شارابوفا الجزء 19

من تأليف ask ur self
2017

محتوى القصة

رواية شارابوفا

ما سندس دخلات للدوش دوشات و كتدوز على راسها ناشطة و كتدندن تشلات و خرجات من الدوش نشفات راسها و لحمها ,حلات لماريو جبدات منه شورت و بيل مهلهل و نزلات لقاتهم باركين في الطابلة كتحتو جرات كرسي حدا عبير و بركاتعبير;وافين اساطة هههه
سندس;هههه صباح الخير شفتك ناشطة
عبير كتكسل;واعععع اختي اححح عمرت الكريشة مزيان عرgتها
سندس;ههههه بصحتك
امير شاف في سندس;كيف صبحتي ؟
غمزاتو مع ابتسامة;سوبر ههه ارا معاك داك لبلاطو هنا ارا ارا ههه
انيس دفعو لجهتها و كيشوف فيها مادواش ;هه شكرا
جراتو لعندها شدات السندويش بيد و كاس ديال العصير بيد و بدات كتخشي في وجهها و كتلعب برجليها ;ممم هدشي بنين
انيس و امير اكيشوف في بعضياتهم امير حيت موالفها كيبقى ايضحك
عبير حطات يديها على كتاف سندس;والبارح اساطة خرجات منا
سندس كتاكل;ههه واييه كليت قتلة ديال الكلان (هزات راسها و غمزاتها)هه اكيد انرد ليه الحساب هههه
عبير;ههه واراك خطيرة هه (شافت في امير)واتا خاسك تشوفها من كانت كتبكي والله حتى تيقيتها شوية كنت انعيط ليكوم كون مابانتش لي خارجة
سندس;ههههه كنعرف نمثل ها (ضرباتها بضراعها)كيف جيتك جيف جيتك؟
عبير;هههه وبزااااف اختي اش داك لشي مخابرات سيري ديري الثمثيل يجي معاك مع نتي قرطاسة و الفورمة ايتخاطفو عليك المخرجين (كتحرك صبعانها )هكا هكا بالركتة
انيس تحت سنانو;هادشي لي بقا
سندس هزات راسها فيه;شنو قلتي؟
انيس;والو ,
كوثر;علاه هادي كنت معاك لبارح
سندس;مم اه ماقالهاش لي امير؟
كوثر;لا وعلاش نتي ماعاودتي لينا والو ,
انيس;مالها مسطية تعاود ليكوم,باراكا عليها غي سليم ياك؟
سندس;املكم باغين توحلوها لينا ,(تلفتات عند كوثر)ماكانش لوقت بش نقولها ليك,اصلا انا ماطاحت لي الفكرة حتى كونت غادا المول و راك شفتي من بعد اش سرا ماكانش عندي كيفاش نبدا نشرح و زيدون كون قلتها ليكوم اكيد اتحبسوني اللهم بلاش
انيس;و فصلتي و خيطتي اراسك ,الله ينعل لي يفكر فشي حد اخر ياك؟
سندس;انيس بلا ماتزيد فيه ,شنو بغيتيني ندير ها؟كانت هاديك هي الفرصه الوحيدة ديالي مابغيتش نضيعها , و زيدون هانا قدامكم حية شنو باغين كثر
انيس;والحالة لي كنتي فيها البارح عجباتك ها؟كلك دمايات و ضاربة يديك شوفي غا وجهك كيف دااااااااير عاجباك
سندس;داااابا بلا متكبر الموضوع ,لبارح كنت معصبة وصافي ,كون عرفتك غدير هاد الحالة قاعما نجي ,نمشي لشي بلاصة اخرا قاع و منجيش
انيس;ااااه باش يله تاني نلقاك مقربلاها فشي بلاصة ولا مفرشخة شي حد
امير;انيس صافي تهدن
سندس ردخات الكاس فوق الطابلة;بناقص من شي فطور يخ حتى الماكلة يوحلوها ليك (وناضت )
انيس (ناض )رجعي بركي ,بقاي مكملتش هضرتي
تخطاتو و زادت ;ماتدوي معايا مندوي معاك اخويا فهاد الساعة (وطلعات)
سندس;وقففي راه كندوي معاك (تابعها)قلت ليك وقفييي

دخلات لبيت يله جات تسد لباب و هو يحبسو بيديه ;اش هاد التقحبين ,واش انا عندك زايد ناقص ؟كندوي معاك و تني غادة ؟
سندس خلاتو و دخلات;حيت ما في لي يبقى يتناكر مع شي حد ,
انيس;فين باغا توصلي بهادشي ,شنو باغا تبتي للباندم ,مابقيت فاهم فيك والووو,كل مرة وليت نكتاشف فيك حاجة كتصدمني ,وليتي كتخلعيني
دارت عندو;كيفاش وليت نخلعك
انيس;شوفي نتي اش كديري ,شوفي افعايلك كيف ولات,,,,كتصرفي من ورايا و كتديري لي فراسك و كتخطي و تفصلي ,ماعاطياني اعتبار ولا دايرة لي قيمة واش كاين ولا لا ,كلامي عندك زايد ناقص ,البارح خارجة بديك الحالة المغطي كثر من المستور ظهرك عريان و طرمتك معزولة ,راداني زامل من قلت ليك بدلي زدتي ,فين باغا توصلي بهادشي غا قولي لي فين حيت انا عيت مانحاول نفهمك ووالووو
سندس;هادشي كامل هازوفي قلبك وخازنو ,,,زيد زيد لا كينة شي حاجة هاني كنسمع
انيس;دابا حنا اكنهضرو ماشي كنضاربو
سندس;دابا جيني من اللخر شنو؟
انيس;هانتي دابا شوفي كيف كتهضري ,انا كندوي معاك و نتي طالعه للسماء ,
سندس;انا هكا,و نهار اللول فاش شفتيني كنت هكا ,ماشي ماخبيت عليك والووو,بلا ماتجي دابا تبدا تحاسب في ,انا مضربتكش على يديك و قلت ليك رتابط بي ,ان
قاطعها;دابا اش جابنا لهاد الهضرة ,
سندس;شوف نت لي من الصباح و نت داوي
انيس قرب عندها وشدها من ضراعها;شوفي في ,عارف بلي من نهار اللول عرفت فحال هكا,منكدبش عليك هادشي لجدبني ليك و شخصيتك القوية و مكتنتازليش على حقك ,ولكن دابا كلشي تبدل ,دابا نتي راك مرا مزوجة عندك مابقيتيش ديال راسك باش تصرفي كيف بغيتي ,لا عندك راجل لي يحميك ,الزواج ماشي غي الناموسية لا الزواج مسؤولية حياة كيتشاركوها بزوج ,بفرحها و بمرها ,انا كنبغيك وباغي نكمل حياتي معاك و نكونو عائلة صغيرة فيها بزاااف ديال الدراري يتجراو هنا و لهيه ,ولكن ماشي بهاد الطريقة انا نشرق ونتي تغربي ,علاش متجيش عندي انا من تكوني باغا ديري شي حاجة علاش مكتخلينيش نوقف بجنبك مافهمتش شنو لي كيخليك ديري هكا واش ماكاتيقيش في ؟ها؟حيت هادي هي الحاجة الوحيدة لي تخليك تديري هاكا و تخزني علي

سندس حدرات راسها حط يديه على كفها و هزو ليها;شوفي في ,سندس هادشي لي كديري فيه نهايتو طريقو مسدودة ,ماعندو باش يفيدك ,اي شخص في العالم كيف ما كان كيحتاج شريك في حياتو لي يساندو و يعمر عليه ,علاش انا اي حاجة كتكون عندي نتي هي اللولة كنقولها ليك و كنتشاور معاك في الصغيرة و الكبيرة ,حيت ماديركش كيف اي وحدة كنعرفها ,لا نتي مراتي و جزء من حياتي خاصني نتشاور معاك و نعاود ليك باش مايسراش شي سو ء تفاهم من بعد ,ولا قلتي الحاجة لا ولا اه راك شفتيني مكنزيدش معاك الهضرة ,هادشي ماكيعنيش بلي انا ضعيف و معنديش شخصية ,هادشي كيعني بلي انا عطيك قيمة وبلي نتي شي حاجة مهمة في حياتي فحال الاكسيجين ,ماكنبغيش نخصر ليك خاطرك ولا نقلقك وخا نتي كديري العكس ووخا هكاك كنكمدها في قلبي و نصبر و كنقول دابا تبدل ,ولكن شفت هادشي عاد ماكيزيد يكبر و نتي عاد مكتزيدي تبعدي كثر,دوري هاد الهضرة في راسك و اكيد غتلقاي هضرتي كلها صحيحة واخا راه من سكوتك باينة صحيحة كون كنت غالط كون دابا راه كتعرعري و تغوتي
سندس بصوت منخافض;سمح لي
انيس;انا قلتش ليك طلبي مني السماحة لي طلبت منك هو ديري لي اعتبار ولا قلت الحاجة لا هي لا ,كوني اكيدة حيت كنفكر غي في مصلاحتك و خايف عليك ,انا عارفك بلي صعيب عليك الحال حيت كبرتي في مجتمع خلاك تعتامدي على راسك و تقصحي قلبك عاود لي امير كلشي ,ولكن دابا كلشي تبدل ,دابا عندك شكون يحميك و علامن تحطي الراس ,مابقيتيش بوحدك ,انا ديما معاك و في جنبك ,فهمتي ؟
هي حركات راسها بأه و حادرة عينيها الارض مقداتش تشوف فيه حشمات من هضرتو عارفة راسها اش دايرة ,
انيس;اجي لهنا اجي (شدها من كتافها و خشاها في حضنو و عنقها)بغيت انعرف شنو درتي في حتى وليت كنبغيك هكا,ههههه كنبغيك المصيبة ههه
هي تخشات فيه و بقات ساكتة مادواتش ,بقاو هكاك شحال عاد بعدها عليه ,هز ليها راسها بيديه;واش تقلقتي مني حيت قلت ليك هاد الهضرة
حركات راسها بلا ;ايوا علاش ساكتة و جامعة ديك الغوباشة ؟يله وريني شي ضحيكة ,فهاد الوجه لي غكنشوفو كنتلف على القبلة
هي سمعاتو بدات كتضحك
بتاسم ليها;ههه ايوا هكاك نبغي ,ماكتجيش معاك تغوبيشة
بتاسمات ليه شد ليها في يديها ;يله نزلو دابا ,و كملي فطورك اخر مرة تكعاي على الماكلة و تنوضي اوووك ؟
حركات راسها باه حط يديه على حناكها و جبدهم;وينووووووو يخليلي لي يسمع الهضرة هههه (شدها من يديها و نزلو)

نزلو لتحت كانت عبير شادة بيسي خدامة فيه و امير كيتحتت مع كوثر و وهيبة شادة تيلي كتخربق ,انيس جر لسندس الكرسي و بركها في الطابلة ;يله كملي فطورك
بركات سندس في الطابلة كتاكل و انيس مشا برك في الصالة حدا شد تيلي كيخربق فيه و مرة مرة كيدور لجهة ديال سندس كيشوف فيها ,وهي كتخشي في وجهها مامسوقاش حتى سالات ,ناضت مشات لعندو و بركات حداه شدها من كتافها بيد خشاها في صدرو و ليد اخرا شاد بيها تيلي ;مم اش كدير ؟
انيس;كنشوف غي دوك الوثائق لي صورتي ,,
سندس مم اووك انيس ,,,
انيس;مم
سندس;لا صافي والووو انا انمشي الجردة نبرك فيها شوية مع البنات
انيس باسها فخدها ;اووك سيري و عيطي الامير يجي لعندي
سندس;واخا (ناضت و مشات للصالة لاخرا فين باركين هما )امير نوض شوف انيس بغاك
امير ;واخا هانا نايض
سندس;الدريات يله نمشيو نبركو في الجردة
وهيبة و كوثر;اووك
سندس مشات عند عبير حيدات ليها الكاسك من ودنها
عبير ;تي مالك علاش حيدتي لينا الزبل من ودنينا
سندس ;اتنوضي و لا نgفي ختي ,باراكا من داك الخرا شي نهار اتسماكي ولا تعواري زيدي يله نبركو في الجردة شوية
عبير;اووف واخا (حطات الكاسك و طفات لبيسي سداتو و ناضت معاها خرجو برا للجردة كانت طابلة كبيرة بكراسا ديالها و باراسول بركو فيها )
وهيبة;اللله على راحة ,ساعداتك اختي اتعيشي مبرعة مع راسك ههه
سندس;والله مامسوقة لهادشي انا اصلا عادي فينما سكنت
عبير;تي راك شوية فيليب معمخك ,تي راه بنادم كيحلم يعيش غا نهار فهاد الدار و نتي باركة تبومباي علينا ,انا مكرهثته تسدو علي هنا واللله مانخرج ههه
كوثر;ههههه
سندس;هههه علام نتي والله ,اجي عاودي لينا قصتك ,و كيفاش عرفتي سليم و الدراري حيت عمرني شفتك في الاكاديمي و قضية هاد اللباس و تشمكير حيت مابايناش عليك دكرية,واخا كتبغي تردي راسك زوفري بزز
عبير رجعات راسها اللور و تكات على الكرسي و دارت يديها تحت راسها;اش بغيتيني نعاود ليك
سندس;لي بغيتي
عبير;اش غنقول ليك ,بلي انا هي سباب فموت ماما ؟والوليد حقد علي و رماني في الخرية هو ومرتو

كوثر;شنوووو مافهمتش
عبير تنهدات;كانت عندي ربع سنين ,كنا عايشين مرتاحين كيف قاع الناس الوليد عندو محال كبيير ديال الاثاث و اللوازم المنزلية ,ماخاصنا حتى شي خير ,واحد النهار كنت خارجة انا و الوليدة بغات تكسيني حيت كان قرب العيد الصغير ,كنا راجعين للدار بان لي واحد كيبيع نفاخات في الشاريع اخر طلقت من ماما و تميت غادا قاطعة الشانطي (نزلات دمعة من عينيها )كانت طوموبيل جاية بجهد وانا بالخلعة مقديتش نتحرك غمضت عيني و درت يدي على ودني حتى كنحس بشي حاجة فوق مني تقيلة و الناس كيتغاوتو هزيت راسي كتبان لي ماما مليوحة فوق مني ووجهها كله دمايات ,بديت كنبكي و نغوت عليها كانت مغيبة ماكتحركش ,عيطو للناس علىلومبيلوس داونا للسبيطار هي دخلوها الغرفة العمليات وانا بقيت على برا حيت ماكان في والو من غير جروح صغيرة فركبتي بسباب الطيحة و الدقة كلاتها هي جا والوليد من بعد ما سمع الخبار مخلوع من بعد خرج الطبيب قالينا ماتت (ناضت حطات يديها على الطابلة و نزلات راسها الارض كتبكي)انا السباب
سندس كتسمع و كوثر و وهيبة كيبكيو تأثرو
عبير;من بعد رجعنا للدار الوليد تبدلات المعاملة ديالو لي اصلا هو من الاول ماكان كيحملني كان باغي ولد و دابا زاد كرهني ديما كان كيعيرني و يضربني ويقول لي بلي انا سباب ماما حتى ماتت ,مابومباتش الوليدة لاربعين في القبر حتى جاب مرا اخرا ,احكا خاصني مرا لي تقابلني و هو خدام مامساليش لي ,جات المرا و دوزات علي العداب الاليم ,و خصوصا من حملات و عرفات راسها حاملة بالولد ولات هي مولات الدار و الرأي و الشوار حتى من الوليد ولا يخاف منها و يسمع هضرتها ديما كتشري لي الصداع معاه و كناكل قتلة ديال الكلاب واحد النهار كنت خارجة من المدرسة موالفة نرجع للدار بطرونسبور حتى كيقولو لي بلي بابا كيتسناني برا خرجت مشيت عندو فرحانة كنجري حيت اول مرة بابا ايجي عندي ,تلقا لي كان هاز ساك في يديه سولتو قلت ليه فين غادين قالي غايديني لواحد بلاصة زوينة و غتعجبني و فيها اللعاب و بزااف ديال الدراري الصغار وانا على نيتي بديت كنقز فرحانة ركبني في لوطو و داني حدا واحد لباب كبير و نزلني حط حدايا الساك و قالي تسنايني هنا انقدي واحد الغراض و نرجع قلت ليه اووك باسني فوق جبهتي و زاد ,بقيت واقفة شحال قدام داك الباب و الشمس كتضرب لي فوق راسي و كنبكي خايفة حيت ديك البلاصة خاوية حتى خرج العساس شافني بديك الحالة سولني قلت ليه بابا جابني هنا و قالي تسناني ,قالي اشمن واليدين هادو لي يسمحو في ولادهم قد هكا ,انا مافهمتوش شدني من يدي وتم داخل بي الداخل وانا كنتركل ليه مابغيتش ندخل و كنقول لي بلي لا رجع بابا و مالقانيش غادي يتقلق علي و هو كيقول غي دخلي تسنايه هنا بينما جا ,دخلت معاه داني لواحد المكتب بركني فواحد الكرسي و دخل هو كيهضر مع واحد المرا وانا باركة برا كنشوف من بعد خرجات عندي ديك المرا ,بقات كتدوي معايا شحال و كتسولني و داتني لواحد لبيت فيه بزااف ديال الناموسيات و دريات كان بيت زوين ,قالت لي تسناي هنا باباك يجي باش يديك ,بقيت تم و كل نهار دايرة ليهم فضيحة باغا نمشي عند بابا و هما كيصبرو في كيقولو لي غيرجي و نديوك عندو ,حتى بديت نكبر عاد عقت بالقالب لي طلع معايا و بلي هادي راه خيرية و بابا تخلى علي و زاد باش يعيش هو ومراتو ,حقدت عليهم و كرهتهم بلا قياس
وهيبة كتبكي;اهئ اهئ اهئ حرام عليهم حشومة اهئ
سندس دايرة يديها على حناكها;كملي

سندس دايرة يديها على حناكها;كملي
هزات راسها جمعات النفس شحال و خرجاتها عاد عاودات نزلاتو;ايوا بقيت تماك في الخرية ,كانو كيعاملونا مزيان و حتى من المديرة كانت الله يعمرها دار عزاز عليها حاسبانا فحال وليداتها ,ولكن لي دار الدنب يستاهل العقوبة واخا هكاك كانت حنينة ,وصلت للسادس و كان علي نولي نخرج برا ,حيت عندنا في الخيرية القرايا حتى للسادس و من بعد كتكملي في الكوليج برا كيدينا طرونسبور و يردنا باش منتودروش و منهربوش ,كانت عزيزة علي الاعلاميات هي فاش كتاشفت حبي ليها ديما انا اللولة فيها و حتى فل فيزيك و المات كان عندي شغف كبير فينما تكون عندي شي ساعة خاوية ندخل لمكتبة و نبدا نبقشش في بيسي حتى وليت كنطير في الاعلاميات و اي حاجة متاصلة بالالكترينيات تيلي بيسي اي حاجة وليت كندخل نتجصس على ف ب اي ديال امريكا و قاع الدواسا و المعلومات لي متعلقة بأي دولة كندخل ليها ماكيناش لي تحبس طريقي ,وصلت لباك خديتو بسطاش علوم فيزيائية ,ايوا دارو لي حفلي من بعدها دارو لي أديب (يعني صدروها) دارو لي جوا فيه لاثين ألف ريال و خرجوني برا حيت ولات عندي تمنطاش العام خرجت ماعرفت فينمشي ولا عدمن تلفت و الدنيا دارت بيا بقيت غادا شحال من ساعة حتى وصلت للسونطر فيل بقيت كنشوف في الناس ماعرفتش اش ندير بان لي واحد السيبير دخلت بركت فيه كان حاديه واحد الراجل كبير في عمرو شوية شديت بوسط وريحت خدامة فيه شحال من ساعة ماشعرتش بالوقت ,جا مول السيبير بغا يسد عاد عقت براسي بديت كنبكي شاف ساك و سولني عاودت ليه كلشي بقيت فيه و طلعني الواحد السدة نبات فيها ,ايوا هكاك ولات حياتي وليت كنحدي ليه السيبير بنهار و وبليل نطلع للسدة نبات كلشي ولا عارفني وليت عزيزة على قاع الناس ها لي تجيب لي الحوايج هالي تسيفط لي الماكلة مسكينة ,عايشة ابخير الناس و حتى انا حادية السيبير و لي خاصو شي حاجة كنقديها ليها لي خاسر لي تيلي ولا بيسي كيجي عندي حتا من بارابولات و داكشي ,حتى ولا با محمد دار قنت في المحال مختص فداكشي ديال اصلاح الهواتف و الالكترونيات وليت معروووفة تم في الحي و عزيزة على الدراري كيعاملوني فحال صاحبهم ماشي درية نمشي معاهم البحر ونقصرو كورة ونمشيو الملعب ,وليت فحالهم حتى انا و حصبوني منهم ,لقيت الخير فيهوم مالقيتو في با لي من لحمي ودمي ,حتى الواحد النهار هاكيت السيسطيم ديال القاعدة العسكرية مادازتش ربع ساعة حتى جاو قرقبو علي يومين وانا في جيور ماكين غا العصى كان ديك الساعة شاف انيس يله ترقى في خدمتو و ولا كولونيل شبعني عصى و سبان كيصحابني خدامة مع شي عصابة حتى جا أمير و سليم فكوني حيت دارو بحت علي و عرفوني بلي مابيني وبين العصابات الخير و الاحسان طلعوني الفوق داوني واحد البيرو لبلاصة كلها بيسييات ,كانت عندهم واحد العطب في واحد البروgرام دخل ليه فيروس وتاحد ماقد يصلحو ,بركوني فواحد الكرسي و قالو ليه لا كنتي نيت كتعرفي لهادشي صلحي لعطب قتليهو اووك ,صيبتو ليهوم في خمسة الدقائق بالخف كلشي تصدم عرضو علي نخدم معاهم قلت ليهوم لا ماعنديش مع هادشي ديال الرسميات و تخربيق كنبغي نبقا ليبر تاحد مايحكمني ,ولكن فينما بغيتوني غتلقاوني غي فداك السيبير رجعني سليم للحي و عتادر من با محمد و شرح ليه بلي كان غا سؤ تافاهم باش مايجريش علي و من تماك فينما كانت شي حاجة كيعيطو لي حتى ليومينا هدا

