خرج وخلاها كدور قدامها الماريو غيريب بالحوايج و واحلة فشنو تلبس ، جرات واحد الحيدة كتمع وتطلق معلقين فيها الكساوي الطوال وهزات لبسة بلدية بحال القفطان سامبل خفيف بلا يدين مقزب حتى للكتاف فالباج فااتح وفيه سفيفة فالغوز بارد وللبسات فوقاني بحال السلهام بلاقب فالغوز بيبي كيتلبس بوحدو عندو فتحات بحال الجياب من الجناب كيخرجو منو اليدين وطويل تا لتحت ولبسات طالون عااالي ولاحت الشال غلى راسها فاللون ديال القفطان الباج بارد ودارت مكياج خفيف جات كيووت وبانت الانوتة ديالها وصبغات ضفارها فالباج وخرجات كتجرجر فالسلهام والقفطان وكتقاد الشال اللي كيزلق ويتحل والقصة باينة وتمات نازلة هازة جلايلها وهابطة ، شافت كلشي مجموع على السفرة الطويلة وهي نازلة زادت ارتابكات كثر
عهد جالس على راس الماءدة وباه مقابل معاه على راس الماءدة من الجهة الاخرى وحداه مروى وعهد حداه غدير على يدو دليسر فأبهى حلة لابسة عباية فالاسود وشالها مغطية شعرها ، عهد شاف غيثة نازلة بدا كيبتاسم ، شافت فيه مروى كيبتاسم وكيشوف بعيد وهي دور شافت موراه تا خرجو عينيها فغيثة وهي جاية جيهتهم ، ناض عهد باسها من جبهتها وكلشي كيشوف وجر ليها الكرسي اللي على يدو ليمن جلسها حداه وغدير كتشوف عرفاتها مرتو وجلسو مقابلين مع بعضياتهم ونور وميساء كيشوفو مبتاسمين ونضال حاضي كل واحد وملامحو ، غدير عينيها غرغرو و غيثة جلسات مبتاسما وحناكها حومر وعهد كيشوف فيها الفرحة فعينيه ، شاف شعرها خارج من من واحد الجهة وجر ليها الشال غطاه وكيشوف فيها نسى راسو وغدير حانية راسها كتشوف
عهد: غير باش يكون فعلم الجميع ان غيثة ولات مراتي اوك...وليوم كتبنا كتابنا واللي كيمسها كيمسني حتا اتا ، تسرعتي الوليدة باش تخليني نشرح ليك قبل ما تبداي تغوتي
كلشي تصدم واولهم مروى ومحمد وغدير اللي منواتش تكون عندها ضرة صغيرة قد غيثة ومتوقعاتش عهد يكون داير علاقة مع بنت فالسن ديالها وبقات غير مخرجة عينيها فيها ومحمد كيستنتج داكشي اللي واقع والصدع نايض فوق الطبلة
مروى: كان خاصك تشاور معانا قبل ماتفكر دير شي حاجة ا اعهد😡 انا منقبلش وحدة بحالها دخل لهاد العاءلة نهاءيا
عهد: كنتشاورو مللي كنكونو صغار ماشي حتى كنشرفو ، تشاورتي مع شي واحد فاش بديتي كتأسسي حياتك؟ خليتي شي واحد يقرر فبلاصتك...لا، درتي اللي بغيتي وانا من واجبي نحتارمك و نقدرك ماشي نخضع للاوامر ديالك ، 30 عام ماشي هي 16 او 20 سنة كاع اللي نخضع فيها للاوامر ديالك ، عدم احترامك ليها و لينا والواليد اللي جالس حداك وصوتك اللي رفعتي على كلشي هوا اللي جعلتي نرفع صوتي ويلى جينا نتهازو فالاصوات راه صوتي على من صوتك ولا لا!
