ملاك: تزوجات بيونس كانت تقطعات العلاقة ديالنا بيهم حتى لواحد النهار عيط باها ليونس قاليه اجي راه وعد كتموت وبغات تشوفك ومشا لقاها فالكلينيك مريضة طايحة والحالى النفسية ديالها مدمرة وضعافت كانت غتسطى وغير شافت يونس رجعات فيها الروح وجلس حداها فالكلينيك حتى برات وبدات كتقدر تنوض وفاش بغا يرج بحالو لسقات عليه ماخلاتوش وبدات تغوت وتبكي وهدداتو الى مشا وخلاها تقتل راسها، عاءلتها تخلعو عليها حيت صافي وصلات لواحد الحالة يرثى لها وقتلها يونس الى بغيتي نبقاو بجوج انا متزوج بيك وتمشي تعيشي معايا على قد المستطاع ديالي ونساي الحياة اللي كنتي عايشاها من قبل ، قبلات تزوج بيه و باها مها ماقالو والو وحتى خوتها خلاوها حيت هدداتتهم تنتاخر وملي شافو حالتها هاكاك خلاوها دير تللي بغات وتزوجها يونس بلا عرس بلا والو واخا باها بغى يدير ليها العرس يونس مابغاش يحضر فيه و حتا هي مابغاتش ، باها بغا يعاونو وعطاه الوراق ديال تلخارج باش يقدر يسافر وشدهم حشم يؤضهم فوجهو ولاكن فاش عرض عليه واحد الشريكة يسيرها هوا مابغاش ولاكن وبقا غالخدمة ديالو القديمة وجابها عندو للدار ودوك الاوراق اللي عطاه حطهم ماعمرو عاود طل عليهم وبقا الاحترام بيناتنا حيت عطاونا بنتهم وهي كتموت على يونس مالقاو مايديرو لها ، بقات شحال كتعلم و كيعاونها هوا وكيجيب ليها المرى اللي تخمل ليها وتجمع ليها داكشي التقيل و هي كتعلم الشغل ديال الدار وجالسة فالدار كيخرجها يونس وكيدير جهدو معاها باش ميخصها حتى حاجة وحتى هيا عمرها تشكات ولا عيطات لواليديها تشكى منهم بالعكس جالسة فرحانة وعاجبها الحال كتيقل تسنى سونس فوقاش يجي ودييييما تابعاه بالتيليفون ..فينك فين مشيتي فين جيتي علاش تعطلتي ومكتبرد حتى كيدخل وكطير عندو ، ماكناش عارفين كاع واش بيناتهم شي حاجة حتى عيط ليه باها، ايييوا وفاش ساقو العاءلة الخبار ولاو ديييما خيطي بيطي لهنا باش يضاسرو معاها كتخلع من الهضرة والضحك ديالهم كيجيها داكشي غريب وكيفاش كيزعمو عليها ولات فين ما يحسو كتسد عليها فالبيت مكتخرجش ، ياكلو ولا يجلسو وكينوضو للكوزينة يديرو مابغاو وهي مكتهضرش غير كتشوف معجبة ولاو بغاو يخرجو معاها وبغاو يمشيو معاها للقصر وبداو كيلسقو فيها ، وكيجيو غير فالوقت اللي كيكون انيس فالخدمة وهي مكتقوليه والو حتى لواحد المعار دخل لقاهم فالدار وهي سادة عليها فالبيت وجالسين الرجال وعيلاتهم وقلب فيهم قلبة ديال البقر ماعقلش عليهم بدا كيحيح وانا قاليهم مايجي عندي تا واحد بلا ميعلم البنت حابسة راسها ونتوما مكسلين ليا ، دار الشوهة داك النهار حتى مابقا حتى واحد كيزطم هنا ، وماعمرها عطات وقت ليشي واحد فيهم واخا كانو كيلسقو فيها،تعلمات ليك دابا الدرجة ولات كتعرف طيب شوية وديما كتسول فيا وكتعاوني وهاهيا دابا خاملة تبارك الله واللي قالها يونس كاديرو بلا متزيد معاه الهضرة ، كيتسرفو قدامي عادي بحال الى انا ماكايناش معاهم وهايشين حياتهم مزيان وضدقات بنت الناس واخا عمر واليديها حاو عندنا وهي اللي كتمشي عندهم بوحدها كيجي الشيفور يديها فوق ما بغات تمشي وهادشي هوا اللي كاين ، نتي اللي عاودي ليا شنو وقع ليك من نهار خرجتي
غيثة: ماكانشي يسحابني وعد هايدا طلعت بنت الناس !!!
غيثة: الحقيقة هادي بنت داك ولد الحرام اللي تكرفس عليا و...
