مذكرة أريج الجزء العاشر

ماما:اويلي اش هدشي كنسمع.

انا:اهيء اهيء ماما نتي معطيتينيش فرصه ندويو او لا نعاود ليك دغيا خيرتيني بين سخط و رضا.ماما انا غنحيد هد لولد .

ماما:اويلي بغيتي تخرجي لي عقلي باغا تقتلي روح الى حيدتيه مانا مك مانتي بنتي.

انا:ولكن اماما 

ماما:ماكاين ما ولكن زيدي قدامي لدار .

مشينى وانا مصدومة وطلبت من ماما متقول والو لامير هدا ولدي بوحدي انا غنعيشو احسن عيشة واخا كان ناتج عن غلطة وغباء مني ولكن لغالب الله هذا قدري وهدشي مكتاب صافي تسجلت فلجامعه باش نكمل لقرايا ونعيش عادي و منخليش هادشي لي داز يأتر عليا و حتى لحمل ننساه باش نقدر نقرا او نوفر لولدي داكشي لي بغا حينتاش بلباك مكايناش شي خدمة تقد على هد لمصاريف كاملة دازوا 4شهر وكرشي بدات تبان و كاع لبنات مستغربين ليا كيقولو كيفاش حاملة دابة او فين راجلها عمروا جا داها من لجامعة او عمرها دوات عليه كنت ديما كنتهرب من الاسئلة وكنت كنحس بأخيب شعور ملي نمشي عند طبيبة باش تشوف حالة لجنين او نشوف كل مرا مع راجلها كنحس بفراغ كبير معليش كلشي يهون كنتسنى ولدي يعمر عليا حياتي . او واحد نهار كنت خارجة من لجامعة مدكدكه بغيت غير ننعس كنت واقفه كنتسنى فطاكسي حتى وقفات عليا لوطو حدا رجلي او خرج منها لي دا قلبي فدقيقة او زاد او لي كواني كية لعمر شكون من غيرو امير جرني من ايدي و دخلني للوطو وكسيرا وقف حدا واحد لغابة .

امير:نزلي

نزلت بلاما ندوي 

امير:واش نتي معندك قلب 

انا:لا رد 

امير:كندوي معاك دوي 

انا:اشنو بغيتي مني 

امير:ولدي 

انا:شكون ولدك

امير:هدا لي فكرشك 

انا:هدا ولدي انا وعمرك تحلم بيه الحمار اعيفت رجال غتاصبتيني ومحنيتيش فيا واخا انا قبلت نتزوج بيك ونتا قلبك مع بنت اخره او ميته من لفوق وضحيت باش نخليك مرتاح او تنفد وصيتها وانا مارابحة والو من هادشي و درت هدشي غير حينتاش حسيت بشوية الاحاسيس من جيهتك .

امير بقات كتعاود ليه سميت حمار و عيفت رجال فودنوا او هز ايدو حتال اقصى رتفاع وعطا لاريج بتصرفيقة حتى طاحت .

اريج:(طاحت على حجرة كانت حداها )اي كرشي قتلتيلي ولدي القتال اهيء وغيبات.

امير معرف باش تبلا وشاف اريج غاطسه فدمايات و مليوحة كيف شرويطه بدا كايغوت و هزها بزربة او داها لصبيطار من بعد 4سوايع خرج طبيب من غرفت العمليات و امير عيونوا حمرين 

طبيب:نتا من العائلة

امير:انا انا رراجلها

طبيب:كنتمنى تعاونها فهاد المرحله هي فقدات لجنين و نسبة لحمل ديالها مره اخره قليلة 

امير:كيفاش انا قتلت ولدي انا قتل ولدي 

بقا امير كيبكي و الى شفتي شي راجل كيبكي عرف مهموم او داقت بيه دنيا كيبكي على طرف منوا مشى وفنفس لوقت بقى كيطل على اريج من زاجة وكيشوف فيها كيفاش ناعسة او كيفاش كايبان عليها لعيا او وجهها صفر و كتبان البرائة على وججها وتفكر شنو دارت على قبلو عمرها قالت ليه لا و هو دار فيها هادشي كامل بعد ساعة دخل عندها باش يشوفها حينتاش فاقت .

امير:اريج لباس عليك كيف بقيتي.

اريج: قتلتي ليا ولدي اش بفيتي مني تاني الله ياخد فيك الحق هو لي كنتي باغي مني هاهو خديتيه يله خرج عليا او طلقني 

امير:سمحي ليا انا نعودك على كولشي نبداو صفحة جديدة

اريج:اشمن صفحة جديدة او ولدي مات بسبابك اهييء اهيء اهيء 

امير:كنواعدك سمحي ليا مره وحدة انا قلبي فيه لمياء ولكن غنحاول نببداو صفحة جديدة 

اريج:انا مبغيتش شفقتك .

اريج كان حداها واحد لكاس هزاتو او عطاتو ل امير .

اريج :هرس هاد لكاس ضربو مع لارض 

امير دار داكشي لي قالت ليه .

اريج:قول داب سمح ليا 

امير:سمح ليا .

اريج :واش اعتدارك دابا رجع لكاس كيفما كان .

امير:لا ولكن 

اريج:ولكن قلبي قلبي حتى هو ولا بحال هاد لكاس مهرس اعتدارك مغيرجعوش. خديتي ليا حتى نعمة الامومة 

امير خرج و خلا اريج ف شوبر ديالها و هو حاس بندم و دنب و حرقتوا على ولدوا او لا بنتوا لي هو سباب موتوا وواعد راسو بلي غيدير كل ما فجهدو باش يعود اريج على كلشي واخا باقي كيبغي لمياء ولكن حتال امتى غيبقي وحدة ميتة دازت 15يوم و اريج فلمستشفى و هو كيجي عندها غير ملي كتكون ناعسه حينتاش مقادرش يشوف فيها ويشوف نضراتها ليه وهي لاحضات لغياب ديالو مرا كتحس بالكره من جيهتوا و فنفس الوقت كتوحشوا وكتقول علاش ماجاش يشوفني وزيد وزيد حبها ليه خلاها تنسى الم فقدان ولدها حتى نهار لي خبرهم طبيب بلي تقدر تخرج جا امير وجات معاه ام اريج وختها وحتى باها جمعات راوية لاريج حوايجها و نادت اريج باش تخرج و جا امير بلاما يدوي هزها بين ايديه خرجها قدام انظار الممرضات لي مكرهوش يكونوا فبلاصتها حينتاش امير زينو خطير و فورمتوا حتى هي وحنين بزااااف وصلوا لدار ديال ام اريج ولكن نزلات غير راوية و ماماها وباها وخلاو لحويج فطومو اريج بغات تنزل .

امير:فين غادا

اريج:غادا لدارنا 

امير:لا هادي ماشي دارك غادا تمشي معايا لدارنا انا وياك هادي كانت دارك ولكن من ليوم