البرهوش الجزء الثاني

بارك فديك جردة كنتسنى لواليد ولواليدة يبداو يقلبو عليا باش نرجع لدار كان فيا وااحد جوع سلاوي فلمرقة أعدا حاجة عندي نقدر ناكلو ديك ساعة بارك كنتسنى وراد لباب إمتى يجيو هاد ولاد ناس ولكن والو مجا حتى واحد معمري تخايلت حياتي بعيد على لواليد ولواليدة ديك ساعة كنت معصب قلت صافي غنبقى بارك نص ساعة أخرى بالحساب إلا مجاوش غادي نمشي نقلب على راسي فبلاصة أخرى.. بقيت بارك تما كتر من 4 سوايع حتى بدا تيطيح ضلام ديك ساعة عرفت بلي أنا عندهم زايد ناقص ومع دالك كنت غادي راجع لدار تاني عاد دوك دموع رشقاتلهم يخرجو من فاش كنت صغيير ما بكيت وقفت تا لا مغاديش نرجع لدار يلاه تنفكر فين غنمشي وهو يباليا مهدي تيدور تيقلب عليا جريا وحدة بقيت تنجري حتى بعدت باليا واحد طوبيس طلعت فيه وخا معارفوش فين غادي ولا فين غادي نهبط لمهم مشى بيا واحد لمسافة مستحيل دار يوصلوها وهوما تيقلبو عليا نزلت حتال terminus ديالو معمري شفت ديك لبلاصة بقيت كنتمشى جابلي الله بحالا كنتفرج فسالي.. تنادم معايا لحال بغيت نرجع لدارنا شعلت تيليفون كنتسناهم يصونيو باش نعتلهم فين أنا باش يرجعوني صافي غنكون خلعتهم بما فيه الكفاية لباتري خاوي غير واحد شويا وهو يطفى حتى دنيا بدات كتخوى من بنادم ناس تينعسو دبا معمري تخلعت بحال هكداك خارج من دار بشورط وتيشورت خفيف وديما صهد حتال داك نهار لي خرجت فيه لموت ديال لبرد شوف زهر عندي كيفاش داير بقيت بارك فواحد لكرسي جوع و لبرد وهو يجي يبرك حدايا واحد سيد شاد فيدو سندويش وقرعة ديال شراب حط لقرعة وسطنا تيقصي بزز مني شفت فيه تراه جوع وهو يمدلي داكشي لي فيدو بلاما ندوي بديت تنقصي فيه قاليا شنو كدير هنا؟ قلت ليه بعدت على دار ومعقلتش كيفاش نرجع قاليا يلاه أنا غادي نوصلك تنشوف فسيد سكران قلت ليه لا غادي نبقى هنا حتال صباح وغنرجع فطوبيس لي جيت فيه خونا قاليا ولكن راه لبرد وحط يدو على رجلي أنا ضارب شورط تنشوف فيه واش من نيتو ديك لقرعة لي تيشرب ضربتها مع لكرسي قلت ليه غتدور تقود ولا غادي نزرعها لك فحنكك بغى ينوض قلت ليه بلاتي جبد داكشي لي فجيبك بدا تيضحك وأنا ندوزها ليه من حدا نيفو لمرة حايا غادي يبقى نيفك فيها وهو يجبد بزطامو فيه شي 350 درهم قاليا هيا لي عندي تنشوف مغانة فيدو تنحيدها ليه وهو يشد من لقرعة لي فيدي وخا مهرسة طلقتها ليه وعطيتها لدرادك شنو غادي يشد لغبرة موقفت حتى بعدت على تما تيليفوني طاح بقاولي غير لفلوس ولمغانة كنت شادهم فيدي ديال داك بنادم بقيت كنتمشى حتى تنسمع أدان لفجر وقفت حدا جامع حتى خرج بنادم ودخلت أنا نعست تما حتال صباح حالتي مبهدلة وداخل جامع بريحتي عامرا شراب من لقرعة لي هرستها لبارح لله يسمحلي غادي تنقلب على شي تيليبوتيك نعيط على لواليد حافظ نمرتو لقيت تيليبوتيك كنت باغي نعيط عليه ولكن فيا لمووت ديال جوع قلت أجي نقصي قبل ما نعيطلهم مزال عندي 350 درهم ديال لبيدوفيل دلبارح سناك حدا تيليبوتيك بقيت تنقصي حتى دخل واحد لبوليسي داخل ياكل شاف فيا وغادي يكمل