غيثة: الحقيقة هادي بنت داك ولد الحرام اللي تكرفس عليا و ماااشي وبنت عماد ط كتبوس فيها غيثة: حتى ولدت بواحدي مور واحد الصور دالمدرسة ماعرفتشي شني نعمل 😢 حصلت ولويت بنتي فالشال ديالي وعنقتها وتكيت راسي على واحد الحيط كنبكي انا وياها وشابرها فيدي حتى غفيت مابقيتشي عاقلة على والو
#فلاش_باك🎬
اللحضة اللي غفات فيها غيثة خرجو التلاميذ من المدراسة كيجريو وسمعو الصوت ديال بيبي صغير كيبكي وتبعو الصوت حتى لقاو غيثة مرمية ورجليها مطلوقين مغطيين بالجلابة وبنتها مكركبة فحجرها كتبكي ، بقاو كيغوتو من هول المنضر ومشاو للمدرسة كيجريو خبرو الاساتذة اللي كانو خارجين وجاو طلو عليها لقاوها هاكاك وهزوها هي وبنتها داوها لسبيطار دالحومة دخلوهم بجوج ، غيثة دخلوها دارو ليعا الاسعافات وبنتها داوها دوزوها ليها وغسلو ليها ونقاوها ، جابت ليها واحد المعلمة مانطة لواوها فيها وداوها حطوها حدى غيثة فالبياص اللي ناعسة فيه هي والعيالات اللي يالاه ولدو فسبيطار العادي، فاقت غيثة لقات راسها ناعسة وبنتها حداها ناعسة وناضت صفرة مخلوعة ومغطية بواحد الكاشة عطاتها وحدة من العيالات اللي عاد ولدو لغيثة غطاوها بيها ، ناضت جلسات بزز وعينيها دابلين وهزات بنتها عندها كتشوفيها وتبكي والعيالات اللي ناعسين حداها كاملين دايرين بيهم عاءلاتهم الا غيثة ، بقات فيهم وعطاوها تاكل من ماكلتهم وعاوناتها واحد المرى كبيرة من امهات ديال العيالات اللي وادين وراتها كي دير تهزها وترضعا وبدات غيثة كترضع بنتها وكتبكي والناس كيواسيو فيها والعيالات اللي والدين كيبكيو معاها ، سولوها على عاءلتها حركات راسها بلا وكتبكي ، فهموها و بقات فيهم وحسبوها وحدة منهم كيعطيوها تاكل وجابو ليها بيجامات تلبسهم و عطاوها من حوايج ولادهم ولبسو لبنتها ، جلسات غيثة اسبوع فالسبيطار حتى بدات كتقدر توقف وكاع العيالات خرجو بقات غير هي ، شافت حتى عيات وناضت لاحت عليها واحد العباية خلاتها ليها واحد المرى وهزات بنتها فالكاشة وخرجات من السبيطار كتشوف ومسرحها غينيها فالدنيا وكتنخصص ، بقات غادا فالشارع وبنتها ناعسة حتى وصلات لواحد الحي راقي ومشات لواحد الفيلا كبيرة سمعات حس الهضرة لداخل وحطات بنتها تما فالباب وصونات عليهم وعطاتها بالضهر بغات تمشي ، زادت جوج خطوات وهي تسمع صوت بنتها كتبكي بالجهد وتلفتات شافت فيها والدموع فعينيها وصوت بنتها كتغوت ورجعات كتجري عندها هزاتعا وهربات بيها قبل مايحلو الناس الباب ، قلبها مطاوعهاش تخلي بنتها وتمشي هربات بيها كتبكي وتبوس فيها وشدات الطوبيس مشات لدارها ودخلات حطات بنتها ورضعاتعا حتى نعسات وناضت والدموع ماحبسوش مشات للحانوت كتجري وكرشها كضرها شرات الحليب والروز وباكية ديال ليكوش ورجعات كتجري طيباتهم كلاتهم وجلسات حدا البنت جبدات كميميسة دالفلوس كتحسب وتعاود ، جمعات فلوسها اللي كانت جامعة من الخدمة فالقهوى خباتهم وبدلات لبنتها ليكوش وهي مقاتلة مي دير ليهم ، دفات الماء شوية ومشحات بيه لبنتها ودارت ليها ليكوش ولواتها فالمانطة ونعسات حداها، داز اسبوع نفس الروتين وغيثة مفكراتش حتى تسمي بنتها وكتقيل مقابلاها صباح وعشية وبلليل وبالنهار والفلوس اللي جمهات خلاتهم للكرى اللي غيكفيها لمدة 3شهور فقط ، ناضت هزات بنتها قدامها ومشات كطلب وتسعى حدى الجوامع فالبرد والشتى والقهرة والفقر وماعندها ماتعطي لبنتها من غير الحليب اللي فصدرها وكترجع فالعشية قبل مايطيح الضلام حتى لواحد النهار بدات كتلاحظ بللي بنتها مابقاتش كتنفس وصدرها كيتلع ويهبط ببطء ، تخلعات وناضت كتبكي تالفة وهزاتها كتجري بيها للسبيطار ، ومشات بغات دخل عند الطبيب نيشان و شدوها فالباب
.
...: عندك رونديفو؟غيثة: هاا😨 لا بنتي عتموتلي اهىءاهىءاهىء عتقو لي بنتي
...: شدي النوبة حتى توصلك بحالك بحال الناس كاملين كلشي مريض وكيموت ماشي غير بنتك، ولا ديها للكلينيك حسن
غيثة: 😱
خرجات غيثة كتجري وتبكي مالقات حتى حل من غير تدي بنتها لكلينيك وللي ليها ليها ،داتها ودخلوها دوزو ليها وخرجو عند غيثة للي واقفة فالقنت مكمشة وكتبكي
...: الطبيب البنت تفرعات فصدرها خاصها تبع و ديري ليها التحاليل و التلفازة وتنعس فالكلينيك واحد المدة اولا تقدر تموت ليك، مهم اجي معايا عمري بعدا الوراق عاد نشوفو شي لاخر
غيثة: واخا
مشات غيثة شدات الوراق كلشي بالفرونسي وطلبو ليها لاكارط مالقاوهاش عندها وحصلات تما كتبكي ليهم وترغب ما رحمها حتى واحد ، شافتها واحد الفرميلة كطلب وتزاوك فيهم وتبوس ليهم اليدين وخلات الطبيب حتى بعد عليها ومشات عندها جراتها
الفرملية: بلا متبكي عندك حل واحد ، كاين واحد الراجل خاصو كلوة راه ناعس عندنا هنا فالسبيطار الى بغيتي تبرعي بيها باش تعتقي بنتك
غيثة بلا ماتفكر او تسول جاوباتها فالبلاصة والخلعة على بنتها اللي مشات الفرملية التلنية تجيبها ليها حيت ماخلاوهاش تجلس عندهم فالكلينيك
غيثة:واها داااابا ...يالاه نعطيه وحدة غير يعتق ليا بنتي مايخرجوهاش ليا خليوها عندكم حتى تبرى
الفرملية واخا انا نعيط ليهم دااابا
بقات غيثة واقة حتى جابت ليها واحد الفرملية بنتها ليدها باش تمشي بحالها وتنازل ليها الطبيب على التدويزة اللي دوز لبنتها ولاكن رفض يشدها حيت الكلينيك ماشي ديالو ، بقات غيثة لاسقة ليهم فالباب دالكلينيك كتبكي وكتشوف فبنتها الصغيورة حالة فمها ومغمضة عينيها وماعنده جهد ، خرج واحد من ولاد الراجل اللي ناعس فالكلينيك لبزنقة عند غيثة
دخلات غيثة كتعتر فجلايلها وهازة بنتها حتى اداخل وعطاتها لفرملية رجعاتها بلاصتها و غيثة بقات مع الشخص خلص ليها كلشي قدام عينيها ، غيثة تكتفات وماعندها فين تهرب حيت بنتها تحت الرحمة ديالهم وباش يعتقوها خصها تخلص بعضو من اعضاءها ، هام و ارا ماكاينش شي حاجة بلا مقابل ، دخلوها فالبلاصة لغرفة العمليات هي والراجل اللي مريض ونعسوهم بجوج على كرشهم واحد حدى واحد فالباياصات و غيثة مغمضة عينيها خايفة وكترجف حتى ضربو ليها لابرة دالبنج وغابت و بداو فالعملية..
