البرهوش الجزء السابع

طلعت لديك لخزنة تنحاول نحلها والو داك لعجب قاصح جربت عيد ميلادو والو بارك تنضرب فيها بواحد لمطرقة دخل عندي عبدو واش نتا مريض معمرها أتحل ليك هكدا سولتو واش عارف لكود قاليا لا معارفوش صافي خلي حتى نجيبو شركة لي ركبوها يحلوها قلت ليه وخا ديرها فبالك.. غير خرج هو هزيت ديك jaguar تنسركل بيها مزال معنديش لبيرمي ولكن هاز معايا لفلوس باش نفاسرها ومن عند الله موقفوني موالو مشيت لمدرسة حطيتها قدام لمدرسة وي شوفوني هاني لمهم دخلت لقسم وهو يجي عندنا لمدير قال ديك ولدي ياسين تقدر تجي معايا واحد دقيقة؟ قلت ليه أه خرجت معاه لساحة قاليا لبركة فراسك.. وهو يلوحلي ديك واش مغادي يتبدل والو فلخلاص حيت لحاج مخلص غير هاد شهر.. قلت ليه متضربش حساب من هاد ناحية غادي توصلك فلوسك فكل شهر قاليا تبارك الله عليك قرى على راسك وعوتاني لله يصبركم.. دخلت تاني لقسم معرفتش بعدا علاش جاي لهاد لإعدادية تاني شيباني هو لي كان تيبزز عليا نجي يمكن فالداخل ديالي كين شي إنسان باغي يقرى كتوقع فأحسن العائلات.. ولكن بنادم صدمتو داك نهار رجعت لدار حطيت طوموبيل طلعت لقيت عبدو كيتسنى فيا قاليا واش نتا مريض معندكش بيرمي دبا كون درتي شي كسيدة سيد لي يقدر يخرجك من لحبس راه مات دير عقلك نسى تبرهيش.. بقى تيخطب عليا قلت ليه صافي أصاحبي غادي نبقا نمشي بلموطور حتى ندوز هاد لبيرمي بزز باش سكتو كون عرفني شربت لبارح غادي يتعدى عليا مشى تاني وغير خرج دخلو صحاب شيباني جاو واحد واحد لمهم بركنا سلام سلام سولاتهم سيدة لي خدامة فدار شنو يشربو مبغاوش عرفتهم جاين على ود لفلوس نطق واحد فيهم قاليا فاروق الله يرحمو كان كريم تبارك الله والله تيعوضو تبارك الله.. أنا غير سمعتو تيقول تبارك الله وتيعاودها عرفتو باغي يبروفيتي فيا قاليك أسيدي لحاجة داخل معانا شريك فمشاريع ونتا مغادي تعرف مناش تجيها وغتخسر لفلوس لي مخليلك شنو باليك نعوضوك نشريو من عندك لحصة لي ولات ديالك دبا دير بيها شي حاجة كتفهم فيها قلت لخونا بحالاش شنو خدمتكم؟ قاليا كلشي قلت ليه خدمة لحاج غتبقى كيف كانت بحالا مزال حي راه هادي وصيتو وأنا مع لوقت غادي نتعلم ونتوما كينين تبارك الله راه نتوما فمتابة خوتو صافي بداو تيضحكو قالك تمشي معانا شهر جاي خارجين نصيدو قلت ليهم وخا خديت نمرة ديال واحد منهم باش نتواصل معاه طيف تيقولو لمهم خرجو هوما دخلت لكوزينة كاع لقراعي لي كانو مبقاوش وييع لكوزينة كاملا شبر شبر قلبتها والو ولد ناس دعبد الوهاب كنت شاك بلي عرفني شربت داك نهار.. خرجت بلموطور تنسركل قاليا واحد راس نمشي لدرب لقديم نشوف دارنا لقديمة داير لكاسك مغاديش نحيدو ومغادي يعرفني حتى واحد وقفت بعيد شويا تيباليا لواليد حاط طاكسي قدام دار وهو يخرج طلع لطاكسي وتحرك عارفو انا ديما تيبغي يخدم بالعشية وفليل بقيت واقف تما كنتسنى نشوف شي واحد أخر فيهم مهدي ولا لواليدة وهيا تباليا خارجة للحانوت كنت صافي غادي لعندها ولكن داك شيطان بقى عليا واش نسيتي فاش خرجوك ومقدوش حتى يتبعوك دبا غادي إلا شافتك غادي تولي تصرف عليهم بفلوسك مقديتش نمشي ولكن تحركت بالموطور من حداها مكيناش حتى 3 لخطوات بياناتنا كنت غادي نطيح من فوق لموطور راه لحنانة هاديك تحركت غادي لدار داك شيطان تاني تيقوليا خويا دار كبيرة وكتخلع وقف خودلك شي قرعة ندوزو بيها ليلة عيت منقول لا راه غادي نتبلا ولكن شيطان مقود أغويا وقفت قدام واحد لمحل كبير قريب شويا لدارنا بقيت داير لكاسك لا يشوفني شي واحد تنعرفو دخلت وقفت عند سرباي قلت ليه شي قرعة قاليا شنو؟ أشمن وحدة قلت ليه أي حاجة أصاحبي متفوتش 500 درهم غنديها معايا ومديتلو 20 هادي لك قاليا وخا صبر طلع هو مع دروج وجابلي واحد لقرعة فميكة كحلا بحالا فهمني قلت ليه فخاطري نتا راجل نتا راجل وكتعرف كيفاش تعامل مع رجال قاليا خلص لولد لي عند لاكيص غادي وتنجبد فلوس من لبزطام جبدتهم تنطلع راسي تيباليا مهدي صدمة معرفتش باش تبليت بقى تيشوف فيا مع صدمت نسيت بلي داير لكاسك على راسي مغاديش يعرفني مديتلو لفلوس قاليا واش خايف لا يطيح علك سقف؟ مبغيتش ندوي يمكن يعرف صوتي قاليا عطيني لكارط ناسيونال نشوفها باش تقدر تخرج معاك هاد لقرعة بقيت مسمر غنعطيه لكارط غادي يضرب ليا على تصويرة غادي يعرفني كنت غادي نلوح لقرعة ونهرب وهيا تدخل واحد شرمولة قالت ليه مهدي تقدر ترجع لبلاصتك شكرآ قاليا هيا غتكمل معاك ومشى حيدت لكاسك قلت لختنى شكون هاد لولد قالت ليا سميتو مهدي خدام معانا ضريف قابلي بلاصتي حتى قضيت واحد لغرض واش عندك شي مشكل معاه شنو دار؟ قلت ليها لا والو أختي غير سولت وريتها لكارط وخلصتها رجعات ليا صرف خرجت تنجري للموطور بعدت شويا و وقفت واش هدا ولا خدام هنا ولا كيفاش مكملين حياتهم بحالا موقع والو وهاد ساط هو سبابي.. طلعت فوق لموطور وتحركت شويا وانا نوقف بعيد وكنتسناه فوق لموطور نشوف فين غيمشي حتى كنت غادي نمشي وهو يباليا خرج غادي لجهة دار بقيت غادي وراه بشويا حتى حلات ليه لواليدة لباب سهرانة كتسنى فيه أيييه وأنا لي معارفيني واش ميت ولا حي ممسوقينش ليا رجعت لدار لقيت سيكيريتي نااعس حليت لباب ودخلت ومفاقش دخلت لدار طلقت مزيكا وأنا ندور لديك لقرعة بجنابها باش داني نعاس مورا هاد لفقسة لغد ليه فايق هوما أول حاجة طاحتلي فبالي خديت طوموبيل وخرجت نيشان لليسي لي تيقرى فيه وقفت مع ديك 9 واقف بعيد شويا على داك ليسي وهو يباليا وقف قدام ليسي ولا تيضربلك لحطات حتى هو أسيدي واحد شويا وهيا توقف واحد رونج سايقها واحد لولد نزلات منها بنت وقفات مع خويا تنمسح فعينيا هاي هاي تطلق ليه لسان مورا مخرجت من دار عاقل عليه تيوقف قدام لبنت كتشدو لموت.. دخلو وأنا حركت كنت باغي غير نعرف واش مزال تيقرى ولا صافي ولا خدام تما ديما لمهم رجعت لدار بزربا حيطت طوموبيل فبلاصتها ومشيت لعند عبد الوهاب لدارهم زعما باش نمشيو لصال بزوج حيت قريب لدارهم بصراحة درتها بلعاني باش نشوف مو واقيلا عزيز عليا لميمات حيت ناقص حنان😂 لمهم تندق وهيا تحل لساني تيتخربق قدامها وكتبان قدو أنا مزال ممتيقش بلي مو قلت ليها واش كين عبد الوهاب حيت بغيت نمشي لصال معاه قالت ليا مرحبا اولدي دخل راه تيفطر غادين داخلين لكوزينة وهيا تقوليا واش عرفتو باش مات لحاج الله يرحمو معرفتش باش نجاوبها بقيت كنتمتم مات غا بداك سميتو عليه فين قلتي ليا كينا لكوزينة؟ ناري غادي تشك فيا أنا لي قاتلو دبا ولمشكلة ناوي معاها لحلال...

يتبع