عهد: كنبغيك (باسها فمها) وكنموت عليك ...وبنتك فالصباح فاش خرجت من عندك عيطت ليهم يجيبوها وقلعو مع الفجر وبنتك راه لتحت دابا مع المربيات كتسناك ، وتعطلتي عليها وطلعت نقلب عليك
هضرمعاها وعينيه كيشوفو فيها بحب وكيقراو شفايفعا كيف كيتحركو ورموش عينيها كيف كيرمشو وهي فرحانة كتسمع وعينيها كيبريو بالفرحة ، عنقااتو وباستو من جبهتو كيما كانت كتبوس باها فاش كيتصالح معاها، الامتنان والفرحة و الحب و الوصف اللي توصف بيه الشكر ديالها ليه كتجمعو فقبلة على جبهتو وهادشي كيخليه يتعلق ببها كثر ويحس بالعواطف والبراءة ديالها اتجاهو ، وكيزيد يتشبت بيها نهار على نهار واخا حبو ليها قوي من البداية وانما بحال هاد الحركات كيخليوه يشوفها غير هي وميخسرش ليها الخاطر و عارفها صغيرة ومتهورة و ردة فعلها داءما طبيعية ماشي متصنعة واي حاجة عندها فالقلب كطلع للسان بلا متفكر ، عارف هادشي وعارفها مزيان وكيزيد يكتاشف بزاف ديال الجوانب فيها بحال الحشمة و الاحترام و والمكانة العالية اللي كتحط فيها باها وكلشي من ترابيها بلا نفاق وعفويتها قدامو كتخليه ساهي فيها كيفكر فيها ، حافظ البنات وفعايلهم وقاري كيدهم و كيوزنهم من الشوفة وتجاربو مع الجنس اللطيف خلات عندو خبرة دغيا كيهزهم ويحطهم ويقراهم ، و كيتعامل مع كل واحد كيفاش كيستحق وداءما كيميك وكيدير راسو ماشف ما فاهم ما عارف اش واقع وماشي من النوع اللي عزيز عليه النكير ويفضح ويدير عليهم الفاهم العايق الا اذا دعات الضرورة كيهضر بجدية وباختصار بلا ميدقق فالتفاصيل.
نزلات كطير وهوا موراها ، مشات لقات باها هاز ذهب فيدو فرحان بيها وفرحان حيت كبرو بيه وجاو عندو ومعمرين عليه الدار وزادت غيثة كبرات فعينو فاش نسات المشاكل ديالها معاه وسامحات بقلب ابيض وماحقداتش وعرفات بحق الكبدة وكبرو بيه و عطاوه قيمة قدام جيرانو وبان بللي عندو علءلتو و ماشي بوحدو كيما كانو الناس كيشوفو ، كبرو بيه قدام عاءلتو وخوتو وعطاوه وقت وجلسو عندو بكل تواضع و ولات سيرتو على كل لسان و رجعو الناس كيديرو ليه اعتبار وهادشي كامل كبر فخاطرو وشاف فبنتو شوفة اخرى والبنت هي اللي كتعز باها او كدللو على حسب تربيتها واخلاقها ، مقصرش من جهدو واخا متقاعد و ماعندوش الفلوس كيضايفهم وكايحاول مايخصصهم من حتى حاجة وهادا تعبير على الفرحة الكبيرة اللي كيحس بيها وحط عهد فمكان ولدو اللي مولدش وكيغطيه ديما فاش كيكون ناعس وفرحان بيه وبأخلاقو وتواضعو و محسسوش انه ماشي من المستوى باش يجلس عندو فالدار ديالو ويتكبر و يحتاقر الناس اللي ماعندهمش ، كيحتاقر اللي كيستاحقو الاحتقار ، و ماعمرو مد لعبد الماك الفلوس ليدو او يحسسو انه ماعندوش ، دارها بطريقة خلات عهد كبر فعينينه وعمر ليه الكونط سرا باش ميتزيرش فالمصروف وخلاه هوا يصرف ويجبد من الفلوس اللي حط ليه فالبنكة بلا ميقولها ليه وبقات هاكاك سرية وباها عرف بللي عهد دوز ليه مبلغ كبير فالحساب ديالو فرح وسكت وماجبدش الهضرة باش ميتحرججش وكذلك عهد ماجبدش الهضرة بصفة نهاءية وجلس خلى عبد المالك مكلف بالسخرة وكيتقدى بارتياح وبكبرياء كيضايف نسيبو وهوا مرتاح.
هزات غيثة ذهب كتعنق فيها وتبوس وذهب كتغوت وضحك من جد عقلها فرحانة والمربيات ديالها جالسين كيشوفو فالدار ويتغامزو واخا الدار مصلوحة ومقادة على حقها وطريقها ومأتتة والصالة مفرشة بطلامط البهجة و الكوانات والريدوات و الطبالي منقوشين والجبس فالصقف بالتريات ديال النحاس وديكورات ديال النحاس وصالة محلولة فصالة والزرابي وكلشي مقاد و متول لان ملاك فرشاتها فراش بلدي مغربي على حقو وطريقو وكيما معروف على ناس تيطوان التوايل والاتات والفراش و الاناقة فكلشي ، ولاكن كيبقى القصر قصر...لايقارن باي بيت او دار او شقة كيما بغات تكون ، عهد وقف متكي بكتفو على الحيط ومربع يديه ساهي فيهم وحدة كتعنق الاخرى وبنتو موحشة مها وغيثة غتسطى على بنتها ، بقات شحالو كتعنق وتبوس وعهد ساهي مرة مرة كتخرج ديك النفس مع ضحكة خفيفة كيحرك فيها راسو يمين يسار على عقل غيثة فعقل بنتها ، وعندو جوج براهش خاصو يربيهم وحدة كتمشي على رجليها وعقلها صغير والاخرى يالاه ناوية تبدا فالتشيطين والجران وتبقشيش وكتحبو وتكتاشف الحياة...دازت لحضة صمت وهي تنقز غيثة من دون سابق اندار
غيثة: علاش اللي منطلعوشي نالشاون نسساراو؟؟؟
عهد: ؟؟
عبد المالك: !
غيثة: (شافت كلشي كيشوف فيها وهي تكمش كتفرنس بزز) هيهيهي...غير قلت زعما ماكاين مانعملو نطلعو نساراو فالشاون !