بداو فعملية الراجل فتحو ليه هوا اللول ولداو فالفحص لغيثة لقاوها سليمة 100% وفتحوليها يالاه فتحو ليها جنبها وهوا يوقف النبض ديال قلب الراجل وبداو كيحاولو معاه حتى عياو ومات ليهم وسط العملية الطبيب: (كيتأسف) ان لله وان اليه راجعون، صافي خليو ديك البنت بكلوتها ، مكتاب ليها تبقا بكلوتها فاخر لحضة
خيط الطبيب لغيثة جنبها وخلى ليها كلوتها بلاصتها وغطاو الراجل وخرجو عند العاءلة ديالو و ولادو اللي برى كيتسناو
الطبيب: مع الاسف ...بدينا فالعملية وفتحنا للبنت وقبل مانحيدو ليها الكلوة مات الله يرحمو وسط العملية
كلشي تصدم وكلشي فعاءلت الراجل بكاو و ولادو بكاو كاملين حتى عياو وسكتو ، انا غيثة فاقت صباح لقات راسها ناعسة على كرشها مكتقدرش تحرك لالفتحة اللي فجنبها ويالاه حلات عينيها سخفانة ولسانها تقيل بدات كتبكي وكتوجع بجنبها، عرفات بللي العملية دازت وعطات الكلوة ديالها وبكات على حالتها وعلى راسها وغلى بنتها حتى دخل عندها الطبيب يطل على حالتها ، ولات صفرة وغير العضام اللي فيها فوجها ومن غير لون عينيها اللي بقا كيما هوا مابقا فيها والو كيبان تراجعات الصحة ديالها بزاااف وماشي بزاف باش ولدات زادت حتى الفتحة هداتها ، مشات ليها الصحة والجهد وبقا غير القلب كيضرب
الطبيب: كي بقيتي شوية ؟
غيثة: (كتحرك راسها بشوية والدنوع نازلين على نيفها)
الطبيب: كتبكي على الكلوة اللي عطيتي ولا على بنتك
غيثة: لا رد (كتحرك لسانها بزز)
الطبيب: على سلامتك، شي دعوة وقفات معاك وما عطيتيش الكلوة، باقا بالكلوات ديالك بجوج والراجل تحد العمر ديالو ومات وسط العملية، ماتخلعيش راه غير فتحنا ليك الجلدة وصافي ، دابا تبراي دغيا
غيثة: الصمت (باينة فعينيها الصدمة مع الفرحة مع الخلغة جميع الاحاسيس مجموعين فيها ، حاولات تهضر بزز بكلمات متقاطعة وصوت مبحوح )
غيثة: ب..ن..تي😦
الطبيب: بنتك مزيااانة ...درنا ليها التحاليل والراضيو وتلفازة تاهيا وكلشي وراها ناعسة كتشرب الحليب ديال الفرماسيان ، عرفتي ابنتي نقوليك واحد الحاجة ، انا عارفك ماعندك حتى واحد اللي يعاونك وكتاب ليها تعالج والكلوة كانت غير سبب باش بنتك تعالج وداك الراجل شحال وهوا حي حتى لنهار العملية ومات ، هادشي كامل مكتوب ليك تعيشيه وهادشي كامل عندو حكمة الله كيدير اسباب لينا باش نتعلمو و نتي ضحيتي براسك وهانتي ربحتي، كان مكتوب ليك تفتحي لاش بنتك تعالج وكتاب ليك تبقاي بالكلوة ديالك وبنتك تعالج بلا مقابل دابا ، التضحية ديالك مامشات باطل والراجل مات الله يرحمو ونتي ربحتي
غيثة: 😢
الطبيب: رتاحي راه الجرح خاصو وقت باش يتلم
مشا الطبيب خلى غيثة دموعها نازلين كتسترجع الاحداث ودوزات اسبوع فالكلينيك وكلشي مخلص ليها من طرف العاءلة دالراجل قبل ماتدخل للعمليات، ولات كتقدر تحرك وتجلس شوية وكتاكل من الماكلة دالكلينيك حتى دخل عندها الشخص اللي هضر معاها نهار اللول باش تعطي لكلوة للراجل ، جا يطل عليها من بعد مادازت سيمانة على الكنازة وبردو القلوب من جيهت المرحوم شوية ، دخل لقاها كتشرب الصوبة و بنتها ناعسة حداها ، باس بنتها وجلس فالكرسي
مشا عماد وبقات غيثة مع بنتها ولا مرة مرة كيجي يطل عليها وعاودات ليه على شنو وقع ليها باختصار بللي تغتاصبات و تشوهات وهربات ، ماعاوداتش ليه كلشي من غير الاغتصاب و الهروب ، بقات هاكاك حتى برات ومالقات فين تمشي هي وبنتها وداها معاه عماد لابارتومون ديالو على بيدمن يلقى ليها شي حل حيت عنها الفضل عليه وقررات تبرع لباه بالكلوة بلا ماتحاسب ، فقط يعالجو ليها بنتها وهوا كان كيقلب على اللي يتبرع وكانو كيطلبو ليه 44 مليون لفوق حتى لقى غيثة ماطلبات حتى ريال وقرر يعاونها ويجازيها على المعروف اللي دارت فيهم
