وعيا نضال ومشا خلا نور وعهد جايين موراه كيتجمعونور: واش بصح داك الاقتراح اللي قلتي
عهد: هههه واش من نيتك؟ حنا غير قلنا راه ماعندوش الحل اصلا خصو يراجع داكشي ويتأكد واش حرام ولا حلال اصلا تا واحد مغايسلفو غير دوينا وصافي
نور: ومالك جالس كتفتي علينا فالتخربيق
عهد: خههه بغينا زعما نعطيوكم اما نشوفو شنو تقولو ساعا نتوما على سبة
نور: واسييير سحاب لينا بصح
عهد: راه غير ضحكنا الحلال حلال والحرام حرام سير راجع دروسك وزايدون ماعرفتش شوفو شي عالم يفسر ليكم انا ماشي فقيه ومانأكدش على شي حاجة ممتأكدش منها غير نسى ديك الهضرة هههه
عهد: مهم غنشوفو شغيصنع ههه دابا غيبدا يقلب على شكون يسلفو ههههههه
نور: ههههه مسخوط نتا والله
دخلو للقصر ونضال نسى كاع على الهضرة اللي قاليه عهد لقا الاب و الام ديال غدير غيمشيو وتوادعو معاهم ومشاو وبقا محمد مابغاش يمشي ومكيحيدش جيهت الشومبر اللي شاف غيثة دخلات ليها ، غيثة محبوسة مكتخرجش و مروى نبهات غدير باش ما تمشيش لديك الجهة بصفة نهاءية ، هبطات غدير لتحت وتجمعو على العشاء كاملين و جلسات حدا عهد حشمانة ومحمد جالس وساهي الوقت كامل وهوا كياكل وعقلو ماشي معاه تا تعشاو وكل واحد طلع لبيتو وغيثة طلعو ليها عشاها لفوق وبنتها مادخلوهاش ليها تشوفها نهاءيا والوقت كامل وهي جالسة بوحدها غارقة فأحزانها ولا من يسول فيها ولامن يدق عليها ، من غير الاكل والشرب حتى واحد مايدخل عندها وكلشي مشطون مع الضايف اللي كانو معاهم ونساوها هي ، شافت فالساعة لقاتها الوحدة دالليل وخرجات عوتاني كالعادة لابسة سوميج دو نوي فالغوز بالبينوار دايلها قصير حتى لفاخدها وشعرها مطلوق و حلات الباب بشوبة طلات لقات الكولوارات طافيين وخرجات حفيانة كتسلت ومحمد حالف تايشدها ويعرف اللغز ديالها ، وقف مراقبها من بعيد وحس بيها غتخرج بلليل وشافها خارجة وعينيه مفيكسيين عليها وهي كتشوف يمين يسار خايفة
محمد: (كيهضر بوحدو) هاد الفارة الزعرة اللي كتخرج من الليل لليل موراها شي حااااجة وماغانمشي تا نعرفها
غيثة بقات غادة على صبعان رجليها كتسلت تا دازت حدا البيت ديال عهد ودخلات لبيت بنتها بشوية ، محمد تابعها من اللور بحال الفهد الوردي هوا وياها كيتسلتو تا شاف عهد خرج من البيت ديالو عريان غير بالشورط وهوا يتخبى باش مايشوفوش ورجع بللور بشوية تا قلب الدورة وبعد باش مايتلاقاش بعهد، غيثة خرجات من جديد كتسلت وتشوف يمين يسار والضلام واضواء خفااف فالكولوارات ، بقات غادية مقزبة راجعة لبيتها ومع الدروة دخلات فجسد رجل تا داخت وكانت غطيح وشدها من خصرها وسط الضلمة هزات راسها تشوف شكون وتصدمات تا بدات كترعد بوحدها
