طلع لها الدم وهي تحط الكتاب وربعات يديها غضبات ، شافيها وعنقها بيدو ورجع حليها الموني و مقادرش يحبس الضحكة
عهد: عاودي مورايا...تيماكيزوشي
غيثة: تي...
عهد: ما...
غيثة: تيما
عهد: كي..
غيثة: تيماكي...
عهد: تيماكي...زوشي
غيثة: تيماكيزوشي ههه
عهد: ايوا علا سلامتك...بقاي عاقلة عليها...هادا كتكون فيه الخضرة والحوت بزوج ، شوفي شكل ديالو وعقلي عليه
غيثة: (كتحرك راسها) اممم
عهد: هادا سميتو ايناريزوسي وهادا اوشي زوشي وهادا شيراشيزوشي ...هادو غيتلفو ليك مهم الا حصلتي طلبي غير دوك اللولين براكة عليك على بيدمن تعلمي حاجة بحاجة .
غيثة: ااااممم (كتحرك راسها)
عهد: هاد شيراشيزوشي ماشي مقطع بحال السوشي ...هادا روز بوحدو كيبقا لونو ابيض تيتحط فطاسة ديالو مخلط مع الكروفيت و كلامار و الهبرة ديال الكوت مقطعة ..مهم هادا غيعجبك غير دوقيه تقدري تبغيه وتبداي طلبيه...سميتو شيراشيزوشي ..عقلي باش تقوليها نهار تبغيه
غيثة: واخا ندوقو
سد عهد الموني وحطو ليها 44 بياس من السوشي كل خمسة فشكل وحطو ليها وعاء ديال الارز مع صلصات حداه وبقات كتشوف ودور فعينيها ، ومع االانضار عليهم حشمات ماعرفات منين تبدا ، حط عهد يدو على خصرها من للور وكحزها عندو حس بيها مزيرة ومخنوقة وقرب ليها الارز وعطاها معلقة ليدها وكيهضر بلا ميبين انه كيوريها ، هز ملعقة من العسل
عهد: هادي كتزيديها على هاد الشيراشيزوشي كتمشي معاه وكتجي زوينة
البنت2: ماكرهتش انا اللي بحالو واخا يوكلني العصا نكون اسعد وحدة فالدنيا بلا منطمع يوكلني بيدو ...اودي كن مت قبل منشوف هادشي كرهوني فصحيبي
البنت3: ايوا هي اللي عطاتها ليام ...معاها راجل كيشهي فالشوفة كوراه شحال من موحمة هنا ماهزاتش عينها عليه طامعة يخرج ولدها بحاو ، وشوفي هي كتهضر بشوية وضحك بشوية حشمانة السيدة قالك...حط ليها الماكلة دسيمانة وضرب فالسوشي كي بغات
البنت1: تقدر تكون حاملة وكتشهى
البنت: 2: سكتي اختي مازيديش تشعليني ...راه باينة فيها حاملة وجالسة توحم عليه وكل مرة تشد نيفها وتهرب وجها
داق معاها وبداو كياكلو فجو الضحك ومرة مرة تغضب ويبقى يحزر فيها فودنها وهي عاجبها الحال وهوا كذلك كتعجبو فاش تغضب عليه ويبقى يعسل فيها تا ترطاب ...دوزو العشية وناض شد ليها فيدها وهي فحانة خرجو و كبها فالطوموبيل حداه وقلع
غيثة: عنمشي نمراكش دابا
عهد: وي ...
غيثة : كن جيبنا معانا شوية دالسوشي عجبني
عهد: نرجعو ماحدنا قراب ليه
غيثة: اه
ردها وسيفط ليكارد جابو ليه كارطونة بيضاء عطاها ليها وشد الطريق سايق راشقة ليه وهي حداه كتاكل وكتراجع اسماء السوشي تا وصلو للفيرمة دنور
رجع بيها عقلها لور و سهات كتفكر وعهد موراها معنقها كيمشي ويجي معاها وهيا كتلوى وتمايل ، باسها بوسة خفيفة وهزها دخلها للفيلا وطلعها لفوق وهي كتشوف ارجاء الفيلا وكيبان ليها راسها كل مرة فقنت وكل مرة اش كدير دخلها لغرفة مختالفة على الغرفة اللي كانو كيباتو فيها من قبل ، سد الباب برجلو وهي تنفض السباط من رجليها لاحتو وحطها وقفات على رجليها ؟ جرها عندو من خصرها وهي فرحانة هازة عينيه نص هزة فيه ، فسخ ليها الفولار برقة وطلق ليها شعرها نزل كيجري على كتافها
سبقها هوا خلاها كتبدل ودخل توضا وخرج ودخلات هي موراه ،كيتفادا اوقات الصلاة باش ميتجمعش بيها ويدوز عليه الوقت وكيفضل يسبق الصلاة على نزوات ديالو ، خرجات موضية وجامعة شعرها ولابسة بيجامة قصيرة حد الركبة نص كم ، لقاتو واقف مبدلش حوايجو وكيتسناه تخرج عندو ، لقات قدامها فالارض كرطونة داءرية وكبيرة فالغوز وبقات كتشوف فيها بنص عين وهوا ساكت كيتسنى ردة فعلها ، دارت راسها مهتماش ولاكن عينيها كيقولو العكس و وكلاها الفضول ماقدراتش تحيد عينيها على الكرطونة وكتسنى هوا يبدا معاها الهضرة ، بقات كتمشي وتجي من البلاكار للدوش كتلف وحتضية الكارطونة بعينيها وهوا كيضحك عليها ، فالاخير ناض عندها جرها من يديها وجلسها حدا الكارطونة وعينيها كيبريو باينة فيهم الفرحة ، وهي من النوع اللي كتموت على الكادوات والمفاجاءات كتر من انها تشري الحاجة بيديها وتعزلها لراسها ، فرحتها بهادايا والمفاجاءات كثر من الشوبينغ عبر الانترنيت ، وعهد ممولفش يعطيها الفلوس ليديها وعمرو عطاها شي ريال فيدها لانها ممحتاجاش للفلوس واللي بغاتها كتحضر بلا متشد الفلوس فيديها.