امير كيشوف في الجردة ;تا مال هادو شفتهم كيتعانقو و كيتباكاو ,
انيس ناض;معرفتش يله نشوفو ؟
امير ;تسنى اجي غي نتسنطي عليهوم بلا مايسيقو الخبار
انيس;اووك زيد تحرك خلينا نعرفو مالهوم
***
نزلات راسها حطات يديها في وججها ;انا السباب في هادشي كامل لي سرا لي ,كون ماقطعتش الشانطي كون ماما ماظطراتش تعتقني كون دابا باقا حية و ماماتش كون دابا عايشة مزيان اهئ اهئ انا السباب فهادشي كامل انا سباب في موت ماما الوليد كان عندو الحق انا السباب
وهيبة كتبكي;اهئ اهئ حتى انا السباب في موت ماما ,كون ماكنتش انا كون دابا هي عايشة ,كون نزلاتني من كانت حاملة بية كون دابا راه باقا حية اهئ اهئ
سندس عنقات وهيبة;تاحد ما سباب حد في الموت ,كلشي قضاء و قدر ,حنا معدناش كيفاش نغيروه ولا نبدلوه ,
كوثر عنقات عبير;سندس عندها الصح نتي ماليك حتى دخل فموت مك الله كان مكتب ليها تموت
وهيبة;اهئ اهئ ولكن هي كانت عارفة بلي الحمل كان خطر عليها و خلاتو اهئ اهئ وماتت من كانت كتولدني اهئ
سندس مزيرة عليها;شش ماتبقايش تقولي هكاك ,ماما الله يرحمها كانت باغاك تعيشي و تشوفي الدنيا ,هادوك هما حال الامهات كاملين كيضحيو براسهم على قبل ولادهم ,و كيبغيو ديما يشوفوهوم مرتاحين و ضاحكين ,و يديرو المستحيل على قبال سعادة ولادهم واخا معرت شنو يكون الثمن ,يعني لا نتي ولا عبير معندك دخل فهادشي هوما كان ختيارهم نتوما و قدموكوم على نفسهم باش نتوما تعيشو و تكبرو و ماتقاسوش ,لاش كتحملو راسكم اللومة و تعاتبو نفسكم بالعكس خاصكم تفرحو بلي كانت عندكم ام حنينة لي ضحات بنفسها على قبلاكم
عبير;ولكن
سندس;ماكين ما ولكن الله جات ساعتها و مشات روحها عند الله ,ايوا طلعي عندو و قولي ليه لاش قتلتيها,لا نتي لا غير مايمكن يغير قدرة الله ,*بديع السماوات والأرض ,وإذا قضى أمرا فإنما يقول له,كن فيكون *صدق الله و العظيم ,بلا ماتباو تصدعو راسكم و تلومو و تقولو حنا السباب حنا السباب ,حيت الله لي خلقهم و الله لي خداهم ,معندكم ماديرو من غير تقبلو الواقع و تدعيو معاهم بالرحمة
كوثر;عندها الحق باراكة ماتلومو فراسكم و عيشو حياتك
سندس بعدات من وهيبة لي تهدنات و حطات يديها على عبير;شوفي في (هزات راسها )تالين اتبقاي عايشة هكا شحال عندك من عام؟
عبير مسحات نيفها;خمسة و عشرين
سندس;كبر مني بربع سنين ,عندك خمسة و عشرين عام و باقا مضيعه راسك ,حتى لامتى غتبقاي هكا ,لا مستقبل لا تا شي حاجة ,واش غاتدوزي حياتك كاملة فديك السدة؟اكيد غايجي واحد النهار غتبغي حتى نتي تكون عندك دار و عائلة و خدمة ,ولكن لا بقيتي غادة في هاد الطريق غتبقاي حياتك كلها هكا ,السدة و بيسيات و عايشة على ظهر الناس ,لا دار لا مدخول لا والو ,لي جا يمسح فيك سباطو ,
عبير هزات فيها راسها :اش بغيتيني ندير ؟مي ماتت و با لاحني ,دسرت تمنطاش لعام لقيت راسي في الزنقة شنو بغيتيني ندير ها؟
سندس;هادو غي مبررات ماعندها معنى باش تدرقي عجزك ,قولي انا مابغيتش ماشي ماقديتش حيت بالعزيمة و الاصرار اي حاجة بغيتيها تقدي عليها ونتي عندك اسباب قوية لي تخليك تكافحي و تضاربي مع الزمان باش توصلي فين بغيتي ,كون غي كنتي معواقة ولا عمية نقولو واه ,نتي بصحتك كتدردكي كثر من العاود و جاية تقولي لي اش بغيتني ندير ؟ماشي الطنز العكري هدا؟

عبير;فات الحال دابا,حتى من قرايتي مكملتها و
قاطعاتها سندس;واش بغيتيني نلصق ليك وجهك مع داك الحيط ولا كيفاش؟مالك شرفتي ولا متي ؟حدك باقا واقفة على رجليك عمر الحال مايفوتك ,وانا مستعدة نعاونك حتى توقفي على رجليك
نقزات وهيبة;اه اه حنا نعاونوك
سندس;باقي عندك اللديبلوم ديال الباك ؟
عبير;اه باقا محتافضة بيه
سندس بابتسامة ;ايوا مزيان ,في العشية انمشيو لدربكم اتجمعي شراوطك و غتمشي معايا للدار (يله بغات تدوي عبير و هي تقاطعها سندس)مابغيت نسمع حتى اعتراض ولا غتكليها من عندي ونتي عارفاني لا نضت ,اتعيشي معانا في الدار كينا غي انا ووهيبة و بابا امير قاعما عايش معانا ,بابا لا عاودت ليه عليك ماغايعارضش,اتبقاي معانا و غتديري ايكول ولا لا فاك و تكملي قرايتك حتى النهار لي توقفي على رجليك ولا يسهل عليك الله و تزوجي ,غبقاي في الدار,
عبير;انا منقدش
قاطعاتها وهيبة;راك سمعتيها اش قالت ,كلاوك عظامك وقيلة ,
سندس;ماعرت بانت لي كتقلب على شي قتلة فهاد النهار اصلا انا نيت باغا غا فين نبرد جنوني يلا بغات مرحبا منعطلهاش
عبير;ههه لا صافي مافي اختي لي ياكل شي قتلة من عندك طالبة معاك غي الشرع هه
سندس;ايوا هكاك نبغيك ,حيدي عليك هاد تازوفريت و تبنتي شوية ,ونتي دايرة فحال للدري ,قادي حالتك و تهلاي فراسك,راه ماغتدوم ليك غا نفسك اي حاجة فايتة
كوثر,اه اصحبتي في اللول من فقتي والله حتى صحابتك دري حتى قال لي امير بلي نتي بنت
وهيبة;خليو هاد الامر علي انا نقادها ليكوم هه
سندس;ها القحبة ديال وهيبة غتقادك ,راه النهار كامل وهي مقابلة غا المرايا و الحوايج والقرايا الله يجيب
وهيبة;سندوس
سندس;ومالني كدبت ها ؟المهم تفهامنا دابا ياك
عبير عينيها دمعو ناضت تلاحت على سندس;اهئ اهئ شكرا بزااف اهئ ماعرفت مانقول ليك ,نتي انسانة رائعة و قلبك كبير اهئ اهئ شكرا
سندس كتبعدها عليها و كتضحك;بعدي مني عاودي عليك انا لالة شافية ماتعنقيني من عنقك اختي ههههه واااع بعدي مني مكنحملش
لي عنقي و توما فرقوها من واعباد الله جيفاتني
عبير بعدات عليها و كتضحك و تمسح دموع;ههه واخا كتبغي تبيني راسك قاصحة ,ولكن للداخل ديال بيض ,وحنينة
سندس;هانتوما شهدو عليها و قولو كنجبدها
كوثر;عمرني ماشفت شي حد كيكهرك يشكرو الناس
سندس;واختي شكيت عليكم قلت ليكوم شكروني واععع
عبير;هه حمقة
خرج عندهم انيس و امير :ماعيتوش من الهضرة دخلو راه الغدا واجد
الكل;ناضو
تمات سندس غادة وهو يجرها انيس لواحد القنت و كيشوف فيها;عمرني قلت ليك بلي كنحماق عليك و كنهبال و كنتسطى عليك ياك
سندس;ههههه بسع مني اش كدير ؟
عنقها ;انا كنشكر الله بلي عندي مرا فحالك ,كنبغيك كثر من القياس
سندس;حتى انا كنبغيك و كنموت عليك
انيس;ههه عارف عارف
بعدات عليه;اش عارف؟
انيس جبد ليها حنيكاتها;عارف بلي عندي مرا قرطاسة و ظريفة و حنينة ,شكون فحالي انا شكون لي عندي مرا فحالك ها ؟هه قولي
سندس حيدات ليه يديه;مائة مرة كنقول ليك ماتبقاش تدير لي هكا انا مشي برهوشة
انيس ;هههههه وينو كعات و وجهها حمر (جبد ليها حناكها و باسها في فمها بوسة حارة)ههههه زيدي تغداي ابرهوشتي زيدي هههه (شدها من يديها و تم جارها بحال شي بنيتة صغيرة كتحاول تفك منه و هو واله شادها شدة العمى وكيضحك )

دخلو لعندهم لقاوهم مجموعين في الطبلة و الغدا محطوط جر ليها كرسي وبركات وهي عاقدة غوباشتها و كتعوج في فمها شافها امير;املك ؟
انيس كيضحك;ههه ماكيعجبهاش لي يقول ليها برهوشة هههه كتصحاب راسها كبرات ههه
كوثر;من حقها راها عندها واحد عشرين
سندس;الله يجيب لي يقول الحق
امير;هه ها وزارة العدل هضرات صافي درتو النقابة ثاني ههه
سندس كتعوج ;كول كول
امير;هاهي عندك البرهوشة ههه
هزات فورشيط و وجهاتها ليه;غاتكال و تسكت و لا نخشي ليك هادي فعينيك
انيس شد ليها يديها;ها العار هههه دوزيها ليه غي هاد المرة عافاك
حيدات ليه يديه;بسع مني نت هو جباد البلا
انيس;ههه صافي هانا مبسع يله غا حطي ديك الفورشيط قبل ماتعمي شي حد
سندس دارت و حطات الفورشيط و بدات كتاكل و تنكر و امير و انيس كيضحكو عليها و هي كتخنزر ما كوثر و وهيبة كياكلو مامسوقينش خصوصا عبير تحنات على الطبسيل لي حداها ماهزاتوش قاع ههه
ساالاو و ناضو غسلو يديهوم و مشاو للصالة بركو مجمعين و كيضحكو سندس ووهيبة و كوثر و عبير مجمعين كيتافقو و امير و انيس خدامين كيقراو كيهز راسو فيها كيغمزها كتخنزر فيها كيعاود يحضر راسو و يضحك
امير;انيس هادي الثلاثة و نص خاصنا نكونو في الاكاديمي مع الربعة (دار عند سندس)نودي لبسي شي حاجة نتي و يله
سندس;مالي انا ؟اخليني مافيا لي يمشي
انيس;صافي لا مابغاتش تمشي خليها
امير;الرئيس البارح كيأكد و يعاود عليها باش تحضر خاصها ضروري تمشي
سندس; ناضت;اووف هاهي نايضة

طلعات لبيت لفوق حلات الماريو فين كينين حوايج صحبة سليم (دايرة معاها المزيان هاد الدرية هههه)مالقات ماتخرg جبدات داك الماريو كامل نزلاتو الارض في الاخير لقات سروال بوي فراند مقطع كله مع اكس بيض ,لباس قميجة حمرا خلاتها محلولة و gفداتها و بالغين كحلة طلقات شعرها و دارت نضاضر باش تدرق الزروقية لي فعينيها ,نزلات لتحت عندهم كان انيس مبدل حوايجو كان لابس بيل بيض لاسق عليه و سروال بارا كحل و gاط كحل ,وحتى امير كان لابس بيل موف نص كم بيض و سروال ديال دجين و سبردلة اديداس كحل
انيس طلعها ونزلها;غادا هكا ؟
سندس ;مالقيت تا شي حاجة فداك الماريو
امير;ديالمن هادو
سندس;ديال صحبة سليم تاشي حاجة ماجات قدي ن غير هادو
امير;ههه (شاف في انيس)اجي اش دار مع ديك خيتي
انيس ;نت راك عارف هداك كل سيمانة مبدل وحدة عمرو طول مع شي وحدة كثر من عشريام
امير;هههه مسخوط الواليدين
انيس تنهد;يضبر راسو ,يله نمشيو ,سدي ديك القميجة و نتي صدرك كله كيبان
سندس;واراه كاين الصهد
انيس;دويت معاك
سندس;اوووg (و بدات كتسد فيها)
امير شاف في كوثر لي باركة;ونتي كتسناي العراضة نودي تجمعي يله
كوثر;ماقلتيش لي حتى انا غادا
امير;وهانا قلتها ليك يله زيدي قدامي (شاف في وهيبة و عبير)ونتوما بقاو هنا عنداكم تخرجو تبتو الارض شوية
وهيبة واخا
خرجو بربعة بيهوم سندس ركبات مع انيس و كوثر مع امير و كسيراو في اتجاه الاكاديمي وصلو ومشاو في اتجاه قاعة الاجتماعات كانو معطلين بخمسة الدقايق دقو و دخلو كان كلشي مجموع ريك سليم خوان و الينيا و لؤي و شي اعضاء اخرين منهم اسماء وعلى رأسهم الرئيس حسن هو لي مترأس الاجتماع

الرئيس حسن;من كلشي تجمع نبداو على براكة الله ,أولا كنبغي نحيي العقيد سندس الدحماني على المجهودات لي قامت بيهوم باش تجيب لينا هاد المعلومات
سندس;انا درت غي الواجب ديالي اشاف
الرئيس;انا عارف ولكن هادشي ماكيعنيش باش مانشكروكش ,في مدة قصيرة قدرتي تبتي جدارتك و مكانتك في الاكاديمي ,وهادي هي المرة الثانية لي كتقومي بمهمة صعبة و كتنجحي فيها من الاول كنت عارفك بلي نتي قدها و تبتي لي هادشي ,حنا فخورين حيت عندنا شخص فحالك قادر يضحي براسو على قبال الاخيرين كنحييك مرة اخرى
كلشي بدا كيصفق هي حشمات نزلات راسها و عاود هزاتو لقات انيس كيشوف فيها و يصفق و كيبتاسم ليها
الرئيس;المهم سليم عاود لينا على الخطة لي درتي و الطريقة باش خديتي بيها المعلومات واخا كانت ريسكي شوية ولكن قدرتي تخرجي منها الحمد الله ,من بعد ما درسنا الوثائق و دققنا فيهوم لقينا فيهوم بزاف ديال المعلومات خطيرة لي تغرق جاك و تقضي عليه ولكن حنا بغينا نشدوه متلبس هو و الشحنة معاه ,وبغينا الحكومة ديالنا لي تنال الشرف باش تلقي عليه القبض و هادشي بمساعدتكم
انيس;انا درست المعلومات لي جابت العقيد سندس و فكرت فخطة باش نلقيو عليه القبض
الرئيس ;اما هي
انيس ناض في اتجاه شاشة كبيرة و حداها طاطة شو و كومبيوتر جبد كلي خشاها في بيسي و دخل لواحد الدوسي خدمو طلعات باج على شكل خريطة و فيها علامات و دوائر معلمينها ,هز واحد ستيلو وحطو على ديك الشاشة و بدا كيشرح;العملية غيديروها من هنا ربع أيام في ميناء طنجة مع الثمانية ديال الليل,هنا الباطو لي غايشارجيو فيه السلعة ايكون واقف (اشار لواحد العلامة )وهنا من غيدخلو الكاميووات لي حاملين السلعة كل واحد فيهوم هاز عشرين طن ديال السلاح مفككينو على شكل قطع صغيرة باش مايتعرفش حتى لا سرا شي مشكيل و فتشوهوم لي غيقلب ايصحابهم معمرين غا الحديد ماغيشكوش بلي هداك سلاح مفكك ,هادي لعبها صح ,المهم ايدخلو الكاميووات من هنا ,و جاك و رجالو من هنا (اشار لواحد العلامة )حيت جاك مايمكنش يفلت عليه هاد الفرصة خاصو يتأكد بلي الحمولة دازت بيخير ,حيت لا نجح فهاد المهمة السوق الاسيوية و افريقا الجنوبية اتولي فيديه ,و ديك الساعة ايولي محمي من طرف الجيش ,ماكينة حتى شي قوة تقد تمسو ولا تأديه غيولي هو الملك بالعربية تاعرابت ,المهم وهنا من غيدخلو الشركاء ديالو لي دايرين معاه الصفقة (اشار لواحد العلامة ثاني)وهنا فين غيكون التبادل و اللقاء (اشار لواحد الدائرة و بقا كيدور فيها بيديه و كيعلمها بهاداك ماركور)رجالنا ايكونو تم قبل الموعد بساعة وغيكونو مقسمين لستة الفرق كل فرقة غتحيط بمدخل باش منين نهاجموهوم غانكونو حطنا بيهوم من كل جهة مغنخليو ليهوم منين يفلتو ,وغنخليو فرقة اخرة احتياط غتدخل في حالة الطوارئ ,و بهادشي غنكونو ضربنا ثلاثة العصافير بحجرة وحدة ,جاك و شركائو و الحمولة
الرئيس ;برافو مخليتي لي منقول ,خطة من داكشي ,(تلفت عندهوم )كين شي تعليق على خطة ديال الكولونيل انيس ,ولا شي حد بغا مضيف شي حاجة ؟
الكل;لا
الرئيس;مزيان ,غنخدمو على هاد الخطة و الكولونيل انيس لي غيكون مكلف بهاد المهمة (تلفت عند انيس)خاصك غدا تجمع الفرقة كاملة و تعاود تشرح ليهوم الخطة وتفرق المهام باش كل واحد يكون عارف خدمتو من دابا مابغيت حتى شي غلط ,هاد الضربة ثلاثة سنين و حنا كنتسناوها مايمكنش نفلتوها من يدينا
انيس;ماتخافش
الرئيس;اووك ,مزيان;يمكن ليكوم تفضلو دابا
كلشي بدا ينوض ;العقيد سندس نتي بقاي بغيتك

سندس باستغراب ;اووك شاف (شافت فيها انيس زعما لاش بغاك دارت ليه بكتافها معرت و رجعات بركات في الكرسي و انيس و الدراري خرجو)
شبك يديه مع بعضياتهم و شاف فيها;واش غتشاركي في هاد المهمة؟
سندس;اكيد مايكنش لي نفلت هاد الفرصة و نضيع مني اللحظة ديال جاك من غنلقيو عليه القبض
الرئيس;نتي عارفة خطورة ديال هاد الامر عاد نتي دابا حاملة مايمكنش ليك تخاطري بحياتك و حياة الجنين ,مهمتك درتيها خلي انيس و دراري يتكلفو و نتي رتاحي ليك شوية
سندس;متخافش علي الشاف انا عارفة اش كندير ,كنفكر في الجنين كتر من راسي ,و مايمكنش لي نعرض ولدي ولا بنتي الخطر ,و في نفس الوقت مايمكنش لي نخلي جاك يفلت مني ,صبرت لبزاف ديال الامور فهاد الشهورة باش نطيحو صبرت العصا و كلشي حيت عارفة بلي غندفعو الثمن غالي لي دار في و فقاع الناس ,كون مكنتش في مهمة و طلبتو مني باش منأديهش كون دابا راه كيترحمو عليه يلا عندو بعدا شكون يترحم حيت فحال دوك الاشكال خاصهم يتمحاو من على وجه الكرة الارضية ,انا كنقدر خوفك علي هادشي علاش بغيت نطمنك (حطات يديها على كرشها و بتاسمات)حدي انا باقا عايشة مايمكن تا حد ,في الكرة الارضية يقد يأديه و لا يمس منه شعرة ,غي مجرد فكرة باش يقيسو نفنيه و نغبر ليه الاثر ,لا جاك ولا غيرو ماغيقد يقرب من ولدي ولو غا بسنتيم ثيق بيا
الرئيس بتاسم;انا تايق فيك ,وهادشي علاش مغنمنعكش باش تمشي,ولكن حدي راسك يلا شفتي اي خطر رجعي اللور وخلي الشباب يتكلفو ,مبغيتش نشوف انيس منهار مرة اخرى حيت لا سرات ليك شي حاجة انيس يحماق فيها مفيهاش الشك انا شفتو كيف ولا ديك النهار من كنتي ناعسة في السبيطار مابغيتش ندوز من نفس التجربة مرة اخرا
سندس;ماتخافش ,واخا انا كندير اخدمتي حيت النهار اللول من جينا لهنا اول حاجة حفظتوها لينا هو القسم ,قسمنا نضحيو بحياتنا باش نحميو الاخرين ,وهادشي لي درت انا
الرئيس;عارف ,ولكن انيس كيبغيك بزااف ,ومن كتكون الحاجة متعلقة بيك ,ماكيبقا عارف لا خدمة لا قسم لا والو كيتبدل ,هادشي علاش قلت ليك حدي راسك و لا كان شي خطر رجعي اللور
سندس; واخا
الرئيس;بغيت نعرف احاجة وحدة علاش باقا ماسارحتيش بموضوع الحمل ,واخا تصالحتو باقا مخبية عليه
سندس;بغيت حتى نسدو القضية ديال جاك و نلقيو عليه القبض و نقولها ليه ,حيت يلا عرف ماغيخلينيش نمشي ,
الرئيس;مم فهمت ,نتمنى نتقوليها ليه في اقرب وقت,بلا ميكتاشفها لراسو ,حيت يلا عرفك بلي حاملة و بلي هاد الوقت كاملة ونتي مخبياها عليه ,اتكون ردة فعله خايبة و يقد يكرهك فيها قاع ,
سندس;نشاء الله يكون خير ,وانا غي نسالي هاد المهمة غنقولها ليه ,
الرئيس;هكا نبغيك ,راه قال لي بلي طلب يد من باباك هه و الطريقة باش دارها هه مسخوط و صافي
سندس;ههه
الرئيس;معرفتش اش درت حتى ربي عطاني واحد فحالو ,خارج فعودي
سندس;لا بالعكس حنين و متفاهم (عضات على لسانها و نزلات راسها بحشمة)
الرئيس;ههههه جاتك النفس عليه هههه
سندس;لا ولك
قاطعها;هههه صافي صافي شوفي غا وجهك كيف ولا ههه
سندس حنات راسها
الرئيس;هه نودو نودي قبل مايسدق هاجم علينا داك المسعور ههه
سندس;واخا بسلامة (مشات وخلات الرئيس كيضحك)