طريقو تاني لعند مول لمحل وهو يوقف شاف فيا تاني تيضرب على ساعة فيدي باينا ساوية قاليا وقف وقفت وهو يصرفقني بغى مول لمحل يحبسو قاليه دخل سوق راسك جارني من يدي لكوميسارية قرييبة لداك سناك تيمشيو يقصيو تما شوف زهري كيفاش داير كان خاصني نعيط على لواليد كون راه دبا فدارنا تاني.. خونا دخلني لكوميسارة قال لواحد لبوليسي أخر هدا هو لبرهوش لي غريسا سيد ديال لبارح عيطليه باش نتأكدو.. دخلني لواحد لبيت وسد عليا بقيت بارك تنفكر بلي منقدرش نقوليهم بلي خونا من صحاب قوس القزح مجاتش.. دخل عندي داك لبوليسي سولني فين ساكن قلت ليه فزنقة بقى شي نص ساعة وهو تيسول فيا قلت ليه مني عقلت على راسي وأنا فزنقة متنعرف حتى واحد بقيت تنعاود ليه نفس لهضرة حتى تيقني تيعيط على شي واحد تنسمع لإصلاحية هادشي لي كان فبالي نمشي تما أصلا مبقى عندي فين نرجع معدبوش راسهم ومقلبوش عليا حتى أنا غادي نقلب على راسي فبلاصة أخرى داوني لديك لإصلاحية نهار لول عرفت دراري لي تما تقريبًا كلهم ضريفين إلا هادوك لكبار بنادم تعطيه 30 عام من وجهو ومزال تما لمهم انا بعيد على بنادم تناكل وتنعس تما تقدر تقرى ولى تعلم شي حاجة أنا مبغيت حتى وحدة فيهم فلول كنت غادي نبقى تما غير حتى نكمل 18 ونخرج واحد نهار بارك تناكل وهو يجي واحد خونا قاليا تصخر ليا قلت ليه لا وهو يبدا يسب تيشوفوني غير ساكت حكروني كنت تنقصي كتباليا غير لعاشق زرعتها ليه فحنكو يحسابلي غادي تجرحو شويا وصافي تراه وحلات تما بدا كيتركل واحد خونا كان بارك حدايا بدا تيرض فاش شاف ديك لقطة موراها وليت غادي ندوز عام وشي حاجة فلحبس مورا ما نكمل 18 ولكن ولات عندي سمعة ديالي تما بنادم كبر مني ولا تيحتارمني ماشي تيخافو مني غير متيقربو ليا متنقرب ليهم عرفتي داك لبلان ديال غير عايش وصافي كل نهار تنقول مع راسي غادي نعيط على دار نقوليهم فين أنا ولكن متنقدرش هوما مباغينيش وسطهم جاتهم من الجنة والناس فاش خرجتلهم من دار بالأخص مهدي غادي نخرج من هنا أول حاجة غادي نديرها غادي نخلي ليه شي حاجة فوجهو باش يتفكرني وانرجع لهنا لبلاصة لي وليت تنفهم فيها.. بقيت فديك لإصلاحية مكين ميدار وليت مرة مرة تناخد شي كتاب من لمكتبة تنقراه تيسولوني شنو سميتك قلت ليهم كتعجبني ياسين لكنية تنقول معنديش و كاع دراري لي تما تيجيو عائلاتهم يشوفوهم إلا أنا حتى تنسمع ديك ياسين هاد لمرة حتى نتى بقيت تنشوف فداك سيد واش أنا؟ قاليا أه نتا شي واحد جا باش يشوفك قلت ليه متنعرف حتى واحد شكون غيكون؟ قاليا يلاه باش تعرف.. غادين معاه زوج سيناريوهات يا غيكون داك أدومة لي ديتلو لمغانة وفلوسو شحال هادي ولا لواليد عرفني كين هنا دخلت لديك لبلاصة تندور فعينيا فبنادم لي تما مباليا حتى واحد تنعرف واحد سيد هز يدو تيشير عليا باش نمشي لعندو معمري شفتو خونا تبارك الله أنا قلت غيكون شي بوليسي جاي يسولني على شي حاجة ولكن حتى لبوليس معندهمش ديك لفورمة وخونا مطول لحية شويا بركت حداه مدلي يدو قاليا ياسين بيخير؟ صدمني منين عرف سميتي...

يتبع