تحنا حلى ركابيه واقف على صبعان رجليه وكيشوف فيها
عهد: يالاه حليها
غيثة: بصوت عذب) دياالي ؟
عهد: اه ديالك...حليها
بدات كتخل دايرة فيها مرزنة وهي مكرهاتش تنقض على الكرتونة تشرشمها وتخشي راسها لداخل باش تعرف شنو فيها ، حلاتها برقة وهي تلقا ثوب ابيض فيه وريدات فالوردي والاصفر والازرق مشتتين عشواءيا فوق الثوب الابيض الناعم ، اول ماكاح فبالها انها لبسة وبالفرحة لمعو عينيها وهزات التوب طلقاتو وهي تلقاها فعلا كسوة ولاكن باليدين
وسامبل والاورد المشتت طلع مشتت غير فاسفل الكسوة بحال ومجمع لتحت وطالع وكيخفاف حتى بقا التوب ابيض لفوق جيهت الصدر مافيه لازواق لا والو ، شكل الكسوة راقي و ناصع البياض وسامبل ، شافت فيه مستغربة وهوا كيرابق ردود فعلها من نضراتها وملامح وجها التعبيرية، بان ليه طرف توب اخر وهزاتو طلقاتو لقاتو ديال الكسوة على شكل فولار طويل نازل حتى للسدر وناصع البياضعهد: هادي غتبقاي تصلي فيها ...باش ترتاحي فالصلاة ومتبقايش مبرزطة مع الحوايج ، ونيت تصلي بحلة زوينة تقابلي بيها الله سبحانو وتعالى وتلبي النداء وقت الادان (حط يدو على شعرها) ان الله جميل ويحب الجمال
اللهم استر عني عيوبه , واستر عنه عيوبي ,واظهر لي محاسنه , واظهر له محاسني ,وارضنا بما رزقتنا ,
اللهم الجم فاه بكلمة لاإله إلا الله , واسكن غضبي بلا حول ولا قوة إلا بالله , اللهم ارزقني حنان الزوجة والود والاخلاص , ومالا حلالا بلا عدد , وقراءة القرآن للأبد.
كمل الدعاء اللي دعا بصعوبة النطق باللغة العربية وناض شاف فيها وعنقها وهي معجبة
غيثة: كيفاش دغيا حفضتي الدعاء ؟
عهد: اللي كيبغي شي حاجة راه كيوصل ليها ولي دار راسو فشي حاجة راه غيتمكن منها ، جيت من موراك ماكنتش كنفهم العربية فمرة و لاكن فاش درت فيها عقلي هانا تعلمتها ...واديري عقلك فالقراية وبداي تقراي القرآن بزاف وتحفضيه راه كيعاون على التركيز والسرعة فالحفاضة
لقات واقفة كتسنط ليه وهوا ينصل حوايجو دخل دوش وخرج لقهاها فوق الناموسية ناعسة ، تخشى حداها عنقها وحط راسو على كرشها كيحاول يسمع شي حاجة وجلس كيهضر مع البيبي وغيثة ناعسة وكيداعب كرشها بلطف تا نعس
🌤وما اجمل الصباح 🌹 حين يتنفس بذكر الله 🌻🌸اصبحنا واصبح الملك لله 🌸
أيّها الصباح.. ونصحو من جديد.. يرافقنا أمل جديد.. شمس ذهبية تشرق.. بعد ظلام وسكون.. نرى زهوراً تتفتح.. نسمع العصفور يغرد.. فراشات تتراقص في الشرفة.. رائحة القهوة تنعشنا من جديد وما أجمل ابتسامة الاحبة كل صباح. فهل يا ترى!.. أيها الصباح يكتمل يومك على الأمل الذي رسمته.. هل يأتي المساء ودعواتي مستجابة!.. هل يأتي المساء وقد ابتسم كصباحي .🍃
عهد: (كيعيط) غيثاااا...غيثااا؟؟
دخل للكوزينة كيقلب بعينيه ضرباتو ريحت القهوى لنيف وقصدها بابتسامة تكا عليها كيغازل فيها وهي حدا البوطا كتصايب القهوى
عهد: كيشم) امممم...شهادشي يا لاللة ...ناس كيصايبو الفطور
غيثة: اه ...صباح النور
عهد:صباح الحب (باسها فعنقها)
غيثة: صافي يالاه نفطرو...صايبت القهوى ههه
دارت عندو وهوا يزرب عليها ببوسة، شمات فمو ريحت النعناع وباين فيه عاد حك سنانو وفمو بارد بورشها وباقي فيه النكهة ديال معجنون الاسنان ، بادلتو نفس القبلة و لاحت عليها عباية غوز وفيها طرزات فالرمادي ومحلولة من القدام ويديها واسعين ، لاحت على راسها شالها الغوز ديال العباية و جمعاتعا بيدها لقدام باش متحلش ، تلفتات ليه بابتسامة
غيثة: يالاه نفطرو..