خرجات من عند الرئيس لقات خوان متكي على الحيط و مربع يديه شافها اتسد لباب ديال البيرو وهو يوقف ,شافت فيه باستغراب;خوان ؟اش كدير هنا؟
خوان;مم كنتسناك تخرجي من عند الرئيس بغيت نتكلم معاك
سندس;اووك يله نمشوي المكتب ديالي و نهضرو
خوان ;هاد الهضرة ماشي ديال المكتب ;اش بان ليك ,نمشيو نتعشاو انا وياك فشي بلاصة ؟
سندس;ليوم؟منقدش عندي بزاااف ديال الشغال ,اش بان ليك غدا نتغداو انا وياك و نيت باش نعرف الموضوع لي بغيتيني فيه
خوان;اوووك مزيان
سندس;(شافت انيس جاي);نشوفك غدا
خوان;اووك بيناتنا تيلي
حركات راسها باه و زادت في اتجاه انيس ;فاش كنتي كتهضري نتي وداك خاينة ؟
سندس;معرفثته قالي بغاني فواحد الموضوع حتى لغدا ونعرفو ,مامسالياش دابا ,خاصني نمشي مع عبير الحي ديالهم تجمع حوايجها حيت اتبرك معايا في الدار
انيس;مزيان نيت تحيد من داك القنت و تجمع راسها
سندس;هادشي لي بغيت,حيت هي دكية و زوينة و غير كتضيع راسها ,الدريات قدها دارو مستبالهم و ديورهوم و هي باركة كتفرج ,مكنحملش هكا ,كنبغي الدرية تكون قوية و عندها شخصية ماشي الريح لي جا يديها
انيس;ههه دابا نتي قوية و عندك شخصية؟
هزات فيه راسها بغرور;كون ماكنت هكاك قاعما نطيح سي انيس الادريسي الكولونيل الملقب بي الوحش
انيس ;هههههههه ههه هادي سرعتيني فيها ,
انيس;ايوا شفتي ؟
انيس;ههه وي شاااافت الالة شفت وليت طالب معاك غي الشرع ههه,اجي لاش بغاك الوليد
سندس;اااا والو سولني غي واش غنشارك في العملية ولا لا
انيس هز حاجبو;واش قلتي ليه؟
سندس;اكييييد غنشارك ,
انيس;سند
قاطعاتو;بلز ا انيس ,خليني نمشي ,نت و امير في جنبي ماعندي مناش نخاف و صافي بلززز
انيس;امري لله ولكن لي قلتها ليك ديريها كتواعدي؟
سندس بابتسامة;نواعدك ,وزيد راه باقي عندي بزاااف ديال الحوايج نديرهوم
انيس;اووك الالة يله راه امير مشا يوصل كوثر عاد ايلحق علينا
سندس;مم وك

تمو غادين خارجين وهوما يتلاقاو مع الينا في الطريق كتشوف فين سندس وكتشوف في انيس بغات تدوي و مقداتش وهي تنطق سندس;الينا واش نتي باغا تقولي شي حاجة ؟
الينا بارتباك;اه مم لا بغيت نقول حابة نهضر معاك واخا ناخد خمسة دقايق من وقتك يلا بغيتي؟(وكتشوف في انيس
انيس;انا انسبق لوطو
سندس;واخا (مشا انيس )
سندس;اووك احنا بقينا غا بوحدنا شنو بغيتي تقولي
الينا كتلعب بصبعانها بارتباك;ماعرفتش كيفاش نبدا ,حشمت نقول ليك هاد الهضرة ولكن مابقيتش قاده نصبر قلبي ضرني كنحس براسي مخنوقة يلا بقيت خازنة هادشي غنفاجر
سندس تصدمات من هضرتها شداتها من يديها;الينا ملك خوفيتيني ؟
تلفتات يمين وشمال;انا كنبغي خوان بزااااف ,من اول نهار دخلت فيه المعسكر وحبي ليه كيزيد نهار من بعد نهار ,مكانتش عندي الجرأة باش نقولها ليه كنت كل مرة كنشوفو مع وحدة كنحس بروحي اتخرج وواخا هكاك كنت كنصبر راسي ,كان كيعتابرني فحال صديقتو و كيبقا ايعاود لي على علاقتو مع الدريات ,هو ماكانش حاس بلي داكشي كيقتلني ,حتى لواحد النهار فواحد المهمة كنا تابعين واحد المجرم في الغابة و تصاب في كتفو ,تلفنا تم ثلثيام وحنا تالفين جاب الله كان واحد النهر و شي اعشاب داويت ليه الجرح وداكشي بقيت معاه حتى بدا يتحسن تم (حنات راسها)مارسنا الجنس ,كانت احسن لحظة في حياتي ,بقينا مدة مع بعضياتنا واخا كانت علاقتنا منوطة غا بالجنس و النعاس ولكن انا كنت فرحانة المهم هو معايا من بعد قال لي بلي خاصنا نتفراقو و مابغاش يظلمني و داكشي ,بقا في الحال ولكن انا مابغيتش نخسرو ,تقبلت الموضوع حيت كنت عارفاه ماكيبغي تاوحدة و بقيت على امل يشوف جهتي شي نهار و يبادلني نفس الحب
سندس باستغراب و حكات راسها و عاود شافت فيها;ولكن كنظن بلي هادشي خاص,مافهمتش علاش كتعاودي لي ,شنو دخلني فهادشي ,واش بغيتيني نتكلم مع خوان ؟
الينا خرجات عينيها;لا بلزز,كنعاود ليك هادشي حيت حتى نتي كيخصك
سندس;كيفااش كيخصني,مافهمتش وضحي لي اش دخلني انا فعلاقتكوم؟
الينا;حيت خوان كيبغيك
سندس بصدمة ;كيفااااااش ؟واش عارفة اش كتقولي ولا غتخربقي؟كنظن غي جاب ليك الله اكيد كين شي سو ء تفاهم

الينا;انا مأكدة و قالها لي بفمه بلي كيبغيك ,النهار جيتي الاسبانيا شفت نظراتو ليك كانت كلها اعجاب و كيبقا حاديك غي نتي و تابعك فينما بغيتي ,و من تصابتي كان بغا يتسطى ويحماق لدرجة قج الطبيب كان ايقتلو,كان خايف عليك لواحد الدرجة كيبرة بحال يلا ايفقد روحو حتى انا تصابت في كتفي و مداهاش في كل همه هو نتي ,و جا معاك حتى المغرب واخا ماشي مفروض عليه ,ولكن هو اصر يجي كان ديما حدا الغرفة ديالك ماكيحيدش و حتى الماكلة ماكياكلهاش ,و من شاف الشاف انيس حتى هو معاك مابغاش ديتو غا بزز ,و دابا حتى هاد المهمة ديال جاك ماشي حنا لي كنا مكلفين فيه ولكن هو تطوع باش يجي يشوفك و يقنعك تنظمي لمعسكر ديالنا و منها يصارحك بمشاعيرو ,و قبيلة قالي بلي باغي يدوي معاك حيت عيا مايصبر و خاصو ضروري يصارحك,
سندس تصدمات و وجهها حمار و العرق داز معاها كتمسح على وجهها و كتدوز على فمها بغضب و ارتباك و توتر في نفس الوقت كلشي تخلط عليها;ولكن ,,اوووف ,علاش داار هكا علاش ,دابا غيخسر كلشي بهادشي ,انا ماغنبقاش حتى نشوف فيه ولا نسلم عليه,اووف ميرد ,(تمات راجعة)انا خاصني نمشي نهضر معاه و نحطليه النقط على الحروف
شداتها الينا;وياااك غايعرفني انا لي قلتها ليك غايتعصب علي
سندس كتغوت ;واش بغيتني ندير,انا مكنبغيش و عمرني نبغيه ,كنبغي واحد هو انيس صافي تاحد من غيرو ماغيقد ياخد بلاصتو ,
الينا;انا عارفة هادشي شفتو اش دار عليك في السبيطار داكشي ماكيدرو غي شي حد مغرم و عرفتك كتبغيه حتا نتي ,هادشي لي شجعني باش نصارحك,وهو حتى هو كنظن بلي عارفك على علاقة بانيس واخا ماباغيش يقنع راسو بيها
سندس;خاصو يقنع راسو بزز ولا بالخاطر ,اصلا انا مزوجة بأنيس وحاملة من الفوق
الينا بدهشة ;كيفاش ؟مق
قاطعاتها;اه انا و انيس مزوجين ,نهار لي كنت انخرج من السبيطار تزوجنا,لعبوها علي هو وامير و قعت على وراق الزواج بلا منحس ,وعرفت حتا داز شحال ديال الوقت ولكن انا كنبغيه و هادشي علاش تقبلت الموضوع ودابا انا حاملة منه واخا باقا ماسرحتوش حتى نسالي هاد المشاكيل عاد باغا نقولها ليه,اوووف مشاكيل دابا يلا عرف انيس اتنوض كريثة مافيهاش الشك
الينا;خاصك تهضري مع خوان قبل مايكبر الموضوع ,
سندس;ماعرفتش اش ندير دابا,انا غدا اندوي معاه و غنفهمو بلي انا عمرني انكون ليه و عمرني غنبغيه كنشوفو كصديق صافي وحتى هاد الصداقة كنظن غتدمر بفعلته اووف
الينا;انا مابغيتش نخسر حبي اسندس نتي عارفة معنى هادشي مزيان راك فهمتيني ,مابغيتش نضيعو من يدي ,متقوليش ليه بلي انا لي عاودت ليك
سندس تنهدات;اووك وحتى نتي موضوع زواجي و حملي مابغيت تاحد يسيق ليه لخبار ,فهمتي تاحد ,مابغيتش هاد الموضوع يتعرف دابا ماشي وقته
الينا;كنواعدك
سندس;اوووك نخليك دابا انيس ايكون تقلق حيت تعطلت عليه
الينا;واخا, انيس شاب ظريف و كيبغيك بزاااف سعداتك بيه
سندس;وحتا انا كنبغيه كثر من راسي هو كلشي بالنسبة لي
الينا بابتسامة;نتي انسانة عظيمة ,تستاهلو بعضياتكم الله يكمل عليكم
سندس;امين و حتى نتي الله يوقف معاك ,المهمانا غادة نشوفك من بعد تخربقت دابا
الينا;اوووك
مشات سندس مصدومة و كتخمم دايرة كتمسح وجهها لي ولا حمر و ودينها حمارو و عنقها حتى هو لقات انيس واقف على لوطو ;خمسة دقايق ولات ساعتين
سندس مادواتش معاه ركبات في لوطو دارت حزام السلامة
ركب في لوطو خشا سوارت في الكونطاك بغا يديماري وهو تلفت ليها لقاها حمرا و عاقدة حجبانها و كتدوز على قنانفها بصباعها و كتحك فكها ;مالكي شفتك رجعتي ماشي هي هاديك ؟اش قالت ليك؟
سندس;والو
انيس;سندس كنعرفك ,اكيد قالت ليك شي حاجة لي رداتك فهاد الحالة شوفي غا كيف كتديري كلك كتفيبري ,بلا متخبي كلشي باين على وجهك
سندس دارت عندو;قلت ليك والو ا انيس ديماري خلينا نحيدو من هنا ,عبير اتكون كتسنى
انيس ;اووك الالة ها هو مديماري (ديمارا لوطو زاد)
سندس رجعات راسها على الزاج و حاطة صبعها في فمها كتعض فيه و رجلها الليمنية كتفيبري هو كيسوق و يتلفت عندها كيلقاها كلها كتغزل و تشطح,مالقا مايدير عارف لا سولها مغتقول ليه والو راسها قاصح و صلو لقصر وقف لوطو بغات تنزل وهو يشبر ليها يديها;سندس مالكي عاودي لي
سندس;والو ماشي شي حاجة مهمة (بابتسامة)انا مزيانة يله نزلو
حيدات منه يديها و نزلات هو بقا بارك في لوطو كيشوف فيها غادا تنهد و حيد سوارت و نزل تبعها للداخل

دخلات للداخل لقات امير و وهيبة و عبير باركين في الصالة دخلات بركات في الفوطوي بعيدة عليهوم دارت رجل على رجل و تكات امير تلفت بانت ليه شاعلة هز راسو شاف في انيس حرك ليه راسو زعما مالها دار ليه بوجهه معرت و مشا برك حداه
امير;ت مال هادي عوثاتي ياك يله كانت مزيانة ؟
انيس;بحالي بحالك كنا راجعين وقفاتها الينا بغاتها خليتهم ومشيت من تم السيدة جات مبدلة انا مابقيت فاهم والو
امير;ممم الينا ممم
انيس;عارف شي حاجة؟
امير;لا
ناضت سندس مشات لهجتهم وقفات على عبير و وهيبة ;عبير يله نمشيو
عبير ناضت;اه واخا
سندس;نتي فين غادة (هضرات مع وهيبة لي حتى هي ناضت)سيري لدار قادي بيت لعبير فين تبرك
عبير;ماكين لاش انا نقادو
سندس خنزرات فيها و شافت في وهيبة;دويت معاك ياك ؟
وهيبة ;وووواخا انا غنمشي
سندس;يله نتي نمشيو (مشات سندس كتزرب ووراها عبير كتقفقف حيت خافت من سندس ولا غي كدعي عارفة سندس لا كانت معصبة )
وهيبة تلفتات عند امير;توما مال هادي
امير ;ماعرت مالها ثاني,زيدي نتي نوصلك للدار
وهيبة ;بلاتي نهز ساكي و شكارا ديال عبير نديهوم معايا
***
سندس راكبات في لوطو و خرجو من القصر الطريق كاملة وهي كتخمم و عبير كتشوف فيها حتى كتبغي تسولها و كتراجع و في الاخير دارتها في يد الله ;سندس مالكي ؟بنتي لي مقلقة واش كين شي مشكيل عندك يمكن لي تعاودي لي ماتتعرفي نعاونك ؟
عوجات لوطو لجهة لييمنية و ضربات فران بجهد تنهدات و رجعات راسها اللور;عيت ,والله حتى عيت ,كانقادها من جيه كتعواج من جيه ,حرت مابقيت عارفة من ندير والله ,
عبير حطات يديها على كتافها;قولي لي ,خاصك تولي تخرجي داكشي لي فيك ماتبقايش خازناه ,واش كيتعلق الامر بانيس
سندس حلات عينيها وشافت فيها;مالو
عبير;انا مابغيتش نتدخل ولا نسول ,ولكن باينة بينك و بين انيس شي حاجة و لا كتبغيو بعضيتاكم ,حيت لبارح من شافك فديك الحالة كان بغا يحماق هز الفردي وكان غادي عند جاك يتيري فيه كون مشدو امير
سندس;انا و انيس مزوجين ,
عبير;شنووو؟
سندس;وي تاحد ماعرفها من غير كوثر و وهيبة و امير (عاودات ليها كيفاش على علاقتها بأنيس و كيفاش تزوجو و قضية الحمل ديالها لي مخبية عليه و حتى شنو سرا ليها في المهمة و خوان و الهضرة ديال الينا عاودال ليها كلشي من اللول حتى الاخير شي ساعتين و هي كتعاود)دابا كلشي ترون لي ,واحد الراس كيقول لي سالي هاد المهمة و خلي الحزاق كامل و خوي لشي بلاصة نبقا فيها غي انا وولدي مابقيت باغا تاشي حاجة صافي كلشي طلع لي فكري
عبير;وااا هادشي عندك بحال شي فيلم ميريكاني اساطة ,عندك هدشي مخلود انا و تمشكلت دابا ,اووف واش غديري دابا
سندس;كون عرفت اش غندير قاعما تشوفيني هكا ,,,

عبير;ولكن نتي من اللول غالطة ماكنش عليك تخبي القضية ديال حملك ,وعاد تاحد مافخبارو بلي مزوجة و كرشك من هنا شوية غتبدا تبان و بنادم غا حادي غي بحال هاد الهوتات ,خاصك تلقاي ضروري الحل لهادشي قبل مايكبر الموضوع وتبان كرشك
سندس;يلا قلت للانيس بلي حاملة ماغيخلينيش نمشي المهمة
عبير;سمحيلي بحال هكا اتكوني انانية و كتظلمي انيس,الدري ماخلا مادار عليك كيف قلتي و تابعك في هبالك و صابر على الغضب ديالك و مجازك المبدل عاد نتي دابا فجيه وهو فجيه ,ماكين تاحد ايدير ليك هكا ويبقا صابر معاك,و باغي غايفرحك و يسعدك ,بغيت نسولك ,واش المهمة حسن من علاقتك بأنيس حيت لا قلتي وي سمحيلي نقول ليك بلي راك مكتبغيهش ,حيت كنتي كتبغيه ديال بصح كيف غتعرفي راسك حاملة اول واحد غتجري تقوليها ليه هو ,واخا تقولي لي كنتي مخاصمة معاه ولا معرت شنو يكون ,ماشي شهر ونتي عارفة وخازنة عليه و كتشوفي ليه فعينيه وكتكدبي ,سمحيلي انا طبعي صريح ولكن هدا كتسمى نفاق ماشي حب ,
سندس ;واااش كيصحاب ليك انا فرحانة بهاد الحال ,انا كنبغي انيس و كنموت عليه,كنت عارفة راسي كنموت وقلت ليهوم جيبوني المغرب مابغيتش نموت وانا بعيدة عليه ,واش كتعرفي شنو هدا(كتضرب في قلبها)كضرب غا ليه ,ليه هو بوحدو وهدا(لعقلها)كنفكر فيه غا هو فكل لحظة فكل ثانية معشش في دماغي ماكيخرجش ,كنتنفس غا بيه هو و عايشة غا ليه ,عرفتي علاش انا دابا باقا قدامك ,قاومت لموت باش نرجع ,حتى كنحس براسي كيفشل و يبرد و عيني كيتغمدو مستسلمين كنشوفو صورتو كنفيق(كتبكي )عمرني بغيت شي حد قدو ,وعمرني انبغيه,اه انا انانية حيت بغيتو يبقى معايا ,خبيت عليه قضية الحمل حيت كنت مجروحة منه واش عمرك تعرضتي الاغتصاب و منين من الشخص لي كتبغي لحد الان باقا منسيتش داكشي ,لحد الان فينما كيبغي يقرب لي كنتخايل دوك اللقطات ,(كتمسح في نيفها )ماكنتش باغا نرجع ليه حيت صعيب نسامحه كنت باغا نطلق منه و نخوي ,من بعد سراو بزاف ديال الحوايج لي خلاوني نرجع ليه ,من وراها كلشي تخربق مالقيت فين نعطي الراس ,حرت مالقيت شكون يشد يدي ولا يسولني مالني ,كلشي كيجر غا لجتهتو و كيقلب على مصلاحتو ,اولهم خويا عارف بلي حاملة و كلشي مالو ماقالها ليه ها؟حيت مابغاش يخسر المهمة ,ياك هو صاحبه الروح بالروح ؟ولكن لا الخدمة هي الخدمة ,الرئيس بكرو عارف بلي انا مزوجة بانيس و حاملة و قالي نجيب الوراق من عندك جاك واخا عارف بلي داكشي خطر علي ولكن لا الوثائق هما اللولين ,كلشي باغي غي يستغلني لطرفو ,خوويا و الرئيس و سليم كلشي استخدموني ورقة رابحة ليهوم,تاحد فيهوووووم ماسووولني مالللك ولا باااااش كتحسي ,لااااا باغيني غي على حااااجتهم ,حتى انا كندير غي داكشي لي بغاوووو ,علاش

غي على حااااجتهم ,حتى انا كندير غي داكشي لي بغاوووو ,علاش دااابا كتجيو تلوموني ,علاااااش (ضربات يديها مع لفولون)شنوووو بغيتوني ندير ,نقققتل راسي باش نتوما تهناو ,كتقولي لي كنافق ,شكون كنافق قووولي شكون كنافق,راااا انا لي كنتنافق ماشي هوما ,وحدة باغا تصفيها لي و كتضحك لي في وجهي ,واحد عولنا عليه خوا بي ,تااااحد ماحاس بي و تاحد ماعارف شنو عندي حيت هدا (قلبها)عندي عاااااامر و عاااامر بزااااااف ,و ساكتة مكنقول وااالو ,بنادم كيشوف غي سندس القوية و العصبية و القاسية ,علاش ماكيقلبوش على سندس الحزينة و الكئيبة و المهمومة لي مخبية وراها ,حتى انا بشر عندي قلب و كنحس حتى انا كنضحك و نبكي حتى انا كيبقا في الحال علاش بنادم كيشوف غا المظاهر ,دويييي مالك سكتي ولا ماعندك اش تقولي,علاش تاحد ماكيجي عندي واش خاصني شي حاجة ولا ضاراني شي حاجة ,كيجيو غي على حاجتهم ,انا مكنعممش ولكن اكثريتهم هكا و منهم الناس لي قراب لي ,واخا هكاك ساكتة مكندويش و كنخزن في قلبي,كيقولو لي علاش كتخزني في قلبك و كتفرغي غضبك غا بالضريب ,ماعارفينش لا جيت ندوي غنفاجر عليهوم ,ماغنقا نعرف لا با لا خويا لجدي لا تاقلوة ,اللهم نضرب و نسكت ,انيس بكرو نهار مابغيتش نعس معاه شدني بزز مني فرع لي كري و خلاني كلي دمايات وواخا هكاك كمدتها في قلبي و سكت ,سامحتو ولكن عمرني نسيت ,وعمرني غنسى غاتبقى ديك الدكرى معشثة لي هنا (فراسها)انا عارفاه كيبغيني و كيموت علي مانكدبش ,ولكن واش كيحس بي؟الصباح جاي كيقول لي تبدلي كيفاش بغاني نتبدل ها؟لي كيبغيك كيبغيك كيف ما نتي ,,,نهار اللول عرفني هكا (هزات يديها)بحال هكااا ماخبيت عليه والو ,ماطلبتش منه يبغيني وماطلبتش منه يتبعني كنت ديما كنصدو و كنبعدو علي حيت عارفة غايجي هاد النهار لي غيقول فيه هاد الهضرة ,وواخا هكاك حضرت الراس (حضرات راسها)وقلت ليه سمحلي ,علاش انا مطلبتش منه يتبدل على قبلي ها,دوييي ,عمرني طلبت منه دير شي حاجة على قبلي من صغري وانا معتامدة على راسي ,نتي قلتي داز عليك العداب,كونت تعرفي العداب لي داز علي كون راك دابا في الحباسات ,ولا شي رئيسة ديال العصابات ,اقصى العقاب دوزتو و العصى لي كليت في التداريب,حيت كانت عندي شخصية ضعيفة لي جا كيحكر علي ,كنخصر كيجي المعلم يضربني لكرشي حتى نبخ الدم و الفالاقة ,كنجي للدار حاسة بالموت ,وواخا هكاك كنصبر ,هاد سندس لي قدامك ماتكونات شخصيتها حتى تقاتلات لدرجة ولا الجسم ديالي ميت ماكيحسش بالعصى تخشي في موس مانتألمش ,كون داز عليك غا شوية لي دوزت والله ماتصبري,من صغري كبرت راسي براسي و معتامدة على راسي محتاجيت لتاحد وصلت لهادشي بمجهودي لخاص تاحد ماعوني ولا وقف معايا ,ولا ش بيدي ,قلبي قصاااح ,(سكتات و عاودات هضرات)جا كيقولي علاش مشيتي لبحر و تضاربتي ,,,,علاش مسولنيش شنو لي خلاك تمشي فديك الوقيتة و باش كنتي كتحسي حتى تمشي لبحر فديك الوقيتة و توقفي فداك الخلا حتى تلاقاو ليك دوك الزوامل ,لا هو ماشافش هادشي ,خاصو غايرضي روجولته و كبرياؤه و سندس لاهلا يقلب بالزامل بوها ,كتقولي لي علاش باقا مخبية عليه الحمل واش نهار تزوج بي خدا رأيي ها؟ياك خطط و نفد لراسو حتى لقيت راسي مزوجة ,بقا في الحال و سكت علاااااش حيت كنبغيه ,كنشوف في بابا دابا