غيثة فاش كانت غطيح بغات تشد مالقات فاش تشد وهي تشد ليه فيدو وهزات راسها شافت فيه لقات عهد اللي شادها بشحمه ولحمه ...بقات مصدومة فيه وهوا كيشوف فيها مصدوم حيت متوقعش تكون معاهم فالقصر و ماكيتوصلش بأخبارها ومكيسولش عليها وماضنش انها غتكون معاهم لانه ما شافهاش ومابانش ليه حسها كيدور، يقا عاقد حجبانو كيشوف فيها شحال وهي مخلوعة كترعد تا بدات كتبعدو عليها عاد نتابه لراسو شادها ولاسقة معاه...بعد يدو كيتنفس بصعوبة وكيشتت النضر، تلف ماعرف مايقول وهي قدامو بسوميج دونوي مقزبة ، تسلات من قدامو كتجري وعينه كيبغيو يتبعوها واخا كيحاول مايشوفش دار شاف فيها هاربة ودربات الدورة ، غيثة دربات الدورة وهيا تحس بشي واحد جرها من يدها لسقها مع الحيط وكالاها تما كيشوف فيها ويطلع ويهبط فيها ، اما عهد دار تبعها ساخط على اللباس اللي لابسة وكيسب غير بينو وبين نفسو بشفايفو تا دار وسمع صوت شهقات وتلفت شافها واقفة لاسقة مع الحيط ومحمد واقف مكاليها بيدو وهي مهلوعة وعينها كدمع بوحدها ماعرفتش شكون تسلط عليها واش جن ولا انس ، محمد شاف الدمعة نازلة على خدها اليمن بوحدها ومسحها بصبعو وعهد واقف كيشوف وكيتغلغل فبلاصتو كيستنشق كثر من اللي كيزفر ومفيكسي عينه بصدمة طلع فيها وهبط ورجع هرب عينيه وكيدوز على شعرو ولحيتو بعصبية وكيرجع يشوف فيهم ودار مشا بحال شي بركان كيغلي بقا غادي وضرب الحيط بيدو وكيتمتم بفمو وشاخط عالوضعية.
غيثة: شش..ششكون تينا؟؟
محمد: (كيهضر الخليجية) شكون نتي؟ مالكي كتبكي؟
غيثة: لا...بعد لهيه وهضر...مناين خرجتي لي؟
محمد: بسطي هضرتك باش نتفاهمو
غيثة كتفهمو مزيان و هوا كيفهم شوية وشي كلمات مكيفهمهمش
غيثة: (كتشوف فيه وتفكر) تقدر تخرجني فجردة شويش ..قنطت
محمد: اه واخا
رجعات غيثة لبتها هزات غطاء على كتافها ولبسات بانطوفتها وخرجات كتسلت خايفة وباغا تخرج من الحبس اللي محبوسة فيه وتشم شوية ديال الهواء، لقات محمد بابتسامة كيتسناها وهبطها للجردة ولاحت على كتافها الغطا وشعرها مطلوق ورجليها مقزبين وكتمشا هي وياه
غيثة: علاش كتبعني؟ قلتيلي كتحضيني؟
محمد: بنت زويونة بحالك علاش كتخرج بالتخبية؟
غيثة: انا ...زوينة؟
محمد: بزاااف
غيثة: يحسابلي مابقيتشي مزيوناا؟
محمد: لا بلعكس ماحاطاش مكياج وطبيعية كتباني زوينة بزاف...
عهد دخل لبيتو لقا غدير ناعسة وهوا غينفاجر كيمشي ويجي فبلاصتو وخوا عليه كاس دالماء بارد وخرج لبالكون هز راسو فالسماء كيتنفس وكيلعن الشيطان تا حدر راسو وهي تبان ليها كتمشى هي ومحمد وكيوقفو شوية ويرجعو يتمشاو ورجليها مقزبين وشعرها طوييل نازل عليها ومحمد كل مرة يمسح ليها عينها وعهد كيشوف بنضرات كلها نار وكيغمض عينيه على امل يكون غير كيتخيل وكيرجع يحلهم كيلقاهم باقيين قدام عينيه كيهضرو ويتمشاو تا بعدو على عينيه ومشااو فالطريق بعيدة على الباب بين الشججر والنافورات، عهد كلشي طةح ليه فيالو اي حاجة خايبة طاحت ليه قبالو واقف وكيسوط وكيترعد ماتوقعش يوقع ليه هادشي .
اما غيثة هي اللي فضلات يبعدو على الباب باش تشم الهواء بلا مايشوفها شي واحد ويندكها عليها
أنا أحترق الجزء 31
محتوى القصة
التنقل بين الأجزاء