البرهوش الجزء 15

طلعت لدار تيباليا عبدو واقف وزوج دناس مرا وراجل باركين معمري شفتهم قاليهم هو هدا.. مفهمت والو قلت ليه شكون هادو؟ وهو ينطق داك سيد قاليا أنا علي وهادي ختي قلت ليه متشرفين ولكن شكون نتا دبصح؟ قاليا يلاه لقيتيني كنسول نفس سؤال شكون نتا؟ يلاه غنبدا نسب فيه وهو يتقز عبدو قاليا هادو ولاد أخ لحاج لله يرحمو قلت ليهم مرحبا كين شي ما نقضيو لحاج راه مات لقبر ديالو راه فلمقبرة؟ ولد لعبد دار ديك تبسيمة زعما راك معارف والو واتق من راسو قاليا معرفتش شنو درتي لعمي حتى خلالك رزقنا كامل هادشي علاش جيت بغيتك ترجعلنا لممتلكات ديال عمي وغادي نخلي ليك باش تعيش متخافش.. بقيت تنشوف فيه هاي هاي هاي(بصوت نزهة) تصورت عليه حتى أنا قلت ليه غندخل لحمام واحد 2 دقايق أنخرج أنلقاك هنا غادي نبول علك.. دخلت لحمام تراه تطلقلي لسان قلت غنخرج غادي يصلخ مي ولكن لا تنسمع دقان تيحسابلي هو حليت لباب لقيت غير عبدو تيدق خوتنا مشاو أححح زريتو معرفتش باش تبليت واااحد مولاتي تصرفيقة أخويا تراه راسي كان أيتخشا فلكرسي ديال لحمام تنشوف فيه تا علاش أبنادم لعطبمك قاليا كون عرفتي شنو درتي كنتي غادي تضرب راسك نتا واش نتا مريض دار معاك رب لمزيان خودلك باش تعيش ورجع لعند عائلتك نتا برهوش والله.. أنا مفاهم والو كيفاش زعما نخلي على لخبزة وناخد دغمة منها كتضحك عليا قاليا إوا مبروك دبا مغادي تاخد حتى فرتيتة أنا مزال مفاهم والو فين كانو هادو علاش أول مرة نسمع بيهم يحسابلي لحاج خارج من لإصلاحية معندو حتى واحد مقطوع من شجرة؟ خونا خلاني مفاهم والو وخرج خاصني ندير معاه شي حل خونا يدو تطلقات عليا تيضربني شي ضرب لواليد ومتيديروش ليا.. لغد ليه كنفيق على ولدو تيصرفق فيا داكشي لي خلاه باه غادي يكملو هو ولكن هيهات هيهات باش فايق حطيت ليه واحد لمسمنة سخونة قانون لغاب هو هدا لي حكر على شي فار يقطع ليه ديلو خرج تيبكي وأنا تابعو شنو تيديرو هاد ولد لعبد عندي وهيا تخرج بب من لكوزينة اححح كونما ولدها كون راه عندي معاها وليدات دبا فلحلال طبعا لمهم كالعادة تخربقاتلي لهضرة أنا قدامها قلت ليها شنو دايرين لفطور قالت ليا صباح نور بعدا أححح شحال كتفهم فصواب مكرهتش نتعاود فترابي أنا أخويا وهو يوقف عليا عبدو قاليا ياسين أجي واحد دقيقة مشيت معاه لجردة قاليا غادين يبقاو هنا هاد لأيام سولتو علاش؟ قاليا شنو باليك نتا زعما علاش غنكون جبتهم منقدرش نخليك بوحدك وإلا بقيت معاك غادي يبغي شي واحد يديرلي شي حاجة وإلا عائلتي أنا راه والله حتى ندور فهاد لحزاق كامل على ود عائلتي منعقل على حتى واح.. قلت ليه حبس حبس صباح لخرا واش متأكد هاديك ماماك كيفاش داك زين كامل هز هاد زبل فكرشو 9 شهر.. دبا وقت ضحك؟ شوف غادي يبقاو هنا قلت ليهم بلي دارنا غادي تصبغ ويتبدل ليها زليج بغاو يمشيو لدار ديالنا تانية ولكن جبتهم هنا كين سيكيريتي وصور خاصنا نزيدو شي سيكيريتي هنا وهن.. قلت ليه لاش هادشي كامل؟ كتسول علاش هادشي كامل ونتا دايرها قد راسك داك لكادر لي سبيتي لبارح أخر واحد تلعب معاه بحال هاكدا كنتي تاخد شويا دلفلوس أصاحبي وسالينا دبا غادي ياخد لفلوس كلها وغادي يندمك على نهار لي خرجتي فيه من لإصلاحية قلت ليه شكون هدا وشنو أندير؟ قاليا غادي تكتب هاد لفيلا للواليدة ضمان حتى إلا وقعاتلي شي حاجة وغادي نحاولو نخبيو شي فلوس فشي بلاصة باش تربح شي حاجة من هاد لقصة كاملا فلخر ومن بعد هادشي غادي تمشي معايا لعند سيد غادي تطلب منو لمسامحة وخا يعيرك غادي تحني راس.. وضفاك واش أولد لعبد مزال عايش فيامات الإستعمار زعما نتا لقباحة ونهار كامل ونتا كتعاود ليا لقصة ديال ستيلو طلعتي غير كويدير ديال راجل أوليدي لي شافك من بعيد يقول هدا هو راجل.. عرفتي يلاه غادي يشير بيا لحيط وهيا تطل مو يلاه راه لفطور واجد طيارة دخلت بركنا عرفتي دبصح تنبغي ليه مو فاش تتكون قدامي قلبي تيدير شي ضربات ماشي حتال لهيه ولكن ولدها واقف ليها فزهرها أصلا تزوجت بيها غادي يولي يقوليا بابا غادي نسالي هاد لمشاكل لي عندي وغادي نجيب لواليد ولوالدة صافي.. فطرنا وخرجنا بزوج لشي خدمة كل نهار وفين تنمشيو موقع والو خونا غير تيحلم أصلا راه زريت داك ولد لعبد داك نهار واحد سيمانة تنمشي لعند لواليد ولوالدة فليل خونا قاليا نعطي ديك دار لمو هادشي لي درت مدايرش فيه تقة ولكن ماماه داير فيها تقة لعمياء أسيدي حاس بشي تخويرة تاريخية جايا فطريق خونا قالك دفن فلوس هو بوحدهم لي عارف فين دارهم ممشيتش معاه+دار يعني تخويرة ثنائية مادية و عاطفية زعما أنحس بالخيانة.. أسيدي خونا هضرتو طلعات على حق واحد طوموبيل ولات غير تابعاني دخلنا لصال كتبقى واقفة حتى نخرجو بقيت حتى تأكدت ديال بصح باي تابعانا قلتها ليه قاليا على سلامتك شفتها سيمانة دبا كنت باغي غير نشوفك إمتى أتعيق راه هادشي علاش مديتكش معايا فين حطيت لفلوس..

يتبع