كنبغيه ,كنشوف في بابا دابا و كنحشم منه ,مابقيتش قادة نشوف ليه في عينيه ,مابقيتش حتى نقد نبرك معاه ولا نتكلم معاه كيف كنت ,كيصحابني غا خدامة في شركة,مافخباروش اش كاين ,تايق في وانا كنخون تيقته ,قاع داكشي لي قالي منديروش درتو,و في الاخير مزوجة وحاملة وخازنة عليه ,غا قولي لي كيفاش بغيتني نتصرف ؟حيت انا حاسة براسي غنفاجر,وليت كنترهب منه باش منضعافش قدامه ,البنت لي كبر و ربا و بات الليالي كيحلم و يخطط ليها ,و في الاخير بركاتو على الصبع قالتيه ها لي تصور مني (قلزات)ودابا ماحيلتي لبابالي مقلقل حيت وليت كنغبر من الدار و ماحيلتي ليه هو باغيني نبقى معاه ,وماحيلتي لخدمة ,ماحيلتي لمشاكيلها و القحبة لي باغا تقتلني كتسنى غا الفرصة كون تشوفيها قبيلة كتشوف في ماكرهاتش تقتلني وانا دايرة راسي دمدومة ,حيت مامعامراش بيها راسي دابا لي في كافيني ,كلشي باغي يجرني لعندو ,كلشي كيقلب على راحته و لي يرضية ,وانا؟ شكون يرضيني ؟نجمعهم كاملين ونسولهم غي اشنو كيفرحني وثشنو كيقلقني نحلف ليك تاحد ماغيجاوب حيت تاحد ماقد يوصل للداخل ديال سندس و يعرفها مزيان (حطات يديها على الفولون و حطات راسها عليهوم)واخا وسط هاد الكم كامل ديال الناس الا وانا كنحس براسي بوحدي ,عيت اعبير عيت و الحمل تقيل علي (هزات راسها وشافت فيها)مابقيتش قادة نستحمل ,كون غي مت فهاديك المهمة و رتاحيت والله ,كون دابا راني مرتاحة ,حيت هادشي بزاف علي ,عيت مانصبر ,عيت مانحاول نفهم بنادم و نقطع من لحمي و نرضيه ونبقى بلا خاطر ,عيت مانضحي بابتسامتي و نعطيها لواحد اخر وانا نبقى حزينة ,عيتت وتقادا جهدي هدا الله ,
عبير كتصنط ليها مادواتش كتبكي في صمت و مخلياها على خاطرها تفرغ داكشي لي فيها تصدمات ماكانتش عارفة بلي هادشي كامل خازناه لداخل ديالها و بلي ورا سندس القوية كينة طفلة صغيرة كتقلب على الحنان و العطف و الاهتمام ,ماكانتش عارفة بلي ورا هاد القناع ديال اللامبلات لي كترسم في وجهها و كتبين بيه بلي تاحجة متأثر كاين وراه قناع الحزن و الخوف ,صعيب على انثى تحمل هادشي كامل في قلبها و تبقى خازناه و تكتمه صعيب وصعيب بزااف ,هادشي لي كيدور في بال عبير و هي كتشوف في سندس كيفاش كتعبر و تغوت و تبكي كتحاول تفرغ داكشي لي عندها و كتخرجو ,عبير كانت اول وحدة لي غتشوف سندس في اضعف حالاتها حيت سندس عمرها مابينات هاد الجانب ديالها لتاحد ديما كتبين راسها قوية وعنيفة ,ماعرفات ماتقول ليها حيت واخا تقول لي قالت ماكينة حتى شي كلمة لي تقد تواسيها ,تقربات منها ببطئ وهي حاطة راسها على الكرسي و مغمضة عينيها كتحاول تلتاقط انفاسها لي بدات كتسارع بسبب الانفعال جراتها عندها و خشاتها في حضنها بلا متدوي حتى سندس كانت طالبة عليه دارت يديها ورا ظهرها و تخشات فيها ,بحال الطفل من كيتخشى في حضن مه طالب منها الامان هادشي لي لقات سندس في حضن عبير ,خلات دموعها نازلين على راحتهم بلا متكلم ,و عبير كتطبطب عليها بحال يلا كتقوليها خرجي داكشي لي فيك بكي بكي ,بقاو مدة وهوما هكاك معانقين شحاااااال حتى خرجات بدات كترتاح و بعدات عليها مسحات دموعها و نيفها و حطات يديها على الفولون;سمحي لي ,ماعرفتش اش سرا لي ,
عبير بابتسامة حطات يديها على يد سندس;حتى نتي راك بشر ماشي روبو ,انا معاك و حسبيني بحال ختك ,غتلقايني ديما في جنبك وقتما حتاجيتيني ,ماتبقايش تحسبي راسك بوحدك ,هاد الحمل بزااف عليك تهزيه بوحدك خاص ضروري لي عاونك فيه ,هادشي ماكيعنيش بلي نتي ضعيفة لا ,هادشي كيعني كونك انك بشر بحالنا ,كتحسي و كتألمي و تفرحي ,ماشي ديك سندس لي كتبيني,هادشي علاش بغيت نخبرك بلي انا ديما معاك و نساندك في اي حاجة قررتيها حيت عارفة قراراتك كلهم صحاح في الاول خديت منك موقف ولكن كيف كيقولو لي ماعرفك خسرك وانا عرفتك ,مانسمحش لنفسي نخسر
بتاسمات ليها سندس;شكرا ,بغيت نطلب منك طلب مابغيت تاحد يعرف بهادشي لي دار بيناتنا ,
عبير بابتسامة,;ماتحاتاجيش توصيني,هاد سندس لي شفت دابا عمرني ماشفتها ولا عرفتها ,انا كنعرف غي سندس القوية و المخنزرة ,(غمزاتها)ههه
سندس;ههه شكرا (ديماارات لوطو)يله نتحكرو راه سكنا هنا
عبير;يله رولي رولي
سندس;بغيت انعرف منين كتجيبي هاد الهضرة
عبير;هه احنا غادين نوريك من جبتهوم نيت
سندس;هههه يله

وصلو لواحد الحي شعبي ,سندس بقات غكتشوف عمرها شافت فحال هاد الاحياء ,الديورا رايبين و البرارك و الخنز و الزبل بقات اكتشوف في عبير;كنتي ساكنة هنا ؟
عبير بابتسامة;مرحبا بيك في ماوراء الكواليس ,هههههه وقفي وقفي هنا
حطات بلاصات سندس لوطو حدا واحد الحانوت ,داير فحال لgاراج ,ومكتوبا فيه سيبير عبيقة حتى لكتبة غالطة ,والجقلة حداه و نتوما عارفين غي شافو حديدة داخلة للدرب كلشي تجوق تم و العيالات خارجين كيتطالو نزلات عبير هو اللولة و هوما يتجمعو عليها ولاد الدرب;هاي هاي عنبر يله طفات عليك الشمعة فين كنتي العشير
عبير ضرباتو لكتفو;اهنا الساط
االدري الثاني;شكون ديك التيتيزة لي جيتي معاها ,
عبير;صاحبتي ,اتديني نسكن معاها
الدري الثالث;لااااا متقولهاش اصاحبي,(جرها بشوية)عندك تكون من هادوك لي القحاب ,يقولو ليك ,تهلاو فيك و نسكنوك و نوكولك في الاخير يبركوك عليك,ها ودني منك
عبير كتضحك;هههههه ناري كون سمعاتك ,كون دابا راه كناكل عليك كسكسو عرفتي هادي شكون ولا لا ؟
هو ;شكون غتكون في ملك الله ,كنعرف فحال هاد الانواع كيضحكو على الدريات و كيبداو يقودو فيهوم,اللهم خليك باركة معانا ماخاصك خير حتى النهار لي يسهل عليك فيه الله
سندس نزلات من لوطو بقا كلشي كيشوف فيها مشات في اتجاههم ;كون ماكانت عبير ,كون وريتك انا شكون بطريقتي,
عبير دارت عندها ;سندس ماق
قاطعاتها;عارفة ,هادشي لاش شفتيني باقا واقفة ماكون السيروم يولي جيه قاصح مايدوزش ليه(مدات ليه يديها )نقدم ليك راسي سندس شرطية (مابغاتش تقول ليه من المخابارات )
السيد بقا اكيشوف مافهم والو و كلشي قاع لي تم او كيفاش هاد التيتيزة تكون بوليسية كيسلم عليها و كيشوف ليها في وجهها بدهشة ;متشرفين ,سمحي
قاطعاتو;ماكين لاش منحقك تخاف عليها,انا انديها تكمل قرايتها و تشوف مستقبلها ,ماشي غنمشي نقودها كيف قلتي (دارت عند عبير )طلعي نتي جيبي حوايجك راه تعطلنا
جات واحد المرا;سمحيليه ابنيتي ,ماديريهاش منا قلت الصواب ,غي حيت خايف عليها,حنا عبير كنعتابروها بحال بنتنا ,مسكينة ماعندها اهل ,سبع سنين و هي عايشة معانا عمرنا شفنا منها العيب ولا الحرام ,هادشي لاش الدرب كامل عزيزة عليه ,ولا كان غتمشي تشوف مستقبالها الله يكمل عليها حنا منبغيو ليها الخير
سندس بابتسامة;نشاء الله
المرا ;زيدي ابنتي تشربي معانا شي كويس ديال اتاي
سندس;سمحيلي ولكن معطلة مرة اخرا
شداتها من يديها ;او الله حتى تزيدي تشربي اتاي معانا,انا قد مك و ترديها في وجههي ماحشمتيش ها؟
سندس بتاسمات ;واخا الالة هانا غادة معاك,غي تنزل عبير نجيو عندك
هي;(دارت عند واحد)علي طلع عند عبير قولي صحبتك عند مي هنية قوليها تبعنا
علي ;واخا امي هنية
مي هنية ;يله زيدي دابا قدامي (شداتها من يديها وتمات غادا بيها و سندس وراها كتشوف فهاد العجب و منين تصلطو عليها
دخلو لواحد الصفلية عبارة بيت و مراح فيه كوزينة و طواليط السقف نصو طايح ,بركات بقات اكتشوف في الدار و كتسائل كيفاش عايشين
حطات مي هنية صينية ديال اتاي و خبيزة و زبدة و زيت لعود و زيتون كحل ;زيدي ابنتي ماتحشميش و قبلي علينا ,حنا ناس على قد الحال
سندس بتاسمات ;لاهلا يخطيك (حيدات النظاظر من على عينيها )
مي هنية;ماشاء الله ,زوينة ابنتي الله يحجبك من العين ,شنو سميتك ابنتي؟
سندس; سميتي سندس اخالتي
مي هنية ;تبارك الله حتى سميتك زوينة ,شحال عندك من عام
سندس;واحد وعشرين اخالتي
دق دق
عبيير; مي هنية وا مي هنية
مي هنية ;دخلي اعزري الدوار دخلي
دخلات عبير هازا ساكها و واحد بلاستيكة حطاتهم
مي هنية ;زيدي نتي راه الدار داركوم ماتحتاجيش العراضة
دق دق
مي هنية ;شكون
المراوات ;غي حنا اهنية
مي هنية;هه هاهوما جاو جاو لاديستيا ههه وادخلووووووو
سندس كتشوف في عبير زعما اش كاين

دخلو واحد خمسة العيالات وواحد البنت باقا صغيرة شوية تاقادا ديال سندس ولا صغر
مي هنية مرحبا مرحبا تفضلو
بركو العيالات مي هنية خوات ليوهوم اتاي ;ديرو يديكوم
المرا اللولة;قالو لينا ابنتي عبير صافي غتمشي ,هي سخيتي بينا
عبير;لا اخالتي حليمة متقوليش هكا,عمرني ننسا خيروك ,كنتو معتابريني بحال بنتكم الله يكثر خيركوم
الدرية;ماتقوليش هاكا ,راك كنتي فحال ختنا
المرا ٢:شكون هاد البنت ,شفتها غي ساكتة ماكتدويش باينة ماشي من هنا (قربات العبير)واش مغربية؟
سندس ضحكات;هه مغربية اخالتي ,وسميتي سندس
المرا;واللاهيلا حتى مغربية ,واش مزوجة (ضربات راسها)اش كنقول نتي باقا صغيرة اكيد باقا
سندس;هه مزوجة اخالتي و حاملة دابا
المرا بصدمة;بصح مابيناش فيك ,باقا صغيرة ,فاش خدام راجل
سندس شافت في عبير بصدمة زعما واش هادي بعقلها عبير بدات كتضحك;حتى هو بوليسي فحالي
البنت;واش نتي بوليسية
سندس;اه انا من الشرطة
المرا;تبارك الله ,مابايناش فيك ,كتباني بحال شي ممثلة من دوك لي كيبانو في التلفزة ديال دوك العريانات و الماسخات هلود و هلندو ولا معرت لبوها
سندس;ههههه هوليود اخالتي
المرا;المهم هاديك ,كتباني فحالهم ,اجي مالك شكون ضربك في وجهك فمك منفوخ و تحت عينيك زرق ياكما راجلك لي كيتعدا عليك,راه لبوليسيين كايكونو قباح ابنتي و يديهوم سابقاهم
سندس;لا ماشي هو ,
عبير;تضربات لبارح في الخدمة ,
المرا;الله يعطيهوم لgرد ;شوف كيف ردو ليك وجهك تسناي انا جاية (ناضت كتجري)
البنت;دابا لي بغات تكون بوليسية اش دير ؟
سندس;فاش كتقراي ؟
المرا;يله كتقرا في البيت العاشر,ماطلعات من داك الكاطريام حتى بركات فيه ثلاثة سنين و معرت شحال تبرك فهدا تاني ,بقا لبوك البوليس ,قريتي حتى قرايتك ,شادة لي داك المشقوف نهار و مطال ,ولا تخرجي لي مع دوك المسخات تخيطي الزناقي
سندس;الدوران و دكشي معندو باش يفيدك ,ديها في قرايتك ,واحد الوقت غتندمي على هادشي,غتشوفي الدريات قدك خدامات و بطوموبيلاتهوم و نتي باقا هكا,ولا تزوجي بشي حوات ولا خضار
المرا;هادشي يلا قبل عليها تي هادي مايشوف فيها حتى بوبي,واشفتي كلب تعيطي ليه يقول ليك راه شبعان ,
سندس;خالتي حشومة متقوليش ليها هكا,البنت باقا صغيرة ,وغدير عقلها ,(شافت فيها )ياك ؟
البنت حركات راسها باه و عينيها مغرغرين حشمانة
سندس;هكاك ,ديها في قرايتك و شوفي مستقبلك ,ويلا خديتي لباك بنقطة مزيانة نواعدك نوقف معاك تدخلي للشرطة
المرا;بصح ابنتي؟
عبير;سندس لا قالت لحاجة الا وهي قادة بيها
المرا ناضت فرحانة كتعنق سندس و تبوس ماطلقاتها حتى طيباتها

***عند جاك
لبارح من خرجات سندس قربل الفيلا كاملة هرسها و كغوت ساعر ,دخل لبيرو ديالو وجبد قرعة بقا كيشرب يشرب و جابد تيلي يصوني عليها و يعاود كيلقا تيلي طافي ,خرج من لبيرو ركب في كاط كاط كحلة و زاد في اتجاه دارهم وقف لوطو في دربهم وبقا كيصوني عليها كيلقاه طافي قلب بعينيه مابانتش ليه لوطو ديالها عرفها ماجاتش لدارهم ,بقا بارك في لوطو كيتسناها حتى داتو عينيه ,فاق الصباح شاف تاني واش كينة لوطو ديالها عرفها باقا ماجاتش ,جبد تيلي كيصوني عليها لقاه باقي طافي تعصب لاح تيلي من الشرجم هرسو ,بان ليه امي خارج في الصباح هو وهيبة و كوثر ,كيهضرو,استنتج بلي مافراسهم والو بقا ماقبلهم حتى مشااو و بقا هو كيساينها النهار كامل ماحيدش وما خرجش من لوطو حادي غا دارهوم تزير مشا دخل القهوة بال و رجع هاز معاه كاس ديال القهوة و قرعة الماء ورجع تاني مقابل دارهوم ,بانت ليه لوطو ديال امير ثاني وهاد المرة رجع غي هو وهيبة و صلها و زاد ,بقا من وراها شي ساعتين تقريبا ولا كثر ولا وجههو حمر بالشمس كون مالكليما كون تقلا في ديك الطوموبيل ,حتى بانت ليه من مرايا لوطو ديال سندس داخلة للدرب
****
سندس دخلات لدبهم بلوطو بلاصتها يله خرجات منها باش تسدها و هي تحس بشي حد شاد ليها يديها تلفات و هي تصدم;اكرم؟
جاك;بغيت ندوي معاك
نترات منه يديها بغضب;ماعندنا فاش ندويو ,اش كدري حدا دارنا,و منين كتعرفها ,ياكما كنتي كتراقبني
جاك;سندس بلا متعصبينبي زيدي معايا
عبير;هييييييه شفت باغي تدي لبنت صحة ,سير فحالك الله يردي على ولدي يله دg
جاك تلفت عندها;مادويتش معاك نتي بلا متنقزي (تلفت عند سندس)ماغنطلقك حتى نهضرو بغيتي ولا كرهتي ,جوج دقايق مغتفوتيهومش
سندس;عبير طلعي داكشي انا تابعاك
عبير;ولك
قاطعاتها ;قلت ليك انا تابعاك صافي ,
مشات عبير هزات السيكان و دخلات للدار سدات لباب و بقات واقفة مورا لباب تصنط باش يلا بغا يدير شي حاجة تدخل ههه
سندس ربعات يديها;شنو تاني ,ياكما باغي تكمل علي ,ولا تنادم معاك الحال حيت مقتلتينيش ,ولا مشات ليك شي حاجة جاي تصبيها فيا ؟
بغا يشدها من يديها وهي تنترها;اووك ,ماعرفتش اش ندير باش نخليك تسامحي لي و نرجعو كيف كنا,وقع سو ء تفاهم و
قاطعاتو;كنتي اتقتلني وكان سو ء تافاهم؟شوف نقول ليك اولد الناس ,كان في مانعلم لبوليس و نعاود ليهوم داكشي لي درتي,ولكن انا غا بنت درويشة باغا غا راحة ديال لبال ماخصني مشاكيل ,ماقادة على صداع ,يلا بقيت تابعاك شي نهار نلقا راسي مليوحة فشي قنت ميتة ,ولا شي حاجة,اللهم عطيني التساع و ماتبقاش توريني وجهك
جاك;انا منقدش نبعد عليك اسندس ,كنبغيك كتفهمي كنبغيك من النهار تلاقينا في افران وانا مغرم بيك شحال قلبت عليك منبعدها غبر ليك الاثر ,حتى تلاقينا صدفة في الحفلة ديالي عرفت بلي القدر بغا يلاقينا ,ف
قاطعاتو;سمحلي ولكن انا عمرني بغيتك ولا نبغيك ,كنت كنشوفك كصديق و أخ و لبارح دمرتي كلشي ,انا مابغيتش نبقى نشوفك ,عافاك سير فحالك
شدها من يديها وكرز عليهوم;كيفاااااش ,مكتبغينيش ,شكون هدا دويييي شكون هدا لي كتبغييييه
سندس;اييي مكنبغي تاحد ,و ماغنبغي تاحد ايييي طلق مني راه وعتيني اكرم
طلق منها و مسح على شعرو و عاود شدها بيديها بحنان;سمحيلي سمحيلي ماعرفتش اش سرالي واقيلة حيت مانعسش مزيان ,سمحيلي
سندس;بسع مني ,نت واحد حمق ولا معرت ,مابقيتش باغا نشوفك فهمتي ,ولا هاد المرة انعلم بيك البوليس
جاك طلقها بواحد الضحكة شيطانية;هههههههههههههههههههه لبوليس هههههههههه لا زوينة هادي ,ههههههه البوليس الحبيبة هوما كيجيو يمسحو لي سباطي من كنبغي نسيريه ,كيجيو يسيروه ليا ههههههه لبوليس قاتلك هههه زوينة هادي ههههههههههههه
سندس بقات غكتشوف فيه هدا اكيد الزن في مخو دغيا كيتصيف;اكرم,عافاك سير بحالك ,راه يلا شافنا شي حد غايفهمنا غلط و غنصدق في مشاكيل انا في غنى عليها ,الله يرحم ليك الواليدين ,ياك كتقول عزيزة عليك بلللللللللز (دار يديها بزوووج )مابسع مني و عطيني التساع عافاك
جاك;هانا غادي ,ولكن التساع هو لي عمرك تحلمي بيه ,انا من كندير شي حاجة في مخي كنديرها ونتي درتك في بالي ماكينة حتى شي قوة تحدك مني ,اوووك سيري رتاحي ليك الحبيبة ,عندي خدمة دابا خاصني نديرها نساليها و نرجع ليك اووك حبيبة
سندس بقات اكتشوف فيه وساكتة
جاك;يله سيري دخلي لداركم انا واقف هنا حتى دخلي لايتلاقا ليك شي حد
سندس;واش حماقتي نت ولا كتبوهل علي
جاك;حبيبة ,لحد الان باقي ساكت ليك ,بالا متخيليني نوريك وجهي الاخر
سندس;علاه شحال من وجه عندك بالسلامة
جاك;ههههههههههههه بزاااااف
شافت فيه شحال وهي تخنزر فيه ضرباتو بكتفها و تخطاتو بغات تحل لباب وهو يغوت;كنبغيييييييك هههههه
خنزرات فيه و حلات لباب ديال الدار و دخلات لقات عبير واقفة

