مهدي و شيماء الجزء 18

من تأليف دعشوش
2017

محتوى القصة


بقيت بارك وسطهم وهوما كيتافقو على زواج ممتيقش أش هاد لعجب خرجنا نديرو قهوة مع لبنت ونهنيو راسنا من صداع وحدة أخرى ولينا خاطبينها وهادي هيا تخويرة ولا حيد عليا.. متفارقو غير بزز واحد لواليدة لصقات على لبنت بحال لحم راس راجعين لدار وكتقوليا قالتلنا مها نمشيو عندهم لدار لا خاصنا نمشيو تنشوف فيها لا حول ولا قوة الا بالله تقاضاو ليها بنات خوالاتي وهيا تحمر فلبنت صافي لي طرا طرا دخلت لدار وااع مزال تنعكز نجمع فراشي وقالك تزوج مرااض هادو بلاتي بلاتي أصلا هيا هاديك غيجيب ليه الله لي يجمعو واااع بعدا راه مريم غادي تسمع هادشي غادي تمرض وهادشي لي بغيت.. غادي مسافر للمصنع تاني خاصني ندير حل مع ديك خيتي لي تما والديها تيحساب ليهم بصح خاطبها ولا منعرف كلهم مطلعينها عليا بنادم راه مقود أسيدي وصلت لتما وأنا نعيط عليها مع ديك 19:00 قالت ليا أنا فدار دوز لعندي مشيت لدارهم تندق وهيا تحل ليا مها وكما سبق دكره مها زوينة أخويا مؤهلات ديال شي برازيلية.. أسيدي حلات لباب قالت ليا دخل أنا مكيباليا حتى واحد وشيطان تيحظر قلت ليها راه جيت غير نشوف شيماء عندي شي شغل قالت ليا والله حتى تدخل راك من لعائلة دبا.. دخلت لصالون وهيا تبرك حدايا صالون تبارك الله شي 40 ف 40 مترو وبركات ملاصقة معايا وصهد أصديقي ولحرارة راه بوحدها بلا شيطان كتدير زبايل عاد زيد إثنان ثالثهم الشيطان والعياذ بالله حتى ولدها مكينش قلت ليها فين جا لحمام لله يعزك؟ قالتلي يلاه نوريه لك قلت ليها لا غير وريني فين كاين بلاما تعدبي وهيا تقوليا عدابك راحة وقالتها بواحد لMethod ديال حشومة عليك ويلي الله يعطك ذل.. حركات معايا وحلات ليا لباب بحالا معنديش يدين لحمد لله غير ملي حشمات و مدخلاتش توريني لكرسي فين كين دخلت غسلت وجهي وخرجت نيشان لباب قالت ليا فين غادي؟ كتشد فيا وغير بقى دبا تجي شيماء دبا قلت ليها لا عندي خدمة منقدرش عير حليت لباب نازل مع دروج تيباليا راجلها و ولدهم واحد راجل متنعرفوش وختنى قلت ليهم سلام سلام شيماء بغيت ندوي معاك تقدري تنزلي معايا واحد دقيقة نزلنا لتحت قلت ليها ختي راه خطبولي دار واحد لبنت شوفي كيفاش تديري مع باك لمهم خرجيني من هادشي حيت مغاديش نعاود نجي لعندو نشوفك فلخدمة بحال ديما.. خليتها ومشيت لدار لي كاري بارك وتنقول والله إلى راه مرضي لوالدين سيدة قبيلا كون غير قصتها ودخل داك درب كانو غادين ينيكوني ومعندي منقول شفتي راه من السبعة لي يظلهم الله بظله يوم لا ظل إلا ظله زعما ورجل دعته امرأة ذات منصب وجمال فقال إني أخاف الله هيا بصح معندهاش منصب ولكن راه زوينة وهو بصح أنا كنت خايف لا نحصل ولكن لمهم نفس الشيء الجنة تنادي.. جمعت حوايجي لي فديك دار نزلتهم لطوموبيل هدا أخر شهر نخلصو فيها نرجع لدارنا أخويا نولي ننزل هنا مرة فشهر ومنباتش نجمع راسي شويا نعست بلا عشا أساط داك نهار مبقاتش عندي لخاطر فاش تنفكر كون جريت معاها ل10 ودخل راجلها كون راه شوف تيفي جعرو عليا وفضيحة بجلاجل كيما خلاوها لمصرين لمهم لغد ليه اسيدي فايق ناشط ماشط راشقا ليا فطرت على برى مشيت لمصنع درت تسركيلا ديال زربة ختنى مشفتهاش خرجت بزربا راجع لدارنا أخويا داكشي لي خليت لواليد عليه لقيتها عليه نصبغو دار؟ نبدلو فراش ديال صالون؟ اودي راه حنا لي خاص نتبدلو مجاتش معانا هاد لعيشة خاصنا نرجعو لدرب لقديم لواليدة ولواليد راه هرب ليهم صافي باركين تيبدلو ليا فلفراش يلاه خداوه أا نديو زوج زوج من لحاجة لا نديو كتر باش نسدو لمها فمها وخا نكون تنطبع لفلوس غادي يحاكوني هاد ولاد ناس وأصلا أنا عارف راسي مغاديش نسكن معاهم تمالنا أخويا تبغي غير تضحك تخاف لا يحساب ليهم كتدير فشي حاجة الله فرق ريوس غير باش يرتاحو.. فلعشيا كتعيط عليا هاد شيماء لهضرة تبدلات تندوي بآداب وي بيخير لحمد لله نتلاقاو؟ أه مرحبا إن شاء الله.. غادي لنفس لقهوة مع قريبة لدارنا وحتى هيا قريبة ليها حركتلها غير على رجليا لقيت لبنت كتسنى فيا ولينا تندويو غير بالحمد لله الشكر لله أن شاء الله طلع البدر علينا ختنى كتصلي ولواليدة راه مكدباتش أنا حياتي كاملا مشفتش جامع لفرق بيني وبين ليهود غير شهادة ولكن جاب الله لي يعلمنا يلاه غنبدا نمدح فيها وهيا تلوح ليا راه بقاولي شهرين وغادي نمشي لفرنسا قلت ليها علاش؟ راك سمعتي ماما شنو قالت ليكم لبارح غنمشي خاص نكمل قرايتي تما وخالتي وافقات قدامك ونتى مقلتي والو واش عندك شي مشكل؟ أييه كين مشكل دبا شنو زعما نتزوجو ونبقاو نتلاقاو مرة فشهر؟ ولا كيفاش وأصلا شنو غتديري بهاد لقراية من بعد قراي هنا يعني لابدة تمشي لهيه.. وهيا تنطق تاني وراه كاع صحاباتي مشاو وأنا من صغري وبابا وماما.. حتىهيا كتر من مها فاش كتدوي مكتبقاش تسكت قلت ليها حتى نجيو لعندكم وندويو فهادشي لمهم مريم عرفات بهادشي؟ أه ماما قالتها لخالتي يعني غتكون عرفات هادشي ومصيفطاتلي لا مساج لا والو.. اوا صافي نسايها غادي تنسانا حتى هيا.. داوي زعما معقول لمهم وصلتها لدارهم قريبة ورجعت لدارنا ليل تعشينا ونعست بري وسبحان الله تخايل معايا معمري ضرباتني لفيقة فليل حتال داك نهار(بصوت يسار) غادي لكوزينة نشرب تنطل من شرجم تيبانو ليا واحد زوج خوتنا تيحلو فطوموبيل ومنعرف شنو تيخربقو وراكم عارفين لمغربي مستحيل ميسبش ديك شكتدير يا ولد طييط نازل وتنسب وهاز فيدي موس ديال لخضرة حليت لباب ملقيتهم هربو مهزو والو يمكن يلاه حلوها سديتها ولغريب حتى واحد مفاق لواليد ولواليدة ميتين ماشي ناعسين طلعت لدار بقيت فايق حتى فاق لو لواليد يصلي لفجر قاليا مالك ومتقولش ليا فايق تصلي لفجر قلت ليه راه شي براهش كانو تيخربقو فطوموبيل لقيتهم حالينها 3 سوايع وأنا فايق قاليا ياك مداو والو سير تنعس أنا مبقاش فيا نعاس حتال صباح ونديكلاريو قلت ليه وخا عطيتو سوارت ونعست مفايق حتال 11 لواليدة مفخبارها ميتعاود سولتها على لواليد قالتي راه تيخربق فطوموبيلتك من صباح نزلت عندو شنو كاين تما قاليا فطر وغنمشيو نديكلاريو قلت ليه إلا مكانو داو والو بلاش غادي بلا صداع قاليا راه مكانوش باغين يديو نتا مكتفهم فوالو لهاد درجة راه قطعو ليك لفران لي دار هادشي مباغيش يسرق باغي يصفيها لك البرهوش إلا كنتي باغي تبدا تصلي هادي هيا لوقت.. قلت ليه واش كتدوي من نيتك يمكن تقطع بوحدو قاليا لا طوموبيل جديدة وهادشي مضروب بموس.. عاد تفكرت لهضرة ديال لبرهوش ديال خويا داك نهار عيطنا للبوليس جاو نفس لهضرة ديال لواليد حضي كرك لي دار هادشي مكانش تيضحك لي دويت معاه يقوليا حضي كرك كي غندير ليه أنا زعما ولاد ناس أصلا لحاضي لله عدلنا طوموبيل هادشي كامل بلاما تعرف لواليدة غادي تولي تعيط ليا كل دقيقة إلا عرفات هادشي ولكن بصح باغين يغتالوني سيمو ومعندوش هاد لأعداء كين واحد لي عارف شكون ويقدر يعاوني فهاد لحالة هو لبرهوش ديال خويا هو قاليا هادشي غيوقع قبل ميوقع معرفتش فين هو وشنو تيدير ولكن باينا هو لي يقدر يعاوني...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.