مروى مارضاتش وشافت فنضال بحال الى كتقوليه دير شي حاجة وعوا شافيها عاقد حجبانو وشوفة تحدي مهبطش عينيه ومهضرش وهيا دفع الكرسي تا طاح وطلعات كتجري ونضال ناض تبعها وعهد دفع المرسي بالجهد لور جلس وكيشوف فغيثة كتبكي بغات ترجع اللور باش تنوض وشد ليها فيدها فوق الطبلة تبتها ماخلاهاش تنوض تحت انضار غدير اللي تقجات وهزات الكاس تشرب وطاح ليها وبدات كترعد ماقدراتش تصبر ، عهد شاف فيها كترعد وطلق من غيثة شاف فغدير وحط يدو مور ضهرها كيهضر بينو بينها
نور كيتشتت عليهم بالضحك وميساء تا هي كيشوفو عهد شادها بزز و ممسوقش ليهم وهي كتزلق ليه وكينوضها وشعرها مدلي غادي جاي كتجر فيه فاش كيشبك فالصدايف دقاميجتو وهي كتبكي ، هزها كتفركل وكتعضو وطلع كيجري بيها فالدروج وبقا الشال والصباط مرميين فالارض وداها كيطير
ميساء: اوييييلي دابا عهد مزوج جوج ههههههه
نور: ههههه واغير غيثة فيها 10
ميساء: ويييلي ترونات
نور: ماعندو مايدير ...كيبغي وحدة ومتبغاش يضلم الثانية
جلسات ميساء ونور غير هما اللي بقاو فالطبيلة كيتعشاو واحد كيوكل لاخر وعاطيينها للبوسان وهي تحيد الفولار لاحتو وطلقات شعرها حيت كديرو قدام عهد بزز منها
طلعها لبيتها كيطير وهي كتركل دخلها وسد الباب برجلو وحطها وهي ضور ليه بدات فالقميش والعضان وعينيها غيخرجو من بلاصتهو وهوا كيشد ليها يديها باش تكالما وكيهدنها ماصلاحش ليه يهضر ، قطعات ليها القميجة طرطقات ليها الصدايق بان صدرو وهي تنزل عليه بضفارها قمشاتو وباقي حتى ما براو القمشات اللي كانو فيه زادت كملات عليه عطباتو كامل وماباغيش يخدم معاها العنف تا شدها من ديها بجو ج هزهوم فالسماعهد: سحاب ليك غلبتيني؟ راكي ماغلبتينيش راه غنهزك بصبع واحد نلوحك من الشرجم
عهد: انا كن ماكنتي صاحبي ماكنتش غنقوليك شنو كاين ، هضر دابا وقلت ليك هادي مرتي قبل من غدير وغدير تا هيا مرتي وماعنديش فرق وهادشي عندكم نتوما عااادي تزوجو حتى اربعة والواليد ديالك راه مزوج 4 ومنهم مغربية وهوا اللي باغي وختار يتزوج اما انا ماعندي ماندير بتعدد الزوجات وللضرورة احكام وماتزوجتش حيت عيني خضرة وكنشوف الزين كنتلف ...لا انا تزوجت حيت ديجا كنت مزوج ورجعت مرتي
محمد: (تنهد) كن خليتي تاتسالي بعدا المدة ديالها اللي باقا فيها عروسة وتزج عندك حق تزوج حتا اربعة
عهد: للضارورة احكام اصاحبي وعندي اسبابي الخاصة وغدير متزوجتش عليها ولا بدلتها بماحسن ولا هي ماعجباتنيش، انا مزوج ومطلق و والد ورجعت مرتي ومانعاودوش نفس الهضرة
غدير: (وقفات) انا قاابلة يتزوج شحال ما بغا ماعنديش اعتراض امحمد ةحنا اصلا عندنا كيتزوجو بزاف وكن تزوجت من عندنا كان غيجيب عليا 3 اخرين انا عهد انا فاهماهعهد: انا ماضطرش نشرح ونفهم شي واحد ومابززت على تا واحد شي حاجة وغدير الى ماكنتيش مرتاحة ماغدبش نشدك بسيف عليك نتي حرة من دابا الى بغيتي
غدير: (تخلعات) لاااا انت جالسة بخاطري وباغا نبقى بخاطري (شافت محمد) ماتدخلش فحياتي انا باغا هاكا وقالها لي قبل ما يتزوج واحترامني و مكيقللش من قيتي وماعندي علاش مانقبلش
محمد: عهد اتا ماباغيش نخصر الصداقة اللي بيناتنا من الصغر ، انا تدخلت حيت هادشي جا مفاجىء بالاخص مللي قلتي تزوجتي وصدمتينا وماكناش عارفين ان هاديك البنت هي طليقتك حيت كتبان عليها صغيرة بزاف وماباينش كاع عليها واش والدة
عهد جاتو الغيرة و شعلات فيه العافية ومابغاش يبين لان محمد ميهضر بتاقاءية والصدنة اللي خلاتو يدخل ويخرج فالهضرة تا فيقو عهد
عهد: بين قوسين مراتي هاديك ماتوصفهاش قدامي كيما ماتبغيش اللي يوصف ختك اوك ...هاديك البنت الصغيرة اللي شفتي راه مرتي امحمد مللي يالاه كانت عندها 16 سنة وانا مزوج بيها ، يعني كتكبر على يدي وكتعلم على يدي
محمد : (رتب على كتفو) الله يكمل عليك بالخير ...مهم انا تفكيري مشوش كنضن غدا غنرجع لقطر من بعد ونعاود نرجع ...مانعندي ماندير هنا اللغز تحل ..دوماج
كرم مشا للانتيرفون اللي فالحيط عيط ليهم طلعو 8 بيهم كيجريو وواقف عليهم المراقب وكرم فوق راسهم كيقادو البيت ويستفو الحوايج وكل حاجة على خقها وطريقها وعطروه بريحة زوينة عاد دخل عهد هاز بنتو فيها النعاس هزها من البياص ديالعا ناعسة فيدو كيضحك معاها وخرجو هما خلاوه
عهد: غنعس غير انا وبنتي هنا ياك ههه
ذهب: انننن ..دد(ناعسة ليه على كتفو )
حيد حوايجو وتك فوق الناموسية عريان ومجلس دهب عندو كيهضر معاها وشعل البلازما كيتفرج وذهب كتحك وجها معاه فيها النعاس وهوا كيداعبها فعنقهاعهد: صاااافي بغيتي تنعسي؟ واصبري تا تجي ماماك ...ولا تا نتي بحالها فاش كيشد فيك النعاس كتخمري ، انا جبتك تونسيني ونيت باش نديرو لماماك المصيدة ونجروها عندنا حيت ديك شنيولة غتخرج تقلب عليك فين كاينة وتجي...نحسبو حد عشرة انا وياك ويلا ماجاتش صافي نعسو...يالاه 1...