شافت فيها;بتي باقا هنا؟
عبير;ماقديتش نخليك بوحدك مع داك القتال
سندس بركات فواحد الدرجة و شدات راسها ;حرت ياربي صافي ,والله حتى جهدي تقادة ,اوووو من مصيبة لمصيبة ,واش منرتاحش فحالني فحال بنادم ولا حارم
عبير بركات حداها في الدرجة و حطات يديها على كتفها;هادشي كلشي غيفوت و غيبقى غي تعاويد ,ماتديريش في بالك كلشي يهون ديها غي في صحيحتك و فهاداك لي فكرشك ,في خبارك ,بلي كيحس حتى هو من كتكوني مقلقة حتى هو كيتقلق و من كتكوني فرحانة حتى هو كيفرح,ومع نتي تبارك الله ديما ضاحكة ماعرت كيف غيكون هاد الولد مسكين ,نموت نحيا ونعرف
سندس ضحكات ;هههههههه
عبير;شفتي حتى حاجة متستاهل ,خليك ديما ضاحكة ,خلي بنادم يتفرgع ,لاش نمرض راسي ,منين يتطرطق ليك شي عرق و شوفي شكون ايعتق ديك الساعة ,ضحكي و عيشي الحياة كيف ماكانت ,حيت شي نهار انودعو حتى حنا,ديما واجههي عدوك بابتسامة خليه يتسطا و يحماق مايفهم فيك والو ,
سندس;هههه زيدي نطلعو زيدي ,
عبير;ههههه يله العشيرة
طلعو للدار دخلو لقاو وهيبة كتوجد في العشاء و سي مصطفى بارك في الصالة كيتفرج ,
سندس;السلام
الاب;السلام ابنتتي ,اجيو بركو (طفا التلفازة بتيلي كوموند شاف في عبير لي لاسقة في سندس و منزلة الراس حشمانة بتاسم )سميتك عبير ياك ابنتي ؟
عبير بحشمة;اه اعمي
الاب;اجي عندي (ضرب حداه )
شافت في سندس و هي تنطق وهيبة;وتي سيري عندو راه مغايكلكش
ناضت عبير دايرة يديها قدامها و منزلة راسها الارض و سندس وهيبة حابسين الضحكة بركات حدا سي مصطفى و حنات راسها الارض كيتلعب بصبيعاتها,سي مصطفى;عاودات لي ,وهيبة كلشي عليك,ماعرفتش الله على كيرزق فحال هاد الوليدين الولاد ,البنين زينة حياة الدنيا ,يعني هما نعمة الله عطاهم لينا باش نرعاوهم و نكبروهوم و نربيهوم احسن تربية ,باش يلا حتى حنا كبرنا نلقاوهم في جنبنا (سندس حدرات راسها الارض )شوفي ابنتي ,من ليوم عتابري هاد الدار داركوم ,وعتابريني بحال باباك ,لي تقالت عليك خفافت علي ,مانبغيكش تحشمي مني غنتقلق منك,كيفك كيف ولادي ,كانو عندي ثلاثة الله رزقني الرابعة (هز ليها راسها لقاها كتبكي )مسحي دموعك,مشا وقت البكا و الدموع ,منبغيش نبقا نشوفهوم مزال,
عبير;اهئ اهئ (كتمسح فيهوم )اهئ ماعرفت مانقول ليكوم والله ,اهئ اهئ كيفاش انقد نرد ليكوم هاد الخير اهئ
هو;مانبغيش نبقا نسمع منك هاد الهضرة ,اش قلت ليك دابا ,نتي بحال بناتي انا مكنديرش فيك الخير ,لي غاتديري هي تكملي قرايتك و تشقي طريقك النجاح و تخليني مفتاخر بيك هادشي لي غديري ,انا مطلبت منك والو
عبير;اهئ اهئ شكرا اعمي
هو تلفت عند سندس;واش هادي لاباس في عقلها ولا شنو ,انا كنقول ليها باباك و هي كتقولي عمي

سندس هزات راسها بتاسمات بحزن مقداتش تشوف ليه في عينيه و عاودات حدراتهم
الاب;مابغيتش نسمع منك كلمة عمي مزال ولا نجبد ليك دوك الودنين
عبير;اهئ اهئ واخا اع(خنزر فيها )بابا
الاب;ايوا هكاك ,قالت لي وهيبة بلي خديتي لباك علوم فيزيائية ؟ياك ؟
عبير;اه
الاب;ممم اش بان ديري تيكنولوجيا من بعد ,واحد صاحبي عندو مدرسة فهاد المجال ,و عرفت بلي نتي مدمنة على داكشي ديال الكترونيات و داكشي ,اش بان ليك؟
وهيبة;مزيانة ,نتي عندك مع داك تخربيق ,
عبير;ليبان ليك اع ,,ابابا
الاب ;هداك مستقبلك ,خاصك نتي لي تقرري و تشوفي لي يريحك
عبير;حتى انا من كنت صغيرة ,كان عندي حلم مورا لباك نكمل تقني وندير لفاك ,ولكن ايكول ايكونو المصاريف ديالها غاللين
ضربها لراسها;نتي اقولي لي اش عندك فداك المخ ,راه هدا واجب ديالي فهمتي ,متخميش نتي لهادشي نتي ركزي غا فقرياتك وصافي
عبير;شكرا (بتردد)ووخا ننعننقك ؟
الاب;ههه اجي اجي (عنقها و هي تخشات في حضنو و مغمضة عينيها كانت اول مرة ليها تدوق طعم الحنان و الامان ديال الاب من صغرها وهي كتخايل كيفاش ايكون وهاهي لمساتو قلبها كيرفرف بالفرحة عينيها المارو كيبريو عامرها كانت كتخايل هاد اللحظة وها ربي ستاجب ليها الدعاء ,حضن سي مظطفى خرج منها ديك الطفلة المحرومة بقات كتبكي وتضحك في حضنو مامصدقاش و هو كيطبطب ليها سندس كتشوف فيهوم و دموعها حابساهوم وسط عينيها و كتشوف في عبير بابتسامة بحال ,بعدها عليه بلطف و كيلمس ليها شعرها القصير ;صافي باراكا من البكا
عبير كتمسح في الدموع لي مابغاويش يتحبسو;اهئ اهئ مابغاوش
الكل;ههههه
الاب;يله طلعي بيتك بدلي ورتاحي حتى يطيب لعشاء و نعيطو ليك ها ختك وهيبة توريه ليك
سندس ناضت;انا نوريه ليك يله
عبير ناضت;واخا
هزات ساكها و ميكتها و تبعتا سندس لي بدات كتمسح في الدموع باش متشوهش قدام ,عبير وراها كتشوف في الدار بدهشة و كتحقق الgفرحة ماقاداهاش ,طلعو في الدروج وتمشاو في الكولوار حلات واحد البيت ;هادا بيتي
عبير دخلات ;واااو بيتك غزال
سندس;ههههه زيدي نوريك (داتها لبيت اخر)هادا بيت ديال ديك خيتي (داتها لبيت اخر)هدا بيتك نتي دابا ولبيت لاخر ديال امير ,ما بابا كينعس لفوق
عبير دخلات للبيت حلات فمها;كان بيت مصبغ بالابيض كامل,و كينة ناموسية مغطية بالبيض كيبرا و ماريو حتى هو بالابيض وفيه بلاكار صغير ,مكتب صغير و كرسي بالبيض ,و دوش صغير,بقات غتشوف و كيتقيس بدهشة ,سندس ضحكات عليها;هههه دخلي دوشي انا انمشي نجيب ليك شي حاجة تلبسيها من عندي ,حتى لغدا و نشريو ليك حوايج ,داك الزبل ديال الوحيه يله دخلي انا جاية (مشات سندس و خلات عبير كتستكش تلاحت على النامسية )واااااو دابا حتى انا ولا عندي بيت بوحدي ههههه حتى انا ولات عندي عائلة ,و نامسية و دار حتى انا انولي نمشي لمدرسة و نلبس فحال الناس (بداو ينزلو دموعها ثاني)اهئ اهئ الحمد الله ياربي ,صبرت وجازيتيني اهئ كنحمد اربي ونشكرك اهئ
مسحات دموعها و دخلات للدوش حيدات حوايجها و تخشات تحت الرشاشة طلقات الماء وهو ينزل كحل بالوسخ حيت ماكانتش كتعوم الا من الشهر شهر و دابا كثر من شهر لاعامت بدات كتقلب فداكشي كتشوف لاش كيصلاحو و كتقرا,دارت شمبوان غسلات شعرها و لحمها حكاتو مزيان حتى رجعات كتبري (حكا ماوصفتش ليكوم عبير,طويلة و حروفها كحلين ,ماشي زوينة وماشي خايبة مقبولة ,شعرها قصير كيف الدري ,طويلة و رقيقة شوية حتى فورمتها عادية ,غا هي من داك النوع لي كتدخل الخاطر و كتدير بلاصتها دغية مفروحة و ضاربة الدنيا بركلة ,ديما دايراها غا في يد الله وصافي)سالات الدوش خرجات لاوية عليها فوطة ,لقات سندس حاطة ليها فوق النامسية ,شورت قصير و بيل نص كم,لبساتو جا شوية طويل و عريض عليها حيت سندس طويلة و عامرة عليها بسباب الرياضة ,و نزلات عندهم

نزلات لقات غي وهيبة و سي مصطفى بركات حداهم
وهيبة;عجبك بيتك؟
عبير;اه شكرا
سي مصطفى;لا بغيتي تبدلي فيه شي حاجة بدليها,
عبير;لا عجبني الديكور ديالو هكاك,هادئ و زوين ,,,فين هي سندس ؟
واش مغتنزلش تعشى؟
وهيبة;مابغاتش ,قالت ليك باغا تنعس
عبير;(عرفات لاش مابغاتش تنزل ,حيت ماقاداش تشوف في باباها تنهدات)واخا تعطيلي شي حاجة نطلعها ليها تاكلها؟راه من الغدا ماكلات
وهيبة;اوووك انا نوض نحط ليك,و طلعي ليها
عبير;غا رتاحي انا نوض
وهيبة;لكزينة على يدك ليمنية
نادت عبير لكزينة ,لقات وهيبة مطيبة ليباط بالكفتة ,جبدات بلاطو حطاتو وجبدات طبسيل خوات فيه ليباط ;لقات ديسير فوق الطبلة هزات جوج تفاحات و بنانة و ليمونة ,كاس ديال الماء و فورشيط و موس قاداتهم و طلعات عندها
***
سندس متكية في النامسية كتشوف في السقف ,ساهية كتفكر ,و كتدي و تجيب في الطرقان ,دايرة يديها تحت راسها و كتخمم ,حتى سمعات الدقان هضرات بلا متلفت ;دخل
حلات عبير لباب;ملك سادة عليك ,علاش منزلتيش تعشاي
سندس;معنديش نفس
مشات حداها و حطات البلاطو جنب;ايوا هانا يالالة طلعتو ليك يله نوضي
سندس;غاديه والله ماعندو منين يدوز
عبير;نتي لا مكنتيش باغا تاكلي لاهلا يحطو في كرشك ولا يدوقو ليك,انا جايبة هادشي غي لصحيبي مسكين لي قتلتيه بالجوع ,مسكين كيطلب في و كيقول لي خالتي زيبي لي ناكل راه ماما مابعاتس توكلني انسخف بالزوع (كتقلد اصوات ديال اطفال)
سندس;ههههههههههه والله مابعقلك
عبير;تي اش عدنا منديرو بيه ,
سندس;ههه حسن
عبير;يله كلي هادشي كامل ,لي قدامك يله
سندس;شنو واش لاباس ,راه عندي اكرش ماشي خنشة,اناكل علاش قديت
بدات سندس كتاكل و عبير مقابلاها كتضحك و كتقشر ليها التفاح و الليمون بالموس و كملات و بدات كتعطيها الطروفة ديال الفواكه ;صافي مابقيتش قادة نزيد والله
عبير;غي هاد الطرف راه الديسير مزيان لصحتك غي هادا
خداتو من عندها و كلاتو ;ناري حاسة براسي انتفرgع
عبير;منتبغي قوليها لي باش نهرب ههههه
سندس;الله يمسخك ,
عبير;دويتي مع انيس؟
سندس;لا اصلا نسيت تيلي في الفيلا ,من عطيتو ليه لبارح بقا عندو , عنير;سندس خاصك تقولي ليه على الجنين ,هو اب و من حقه يعرف بلي نتي حاملة ,سمعيني ,ماكين تاشي حاجة حسن من العائلة سوليني انا ,لي خمسة و عشرين سنة وانا في الحرمان ,واخا الله ديما معايا و الناس كلهم واقفين في جنبي ولكن العائلة كيبقا ليها طعم خاص ,ماكينش فحاله و ماكينش لي عوضو,قوليها ليه قبل مايعرف من جهة اخرى,
سندس;هادشي لي لقيتيني كنفكر فيه دابا ,غدا انقولها ليه و لي بغا يسرا يسرا ,ولكن فكرة نتخلى المهمة ماغنحيدهاش من بالي,بغيت انا لي ندير لجاك المينوط في يديه
عبير;راسك قاصح اختي ,اجي شفتك نتي ماكتردي ما والو مابايناش عليك قاع واش حاملة واش بصح نتي حاملة؟
سندس;ماعرفتش ,واش زعما يكون عندي شي مشكيل ؟(بخوف حطات يديها على كرشها)عنداك نكون ماحملاش وكان غي غلط ,ولكن الدم هادي شهرين ماجاتني ,عاد وليت كنتوحم على شي حاجات مكنتش كنحملهم
عبير;تهدني ,غدا نمشيو في الصباح عند شي طبيبة اخصائية و نشوفو هادشي ,كون كان شي مشكيل و الله يحفظ كون راك كتنزفي و طاح ليك ,عنداك يكون عندك الراgد هههه
سندس;لاواه الناعس عندي اوطيل اهلا
عبير;واراه دابا هو كيصحاب راسو فشي سويت فاعل تارك ,شكون فحالو مكاااااسل مع راساتو و الماكلة و الشراب يوصلو حتى لعندو ماشي ملك هدا؟هههه بغيت انعرف فين كيصرف الماكلة واش حزاق ولا بول مانخشينش ليك شسي كميرا تم نشو فو؟
سندس ضرباتها بمخدة ;نوضي علي قبل مانوض نفرشخ مك ,عندي غار حراء ابنت القحبة باش تخشي في كميرة
عبير;ومن كيتخشا فيك هداك قدو قداش ,ماغتخشاش الكاميرة؟ههه شكون لي كبر هو و لا الكميرة ههههه
سندس;اتنودي ولا نوض لديلمك زملتو نتوما فهاد الدار يله تدردبي قبل مندردب ختي مع الدرووج
عبير ناضت كتضحك هزات لبلاطو و تمات خارجة وصلات حدا لباب;احححح على الحنش و مايجي منه هههه
شيرات عليها بمخدة جات في الباب ,رجعات لبلاصتها كتضحك;هههه حمقة ,(بدات كتفكر)زعما يكون كبر من الكاميرة ؟نعسي اسندس اتبقاي متبعة ديك خيتي حتى تلوحي حوايجك في الزنقة ههههه (تخشات في بلاصتها و نعسات)

اصبحنا و اصبح الملك لله
عبير كتفيق في سندس;وانوضي نوضي انعاسة
سندس كتغطى;وتيني عليك الله يترحم باك فهاد النهار
عبير حيدات عليها الغطى;واتي نوضي ياك درنا نمشيو عند الطبيبة في الصباح نسيتي؟واراه بغيت نشوف عشيري وتي نوضي
ناضت سندس ;هاهي نايضة ,ختي شكون لي سلطك علي ,شكون هدا لي دعاء في ؟
عبير;ههه نوضي لبسي ,راه وجدنا ليك الفطور لتحت باش نفطرو و نمشيو
ناضت سندس للدوش دوشات بالخف و خرجات نشفات راسها ,لبسات سروال ديال سورفيط غوز و فيه بيسطاج ,و بيل اكس بيسطاج ,سبرديلة كحلة و فيها الغوز جمعات شعرها و نزلات لعندهم لقات غا وهيبة و عبير ,فطرات و خرجو في اتجاه العيادة ,دخلو لعيادة شدو النوبة ديالهوم كانو شي ثلاثة العيالات قبل بقاو شي ساعة تقريبا عاد دخلو
الطبيبة;تفضلي امدام,تكاي على داك الباياص
طلعات سندس تكات فوق الباياص جات الطبيبة دارت ليها واحد برودوي بحال بوماضه و حطات عليها واحد اللعيبة في كرشها كتدوزها عليها و كتشوف في الشاشة لي قبلاتها;الجنين ,صحتو مزيان ,هاهو قلبه ,(دق دق دق)كتسمعيه
سندس بفرحة كتحرك راسها باه
الطبيبة;ههه بدا كيتشكل ,هنا فين كين راسو وهنا رجيلاتو هه
عبير;راه قلت ليك مشبح مع راسو شفتي هههه؟
الطبيبة;ههه عندك عندك سبعة الاسابيع
بقات دايرة ليها ليكوgرافي و سندس كتفرج و كتضحك كيبان ليه رويسو و البوزيسيون لي داير مكوز عبير ميتة بالضحك و الطبيبة كتشرح ليهوم ,سالات مسحات ليها البرودوي نزلات سندس من الباياص و مشاو بركو في لبيرو
الطبية;الجين الصحة ديالو مزيان و حتى من النمو ديالو مزيان كتمارسي الرياضة ياك؟
عبير;حياتها كلها رياضة
الطبيبة;هههه هادشي مزيان ولكن فهاد الشهورة الاولى,خاصك تعطي لراسك الراحة ,و الماكلة تكون متوازنة و منتظمة ,وتبعدي على الحلويات و لي gلاص ,خاص التغدية تكون صحية
عبير;حتى تكون تاكل بعدا ,راه يلا مابززناش عليها مكتاكلش
الطبيبة;لا ,هادشي غايأثر على صحة الجنين و على النمو ديالو ,ويسخف ليك في كرشك ولا قدر الله يقد ينزل
سندس;ولكن ادكتورة ,ماعنديش الشهية وخا كنبغي ناكل والو
الطبيبة;غنوصف ليك شي فيتامينات ومكملات غدائية باش يساعدوك
سندس;ممكن نسولك ؟
الطبيبة ;اكيد
سندس;انا كنعرف يعني البنات لي حاملات كتكون عندهم عوارض الحمل بحال كيتفرغو في الصباح و الدوخة و السخفة انا ماكنشعرش بهادشي بمرة ,كنحس براسي عادي كيف كنت غي بعض لمرات لا تشهيت شي حاجة و صافي
الطبيبة;هادوك العوارض العامة ,المرا كتولي تفرغ في الصباح و الدوخة و كتعيف الماكلة و السخفة,صدرها الراس ديال صدرها كيتنفخ و كيكحال شوية,و كرشها كتقصاح من التحت و كيجيها اوجاع صغيرة و حتى من المؤخرة ديالها كتبرز و كتغلاض,هادو هوما العوارض لي كنعرفو كاملين,ولكن كينات حالات استثنائية بحال حالتك,المتا الحامل مكتشعر بوالو لا بدوخة ولا والو كتمارس عاداتها بشكل عادي ,قاع مكتعرفش راسها واش حاملة غي لامشات منها ليغيgل ,وكينات حالات خاصه ,المرا كتبقى تجيها دم الحيض طول فترة الحمل بشكل عادي ومنتطم كيف كان ,كيجيو عندي بعض الحالات حتى الشهر السادس ولا خامس و كرشهم كبرات عاد كنقوليهوم راكم حاملات ,نتي اصلا قلتي كتمارسي السبور و هادشي باينة من فورمتك ,يعني جسمك متعوض على الحركة مغتخسيش بالسخفة ,غي هو الحركة بزاف و الثقل لا مامزيانش ليك فهاد المرحلة ,باينة هدا هو حملك الاول
سندس بابتسامة;اه هههه
الطبيبة;كتبان عليك فرحانة بيه
سندس حطات يديها على كرشها ;ههه متسوريش شحال ,(بخوف)دكتورة بغيت نسولك ,قبل من شهر ,كنت خدامة و تعرضت لحادثة على مستوى البطن شي دار لي تمزق في المعي الدقيق ,واش هدشي ماغيأترش على الجنين ؟حيت الطبيب قال لي نرتاح على الاقل شرهين منتحركش وانا حملت قبل ماتكمل
الطبيبة;لا ماكين حتى شي تأتير لا عليك لا على الجنين,واش من كتدخلي للطواليط كتبغي ديري الغائط كيدوز منك شي دم من اللور,ولا كتحسي بشي وجع في بلاصة ديال الضربة
سندس;لا ماكنحس بوالو و ماكيخرج مني حتى دم
الطبيبة;الجرح كيلتائم على حساب الجسم ,كين الجرح لي دغيا كيبرى وكيتجمع ,وكين الجرح لي كيبقى وهداك على حساب نوعية الجسم ,نتي جسمك من النوع لي كيبرى دغية ,اكيد الجرح دابا لتائم حيت كون كان لا ,كون الجنين طاح شحال هادي ماغبقاش ,شنو هي نوع الخدمة ديالك لي خلاتك تصابي بديك الطريقة ؟
سندس;احم الشرطة
الطبيبة;فهمت ,خاصك تنتابهي لصحتك مزيان انا عارفة الشرطة كتكون خدمتهم صعيبة ,وحتى نفسيتهم كتكون مظطاربة ,كيكونو عصبيين بزاف,خاصك تحكمي في اعصابك و تحاولي ديما تكوني اليز و الحاجة لي تقلقك خاصك تبعدي عليها