داها عندو فلابارتومون ديالو هي وبنتها اللي مزال كاع ماسماتها وغير بالرشوة باش عالجوها وشدوها فالكلينيك ، دخلان هازة بنتها ومخلوعة لقات ابارطومون كبيرة وفيها الرجوج وليت نعاس لفوق (دوبليكس) ومفرشة مقادة وجلسات فوق واحد الكرسي كتشوف وحازمة راسها بزيف ووجها صفر مريضة حالتها حالة
عماد : حتى الحوايج اللي تلبسي هاهما فالساك والكليمة غنخليها ليك خدامة تسخن ليك الدار
مشا عما عماد كيشرح ليها ويوريها الدوش كي كيخدم وهي كتفولي غير اه عارفة وهوا كيشوف فيها معجب مافراسوش كانت فقصر كتعرف كتخدم ما كثر من داكشي ، مشا وخلاها وناضت سدات الباب فرحانة ،علد لقات الراحة ، غيثة ولات كتعيش اللحضة ومابقاتش كتفكر فغدا واللي كيهمها هوا بنتها وعايشة على قبلها و مكتفكرش فشنو تاكل غدا كتغكر فشنو تاكل ليوم وتدمر على اليوم اما غدا مكتسوقش حيت قسوة الزمان اللي عاشتها مابقاتش عارفة راسها واش تعيش لغدا ولا كتحارب وتحزن وتفرح من غير للحضة اللي عايشاها ، كتفكر تعيش لليوم اللي هي عايشاه و تحارب مل حاجة وقفات فطريقها باش تقدر تشوف الغد . وعارفة راسها الى فكرات العكس وماشافتش نهارها ومافكراتش فيه وفشنو تاكل وفين تنعس هي وبنتها و فكرات فالغد تقدر تموت قبل مايصبح الحال .
ناضت مشات للكوزينة وجلسات تاكل وتخلط حتى شبعات كرشها مزيان ومشات رضعات بنتها وبدلات لها ونعسات هي وياها فبيت نعاس مريح عكس البيت اللي كانت كارية والريحة فيه خانزة والكوالبط حداها اللي خرى شي خرية كتشمها هيا ، جلسات معززة مكرمة وعماد ماكايجيش عندها كاع وحتى عيا كتحشم تعيط ليه وتقوليه شنو خاصها وديما هوا كيسيفط ليها التقدية ولوازم اللي خاصها مع شي واحد بلا ميسولها او يهضر معاها وكتزل فلاسانسور تهزم وطلعهم حيت ولات كتخاف يطلعهم ليها شي واحد ويدخل عليها يتكرفس عليها ، كيعيطو ليها فلانتيرفون وكتحبسهم لتحت وكتنزل تجلع كولشي راسها، دازت 7 شهور ولات غيثة كترجع الحيوية ديالها و لونها وبشرتها وبدات كترقع شوية وكتهلا فراسها وفبنتها وعماد عمرو جا عندها او هضر معاها ولاكن اللوازم كتوصلها كل اسبوع حتى لواحد النهار سمعات السونيط فالباب وكانت يلاه خارجة من الحمام كضوي كي الوردة والحال سخون لابسة سروال بيجامة فالكري فيه كارويات وتيشورط ديالو وفورمتها رجعات مي كانت وحنيكاتها حمرين وشعرها مجموع لفوق فازك طوييييييل ولونو فاتح ، مشات كتجري شافت من العوينة بان ليها عماد واقف وحلات ليه، غير شافها بقا مصدوم كيطلع ويهبط فيها ماتيقش ان هادي اللي دخل نعار اللول دايرة الزيف دحياتي ووجها حالتو وفمها مشقق وضعيفة كتموت هي هادي نيت اللي واقة قدامو ، شافها وحشم منها ومزعمش حتى يدخل عندها واخا الدار دارو، بقا واقف شحاال فالباب وهي كشتوف مالو مادخلش ، خلات ليه الباب محلولو ومشات كتجري عند بنتها هزاتها كتلكي ليها عاد دخل هوا موراها كيشوف ويتبعها بعينو ممتيقش عينيه حتى جات جلسات حداه ولنتها فيدها طبيبيزة كترضع الرضاعة وتغوت بالضحت ، بقا كيشوف فيها عماد وكيضحك معاها وهزاها كيبوس فيها ومضهشر من جمال غيثة وجالس حشمان منها كيهضر بالصواب عكس المرة الاولى