غيثة بقات كتمشي وتجي بغات تفرقع وكتهضر بوحدها
غيثة: كن دابا راه ناعيس مع ديك خريوة 😨 هيييه وانا مخليني هنااا😨
خرجات كطير مشات جيهت بيتو حطات ودنها ماسمعات والو ودخلات للبيت اللي حاداه خرجات للبالكون ونقزات للبالون لاخر ديال البيت اللي فيه غدير وحلات الزاج بشوية طلات لقات غدير ناعسة ودخلات كتسلت للبيت وقفات ليها عند راسها كي الجن كتشوف فيها وهزات مخدة اللي حداها يالاه بغات تحطها ليها على وجها ورجعات حطاتها وخرجات كتسب بينها وبين راسها ، مشات كتسلت فالكولوار بسوميج دونوي مقزبة والشعر مسبسب كيبان غير خيالها وكتهضر بوحدها
غيثة: غيكون ناعيس فالبيت ديال ذهب بااينة
مشات كطير لبيت ذهب حلات الباب مالقات تا واحد وهي تفيق المربية مخلوعة
غيثة: فااين بنتي؟؟😠
المربية: مشات مع باباها داها لفوق
غيثة: فاين؟
المربية: ماعرفتش!
خرجات غيثة مشات طلعات لفوق كتسارا بين البيتو وكتقلب حتى باب بباب حتى وصلات لواحد الباب كبير وعالي منقوش ومزخرف وقفات كتشوف فيه .
عهد : 9...10 (سمع الباب تحل وبلا ماستلف بدا كيبتاسم بوحدو وهي دخلات لقاتو متكي ومنعس ذهب عندو ودخلات سدات الباب
غيثة: عطيني بنتي😠
عهد: غدا خوديها وسيري فخطرة ...طلعتي ليا فراسي
غيثة: (بقا فيها الحال) عطيها لي دابا 😢
عهد: تصبحي على خير تقلب بلا ميشوف فوجها عطاها بالضهر وخلاها وهي تقرب عندو بغزفة باغيا طرطق وشداتو من كتفو جمعات ليه قمشة وعضة
غيثة: اعععععععععنننننن😬
خلاها تا بردات وهس ترجع اللور كتبكي وتشهق وتلفت شافها لقاها بسوميج وجرها
عهد: غنطلقك غدا مع 8 دالصباح يالبرهوشة طلعتي ليا فففف...تفووو
غيثة: تفوو عليك نتا هااااك لمياااك (ركلاتو لحجرو وهو جالس على ركابيه لابس البوكسر وحل رجليه عطاتو ركلة تا شد فيه كارز على سنانو وهي تنوض كطير بغات تهرب
عهد: احححح ...والله لاخرجتي
بغات تهرب وناض كيطير شدها فلباب جرها من قرفادتها وشاد بيدو فالمعلم كيحك فيه كيبرد الضربة ولاحها فوق النوموسية وطلع عليها كالاه برجليه وخرج المعلم من السليب كيشوف
بدا كيضحك وهي كتبكي من نيتها بغات تموت وهزها معنقاه داها للفراش خشاها حداه وهز دهب فسابع نومة واخا ناضت الحرب ماسمحاتش فالنعاس ديالها ، عطاها بنتها عنقاتها وجمعهم بجوج عنقهم وباسها فعنقها وتكمشات وبقا كيبوسها قبلات ممتثالية خفاف وساهي فيهم وهي كتنخصص بالبكا تانعسو
سطعو خيوط الشمس الدهبية وتسللو اداخل الغرفة نوروها وضربات الشمس فوق الناموسية فوجه غيثة وحلات عينيها البراقتين هازة يدها جيهت الشمس وكتحاول تحلهم بزز وهما كيبريو ، حدراتهم لقات عهد ناعس فاحضانها على صدرها ومعنقها من خصرها بحال شي مخدي وخاشي يدو بجوج مور ضهرها وناعس مخبي وجهو بين صدرها ، باتاسمات وخفق قلبها وهي كتشوف فيه غارق فنوم عميق و كيتنفس بسهولة واخد راحتو بحال الى اول مرة كيرتاح