البرهوش الجزء 16

باركين فدار حتى تيصوني ليا لمحامي قاليا راه ولاد خوه رفعو شي قضية باش يطعنو فديك لوصية قلت ليه راه خدمتك هادي نتا تعرف شنو خاص دير قاليا غير سمحلي شوفلك شي واحد أخر.. أودي باش محزم قطعت عليه قلتها لعبدو قاليا بلي خاصنا نمشيو عندو باش نبركو وندويو وغادي تطلب سماح وتعطيه شنو بغا وصافي مريضنا معندو باس الا سولك على دار قوليه بلي بعتيها وصافي.. هادشي لي درنا صافي قلت اللهم شويا ديال صرف حسن من والو وصداع مشينا لفيلا ديال خونا غادين فليل ديك طوموبيل كالعادة ورانا فاش قربنا لديك دار وهيا توقف قدامنا باش وقفنا نزل واحد خونا جا لعندنا رجعو منين جيتو قاليه عبدو راه غادين غير باش ندويو معاه غادي ياخد داكشي لي باغي.. ساط جبد تيليفون عيط لداك خونا قاليه بلي باغين ندويو معاه بقاو داوين شويا وقطع قالينا غدا مع 2 أجيو تحركنا راجعين متبعناش هاد لمرة لمهم غادين راجعين قاليا عبدو كون غير خليتيني ندوز ليلة مع عائلتي بوحدنا فدار قلت ليه وخا علاش لا وصلنا لدار نزل هو دخل وشديت أنا طريق لعند لواليدة ولواليد أصلا هانية خونا باغي يدوز ليلة مع عائلتو بوحدهم دخلت لدار مكينش مهدي تعشينا وريحنا بحال ديما تيسولو فيا واش مزال مناويش ترجع قلت ليهم مبقى قد ما فات هادا شهر ليا صافي فرحو وأخيرا أنرجعو كاملين لنفس دار قلت ليهم بلي خاصني فين نبات أنمشي لدار لقديمة أصلا سوارتها عندي خرجت غادي لديك دار شحااال مدخلتش ليها وصلت كتباليا طوموبيل ديال مهدي قدام دار مفهمت والو واحد شويا تيباليا خرج من دار عيطت على لواليد قلت ليه واش غادي يبات فهاد دار؟ قاليا صبر نعيطلو نسولو هادشي لي دار عسولو وعيط ليا قاليا راه جاي لدار هنا غير خود راحتك.. حليت لباب ودخلت لدار ريحت شراب أخويا بديت تنشمشم تراه بنادم هدا مجبد فلفراش لواليدة رجليه زوينين وييع تراه بنتش حولهم لهيه وقلب هاد دار برتوش ناري قودها خاص نوصل هاد لخبار للواليد ليوم قبل من غدا طفيت ضو باش منفيقهاش وحليت شرجم حيدت لمانطة وييع تراه تنعرف خيتي هيا ديك مريم وشيطان عندي برهوش فعقليتو قاليك قيصها لا تكون ميتة ولا شي لعبة ختنا حتى هيا على لقرص غير حطيت صبعي وهيا تحل عينيها ومع ضو طافي تراه قلبي كان غادي يسكت قالت ليا مهدي رجعتي كنت عارفاك أترجع دارتلي بلاصة تراه ممتيقش ناري ويلي لا داك شيطان قاليا شوف إلا فلتي هاد ليلة معمرك تعاود تدور بيا بلاصتك فالجنة نتا ههههه أصلا جهنم فيها لعشران بزربا سديت شرجم ورجعت ليها تيحساب ليها مهدي معرفتش واش ديجا دارو شي لعبة زعما تعرف لفرق😅(مبقيتش تنحشم عارف عارف😊) تراه معقلتش إمتى داني نعاس معرفنا واش هيا لي شاربة ولا أنا تنفيق على واحد مولاتي غوتة لحمي بورش عليا كنضرب على ختنا باش أنشرح ليها تراه لباارح كان خاصني نخمم لهاد ساعة كيفاش أنشرح ليها وهيا ديجا شايفاني كتقوليا نتا شنو كدير هنا؟ لبارح مهدي؟ قلت ليها غير سكتي وغادي تفهمي كلشي دبا أنخرجو من هنا قبل ما يرجع قالت ليا واخا لبست وخرجنا طلعات معايا فطوموبيل غادين دبا أش أنقوليها أصلا هيا متعوداا قالت ليا كيفاش غادي مع لخدمة وداكشي لي خلالك لحاج قلت ليها بيخير كلشي مزيان كنت مسافر يلاه رجعت.. وهيا تقوليا نتا هو خو مهدي لي خرج شحال هادي ياك؟ قلت ليها كيفاش عرفتي؟ شي حاجة باينا عندك سوارت دار وحافظها وداك سيد رباك من خيرية ولا إصلاحية وعاد كتشابه نتا ومهدي.. تراه من عائلة عبدو هادي يمكن ختنى شدات راس لخيط بالخف منقدرش نكدب قلت ليها أه هو أنا.. وقفنا فواحد ريسطو تنفطرو عبدو تيصوني عليا مبقى والو درنا مع داك خونا مع 2 قد قد خاصني نمشي حطيت 50 قلت ليها هادي لفطور وحطيت ليا داكشي لي بقى فلبزطام هادو لك غادي بزربا وهيا توقفني أش هادشي دارتهم ليا فجيبي وباستني لا بوسة ديال بصح ليد لي دارت لفلوس فجيب جبدات تيليفون قيدات نمرتها وصونات لراسها.. كيفاش زعما صافي فابور؟ غادي مكمل طريقي قالتلي صبر وصلني معاك قلت ليها وخا غادين وباغيا تشد ليا فيدي ناري هادي مالها أصلا فاش تلاقيت بيهم داك نهار بقاو كيزللو عليا غي بريط دبا ختنى درتلها فاش تلصق مخلطاها ولد دلك سيد وخويا ودبا حتى أنا.. وصلتها لفين باغيا قلت ليها متنسايش مشفتينيش ليوم مبغيتش مهدي يسمع عليا شي حاجة.. حطيتها ومشيت عند غبدو لقيتو كيتسنى فيا مخلانيش حتى ندوش غادي مجونب متشائم من هاد نهار أنا.. وصلنا مع ديك 2 وربع لدار خونا حل لينا سيكيريتي لباب لقينا ساط لي كان تيعس عليا تما غادين تابعينو فواحد جرداا لقيناه بارك حدا لابيسين بغا عبدو يدوي قاليه سكت نتا خليه هو يدوي تيشوف فيا وأنا مزال ممأكدش بلي صافي غادي نرجع ليه هادشي كامل قلت ليه جيت نديرو حل بلا محاكم بلا صداع قاليا واخا غادي ترجع ليا فلوسي وغادي نبول علك أنا بديت تنضحك تيحسابلي تيضحك قاليا داوي بصح غادي تنزل لابيسين دبا ومن بعد غادين نديرو بحالا موقع والو هادي لفكرة ديالك واش نسيتي.. أنا بقيت غير تنضحك تنشوف فعبدو قاليا غير دير ليه خاطرو وااع واش كاع بنادم هرب ليه ولا كيفاش مبغاتش تصرط ليا حتى فتخيل انا بعدا ومع داك لأدرينالين دخلتلك فخونا بوااحد دماغ حتى طاح فداك لابيسين مع لعلم مموالفش تنضرب براس تنشوف فعبدو زرب ليا على خونا لي دخلنا انا تيباليا ساط باغي يطع من لابيسين راسو حدا رجليا داك شيطان عندي وهو يدير ديك طننن من حفرة حفرة لأخيه وقع فيها صدق الله العضيم إلا الكرامة يا أعداء الله و أصلا كنت مزاااير من لبارح جبدت داك سميتو عليه وتنفكر واش نديرها ولا لا خونا باش مطلع راسو دوشتليه عبدو تيجر فيا صافي البرهوش جينا نعاونو لعور عميناه.. خرجنا بزربا من تما أنا راه كنموت بضحك كنقوليه واش شفتي خونا شنو وقع ليه.. أصلا كنت عارف هادشي مغاديش يدوز بيخير حيت جاي مجونب وصلنا لدار دخلت نيشان دوشت بعدا عاد خرجت ملقيتش لميمة ومرات خونا و ولدو سولتو فين مشاو؟ قاليا رجعو لدر.. كيفاش ياك جبتيهم حيت هنا غيكونو فأمان راه دبا عاد غادي يحقد خونا راه بلت عليه واش كتفهم شنو هيا بلت عليه معمرها غادي تصرط ليه هادي.. قاليا رجعتهم لدار تما حسن تال من بعد وغادي تفهم نتا دبا غادي تجمع حوايجك وغادي تخوي لبلاد رجع فين كنتي ديك لمرة خونا أي حاجة سولتو عليها تيقوليا من بعد وغتفهم, ونرجع فين كنت واش هدا مرييض و والديا لي قلت ليهم هاد شهر أنرجع ساط جرني لبيت تيجمع ليا فحوايجي...

يتبع