عكس المرة الاولى كان شايف راسو هوا حسن ماحشمش منها ولاكن دابا بانت ليه بحال الشمش كضوي حشم حتى يشوف فيها، لقاها مطيبة الغدا لراسها وناضت للكوزينة وخلات البنت شادها عماد كيلعب معاها ومشات غيقة جبدات الطاوة من الفران ديال الحوت و كانت مصايبها بيديها والزمان خلاها طيب وتعلم بزز منها ، كانت ناوية تغدا غير بالطاوة ديال الحوت مللي جا عماد بدات كتصايب فالشلايد وتقاد وزادت شحال من حاجة وصيبات العاصير وبدات كتحط فالطلة للي وسط الدار وكتمشي وتجي وعماد حاضيها غادا جاية قدامو وشاد البنيتة كيلعب معاها وهي كضحك بالجهد وتحل فهمت وشد ليه فودنيه فرحانة حتى حطات غيثة كلشي ومشات عند عماد عيطات ليه وكتهضر حانية الراس حشمانة حيت غير هوا وياها فالدار ، ناض هاز البنت وجلس على الكرسي شاف الطبلة عامرة وعرفها عاد وجدات داكشي حيت تعطلات فالكوزينة وبدى كيتغدى فرحان وغيثة فالكرسي حداه بغات تهز البنت عليه وماخلاهاش وبقا شادها هوا وكيشوف فغيثة كتمعس بطاطة وخيزو بالفرشيطة وكتوكل لبنتها بصبعها و عماد كل شوية يمسح ليها فمها عاجبو الحال وعاجباه الطريقة باش كتوكل غيثة بنتها حيت باقة صغيرة وكتلف دغيا ونضراتها البريءة وابتسامتها لبنتها خلاو عماد بلا غدا غير حاضيهم بجوج كاياكل بلا عقل داز فالشوك ديال الحوت بلا ميشعر ، عينو على غيثة وغيثة ممسوقاش ليه حاضيا بنتها لا تجيف ليها وكتعطيها الماء كل شوية ، حتى تغداو وسلاو وناض عماد هاز البنت وناهضر ماتكلم غير كيشوف ، جمعات غيثة الطبلة و غسلات الماعن ورجعات جلسات حانية الراس حشمانة وحاسة براسها متقلة عليه ومستعمرة دارو دوز معاها النهار كامل ماخرجش حتى طاح الضلام والنهار كامل ماهضر غير ساكت وكيتلف مع البنت و عينو على غيثة كتحرك فالدار وتنقي ، خرج وخلاها فالدار ومشا فحالو دايخ والتيلي كيصوني ليه ...
عماد: الو وي؟ ...عاد جيت لبارح اصاحبي، طلشي مشا كاع الحدود مسدودين وخداو كلشي ضاع الزمر كامل وخرج لبلان فالصو ...ماعرفتش علاش هادشي وعلاش منعو كلشي ماشي غير حنا، ماخلاو حتى حاجة دخل عندهم لبلادهم ورجعت فحالي ، تلخسااارة يا صاحبي الخساااارة ، حيدو ليهم كلشي ماخلاو تا واحد وكاين للي طلقوه رجع لبلادو وكاين اللي نوضها معاهم وناض القرطاس تما وقتلوهم ، مشا شحاال من واحد مات وحنا رجعنا قبل حتى ما مانوصلو بفففف....مافهمتش علاش مافهمتش هادي عام تقريبا وهما مزيرين ماخلاو تا واحد يدخل كاع البلدان اللي بغاو يدخلو ماقدروش... الى الة كان عندك شي وسيط صحييييح وداك الوسيط وموحال واش يعاونك فهاد الفترة،مهم خرجات غالصو هاد المرة والخساءر بفففف مانقولكش ، غانتسناو يفتحو والى مافتحوش غنشوفو شي طريقة اخرى ..يالاه تهلى ختى لغدا ونتقاشعو
مشا عماد وبقات غيثة مع بنتها فالدار ، غماد رجع كيغيط لغيثة صباح وعشية وكيدير السبة ببنتها باش يجي يشوفها حتى تطلق معاها فالهضرة وحتى هيا تطلقات مهاه والبنت ولفات عماد وحتى عماد ولفهاو لات عزيزة عليه وكيموت عليها ومهلي فيها وديما كيخرجهم ويساريهم ، وغيقة عمرها بحتات فيه ولا سولاتز ولا تدخلات ليه فحياتو ، وغمرو بات عندها فالدار حتى لواحد المرة سولها على بنتها وبغا يعاونها واقتارح عليها تزوج بيه غير فاللاوراق وقبلات و سمات فيثة بنتها ذهب لان هي السبب باش مابقاتش غيثة متشردة وبسباب المرضة ديال ذهب تبدلات حياة غيثة للاحسن، تزوجات بعماد و ولات ذهب رجع عندها اب وكنية حتى هيا و تغرفا غيثة على العاءلة ديال عماد وعاشت مع عماد واخا بيناتهم غير الاوراق ولاكن هوا تعلق بيها بزاف ورجع كيبغيها و ولف ذهب دارها بحال بنتو و مخلي غيثة على راحتها ومرة مرة كيجي يبات عندها فالدار واخا مكيشركوش الفراش وكل واحد كينعس فبيتو ، فيوم من الايام اعتارف عماد لغيثة بأنه منادجر و كيشبر اعمال لزاف ديال الفنانين كبار وهي ماقالت ليهش على صوتها وماضاسراش عليه ومحتارمة راسها معاه ، عرض عليها لواحد السهرة كان ممولها هوا والمغنية اللي غتغني فيها مرضات فآخر لحضة ومالقاش شكون يغومبلاصيها فالسهرة وتما فين قالت غيث...
