قصة إيناس حكاية حب الجزء السابع

سامي : اشمن ظروف ا ايناس

انا : سامي عافاك خليني مابغيتش نجبد الماضي صافي

هو : ايناس اش واقع

انا : بغيتي تعرف الحقيقة انا غاگوليك و لكن تال النهار لي غادي نسافر فيييه

هو : فين غاتسافري

انا : المانيا

هو : لا ما غادي تمشي لتا بلاصة

انا : غتعرف كولشي فالوقت المناسب

خرجت من عند سامي وانا مقررة نعاودليه كولشي الصراحة بغيتو اكرهني اه بغيتو اكرهني مشيت للدار كلست تفرجت شوية و دخل سامي

انا : نتا ؟؟؟

هو : لا خيالي

انا : اش كادير هنا

هو : هههه رجعت لداري

انا : دارك!!!!!؟؟؟؟؟

هو : مالك ؟ انا غانبقى هنا تا نعرف كولشي

انا : ولكن...

هو : انا غندوش و من بعد نجي نتعشاو برا لبسي حوايجك

انا : شنو

هو : بلا قوت الاسئلة نفدي الهدرة و بلا كترت بلا بلا

مشيت على سعدي و عدي بدلت حوايجي و هبط نتسناه ماكاملة تا خمسة دقايق وهو اشدني من ادي و خرجنا و انا الصراحة عاجبني الحال حيت شاد ليا ادي و لكن ملي كانتفكر الواقع كانتقلق اووووف تعشينا و شبعنا ضوران و تصورنا بجوج ههه بحال شي عشاق ولكن الصراحة كولشي غايفوت بعد غدا و غادي اولي ماضي اه ماضي ... مرجعنا للدار تال التلاتة دصباح دخلت لبيتي و طحط دودة فقت على شي حد كايلعب ليا فشعري ممحتاجاش نكوليكم شكون ياك عرفتوه ؟؟

انا : صباح الخير

سامي : صباح النور

انا : اش كادير فبيتي امتا دخلتي

سامي : غير دابا جيت نكوليك يالاه تفطري

انا : اه واخا نوجد راسي و نهبط

هههه الصراحة دخلت للدوش كندوش و انا فرحانة حيت سامي فيقني و لكن .... ساليت لبست حوايجي و صليت و هبط عند سامي و ماخلانيش نفطر كلسني فوق رجليه و كبوكلني بيديه ... اه اسامي اه علاش مصر تعذبني علاش نتى كتصرف هاكا ولكن نهار تعرف الحقيقة غادي تخلا عليا انا متأكدة .... سلينا الفطور و تغدينا برا و لكن هاد المرة رجعنا بكري تعشينا فالدار و يالاه بغيت نطلع لبيتي حسيت بيدين على الخصر ديالي و انفاس فالعنق ديالي شوية سامي زداني مع الخيط و بقينا كانتباوسو بحال شي جوج مزوجين و حتا انا تجاوبت معاه بقينا هكاك شي 10 دقايق ههه تا حسيت بالشفايف ديالي تبنجو و من بعد طلب مني نتفرجو بجوج وافقت حيث الصراحة بغيت نعيش معاه لحظات زوينة قبل مانمشي غاتكولو انا انانية ولكن مقدرتش نحبس راسي .... المهم كلسنا نتفرجو شدينا فيلم ديال الرعب و كل مرة كنخاف كنت كنخشا فسامي و هو عاجبو الحال و انا فواحد الوقت غفيت و انا بين دراعو اه و هو استغل الفورصة و بدا كايدوز اديه على وجهي و باسني فمي بوسة خفيفة و هزني للبيت غطاني و نعست كومة عاوتاني ...

صبح نهار جديد و احدات جديدة واليوم نهار عرس ديال هشام فقت بكري فطرت قبل مايفيق سامي و ديماريت اللوطو و مشيت عند سلمى للدار هههه مشينا انا وياها للصالون وصيتهم عليها و من بعد مشيت عند الخياط جبت عندو التكشيطة ديالي و رجعت للصالون و نسيت التيلي فاللوطو بقينا فالصالون نهار كامل سلمى بدلوها كاملة ماخلاو تابلاصة ماقاسوها هههه من بعد طلبت من واحد الذرية تجيب ليا التيليفون من اللوطو نتاصل بهشام اجي ادي مراتو و انا نلقاه غادي اطرطق بالمكالمات ديال سامي تخلعت وانا نتاصل بيه و بقا كيغوت قطعت و صيفط ليه مساج كلت ليف فين انا و من بعد تاصلت بهشام هههه لبسات سلمى تكشيطة فالخضر ديال الحنة و غطات و جهها بالطرحة جات فنة ليوم هشام ايطيح فيها (هههههه...) من بعد جا هشام فكامل الاناقة ديالو لابس تقليدي جاه كايحمق اصلا هوا زوين وزاد كمل ههه المهم بجوجهم زوينين و انا لبست تكشيطة بالبلو غوا (الازرق الملكي) و درت شويا ديال المكياج ههه خرجت نطل على هشام و انا نلقا معاه سامي بقا حال فمو فيا وي انا زوينة ولكن ماشي لديك الدرجة خرجت سلمى عند هشام ركبو و يالاه بغيت نركب اللوطو ديالي شدني سامي من ايدي

