قصتي مع الشبح ديال جارتنا الجزء الثالث

وبقيت سخفان واحد نصف ساعة وملي فقت لقيت كلشي مجموع حدايا الواليدة من اللور غمزاتني باش منقول والو وبقات حتى خرج كلشي من الدار وهيا تبدا تسول فيا من إمتى هاد شي تيوقع واش انا عارف السبب ومعا الخلعة الحقيقة تتبان ليا هيا لحل عاودتلها وخا كنت تنقول بلي عمري منزعم نعاود ليها بحال هادشي وملي سمعات القصة من الول عيطات للواليد باش يجي لدار دخل وهيا تقولي عاودلو داكشي كاما لي قلتيلي لواليد متيقنيش بجال لعادة ولكين هاد المرة الواليدة حاضرة لكلشي وعاودت لواليد لي شافت وهاد لمرة تيق وبقى تيسول حتى سمع بواحد الفقيه فصحرة وانا ديك ساعا طواليط مبقيتش تنقدر ندخل ليها حيت دابا ولات تتبان ليا بشي وجوه عمرهم يتنساو ليا وسافرت انا ولواليد والواليدة باش نمشو عند هداك لفقيه خمسة سوايع ديال طريق حسيت بالمخيخ د ثبي تفورماطا وصلنى وبقينى شي ساعة وحنى تنقلبو على ديك زاوية لي فيها داك لفقيه ولقيناها ولقينا بنادم داير عليه صف فلباب وبقينا تنتسناو ساعة عاد وصلاتنا النوبة ودخلنا

دخلنا !! وهوا يبقى يشوف فيا مع الدخلة وقال لواليد بلي عارفنا علاش جاين عندو وبلي هوا ميقدر يدير تا شي حاجا دابا وبلي خاصني نبقى فديك زاوية على لأقل سيمانة باش يقدر يتواصل مع ديك الطحبة لي معنكشاني فحياتي وخلاوني الدار تما ورجعو مشيت مع داك الشيخ وهوا يوريني واحد البيت وقالي بلي هدا هو البيت ديالي من ليوم وبلي محدي داخل ديك زاوية معمر ديك روح تقدر تدخل وبلي خاصني ندكر لله ونولي نصلي باش العلاج ديالو ينجح مع هاد الشبح وداكشي لي درت دخلت توضيت (الوضوء الأكبر) من نهار جبت هاد زمرة وانا مجونب وصليت الظهر وبقيت تنضور فداك سيد تيبانو ليا شي ناس معليهمش حالت تسطية وشي حوايج عمري شفتهم حتى شفتهم تما ولقيت راحتي تما حيت مبقيتش شفت ديك جارتنا واحد يوماين من دخلة لديك زاوية ولكين واخا متنشوفهاش تنسمعها وتنحس بيها معايا وداك لفقيه تيقولي بلي اول مرة شي واخد يدخل لزاوية ويبقى معاه داكشي لي تابعو وعاودت ليه شنو سباب علاش تابعاني هاد روح قالي بلي لقدية معقدة كتر مما كان تيتخيل وبلي خاصني نشوف واحد الفقيه سوسي فواحد زاوية قريبة والغد ليه تمينا غادين انا وداك لفقيه وصلنا دخل هوا وبقيت انا واقف عند الباب تنتسنى خرج ودخلة انا بوحدي لقيت زوج الشبانين باركين وبداو تيسولو على طبيعة ديال داكشي لي تنشوف عاودتلهم بالتفاصيل داكشي ناض واحد فيهم جاب واحد الورقة معرفت شنو فيها وقالي بلي خاصها تبقى معايا حياتي كاملة حيت راها بحال لحجاب لي غادي يخبي الروح على البصر ديالي خدية ديك الورقة ولصقتها فواحد سنسلة ورجعت معا داك لفقيه لديك زاوية لي كنت فيها

يتبع