البرهوش الجزء السادس

سيد مات مديماري لله يستر غادي يطلعها عليه عزرائيل فطريق دبا.. وكتباليا لبنت سبابو باغيا تخرج شديتها والله ما تخرجي دخول لحمام بحال خروجو ولا واش نتي بكامل قواك العقلية سيدة قدو قد بات بات باك وجايا معاه.. بدات كتطلب ناري خويا ويلي بابا قلت ليها معندي منديرك غيجيو يلقاوه ميت وعريان غيحساب ليهم بايت معايا انا ولا منعرف مغتمشي لحتى بلاصة حتى يجيو لبوليس بدات كتبكي وكطلب تاني قلت ليها والو غتبقاي هنا تنعيط على سيكيريتي لي برى وهيا تبدا تدفع فيا وطويلة عليا عرفتي تنحس بيها غوفلات عليا بطالون وأول مرة نضرب شي بنت وبشمال عرفتي مع طالون بحال داكشي لي وقع لدوك ناطحات سحاب فأمريكا ف11 سبتمبر جاو سيكيريتي خليتهم تما جبت تيليفوني عيطت على عبدو والإسعاف جاو هوما لولين بصح خونا مات جا عبدو قاليا شنو وقع؟ تيشوف فخونا مغطي فوق سرير وتيسول قلت ليه كتسول بحالا معارفش زعما راه كان كيحارب باغي يدخل لإسلام لبرازرس أنا زهري مكوز كنت عارف شي حاجة غتوقع ومتعطلتش بزربا دبا غنرجع لإصلاحية ولا غنمشي نخرج؟ أجي بروجولا نسكن معاكم منديرش لقباحة خونا بقى ساكت مجاوبنيش.. لبوليس تيسولو أنا حاضر للفيلم من لول ولقاو جوى ديال لفياغرا شفتي داكشي باش خيب واش نتا يا عباد الله عندك إيركاط ومركب ليها موطور ديال لفيراري بسيف ما يتحرقو ليها سلوكة أخويا بنادم ولا باغي يطير ديك ليلة مغمضتش عينيا تيسولو فيا بحالا أنا لي قتلتو لغد ليه مرجعني عبد الوهاب لدار قاليا بلي شيباني قاليه بلي غيكتب ليا شي حاجة يوماين دبا معرفش واش دارها ولا لا قلت ليه كيفاش غيكتب ليا شي لعبة وهو يلاه عرفني سيمانة دبا؟؟؟ قاليا راه كان عارف راسو مريض قبل متطيح عليه فكرة باش يجيبك راه قلتلك نهار لول مبقا ليه قد ما فات وزرب على راسو بداكشي لي شرب لمهم دبا خليني غنسول لمحامي طلب زهرك طلب.. حطني قدام دار دخلت كندور فيها كنقلب على شي فلوس ولا شي حاجة نقدر نبيعها فاش يخرجوني منها لقيت شي 12 الف درهم فدار كاملا كينا خزنة ولكن مسدودة معرفتش لكود ديالها لمهم ضربت ديك لفلوس لي لقيت فواحد صباط وتنجمع فحوايجي باش منضيعش لوقت.. بداو تيجيو صحابو لي تيعمرو معاه بزااف بنادم تيسول فيا باش مات؟ باش غادي نجاوبهم دبا باش تحشم لي سولني باش مات تنقوليه كان راجل جيد ممشى معاك باس.. أصلا أنا معنديش مع صواب هاد صحابو هوما لي تكلفو بكلشي حتى دفنوه هاح ميمة ديال عبدو جات قالتلي لبركة فراسك ناري أخويا شحال ضغيفة💔 فلعشيا بنادم كلا وتيمشي بقاو عشرانو وأنا وعبد الوهاب لمهم واحد من دوك عشرانو محامي هو لمحامي ديال لمرحوم قاليا نتا هو ياسين ياك قلت ليه أه؟ قاليا لحاج لله يرحمو قبل ما يدي مول لأمانة أمانتو جا لعندي وكتبلك كاع ما يملك.. كاع دوك عشرانو شافو فيا تصدمو لمحامي مدلي جوى قاليا يمكن رسالة بحالا كان عارف راسو غيموت وسيمانة جايا نكملو لوراق ماشي وقتها دبا ياك نخليوه يبرد فقبرو بعدا قلت ليه وخا مدلي لكارطة ديالو درتها فجيبي.. بقيت بارك معاهم وشاد داك جوى فيديا عشرانو بداو تيسولو واش كتعرفو قبل ما يربيك.. تيجرو ليا لساني مزال ممتيقينش بلي كتبلي داكشي لي عندو مزال معارفش شحال عندو ديال صرف ولكن باراكة عليا أنا غير هاد دار.. خرج بنادم بقيت أنا وعبدو ومو ومراتو وولدو أول مرة نشوف مراتو و ولدو بقيت شادو تنلعب معاه لبرهوش وجهو مصندل بحال باه متيحشمش لمهم داوي معايا باه تيقوليا نشوفك من بعد وإلا حتاجيتيني متحشمش نمرتي عندك.. بقيت تنشوف فيه منيتك نتا لي جبتيني هنا وباغي تخليني غتبقا معايا فحال لول مع خونا نشوفو بعدا شنو خلا ليا قاليا راه خلا ليك كلشي غير رتاح.. وهيا تنطق مو قالت ليا سبحاان الله وقبل ميموت ب48 ساعة بحالا علم عليها لموت مكتعلمش قلت ليها فخاطري راه دودة لي مكتعلمش ماشي ساعة راه كان بارك واكل شارب ناشط حتى سخن عليه ضمير.. ولد لعبد حتى بديت تنولفو رجولة لواليد دبصح وميديرش معايا هكذا.. خلاوني بوحدي فدار بعد ما عياو فيا باش نمشي معاهم قلت ليهم لا غنبقى فدار هنا زعما دار راه ولات ديالي دبا هاح مشاو تندور بلفيلا كاع لي خدامين فيها مشاو سيكيريتي جارديني لخدامة كلشي سمعوه مات نهار لول قلبو على راسهم فبلاصة أخرى عرفتي لموت ديال لخلعة وهاد زبل قصر وداك ديكور قدييم بوحدو تيخلع بارك تنقرى فديك لورقة لي خلا ليا بلا بلا إلا قريتي هاد لورقة غنكون ميت معرفتش شحال دوزنا ولا شنو وقع.. غتلقاني مخلي ليك كاع داكشي لي جمعت هاد سنين صرفو فشي حاجة مزيانة هادشي كامل درتو باش تدعي معايا فاش خرجت من ديك لإصلاحية درت بزااف ديال لحوايج خيبين قلت قلت نعاونك باش متدوزش من نفس داكشي لي دزت منو. عرفتي بدموع أشريكي ميستاهلش ديك لموتا ديال لكلاب.. عرفتي تنكون بارك حتى كندور راسي لايكون شي واحد ولا شي حاجة ورايا اخويا لخلعة ديال بصح كنت شفت بزااف ديال لقراعي ديال شراب فلكوزينة هزيت وحدة وكاس تلج وريحت قدام تلفازة قلت نجرب عرفتي داك زبل قااصح ديال بصح ولكن مور لكاس لول كتبدا تولف عرفتي ديك لعيبة ديال كلشي تيبدا بغير غنجرب مكنتش متيق هاد لهضرة حتى درتها وقعاتلي ولكن بعدا مبقيتش خايف ومعقلتش على راسي إمتى نعست لغد ليه فايق مبجقل نيشان لدوش باش فقت خبيت لخاوي لا يشوفو عبد الوهاب تنقلب على ما نقصي وهو يدخل قاليا كاع لخدامة مشاو غادي نعيطلهم يرجعو دبا قلت ليه وخا نتا تعرف تندوي معاه وتنحاول نبعد ما أمكن هو ماشي خويا متيجيني والو تقريبا ولا خدام عندي ولكن تنحتارمو من ديك تصرفيقة لي عطاني لمهم خونا مدراش معايا عيط على خوتنا رجعو بارك أنا وهو كنتسناو لفطور وداوي معايا تيقوليا على شيباني شنو عندو خونا خلعني أساط تا هادشي كامل ولا ديالي قاليا أييه إلا معرفتيش كيفاش تسيرو غادي يتقاضاولك بزربا أنا غنعاونك ولكن خاص حتى نتا تحل دماغك وخاص تقرى شويا راك قافز ولكن مكلخ لمهم مزال قدامنا لوقت وغادي تفهم أجي بعدا نزلتي لغاراج شفتي طوموبيلات؟ راه حتى هوما دياولك دبا باقي مكملهاش نزلت تنجري هاح ديك jaguar وشي زوج أخرين إلا كنت زعما غير تنحلم وفيقاتني لواليدة دبا غادي نطيح شي روح فدار.. خاصني نطلع لديك لخزنة نحل ديلمها وخا نعرف نبول عليها لمهم تحل تحل ليوم رزقي تما تاني...

يتبع