هزات القهوى وتمات غادا وهوا تابعها بالشورط والتيشورط كحلة وكاسكيطة مقلوبة للور مستيلي وفنفس الوقت كيلبس الحوايج سامبل بلا كترت الالوان ، خرج موراها كيجر فالكلاكيطة بزز ويديه فالجيب كيتفوه وساد عينيه مخبيهم من الشمش وتابعها وهي غادية كيضرب فيها الهوا ، وقف فلحضة كيتأمل المكان ولقى راسو وسط الطبيعة تحت واحد الشجرة مفرشة زربية وديارة فوقها المخاد وحاطة الفطور فالصينة ، حيد الصندالة كيشوف داكشي بابتسامة وجلس ربع رجلي عجباتو الجلسة ، جلسات حداه فرحانة
المرى: بالصحة والراحة ...انا كنطيب الخبز الى بيتي شي حاجة نوجدها ليك الاللة نوجدها على الراس والعين...شنو بيتو ندير ليكم فالغدا؟
غيثة: انا تشهيت الكرعين !
المرى: هي اللولة الاللة ...نوجد ليكم شي طويجين بالكرعين والحمص والزبيب من داكشي الرفيع
غيثة: واخا
عهد كاع مكيسمع ليهم ...هز معلقة كيدوق فالطواجن واحد واحد وهوا يسد عينيه فاش طاح فالسمن جاه حار ومعندوش مع الحار بقا دايخ شوية عاد فاتت ديك النكهة ديال السمن ، جلسات كتفطر هي وياه فطور بلدي على حقو وطريقو تا سالاه وتكسب حداها على ضهرو وحط راسو على حجرها كيتسنط لصوت الحوياوانات وزقزقة العصافير وصوت الفلاحين من بعيد كيتعايطو وصوتهم كيديه الريح ، حيدات ليه الكاسكيطة وجلسات كتلعب ليه فشعرو وهوا ساد عينيه وساكت بحال شي دري صغير ، رجع تقلب على جنبو وخشا وجهو فكرشها وحوطها بيدو من خصرها ومشااا ...شحال وهوا صوتو مقجوع تا ضبروها جنابها بالكلاس وهي تنوضو
غيثة: فاين الحوالا؟
عهد: يالا نمشيو نشوفوهم
غيثة:بالفرحة) يالاه
ناض لبس صندالتو الرياضية ديال النايك ورجليه كيشعلو بالنقاوة وضفارو بيضين بحال شي ولد صغير وغادي كيزطم فوق التراب والحجر بشوية وكل مرة يوقف يخوي الصندالة من التراب ويرجع يمشي وغيثة كذلك هازة جلايلها وغادا معاه كضحك تا دخلو للكوري للي فيه الحوالة و وقف ماقدرش يزيد وهوا واحد فلكلاكيطة والارض كتزلق مع الما والتبن والدنيا مكرفسة وهوا مشورط وليمولي قاصحين ؛ دار يديه فالجيب وفرق رجليه شوية ووقف كيشوف فالفعمال خدامين فالكوري وريحت التبن مع البهايم و عاطية ، غيثة حمقاتعا الريحة وجلسات تشمشم وتستنشق ديك الريحة وكتشوف فالحوالة بلا عدد اكثر من 80 حولي مجموعين فواحد الجهة وداير بيهم السياج
غيثة: واش هاد الحوالة كاملين عدبحهم؟
عهد: ماشي كاملين(نعت ليها بيدو) هادوك ديالنا ...تما 12 غندبحم غدا فالقصر ومنهم الحولي ديالنا ولخرين اللي فديك الجهة فرقناهم ديجا على كاع الناس اللي خدامين فالقصر وهنا فالفيرما ...كل عام كنصدقو الحوالة على الناس اللي خدامين عندنا
غيثة: معجبة) واش 12 كاملين عدبحوهوووم؟عهد: اه ...راه القصر فيه الخدامين دلاكويزين اللي كيعيدو معانا نهار العيد وكاين اللي كيمشي كونجي داك النهار ...كاين بلاصة اخرى فيها الحوالة عاوتاني اللي تفرقو على ليكارد كورد حيت فيهم المسلمين وعلى الادارة دالقصر و دوك البوليس اللي خدامين فيها والشوافرية ديال الطوموبيلات والجاردينيي وزيد وزيد...تقريبا 120 حولي كيتفرق على كل واحد كيديه للاسرة ديالو
غيثة: وااو شحال دالناس
عهد: كاين كثر ...مهم تا واحد مكيبقا بلاش
غيثة: شكون اللي كيدبح ليكم؟
عهد: كيجي اللي كيدبح ...مي هاد المرة غندبح انا
غيثة: دوك 12 كاملين دبحهم تينا بواحدك؟
عهد: لا غندبح اللي علا حسابنا ...ديال نور و حنا والواليد
غيثة: غتسلخهم؟
عهد: لا غتسلخيهم نتي ههه ...مهم غدا اول عيد عندك معانا
غيثة: بحزن ) كا غا مشينا عند با مسكين غيبقا بواحدو
عهد: يالاه دابا تخرجي ندربو دورة فالفيرما
بعد ما خرجو من الكوري د الحوالة و شافت حولي ينطح حولي وكل واحد بحال العجل ، خرجو ضربو دورة فالفيرمة تا جاها الجوع ورجعها للفيلا لقات الطاجين دالكرعين واجد معسل من داكشي وريحتو عاطية كتشهي دايرين بيه الشلايض مشكلين دالخضرة الطازجة دالفيرمة ، جلسو يتغداو ولاول مرة عهد يشوف الكرعين ، جلس كيدقق النضر فالطاجين ويشوف وهز فرشيطة حرك بيها كيكتاشف الاكلة كيدايرة ، اما غيثة حيدات الموس والفرشيطة فالجنب وجمعات الكمام ديديها وجرات الطاجين عندها كتاكل الحمص بالمعلقة وتجبد فالكرعين وتبنن وتلدد وعهد كيشوف فيها بإعجاب ، زعم تاهوا داق ..عهد: امم..هادشي حلو!