بقاو كيشوفو فيها باستغراب وهي كدور فعينيها عهد: فين؟
عهد: (شاف فالمربيات) غتمشيو لطنجة تا تحتاجكم و اجيو
ناضو حناواه وهبطو عند الشيفور اللي جابهم يردهم لطنجة ، غيثة ناضت هازة دهب فرحانة بيها عطاتها لباها ودخلات للدوش دوشات وخرجات ناشطة لبسات لبيسة فالصومو بلدية و عصرية فنفس الوقت ، واسعة تا لارض وعندها اليدين واسعبين ومصيريين من الكمان على شكل فراشة وفيها فتحات فالجناب هالطين مع الفخاض تا لتحت وعندها سفيفة لقدام فالصدر، للسات معاه سروال دجين مزيير مطوي طوية وحدة صغيرة ولبسات صبرديلة اديداس ببضاء عصرية وهزات ساك مربع صغير فالصومو من ماركت ديور لقات وضغرات شعرها للجنب وخلات قثيصة نازلة و هبطات لتحت عند عهد لقاتو جالس شاد دهب فيدو في فسيارة كاط كاط كحلة من نوع بورش وباها حداه جالس ورجالو اللي جاو مع ذهب من مراكش واقفين فالزنقة والناس خرجو كيطلو ومجموعين بحال دايين الهدية بالدقايقية ، ركبات للور قدام عينين النا كاملين وعطاها عهد بنتها شداتها فيدها كتركل فرحانة ، شاف فيها من المراية ضاحك عجباتو فاللون الصومو جاها زوين وحاضيها من المراية مبتاسم كيشوف فيها وهي مرة مرة كتشد فالدفيرة ديال السبولة بصبعانها وتبدا تلعب ، مشاو شدو الطريق عبر الجيبي اس وخلاو ليكاردكورد اللي جابو ليه البورش مامشاوش معاهم، وصلو لساحة وطاء الحمام فالشاون، سطاسبونا الطوبيل حدا الطوموبيلات فباركينك ونزلو ، عهد سرح عينيه غالمنضر والجبال اللي دايرين بالمدينة والخضورية والطبيعة ولقا كيدور عينيه تا بان ليه منضر زوييين قدانو ، لوحة راءعة خلاتو ساهي فيها وفالعفوية ديالها ، واقفة لابسة الصومو بااارد والدفيرة فالجنب والريح كيضربها لوجها والقصيصة على عينيها من دون ميكاب حناكها حمرين و شغارها كتاف وشفايفها وردية صغيورة ومنفوخين بحال باربي ، الريح كيطري ليها جلايل ديال الفتحة داللبسة والدجين تحت منها جديد ومستورة وهازة بنتها فيدها لحال شي مونيكة ديالها وكتغير عليها و معنقاها، طلعها من راسها حتى لرجليها بالتسامة وضربها بصبعو لنيفها بالضحك وهي كضحك ، بقاو كيتمشاو و مرة مرة كتخطف الشوفة فيه بلا ميعيق باها وكتبقى حاضية وسامتو واناقتو ومشيتو وهوا داير يديه فسروال الدجين ازرق ولابس تيشورط بيضاء مزيرة و ساعة فيدو وبراسلي خفيف فاليد اليد الاخرى اسود من لوي فيتون ونضارت بيلوط من لوي فيتون وحداء رياضي ابيض اديداس وغادي مسرح عينيه فالمنضر وعبد المالك كيوريه و يشرح ليه تاريخ ديك المدينة ، بقاو كيدورو وذهب مرة يهزها عهد مرة تهزها غيثة تا وصل وقت الغدا وداهم عبد المالك لمطعم زوين لونو ازرق بحال باقي ال منازل و المطاعم ، طلعو لفوق لسطح المطعم و و وقفو استنشفو راءحة الطبيعة والجبال والهدوء والسكينة وجلسو فطبلة فيها فوطويات بتوب مزوق وفيه الالوان بزاف ومزخرف بحال شي زربية ودايرة بيهم ديكورات وفانوس غوق طبلة تقليدي و الوان فاتحة كتريح العين وترخيها حطو ذهب بناتهم كتفركل فوق الفوطوي وعبد المالك جالس عاجبو الحال وعهد مخضر عويناتو فغيثة جات مواتية بديك اللبسة مع الزخرفة و الديكورات التقليدة منهم للسماء وكيطلو على المدينة كاملة، تحط الغداء على حقو وطريقو بالشلايض مشكلة و الطواجن كيغليو سخان ومشربوات والزيتون وكلشي متول والنادل اللي كيتسخر بجبادور وسروال قندريزي والسلهام وليكات بيضين فاليد زاد بالهندام ديالو جمالية على المنضر ، بداو كيتغداو عهد وعبد المالك كيهضرو على سحر هاد المدينة و مرة مرة كيظور وجهو لغيثة يشوف فيها وهي كترفس بطاطة فطبيسيل وتعطي لذهب ، الابتسلمة ماخطاتوش من اللحضة اللي شاف فيها غيثة ركبات موراه ، تجمعات الطبلة وتحطات انواع الحلويات المغربية وطلع راجل كبير بالجابادور والسلهام والطربوش احمر وليكات هاز سينية دالنحاس مدورة فيها الكيسان والبرادة كيشعل وجلس فالارض مربع حداهم فوق زربية ليضاء تفليدية فيها موزونات كيبريو ، عهد لقا راحتو وتكى على المخدة كيشوف فالراجل وهوا كيهز البراد تا لفووووووووق ويعمر اتاي ، غيثة حداه متصور وعبد المالك كيحزق بالفرحة ومهاز هم ومكسل فالارض حدى مول البراد كيتجمع هوا وياه بالشمالية؛ بقا خاصو غير الراديو عند راسو يتمزك للطقطوقة الجبلية وتكمل الفرحة ويولي يخرى.
