البرهوش الجزء 11

وصلنا لهاد لبلاد غادي خارج وعارف راسي غادي نتلف خوكم لا فرونسي لا إنجليزية منعرف شنو جايبني هنا ولكن مزيان نبعد شويا.. غادي خارج لقيت واحد خونا هاز ورقة فيها سميتي مشيت عندو بدا داوي بلفرونسي أنا مفاهم والو بدا تيدوي بالإنجليزية قلت ليه بلاما تعدب راسك راه حالة خاصة أنا تنفهم غير دارجة سيد عرفني متنفهم والو جبد تيليفونو دخل لGoogle translate كيكتب وكيوريني ههههه لعصر لحجري شوهة خاصني نتعلم وخا نعرف نخسر كاع راس مالي كانت لوالدة كتقوليا قرى ومكنسمعش لمهم تحركت معاه لواحد لعمارة واحد دار صغيرة كيما كنت باغي بيت حمام كوزينة و واحد لمراح صغير فيه تلفازة وشي فوطاي بيخير عطاني سوارت بقى مدابز كيكتب فتيليفونو شحاال كاتب ليا جريدة قاليا كينا مدرسة قريبة ديال لغات تقدر تعلم فيها أنا غادي نقيدك فيها غدا تقدر تدخل معاهم حيت مغادي دير والو هكدا مول دار غيبقى يجي ياخد فلوسو كل شهر بحال هاد لوقت وغدا غادي نجي نديك لشركة مرحبا.. خرج خونا قاديت حوايجي فلبيت تيطل على وسط لمدينة جو فشكاال بغيت نخرج ولكن غادي نتحنسر غيسمعوني داوي بالعربية أيحساب ليهم إرهابي ومنقدرش حتى نشرح ليهم.. بقيت بارك مبقاش تيجيني نعاس أخويا شحال ديال لفلوس راحو فداكشي بسباب تبرهيش ديالي خاصني نجمع راسي عاد نقدر نرجع لتما تاني.. بدلت حوايجي وخارج كنسركل تيتيز أخويا ولبرد ديال بصح غادي تنسركل وهوما يوقفو عليا لبوليس تفو باين فيا لإجرام معرفتهمش حتى شنو باغين مديتلو لوراق وبقى داوي خوكم مفاهم حتى حرف غير تيدور فراسو بقاو داوين وتيشرحو حتى فقدو لأمل ومشاو لمشكل درني جوع عندي لفلوس ومنعرفش نقول شنو باغي واااع شوهة عرفتي تكره راسك أساط وحق الله دخلت لواحد ريسطو تنشير بصبعي لشنو باغي هههه تندير فيها زيزون لحل لوحيد لي بقى عندي باش نحافظ على ماء وجهي قدام لكفار ومنطيحش بدرابو ديال لبلاد أباااااااه ديك لي بحال لكفتة اباااه لبيتشوب لاحافظك.. وهاد لمحل قريب لدار عندي تناخد لقص وتنمشي لدار نعالج فيها لغد ليه أخويا تنقلب على ديك لمدرسة لي داوي عليها خونا تيحساب ليا ديال دراري صغار لقيت غير بنادم شيباني أنا صغير فيهم كين لعرب هنود داكشي مخلط دخلنا لحصة لولا من زهر داك خونا لي تيعلم فينا فلسطيني مرة مرة تيشرح بالعربية بدا معانا بالإنجليزية حتى أنا ولات راشقة ليا على لقراية تنرجع لدار تنشد شي كتاب نبقى نتهجا ونسمعو audio فنفس لوقت وعطيتها لأفلام ينعل بو لحياة بحالا كنا ميتين فاش كانو ناس كيقراو وااع ولكن بشويا بشويا غادي مع داك لعجب وليت تنقصي فداك لمحل باش نسمع بنادم شنو تيقوليه وي مزال تيحساب ليه زيزون هههه خويا سيد راه ولا تيسبقني أنا لول تنبقى فيه تيقول للي معاه هاد لولد تيقطع ليا فقلبي زغبي طبعا هادشي بلغتهم طبعا.. بديت تنمشي لديك شركة تنلقا خونا لي وصلني من لمطار تنبقى نخربق عليه nice to meet you لعطبمك عرفتي فاش دويت أول مرة مع شي واحد وحسيت براسي جاوبتو جواب مقنع حاااه Mr worldwide motherfuckers دبصح بديت تنولف لجو هنا يحساب ليا جاي لعند ليهو قوليا ليهود خليتهم فلمغرب ولاد ناس هنا خاصاهم غير شهادة.. مزال كنقلب على شي مغربي فهاد لبلاد سعيدة ولكن شعب مقااود كتقلب عليهم تيلقاوك هوما أسيدي نازل من دار قهيوة فيدي وجريدة و واحد لمدكرة وغادي لديك