عهد : كلينا الرجلين وعااادي...شحال وهما كيمشي بيهم فالوسخ وكليناهم حناا!!! عليييها معلك داكشي ودايرين فيه السكر باش يولي حلو!!!
ناض قبل ميكمل الهضرة مشا للدوش رد داكشي كامل اللي كلا وغيثة كضحك عليه ؛ تا سالا ومسح فمو معوج سيفتو عايف ، شرب الماء وكينة ومقدرش يطلق البشرة ، الوقت كامل وهوا معبس
غيثة : وراه نقي ماشي مسخيين ههههه راه كيغسلوهوم و ينقيوهم عاد كيطيبوهوم
عهد : لا اختي ماخصنيش غير بالصحة واخا ماعرفت اش يدير ليهم كيبقاو رجلين ...باز ليك كتاكلي داكشي ، كن حساب ليا رجلين منحطش فمي
غيثة كضحك وهوا غادي جاي مروع والكاس دالماء فيدو مكيحطوش ، تعاشات العشية ولبسات حوايجها وهوا كذلك وغادي كل مرة يشهق ويتكرع وهوا عايف ، طلعو فاللوطو وغادي فالطريق كيشرب فالماء حتى وصلو للقصر ، يالاه بغات تنزل وهي دور عندو
غيثة : والحوالا ؟؟
عهد : حتى لغدا الصباح وغيجيبوهوم ...يالاه ندخلو
شد ليه فيدها ودهلو للقصر ، مع الدخلة شافت باها جالس فواحد الصالة كبيرة فيها بلازما قد تلحيط كيتفرج و حاني راسو حشمان و قدامو صينية ديال اتاي وطباسل دالحلوة وجالس معاه نور ونضال كيتجمعو ، شكلو كان يالاه وصل وجلت فرصة فين يزيد يتعرف على العاءلة عن قرب. شافت باها بصدمة وقلبات وجها شافت فعهد وهو يضحك ليها وغمزها وقلب وجهو كيشهق وحط يدو فمو متباغاتش الترويعة تفوتو .
غيثة: با !!!
عهد: حاط يدو فمو على شكل بونية ) سيري سلمي على باباك راه جا على قبلك
ترسمات فوجها ابتسامة وعينيها لمعو بالفرحة و تمات غادية جيهتهم حشمانة دايرة الشال وشادة العباية الغوز بيديها بحال شي قفطان ، مدات يدها لنور سلمات عليه وهوا معجب لاول مرة كيسلم عليه شي واحد ، مولفين للي دخل كيمشي نيشان يقضي يشغلو وميلوح السلام من بعيد وبعض المرات كيدوزو يلا مايقولو السلام؛ هادا طبعهم وكانلين عندهم عقلية غربية وكل واحد حاضي راسو وكيسلمو غير فاش كيغبرو لمدة عام ، سلم عليها معجب وباست لباها يدو وهي حشمانة منو ودازت لنضال تا هوا مد يدو ليها يسلم حيت عارفها غتسلم عليه تا هوا ، تحنات باست ليه يدو تاهوا وهوا مكانش متوقع غتبوس ليه يدو ؛ باها جاتو عادية لانه كيعتابرو شيخها وبات راجلها وتبوس ليه يدو ؛ ولاكن نضال جاه الصمك بالصدمة ونور طراشو ليه ودنيه تا هوا ، اما عهد هيط عليه السقف فاش شافها حانية الراس باست لباه يدو ، هي بالنسبة ليها عادي لانه فمقام باها و مربية على داك الاساس وكيما كلنت كتشوف مها كتبوس لشيهها يدو حتى هي باست يد نضال ورجعات حشمانة ، عبد المالك عجبو الحال واخا حشمان وفرحان حيت معمرو توقع غيثة غتفكر شي نهار بعقلها وتبت وترزن ومتحشموش مع الناس ، اما نور ونضال بقاو كيشوفو فبعضياتهم ونضال كيخزر فنور بحال الا ميقوليه شوف الترابي كي دايرين ، جاه راسو بحال الا ماربا والو فولادو واها هما مبرو على احترام الواليدين ومكيرضوش الهضرة وخلقين ولاكن كبر فيهم الجانب دالكبرياء والنفخة و العجرفة وغرس فيهم القوة والشجاحة اللي طغات على قلوبهم و قصحاتو اكثر وخلاتهم ميتأثروش بشي حاجة و حسبهم بحالهم صحابو ماشي ولادو ، واخا الاحترام فوقت الحد وكلمت باهم مكتنزلش للارض وحتا كيحتارم ولادو وعاطيهم الحرية التامة وكيشارك معاهم كلشي بعد ما بداو يكبرو ويوعاو با كيتقرب منهم تا ولاو كيحسوه بحال صاحبهم ومكتوصلش الدرجة انهم يبوسو يديه ، عكس غيثة اللي كبرات وسط عاءلة كتآمن بالتقاليد والاعراف وسلطة الاباء على ولادهم والمسافة اللي كيخليو بينهم وبين الابناء ديالهم ومكيتقربوش منهم ويضاسرو معاهم وكتبقى الهبة دالاب كترعب ولادو واها كيكبرو