عبد المالك عاطيهم بالضهر شاد الحديت حدى النعناع هوا ومول البراد و عهد هز راسو فغيثة وهي جالسة حدا راسو باتاسم ليها وهزات يدها حطاتها على شعرو كداعبو وهوا متكي على المخدة تحت راسو ومسرح رجليه ومغمض عينيه كيتموسق لصوت الرياح واوراق الاشجار وزقزقة العصافير والهدووء من غير صوت الطبيعة اللي كتكلم وكتلوح عبيرها ونسيمها فالهواء متهلي اب واحد اسنشفو يرخي اعصابو ويوقف دماغو عن التفكير كتنقي النفوس من الاكتآب والغضب والاعصاب وهواءها كينعش الروحj وينقي الصدر من الهواء ديال المدن المسموم بدخان المعامل والسيارات ، ذهب نعسات وتشرات فالارض حدا عبد المالك ، عهد ترخا واستحلى يدين غيثة اللي كيدوز رطبين بحال الريشة على وجهو وجبهتو و شعرو وهوا ساد عينيه ، كداعبو وتاكل فالحلوى بشوية عليها ، بقاو جالسين لبضع ساعات وهما يطلعو ليهم الحريرة والشباكية والتمر فطويجنات صغار والبيض مصلوق مقطع فالطواجن مزخرف والزلايف ديال الطين مزخرفين ومنقوشين ، زينو الطبلة ورحبو بيهم اصحاب المطعم لان فيه اوتيل ومطعم لتحت وغوق السطح عااالم اخر ، غيثة شاقت الحرية وهي تهاوش تحنات عليها كشرب فيعا بعينيها مغمضين ، مول البراد هبط وعبد المالك هبط لطواليط وعهد شاف هاكا وهاكا وهوا يشدها من الرقبة طار عليها ببوسة من فمها وهي مجلخة بالحريرة روى عطشو بديك البوسة عاد طلقها وهوا يطلع علد المالك جلس حداهم كيديرو كسكروط حيت طولو فالجلسة تما ، شربة الحريرة وبدا الضلام كيطيح وشعلو ليهم الفانوس التقليدي وشعلو الادواء فالفوانيس اللي محطةطين فالارض و عطاو جادبية وهدوء للمنضر ، الشمع اللي فالفوانيس زادهم رومانسية وهما جالسين تحت اضواء خافتة وهواء دفىء كيرعد القلب ، بقات غيثة ساهية فعهد بعينيها والحزن فيهم وهوا كيشوف فيها كيحاول يفهم نضراتها ليه ، بقات سارحة وهي توكض فلحضة وناضت غيثة: انا عادي نمشي نمرحاض ونجي
عهد: انمشي معاك ونتسناك برى ماتهبطيش بوحدك
غيثة: واخا
مشات وهوا موراع خلاو عبد المالك شاد دهب عاطيها الرضاعة حيت فاقت باغا تاكل ، دخلات لمرحاض حدا المريات ودخل معاها وسد الباب وتماها مع لافابو
عهد: مالكي؟ تقلبتي هاد العشية حسيت بيك ماشي هي هاديك؟
غيثة: بحزن) والو
عهد: مالك احبيبة واش قلقاتك شي حاجة ؟ ماعجباتكش شي حاجة؟
غيثة: لا بلعكس ...كلشي زوين
عهد: ومالكي مفرحاناش؟
غيثة: الصمت
عهد: شنو كيضرك؟ قولي ليا شنو اللي مقلقك؟واش حيت قلت ليك غنجيب ليك طونوبيل هاد العشية وماجبتها؟ راه كاينة واجدة غير نرجعو وتشوفيها والاخرى من دابا اسبوع تكون عندك
عهد: (تنهد) ااااغيثة راني هضرت معاك وعانتي كيشوفي تبعتك تا لهنى ورميت كلشي مورايا و كنشوفك غير نتي
غيثة: بحزن) لا...نتينا تبغيني مرة معاك مرة مع واخد اخرعهد بقا كيشوف فيها بصدمة عاقد حجبانو وهي كتشوف فالارض حزينة وكتهضر بصوت مرعود حامل بزاف ديال النواحيع والاحزان
غيثة: مابغيت حيتى حاجة من هادشي اللي باغي تعملو لي ...بغيت تكون ديالي ماتشوف فحيتى واحدة اخرى ، انا مكنقدرشي نتخيلك مع وحدة اخرى والله (هبطات دمعة من عينها) تشبر لي فيدي وتشبر لها فيدها، تبوسني وتبوسها ، تعنقني تعنقها ، منقدرشي منقدرشي منقدرشي عادي نموت ولا نحماق ، مستحيل ونشوفك مع وحدة اخرى وانا كنبغيك وكنحماق عليك ، كنحيس بقلبي كيتقطع والله واش عارف شني يعني كيتقطع ...راه نصبر عليك ميت فالكفن ومانصبرشي عليك ونتا فالفراش مع وحدة اخرى
عهد ساكت كيسمع وكيوزن هضرتها وهي كتبكي بلا حس وتمسح عينيها اللي كيقطرو على حوايجها
عهد: كتخربقي والله...ماكاين تا فرق بين البنت والولد وزايدوت اللي عطاه الله البنات ورباهم احسن تربية راه غيدخلوه للجنة والبنت دور تا تعيا وماتنساش واليديها بحالك ...واخا بعدتي على باك رجعتي ليه و مكبرة بيه وكتحسي بداكشي اللي ميقدرش الولد يحس بيه ، فهمتي ...انا بنتي كنموت عليها والله يسمح ليا هاني مخليها حاملة وجالس معاك بكل ارادتي
غيثة: طلقل لها
عهد: غيثة الله يرضي عليك هاد الموضوع ماشي هادا وقتو و حنا جينا نساو الهم ماشي نولدو ليه هم كبر منو
غيثة: الصمت
عهد: يالاه نخرجو ...غنباتو فهاد الاوتيل حتى لغدا ويلا عجبك الحال هنا نجلسو شحال ما بغيتي وفين ما بغيتي نمشيو نمشيو ، انا مرتاح وكنحس لراسي مرتاح معاك وحر ...عكس حياتي اللي كانت منحاصرة بين الخدمة الفيلا القصر الطيارة مكنخرج ما حتى حاجة ، عاد شفت الدنيا معاك وعجباتني الحياة وانا معاك وفمستواك ، المستوى ديالي ممل ...عمرني مشيت على رجلي بين الناس او تسخرت لراسي، كلشي ممل ...بحال الى محبوس ، وكلشي كيحضر تا لعندي بلا منمشي تا خطوة ، دابا العكس ، مستمتع بزاف وهاد المناضر الى كانو زوينين فعيني راه زوينين خيت نتي حدايا ومعايا وبنتنا بيناتنا ، مع واليديها ماشي بحالي انا كبرت مع المربات كنعرف واليديا غير بالشوفة تا وليت كنطير ومحمقهم عاد ولاو تابعيني وحاضيين معايا ومافاهمنيش انا علاش كبرت معصب و مصعور بحال شي دوبر مان ، داكشي كنت كنديرو باش يبقاو رادين ليا البال و يهضرو معايا ويديرو ليا الخاطر ، اما كن كنت ساكت ماكانوش غيعرفو ماع واش عندهم شي ولد ، ماتشوفيش فيا ديك الشوفة بحال اللي كيشوفو فيا هما ، صعيب قبيح كنفاعل و معصب ...بلعكس نتي اكثر وحدة كتعرفيني وعارفة عهد كيداير من لداخل وعمرو يشوف من غيرك والى بغا كيبغي من قلبو مكاينافقش ، واش فهمتي...راكي نتي الوحيييدة اللي كنهضر معاها هاكا وعارفة عليا شي حوايج اللي واليديا معارفينهمش ، نتي اللي كنعاود ليك بلا كدوب و كنضعاف قدامك ، نتي اللي بكيت عليها و حطيت سلاحي قدامها ومستاعد نركع ليها ، نتي الوحييييدة اللي عارفة عاد الجانب ونتي اللي كتحركي كي بغيتي وماعمر شي واخد شافو اولا غيشوفو اولا غنستسلم لشي حد من غيرك ، يعني نتي متميزة على كلشي ونتي نقطة ضعفي ونتي الحياة بالنسبة ليا ، عهد معاك راه واحد اخر عكس هاداك اللي كيعرغوه كلشي ونتي عارفة هادشي وشايفاه بعينك
غيثة بقات ساكتة كتسمع وهي تعنقو بحال شي بنية صغيرة وبدات كتبي وهوا معنقها كيواسيها تا سكتات وخرجات شادة ليه فيدو وهازة راسها كأنها ملكة وفعلا توجها ملكة فوق راسو ومربعة فوق العرش اللي فقلبو وكيوصل حتى لعندها كيسلم راسو ، خارجة وكاهضر بينها وبين نفسها و راسها مرفوع ويدعا فيدو وعيونها البريءة كيعبرو على تحدي وقوة وعزيمة و غضب ..
