مهدي و شيماء الجزء 24

من تأليف دعشوش
2017

محتوى القصة


رجعنا لدار بحالا موقع والو ونسيب مقال والو لدار على هادشي لي وقع وخا جاتهم فشكل مكملناش حتى 24 ساعة وراجعين بداو تيسولو خونا وهو ينطق قال ليهم غادي يسافرو لبرى عندنا شي خدمة أنا ومهدي وغادين نديروها حجة وزيارة غادي نرجع أنا وغيبقاو هوما تما.. خونا حدد لوقت لي غنمشيو فيه بعد سيمانة منقدرش نقول لا ولا حتى ناقش سيد عاد خرجني من لحبس بحال شعرة من لعجينة.. بدينا تنوجدو باش نمشيو أنا غير تنفكر خونا غادي يولي يربح كتر من داكشي لي تندخل أنا وكتر من أي حاجة حلمت بيها ومغادي بيا حتى عارف داك لمدير غادي يوافق فاش غيشوفني لمهم وصل نهار لي لغد ليه خاصنا نمشيو فليل مع ديك 10 يلاه باغي ننعس حيت لغد ليه مسافرين حتى تيصوني تيليفوني ونمرة فشكل قلت يمكن يكون لبرهوش ديال خويا جاوبت ماشي خويا ولكن صوت ديال داك خونا لي خدام معاه قاليا تقدر تمشي لمطار دبا؟ وايلي دبا علاش؟؟ خوك غادي يوصل لتما بعد نص ساعة ومكينش لي يوصلو أنا مزال مسافر.. قلت ليه خويا راه ولا راجل زعما وعارف طريق؟ قاليا مهدي سير لمطار دبا خوك وقعوليه بزااف ديال لحوايج بسبابك إلى كنت فبلاصتك غادي ندير أي حاجة باش نعوض ليه غير شويا.. وقطع. أنا فلبلاصة مقرر بلي مغاديش نمشي رجعت تكيت حتى بدا تيديني نعاس ولكن لقلب لحنون داك لبجغوط تيبقى خويا.. غادي لعندو فحوايج ديال نعاس وضارب فرجلي بانطوفة شوهة وصلت لتما غير بديت تنقلب تندور فعينيا تيباليا فجنب لحيط حداه باليزة وبارك فكرسي كندوي على كرسي لمقعدينWheelchair أنا قلت غيكون تهرس من شي رجل مزيان يلاه يشد لأرض شويا بحال ناس وصلت حداه مدواش هدا واحد أخر من غير هداك لي عطاني سوارت داى قاليا شنو تدير هنا سير دبا يجي سيد عشيري يديني قلت ليه مكين لا عشيرك لا عشيرتك أنا لي خوك ليا لأسبقيةPrimacy ديال لعائلة.. شديت لباليزة وبغيت ندفع لكرسي بليد لأخرى وهو يحبسني بدا تيدفع فيه بيديه معرفتش مالو ومبغيتش نسولو علاش داير هاد لكرسي وصلنا لطوموبيل ومزال كيتعفر متعاونيش بغيت نعطيه شي تصرفيقات ولكن لبرهوش ولا راجل تيبان كبر مني ولحية وتاني أخر مرة ضربتو شو شنو وقع موراها وأنا ندوي معاه بكل هدوء منعرف شنو واقعلك ولا فاش خشيتي راسك راه تتبقى خويا صغير بغيتي ولا كرهتي دبا برد وخليني نعاونك هزيتو بزز ولد لعبد تقل من مراتي بشي 3 لمرات ورجليه بحالا مكينينش زعما وخا تيحطهم على لأرض متيشدو والو درت لكرسي فلمالا وتحركنا قاليا مدينينش لفيلا لي فيها لواليدة ولواليد سولتو فين باغي يمشي قاليا معارفش سو ديتو لدار لي كنا فيها دخلتو ودخلت ليه حوايجو دار غادين يتسطاو معيطيليا 100 مرة ما بين شيماء ولواليدة ولواليد.. دخلنا لدار تنسولو شنو وقعلك؟؟ تيقوليا مسوقكش ديني لشي بيت نعس داير معاه رب ديال لخاطر ديتو لفراش بغيت نغطيه وهو يدور فيا واش أنا دري صغير خرج ت*ود خرجت معرفتش مال هاد لبرهوش راجع ساخط على حياتو وكلشي منقدرش نخليه عيطت على دار غير نعسو أنا مع كمال صاحبي فدارو غادي ندوز ليلة عندو.. بزز باش داني نعاس ولغد ليه فايق بكري يلاه جبت لخبز لعيبات دار مفيها حتى حبة ديال أتاي.. تنقاد فطابلة حتى تنسمع شي لعبة طاحت فلبيت لي ناعس فيه دخلت تيباليا طايح على لأرض كان باغي يبرك على لكرسي بوحدو وهو يجيب ربحة عاونتو برك دورت لكرسي جهة ناموسية وبركت مقاد معاه قلت ليه خوك أنا قوليا شنو هادشي فين كنتي منين جاوك هاد لفلوس وأشنو وقعلك حتى وليتي هكذا بغيتي نديك لعند طبيب؟؟ خونا مجابوني بحتى كلمة هز ليا صبعو صغير زعما دخلني لبيت راحة هاد خونا غيبقى حتى يطلع لمي لقردة غادي نتعدا عليه تاني وصلتو لحمام تيقوليا غندخل بوحدي تنشوف فيه واش من نيتك وبكامل قواك العقلية كيحستابلك غادي تقد تدير شي حاجة بوحدك دبا راه عادي خوك أنا طرمتك شفتها باقي كعما عارف نتا لاش كتصلاح وأخيرًا ضحك دخلتو عاونتو برك فوق لكرسي حشاكم(جزء ديال لخرى عارف عارف😂مي غير صبرو معانا) لمهم لي عندهم بحال هاد لحالات ومكلفين بيهم والله إلا لجنة بعينيهم مغمضين حيت راه صعيييبة أنا دخلتو بحمام غير مرة وليت تنفكر نلوحمو برى ولا شي لعبة ولكن مجاتش غادي يدير شي لعبة تاني وغادي يرجع من بعد ملعق كتر وصحيح كتر وحاقد عليا كتر هههه لمهم بركنا تنفطرو تنشوف فيه كنتسناه يقوليا وخا دبا نقولك ونسمع لقصة لي غنموت ونسمعها حتى كتدير فدماغي ديك طننن وااع ليوم داير من نسيب وشيماء باش نسافرو.. قلت ليه ساط خاصني نمشي غادي نعيطلك على لواليدة تجي لهنا هيا ولواليد قاليا مهدي بغيتي تعاوني مرحبا مبغيتيش خرجني لبرى وأنا قاد بشغلي لمهم خلي والدينا بعاد من هادشي.. منقدرش نخليه بوحدو ومنقدرش نعيط على لواليدة سو مغاديش نمشي جبدت تيليفون نعيط على نسيب نقوليه بلي مغاديش نقدر نمشي تيليفون تيضوني ومعارفش كيفاش غنقوليه هادشي حشمان منو سيد مقاد كلشي تما وغادي نخوي بيه...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.