سلمات وطلعات حشماتة وفرحانة ، دازت حدا عهد بحال الا معمرها شافتو ولا عرفاتو ، كتفادا حتى تهضر معاه وباها حاضر ، بقا واقف مصدوم منها وتقدم سلم عادي وجلس معاهم دار رجل فوق رجل ومتكي كيلعب بالكونطاكعهد: مرحبا بالسي عبد المالك
حرك راسو عبد المالك فرحان وحشمات بحال الا جالس فالقسم ، لابس جلابة شفافة فالخضر والتحتية ديالها فالزيتي ومخيطين بنفس الخياطة ونفس السفيفة و لابس بلغة خضرة وماشط شعرو للجنب ومفركس وداير ليك الريحة والساعة فاليد واخا باقي صغير مازال منايض فيه الشيب و والد غيثة وهوا صغير ومزال صحيح وبحكم السربي اللي دوز دالعسكر فالصحراء وفالداخل كيعرف يهضر عادي غير مللي كيكون فمدينتو ولا ميهضر مع غيثة كيهضر بالشمالية انا هوا مطلوق فاللهجة الداخلية واخا كيخلطها مع اللهجة الشمالية بعد المرات
عبد المالك : ترحب الجنة اولدي
عهد: ايوا السي عبد المالك ، كن ماجبناك بزز ماكنتيش غتبغي تجي دوز معانا العيد الكبير ههه ولا ولفتي تازوفريت هههه
عبد المالك: هههه ايوا ضاروري ...شكون قالك غنولي زوفري من بعد ما كبرت العايلة رجعت للزيرو
نضال: تهنيتي ...شكون بحالك مهني من الشكاوي وعايش صولو لا تابع لا متبوع
نور: النعمة اللي نتا فيها حمد عليها الله ...راك جربتي الزواج وعارفو كيداير ، كيجي منو غير المشاكيل...ها بنتك قدامك اش بغيتي بشي مرى تا نتا
عبد المالك: اودي لهلا يخطي علينا عيالات...
عهد: واهيا الصراحة لهلا يخطينا عيالات...كتجي الوقت اللي كتولي تبان ليك المرى بحال ....بحال شي كاس دالماء خصك تشرب ...فاش كتروي عطشك كيمشي الكاس كيبداو يبانو ليك غير الشكاوي و خاصك دير الخاطر بزز منك
عبد المالك حشمان وعهد عندو عادي كيهضر بتلقاءية لا هوا ولا باه ولا خوه ، عكس عبد المالك اللي ممولفش يهضر مطلوق وكيجيه كلشي حشومة وعارفهم عقليتهم غربية مكيعطيوش اعمية للهضرة اللي يقدر يحشم منها واحد اخر
نور: مافمرتيش تعاود تزوج؟
عبد المالك: لاااالا...انا صافي هايدا حكم عليا القدر ، ماخاصنيشي يالمشاكيل عاوتاني ، برااكة عندي بنت كتعيط لي با والبراكة فيها هيا الله يرضي عليها دنيا وآخرة
عهد فهم عبد المالك شنو كيقصد وعرفو راضي على بنتو حيت مكبرة بيه وعاطياه قيمة و مكترضاش شي واحد يقلل من باها ولا يصغرو وكتبغي تشوفو كبير فعينيها وكلشي يحتارمو واللي قلل من شأنو بحال الا قلل منها هيا
عهد: البنات الى ربيتيهم مزيان يعليو بيك والى ضسرتيهم وخفتي منهم يصغرو بيك...مي واخا هاكاك البنات ماشي بحال الدراري ...يقصحو تا يعياو ويحنّو فالاخير ويرجعو الطريق...اما الولد الى خرج على الطوع صعييب باش يرجع الطريق
نضال تعجب من الهضرة دعهد اللي تبدلات فجأة ولا كيهضر هضرة ديال صحاب 40 سنة و ممولفش يهضر مع نضال بنفس الطريقة
عهد: وانا فين عمري خصرت ليها ؟ اللي طلباتها كتحضر ولاكن فالحدود ماشي طير ..وهاهيا دابا مهنية مع راسها ومهنيين تا حنا ...كن خليناها دير ما بغات كوراحنا فالمشاكيل معاها .
عبد المالك كيسمع مصدوم وهما عندهم زايد ناقص كيهضرو ويتناقشو قدامو وهوا عندو عيب يهضر فأمور العاءلة قدام البراني ، عكسهم هما كيهضرو وحاسبينو واحد منهم ماعندهمش حشومة وتايقين فراسهم واخا يهضرو فشي مشكل قدام شي حد عارفين راشهم شكايسواو وماعندهمش علاش يحشمو
عهد: مهم ...هوا هادا ، نمشي نشوف بنتي ....السلام واعليكم
ناض خلاهم مجمعين وطلع تلاقى مع ملاك لابسة القفطان وطالقة الشعر ونازلة كتفرنس باغا تبان على عبد المالك ، شافت عهد وهي تجمع الضحكة و عندها فوبية منو حيت ممضسرهاش وماعمرها شافتو كيضحك، وقف طلع وهبط فيها ورجع قلب وجهو
عهد: كاين الرجال لتحت ، غطي راسك امدام
داز وخلاها حشمانة مارضاتش وقمعها بعد ما كانت ناشطة ، رجعات هازة قفطانها الكرونة ديال الموبرة وكتعوج عاجبها راسها وكتعيب عهد وهوا كيهضر .