عبير;ديما شاعلة الله يستر
الطبيبة;ههههه اكيد نتي ختها ,
سندس;فحال دكشي
الطبيبة;لا مخاصك تعصبي ,وتبعدي على المشاكيل والصداع حيت هدشي كيأثر على نفسية حتى لجنين ,و كيخليه حتى مظطارب و يقدر يأثر على حتى النمو ديالو ,المهم انا انوصف ليك شي فيتامينات و مهدئات ,وخاصك من هنا شهرين ترجعي عندي باش نعرفو نوعية الجنين و من الاحسن يكون معاك حتى الزوج ديالك ,حيت فهاد الامور خاص الزوج ديالك لي يقابلك و يراعيك ,حيت هاد المرحلة كتكون حساسة و بالخصوص في الشهور الاولى
سندس;اكيد رينديفو جاي ايكون معايا ,اصلا هو باقي ماعرفش بلي انا حاملة ,يله بغيت نقولها ليه
الطبيبة;فهمت ,(كتبات ليها شي فيتامينات و كالسيومات و مهدئ و عطاتها التصاور ديال اكيgرافي و دعوها و خرجو من عندها سندس كتشوف في التصاور و حاطه يديها على كرشها وكتفرنس;هههه شفتيه قداش قد هكا (دارت عبرات صبعها)ههههه
عبير;ههههه بجغوط رويسو قداش ههههه
سندس;انمشي عند انيس دابا نقولها ليه و منها ناخد تيلي ديالي ,
عبير;اووك سيري انا اناخد طاكسي
سندس;لا نوصلك عاد نمشي ,
عبير;واقلنا ليك سيري انا اناخد طاكسي ,
سندس;اوووووك (ركبات في لوطو دارت ليها باي ومشات )
بقات عبير واقفة في الشاريع الطاكسي لي داز عامر ,شيرات لطاكسي يللح اتحل لباب و هو يشدو واحد هو ;انا اللول لي شيرت عليه
هي شادة لباب;شنو شنو انا هي اللولة لي شيرت ليه ,
هو;شوفي ا انسة ولا معرت ,عندي محاضرة دابا ,و معطل خاصني نمشي
هي;شوف اسيدي ولا معرت ,حتى انا عندي مايدار و خاصني نمشي ,يله حيد ,(بغات تدخل وهو يجرها)والله لا ركبتي فيه
هي ,حتى نت والله لا ركبتي
الشيفور ;والله لا ركبتو فيه بجوج (وكسيرا خلاهوم اكيشوفو مصدومين )
تلفتو في بعضياتهم بحقد;شفتي اش درتي ؟ها هو مشا دابا اش انديرو؟تفوو على نهار كيف داير
هي كتغوت ;راه نت لي جاي مزاحم معايا ,
وقف الطوبيس ;هانا خليتها ليك gاع ,ربح بهاد البلاصة (طلعات في الطوبيس يله كتقاد الوقفة وهي تلقاه مراها شاف فيها)راه غادي في طريقي,اصلا تعطلت دابا بسبابك ,
عبير;شوف الله يرحم ليك الواليدين بلا متدورها لي في الخوى,راه دغية كتدور لي النقشه وكنولي الللله يستر مع الله يحفظ
هو قرب ليها بشوية ;ويلا دورت ليك النقشة اش غديري
هي بثوثر;هيييه بسع مني شفتك لصقتي في ,حيد حيد لهيه (وكدفع فيه)
هو;هههه عمرني شفت شي حمقة فحالك (ناض)دوماج وصلت لبلاكة,متشرفين ا انسة حمقة ,فرصة سعيدة ,ههههه
عبير;يخ على بنادم كيف داير
هو;هههه الله يعمرها دار هههه (و نزل و كيضحك عليها و هي ربعات يديها و مغوبشة و كتسب )

وصلات سندس قصر ديال انيس دخلات ,تلاقات ليها الخدامة;مرحبا بلالة سندس
سندس;انا مالالت حد ,بلزز غا سندس ,انا قدي قدك و كتقولي لي لالة ,
الخدامة;هه واخا الالة
سندس;وانارري يلا مقديتيش قولي لي اختي سندس,ديك الالة كتعصبني
الخدامة;اوك ختي سندس هه
سندس;ممم فين هو انيس
الخدامة;سي انيس باقي في الغرفة ديالو ناعس
سندس;ممم اوك شكرا(طلعات لعندو الغرفة حلات لباب لقاتو باقي مشبح لابس غي شورت قصير كحل و ناعس على كرشو مغطي راسو بمخدة مشات في اتجاهه كتضحك بركات حداه و بدات كتلمس ليه في ظهرو بشوية و طالعة لعنقو يله اتحط يديها على عندو وهو يدور يشد ليها يديها ;كتقلبي على شي حاجة فهاد الصباح الحبيبة؟(كيدوي بصوت مزعزع بالنعاس و عينيه مغمضين و مجبدين)
قربات ليه;اه كنقلب (حتى قربات ليه باغا تبوسو و هو مغمض عينيه كتسناها و هي تبعد كتضحك)هههه كنقلب على تيليفوني مابانش ليك؟ههههه
حل عينيه بغضب;سندووووس مكنبغيش هاد اللعب لباسل يله بوسي ,
سندس;ههههه نت اكيد حماقتي
انيس;قلت ليك بوس (و غمض عينيه و كيشوف فيها بنص عين لا تصيدو تاني )
قربات ليه و كتضحك باستو في فمه بوسة خفيفة ;يله نوض باراكة عليك من النعاس
انيس;اه هي باغي النعس,ولكن النعاس لي على بالي و بالك (غمزها)
سندس;نوض نوض نت را وقيلة باقي شاد فين النعاس ههه
انيس;شفتك فايقة بكري ماموالفاش ليك ؟
سندس بدون شعور;كنت عند الطبيبة
انيس ناض بخوف ;كيفاش الطبيبة ,مالكي واش كضرك شي حاجة,واش الفتحة باقا كتضرك,قولي اش قالت ليك الطبيبة شني عندك
سندس ;كالما كالما ماكين والو من هادشي نوض غسل وجههك و نقول ليك
انيس;سندوووووس ماتختابريش صبري
سندس;قلت ليك نوض غسل و جي نقول ليك
ناض بالزعاف مشا دغية غسل و جههو ورجع ثاني ,بالزربة ;يله دوي
سندس حلات الساك و جبدات من كوليgرافي و حطاتو ليه في يديه هو كيشوف فيهوم بعدم فهم هز راسو شاف فيه;شنو كيعني هادشي
سندس;انا حاملة
انيس لاح دوك التصاور بالصدمة;شنوووووو ,كي
سندس;انا حاملة دابا انا داخلة فشهري الثاني
ناض كيمسح في شعرو;حاملة ,(كيشوف فيها )دابا نتي حاملة,كيفاش حملتي؟
سندس;وعلاه كيفاش كيحملو الناس
انيس كيحك في راسو ;اه عندك الحق دابا نتي حاملة وانا نولي اب ياك (برك على رجليه)انولي اب ياكي ههههه
سندس حركات راسها بايجاب ,شدها من خصرها و نوضها هزها بقا كيضور بيها و كيضحك;هههههههه واخيرا ههههه انولي اب (كغوت)انولي اب ,هههههههههه
سندس;انيس نزلني راه دوختيني
حطها في جنب النامسية و شد ليها في كرشها;سمحيلي سمحيلي ,غا الفرحة ,واش كتدرك شي حاجة ,باغا شي حاجة ,تشهيتي شي حاجة نتي غا امري وانا نفد ,دابا نتي حاملة (شدها من كتافها)تكاي خاصك الراحة ,ياك الطبيبة عطاتك الراحة ماخاصكش تحركي ,ش قالت ليك الطبيبة,(شدها من يديها)نوضي نمشيو عند شي طبيبة اخرى ,خاصنا نطمنو على صحتيك و صحة ولدي
سندس شدا في يديه كتحاول تنوض;انيس رولاكس,الطبيبة قالت لي كلشي مزيان و صحتي و صحة الجنين حتى هوما مزيانين و حتى الضربة برات مابقاتش كتشكل خطورة ,تهدن
هز تصاور كيشوف فيهوم كيلمس فيهوم و كيضحك عينيه غرغرو;هدا هو ياك؟
سندس حركات راسها باه
هو كيضحك;هههه صغيور (مسح دموعو وشد ليها في يديها)هدا اسعد نهار في حياتي ,عرفتي شحال وانا كنطلب االله يجي هاد النهار و تكوني فيه حاملة (حط يديه في كرشها)وتكوني هازة جزء منا هنا و يبدا يكبر كل نهار ونتي كتوحمي و كتفشي علي ,وتنوضيني مع نصاصات الليل تقولي لي تشهيت شي حاجة و نمشي نجيبها ليك طاير ,شحال وانا كنحلم بهاد اللحظة (عينيه دمعو)واخيرا الله استاجب دعواتي ,ومراتي حاملة حاملة,انا اسعد واحد في هاد الدنيا ,كنحس براسي طاير ,
شد ليها وجهها بجوج يديه و حط باسها في فمها ,من بعد عنقها و كيهضر;كنشكرك اسندس ,كنحمد الله حيت الله لقاني بيك,تطلبي اي حاجة نعطيها ليك عيني كلشي كنبغيك كنبغيك بزااااااااف
سندس;حتى انا
بعد عليها و حط يديه على كرشها;هههه دابا هو كاين هنا
سندس;اه
انيس;هه حبيب باباه ,تهلى في ماماك و ماتديرش ليها لبصالة ,لاتصدق كاعية لينا و اش جا مايبردها هههه (باس ليها كرشها )اححح هه باقي مامصدقش ,كنتسنى شحال عندك دابا ؟
سندس;دابا داخلة في شرين عندي سبعة الاسابيع
انيس;يعني من جينا من الجبل كنتي حاملة ياك؟كيفاش ماعرفتش هادشي ,حتى انا كامبو ,كان علي نلاحظ من وليتي تشربي الحليب و الgلاص و كتاكلي كينتاكي ,كنتي كتوحمي في ديك الساعة
دق دق
الخدامة ;سي انيس ,سي امير كاين لتحت كيتسناك
انيس;هههه واخا قولي ليه ها هو نازل
شد ليها في يديها;زيدي احبيبة نقولوها ليه اكيد ايفرح
سندس بلعات ريقها و حركات راسها بأه

نزلو لتحت كان امير بارك في الصالة كيتسنى مشا عندو عنقو ;هههه وفين اصاحبي ههه
امير;املك بنتي لي ناشط ليوم
انيس شد في يد سندس;هدا اسعد نهار في حياتي (حط يديه على كرشها)انولي اب هههه
امير شاف في سندس;اخيرا هداك الله و قلتيها ليه
انيس شاف فيه باستغراب;شنو كتقصد؟واش نت كنتي عارف؟(دار عند سندس)فهميني ,شنو قصد امير بكلامو ؟(طلق منها )شرحو ليا
سندس ;احم انيس ,هادي شهر باش عرفت راسي حاملة
انيس;كيفاااااااااش؟شههههههههر شههههههر اسندس شهههرو نتي مخابياها علي وانا ديما كنقول ليك بلي الحلم ديالي نولي اب هااااا؟شههههررررر ,كيفاش قديتي تكوني بهاد الانانية;؟(شدها من ضراعها كنخد فيها)دويييي ,كتشوفي في عيني و كتكدبي علي ,
امير ;شد فيه ;تهدن اصاحبي (شاف في سندس)ها علاش دوينا
انيس حيد امير ورجع شد فيها;من ديما وانا واقف معاك و صابر عليك,ومتحملك ,كتديري غا المصايب لي كتخليني نتشللل و كنسكت ,ولكن حتى لهنا وسطوب ,باش من حق تخبي علي ,دوييي شكون لي عطاك الحق هضري
سندس حيدات ليه يديه بالزعاف و بدات كتغوت ;لي عطاك الحق باش تزوج بي و تخبي هو لي عطاني الحق باش نخبي عليك حملي

انيس شد فراسو;ماتخالطيييييييييش الامور هداك شكل و دابا شكل,
سندس;علااااش منخلطش الامور ها ؟ولا نت دير لي بغيتي وانا لا؟بغيتي تعرف علااااااش مقلتش ليك ها؟سولتي راسك كيفاش عرفت راسي حاملة ,(شافت في امير)قوليه ,ولا بلاش انا نقوليه ,داك النهار اسيدي من غتاصبتي ديملي ,رجعت لدارنا و غيبت حتى لقيت راسي في السبيطار و حالين لي كري كيداويو فيه و يمسحو الدمايات لي خرج ,بسااااابك كان غايسرا لي الاجهاض,وجاي دابا تحاسبني علاش خبيت عليك؟نت اخخخخخر واحد خاصو يحاسبني (دارت عند امير)ونت لي جاي دابا كتقولي ها علاش دوينا,,,,(بالغوات)علااااااش دوينا علااااااش,؟ياك هو صاحبك و عزيز عليييييك علاش مقلتيهاش ليه نت بكرك ,(باستهازء)ههه ولكن لا ,حيت خاصني نكمل المهمة ,و نجيب ليك الوراق باش نت تطلع gراد على ظهري,ياااااك عارفني حاملة و هكاك مشيت نجيبهوم ليك واخا نت عارف بلي خطر علي و كدير فيها خايف ,هااا؟علاش مخليتيهش ديك الساعة يتبعني ,,,عرفتك نت لي حبسِتيه ,فين كنتي من كنت كناكل لعصى من عند الزامل و ساكتة ,فيييين كنتو من دفعني وكانت غتجي كرشي مع القنت ديال المكتب كون ماحفظ اللله ,دويييي فين كنتيييي
امير;شفتك كتغوتي علي ,راه واقيلة انا خوك
طوعات الطابلة دارت عندو وجهها حمر و عروقها خارجين;ماتققققووووووووولش خويا ,فهمتييييي ,الاخ ماكيستاغلش ختو على قبال مصلاحته واش كتصحابني انا يله حطني الكار من الكارة لابسة بوتيو عامر غايس,كتصحابني تيقت بلي باغي تعاوني باش ندخل الاكاديمي ,,,نت من الللول مدخلني غي على قبال جاااااك ,كون بغيتي تعاوني علاش مدرتيهاش شحال هادي ,ولكن لااااا ,,حتى مالقيتو تا شي قحبة لي تدير هاد المهمة قلتي اللهم ختي نديرها كبش الفداء و هاكاك وحدرت الراس و سكت ,كتقوووول خويا ,فييييييين كان خويا شحال هادي ,من كنت كنقرا في الابتدائي و يبداو يضربو في ويعايروني حيت معنديش ماما ,فييين كان من كيكون شي اجتماع ولا مناسبة في المدرسة و خاصني ندي ماما ,كنسد علي في البيت وكنبدا نبكي حيت يلا مشيت ايضحكو علي,فيييين كان من طلعت الاعدادي و بداو الزوامل كيبغيو يتبسلو علي ,فين كان من كنت كناكل قتلة ديال العصى باش هدا يقصاح (كتضرب في صدرها)فيييييين كنتي من كان كيضرب البرق و كنخاف نعس بوحدي و كنتكمد في المانطة و نغطي راسي كنبقى نبكي ,فييييييييييييين ,دابا سكتي يله دويييي ,(دارت عند انيس)ونت اراجلي العزيز الظهر الحامي لي كيف قلتي,نت اوووووول واحد اداني و جرحني اوووول واحد عدبني ,مننننن كنت كنطلب فيك في لوطو و كنزاوك فييييين كان دماغك ديك الساعة ,فين كانت رجولتك ,ولا لا؟ديك الساعة مكنتيش مسالي ,فين كنتي من فرعتي لي كري وغيبت كون ما كانت كوثر كون دابا معرت اش سرا ,؟كلكم باغين امصلاحتك ,واش عممممر شي حد فيكوم سولني واش خاصاني شي حاجة ولا لا؟نت (على انيس)لي جاي كتقول لي ديري هادي ماديريش هادي ,الززززززززب واش عمرني قلت ليك تغير ولا تبدل ,عمرنيييي بززت عليك شي حاجة ,دوييييييي ,عمرني قلت ليك علاش درتي هادي ولا لا ؟علااااش جاي كتحاصبني,ديك النهار لي بارك كتشكي الامير سندس كدير سندس كتخرج بلا خباري

علاش مشات حدا البحر و تلقاو ليها الشفارة ,,كتصحبني ماسمعت والوووو ,علاش ماجيتيش تسولني انا؟ها ؟علاش مسوليتينيش شنو كنت كندير تم؟وعلاش مشيت فداك الليل وقفت حدا البحر وباش كنت كنحس ها؟عمرررررك جيتي عندي و سولتيني حتى واش كيديرا ؟نلقاك عيد ميلادي ماعرفو,,,كتجي عندي غي لا كنتي باغي حاجتك ,لغد ليه بسلامة بحال المصاحبين ,مابقييييتش قادة حتى نشوف فعينين بابا وليت كنحشم منه ,مابقيتش قادة نبرك في الدار ,,,النهار لي تزوجتي بي خديتي رأيي تشاورتي معايا؟ياك درتي شرع يديك حتى قليت راسي مزوجة بلا احم بلا دستور
انيس شاد فراسو;سندس انا درت هكاك غي باش نحميك
بالغوات,مناااااااش اتحميني ,مناااااااش ,؟شكيييييييت عليييييك,طلللبت منكككك شي حاجة,انا قادة على كري ,وقادة نحمي كري بكري ,مامحتاجة لحماية من حتى زامل ولا قواد,حميوني غا منكم نتوما و صافي ,ماشي لاخر انا قادة بيه ,راه واحد عشرين عام هادي كنتي كتحميني فيها ,
امير;سندس تهدني راك حاملة و العصاب مامزيانش ليك
عبير دخلات
سندس;ماشي نت لي غتوريني اش ندير ولا لا؟ماغتكووووونش عارف مصلاحة ديال ولدي كثر منيييي,(انيس بغا يقرب منها)حبببببببس حدك تم ماتقربش لي ,كتجيو تقولي لي علاش كتخبي و كتفرgعي السيكان ,اللهم نبرد فيهوم وهوما ولا نصدق قاتلة شي حد ,ديما انا لي خاصني نضحي ,انا لي خاصني نسمع ,انا لي خاصني نتنازل ,بزااااف واه عيقتو بقا لي انحيد سروالي وجيو توزوني حسن,كل واحد فيكوم كينهش مني ,دايرني فحال شي كرة وسطكم كتجونgليو بيها شويا و تباسيوها لواحد اخر,وانا ,لاهلا يقلب بالزامل بويا ,(كتغوت)من اليووووووووم تاحددد فيكوم مايبقا يدخل في ,لي قالها لي كري انديرها ,و اي حاجة بغيتها انديييرها ,يجي شي زاااامل يقول لي شي قلوة ايشوف لي عمرو شافو (مدات يديها)ارا لي زبلي (على تيلي)خليني نمشي نتقود
انيس كيقرب;سندس
قاطعاتو;قلت ليك ارا ليك القلاوي خلاص
عبير;سن
دارت ليها بيديها سطوب دارت عندو ;طلقني خلاص
جبد تيلي من جيبو ومدو ليها تمات غادة لقات انيس وراها ;تاااا زامل فيكوم مايتبعني فهموتو (وزاد)
عبير كتصفق;زعما والله حتى برافو عليكوم كنحييكوم بززااااااف (تمات تابعاها كتجري )
سندس ركبات في لوطو يله اتكسيري وهي تحل عبير لباب وركبات حداها ;عبييييير نزلييييييييييي
عبير;شوفي غوتي ضربي ديري ليبغيتي انا والله ماغنزل ,يله ديماري خلينا نحيدو من هنا
سندس ديماتا لوطو حتى الرويد تحكو مع الارض و زادت

الخدامات مجموعين في الكزينة
الخدامة ١;مسكيييييينة بقااات في ,
الخدامة٢;واناري اختي شفتيها كيفاش تسيفات ؟واسي انيس لي موالف كيخلع ,ماقدش يدوي معاها ,ما من طوعات ديك الطبلة حسيت بقلبي تهز بالخلعة
الخدامة١;شفتها,,,كتبان عليها غا ظريفة و كتضحك ,من بدات كتعير ماكين غير من السروال لتحت
الخدامة٣;واش سمعتوها حتى هي خدامة معاهم فداكشي ديال لبوليس و داك تخربيق ,,,
الخدامة١;ديك النهار من سولاتني على لاصال ,بقيت كنطل عليها من الزاج ,واصحيييحه و مطرينيا ,
الخدامة٣;زيدو زيدو كملو شغالكم ,حنا مالنا داكشي سووهوم
الخدامة١;واهانتي ,,يله كانت حتى هي مجمعة دغيا قلبات لفيستة
*****
امير بارك في الفوطوي بصدمة شاد راسو بين يديه و كيفكر و انيس كيحك لحيتو و كيخمم في الهضرة لي قالت ليه سندس ,بصح هو لحد الان باقي ماكيعرفش بزااف ديال الحوايج في سندس ,حيت هي شخصيتها غامضة ,مكتعرفهاش فاش كتفكر و لا اش كيدور في بالها ,عندها ردود افعال كيخليوك تصدم ,عمرها فتحات قلبها ولا شكات همهما ديما كتبان قاصحة و هاد الفكرة لي كان واخد ,ماكانش عارف بلي في الداخل كتعدب و ماكتبينش ,لام راسو ,كيفاش هو راجلها و عمرو عرف هدشي ,بصح عندها الحق من قالت علاقتهوم مبنية غي على النعاس و في الصباح كل واحد كيمشي فحالو,علاش مفكرش فيها ,بصح صدق اناني من تزوجها بلا خبارها ,و خباو زواجهوم ,ودابا هاهي حاملة ,(شد راسو كيحس بيه غينفاجر)
خرجات و خلاتهوم كيراجعو حساباتهم مع نفسهم و بالخصوص امير,هدا خلاص ,حيت هضرتها كلها بصح عمرو وقف معاها ولا ساندها ,من صغرها وهي موالفة تواجه مشاكيلها بوحدها ,وحتى من المهمة عندها الصح هو ماقال والو لانيس حيت عارفو ايحبسها ,وكان عارفها مغتراجعش ,و ن اللول دخلها الاكاديمي غي على قبل جاك كن ماهو قاعما يدخلها ,عرف راسو بلي هو اناني و استغلالي ,ضحا بخته على قبال خدمته ,كيتفكر لحظات من كانت كتجي الدار عامرة دمايات و مكتدوي مع حد كتسد عليها في بيتها ,ومن كيسولها علاش ممشاتش المدرسة كتقوليه دايرين حفلة مملة مابغيتش نمشي ليها ,دموعو نزلو بلا هواه و هو كيتفكر بلي خته من صغرها وهي كتعدب عمره ماقد يفهمها ولا يحس بيها ,كيعرفها غي في الوقت لي كيبغيها فيه,كيبكي و كيلوم راسو ,علاش مفكرش فيها,؟كيفاش عطاتو نفسو إضحي بيها ,هو عارفها لاقالت لحاجة كديرها ,علاش كيحردها و كيخليها تشبت فديك الحاجة ؟كيفاش عطاتي نفسو يلوح خته فهاد العافية ,ماحيلتها لاش ,دابا عاد عرف علاش مكتبغيش تدوي ولا تعاود ,حيت كانت في اي لحظة قابلة للاشتعال شعل لوقيدة تنفاجر,وهاهي نفاجرات ولاحت ليهوم حقائقهوم في وجههوم ,خلاتهوم مسمرين ماعرفين مايديرو ,كل واحد شاد قنت وكيلوم في راسو و كيتدكر ,مابقاو عارفين واش يلوموها حيت ماكتعاودش و كتخزن في قلبها ولا يلومو نفسهوم حيت ماقدروش يعرفوها,خصوصا انيس ,ماعرف باش يتبلى جا ينفاجر حيت خبات عليه الحمل,صدقات هي لي نفاجرات عليه ,مابقا عارف شكون الغالط فيهوم واش هو حيت تزوج بيها بلا ماتعرف و غتاصبها في لحظة غضب ولا يتعصب عليها,حيت خبات عليه حملهاولا حيت عمرها صارحاته بمشاعيرها ,لي عارف بلي الغلط منهوم بزوج ,ماعرفوش يزيدو بهاد العلاقة القدام كل واحد اش كيدير ,شي كيغرق و شي كيشرق ,غمض عينيه و كيحاول يستوعب و كيراجع هضرتها و يحلل فيها و يناقش و يصنف كل حاجة بوحدها و الاولويات والثانويات بوحدهوم ,باش يعرف كيفاش يتصرف و شنو يدير واخا فينما يشد حاجة كتلف ليه حاجة ,تخربق في مخه كلشي ترون في ساعة وحدة جا اعصار قلب ليهوم قاع الموازين و سندس هي ديك الاعصار

