مهدي و شيماء الجزء 22

خونا هربو ليا تيشطح داك شطيح ديال لمشرملين وكيتمشى عندي لمهم شد فيا داك شطيح راك عارف قلت ليه فين هو خويا؟ قاليا مكينش فهاد لبلاد وقفت كيفاش فين هو؟ قاليا متخافش خوك بيخير غير عندو خدمة هادشي علاش صيفلك لكادو ديالك معايا.. شفت فخونا مزيان مهاز معاه والو قلت ليه فين هو لكادو؟ كتسنى شي مانطة ولا زينة ديال لكيسان من نيتك كادو ديالكم فجيبي.. جبد واحد لورقة وستيلو قاليا سني هنا باش هاد دار غتولي ديالك هادا هو لكادو ديالكم قلت ليه كتدوي بصح؟ مطلعينها عليا؟ قاليا داوي معاك سني بزربا عندي ميدار حتى أنا شديت ديك لورقة نفس لهضرة لي قاليا خونا لملكية ديال دار ولا منعرف داكشي بالفرونسي سنيتها وهو يطلع لفوق للبيرو دار فوطوكوبي ليها خونا حافظ دار كتر مني مدلي لكوبي قاليا مبروك وخرج مقديتش نتبعو غيحساب ليهم هارب من لعرس بحال داكشي ديال لأفلام زعما ضربت ديك لورقة فجيبي ورجعت معاهم للجو ديال لعرس داك خونا لي تيصور مخلانيش نبرك ولا نشطح فخاطري مؤامرة ماسونية نتا حشمان وهو زايد علك فينما نشوفيه نلقاه شاد عليا وعندو داك لفلاش قاصح دار ليا لقلق جابلي لحكة فنيفي بغيت نحك وخفتو يشد عليا وديك لكاسيطة ديال لعرس عارفها غادي تدور على كاع لعائلة بدون إستثناء بدا بنادم تياكل و أنا أصلا تنموت على ديك لماكلا ديال لعراسات كلشي تيخشي فوجهو و هيا تباليا لواليدة جايا تصور معانا وانا نقوليها لواليدة لله يعطك ما تمنيتي جيبي ليا مناكل راه ولدك غيموت بجوع وخا غير شي فخض فربع خبزة راه مفاطرش قالت ليا صبر صبر غتدخل مع مراتك لبيت و كول قلت ليها إوا هيا دبا يلاه نتي لله يجعل لبركة ناس غياكلو ويحركو لديورهم ومن زهر باها عا حتى وقف حدانا سمع غير لبارتية ديال نوضي لبيت غادي يكرهني دبا.. قالت ليا لواليدة صبر صبر مالك عمرك صمتي يكملو ناس لماكلا وكدا بقينا تنتسناو تنتسناو بنادم صافي غادي خارج ولي بقاو تابعينا لبيت و هيا تقوليا لواليدة هزها هزها باش يصوركم سيد راه ولادكم غيبغيو يشوفو لعرس من بعد من نيتك الواليدة تصلاحي تخرجي أفلام ديال داكشي وخرجو عليك لأفلام 2M بقاو عليا هزها يا هزها هزيتها وهيا ناري شنو تتاكل هاد زبلة بحالا هاز بقرة مبيناش فيها تقيلا و عاد تيبانو ليا دروج قدامي مطلعتها حتى غفر ليا الله دنوب شباقي فيا مياكل ولا ميدير شي حاجة موصلتها لفوق حتى غفر ليا لله و لمصور مزال حاط ليا لكميرا على كمارتي بحالا محرشينو عليا شي 90% ديال ديك لكاسيطة شاد فيها غير وجهي صابر غير بزز ومزال تابعنا لبيت و انا نحطها وشفت فيه أجي دخل معانا متحشمش ولا دخل عليها نتا كاع أصاحبي ممرغتيش بدا تيضحك قاليا سير سير راه تنديرو غير خدمتنا قلت ليه وخا أسيدي هزيتها تاني دخلنا لبيت بنادم مشى قلت ليها بقاي هنا انا جاي و مديتلها ديك لورقة قرايها بلاما جيت نتي عندك مع لفرونسي وخرجت تنقلب على لواليدة نساتني واقيلا موحال واش خلاو ليا حقي زغما لعروسة تمشي تعاود لراسها ولكن منقصيش من لمرقة ديال عرسي هادي هيا تخويرة Interminable عيطت للواليد فتيليفونها واافينك قالت ليا مالك؟؟ وقعات شي حاجة؟؟ بزربا؟؟؟؟ بلاتي بلاتي شكتخربقي قلت ليها جيبي ليا لعشا نتعالج راه تنموت كرشي خاوية من صباح قالت ليا وخا أسيدي رجع لبيتك أنا غنجيبلك داكشي حتال بيتك رجعت لبيت لقيت ختنى باركة وكتشوف فدسم لورقة قالت ليا ديال لملكية كيفاش ياك هيا أصلا ديالك؟ قلت ليها اه ديالي غير واحد لمشكل دبا تحل.. قالت ليا ودبا شنو؟ بقيت تنشوف فيها باش غنجاوب هاد خيتي كتسول فيا بحالا أنا هادي 10 مرة نتزوج تفو كان خاصني نصغر راسي ونسمع هضرة لواليد تنسمع دقان لواليدة هادي دقات قلت ليها دخلي وهيا تعاود تدق وصافي دخلي راه باقي بحوايجي وهيا تدخل قالت ليا وخا تكون عريان كاع شكون لي كان تيغسلك ويبدل ليك ليكوش فصغرك وتيحك ليك ضهرك كل سيمانة بهدلاتني قدام ختنى تبهديلة ديال لعديان وجايبا ليا شياطة لواليدة أش هادشي قالت ليا راه بنادم جى كتر ما كنا حاسبين وطيابة حتى هيا لي داز من حداها تعطيه غدا نحمر لولدي شي زوج طيور دبا غير قول بسم الله وكول خرجات بارك تناكل بادين لحياة زوجية بشياطة كتاب باين غير من لعنوان ديالو.. لمهم لغد ليه كتفيق فيا ختنى نوض نوض ماماك حليت عينيا كتباليا لواليدة تنجمع فلبيت ودوك طباصل ديال لبارح وضفاك منيتك وا لواليدة راه وقت أخرى هادي معرفتيني عريان ولا شنو تندير قالت ليا راه ل10 هادي نوضو تحركو باش متمرضوش.. دوزو عليا واحد سيمانة مقاااودة كلها تطلاع معمري شفت لواليدة ولواليد متافقين على شي حاجة بحال هكذا كنكونو باركين حتى كتقوليا لواليدة شفتك وليتي 24 ساعة على 24 فلبيت أما لواليد هربان عليها فميساجاتو حتى هو لمهم والديها رجعو لدارهم عاد قدينا نسافرو هزينا طوموبيل وشدينا طريق معارفين كاع حتى فين غادين لمهم محركين داوين على والو بكل ما في الكلمة من معنى لمهم مسكتناش حتى ضلام لحال وقفنا فواحد لقهوة نتعشاو ونسولو فين وصلنا تنسول سرباي قاليا خويا أشمن مدينة هادي؟ قاليا واش كتضحك؟ لا داوي بصح مدرتش بالي مع طريق وضلام لحال قاليا قول راك دبا فمراكش ينعل بات بات باك قلت ليه شكرآ ضربنا طريق سولتو على شي أوطيل هنا قاليا هنا موحال مكينش على حد عرفي زيد دخل لمدينة نتا دبا غير فنواحي وحضي راسك طريق خايبة عرسان جداد ياك؟...

يتبع