دخل عند غيثة لقاها فبيتها جالسة يالاه دخل ناضت كتجري طارت عليه بتعنيقة وبوسة فرحانة وهوا كتر منها كيتسطى عليها فاش كتبدى تعنق وتبوس ودور بيه بحال شي قطة فرحانة
غيثة: تيتا اللي عيطتي لبّا يجي ياك
عهد: هوا توحشك وجا عندك يعيد معاك (شدها من خصرها)
غيثة: انا عرفتك تينا جيبتيه
عهد: مهم...هانتي هضري مع ماماك ماتبقاش تمشي وتجي طالقة الشعر والدنيا مخلطة بالرجال
غيثة: وعلاش؟
عهد: هي ميقدر تا واحد يقوليها شي حاجة وماعندهاش شي واحد مسؤول عليها ، وهي معانا حيت هي ماماك ونتي مرتي دونك انا اللي مسؤول عليها وانا ماشي ديوتي باش تبقى تمشي وتجي طالقة السوالف ونهار نهضر يقولو ليا هضر مع نسسبتك بعدا .
غيثة: وصافي دابا نقولها لها
عهد:غنتعشاو مجموعين لتحت ..وتا نتي شعرك منشوفوش كيطل من شي بلاصة تا نكونو بوحدنا
غيثة: مكينشي البراني
عهد: لا احبيبة كاين نور وكرم والخدم غاديين جايين ، غتصبري تا نرجعو لكولومبيا
غيثة: والعرس؟
عهد: مانسيتوش ...مور العيد العرس و نيشان لكولومبيا
غيثة: بتردد) معتمشيشي معانا غدير ياك
عهد: يالاه ابب انا مع ذهب ...تستري عاد هبطي الا بغيتي
خرج خلاها كدور فعينيها ومشا لبيت ذهب دخل لقا معاهم المربيات حاضينهم هي ورياض ، من نهار نقى ليهم ودنيهم ماعاودو خلاوهم بوحدهم، دخل هوا وخرجو هما خلاوه مع البارهش ، تكى فوق الناموسية على يدو وجرهم حداه بجوج كيلعب معاهم ، بقا حاضيهم تا نوضوها صباط وناضو يتعاضو ويدابزو تاني وعهد كيفك وهما مشادين وذهب صغيورة مكتوقفش ورياض كيوقف ويجري وكيبدا يجرح فيها ويكورها وهي كتعصب كتبدى ضرب فالارض ، فكهم وبرد الطرح بيناتهم وخلاهم بيناتهم كيتفرج فيهم ويموت عليهم بالضحك، وحاضيهم وساهي فيهم وكيشوف ذهب الكراكتير اللي عندها وكيشوف رياض والكاراكتير ديالو ، طلعات ذهب مسميمة ورياض واخا صعيب حنين غير كيشوفها كتبكي كيبدى يسكت فيها وينوض يجمع ليها الالعاب وهي جالسة مسرحة رجليها ممتقدرش توقف وكتفقص وهي جالسة مقاتلة باغا تنوض تا هيا وتمشى وكترض الحر على رياض وتشبع فيه عضان ، دخلات عليهم مروى شافتهم مدابزين وعهد كيتفرج فيهم وخرجو عينيهامروى: هيييه!!!! اويييلي واش مكتشوفش فيهم كيدابزو ونتا جالس عاجبك الحال
عهد: خليهم بغيت نشوف اخرت هاد المطايفة ديالهم
مروى: اويلي راه رياض كبير عليها وهي بحال الكورة ماعندها كي دير توقف و غيمشي يفوت فيها شي دقة
عهد: ببرودة) تو توتو ....واخا هاكاك لاحضت فيه واحد الميزة ، واخا كتجننو كيضربها بشوية وعزيزة عليه ولا يمكن كتبقى فيه فاش كتبدى تبكي ...اما هيا فاش كيطيح قدامها كتشدو بالعضة بحال التمساح مكطلقوش ..كن غير عندها شي سنان بعدا غيعواجو لها غير فالعضان
مروى: الجن اللي فيها مكيحملوش مفهمتش علاش
عهد: ماعرفتيش علاش ! ...حيت هوا كيمشي ويجي ويدير ما بغا وهي جالسة كتفقص بوحدها باغا دير بحالو ...فاش كيجيب ليه شي حاحة كترميها وتغضب ويسمح فيها و كتزيد هي تصعر مكترضاش هادشي علاش ماحاملاهش ...وهوا مسكين كيمشي هاز يديه مدردب بديك الجرية ديالو كيسبق راسو ويتم غادي كيجري ...مزال مكيشد راسو مزيان
مروى: هههه (عنقاتهم) يخليلي الحب ديال ماماتي
هزاتهم كتبوس فيهم تا تخنقو وحطاتهم
عهد: الواليدة...
مروى: وي؟
عهد: جمعي شعرك ولبسي طويل ...الرجال و ...