اما سندس فابقات سايقة بجهد و عبير شادة في لكرسي بالخلعة;سندس نقصي شويه راك غتقلبينا
سندس;(لارد و كتسوق بجهد)
عبير تلفتات عندها ;سندووووس راك واقيلة حاملة نقصيييي
سندس سمعاتها ضربات فران سيك حتى كانت اتدخل في واحد لوطو قدامها ضارت عندها;من ماباgاهش تسكتي لاش جاية معاية ,من الصباح و نتي لك لك لك ل;ك ماعيتيش فرعتي لي كري اووووو (حلات لوطو و نزلات كانو حدا البحر وقفات حدا لاكوط و غمضات عينيها خلات لبرد يضربها ,نيفها و جبهتها و عنقها كانو حمرين بالغضب تبعاتها عبير بقات واقفة شحال و هي مغمضة عينيها كتحاول ترتب افكارها و امورها ,حلات عينيها كيلمعو بسباب الشمس كتشوف في البحر والمواج كتضرب تنهدات;حياتي متقلبة فحال مواج هاد البحر مرة هادية و مرة هايجة
عبير حتى كتشوف في البحر و كتغمضهم بسباب الشمس;متنسايش بلي هاد البحر عايشين فيه المالايير ديال الكائنات و بهم عايشين بزاف ديال الناس (تلفتات فيها)تبغي تعومي ؟
سندس دارت عندها;من نيتك؟ماياجيباش باش؟
بتاسمات;ماشي المهم الحوايج المهم هو الراحة يله
نزلو في الرملة سندس حيدات سبرديلتها وهزاتها و عبير حيدات حتى هي حيداتها و عقدات السيورة دارتهو في عنقها
عبير;يله حطي السبرديلات هنايا يله ندخلو
سندس حطات السبريلات و حيدات السروال ديال سورفيط بقا غا بكيلوط و بيل اكس مع فورمتها جات سو سيكسي عبير حتى هي حيدات شورت و حطو السبيرديلات و تمو غادين جيهة الماء غطسات في الماء وبدات كتسبح ببراعة و كتدرع للداخل وكتدور وججها ليمن و ليسر بحركة سلسة و رجليها كيلعبو ببراعة عبير ماقداتش تثمهي معاها في الخط كانت اسرع منها فكتافات تراقبها وهي غادا كتبعد حتى ولات كتبان ليها فحال شي نقطة من محيط ,سندس ترخات للداخل مخلية لماء هزاها مغمضة عينيها و مستسلمة لمواج الصغيرة تديها و تجيبها ,وهي كتفكر فقاع الاحدات لي سراو ليها من يله عقلات على راسها حتى لدابا حلات عينيها و غطسات لتحت كتسبح بحال شي حوتة طلعات ثاني تنفسات شوية و عاود غطسات لباندة لي كانت جامعة ليها شعرها تحيدات بسباب الماء عاودات طلعات رجعات شعرها اللور حيت كان حاجب عليها الرؤية و رجعات كتدرع نحو الشاطئ ثاني,مالقاتش عبير في البحر خرجات من الماء كتقلب عليها ,بانت ليها باركة في بلاصة فين حطو الحوايج عسرات شعرها و تمات غادة في اتجاهها
عبير;املك اختي ,كنصحابك اغرقتي ,
براكت حداها;ماكنحملش نعوم برا ,العومة ديال بصح هي لداخل ,ماكيبقا يبان ليك والو ,منين ما دورتي وجهك يبان ليك غي البحر ههه و بناد قد النمل
عبير;مالي اختي ساخط علي الله,نعوم غي علا قدي ,قاليك البحر كيدي غي العوامة ,كيقول ليهوم بلي العوامة في كرشي هو باغي غي هادوك لي على برا
سندس;ههههه ايوا شفتي هو باغيك نتي ماعندو مايدير بي انا
عبير;ياك دابا كتطنزي علي؟
سندس;لا غي عندك افكار يا لطيف (تلفتات لبحر)نغني ليك؟
عبير كتعرفي تغني؟
سندس بابتسامة;اش بغيتي تسمعي ولا نقول ليك ,انا لي نختار
عبير;الي بغيتي لمهم طلقينا لفرجاة خلاص

(غندير الترجمة ديالي ,)
did i disppointed u ,or let u down?(واش خيبت ظنك او خدلتك؟)
should i be feeling guilty or let the judges frown؟(واش خاصني نحس بالدنب ولا نخلي الحكام يتقلقو؟)
cause i saw the end before we'd begun(حيتاش شفت النهاية قبل ما نبداو)
yes i saw u were blinded ,and i knew i had won)
(اه,شفتك كنتي معمي,وعرفت بلي ربحت)
so i took what"s mine ,by eternal right(هادشي علاش خديت كل ما هو لي بأي طريقة)
took ur sool out into the night(خرجت منك روحك حتى الليل)
it maybee over ,but it won't stop there(يمكن كلشي سالا,ولكن ماغيتوقفش الامر تم)
i am here for u ,if u only care(انا هنا على قبلك,الا كنت تهتم)
u toched mu heart ,touched my soul(لمستي قلبي,لمستي روحي)
u changed my life,and all my goels(غيرتي حياتي,وكل اهدافي
and love is blind ,and that i knew when my heart was blinded by u(الحب اعمى,هادشي لي عرفت من كان قلبي معمي بك)
i've kissed ur lips,and held ur hand(قبلت شفافيك وشديت ليك يدك)
shared ur dreams ,and shared ur bed(شاركتك احلامك شاركتك سريرك)
i know u well ,i know ur smell(كنعرفك مزيان,كنعرف ريحتك)
i've been addicted to u(كنت مدمنة بك)
goodbye my lover(بسلامة حبيبي)
goodbye my friend(بسلاما صاحبي)
u have been the one(كنت الوحيد الانسب)
u have been the for me (كنت الوحيد الانسب لي) كتغني و سارحة في البحر يديها على ركابيها جامعاهوم و شعرها كيرجع اللور بالبرد ديال البحر مغمضة عينيها وسارحة بأحاسيسها ومشاعيرها ,حتى سالات حلات عينيها وهي تلقا عبير حالة فمها ,وشي ناس غور مجموعين عليها ,بداو كيصفقو عليها هي مافهمات والو تصدمات بقات اكتدور عينيها و كتشوف
عبير;واااو وااااو تي اش هدشي كنسمع نارييييي وابزااف
واحد البنت غاروية كتمسح في دموعها;صوتك أتر في لدرجة خلاني نبكي هههه
عنقها صاحبها و كيمسح ليها دموعها;ماتبكيش دموعك غالين
سندس بتاسمات من شافتهوم ;شكرا
البنت;كنا غادين و من سمعناك كتغني وقفنا ,ههه ,صوتك جميل بزاااف و هادي واش نتي مغنية؟
سندس;لا
البنت ;خصارا بفف
الولد;حبيبة خاصنا نمشيو
البنت ;اووك بب (شافت في سندس)بسلامة
سندس; و عبير ;بسلامة
عبير;صوتك خطير ماكنتش عارفة بلي كتعرفي تغني
سندس;ههه وهانتي عرفتي ,و كنعرف نضرب حتى لكيتار
عبير;بففففف كون غي جبناه ههه
سندس;نوضي نوضي نتي ضرباتك الشمس ,يله نتحركو راه كرمت
عبير ;اووك ماجاكش الجوع
سندس;اه ولكن ماعرفت ماناكل
عبير;انضي ختي عند واحد كيشوي لحوت ,مواااح عليه (باست يديها )تاكلي صباعك موراه
سندس كتلبس;اووك الالة ليوم انديرو اليك ,انشوفو هاد النهار اش غايخرج فيه
عبير كتسد السيور;ههههه اتبعيني والا عليك ,ايكون نهار متورخ
سندس;واخا الالة زيدي نشوفو

****في القصر
انيس تلفت عند امير;الخمسة ديال العشية هادي من العشرة وهي خارجة فين اتكون مشات؟حتى من تيلي ماكتجاوبش فيه
امير شاد فراسو ;ماعرفتش ,
انيس;عنداك تكون دارت شي حاجة ثاني فراسها ؟وهي حاملة دابا اوووف
امير تنهد;كون كانت شي حاجة كون تاصلات عبير قالتها,
انيس جبدت تيلي;انا انعيط لعبير نسول عليها
****
سندس كتاكل الحوت;ممم هادشي بنين عندو
عبير;شفتي با مبارك هو احسن شواي ديال الحوت كيصرعو ,واخا تشوفي المحال مهشكر ولكن نقي والله
ترن ترن
جبدات تيلي شافت في النمرة و عاود شافت في سندس لقاتها ملهية كتنقي في الحوت ناضت من حداها و بعدات شوية
عبير;الو
انيس;الو عبير فينكوم ,واش سندس سرات ليها شي حاجة ؟شنو كديرو ,علاش ماكانتش كتجاوب في تيلي ,؟
عبير كتشوف في سندس بنص عين;كالما كالما ,راه كتضرب لحوت مع راسها ,متخافش مخليتها دير تا شي حاجة
انيس تنهد;اوووف الحمد الله ,اش كنتو كديرو من العشرة ديال الصباح حتى لدابا؟
عبير;مشينا لبحر ,بركنا فيه شوية و عمنا و دابا كناكلو الشواية ديال الحوت
انيس;شنوووو واش عامت في البحر
عبيير;وكيفاش بغيتيها تبرد ,بغيتي نخليها تجندخ شي حد تاني ولا تضرب راسها اللهم تعوم ,
انيس;اووك اووك ,المهم بقاي معاها ماتفارقيهاش ,واي حاجة سرات عيطي لي ,وانا كل شوية نتاصل بيك
عبير;بلا متحتاج توصيني
انيس;احم شكرا
عبير;العفو(جات تقطع )
انيس;كيف بقات ,واش مقلقة مني ,ماقالت ليك والو؟
عبير;لا ,ولكن غنات عليك,بالمناسبة صوتها زوين
انيس;ياااك,ودابا باقا مقلقة
عبير;ماعرفتش ,ماكتعرف شنو يدور ليها في دماغها,ولكن دابا كتبان مهدنة ماشي فحال قبيلة
انيس;اووك عافاك ردي ليها لبال ,متخليهاش تهور;متقوليش ليها بلي تاصلت بيك
عبير;ماتخافش انا معاها
انيس;اووك باي (وقطع )
قطعات ورجعات بركات حدا سندس ;معامن كنتي كتهضري
عبير;غا شي واحد العشير عيط لي سول في
سندس;ممم اووك ,وااا شبعت ,ضربت جوج شوايات ههه كنحس براسي غنفاجر
عبير;بصحتك ,نوضي غسلي يديك تم (نعتات ليها)ويله نتحركو
سندس ;فين ؟
عبير;للسينما نتفرجو فشي فيلم اش بان ليك ,
سندس;ههههه اووك ,واخا شحال هادي بيني و بين الافلام و تلفزة
عبير;ايوا غسلي يديك و يله نحييو معاها صلة ديال الرحم
سندس;انمشيو هكا بملحتنا و حويجنا فازكين
عبير;ومالها لي كيعرف بانا يمشي يد"عيه ,ولي مشعل لينا لبوطا يدخل يطفيها
سندس;ههههه ناري اختي منين كتجيبي هاد الافكار ,هههه علام
مشات غسلات يديها و خلصات ركبات في لوطو مشاو سطاسيون عمرو ليسانس و شدو الطريق ثاني في اتجاه السينما ,لقاو يله ايبدا الفيلم ,دخلو شدو بلاصتهم وبركو كيتفرجو ,كان الفيلم ديال فاست اند دو فيوريوس الثامن ,بقاو كيتفرجو سندس و عبير عايشين اللحظة و خصوصا سندس كتموت على افلام الحركة و السرعة و لقتال عجبها مع كان تروا دي ,كتحس براسك فحال يلا نت معاهوم ,سالا الفيلم وخرجو
عبير كتسكل;وااااااا
سندس;ههه زوين ,
عبير;انا ضحكني ا جايسن ستادام هو لبيبي في الطيارة سطاني بالضحك
سندس;هههه وييي حتى انا سالا معايا
عبير;يوا وا اوووووووه وي يا (كتدير حركات ديال بريسلي زعما)
سندس;ههههههههه واناري زيدي شوهتينا ,زيدي
عبير;اووووووه ياه
سندس جراتها من بيل ديالها و غادا بيها لوطو ركبو;دابا فين انمشيو تاني
عبير;ممم (كتحك راسها)ماعرفثته
سدس;يله نرجعو لبحر ناخدو شي gلاص و نبركو نتفرجو في الغروب اش بان ليك
عبير ;اووك مشات

رجعو ثاني البحر بلاصاو لوطو ,وخرجو بقاو واقفين عليها و كيتسناو الغروب
ترن ترن
عبير شافت نيم;هانا راجعة
مشات عبير تهضر في تيلي و خلات سندس كتفرج في البحر و كتشوف في المواج كيضربو الصخر و كيترش في لاكوط شيوية حيت البحر هايج دابا ,رجعات عبير تلفتات عندها ;شفت هاد تيليفون عندك ليوم ماسكتش
عبير;واش ندير راه توحشوني ,عندي لي فان ,لاغبرت عليهوم كيتخلعو علي
سندس;ههه سيلينا غوميز نتي
عبير ;واتي راه ختك قرطاسة عليها;خاصني اشوية ديال الشعر,وشوية ديال الصدر و الترمة ,نزيد في الشفران شوية وهانا نايضة
سندس;هههه قولي خاصك كلك و صافي ,مالكي كتديري لي ديطاي هههههه
عبير;هههه (كتحك في راسها)بحال هكاك
سندس;خليك اهكا حسن,زوينة ماخصك والو,و زيدون لي يبغيك ,غايبغيك كيف مانتي ,بلا ماتنفخي لاصدر لا ترمة تولي دايرة فحال نيكي ميناج
عبير;وا مؤخيييييييرا عندها ههه
سندس;هههه شفتيهاااااا هههههه
بقاو مجمعين كيضحكو و شادين النميمة حتى لواحد شوية عبير تلفتات ورا سندس و عاود شافت فيها ;هانا انمشي نجيب ليك gلاص واخا
سندس معنقة راسها ;مم واخا جيبيه بالبيسطاج اووك
عبير;اوووك
مشات عبير و بقات سندس ساهية في البحر و مكمدة راسها حيت بدا كيتحرك البرد حتى لواحد شوية و هي تحس بشي حاجة تحطات فوق كتافها هزات راسها لقاتو انيس لي غطاها بكويرة ديالو هزات راسها فيه و عاود دوراتو جهة ديال لبحر;شنو كدير هنا

قاد ليها تجاكيطة في كتافها و قف حداها تكا على لوطو و ربع يديه;تغطاي راه غايضربك لبرد
سندس;ماجوبتينيش على سؤالي اش جابك لهنا؟
تنهد و هو يدور عندها;علاش خبيتي علي هادشي كامل؟
تلفتات جهة البحر مادواتش
انيس;واش مافرحاناش معايا؟
تلفتات عنده بصدمة
تلفت جهة ديال لبحر;كنبان ليك اناني حيت تزوجت بيك بلا خبارك وخبيت عليك (تلفت عندها)ياك؟
حنات راسها الاآض و عاود هزاتو شافت في الشمس;ماعرفتش,
انيس;هه في نظرك انا اناني ياك؟انا اناني حيت فكرت فيك كثر ماكنفكر في راسي؟انا اناني حيت كنت بغيت نتحماق من كنتي مغيبة؟انا اناني حيت مبغيتش نتخلى عليك وبغيت نقابلك و في نفس الوقت فكرت للسمعة ديالك و خوك لي مغيتقبلش فكرة نبقاو انا وياك في دار وحدة وفكرت نتزوج بيك ؟(سندس تلفتات عندو)اه هدا هو السبب باش تزوجت بيك هكاك ,الطبيب عطاك الادن باش تخرجي ولكن خاصك شهر متحركيش من بلاصتك ولا يتفتح ليك لاجرح,كان امير هو ليغايديك معاه لدارو ,وانا رفضت بغيتك تبقاي قدام عيني ,ولكن مكانش عندي لحق هي فاش فكرت نتزوج بيك بديك الطريقة,واظطريت نخبي عليك حتى نقولها ليك في الوقت لمناسب ,ولكن من (حدر راسو)من دخلت بيك ,عرفتك تقلقتي و كنتي كتمناي كون درنا داكشي في الحلال هي فاش خبرتك الحقيقة(دار عندها)باقي كنبان ليك اناني؟(هي حدارت راسها)قلتي لي بلي زواجنا مبني غي على النعاس و صافي وفي الصباح كنتفرقو فحال المصاحبين,,,في نظرك واحد مصاحب ايدير هادشي لي درت,؟ايبقى تابعك و كيجري وراك فحالي؟غيتزوج بيك؟كون بغيت منك غي داكشي حسبي غي شحال من مرة استسلمتي لي قبل منتزوجو,كون راه قديت معاك لغرض ومن بعد نصوصك,ماشي نوصل حتى الصحيح و نفيق ,شحااال تبعتك ودرت بزااف ديال الحوايج باش نتي تكوني فرحانة ,حتى من تحنيت ليك على ركابية و طلبت منك الزواج ,ومدازاتش حتى سيمانة حطيتي لخاتم في يدي و زدتي حيت شفتيني مع ديك القحبة ديال اسماء و تيقتي عينيك وانا لا (تنهد)ووخا هكاك بقيت تابعك,كون بغيت من داكشي قاعما نبرك معاك في دار وحدة بلا منقيسك ,انا بغيتك نتي كروح ماشي كجسد,كون كنت باغي منك غي داكشي كون خديتو شحال هادي قاعمة تلقايني دابا واقف كنشرح ليك,و زيدون عطى الله معامن موجودات غا هما بأشارة مني يجيو كيجروي ,ولكن انا لا ختارتك نتي من غير كلشي ,و فضلتك على كلشي و حتى على نفسي ,درت في المقام الاول ,من نهار شفتك في المقهى خديتي قلبي (تلفتات عندو )اه اول لقاء لينا ماشي في الاكاديمي ,اول نهار باش شفتك كنتي في القهوى باركة نتي و وهيبة و بالامارة جا تباسل عليك واحد و ضربتيه,كنت الوقت كامل وانا مراقبك فيه ,من يله دخلتي ,حتى لوقت لي مشيتي ,ديتي معاك تفكيري و كلشي وليت فينما مشيت نتخايلك بحال لحمق ,حتى بديت كنتنسى ومن بعد شفتك في الاكاديمي عاوتاني حييا في داك الاحساس لي كنت دافنو في الاول مابغيتش نستسلم ليه هادشي لاش كنت كنعاملك بقسوة في الاول و كنبغي نعدبك ساعة كنلقى راسي انا لي كنتعدب ماشي نتي حيت قلبك كان قاصح ,وواعدت نفسي باش نخليك تبغيني ,,,هادشي كامل و باقي اناني في نظرك ؟

انيس;عارف راسي غلطت من تعاملت معاك ديك النهار هكاك و بززت ع(كرز على يديه ) ندمت ,وباقي لحد الان كنحس بالندم,انا فقدت السيطرة على نفسي ديك الساعة ,كلشي تخلط علي ,الغضب و الشهوة,و الحيرة و الخوف ,كلشي تخلط علي ديك الساعة ,ترجمت داكشي كامل بديك الطريقة ,انا عارف ماكنش علي ندير هكاك ,ولكن ,,,انا راه بشر ماشي ملاك و لا رسول كامل مكمول,حتى انا كنغلط وكنخطاء ,,,طلبت منك السماحة و شحال من مرة وباقي لحد الان غنقول ليك سمحي لي واخا داكشي كان من حقي حيت انا راجلك ,ولكن ماكانش علي نتصرف معاك هكاك,,كنعتادر ,,,ولكن لاجينا نشوفو اغلاطك مع اخطائي فين يبانو دياولي ,,شحال من مرة كتخبي علي ,في الاول معرت شكون في الاكاديمي لي بغات تأديك و تافقتي نتي و عمران باش تطيحوها ,من سولتك قلتي ماكين والو واخا هكاك سكت قلت هي كتعرف حسن مني,مشيتي الاسبانيا بلا خباري جاياني هكاك شوية و نموت فيها ,بلا منحسبو هضرتي لي مكتسمعيهاش و خروجك في الليل و القربالة لي نوضتي في المركز و ضريب يديك ,,,(تنهد و شاف في البحر)عاد شهر و نتي مخبية حملك
سندس بصوت خافت;انا ق
قاطعها;واخا يكون لي كان اسندس ماكانش عليك تخبي علي بحال هاد الموضوع ,حتى انا من حقي نعرف ,واخا نكون قتلتك قاع ,انا اصلا مكنت عارف بلي سرا ليك نزيف وداكشي حيت تاحد ماقالها لي,لحد الان قلبي كيضرني من داكشي و الصباح من عرفت بلي كان ايسرا ليك اجهاض كنحس بروحي غتمشي ,ولكن كان عليك تقوليها لي متخبيش ,واش كنتي بغيتي تعاقبيني بديك الطريقة نحب نقول ليك بلي ختاريتي انسب طريقة حيت ماكين حتى شي أب غيتحمل هادشي لي درتي
سندس دارت عندو و الدموع في عينيها;انا كنت مجروحه منك ا انيس ,مكنتش عارفة اش كندير ديك الساعة ,اهئ مكنتش بغيت نشوفك مزال حيت وقتما شفت فيك كنت كنتفكر من كنتي شادني بزز و ووو(حدرات راسها)حتى انا ماشي من الساهل علي باش نخبي عليك ,كلشي تجمع علي ,,,من جهة قلبي و من جهة المهمة ,واخا تصالحنا ولكن كنت عارفة بلي يلا قلتها ليك مغتخلينيش نكمل المهمة ,بغيت حتى نشدو جاك عاد نقولها ليك ,انا عارفة راسي غلطت باش خبيت عليك الامر ولكن حتى نت حس بي ,ماعرفت مندير (كتمسح دموعها)كنحس براسي كنغرق وسط البحر ,احاسيسي من جهة و عقلي من جهة اخرى,عرفت بلي تصرفت بطيش هكا ولكن ,,,
انيس مسح على شعرو و عاود حط يديه على الكابو;دابا لي عطى الله عطاه ,