غيثة: (مزال ماتزادت هادي تشاركني فيك والى تزادت غنمخيها قبل متطلع و تنافسني فيك ، مستحيل من بعد ما ولات يدي فيديك نطلق منها و نخليك لوحدة حتى ثانية ...مرتك وحدة اللي كاينة هي انا وماكينة حتى وحدة من غيري ومنسمحشي لحتى وحدة اخرى من ليوم تشوف داكشب اللي كنشوف انا وتعيش داكشي اللي كنعيش انا ، كنواعدك نا تعاود تقرب لها ولا حتى تشوف فيها ولا تشوف غيرها...كنواعدك)
شدو غرف فنفس اللاوتيل اللي جالسين فيه ، باها شد غرفة بوحدو بعيدة عليهم وهما شدو غرفة اخرى ، دخل عهد هاز بنتو ناعسة على كتفو حالة فمها وشادها بشوية كتحرك بهدوء باش متفيقش وغيثة قدامو فرحانة ، دخلو شافو الغرفة كانت جميلة باضواء خافتة وفوانيس مضوية بالشمع وصقف من الخشب تقليدي مزخرف وجدرانو من الطين ومزوق بزرابي معلقين عليه ، غراش غالابيض والاحمر وزربية تقليدة فالارض و بنوافد كبيرة من الاعلى للاسفل مغطيينهم ريدوات مشبكين فالابيض والاحمر فاتح، عهد عجبو الشكل ديال اللبيت وراءحته الجميلة ومريحة بنكهة الخزامة ، دخل حط ذهب فوق الناموسية وسرح رجليه فارجاء الغرفة كيكتاشف سحرها واشكلها التقليدي ، دخل لطواليط كبيرة و المغسلها من النحاس والروبيني من النحاس شكلو راءع بحال شي ورقة ديال الشجرة كتخرج الماء وكذالك الرشاشة و البانيو كلهم من النحاس وزليج فالخيط ديال الفسيفساء ، متول ومشروش بالورد وفوطاتو مستفين وراءحة كتفوح منو زوينة ، شد غرفة من اكبر الغرف الموجودة عندهم و ، دخل توضا وخرج لقا غيثة لابسة قفيطين احمر تقليدي بلا حزام عندو الفتحات فالجناب وغيه سفيفة ديال الصم سفراء مع البليغة ديالو شراتهم فالوقت اللي كانت مدور معاهم فالمدينة، تقدات لراسها ولابها ولعهد حتى هوا واخا ماكانتش عندو رغبة يشري ، لقاها بحال شي اميرة بشعرها المطلوق على كتافها، شافيها وابتاسم وقلب وجهو بزربة بدا كيصلي ، صونا ليه التيلي ديالو فوق الطبلة وهوا كيصلي شافت فيه غيثة ودخلها الفضول وناضت مشات للطبلة دارت راسها كتعمر الكاس تشرب وشافت شكون طلع ليها لقات سمية د غدير وهي تكحل بالعماء ورجعات لبلاصتها كتسوط وتنفخ تا سالى عهد الصلاة وهي تبتاسم عادي وحاضياه ، هز تيليفون شاف شكون وبغا يخرج لبرى يهضر، يالاه وصل لباب وهيا تغوت غيثة غيثة: اااي ...رجلي ..اييي تلوات ليا ااااح
رجع عندها مخلوع شافها شادة رجلها واقفة بزز
عهد: مالكي؟؟ اري نشوف؟
جلسها وحيد ليها البلغة من رجلها بدا كيدورها وماسيها ليها بيديه و هي متعربها وضحك
عهد: ههه كنهرك؟
غيثة: اااه ااااهههه
عهد: هههه
بدات كتخرج رجلها من الفتحة توريه الفخاد وكتمسكن وهوا كيشوف حابس الضحكة وعاق بيها كتجبدو ، هز رجلها باسها وطلع عندها كيشوف فيها وهي كتحرك شفايفها بطريفة مثيرة بلا متعيق تا باسها ونساجمات معاه ، كيبوس ويحبس يتأمل ملامحها ويلعب ليها فشعرها وهي هيا يدها على لحيتو
باست ليه جبهتو بلطف وشدات يدو لي حلى حنكها قرباتها لفمها وباستها وهوا كيشوف فيها بايساها ومغمضة عينيها كتعبر على حبها ليه فقللات حنينة، دخل صبحانو فشعهرها وشدها كيبوس بحرارة فشفيفها وعنقها تا بدات كتأوه ، كيلوس كي شي عطشان مكيشبع ، بدا تيليفون كيصوني حداه من جديد وعوا يدور واحد اليد موراه سكتو بلا ميطلق من غيثة ، طلعات ليه التيشورط لاحتها وحطات يديها عى صدرو الوسط اللي بدا كيعرق من حرارة قبلاتها كتلمس عضلاتو بطريقة مثيرة من صدرو لكتاغو حتى لعنقو وهوا شدها من عنقها كيمص ويجر ويعض بلهفة ، تكاها وعلى طهرها وسل ليها حوايجها بسلاسة وهي كتبوش وتأوه تا خلاها عريانة وهزاها فوق الناموسة حطها وناض هز ذهب ناعسة حطها فالارض تبرد من السهد ورجع عندها كيحل السمطة ويوف فيه بابتسامة تا تعرى عليها وشافت تفاصيلو من جديد وسخنات غير من الشوفة وطلع عليها بحنية والاجسام كيتحاك من بعضها ودخلو فغيبوبة غرامية مرة يطلعها عليه مرى يطلع فوقها وهاتها الخافتة كسرات مسامعو وهيجاتو تا كان غيفرعها وهي تشهق طلباتو يخفف عاد نقص من الوتيرة و مشا معاها على قد المستطاع ديالها ، دازت ساعات وساعات حتى قرب يطلع الفجر عاد وقف وخلاها تاخد نفس وترتاح و لاسها فجبهتها وكل مرة كيبغي ينوض كيرجع يعنقها ويبوسها وعي كضحك عاد ناض دخل الدوش وهي تجمع رجليها بزز ودوزات يدها لتحت لقات راسها طيابة ماقدراتش حط يديها ، سمعات حس الرشاشة فالدوش وهي تنوض لاوية عليها ليزار و مشات ليه لتيليفونو هزاتو كتقلب فيه؛ لقات غدير معيطة ليه اكثر من 20 مرة وهوا داير ليه السيلونص ، دخلات للمساجات لقات عرام ديال المساجات كتعبر فيهم على شوقها و حبها ليه و كيجاوبها بعد المرات ، دخلات كتغلي ليزابيل لقاتو ميعيط ليها ويسول فيها وكدوم مدة المكالمة حتى لنصف ساعة ويوميا كتعيط ليه وكيجاوبها ، رجعات لميساجات لقاتها مسيفطة ليه اخر مساج بعد 10 دقاءق غيثة : هه مزااالة فايقة منعستيشي يا شرشابيل
دخلات كتقرى المساج لقات
"حبيبي توحشتك وبلاصتك خليتيها خاوية حدايا، مكنعسش الليل ونتا بعيد عليا وكنخسب الوقت اللي ترجع ليا فيه توحشتك ، شنو الحاجة اللي بينك وبين ربك حتى رزق بزوجة تسهر الليالي كتسناك ونتا بعيد عليها وتبغيك بحال اللي انا كنبغيك توحشتك "
غيثة: ههن ! قالك توحشاتو وبلاصتو خاوية ...اجي نوريك شنو اللي بينو وبين الله.