فالنوم ، هزات يدها كتداعب ليه شعرو بين اصابعها وشافت فذهب لقاتها فسابع نومة منشورة حداهم حاللة فمها وريوكها هابطين ؛ جوج سواي ع وهي فايقة كتلعب فشعرو الرطب وكدوز يديها على هضبات كتافو وعنقو وها كيقلب راسو مرة يديمن مرة يرة يسار كيتجاوب مع مداعابتها وهوا فاعماق نومو كيحلم تا فاق كيتحرك وهز راسو شاف فيها وهي هابطة بيدها على جبهتو كداعبو ، شاف فيها بعييون مكمشة كيشوف غير بين رموشو وحاجب الضو باش ميدخلش لعينيه وهما كيلمعو بلونهم الرمادي المغلوق ، ابتاسم فور شافها قدامو وبلا ميهضر رجع خبا وجهو فعنقها وزاد عنقها بيديه وكان مستاعد يرجع فالنعاس وهوا فديك الوضعية تا هضرات غيثة بصوت خافت رقيق تنهد هوا مللي سمعو بحال الى كيعلن الاستسلام ليها غيثة: عهد...
ماجاوبهاش واكتفى يسمع صوتها وسميتو كتخرج من فمها وخوا مشلول فاحضانها كيتنهد وخلاتو ورجعات لمداعباتها ليه بيديها الصغيرة على وجهو ولحيتو وودنو فترة طويلة تا رجع فالنعاس
ذهب: اااااهعععغغغرررر. .
ممي مه اعععععععععنننننن.( بدات كتقاب من جيهة لجهة كتعلن الاستيقاض ديالها باش تحط فوقها يد حنينة تهدنها قبل ماتحل عينيها وتحمييها للغوات ، غيثة بغات تمد يدها جاتها بعية وعهد ناعس عليها ماعندهاش فين تحرك تا طلقات ذهب زواكتها بدات غيثة كتحكك بغات تقرب وهوا ينوض عهد هز راسو وعينيه مجبدين تكى على ضهرو كيتفون وغيثة جرات ذهب عندها كتركل ، عهد كيشوف ساهي كينوض مسخسخ فشلان خاصو شحال يبقى فبلاصتو متكي عاد كينوض، بدا كيبتاسم فصمت وكيشوف فيهم وهي تجبد ليه ذهب بغات تمشي عندو
عهد:(كيضحك فشلان) ههههه
غيثة:😠 (مارضاتش)
عهد: هههه اجي عند دادي (جر غيثة ) اجي تانتي عند حبيبي
عنقهم بجوج وطبع قبلة على فم غيثة وهي نساجمات معاه دغيا شبكوها بوسان بوش ابوش وذهب كدفع فيهم بيديها
عهد: هههه هاكا كنت انا فاش كنت صغير ...كنت ديما محرمها على الواليد
غيثة: هههه😍 عاودلي
عهد: اش غنعاود ليك؟ الكوارث؟
غيثة: وا غير عاودي لي
عهد: (كيشوف فيها باستغراب) غيثة كتبكي؟
غيثة: لا هاد العينينة ساعا ساعا كتبكي بواحدا
عهد: وعلاش ماقلتيهاش ؟عاد بدات كتبكي؟
غيثة: لا شحاال هادي
عهد حط يدو على العين السليمة
عهد: كتشوفي بيها مزيان؟
غيثة: لا شوية؟
حط ذهب على صدرو وشدها من وجها كيتأمل ملامحها بخوف
عهد: واديك الساعة قوليها قوليها نشوفو مالكي(عنقها )
ذهب: اااننننننخههههههنننننن😭😭😭
عهد: تأ...خنقناها بلاتي ....يالاه فطري نشوفو مالك عينك كتبكي
غيثة: واخا