انيس مسح على شعرو و عاود حط يديه على الكابو;دابا لي عطى الله عطاه ,,,,الزواج اسندس ماشي لعبة ,الزواج شي حاجة مقدسة كتجمع بين جوج كيبغيو بعضياتهم ,الزواج تفاهم ,مودة ,اهتمام ,صبر ,و تضحية ,,,زواج ثقة,وكنحس بيك نتي مكتيقيش في
سندس شدات ليه في يديه;علاش كتقول هكا؟
شاف لي في عينيها;كون كنتي كتيقي في ,كون غتعاودي لي قاع داكشي لي كيضرك و قاع اسرارك ,غنكون انا هو كتابك كتحكي فيه كلشي و مخبأ اسرارك ,كون كنتي كتيقي في مغتجريش عند عمران و كان بامكانك تجي عندي انا ونساعدك فهاد خيتي ,كون كنتي كتيقي في قاعمة غيسراو بزااف ديال الحوايج لي غيخليونا ليوم هكا ,,,في هاد الوضع,,,بعد المرات كنحس بلي غي انا لي باغي نزيد بهاد العلاقة القدام ,,سندس يلا مكنتيش سعيدة بهاد الزواج قوليها ,,,كنحلف ليك بلي غنسالي هادشي كامل ,,,حيت انا مغنبغيش نبزز راسي على وحدة مهامانيش واخا نكون كنموت عليها ولكن كرامتي هي اللولة واخا تنازلت عليها شحال من مرة على قبالك,,
سندس سمعات هضرتو تشوكات هزات فيه راسها بصدمة;كي كي فاااش اش كتقول ,,شنو مافهممتش
انيس;انا كنبغيك ولكن في نفس الوقت ,مابغيتش نبزز عليك شي حاجة ,,يلا كنتي حاسة براسك مابغاش هاد الزواج و مافرحاناش بيه ,,انخليك على خاطرك ,,راحتك هي اللولة
سندس بالغوات و الدموع في عينيها;كيفاااااش ؟كيفاااش راحتي هي اللولة ؟واش عارف راسك اش كتقول؟كيفاش عطاتيك نفسك تقول هاد الهضرة ؟نت عارف شحال كنبغيك ولا لا؟غرفت راسي بلي غلطت في حقك و بزااف ولكن (حنات راسها و عاود شافت فيه)مانقدش نعيش بلا بيك ,,,نت هو الهوى لي كنتنفس بيه,يلا مشيتي نمووت ,كنبغيك كثر لن راسي لدرجة نعطيك روحي لا بغيتيها ,انا عارفة بلي عمرني قديت نقول ليك هاد الهضرة و عمرني صارحتك بمشاعيري (سكتات و عاود هضرات)ولكن انا هكا ,ديما عنيفة و ردة فعلي قاصحة ماكنعرفش نعبر ولا نعاود ,من صغري تعلمت نكتم احاسيسي لداخل ديالي ,مكنقدش نخرج داكشي لي كنحس بيه ,كنترجمو اما بالغوات ولا بالضرب ,(كتمسح في دموعها)من اول نهار شفتك فيه في الاكاديمي قلبي دق الاول مرة ,كنحس بواحد الشعور عمرني عرفتو ,لاول مرة حسيت بلي انا حية ,لاول مرة حسيت بلي حياتي ولا عندها طعم ولون من بعد ماكانت كلها كحلة ,,وليت كنحس بلي حتى انا بشر و عندي قلب ماشي حجرة كيف كيقولو ,,,في الاول بغيت نكرهك باش نحيدك من بالي ولكن عاد مزدت غرقت فيك و صورتك ماكتحيدش من عقلي كنبقى نفكر فيك غي نت ,عرفتي من تصبت شنو تمنيت؟تمنيت نشوفك ولو لي اخر مرة ,هادشي علاش غا من فقت نوضت ليهوم قربالة باش نجي واخا كنت عارفة بلي خطر على حياتي و داكشي ولكن يلا كنت انشوفك و نلمسك و نشم ريحتك فانا نخاطر بحياتي الف مرة على قبالك,,,انا كنبغيك ا انيس (كتمسح في دموعها)و عمرني عرفت هاد الاحساس مع شي حد غيرك ,عمرني جربت معنى قلبك كيضرب لشي حد ,ولا معنى من كتعنقو كتحس بالامان ولا من كيلمسك كتحس بتبوريشة ولا من كيقبلك كيديك لعالم اخر ,عمرني جربت هادشي ,,كلشي جاني جديد علي ,,معاك نت جربت بزااف ديال الحوايج مكنتش عارفاهم ,,يمكن هادشي لي كنقول ليك جا معطل و ل ممممممم
قاطعها بقبلة حنينة على شفايفها كيلتاهم في شفايفها بكل حب و دفئ حتا هي بادلاته نفس القبلة كتعبر فيها على مدى عشقها و جنونها بيه ,بقاو هكاك لمدة مسافرين لعالمهم الخاص غير ابيهين للناس و المحيط لي فيه ,عايشين في عالمهم ,عالم الحب و المودة ,عالم الاحاسيس الصادقة و القلوب المفعمة ,,,بعدها عليه شد ليها وجهها بيديه بزوج;كنبغيك
بتاسمات ليه بعيون دامعة;حتى انا ( حنات راسها)سمحل
حط صبعو على فمها;ششث ,بجوجنا غلطنا,كان خاصنا ,نبركو بجوج و نهضرو و نحاولو نفهمو بعضنا كثر,,,انا مقديتش نفهمك ولا نوصلك ;ليك ,,ماقديتش نخرج منك ديك البنت الخوفانة لي كتقلب على الحنان و الاهتمام ,,(بتاسم )ولكن كنواعدك من ليوم كلشي غايتبدل ,غنبداو صفحة جديدة فيها انا ونتي (وحط يديه على كرشها)وهاد الفنيكيش لي هنا ,ولكن خاصك حتى نتي تواعديني متبقاي تخبي علي اي حاجة و خاص اي حاجة ضراتك ولا قلقاتك تقوليها لي ماتبقايش تخزني في قلبك
سندس;اوك كنواعدك
عنقها;هادشي لي سرا ليوم خلاني نعرف بزاف ديال الحوايج كنت غافل عليهوم و نكتاشف بزااف ديال الحاجات مكنتش عارففهوم
سندس بعدات عليه;كيفاش ؟
حت يديه على شعرها و بتاسم;بلي سندس كتموت علي لهاد الدرجة ,هههه(خربق ليها شعرها)ههه بصح كنتي كتخافي من البرق من كنتي صغيرة ههه
سندس غوبشات ;وها لي مابغيناش
جرها لعندو وخشاها في حضنو هزات راسها جهة ديال البحر;المنظر ديال الغروب زوين بزاااااف
انيس شاف فيها و شاف في البحر ;و خصوصا لا كنتي مع الشخص لي كتبغي ,كيزيد يزيان
سندس تخشات فيه و هزات راسها;كنبغيك بزاااف
باس ليها راسها و زاد عنقها;كنموت عليه
بقاو معانقين هكاك كيتفرجو في الشمس تغرب ,كان منظر الغروب جميل ,ولكن كان منظرهم وهوما معانقين و فرحانين اجمل ,

من بعد يوم في الاكاديمي ,و بالظبط في غرفة الاجتماعات ,كلشي مجموع كان انيس لي مترأس الاجتماع و كيشرح ليهوم على الخطة ديالو و شنو غايدريو
انيس;دابا كلشي واضح ياك؟
الكل;اه اشاف
انيس;خوان و الزملاء ديالو ايكونو متكلفين بجهة ليمنية ,و سليم جهة الامامية و امير جهة الليسرية ,نت(لؤي)غتكلف جهة ديال لباطو ,ونت(على واحد خدام معاهم)جهة ديال الكاميو ,انا و امير و شي لاخر gنتكلفو بجاك و صحابو (تنهد و شاف في سندس شحال عاد نطق)ونتي غتكلفي بفرقة الاحتياطية ,
سندس حنات راسها;اوك شاف
نقز خوان;ولكن سند كنقصد العقيد سندس عضو ممتاز ي
قاطعو انيس بالغوات ;لا اجي برك في بلاصتي حسن ,(مسح على راسو)اووف المهم م, كلشي واضح سيرو لديوركوم رتاحو ,غدا غنشدو الطريق في العشية للطنجة ,غنباتو تم في اوطيل نرتاحو باش لغد ليه نبداو في الخطة
الكل ;اووك اشاف
انيس;يمكن ليكوم تفضلو دابا
كلشي خرج سندس كانت غادا للمكتب ديالها حتى وقفها خوان بصوتو تلفتات عندو باستغراب;خوان؟
خوان;لبارح عيت منصوني عليك لقيت تيلي ديالك طافي
سندس حكات راسها;اااه سمح لي ,كنت مقلقة ونسيت الغدا ,والله سمحلي
خوان ;اووك ماشي مشكيل ,علاش انيس دار هكا وبعدك من المهمة و خلاك غي في الاحتياط
الينا من وراه;حيت خايف عليها
تلفت عندها;كيفاش وعلاش ايخاف عليها(دار عند سندس)علاش ايخاف عليك ؟
سندس(بتردد);حيت حيت هو راجلي ,وحيت انا حاملة دابا هادشي علاش دار هكا
خوان تصدم عينيه خرجو بقات كلمة وحدة كتدور في بالو هي راجلي ,,بقا شحال كيستوعب هضرتها عاد نطق بلسان تقيل;ك ك كي كيفاش ,را راجل,,ك
سندس تنهدات;اه انا و انيس مزوجين هادي شهرين تقريبا,من نهار لي غنخرج فيه من السبيطار ,,ودابا انا حاملة منه,
خوان بالغوات ;علااااش مقلتيهاش علااااش
سندس;سمح لي ولكن انا ممضطراش باش نقولها ليك,و زيدون كلشي جا على غفلة انا براسي ماعرفتش بلي انا مزوجة حتى دازت عشرين يوم عاد عرفت ,,,
خوان شدها من يديها عينيه حمرين;علاش تزوجتي علااااااش ,كيفااااش تزوجتي بييييه ,
امير من وراه;طلق منها
طلق منها و دار عنده;علاش مقلتيييش لي سندس مزوجة ,هضررر
امير ببرود;وعلاش غنقولها ليك,داكشي بعيد عليك,الخدمة خدمة ,وشي لاخر ماكيهمكش
خوان جمع يديه بغا يعطيها ليه و هو ينزلها الارض بغضب عاود تلفت عند سندس;الله يكمل عليكوم ,مبروك عليك (وزاد)
سندس;خوان
ماتلفتش عندها مشا زربان ,سندس تلفتات عند الينا;تبعيه,هدا هو الوقت لي خاصك تستغليه ,سيري جري
الينا;اووك ميرسي (مشات كتجري)
سندس;ماكانش عليك تدوي معاه بديك الطريقة
امير;كيفاش بغيتيني ندوي ,السيد كتقولي لي بلي مزوجة هو مابغاش يفهم
كرو ايوا انا شرحت ليه
سندس;بففف صافي (وزادت )
امير ;سندس تسناي(زادت)اففف ا امير ,ماقديتي تقوليها حتى سمحيلي بففف

مشات سندس المكتب ,ردات راسها في الكرسي كتخمم شحاااال عاد هزات تيلي ,;الو ,,فينك ,واخا ,,تسناينتي تم انا جاية
هزات تجاكيط ديالها و ساكها وسوارت ديال لوطو مشات في اتجاه لبيرو ديالك كوثر ;هيه (تصدمات لقات امير و كوثر خدامين كيتباوسو غمضات عينيها و بدات كتضحك)هههه سمحولي سمحولي ههه ماشفت والو
كوثر نزلات راسها بالحشمة و كتضحك
امير;داخلة مدرمة ماكتعرفيش دقي
يله غاتغوت و هي تحبس;ماكنتش عارفك كاين سمحلي ,
كوثر;بغيتيني فشي حاجة؟
سندس;كنت بغيتك ,مي دابا صافي ههه كملي لمهم سمحو لي(تمات غادة وهو يوقفها امير)بغيت ندوي معااك
سندس;من بعد اامير عندي شي شغال دابا (حيدات يديها)نشوفك من بعد باي (مشات و خلاتو كيشوف فيها )
كوثر حطات يديها على كتفو;نت عارف سندس ,شوية تبان ليك كتجري عندك ,عطيها شوية ديال الوقت
امير;شفتيها ,مابقاتش حتى كتشوف في ,لهاد الدرجة واخدة مني موقف
كوثر;خليها دابا على خاطرها,هي اكيد اتراجع ,نت عارفها قلبها بيض واخا هكاك ,كتعيا متغوت و في الاخير كتبرد ,و زيدون راه قاعما منخلاك ولا قاطعة معاك الهضرة ,وهادشي مزيان ,دابا غي مسألة وقت وكلشي غايرجع كيف ما كان
***
سندس دخلات لواحد المقهى لقات بقات كتقلب بعينيها حتى بانت ليها عبير باركة كتشرب في قهوة كحلة مشات لعندها لقاتها عاقدة غوباشتها ;املك
عبير ;طالع لديلمي الخيط تفوو
سندس;رجوع الله ,احنينتي شنو لي معصبك
عبير;واحد خينة ,تضاربنا معاه لبارح على طاكسي(عاودات ليها كلشي)ودابا تلاقيت بيه ثاني ,,,بقا تابعني بواحد ب ام كحلة معرت مسلفها ولا ماعرت قاليك بغا يوصلني ,شبعت فديلمو سبان و زدت ,تفو على كمامر يخ ,فينما كان شي زامل مسلف شي لوطو يبدا يبان بيها ,كون غي كانت ديالو
سندس;هههههههههه كيف داير هاد خاينة
عبير;كيف الخرا ,,,تفو ,صافي خلينا منه ,قولي لي نتي فاش بغيتيني ,اكيد شي تخلويضة هادي تاني
سندس كتحك في راسها ووجها حمر حشمانة
عبير;واتي طلقينا ,ونتي باركة تلوني لي هنا دابا تفرGعي لي
سندس;احم دابا غدا غنشدو طريق لطنجة ياكي
عبير ;ومن بعد
سندس;وغنبداو في المهمة غنكونو مبرزطين ياكي ؟
عبير;والله ينعل ديلمك ,واتي هضري ,ونتي باركة تمتمي لي هنايا سربي
سندس (بازربة);بغيت ندير للانيس مفاجأة
عبير تفرGعات بالضحك;واااع هههههههههههههههه واقوليها من اللول ,,قولي بغيت نتح ممممممممممم
صدات ليها سندس فمها;الله ينعل الزامل بووك ,تفووو شوهتينا انا لي قحبة كنعاود ليك
عبير (حيدات ليها يديها);هههههه صافي صافي ,واتي راه عادي ,ياك راجلك,دابا لمهم اش باغا تديري
سندس;كون عرفت قاعما تلقايني حداك دابا كنطبخ في راسي تفوو
عبير;اول حاجة (كتشوف فيها)غاتبالي براسك هو اللول ,قادي حالتك نخاصنا نمشيو لشي سونطر بيوتي ,ماعندك حتى شي شوميز دونوي ؟
سندس;لا (كتحك في راسها )عمرني شريتو ولا لبستو كيجوني ماعرت كيف دايرين و زيدون علاش انلبسو من غنحيدو
عبير ضرباتها لراسها;تففوووو,واش دخلنا عليك ابالله ,نتي دابا مزوجة؟باز اللانيس مسكين لي صابر معاك ,كون كنت منه كون هزيت قلوعي ماتعرفيني فين زدت
سندس;دابا غا طلقينا خلاص باراكا من الهضرة
عبير;نوضي نوضي نتي لهضرة معاك حرام انبقا انضيع معاك الحجرة ,خلصي هاد القهوة بعدا
سندس;تسقريم اش كديرير ليه (جبدات فلوس حطاتم تحت الطاس )يله زيدي قدامي زيدي ماعرت هاد النهار كيف غايطلع معاك
ركبو في لوطو مشاو لمول هو اللول مشاو المحال لي كيبيعو لي شوميز بقات عبير اكتهز و تحط فينما بانت ليها شي لعيبة تهزها سندس اكتفرج فيها و حشمانة ,خلصو و مشاو المحال اخر ,كيبوعو داكشي ديال الشمع و خداو منه تاني مشاو المحال اخر خداو منه كريمات و عطور و الورد و الماكياج ماخرجو من المول حتى دازوه كامل خارجين محملين بالبلاسيكات ;ناري شحال خدينا
عبير;واتي راه هادشي وقليل ,زيدي نمشيو للصالون خلاص
سندس;بلاتي نخشي في وجهي اختي عاد قولي لي شي حاجة راه سخفت بجوع و دوك الدوايات كيجيبو لي الهيمري ,جاب الله انا نباتية شوية ماكون وليت كيف بيدوزا
عبير;زيدي زيدي حتى اني جووع
مشاو لواحد سناك ديال الحوت ثاني كلاو و زادو للصالون دخلو و عبير لي بدات كتهضر و تشرح ليهم
شدوها دارو بيها ربعة ,نتفو ليها الزغب كامل ,واخا هي منتوفة خلوق مع دايرة اللايزر وزادو نتفوها ولات ملطة ,داوها للصونا دارو ليها ماساج ,حتى داها النعاس ,مشات تاني غطسوها فواحد لبانيو فيه مرطيبات والورد خلاوها واحد لمدة عاد رجعو ليها ,تشلات و غسلات شعرها ,,وبداو تاني هالي كتصايب ليها الشعر هالي كتدير ليها لمانيكير هالي كتدير ليها لبيديكير هالي كتماكي ليها و سندس كتسوط حيت تعصبات ماعندهاش مع هادشي
عبير;واصافي اصاحبي ,راه مابقا ليك والو
الدرية;تبارك الله ,اصلا نتي زوينة بلا مكياج بلا والو ,واش مغربية
سندس;ههههه اه ,
البنت٢;وا مكتبانش عليك قاع هه زوينة تبارك الله
سندس;ربي يخليك عويناتك لي زوينين
بقاو كيقادو ليها و مامخالينهاش تشوف راسها وهادشي عبير لي قتارحاته

سالاو ليها ;جيتي غز الة
عبير;وااااع تيتيزة
جابو ليها المراية شافت راسها كانو دايرين ليها ماكياج خفيف و خوخي جاها كيهبل مع عكر ماط خوخي ,الشعر سامبل مع بعض التموجات خفاف من لتحت جات سو سيكسي بقاو غي حالين فيها فمهم فيها ,خلصاتهم و خرجات ركبات في لوطو
عبير;اش غاتصيبي ليه لعشاء
سندس دارت عندها بصدمة;لعشاء؟خاصني نطيب ؟زعما؟
عبير;واناري على بنت واش غديري ليه ,
سندس كتحك في راسا;وا مكنعرفش نطيب ناريييي على كريثة
عبير شدات راسها;ناري معامن طحت ناري دوري دوري لوطو لشي رستو ناخدو منه شي حاجة ,راه كيقولو الله كيعطي الفول غي لي ماعندو ضراس زيدي زيدي
مشاو لريسطو خداو منه ستيك ديال بيبي مشرمل و لمشوي ,وخداو سلاد فروي دميغ رجبو تاني
سندس;واش باقي خاص شي حاجة
عبير;خاص دابا اشي عصير حتا نمشيو ونصيبو ليك انا يله غي تحركي قبل مايجي
سندس شافت في الساعة ;لا باقا ليه شي ساعتين تقريبا يقدا الوقت زعما؟
عبير;يقدنا خاصنا غانسربيو
مشات كتطير للقصر دخلات لقات الخدامة مشاو حيت كيخرجو قبل مايجي انيس من الخدمة
عبير;طلعي نتي وجدي راسك انا غنتكلف بهادشي و نقاد ديكور ديال لتحت
سندس باستها;شفتي نتي راك الحب
عبير ;صبغيتني ابنت لقحبة(مدات ليها الساشيات)هاكي هادو و صايبي نتي لفوق و قاديه ,انا انتكلف ليك بالتحت سربي راه مابقاش الوقت ,
شدات سندس دوك الساشيات و طلعات لفوق كتجري حطاتهم بقات كتبقشش فيهوم جبدات اللشمع هو اللاول حطاتو جنب و ساشية فيها الورد حتاتهوم ,بدات كتقاد في الشمس و كتقاد فيه رشات الورد على الارض ,كانو الخدم مبدلين لكوفرلي بالبيض تهنات ,صيبات الورد فيه على شكل قلب و قاداتو سالات و بقات كتشوف في البيت جا خطير و رومانسي بقات كتضحك على راسها;اويلي اسندس اخر يامك وليتي تصايبي حتى نتي باش تحو,,,هههه دخلي دخلي قادي راسك
جمعات شعرها و غطاتو ,تخشات تحت رشاشة غسلات ماقرباتش لراسها قاع ولا وجهها ,غسلات غا من عنقها لتحت ,سالات نشفات راسها و دهنات لحمها بكريم ديال الفريز ودارت حتى لتوتو ديالها ,رشات سبرايت ديال اللحم و برونزوار كيخلي اللحم كيبان مبرونزي و كيبري ,رشات ريحة باردة كوكو شانيل تعمدات تبدل الريحة ديالها ليوم ,ساشيات بقات كتقلب و تويل في خاطرها ماعرفات ماتللبس كلشي مفضوح بركات في اارض ملوية بفوطة كتفكر في حريرتها و كتلعن النهار لي خلات فيه عبير تختار ليها ,في الاخير ناضت;ياك هو راجلي ايوا صافي
جبدات واحد دو بياس بالبيض شكل ديالهم مقود فيه الخيوطه من الفوق و من لتحت لبساتو جاها سو سيكسي ,لبسات فوقو بينوار ديالو خفيف و مشبك قصير ,حيت كيتلبس غا بوحدو ,رجعات دوك الساشيات لماريو و قادات لبيت ,شعلات الشمع ولوات عليها بينوار ديال الدوش و نزلات لتحت تشوف وصل داكشي ديال عبير ,,غا حلات لباب و هي تصدم الارض كلها شمع وورد بقات متبعاه حتى نزلات لتحت لقات الدنيا كلها شمع وورد من المدخل ديال الدار حتى لبيت النعاس و طابلة مزينة لوسط ديالجوج ديال الناس مزينة بالورد و الشمع و فيها داكشي لي شراو مع عصير ديال لافوكا بقات كتضحك حيت سرعات داكشي ديال بصح لقات ورقة فوق الطبلة;راه كلشي مقاد ,ورينا نتي حنة يديك ,غدا انجي نشوفك كيف غتصبحي ههه المهم هانا مشيت ,صباحية مباركة يا عروس ههههه
قرات الورقة و كتضحك كمشاتها ومشات لكزينة لاحتها في طارو جبدات كاس ديال الماء كتشرب فيه و كتشوف في الجردة حتى كتبان ليها لوطو ديال انيس داخلة مع لباب حطات الكاس بالزربة و طلعات كتجري لفوق قبل مايشوفها ,,,
صحاب حجابي عفتي و بلغتي سر جمالي بلا مايبانو فهاد الجزء لي جاي اعتدر ههه

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.