غيثة: انا نقدر نعوضها
عماد: واايلي واش من نيتك ، راه السهرة فيها غير شكون وشكون وعارفين ديك الفنانة غتجي ، شنو دابا ولينا دراري صغار وكنلعبو
مشات غيثة قادو ليها وجها وشعرها وكلشي ولبسوها غوب ديال زوينة بحال ديال المغنيات وطلعات فوق الخشبة كترعد والفرقة الموسيقية موراها كبيييرة ، شافوها الناس وبداو كيتساؤلو وعماد كيشوف فيها شنو غتصنع حتى بدات الموسيقى وكلشي كيتسنى يسمع صوتها ، طلقات غيثة صوتها فالميكرو والحضور تصدم وعناد كثر ماتيقش راسو وبدات غيثة كتغني بكل احاسيسها وغادية مع اوثار الموسيقى مزيان حتى سالات الاغنية ووقف ملشي كيسفق وكلشي فرحان ومشا عماد كيجري للكواليس كيتسناها تنزل وهي فرحانة وحشمانة قدام الحضور؛ نزلات مشات لقات عماد كاير بالفرحة وكاع اللي فلكواليس كيسفقو ليها وهي عتجبها الحال فرحانة ومن تما قرر يعقد معاها اتفاق رسمي و رجع كيدير حفلات وسهرات باش تغني فيهم هي ، دخلو للفلوس بكثرة على عماد وغيثة ورجع كيدخل من صوت غيثة الذهب وطلع طلعة وحدة و ملشي فالسهرات كيعيطو لوكيل اعمالها للي هوا عماد الجوهاري باش يديها تغني ليهم فالسهرات، ولات غيثة كتمشي بأموال طاءلة وعماد تللي كيخطط لكلشي هي فير كتغني وترجع مكتعمر راسها بحتى حاجة، ولات عندها مرى كتشقى ليها فالدار ومتعاونها فتربية ديال ذهب وبقات عايشة مع عماد وقرر يدير ليها البوم وتبان فالتلفازة ومتبقاش فالخفاء وفالسهرات المخفية ، بغا يخرجها للوجود و بغات هي تكتب كلمات الاغاني ديالها و جاب ليها ملحن لحن ليها جميع اغانيها على اقاع هادىء ومريح فالسمع بلا ضجيج ويلا صدع ، لحن زوين و حساس كيأثر فأذن السامع وصوت غيثة جا مع اللحن زوين و كلمات حساسة كتبورش لحم المستمع ، وصلات للنوجومية و مابقا والو للالبوم يخرج وطول هاد الفترة كانت باغا ترجع تشوف عاءلتها ولاكن كانت كتستى ترجع عندهم مبدلة و دايرة انجاز عكس اخر مرة خرجات فيها من الدار محطمة ومكتآبة.
غيثة: اييييوا هادشي اللي وقع لي هانا عاودتو ليك
ملاك: (عنقاتها) الله على بنتي كبيدتي شنو داز عليك يا الحبيبة ديالي ، والحمد الله تلاقيتي مع هاد ولد الناس حسن ليك تزوحتي باش تسدي الفام لكاع اللي حلوهم فيك، هيا دابا وليتي مغنية ههه
غيثة: مثل معايا واحد فالنهاية زعما هوا اللي نقدني من داكشي ، واخا كان كيعنقني مرة مرة ولاكن راه غير فالتمتيل عنداك يسحابك بصح، غاتشوف الفيديو يسحابك بصح حيت كيبان بحال للي كيبغيني وكنبغيه بصح وزعما مللي مابقيتشي متشردة تزوجت بيه وعشت معاه و ولدنا بنت هههه و الشخصية ديالي الثانية ديال الملاك اللي فالسما نزلت للارض ودخلت في الشخصية المتشردة زعما و رجعت عندي فالاخير غير شخصية وحدة زعما رجعت قوية ورجعت فيا الروح هههه داكشي خيالي بالحق رومانسي وزوين ههه
غيثة: عرفتي شنو ...انا مابقاتشي كتهمني الهضرة دالناس، كيهمني راسي وبنتي صااافي ، الهضرة دالناس هي اللي خرجت عليا ، فاش كنت فالزنقة وكلت راسي ناشي وكلاتني الهضرة دالناس، وخدمت بعرق كتافي ماعمري سرقت ولا وكلت لنتي شي حاجة من عرق كتافي وكنت كنهمره راسي فاش كنمد يدي للناس ولاكن ماجبرت مانعمل مديتها بزز مني، انا دبا غنبقا نعمل اللي انا شايفها يسلكني واخا ميعجبشي الناس لهلا فاين يعجبهم وزايدون مابقات عندي عاءلة وماعندي ماااانعمل بيهم نهاااااءيا من غيرك ومن غير حبيبو انيس انا مكنعترفشي لشي واحد اخر، والعاءلة اللي كنعرف انا هي اللي كتوقف مع بنتها ماشي اللي دعملا الفضايح و يزيددو يشوهوها، انا ضاع عام ونص من حياتي بسباب الشوهة اللي شوهاتني الفاميلة ديالي ، ايوااا دابا ما يعرفوني مانعرفهم ، يقولو اللي بغاو يقولو قيحبة ولا فاجرة ولا ماعرفت شنو مكيهمنيشب نهاءيا ، بدارعي وعندي بنتي اللي ماعنداشي شي واحد من غيري ومامحتاجااااشي للفاميلة، ماعنهمشي بلاصة فقلبي وبنتي هزاتني وعوناتني وهي كلشي ليا .وانا مها وانا باها ومكتعرف حتى واحد من غيري انا وعماد
ملاك: ايوا ويلا عرف باها ؟؟😨