ناض عهد تقكيرو مشوش الوقت الكامل دخل دوش وغيثة هزات بنتها خرجات وهوا توضى وخرج لبس سروال اسود وتيشورط كحلة مزيرة على تضاريس جسمو وطلق السجادة ديال جدو صلى عليها ، غيثة رجعات لبيتها دات بنتها للمربية ومشات وجدات راسها باش تهبط تفطر والغوباشة على وجها ماحاملة تشوف تا واحد واحد ، لبسات قفطان سامبل طويل ايفازي فالبوردو ديال الموبرة جاها راءع مع فصالتها ولبسات بلفة ديال الصم الحر وطلقات شعرها البني الامع الطويل ولاحت شال خفيف على راسها بلا مادير لا مكياج لا حتى حاجة ونزلات لفات كلشي مجموعين على السفرة وكل واحد شاد بلاصتو كيما العادة ، الكل مهموم ما عدا ميساء ونور هما اللي ضاحكين ، هبطات معبسة تا وصلات عند عهد وناض جر ليها الكرسي جلسات حداه على يدو الايمن وبداو كيفطرو، شي ميشوف فشي بعينيهم وغدير هازة راسها وحركات الاميرات وتباتة والرزانة ومروى كذلك وغيثة حانية راسها على طبسيل ابيض فيه الديسير كتاكل حشمانة وعهد ساهي فالكاس تفكيرو مشوش كياكل باسنانو الامامية بشوية ومرفوع مع الحالة ديال غيثة تا شافيها بحزن وهوا يلاحض الدم نازل مع نيفها وهي مارضاش البال تا قطر ليها فوق الطبسيل وتهز من بلاصتو خلعهم كاملين وغيثة شافت الدم قطر فالطبسييل تزاد معاه الزايد بغات تحط يدها على نيفها مخلوعة وعينها كدمع وشدها ععد والرعب فعينيه كينهج هز ليها راسها وعصر ليها نفيها بيدو من الدم تا تطلات كاملة ، كلشي تهز من بلاصتو مخلوعين و كاين اللي عاف الدم وهوا كياكل فوق الطبلة بحال نور ومروى غدير وكرم حيت فمهم عامر بالماكلة عهد: (بخوف) هزي رااسك ماوقع والو ماتخافيش غير شوية د دالدم ماش شي حاجة
غيثة شافت فيه بخوف فعينيها ويديها كيترعدو
غيثة: علاش كيسيل الدم...شنني عندي؟
عهد: ماعندك والو ماتخافيش مكاين تا حاجة
مسح ليها نيفها بزربة وكرم بلا ميقوليه شي حد شي حاجة مشا عيط الاطباء وعهد شاد لغيثة نيفها
عهد: كضرك شي حاجة ؟ كتحسي بشي حاجة؟
غيثة: لا غير الحريق فراسي صافي
غدير كتشوف التوثر فعينيه وفاللحية اللي نقص منها ووسامتو وهوا كتوثر كيشوف فغيثة ومكيبان ليه تا واحد اخر حواليه
نضال: واش عيانة؟
عهد: ماعرفتش عاد نشوفو مالها؟
مروى كتشوف ماوقفاتش كاع وزادت كرهات غيثة لانها مقاطعة هي وراجلها و ولدها بسبابها
نور: واش كاين شي مشكيل؟
ميساء: غيثة...واش سافا؟
غيثة كتشوفيهم دايرين بيها الشيء اللي خلاها تخلع كتر على راسها وهي كتشوف الخوف فعيونهم وفعينين عهد ، هزها داها لبيتو اللي لفوق كاع بلا ميعير انتباه لحتى واحد اخر وبقات غدير جالسة مقجوجة فبلاصتها كتشوف ممصدقاش شنو كيدوز قدامها ، داها دخلها للشومبر حطاها وراسها مهزوز حتى وصل الطاقم الطبي فيه نسا ورجال والخوف ديال عهد على غيثة ماخلاهش يختار بين النساء وبين الرجال والاهم هو يشوف النتيجة سليمة ، جلس حداهم وهما كيقلبوها وكيشوفو ليها الضغط وبسرعة ناضو
الطبيبة: الضغط عندها نازل والسكر عندها طالع ونبض القلب غير منتضم خصنا نقلوها للانعاش قبل ما يتدفق الدم داحل الجسم و يوقع ليها نزيف حاد داخل الجسم وخا هي مكتحس بوالو حاليا ولاكن الى زادت شوية دالوقت غيجيها اغماء وطيح بلا متحس بوالو