جاوبات على المساج اللي قرات وهي مغددة وكتكتب قبل مايخرج عهد من الدوش...
"اللي بيني وبين الله ذنوب لا تعد ولاتحصى وبغا يكفرها عليا بالصبر و الاحتساب ورزقني بيك وحسبنا الله ونعمل الوكيل " message envoyé
سافطات الميساج ومسحاتو ومسحات المساجات كاملين اللي سيفطات ليه غدير فبل مايشوفهم وحطات تيلي بلاصتو ومشات نعسات تا سمعات صوت القرآن كيتجود وهزات راسها لقات عهد لابس جبادور تقليدية زوينة رمادي مغلوق بسروالها كيصلي فيها ختارتها ليه غيثة واخا مابغاهاش ، لقا راسو محتاجها يبدل فيها
غيثة: في نفسها (هه مولاي السلطان والله لا شافت فيك شي وحدة ولا قربات جيهتك يا حبيبي انا بواااحدي)
رجعات دايرة راسها ناعسة تا حسات بيه حط ليها دهب حداها ونعس عنقهم بجوج حيد الفوقاني وبقا فسروال الجبادور كيداعب وجها ويدوز صبعو على شفايفها تا نعس
☉اصبحنا واصبح الملك لله .فاقت كتكسل وبنتها كتكور حداها ، شافت حداها مالقتش عهد حداها وناضت دخلات دوشات وخرجات لبسات جلالة عصرية فالاحمر باليدن عندها سفيفة رقيقة فالاحمر وبلغة جديدة حمراء و وجمعات شعرها لفوق بعد ما نشفاتو ، بدلات لدهب ودوشات ليها ولبساتها تا هيا خلالة صغيوة فالاخضر بلا كمام وجمعات الفدام دشعرها بمقبط اخضر ملكي فالجنب وهزاتها فيدها ورشات ليها ريحة خفيفة ديال الدراري الصغار وهزاتها فيدها فرحانين وخرجو هبطو تا لتحت مالقوش عهد ورجعو طلعو لفوق للسطح لقاوه جالس هوا وعبد المالك كيفطرو فالهواء الطلق ، شاد الكاس فيدو ديال اتاي وكياكل بالتقالة لابس جباظور ببلغتعا للي ختارت ليه غيثة تقليدية وموديرن فنفس الوقت وساهي قدامو تا شاف فيثة طالعة هازة دهب وابتاسم ومد يدو باش تعطيها ليه ، شدها جلسها على ركابيه كيهزز ليها فوق رجلو وهي كضحك و تعلق فيه وتشعبط وتعض ليه فعنقو وغيثة مبتاسمة بالفرحة ، عهد واخا كيشوف فيها ماشي بحال الشوفات اللي كان كيشوف فيها من قبل ، شوفاتو مقلقين وابتسلنة كيطلقها بزز وهي مادات ماجابت ، سالاو الفطور وهي تنزل للشومبر تجيب تيليفونها وعهد هبط تبعها وسد الباب و وقف جبد تيليفون ديالو كيفلب فيه وكيهضر ببرودة
عهد: شي واحد هز ليا تيليفون ودخل فلب التصاور و المساجات ومسح مكلمات ومساجات تا هما(كيشوف فتيلي)
غيثة: !!! كيفاش ؟ شكون مسحهم ليك ، شكون هزو ؟
عهد: (ببرودة) ماعرفتش ؟ حتى واحد مادخل لبارح لبيت معانا من غيري انا وياك ، شكون يكون دار هادي فنضرك؟
غيثة طلعات معاها السهدو وودنيعا حمارو و جعا تخطف وركابيها فشلو ومع ذلك بقات صامدة مابغاتش تبين واخا لاين عليها التوثر
غيثة: ياك ما تينا نسيتي ومسحتيهم
عهد: مكنضنش؟ (كيشوف ومطلع حاجبو) زعما ماعرفتيش شكون يكون دارها؟ حيت انا مكنعرفش نكتب مسج بالعربية ونسيفطو ...بيني وبين الله دنوب لتعد ولا تحصى وبغا يكفر عليا بالصبر والاحتساب داكشي علاش رزقني بيك وحسبنا الله ونعم الوكيل ، هادشي ماشي انا اللي كتبتو ، ولها نكون سكران منغرفش تكتب هادشي هادا
غيثة: اووووو وو لمن مشا هاد المسج؟ مايمكنشي شي واحد يسيفط مسج من تيليفونك !! انا مافهمتشي شنو هادشي؟
عهد: نتي مفهمتيش ! ...دونك تقدر ذهب هي اللي هزات تيلي لبارح وسيفطاتو بالغلط ، ولا انا فقت بلا منشعر وكتبتو ...هادشي ممكن بما ان لا انا لا نتي اللي سيفطناه غيكون هاد اللبيت مسكون اولا؟
غيثة: انا مافهمتشي شننو هادشي انا عمرني قربت لتيليفونك و قلبتو او ساقصيتك ياك!