قاطعاتو بابتسامة
مروى: واااخا فهمنا ...ودابا نقولها لميساء تاهي(شافت فيه ساهية) تبدلتي بزاااف...شكون قال هاداك اللي كان كيشرب ويكمي وكل مرة مع وحدة يرجع بحال هاكا
عهد: اييوا الله يهدي ماخلق...مابغيناش نديرو عليكم فقهاء ونعطيوكم فالمواعيظ وتقولو هادا شيخ و داير لينا فيها الركن المفتي ، مازالين مطلوقين معاكم مي تا نتوما عاوتاتي ماتزيدوش فيه، لبسو شوية مستور ونقصو داك المكياج والروايح ...برااكة عليكم من التبرج راه عمركم كامل دوزتوه فداكشي ، رجعو شوية لله وكملو ما بقى ليكم فعمركم فالعبادة ، وحتى كاع الى مقدرتوش حاولو فين ما درتو شي سيءة ديرو موراها حسنة باش تقادو الميزان
مروى: ههه دابا نتا وليتي كتربينا ...وشووووف
عهد: لااا حاشة...انا غير قلت مزال مكنفرض على حتى واحد شي حاجة ، وبما انكي الواليدة ديالي ماكرهتكش تنعلي الشيطان ...براكة من التقزاب والشعر و الميكاب ، حيدي عليك داكشي ، كيما كاينين حوايج مقزبين على الموضة كاينين حوايج مستورين على الموضة تا هما
مروى: انا كيجيوني دوك اللي كيلبسو طويل ويغطيو راسهم عروبيين
عهد: باغدون!
مروى: الصمت
عهد: ماشي مبرر هادا ، كاين طويل وكلاص وعلى الموضة ، وهاداك اللباس الطوييل راه غالي فالثمن على داكشي المقزب...كنشوف بعد المرات الحوايج مع غيثة فالبيسي كنلقى كاع دوك الحوايج الطوال غاليين على دوك العريانين ، تبعي موضة المحجبات مالكي نتي متقديش؟ نقصي عليك شوية الدنوب على الاقل ، راه داك الطويل كيعطي هبة على المرأة وكيجي انيق وكلاص ...ماتشوفيش نتي داكشي العروبي كاع شوفي من 3 دالمليون لفوق
خرج مشا جاب غيثة من بيتها لابسة عباية فالزرق فوقها شيكة فالاسود وصنيديلة فالاسود ودايرة شال ازرق فلو العباية تحتانية اللتي تحت الشبكة وهازة سجادتها فيدها ولبسة ديال الصلاة ، شد ليها فيديها وهي فرحانة وداها للصالة للي حدا بيت مو وباه وخلاها لبسات لبستها و وقف فالباب كيتسنى مو و حتضي باش ميدخل تا واحد عند غيثة هي كتبدل ، جات مرى لابسة عباية فالباج مشبكة من اليدين وستيلعا انيق و عندها حزام فالخصر مضفور بحال المجدو فالباج فاتح ودايرة شال فالباج فنفس اللون دالعباية ، شافها جاية وضحك ليها ضحكة بانت على وجهو طالعة من القلب وهوا كيطلع ويهبط فيها، وجها بلا مكياج وكيبري ونقي ومجبد ، باس ليها يدها بطريقة راقية وفتحو يدو ليه دازت ، مع الدخلة تصدمات وشافت غيثة جالسة ومفرشة صبايتها البيضاء الناعمة ولابسى الابيض ، حشمو من بعضياتهم وتا وحدة ما هضرات مع الاخرى و وقفو بجوج وحدة حدى وحدة وكل وحدة فوق صلايتها ، تقدم عهد قدامهم لابس دجين سليم وقميجة بيضاء وتقاشر بيضين و وقف قدامهم وهما موراه بجوج ، كبر وبدا كيصلي وهما كيتبعوه موراه وهوا كيتقل فالصلاة وميقرى القرآن كالعادة بصعوبة اللفض ، فديك الاثناء كانت ميساء طالعة كتعوج لابسة كسوة مقزبة مافراسهاش عهد كاين اما هي مكانتش غتمشي مقزبة ، وكدير ما بغات فاش مكيكونش هوا باش ميقمعهاش ، سمعات صوت القرآن وهي تخلع عرفاتو هوا اللي كيصلي ، تقدمات باش دوز حدا الصالة وتمشي لبيتها وهي طل من الباب شافت مروى وغيثة موراه وتصدمات، حطات صبعها على فمها وسهات فتفكيرها ، شوية ضرباتعا بجرية لبيتها كطير وتنات جاية كتجري ملوية فواحد ليزار ودايرة الفولار و وجها باقي فيه المكياج ، وقفات حدا مروى وابدات متبعهم وكدير بحالهم و كل مرة كتسجد معاهم كتبقى تهز راسها تشوف واش هزو راسهم تا هما ، بقات متبعة معاهم بملامح بريءة ومرة مرة كتغلبها الضحكة فاش كتنوض معاهم دقة وحدة ، كتفرح وكيعجبها الحال وهي متبعا معاهم وكدور تشوف فيهم وفوجوهوم وكضحك زعما راني كندير بحالكم، سلم عهد وسلمو موراه وبقا كيدعي وماعارفش راه موراه تا ميساء ، لقا يديه كيدعي بصوت خافت ومسموع ليهم وهما موراه كيرددو "امين"عهد: وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً ...
