مذكرة أريج الجزء السابع

راوية:ناري اختي شوية او تمشي فيها 

انا:صافي هلعار سكتينا او الى مشيتي حتى قلتي هدشي لماما عمرك متحلمي نخرجوا لشي قنت عنداك

راوية:هه اودي شكون كيوصي فيا راك نتي لي مكتخبي عليها والو 

انا:صافي سكتينا او جمعي لحويج انا جاية .

عرفتوني فين بغيت نمشي بغيت نشوف امير معرت علاش كنفكر فواحد غادي يتزوج ببنت اخرا او كيبغيها او كتبغيو واقيلة تصطيت صافي مابقيتش غاظا اش غنقول اصلا او شكون انا اصلا حتى نمشي عندو هد شوية الاعجاب خسني نحيدو من بالي جمعنا لحويج وصل لوقت باش نقول ليهم بسلامة هزينا لحويج او حطيناهم قدام لباب . او مشيت سلمت على عمتي او ولادها او للاسف مكانش امير كانت غير لمياء شكراتني بزاف واخا انا مدرت والو او تبادلنا الارقام او مشيت اه نسيت مقلتش ليكم شهد خو امير لحاملة منو مريم ملي سمعو داك الخبر راجل عمتي دوا معاه فتييليفون حينتاش هو عندوا دارو بوحدو او تبرى منوا او قال ليه عمرك توصل لداري حينتاش كان عارف او ساكت. 

شدينا طريق ساعة او وصلنا اول واحد طلاقيت معاه هو بابا حبيبي توحشتوا تلاحيت عليه انا او راوية شوية او نقتلوه .

انا:توحشناك الوليد غبرتي علينا 

بابا:واخا هاكاك ابنيتي بالي معاكم

راوية:اوى هي لاجيتي سكنتي معانا ماشي غير لهدرة 

بابا:الله ابنتي شكون كره ولكن معندي مندير خدمتي هنا او كاينين حتى خوتكم هنا 

راوية :اودي ازيد زيد ولفنا 

انا:سكتينا اديك لبعلزكة بديتي تاني 

انا ختي راوية جنية لي فبالها كتقولو او هدرتها قاصحة سكتها قبل ميتقلق منها بابا المهم هزينا لحوج او مشينا لدار سلمنا على خوتي هما 3 دراري او بنت او مرت لوليد بقات غير كتطلع فينا شكاتني فراسي واش فيا شي حاجة عرفتها من شوفاتها ناوية على شي حاجة خيبة .تصرفت عادي واخا ختي مكتسكتش هههه ولكن معندي مندير ليها فاصلة جنون دازت شي 3ايام عادي ولكن مرت بانا مكدويش معانا معرفتش علاش او حتالا دويت معاها مكتجوبنيش داز نهار تالت عادي وصل ليل مشيت انا او ختي نعسو حنا لبنات ب 3 كنعسو فنفس لبست صراحة ختي من بابا ضريفة بزاااف او غير نية حتى دراري بزاف او كيعملونا مزيان غير مهم لي مكدويش معانا او كتبقا تخنزر فينا المهم قاديت فراشي او فراشهم هما معكازات يله عرفت راوية لمن خارجة امم خارجة لختي ايمان سلعة وحدة تكيت او هزيت تيليفوني كنتكونيكطة وصلني مساج من نمرة معرفتهاش دخلت نشوف طوف واو امير يحليلي كيدار ليها المهم لقيتو كاتب ليا فالمساج .

امير:سلام بنت خالي انا امير كيوصلتو مزيان راه خديت نمرتك من عند لمياء حينتاش مشفتكش ملي مشيتي كانت عندي لخدمة او مشيت او نتي عاونتيني بزاف او ماقلتش ليك حتى شكرا .

انا:لا ماشي موشكيل مكينش شكر داكشي جا صدفة 

اوبقينا داوين شحال حتى ادن لفجر اوهو كيعاود ليا على لمياء ميفاش تلاقاو او زيد او زيد سعداتها كون غير كنت فبلاصتها ناري انا فاش كنفكر فلمستحيل الله.

الغد ليه خرجنا حنا كاملين غير بابا او مرتو لي مخرجوش دوزت احلى نهار مع ايمان و راوية و حسام وسمير وعماد احساس زوين يكونوا الخوت بزاف للاسف مكبرناش فدار وحدة ولكن حتى مرا متبغي ضرتها تجلس معاها فدار وحدة .وخصوصا انا بابا تزوج بمرتوا لولة غير زواج العائلة عكس زواجوا مع ماما كان زاوج عن حب و للاسف مكملش او واخا هاكاك باقين كيبغيو بعدياتهم . وصلات لعشية رجعنا لدار وتفاجئة ملي حل لينا امير لباب سلم علينا ناري شحال ضريف فلول كان كيبان ليا متكبر دخلنا او قال لينا بلي بعد 3ايام غادي يتزوج ب لمياء او عرض علينا او طلب مني نمشي معاه حينتاش لمياء قالت ليه بلي بغاتني نعاونها فتوجاد بحكم ان مبقاش بزاف ديال لوقت غير 3ايام وافقت او مشينى طريق كامل او حنا داوين او كيف لعادة على لمياء هههه كيدوي غير عليها الله ياربي تشهيت نحب او نتحب حتى انا هههه. وصلنا لدار او تلاقيت مع لمياء بقينى داوين شحال او كانت فرحانة او حتى انا فرحت ليها ولكن فرحتها غامضة فشي شكل من بعد غنعرف علاش ....يتبع