عهد: امم (كيحرك راسو) دونك ماشي نتي
غيثة: لا والله مايانا
عهد: (كيحرك راسو) امم...اوك تا انا ماشكيتش فيك ، مي مللي حلفتي عاد تأكدت
غيثة: (هازة يديها للسماء) يالربي تسمح لي ياربي حلفت على الكدوب ، ياربي سمح لي باربي عمرني نعاود
ناضت كترعد غسلات وجها و ومسحاتو عاد رتاحت شوية وخرجات طلعات عندهم لقات غير باها وذهب ، قلبات بعينيها على عهد وهي تلمحو واقف بعيد يدو فجيبو كيهضر فالتيليفون وعاطيها بالضهر والصوت مكيتسمعش ، بقات كتشوف فيه والخوف والهلع فعينيها تا قطع ورجع جلس حداهم حط تيليفون وشاف فيها وحرك راسو بشوية لفوق ولتحت وشد ذهب وقفها فدامو مع الطبلة كيعلمها توقف وهي كطبل بيدها تا قاصت ليه تيليفون اللي حط على الطبلة وهي تقشعو غيثة دار ليه الكود وقلبات وجها كتشتت النضر ومتوترة
عهد: نمشيو؟
غيثة: خلينا هنا باقي ماتسارينا
عهد: انا مشغول غنرجع لمراكش ؛ بقاي الى بغيتي
غيثة شافت فيه كيهضرو برودة وعينيه فذهب كيلعب معاها وتصدمات من ردة فعلو
غيثة: ياك قلتي عتبقى معايا
عهد: وي مي خرجات ليا شي حاجة من الجنب غنرجع ، طولت هنا ...جوج سيمانات واتا معاكم
غيثة بقات كتشوف فيه وفالطريقة الجدية اللي كيهضر بيها وعي تنوض تبعاتهم جمعات حوايجها وهبطات لقاتو فالاستقبال واقف شاد تيليفون فيدو كيكتب ، وقفات حداه كتشوف فيه وهوا عينيه فالتيليفون كيكتب وماعطاهاش وقت خلاها هاكاك ودار تيلي فجيبو وزاد بلا ميشوف فيها تل تحجرو الدموع فعينيها وهي تبعو حادرة الراس مافهمات راسها من رجليها وموضحش مغاها الهضرة خلاها كتغلي بوحدها وكيتصرف ببرودة وكيشوف فيها شوفات صارمين ، طلعات فالطوموبيل لور وكتشوف فيه فالمراية على الله يهز عينو يشوف فيها كيما دينا مي تشوكات وماشاف فيها حتى نصف شوفة وطاح الضيم عليها وكل مرة تهز عينيها فالمراية كتلقاه كيشوف قدامو وجبهتو مكمشة بين حجبانو باينة فتعابير وجهو مقلق ، بقات ساكتة ماعرفات مادير ولا شنو تقول ولا ماتقدم ولا متأخر تا وصلو للدار
دخل هز حوايجو هبطهم لتحت وخرج الفيراري وحط البورش عطا سوارتها لعبد المالك ياخدها ، عهد كيتحرك ويطلع ويهبط وغيثة غير غادا جايا موراها باغا تهضر معاه ومقادراش ، كتشوف باغا تبكي ومزيرة مقجوجة طالعة نازلة موراه كتسنى منو يقول ليها شي حاجة تا بغا يركب وهوا يوقف عليه واحد حط ليه الموس فجنبو فباب الدار وداير راسو كيهضر معاه عادي لاش مايلفتش الانتباه، تزاد واحد اخر وتزاد التالث والرابع دارو بيه وهوا واقف كيشوف فيهم وحاس بالموس مغروس ليه فجبو....: بالاه طلع طلع دغيا داكشي بزربة وتحرك نخشيه لخويا فمسارنو
عبد المالك: ماترفد هم انا عيطت ليهم ، بلحق شني نقولهم فاش يجيو
عهد: تا حاجة مغيهضروش معاك غنخدم التيليفون بلل متصدع راسو
عبد المالك: طريق السلامة
ديمارا الطوموبيل وسط الجوقة وكلشي مخلوع كيشوفو وهربو خواو ليه الطريق وكاع دراري دالحومة حاللين فامهم ، زاد خلا ليهم العجاج اللور وخلا عبد المالك كيجري على الناس يبعدو ليه على طونوبيلتو اللي عطاه عهد ومايتكاوش عليها وكينعل ويسب تا وصلو اللوليس ولاسعافات هزو المضروبين و عطاو التحية لعبد المالك وهوا معنكر عاجبو الحال ، ماهي الا ساعات قليلة حتى وصلو ليكارد كورد كل واحد قد الدايناصور تكلفو بكلشي وتبعو البوليس فالكاط كاطات تا لكوميسارية ، اما غيثة شادة بنتها مكمشة فيها بحال المخدة وكترعد كتشوف فعهد سايك معصب و مكيشوفش جيهتها
غيثة: عهد..
عهد: بنبرة حادة ) شكاااين؟
غيثة: الصمت
سكتات وتكمشات وماعاوداتش هضرات وبقات كتشوفيه بنص عين بغاتو يهضر معاها ، زيراتها البولة وماقدراتش تقولها وبقات صابرة وكتمشي وتجي فبلاصتها تاشافتو داخل لبومبة و وقف
عهد نزلي سيري طواليط
خدا ذهب من عندها ونزل معاها داها لطواليط تا سالات وخرجات ودنيها حمرين ومخنوقة من التعامل ديالو معاها ، رجعها لطوموبيل ومشا جاب ليها الماء وبلاستيكة عامرة حلوى وعطاها ليها بالنفاخة وسد الباب ورجع كمل طريقو و هي كتنفب من الشكلاط والحلويات الطريق كاملة وهما ساكتين تا وصلو للقصر كانت غيثة نعسات وذهب ناعسة عليها وكيشخرو تا لقاو راسهم فالباب دالقصر وصوت عهد كيحيح ، حلات عينيها لقاتو كيهضر فالتيلي معصب وكيسب وقطع بزربة وشاف فيها
عهد: نزلي وصلنا
نزل وخلاها تا نزلات راسها هازة بنتها فيديها وغادية موراها كدور فعينيها وتشوف فالقصر ماحاملاش ترجع ليه
دخلات للقصر لقات غدير جالسة مرتاحة فوق الفوطوي هي المساعدة كيتجمعو ويشربو الشاي ديالهم ، شافتو غدير داخل وهي توقف ، قلبها كيضرب و عينيه فيهم الشوف ليه ، طالقة شعرها ولابسة عباية بيضاء ، غيثة شافتها وهي تشد فيد عهد بزربة لسقات عليه ودارت ابتسامة على وجها مابيناتش انها مقلقة ، وعهد شافيها بنص عين وخلاها شادة فيه تا جات غدير ضاحكة وحابسة الغيرة والفقصة فقلبها ومابياتش ليه ، بينات ليه وجه مبشور وقربات ليه عنقاتو فرحانة قدام غيثة وهي كتشوف بصدمة تا طلقات ليه من يدو وكترعد باغا تبكي ، حس بيها طلقات منو ومشات وهوا متبع ليها العين تا طلعات ويحد لغدير يديها على عنقو عهد: ساف الحمد لله...ماتعاوديش تعنقيني بهاد الطريقة علنا اوك