لمدرسة نتبعصص عليهم زعما راه وليت مقود فلإنجليزية دوز لفرونسي دبا لمهم دخلت بارك كنتسنى فخونا لفلسطيني يوصل حتى كنسمع خويا عرفتي شحال مسمعتهاش تنشوف بانتليا واحد لبنت باينا مغربية غير من لونها زرڭة هيا ماشيي شي زرڭة ولكن بالنسبة لكاليتي لي عندهم تما مفروشا جايا من إفريقيا بغيت ندير براسي مفهمتهاش تنشوف فديك لجريدة وهيا تضربني لكتفي وا زبل عرفتي بحالا كتعرفني شي 10 سنين هادي خوكم من شحاال مدواش بدارجة قلت ليها واش تنعرفك أبنت ناس؟ قالت ليا نتا لمغربي لوحيد لي هنا عتق ختك واحلا قلت ليها مرحبا شنو محتاجة؟ فلوس؟ قالت ليا لا غير دقيقة من وقتك وقف معايا حتى نتقيد قلت ليها مرحبا وقفت معاها حتى سالات قالت ليا موحال نقشبل شي حاجة عرفتي فاش سمعت ديك قشبل دموع بداو تيطيحو كنت شاك بلي غادي نعاود نسمعها مرة أخرى كون سمعوك فزنقة كتقولي هاد لهضرة كون صيفطو مك لحبس الإخلال بالحياء العام واقفين وهيا تبدا داوية لغربة ومعمرنا خرجنا من لمغرب ولمعيشة هنا فشكل أنا قلت كتلمح ليا صافي جاب لينا لله معامن نتلاهاو والعياذ بالله يلاه غنفاتحها فلموضوع وهيا تقوليا خويا راه غير راجلي لي جابني أما والله ما نحط رجلي هنا بقيت تنشوف فيها يا على بنادم كي دايير(بصوت كبور) زهر كي داير دعاوي لوالدة هادو تابعيني قالت ليا عطيني نمرتك أولد بلادي ركز ليا على ولد بلادي أساط لمغاربة كيوليو حنان فاش كيحتاجوك باركا طالقاها عليا راجلي ياا راجلي بسلامتو وتبارك الله حتى دخل خونا قالت ليه هدا ياسين وهادا هو راجلي سلمت عليه بيدي وهو يمد حنكو لمغاربة مستحيل يسلم علك وميبوسش خاصو لابدة يبوس بركنا تما ولكن دنيا عامرة قلت ليهم يلاه لشي بلاصة نتغداو قاليا لا أخويا عندي خدمة جيت نشوف غير واش تقيدات هاد لمصيبة ولا لا قلت ليه واش نتا مريض مكين لا خدمة لا والو غادين نتغداو مجموعين شحال مسمعت هاد لهضرة زوينة ديالنا خرجنا لواحد لمحل تما خونا ماشي معندوش لوقت معندوش لفلوس سيد محاك باينا تيسول على أرخص حاجة قلت ليه رتاح قلت ليك على حسابي قاليا والله ما تخلص راه درتي فيا لخير فاش عاونتيها لهيه هادو هوما لمغاربة وخا تكون واصلا ليه لعضم خاصو يبان مقود قدام لحريم هو تيحلف وأنا تنحلف بنادم داخل لمحل تيسمع والله والله ولغوات تيڭلب دورة وتيخرج تيحساب ليهم غير إرهابين حتى جا مول لمحل قالينا نقصو من صوت قلت لخونا صافي أنا غنخلص مال لي ولدك جلدة مالك.. باركين تنقصيو لقيتهم ولاد نواحي دمدينتي وااع لهربة خونا تيقرى وخدام تيدوي بالإنجليزية مباغيش ختنى تعرف بلي مقودة عليه ناري لحب وزلط تيعاود ليا بحالا تيعاودلي شي فيلم هندي والدينا مبغاوناش نتزوجو وجينا هنا وصداع دلوراق ولفلوس مكينينش بغيت نحبس دراسة ونزيد نخدم كتر باش نعيشو حسن ولكن هيا مخلاتنيش حالفة عليا حتى نكمل وختنى مريضة ومنقدرش نخليها تما لا توقع ليها شي حاجة وأنا مكينش نااري بدا تيدمع غير سكت لعطبمك ناري قطعتي ليا فقلبي تفو على كمامر كتطيحو ضيم على لواحد فأي بلاد كنت ناشط مع راسي شنو جابكم أوجوه لويل.. خونا تيعاود وحتى انا تطلقت مخلي والديا بوحدهم وخويا معرفت كيدارليه الله وأنا سبابو كنت غنقتلو وااتوحشت لواليدة وكسكسو ورفيييسة عرفتي بديت كنتنخصص(لمصطلح😁💔) ولا هو تيصبر فيا وصافي أياسين خويا راه هادي هيا سنة لحياة صبر صبر...