عهد طار على غيثة بخوف عهد: ماتخافيش مغيوقع والو
غيثة: اواعدي شني هادشي نزل عليا شني واقع ؟ علاش كيقولو الدم ما الدم واش غنموت😢
عهد: ماغاتموتيش وخا نعرف نموت معاك غير غنديوك دابا ماتبقايش هنا وهانا معاك ماشي بوحدك ماتخافيش
هزهو فالبلاصة نقلوها للكلينيك نيشان للانعاش ونضال ونور وميساء وكرم كاملين مشاو مع عهد للكلينيك وكالعاظة تقربلات الدنيا بليكارد مورد وداوها لجناح خاص فيه جميع المعدات بلا متبقى تنتاقل من بلاصة لبلاصة ، وهي غادة فالبياص شادة فيد عهد مابغاتش طلق من يدو والكلمة اللي كتردد على فمها كل شوية وكتشوف فيه وكتبكي
غيثة: عنداك بنتي...بنتي ..بنتي اعهد عنداك بنتي
عهد: ماتخافيش اغيثة تا حاجة مغتوقع
وصلوها للباب وهي لاسقة فيديه بغا يدخل معاها وقفاتو الطبيبة كتحاول تقنعو غير بسياسة وباه وخوه كيجرو وهوا باغي يدخل معاها وكيشوف فيها خايف وغيثة كتزيد تزير ليه على يدو خايفة دخل تا دخلوها كتغوت وطلقات من يدو بصعوبة خلات ليه قمشة فيدو
جلس كينهج كيهدن راسو والطبيبة دخلات وتقطع صوت غيثة وكلشي جالس على اعصابو فوق الفوق الفوطوي فباب الانعاش وكرم هوا اللي كيتحرك على الاوراق و غادي جاي كيهضر مع ليكارد كورد والانصال مكيقطع مع القصر كيوصي ويعاود على ذهب خايف ينساوها بوحدها ، الفرمليات داخلين خارجين كيتجراو هازين الاوراق وغادين جايين بالاغلفة د ايكو كغافي والراديوات والتحاليل قدام عينين عهد اللي جالس كيسوط فبلاصتو
دازو ساعات وساعات و كلهم جالسين برى على الجمر كيتسناو فمكان خاص مقتبل مع تلباب دلانعاش مكيدوز منو حتا واحد من تما من غير اللي كيخرجو وخلو للانعاش ، تيليفونو كيصوني ويصوني وهو ممسوقش ليه شوية صونا تيليفون دنضال بعد كيهضر وكانت مروى هي اللي كتعيط كتسول على الاحوال ، فطع معاها وماهي الا دقاءق قليلة وجات هي وغدير عندهم كيسولو على الاحوال وجلسو وغدير جلسات حدى عهد وماعرفاش طبعو فاش كيتعصب يالاه بغات تحط يدها على كتفو وهوا يغمزها نضال باش متقربش ليه لانه فحالة قابل للاشتعال فاي لخضة على اي واحد كيما كان ، خرجات واحد الطبيبة طلبات من عهد يدخل معاها وشي واحد اخر معاه ودخل معاه نور ونضال لداخل بحال غرفة فقلب غرفة فيها باب كبير كيدخل للغرفة فين كاينة غيثة ، واقفين الاطبياء فالغرفة الامامية حدا الباب الداخلي للانعاش كيتشاورو ووجهم مخطوف شافهم عهد بغا يصعر ويعرف شنو كاين مع الدخلة دخل سخون عينيه فيهم الخوف وحمارو عهد: (بنبرة حادة) شنو وااقع هنااا؟؟؟
الطبيبة : (بارتباك) المدام السي سقراط عندها عرق مخنوق فرسها على مستوى الجبهة الشي اللي كيأدي لحريق الراس المستمر ودمع العين وحنا كنديرو الفحوصات (بقات ساكتة لمهلة) وحنا كنديرو الفحوصات باش نعرفو شنو عندها تقيات لينا الدم ولقنيا عندها قرحة فالمعدة بسبب الاعصاب والاضطراب النفسي و...