غدير: ااااه توحشتو بغيت غير فوقاش نكون انا وياه بوحدنا
ناهل: مرة مرة سخفي ليه ..راكي حاملة وضاروري تبوحيط باش يدير بحسابك
دخل عهد على مو لبيتها مخلوع لقاها كيما توقع ، طريحة الفراش و وجه اصفر بدون تجاعيد وشعرها مطلوق فكامل اناقتها ورقتها ، عينيها كيتلسقو ويدها الرقيوقة فين ما تحركها كتبدا ترعد ، نضال جالس عند راسها عينيه فيهم الخوف من فقدانها، جلس حداها عهد مخلوع لدرجة بردو يديه بالخلعة وشد ليها فيديها تحنى عليهم باسهم وغمض عينيه وهي تهز يدها كترعد حطاتها على راسو ودوزاتها على وجهو وكتشوف فيه بعينين دابلين والدموع محجرين فيهم وفمها كيترعد باغا تبكي ، الصمت...............حتى واحد مهضر او تجرىء يجبد الهضرة ، النضرات هما اللي كيعبرو ، هبط راسو وشاد ليها يديها جامعها حدى فمو ونيفو وساد عينيه ويدها ليمنية كتحرك بارتجاف فوق شعرو ......نطقات بزز وفمها كيترعد بصوت خافت جدا ومبحوح وكدوز لسناها على شفايفها وكتشوف فيه تا دمعو عينيهامروى: توحشتك
هز راسو فيها بكل أسى وحزن مالي عينيه وباس ليها راسها وبدا كيدوز يديه على خصلات شعرها الامامية بلط ليدو اليسرى وهي شادة ليه فيدو اليمنى وموركة عليه
عهد: حتى انا توحشتك
نضال كيشوف معصب وكاعي وحزين وجميع اللحاسيس تخلطو عليه وكيشوف ساهي فيهم وهما كيتبادلو نضرات الشوق والحنين مع بعضياتهم ، ام متعلقة لولدها لدرجة الجنون وابن متعلق بمو لاقصى الحدود ، هادشي خلاهم يشوفوه فعينين بعضهم بلا ميحتاج ينطق بيه اللسان و تسمعو الادن ، دقاءق طويلة وهما كيتأملو بعض حتى كسرو صوتها الخافت وشفايفها المرعودة
شافها لعيون حزينة وكأنه ندم على معاملتو ليها وعنقها كانه كيطلب منها تسمح ليه ، جسمو العريض غطا على جسمها النحيف اللي نقص فالوزن من يوم قطع معاها الحديث و رجع كيتجاهلها ، سكت حتى عيا ورجع هضر بجدية وكيشتت النضر
عهد: شنو وقع ليها؟
نضال: هه ...عاد كتسول؟ علاش جاي دابا؟ مسولتي فيها لا بمساج لا بتليفون ، بحال الى نسيتي بللي كاينة واحد المرى ولداتك وحملات بيك 9 شهور ورضعاتك من صدرها وكنتي ليها الونيس وبديتي كتقرب ليها حتى خليتيها تعلق بيك لدرجة مرضات بسبب التجاهل ديالك واخا عيات تصبر ومتبينش ، فالاخير قطعتي معاها لحبل وخليتيها كتسول عليك بالنهار وبليل ...الى كانت كتغلط راه كتغلط حيت كتبغيك و خايفة تخسرك وينقص اهتهامك بيها ، وكدير المستحيل على قبلك ، على قبل ولدها ...راه القطة اللي كنشوفو ضريفة و اجمل كاءن براءتها كتخليك تبغيها ونهار يقرب ليها شي واحد لولدها راه كتقمش وتخرج نيابها ...هادا حيوان وشوف شنو كيدير على ولادو ، مابالك انسان ، ونتا اللي كنتي صغير وكتفيق كتبكي عليها ومكتسكت حتى نجيبوك عندها وخا تكون ناعسة كطلع تنعس عليها وتبدى طبطب بيديك عليها ...كنتي كتغير عليها ونتا صغير مني ومن ولادها و ديما لاسقها ...كبرتي وترميتي فاحضانها كتشكي ليها همومك ديما ، كتبقى مسهرها الليل كامل وكتخليني انا بوحدي فالبيت كي الحنش كنتلوى ونتسنى فيها ، والسي عهد شادها بالهضرة والتكرير معاها الليل كامل ، ياك كانت هي صندوق اسرارك وعمرها ما خرجات شي حاجة عاودتيها ليها وديما كتجي من جيهتك .....خليتيها تا ولفاتك وتعلقات بيك وقطعتي عليها كلشي ! ودابا كتسول شنو وقع ليها؟ ايوا يا الكينغ راه كانت غتموت ...طاح ليها السكر بسبابك ، مابقات لا كتاكل لا كتشرب تا تغشاو ليها العنين وطاح السكر بالفقصة
عهد: الصمت (حاني راسو على يديها وكيسمع
مروى: لا ...ماشي هو السبب ...انا اللي هملت راسي ...لا عساك ماشي نتا السبب
نضال: مزالة كدافعي عليه!
نور: وهوا داخل) الواليدة! كيبقتي شوية؟
مروى: شافت فيه وحركات راسها بالايجاب)
عهد مهزش الراس من على يديها وهي كتشوف فيه وبدات كتبتاسم وعينيها دابلين وكتحس بيديها كيتباسو وهوا هابط عليهم وساد عينيه
وعد: دخلات هازة ولدها) ها حنا رجعنااا...نشوفو مامي كي بقااات ههه ياك امامييي (كتقلد صوت الداري الصغار
دخلات موراها ميساء تا هيا هازة ولدها وعطاتو لنور وجلسات فجنب الناموسية كتشوف المشهد ديال عهد وهوا ممعبر تا واحد ومهزش راس بالمرة وشاد لمو يدها ضامها لفمو وكيقبل قبلات خفاف متتابعين .
دخلات غيثة لبيتها كتبكي وطاحت فالارض مفقوصة كتذكر اللحضة اللي عنقات فيها غدير عهد قدام عينيها ، طاحو دموعها وبنتها شافها كتبكي وبدات كتبكي تاهيا وسنيناتها باينين وكتشهق وتعنق فغيثة ، جلسو كيتباكاو بجوج معانقين وكل وحدة علاياش كتبكي، غيثة من حرقة الغيرة و الندم وذهب كتبكي حيت مها كتبكي، تا بردو ونعسات ذهب و ناضت وقفات مسحات دموعها وفغينيها نضرة تحديغيثة: حلفت لا خليتو يشوفيك ولا يشوف من غير وحدة اخرى .
