البرهوش الجزء الرابع

خلاني فدارو ومشى وأخيرا تلفازا A1Shop تنادي.. مبغاش يديني نعاس هاح وهادي خدمة نقية إلا كان بصح خونا لي باغيني نبقى معاه ولا نخدم معاه ولا منعرف عندو فلوس غادي نبقى نقوليه أبي.. لغد ليه جا لدار جايب ليا لحرشة لمسمن وشفنج عرفتي شحال هادي ما قصيت داكشي بقيت تناكل وهو تيشرح ليا خدمتو مع هاد سيد بحال سيكيريتي ولي قالها ليه تيديرها باركين داوين حتى كتحل واحد لميمة لباب فوطوكوبي ديال أمل صقر وكتشوف فيا وحلاتها ليا قالت ليه شكون هاد لولد وييع لحنان قالها من عائلة سيد لي خدام عندو كان غابر يلاه لقيناه سيد مكينش هنا دبا قلت نخلي لولد هنا حتى يرجع راه أمانة عندي.. خونا داوي مع مو وأنا تنشوف فيهم كنتسناها غير تخرج باش نسولو واش من نيتك هادي مك ولا كتضحك عليا وهيا تقوليه متخليهش هنا بوحدو يقدر يبقى معانا فدار حسن قالتلي ياك أولدي بغيتي تجي عندنا ياك بلاصة حسن من هادي أنا تخلعت تزعزعت أخويا بقيت مصدوم وهو يجاوبها أه دبا نجيبو معايا غير سيري نتي قالت ليا بسلامة وخرجات شفت فيه نبقى معاكم أحمباك واش مك هادي بلا كدوب قاليا شوف غادي تسد ز*ك ولا غادي نوض نسدو أنا غتمشي معايا لدار وسط عائلتي لوالدة ومراتي و ولدي غتعاود تشوف فلوالدة بديك طريقة غتكون هضرة أخرى قلت ليه وا عدرني أخويا مك راه big bang ديال حرب لميمات عرفتي مخلانيش كملت ديك ميمات حط ليا واحد ليد عندو تبارك الله فوجهي حسيت بنص ديال وجهي لصق ليه فيدو ديك دقيقة مورا تصرفيقة كنت بحال شي كارت ميموار فورماطيتيها بقيت مصدوم حتى خوى عليا كاس ديال لعصير محسيتش بدموع حتى بداو نازلين تراه زعزع ليا لافيشور ديال كمارتي تنغوت وارجعني فين كنت ولا تيحبس فيا واش نتا مريض صافي راه ضربتك غير باش تفيق ولد ناس هادي غير باش تفيقني كون بغيتيني ننعس كيفاش غادي تكون هاد ضربة قاليا تجرب؟ لا لا أخويا شنو قلتلك أنا مك زوينة بغيتيني نقولك خيبة وتضربني أنا راه غا ملائكة مكنعرفش نكدب قاليا هز هز حوايجك ويلاه من لفهامات ديالك.. غادين لدار مو هااع علاش متربينيش هيا وينعل بو لفلوس نبقى غير نغسل عينيا من لوسخ لي فيهم هاد سنين لي دازو تفو ضيعت نص فحياتي مع عبد الفتاح متعرفها واش ولد ولا بنت.. وصلنا لدارهم غير قريبة لقيت مو كتقاد ليا شي بيت هااح شحال حنينة قاليها راه غيمشي غدا ولا بعدو بلاما تعدبي راسك هاد خونا محاملنيش ولكن مو زوينة من حقو قالت ليا تاكل شي حاجة شنو تشهيتي؟ وأنا نشوف فولدها طنت غنقوليه سمعتيها راه هيا لي كتجبدني دبا يلاه غندوي وأنا نتفكر ديك تصرفيقة لي عطاني مزال تنحس بتأثير لبنج فحنكي عاودت شفت فيها مبقاتش كتجيني زوينة فاش تفكرت ديك تصرفيقة قلت ليها أي حاجة مشات وهو يقوليا جمع زير البرهوش دخل حتى هو لواحد لبيت غادي تنسركل فديك دار واحد لحيط معلقين فيه تصاور مو متبدلاتش من صغرها ميمة من نهارها هيا راه هبة ربانية وهيا تجي تاني لعندي بغيتي عصير؟ قهوة؟ قول متحشمش أولدي قلت ليها لا والله ما حشمان حسيت براسي وسط عائلتي عرفتي كنت شاك فيها غادي تعنقني وهو يخرج لبغل ديال ولدها تاني مستحيل هاد لجمال والد داك لبغل هاي هاي راه أمبوستاحيل توقع قاليا ياسين يلاه راه سيد رجع بكري من سفر على ودك وييع وعلاش عدب راسو قوليه يرجع حتى يكمل خدمتو مالنا غادين نهربو قاليا زيد زيد تحرك قدامي تحركنا لفيلا ديال هاد خونا وصلنا قلت لعبدو واش منيتك غادي نسكن هنا؟ قاليا إلا عرفتي كيفاش تدوي شوف عتابر راسك ممتل وغادي تلعب دور ديال ولدو دير ليه خاطرو قوليه لواليد هو راه ضريف وفنفس لوقت قبيح خاصك تعرف كيفاش تعامل معاه.. حط طوموبيل وغادين داخلين على رجلينا وهو يباليا بارك فوق واحد لفوطاي فشكاال داكشي بحال ديال لأفلام أبا خونا بارك سيڭار فيد وكاس ديال شراب فيد حطهم وتم جاي لعندنا تنفكر شنو غنقول وهو يعنقني قاليا مرحبا سميتك ياسين ياك؟ قلت ليه أه قاليا من ليوم غادي يولي عندك لقب ديالي عبدو قاليه ديك لعيبة ديال شاف نخليكم دبا ياسين راه ولد ضريف ومغاديش تلقا معاه شي مشكل غدا ونشوفكم تنشوف فيه كيفاش ولد ضريف مغاديش تلقا معاه مشكل مالني باقي تنرضع صبعي.. خرج خونا بقيت مع شيباني تندور فراسي تنشوف فداكشي قاليا امالك تكايس على عنقك دبا يضرك دبا تولف على هاد دار يلاه نجيبو دورة نوريك دار قلت ليه وخا أسي؟ قاليا سميتي فاروق وبلا سيي راه مجبتكش باش تخدم عندي راه وليت ولي الأمر ديالك تقدر تقوليا غير فاروق حتى تولف تقولي لواليد ولا غير با كاع قالها وبدا تيضحك دوك ناس لي عندهم صرف خاصهم غير علاش يضحكو قوليه سلام يبدا يضحك شفتي يعاود يقوليا شي واحد المال لا يشتري سعادة غادي نتقرب* ليه من ودنو.. تنسركلو فدار خونا داوي غير بوحدو أنا غير ساكت وكنتبسم وهو يقوليا ودوي قول شي حاجة عارفك مخلوع ولا منعرف راه كنت فنفس لإصلاحية ومعندي حتى واحد على برى دوزت تما تقريبا صغري كامل هادشي علاش جبتك كون كنت فبلاصتك غادي نتخلع حتى أنا بنادم مكيعرفكش و يخرجك من تما يعطك دار وعائلة ولكن غير رتاح مباغي حتى حاجة فلمقابل من غير تكون نتا مرتاح خود راحتك وخود وقتك باش تولف.. قلت ليه شكرآ على كلشي راه ساكت غير حيت مكينينش لكلمات لي يقدرو يوفيوك حقك.. عرفتي تعنبة عليه ديال بصح أغويا بقى عليا فين باغي تسافر شنو بغيتي تدير واش كتعرف شي واحد من عائلتك قلت ليه حتى واحد عقلت على راسي فزنقة صراحة كانت باينا فيا تنكدب ولكن بقاو دايرين ليا خاطري ومتيقيني دخلنا لداك لبيت لي غنبقى فيه طفى ضو وسد لباب هاد ساط شاابع أفلام ديال لمراكنة ومبغاش يجيني نعاس عنداك يكون خاصو شي قلب ولا رية شي كلية يخليوني حتى نعس ويحيدوها ليا وغفلني ناعس حتال لغد ليه تيفيق فيا نوض باراكة عليك من نعاس راه عندنا بزااف ميدار ليوم وقفت لحمام غسلت وجهي وخرجت لعندو صابح لخير صباح نور قاليا راه وجدو لفطور يلاه نفطرو نزلت طابلة قدها قداش باركين فيها غير بزوج سولتو واش ممزوجش وهو يتبسم قاليا انا ماشي من داك نوع ديال زواج.. خونا تيجاوب وضريف حتى أنا تطلقت عليه فلأسئلة حتى سولتو على فاش خدام وهو يسكت قاليا شوف بقى بعيد على خدمتي خليك نتا فقرايتك وحياتك جديدة قلت ليه قراية؟؟ راه أنا زليجة ماشي ديال لقراية قاليا ياك نتا معمرك مشيتي لمدرسة باش عرفتي راسك ماشي ديال لقراية؟ معرفتش باش نجاوبو وهو يبدا يضحك قاليا غير تنضحك معاك عارف بلي غتكون كتخلعك دراسة دبا ولكن غادي تولف مع لوقت صعيبة غير لبداية دبا كول بغيتك تمشي معايا نتقداو شي حوايج وتشوف شي ناس...