عهد كيسمع والهضرة كتنزل عليه بحال السيف واقف كيسمع بصدمة وهما كيهضرو وكيقولو شنو كاين
الطبيب: العرق اللي متعلق بأسباب نفسية وكتآب حاد وبقات كتجمع فنفسها تا وقع ليها سبب اللي خلا ليها العرق يتخنق وكان يقدر يطرق كن مسرعناش بيها لان كن كانت شي صمدة او جهدات راسها كثر كان يطرطق ليها فراسها ولاكن الاهم من هادشي هوا القلب ...عندها ثقب فالقلب ، هاد الفتحة هي اللي مامخلياش ليها الدقات مناضمين وكلو بسبب الاططراب ومتعلق بالنفسية ديالها
نضال: بففف
نور: الصمت
عهد: الفتحة فالقلب (كيحسب ) العرق فالراس والقرحة فالمعدة!!! (دوز يدو على وجهو بعصبية) كلشي سبابو انا انا اللي فرعت لها القلب وخنقتها العرق ومحنتها فحياتها
الطبيب: خفنا بداو فالعميلة دراس دابا ويسكت لينا القلب والى بدينا فالعملية دالقلب باش نسدو الفتحة خفنا تجيها اموراجي فالراس وسط العملية اما القرحة غير بالدواء غتبرى
عهد:(بنبرة حادة ) سمع ...انا كيهمني تبقا حيا والى وثعات ليها شي حاجة راه مغتبقاوش اطباء ...مابغيتش نزيد نهدد باش تركزو فالعملية ولاكن مغنعقلش على تا واحد الى وقع شي حاجة
الطبيب: بين العملية والعملية خصها الراحة مينكنش نديرو العمليات بجوج دقة وحدة
نضال: شوفو دابا اشمن عملية اللي تبداو بيها وتنجح بعدا عاد نشوفو شحال دالوقت نخليو للعملية تانية
الطبيبة: كنتمناو من الله نجحو هادي اول مرة كيجيو لينا جوج عمليات وحدة اخطر من الثانية الراس والقلب اصعب عملية
الاطباء كان خاصهم الدعم والرفع من المعنويات باش يقدرو يخدمو ومايخافوش وخصوصا المعنويات اللي طلعو ليهم آل سقراط بدل التهديد والرعب اللي مغيجيب تا نتيجة ويقدر يكفس الامور مثر ماهي مكفسة، وحتى من ملامحهم تبدلو تصدمو لاول مرة كيساندهم آل سقراط وهادشي خلاهم يدير الثقة فراسهم ورجعو للانعاش عند غيثة وعهد ونور ونضال قربو من الزاج كيشوفو غيثة وهي ناعسة على ضهرها عاطيينها مهدىء وماعارفاش اشنو عندها و اش نو غيوقع ليها ومابغاوش يخلعوها باش مترتابكش ويوقع ليهم شي مشكل فالضغط وينفاجر العرق ، قلبات وجها شافت فيهم بعينين دابلين ودايرين ليها السيروم فيدها وقياس الضغط فصبعها كيتسناو كيوازن باش يديرو ليها البنج حتى يهبط ارتفاع السكر ويتوسط انخفاض الضغط باش يقدرو يديرو ليها البنج ، عهد كيشوف فيها بحزن من الزاج ونور كذلك ونضال تأثر بالمنضر ديالها وهي كتشوف فيهم وكتبكي فصمت ودموعها نازلين ، هزات يدها بدات كدير ليهم باي باي وهي فشلانة وتقلبات على جبها بزز عطاتهم بالضهر ومشا عندها الطبيب تكلم معاها بينها وبينو لمحات ليه بشي حاجة وخرج عندهم
الطبيب: غنردو الريدو دابا الى سمحتو تفضلو
عهد: واقف حدا الزاج مصمر بصدمة كيشوف فيها عطاتهم بالضهر ورخات يديها قدامها والصورة ديالها كدير ليهم باي باي مابغاتش تخيد من قدام عينيه، نضال كيجر ونور كيجر وهوا بحال الحجرة مابغاش يتحرك حتى دخل الطبيب قلب الريدو من لداخل ، عهد تحجرو الدموع فعينيه و تحلو على كبرهم كينهج مابغاش يتحرك ، دخلو ليكارد كورد جروه بستة وستين كشيفة وهوا ماغوت ماقال والو غير كيدور فدوانة ديال الصدمة تا خرجو باه لبرى كاع قدام اعين مروى وغدير اللي شافو وجهو تخطف بحال الى شاف شيطان قدامو .