غيثة: ماعندوشي مناين يعرف ونتينا مغتقولو والو وحتى واحد ماعارف باباه من غيري انا وياك ، ادا عرف غيزولها لي وانا على قبلها عايشة وكتيبقى فيا مسكينة تعدبت معايا وكتحيس بيها فاش كانكون مريضة ولا كنكون مقلقة كتبقا تيبكي وتعنقني وتبوسني، سبحان الله هاد البنت بحال الى عارفة راسها ماعندها اللي يوكلها و يحميها من غيري ، كاشوفتيها مسكينة قبل كانت كتبقى بالجوع ومكتقدرشي تبعد عليا يديها كيلسقو فيا لسقة ، بنت بحالي بحالها كتحيس بيا مسيكينة ، انا وياها ماعندنا زهر، تكرفست عليها و تمرمدت بين الرجلين وفالاخير يجي داك الحيوان ياخدها لي ، هوا ماشي باباها هوا غير وسيلة باش خلقت هاد البنت ، وماعندوشي مناين يعرفا ، شعرا فاتح شويوش بحالي ما كحل ما زعر وعينيها ماشي رماديين بزاف ، عندهم اللون بحالي تقريبا
ملاك: راه كتشبه ليه بلا ماتكدبي على راسك ، راه فوطو كوبي ديالو وهاد الحفرة دالزين منين جابتها؟
غيثة: حتى انا عندي الحفرة ماشي غير هوا، مهم ماشي بنتو بمشي يجرى الهيماجي كنكرهو ماكنحمل فيه الشعرة وجهو كنشوفو كيوقف الزغب ديال شعري ، طاسيلتو كاااملة كنكرها ونسيييييتهم اصلا ؛ هه بقا لي غير هما نفكر فيهم ...يمشيو يخرااو اخر همي دابا هما هادوك، مابقيت باغا نتفكر حتا واحد فيهم وزايدون مسحت كلشي وبديت حياتي وكرهت الرجال مابقيت كنبغي حيتى واحيد من غير بنتي ، كان عندي فراغ عمراتو بنتي (هزات ذهب عنقاتها) انا هادي هي الحب ومابقيتشي نحب من غيرها هههه يااك احبي هه موااااح
ملاك: ههه يالاه نوضي نتعشاو حشومة نجلسو هنا لوحدنا و وعد مسكينة واحلة فالكوزينة
غيثة:يالاه
خرجات غيثة مع ملاك اللي واخا تطلقو عضامها بقات كتعرج شوية ، عطات غيثة بنتها لمها ومشات للكوزينة ...كلشي تبدل والاتات تبدل وكلشي على دوق وعد اللي ختارت العفش راسها وانيس فرشها ليها كاملة من جديد وصلحها كيما بغاتها ودعر ليها كويزين اميريكان والدار رجعها ليها واعرة وموضيرن باش ترتاح فيها و متكرفس وخدا ليها كولشي مجهز ، لقات غيثة وعد كتستف شلاضة هي وانيس ومشات عندها نيشان عنقاتها وبداو كيتباكاو بجوج حتى بردو عاد بداو يضحكو وكملو التستاف بجوج وحطو العشا وعيطات غيثة لعماد جا وجلسو كيتعشاو ويضحكو وعاودات ليهم غيثة على الالبوم وغنات ليهم مقاطع منها حتى شافتهم تأزمو و الماكلة وقفات ليهم وقلباتها شعبي فالبلاصة باش يبدلو الجو وكملو العشى و ذهب كتغوت ليهم وضحك جالسة عند ملاك و وعد كتشوف فيها فرحانة وتبوس فيها ومالاحضات والو ومشات فبالها بللي صافي غيثة تزوجات عماد و ولدو ذهب
سالاو العشاء وجلسو قصارين شوية وغيثة كتغني ليهم و ذهب مكسلة فالارض على ضهرها كتفركل فوق الزربية من السهد وتقلب على كرشها كتلب بوحدها حتى عياو وناضو كل واحد فين مشا ينعس ، غيثة وعماد دخلو لبيت نعاس ودهلو معاهم ذهب وملاك مشات لبيتها وانيس ووعد دخلو لبيتهم، غيثة اول مرة تبات فبيت غير هيا وعماد، بقات كدور فعينيها و عماد كيشوف فيها عاجبو لحال ومشا عندها قرب منها
عماد: (شاد ليها فيديها) انا كنبغيك اغيثة علاش كتهربي مني و نتي عارفاني كنبغيك ، علاش ما نكونوش زوجين حقيقيين ونربيو بنتنا و نزيدو شي بيبي اخر انا وياك ، عارفك باقا صغيرة وحتى 18 لعام مازال ماكملتيها ولاكن انا مكبيرش عليك بزااف يالاه عندي 30 سنة
غيثة: (كتعوج وتهرب) عمااااد...وصااافي قلت لك ممستعدااشي لشي حاجة وانا ماقلتشي كبير عليا بلحق ماباغاشي شي علاقة دابا
غيثة كتهضر ولهجتها وتحلوينها فالهضرة زاءد نبرة صوتها كتغري عماد وكاع اللي كيسمعوها ، هي كتهضر وعماد حال فمو كيشوف فيها ويتأمل ملامحها ونفسو كطلع وتهبط ، غراتو غير بهضرتها حتى تلف ونسى راسو وقرب معا بغا يبوسها وهربات وجها ومشات هزات ذهب كتلف وتشتت النضر من الموقف اللي تحطات فيه هي وعماد ، شافها ورجع قلب الموضوع كيتناساه وبدا يضحك عادي مع ذهب؛ حيد حوايجو ونعس فوق الناموسية عندو امل ان غيثة تراجع على الفكرة ديالها و يتقرب منها ، نعسات حداه وهي مرتابكة ومترددة وحطات دهب بينها وبينو وبعدات قدر الامكان وعماد كل مرة يلوح يديه عليها ختى تعصبات وناضت بلا متبين ليه خرجات من البيت وخلاتو هوا وذهب ونعسات فالصالة، عيا يتسناها ترجع فاللخر ناض يشوف فين مشات لقاها ناعسة فالصالة وفهم انها ماعجبهاش لحال ومشا عندها بشوية نوضها
باس رياض وزير ليه على حنكو ومشا كيضحك خلاه كيبكي موراه من خر البوسة ومروى كديعي فيه قدام رياض باش يسكت ، ناضت لاتين تبعاتو شادة فيدو ومشا لبيت النعاس الفخم طبعا اللي كيليق بجنابو ودخل مع الدخلة شد لاتين مور الباب كيبوس فيها وهي كضحك عاجبها الحال
لاتين: اححح. ههه اي ...عهد...