سامي : ايناس في غادا

انا : كيفيش فين غادا مبنتش ليك غنديماري اللوطو ديالي و نلحق على هشام و سلمى

سامي : يالاهي معايا انا نوصلك

مخلاني حتا نكمل كلامي و جرني للطوموبيل و دار ليا السمطة و انا عارفاه لي فراسو فراسو نسكت حسن ليا مشينا انا وياه فصمت تاحد ماكايهدر معا لاخر وصلنا هبط سبقتو دخلت و هو اتلقا ليا واحد الراجل مد ليا اديه سلمت عليه و هو ابوسها ليا ماحسيت براسي تا بان ليا السيد فالارض و انا طالعة فالدروج شكون من غيرو سامي

سامي : شكون اصحاب ليك راسك ما عليك حكام

انا : ساني العرس لتحت و انا جيت نفرح عافاك بلا متنكد عليا فرحتي

سامي بقا كيضرب فالحيط و كيغوت على احر جهدو

هو : اينااااااااااااااس منين بغيتي ندخل ليك الهدرة واكواك نتي ديااااالي بوحدي و فهمي خلاص

انا : نتا وثق من راسك بزاف دابا نشوفو ملي تعرف الحقيقة واش غاتبقا على كلامك ولا لا

هبط و خليتو فالبيت مشيت عند هشام و سلمى بقيت معاها تا سالات الحنة و انا عيني محيداتش من الباب كنقلب على سامي مابانش ليا سالات الحنة تصورات هي و هشام و بدلات اللبسة هاد المرة دارت حمرة و من بعد زرقة من بعد ذهبية على ود العمارية و من بعد دارت لبسة السوسية و الصحراوية المهم العرس داز من داكشي كايحمق و دابا جات وقيت الوداع لاغوب بيضة جاتها فنة قطعو الحلوة و لبسو الخواتم و طلقو ليهم اغنية رومانسية و بداو كايشطحو بجوج و انا كالية فالكرسي تا طحتو ادين على كتفي

سامي : نشطحو انا وياك

انا : ولكن انا ماكانعرفش

سامي : نعلمك

مشينا بجوج هو دور اديه على الخصر ديالي و انا دورت ادي على العنق ديالو و عينو فعيني بدينا كانشطحو شوية حطيت راسي على صدرو و كملنا و الله ماسخيت و لكن سالات الاغنية و دابا وقت الوداع سلمى توادعات مع واليديها غير بالبكا و حتى انا بكيت و من بعد عطيتهم جوج ديال التذاكر باش اسافرو للسويد كولشي على حسابي هادا هو الكادو ديالهم ركبو العرسان فالطوموبيل ديالهم و مشاو الاوطيل و انا رجعت عند سامي قلت ليه نمشيو حدا البحر حيث اليوم قررت نكوليه كولشي صافي مانقدرش نبغيييه هاكا اه كنبغيه و لكن لي طرا ليا صعيب اتقبلو بسهولة اش غايدير بوحدة غتصبوها 6 ديال الدمادم اوووووف اسامي علاش خليتي قلبي ينبض علاش علاش انا مانصلاحش ليك غادي غيير نضلمك معايا اااااه يا ربي تعطيني القوة و صلنا البحر قلت ليه سامي اليوم انا غانكوليك الحقيقة كيما هي و ماتقاطعنيش عافاك عاودت ليه كولشي و اما حادرة راسي بحال الا درت شي ذنب اووووف ساليت درت نشوفو لقيتو سارح فيا

انا : هاذا كولشي هانتا دابا عرفتي انا علاش كنصد الحب ديالك ليا

هو (عنقني): واش نتي حمقة انا باغيك هي باغيك عمر الاغتصاب ماكان نهاية ديال العالم سمعتي

انا : عافاك اسامي مبغيتش نظلمك معايا

هو : شكون قاليك كظلميني

قرب مني عاود ثاني و سرحنا فعالم اخر بجوجنا و من بعد شد ليا ادي باسها و قاليا قولي لواليديك غادي نخطبك الا بغيتي تمشي عندهم و نجي تال تمة و لا اجيو هما من بعد ما عوت لساني هادشي كنت توقعتو اتخلا عليا و لكن طرا العكس

يتبع...