دخلات دوشات واستاراحت وخدات نفس وسط البانيو كدوز على بديها وساهية بكل براءة كتخمم وتبلاني مع راسها ، خرجات من الدوش كضوي كي الشمعة ، لبسات جبادور بسروالها فالاخضر ملكي جاتها انيقة ، ولبسات بلغة فالاخضر ملكي تاهي ونشفات شعرها وطلقاتو على طولو حرير مسبسب وقصيصة نازالة عينيها خفيفة مغطية ليها الفاصمة الرقيقة للي دايرة فجبهتها . ورشات بارفان ديالها المعتاد وخرجات بلا مكياج كدور فالقصر وتشوف الاحوال كي دايرين وكتمشى بكل ثقة فالنفس ، نزلات كتسرح عينيها بانو ليها غير الخدم كيدورو وحتى واحد من مالين الدار مكيدور ؛ بقات غادية تا خرجات برى للجردة ووقفات كتستتشق الهواء وهازة راسها لفوف، فجأة سمعات صوت نساء كيهضرو بصوت خافت وهي تقلب وتشقلب فعينيها باستغراب وتبعات مصدر الصوت تا بغات دور وهي تفراني بالخف وتخبات مور الحيط وبدات كطل بنص عين شافت غدير جالسة فوق الارجوحة ديال الورد والمساعدة ديالها جالسة على الفوطوي وكيتجمعو بشوية بلغتهم ، طلقات غيقة ودنيها بغات تفعم شكايقولو وهي تسمع...
ناهل: هادشي باش كيشدو المغربيات الرجال و يلسقو فيهم ...غير السحر اللي كيخدمو وديك البريهيشة متحكريهاش راه باينة مها اللي مكيداها
غدير: خفت يعيق بيا اولا يحصلني ، راه نهاري مطلعش عليه الشمس الى حصلني
ناهل: باش غيحصلك؟؟؟ مالي خوافة راه معنرو مغيحصلك ...غنجربو ونشوفو ، باك قلتي هوا مكيحطش علدشي فبالو ومكيفهمش فيه ، ايوا صافي مغايدي مغيجيب ، خودي داكشي فاش تنعسي نتي وياه ونوضي دخلي للدوش بزربة جمعي الماء ديالو غشي شرويطة ولا كلينيكس وخبيها عندك تا تعطيها ليا وانا نتكلف بيها ، انا يمكن ليا نخرج وندخل للقصر كي بغيت مامحتاجاش ليكارد كورد ، غنديها لديك الشوافة اللي سمعت عليها هي تخدم ليك فديك الشرويطة وتشوفي ايلا ما رجع كيتشروط عليك انا ماشي ناهل
غدير: ولاكن يقدر تكون ديك شرويطة فيها حتى الماء ديالي ماشي غير ديالو ، نفدر نمسح بيها ويتخلط داكشي
ناهل: ماشي مشمل مهم جيبي شرويطة فيها شي نقيطات من الناء ديالو باش تشد فيه، راه دفة بطلة
غدير: ايوا خلصني نجرو هاد الليلة للفراش ، اما من ناحية النعاس كتجيني صعيبة نفرض راسي عليه
ناهل: ههه غرضي عليه راسك تا تشدي داكشي اللي واقفين عليه وديك الساعة غيولي هوا تابعك وينسى اثاو وفصلو وتولي تلعبي ليه كي بغيتي وماتحتاجيش تفرضي عليه راسك
ناهل: غتصدق انا متأكدة و غنبقا نعاودوها منهليوش يهز الراس، غنبدا نخدمو ليه كل شهر حيت فاش غنبداوها ليه غيتبدل وغيولي راسو يضرو وميرتاح غير معاك وقدامك و بلا ميشعر غيبقا تابعك واللي فلتي ليه ديرها غيديرها ، ديك الساعة خليه يطلق البرهوشة و رجعيه معاك لبلادك ودي معاك الشوافة تما بداي ماقابلاه غير هوا و مغايعاوظش يسول فشي واحد اخر ، شحال من واحد تسطى بالسحور وشحال من وحدة تجوجات بالسحور ، هادشي راه مولفين بيه السحرات سراقات الرجال الله يحرقهم كاملين ويعمي عين اي راجل شاف فشي وحدة مغربية و الله يسلخ جلدهم على عضمهم ويعطيهم العكر كاملين وينقارضو ونتهناو منهم
غدير: اميييين
غييثة: كتسنط مور الحيط) الله يضرب دعاويك فالمراية ونتينا كتشوف فيها ويخرجو فيك دوك الدعاوي يا النعجة يا تريكت البعير وحليب الحمير يا الحولة يا الكلبة يا القردة المزغبة ، انشاء الله نشوف وجهك وهوا كينفر منك وماباغيش يقرب ليك يخليك كتقلى فسمك نتينا وديك البومة اللي معاك يا سحرات ...قالك باغا تسحر وااااخا ...انا نوري يماك السحرات المغربيات كيف عاملين ، يحسابك بالسحور عتقضي شي حاجة؟؟ بلاتي عليك ...بحلوووفي حتى نهليك تبكي الدم على هاد الاتهام اللي متاهميتا وقالك سحارات
دخلات غيثة للقصر كتخلف وكتسوط كي الرابوز تا تلاقات كرم جاي هاز مذكرتو ودازت فيه كي تران وعقلها مرفوع وطلعات خلاتو واقف متبع ليها العين
كرم: الله يستر!!!! مال هادي؟؟؟
مشا كمل طريقو وغيثة دخلات لبيتها وسدات الباب وتات مور الباب كتفكر على شي طريقة ونضرها مشتت ومتوثرة
غيثة: ضاروري خاصني نشوف شي طريقة نحطها بوجها ونخليه يهرب منها، اذا عارفاه كيبغيني و واخا هايداك باغا تزولو لي ! شنني غنعمل دابا ياربي ، شني غنعمل بلا منكفسها على راسي و نزبلها و يغضب عليا عاوتاني! غاين هوا بعدا ؟ شني واقع ؟ تا واحيد مكيدور فالقصر؟
بقات غادية جاية فبيتها كتفكر وتبلاني وتعصر غدماغها وكتسوط وتحك راسها باغا تخرج الحل بزز و بأي طريقة ، عيات كتخمم وكل شوية تشوف فذهب بأسى والخوف فعينيهاغيثة: باغيين ياخدو ليك باباك ويخليوك بلا باباك ويخليوني يانا كي الحمار كيزعرط فوق التراب ...شنو غنديرو دابا؟ (تكات حداها ) شنو نديرو باش ميخدوش باباك ويخليونا تابعينو حياتنا كاملة ؟
قربات لعنق ذهب باستها وغمضات عينيها واستنشقات ريحتها لكل حب وهي تخرج عينيها فالبلاصة وهزات راسها كتشوف فبنتها وهي ناعسة ، وبدات كتشوفيها
أنا أحترق الجزء 37
محتوى القصة
التنقل بين الأجزاء