اللهم يا ذا الجلال والإكرام يا حي يا قيوم ندعوك باسمك الأعظم الذي
إذا دعيت به أجبت ,أن تبسط على والداتي ووالدي من بركاتك ورحمتك ورزقك
اللهم ألبسهماالعافية حتى يهنئا بالمعيشة , واختم لهما بالمغفرة
حتى لا تضرهما الذنوب , اللهم اكفيهما كل هول دون الجنة حتى تُبَلِّغْهما
إياها . برحمتك يا ارحم الراحمين
اللهم لا تجعل لهماذنبا إلا غفرته , ولا هما إلافرجته , ولا حاجة
من حوائج الدنيا هي لك رضا ولهمافيها صلاح إلا قضيتها , اللهم ولا
تجعل لهما حاجة عند أحدغيرك
اللهم و أقر أعينهمابما يتمنياه لنا في الدنيا
اللهم إجعل أوقاتهمابذكرك معمورة
اللهم أسعدهمابتقواك
اللهم اجعلهما في ضمانك وأمانك وإحسانك
اللهم ارزقهما
عيشا قارا , ورزقا دارا , وعملا بارا
اللهم ارزقهما الجنةوما يقربهما إليها من قول اوعمل, وباعد بينهما
وبين النار وبين ما يقربهما إليهامن قول أوعمل
اللهم اجعلهما من الذاكرين لك , الشاكرين لك ,الطائعين لك المنيبين لك
اللهم واجعل أوسع رزقهما عند كبر سنهما وإنقطاع عمرهما
اللهم واغفر لهماجميع ما مضى من ذنوبهما , واعصمهما فيما بقي من
عمرهما , و ارزقهما عملا زكيا ترضى به عنهما
اللهم تقبل توبتهما , وأجب دعوتهما
اللهم واختم بالحسنات اعمالهما.....
اللهم آمين...
اللهم وأعنا على برهما حتى يرضيا عنا فترضى , اللهم اعنا على الإحسان إليهما في كبرهما آمين ...أمين أمين والصلاة والسلام على اشرف المرسلين ...سيدنا محمد وعلى آله وصحبه اجمعين
ختم الدعاء وبقا حادر راسو كيردد بشفاهو بينو وبين راسو بينما مروى تلفات لقات ميساء كتفرنس حداها وهي تحط يدها على حمكها كتندبوتهضر بصوت خافت
مروى: ويييلي واش جايا تصلي ولا جايا لكنيسة ؟؟ نوضي غيشوفك يقلب فيك شي قلبة عمرك تنسايها واخا يجيك الزهايمر ...الا الدين متلعبيش معاه فيه , ماتلعبيش معاه فيه , سربي نوضي دغيا
مزال مكنلات هضرتها تلفت ودار كيلعب بلسانو فالضرسة وهوا ؤشوف ميساء وقف على الحركة وتبت لسانو فوق الضرس وبقا كيشوف فيها مصدوم ...شاف االشعر خارج من الشال زعر ويدها كيبانو واها مغطية فليزار و وجها بالمكياج وكتفرنس وفنفس الوقت خافت من التهديد ديال مروى ليها ، رجع للحركة ورمش ودار عندهم جر مخدة على فخادو تكا عليها ومن البليات اللي فيه مكيهناش فالجلسة فبعض الاحسان الاماتكاش على المخدة فوق رجليه ، ناضت ميساء بغات تمشي وهوا يشدها بإبتسامة خفيفة
عهد: لا...الجنة مغتمشيو ليها الا متنا وحنا مكتصليوش ومكنصوموش ومكنزكيوش ونكنديروش الحوايج اللي كيبغي الله ، والا بغيتي تمشي ليها خاصك ديري هادشي كاامل باش تمشي ليها ، ويلا مدرتيش هادشي مغاديش تمشي وغتمشي لجهنم ، والعافية ديالها كتحرق كتر من هاد العافية اللي كتشوفي...ونتي تبغي يتحرق ليك وجهك ويديك وميبقاش عندك الشعر؟ تبغي متعاوديش تشوفي ولدك ومتعاوديش تشوف نور مرة اخرى؟
ميساء تخلعات وحطات يديها على وجها وكتحرك راسها مخلوعة ، طبعا فهي مكتعرف حتى حاجة على الاسلام وتولدات برى وقرات برا و ماعندها تاعلاقة مع الاسلام وماشادة حتى دين كتعرف غير تشهد وكبرات بحال شي نصرانية ماعمر شي واحد هضر ليها فالدين و عقليتها غربية كتعرف نيشان نيشان وكتيق ونية اللي قالها شي حاجة كتيق كونها كبرات فبلد متشابه فالعقليات وكل واحد كيعوم بحرو ، الهضرة دعهد اترات فيها حيت عارفة راسها مسلمة ولاكن ماعارفاش شنو هوا الاسلام ، لاحظ الخوف فعينيها تا بدات كترعد و يكمل هضرتو
عهد: الا مابغيتيش يوقع ليك بحال هادشي خاصك تبعي داكشي اللي كنقول ليك وتمشي فالطريق الصحيحة وتعرفي دينك شنو كيقول ليك...انا كنت بحالك ويمكن كاع كتر منك ، و لاكن فاش دخلت الاسلام ....باغدون ! غنقوليك دخلت للاسلام وي ..حيت ماكنتش مسلم بحالك ، الاسلام ماشي هوا تقول انا مسلم وتنطق بالشهادة وصافي .لا خاصك تبين انك فعلا مسلم وتبع دينك وشنو كيقول ليك وهوا اللي غيوجهك باش تعرف تعيش بلا ميوريك شي واحد ...والقرآن هوا الموجه ديالك ، ماتسمعي لحتى واحد حيت كاينين ملحدين ويوريوك كلشي غالط ، وبما انكي ماعارفةالصح من الغلط ويالاه بادية غتبداي بقراءة القران و هوا اللي غيوريك كلشي ويعلمك كلشي وبهع غتعرفي الحلال من الحرام ومتحتاجيش شي واحد يعلمك او لا ينصحك نهاءيا
أنا أحترق الجزء 42
محتوى القصة
طلع لها الدم وهي تحط الكتاب وربعات يديها غضبات ، شافيها وعنقها بيدو ورجع حليها الموني و مقادرش يحبس الضحكة
التنقل بين الأجزاء