خرجو نور ونضاا لبرى جلسوه على واحد الكرسي عطاوه ليكارد كورد قرعة دالماء شدها بيدو المرعودة اللي ماقدراش تحكم فانساك الفرعة وهوا حاني راسو ورجالهم دايرين بيهم بحال الى خرج من حلبة المصارعة ، نضال جلس على ركابيه كيطل على عهد وهوا يقا دموعو هالطين مع نيفو وكيتنخصص، نفسو كتقطع ويديه على راسو كيشوف فالارض ، حار نضال لحال اللي وصل ليه عهد وهز راسو فنور كيشير ليه بصبعو انه كيبكي و كيهضرو بعينيهم بيناتهم وبقات ساكتين ماهدروش وعهد مهزش راسو ومابغاش تا واحد يشوف دموعو اللي فضحوه ومسحهم وهز راسو تكى موراه على الحيط نيفو حمر ودنيه حومر وراسو تزير غيتفركع وعينيه مغمضين كيشوف غيثة كتنقز ودردك وضربو و تفرح وتبكي قدامو وكيشوفها ناعسة فوق البساص كتودع لا حولة لها ولا قوة وكيشوف راسو داك المتكبر والمغتصب اللي دوز عليها المحاين ، مغمض عينيه الكوحل وعاقد حجباو وضهرو عرقان وجسمو تنفخ تا خرجو العروق ...سارح بين ذكرياتو الزوينة والخايبة تا طلع ليه المشهد اللي دخلات عليه فيه وهوا مع نانسي فالفراش اللي خلاه يتهز من بلاصتو بلاهواه وقف وبقا شافو باه وخوه مافهموش هاد ردة الفعل ديالو وعارفينو من الاول انه كيدير ردات فعل على غفلة ، هادا هوا عهد كيسكت والسينتة كدور او بالتخرى هوا اللي كيدوراه وكيجمع كاع الحوايج السلبيين باش يعدب بسهم مفسو ويلوم بيهم راسو وكينوض فجأة من غير سابق اندار ماكرهش يقتل راسو حيت كن شس واحد اللي دار لمعشوقتو داكشي كان يقتلو بلا اذن بلا دستور ولاكن فجأة ميلقى راسو هوا السبب للحالة الميأوس منها اللي وصلات ليها وكيبقا واقف كيحفر فداتو وينهش بحال المحرات وكيلوم فنفسو . بقا غادي جتي حداهم ببطىء كعادته كيميمواريزي بينو وبين راسو تا هز واحد البرميل غارسين فيه الورد برجلو تا لسما ولاحو فوسط الطريق من غير مايشعر او يحس بالقل ديال البرميل ، فلحضة رجع داير يديه فالجيب كالم بحال ال مادار تاخلحة ومغمض عينيه وغادي جاي كيخمم وكينهج ماعلابالوش فين هوا ومعامن هوا ، جراو ليكارد كورد حيدو البرميل من الطريق والناس كتشوف حدا الكلينيك كيبان ليهم بحال شي واحد كيتدروكة وخاصو الغبرة باش يتهدن ، نضال ونور كيتغامزو بعينيهم ونضال غادي جاي حداه راد معاه البال لايضرب راسو يشثو مع شي حيط وداكشي اللي كاين زرب زربة بحال البرق بغا يضرب راسو وشدوه جلسو وهوا كيترعد ومعصب كيعاتبو راسو بينو وبين نفسو وهادشي اللي كيخليه يتهز وكيشوفوه كينوض بحال لا قرساتو شي حاجة ومكيفهموش مالو وغير دايرسن الاحتياطات وصافي .عيا جالس فالاخير ناض وهما غاديين معاه مفرقوهش عليهم مشا حدا الباب دالاعنعاش دخل لواحد الشومبر خاوية كلاص ديال المرضى فداك الجناح المخصص للناس دوي النفود و دخل نوراه نضال واقف هوا ونور وغدير مافاهمة زالو جالسة كتشوف بعينيها ومروى تا هيا كذالك ، دخل لواحد الدوش حيد السبرديلة الكحلة والتقاشر ودخل توضى وخرج بنفس الحوايج اللي جالس بيهم فالقصر سروال شورفيط اسود سبور وتيشورط سامبل فالاسود كيشهد شافو نضال توضاء وجبد تيلي شاف ليه القبلة فين جات ونعتها ليه وفرش فيها خطاء فالارض وبدا كيصلي بصوتو الساحر اللي كيخلي كاع البنات معجبات بيه وتسمع صوتو حتى لبرى وهوا كيجود ومعكل فالعربية مخيرجش الحرف كاملين وكيصلي
نضال: صافي خليه هاكا حسن ..
نور: واش قبيلة قلتي ليا نعيط لباها ؟
نضال : يالاه نخرجو خليه بوحدو دابا غادي يتهدن شوية ، جبد النمرة دباها عيط ليه وشوف معا فين هيا راه هليتها فالدار اللي فالجبل فلندن ، علم العاءلة ديالها يجيو يشوفوها ماحدها حية وعلى الله ماتموتش
نور: اوك
نور عيط لباها وكرم سيف ليه الشيفور يمشي طاير عندو يجيبو و عيط على مها اللي ماجتيبة للدنيا خبار وكيسحابها بنتها مزالة مع عهد فالباطو ، ونور خلا الطيارة ديالو تما فلندن وجا مع باه و سيفطو ليها الشيفور يديها للطيارة تجيبها ، تاصل بخالها علمو وشي كيعلم شي وكلشي شادين الطريق كيجريو ، رجع نضال دخل لقاه ساجد كيبكي بوحدو وكيدعي الله ماتموتش وترجع بصحة جيدة
أنا أحترق الجزء 33
محتوى القصة
التنقل بين الأجزاء