عهد: (كيبوس وكيحد ليها حوايجها) امم؟
لاتين : بايت نقول ليك شي حاجة وخفت تقلق مني
عهد: بلاش ماتgوليهاش
لاتين: وعلاااااش؟؟
عهد: حيت غنتقلق...صافي دابا سكتي خلينا نعسو
بقا غادي كيبوس فيها ويهبط ليها حوايجها وهي كذالك طلعات ليه تيشورط وكتشوف فيه بشهوة فسدرو المزغب والوشام اللي فيه وعضلات المفتولين حتى طاحت فوق الناموسية وطاح عليها عهد زرق ليها لحمها بالبوسان وهي كل مرة تقيس ليه كرشو بيدها وتلعب ليه فواحد الخط مزغب رطيطب نازل وسط كرشو حتى لتحت وكتأوه ليه حتى سالا وتكى حداها مغمض عينيه وناضت تكات على صدرو وكتلهب فكرشو وفزغب صدرو الرطب
بقات لاتين كتشوف فيه وهوا قالب وجهو مامسوقش ليها ، ماقدراتش تغضب حيت عارفة راسها يلا غضبات مشات كفتة غيقلب عليها وجهو فمرة ولا يبدلها بماحسن منها ضدد فيها واخا هي موديل مشهورة وزوينة ماعندوش مشكل اي وحدة تجي كتجري عندو بلا مايشوف فيها ، بقات حتى تفشات بوحدها وعنقاتو من اللور وكتبوس فيه وهوا ناعس وماناعس نص نص ماكيديه النعاس حتى كيبغي يشيب عاد كينعس .
"غيثة: عهد...عهد نوض ...نوض جيبت ليك معايا واح الحاجة
عهد: غيثة ...(ابتاسم)
غيثة: هاك.. (مدات ليه وريدة حمراء زوينة)
مد عهد يدو يشد الوردة وبدات غيثة كتقربها حتى كيبغي يشدها وكتبعدها وكضحك وهوا كيبغي يخطف الوردة من يدها وكتهربها غيثة حتى طاحت الوردة من يدها وهبط راسو يهزها ولقا الوردة تحول لونها الاحمر للاسود وهزها وهي تجرحو فصبعو حتى سال الدم من صبعو وهز راسو يشوف فغيثة ومالقاهاش قدامو وشاف فيدو لقى غير الوردة كحلة والدم كيسيل من يدو وبدا كيعيط بالجهد وسط الضلام وحتى حاجة ماكتبان ليه واقف وكيعيط عليها وماجاوباتوش "
بقا واقف وكيشوف فالمرايا وكل مرة كيتذكر جزء منها وعاقد حجبانو وباقا غيثة كتبان ليه فالمنام ديك البنت الصغييورة والضحكة ديالها اللي كتسمع فوديه وصوتها العذب ، رجع استوعب وخرج من الدوش معصب وكيسوط مل من الاحلام اللي كيحلم ديما وطالع ليه فراسو وباغي يتهنى وماقادرش يتحكم فالاحلام ديالو، خرج للبالكو وكل شوية يخوي على صدرو الماء بارد ويدوز بيدو كيحاول يبرد سدرو من لداخل ، شافتو لاتين هاكاك ولبسات عليها بينوار وخرجات عندو حطات يديها بجوج على كتافو
لاتين: مالك؟
عهد: لاتين...مللي تشوفيني هاكا غييريها ، بدلي الساعة باخرى باش نبقى معاك مزيان
لاتين: ولاكن انا غير بغيت..
عهد: لاااتيييين... (طلع ليه الدم)
ناضت لاتين من حداه ورجعات لبلاصتها وجلسات كتشوف فيه من بعيد وهوا جالس على اعصابو فالبالكو شاعل سيكار وكتكي على ركابيه كيكمي وساهي فالارض والنهار كيطلع ، بقات لاتين متبعاه بعينيها وديما كتشوفو هاكا كينوض كيهترف بسميت غيثة مع جوايه الفجر وكيطير ليه النعاس وكيبقا فايق كيشوف الشمس كطلع حتى كتفيق العاءلة كاملة، عمر لاتين تجرآت تضغط عليه باش تعرف شكون او تبحت فيه، كتكتفي تشوفيه وهوا جالس حتى كتنعس.
صباح جديد...
مروى: بونجووور ، كي صبحتي؟
عهد: صافا مزيان (باسها فحنكها)
مروى: مالك عيان؟ هضرتك مرخية؟
عهد: لا عاادي...سيري جيبي رياض الى فايق هانا فالجردة
مروى: ناااري كتبكيه بداك اللعب ديالك ، حاول عليه راه باقي صغيور
عهد: ههه سيري دابا جيبيه براكة من البلابلا على الصباح (باسها من جبهتها) يالاه سيري هانا لتحت
ملاك : صباح النوووور الزين ديال والحب ههه احي ياجي عندي يا العمر ديالي(هزات ذهب من عند غيثة)
ذهب: انننن اععع😠
غيثة: ههههه راه هاكا كتصبح ديما، كتصبح خاسرة وكتحك فعينيها
وعد: صباح النوور (باست ذهب )
انيس: (خارج من بيت النعاس)
صباح الخير ، وعد سيري راه غتمشي عليك الطيارة
غيثة: فين غتمشي؟
وعد: اححم (كتهضر مترددة) غنمشي لندن نشوف لافامي
غيثة: ااااه، مزيان
انيس: يالاه دغيا باش نوصلك
وعد: راه بابا غيسيفط ليا الطيارة فير بشوية عليا
انيس: وا حبيبة كن غير درتي بناقص حتى تولدي بعدا
ملاك: بصح كن بقيتي حتى تولدي بعدا
وعد: بغيت نشوفهم ماحدهم مجموعين
انيس: وايالاه طلقي راسك
مشات وعد بدلات عوايجها ونزل ليها انيس شوانطها للطوموبيل وسلمات عليهم ومشات ، بقات غير ملاك و غيثة كيفطرو ختى خرج عماد من البيت علد فايق ومشا نيشان هز ذهب عندو كيبسها ويلعب معاه وجلس معاهم فالطبلة كيفطرو و ذهب فوق رجلو كتلعب بالمعلقة
أنا أحترق الجزء 17
محتوى القصة
التنقل بين الأجزاء