البرهوش الجزء 17

خونا تيجمع ليا فحوايجي قاليا غادي تخوي لبلاد هاد سيمانة انا منقدرش نمشي لشي بلاصة ونخلي لواليد ولوالدة لي واعدتهم باش أنرجع وفلوسي لي أتروح فلكلام لفاحش قلت ليه منقدرش قاليا خاصك تمشي على لأقل حتى يبرد خونا شويا ماشي بزااف واحد شهر ولا زوج وهانتا غترجع لدارك.. مقديتش نقول لا حتى أنا تندير شي حوايج بعد المرات مستحيل يديرهم إنسان بكامل قواه العقلية, قلت ليه صافي غير حطهم أنا أنجمع حوايجي وغنمشي قاليا صافي أنا غادي نشوف محامي وغادي نعلمك بكل حاجة غتوقع بحالا هنا كون هاني من هاد ناحية.. صافي أنرجع تاني أصلا توحشت داك لجو بعيد على هاد صداع عيطت على لواليدة قلت ليها بلي خاصني لابدة نزيد واحد شهرين ولا تلاتة فلخدمة ومغاديش نقدر نخلي مول لمحل بوحدو طلقتها عليها ديال بصح لمهم دخلت ليها لراسها بلي مغاديش نبقى ندوز عندهم فليل ونمرة غنبدلها ومنقدرش نعطيها جديدة دبا.. تنكون بارك حتى كطيح ليا تصويرة ديال خونا فلابيسين تنبقى ندحك غير بوحدي ونهار لمقود بارك أنا وعبدو ومراتو ولحب فطابلة وحدا وتنقصيو كسكسو ناري بلان ديال ليهود ولد عبدو تيخوي لبن فلقصرية باه وهو يشوف فيا فاش فكرك هاد لبعلوك طاحتلي لقطة فبالي وبغيت نحبس ضحكة وهيا راه فاش كتبغي تحبسها عاد كتولي خطييرة حداري متحاولش تحبسها تراه باش كنزير وهيا تخرج بعطستها بحال شي عملية إرهابية شي تيعلب على زيف يمسح وجهو شي تيضحك شي مصدوم كانت أخر ليلة ليا معاهم مسبوني موالو ولكن حاس بلي طحت من عين ختنى أصلا دبا غتبغي تعاودني فترابي هاانية.. لغد ليه غادي موصلي عبدو باش ايحطني قدام لمطار شكون تيعيط ليا ديك مريم جاوبتها سلام سلام قالت ليا عطيتك نمرة معيطتي ليا موالو زعما مخلي نمرتي ديكور ولا كيفاش ختنى كتضحك معايا قلت ليها لا غير مشغول شويا دبا لقيتيني فطريق لمطار يلاه كنت أنحيد هاد نمرة قالت ليا صافي خلي ديال لواتساب ندويو تما راه صيفطتلك مساج شحال هادي ونتا مكتدخلش.. قلت ليها غير نحط رجلي فدار تما غادي نجاوبك غير رتاحي.. غير قطعت وهو يلبقني خونا شكون هادي لي كتدوي معاها البرهوش كينا شي وحدة بلا خباري بقيت تنشوف فيه بغيت نقوليه منقدرش نخون لواليدة ديالك ولكن منقدرش بغيت نمشي بوجهي صحيح أسيدي طلعنا فديك طيارة غادين وشاد واحد لمجلة زعما تنقرا واحد شيباني حدايا تيسول فيا واش غادي تخدم ولا تقرى؟ واش عندك عائلة تما؟ بقيت تنجاوب حتى ضرني خاطري بغيت نعيط على لمضيفة تما ختي نزلو هاد زبل فلبلاكة جايا بروجولا ضرني فكري شويا بدا تيعاود ليا ولدي تبارك الله وبناتي تبارك الله وراني تصاور تنضرب على تصاور تراه سيد مزوج بغاورية والد معاها لقوق وليت تنقوليه غير عمي عمي أه خدام لحمد لله ومعندي عائلة مقطوع من شجرة أنا ولكن صلاة فوقتها ديما إلا الصلاة إلا الصلاة.. يلاه بدا سيد تيولفنا وغادي يعرض علينا زعما يولي مزوجنا بوحدة فبناتو وحنا نوصلو أودي لي معندو زهر معندو زهر كي فلمغرب كيف فغيرو كي فلأرض كيف سما.. نزلنا أسيدي تندور فعينيا سيد طار خديت صاك ديالي خفيف ضربتو فظهري خارج وأنا نسمع ياسين أحح صوت شيباني تيباليا جار شي حوايج قاليا عاوني الله يرضي علك رجعت جار ليه واحد لباليزة لباب وهيا توقف علينا مراتو تراه ميمة يا كاملين زوينات ولا أنا فيا شي مرض ديال لميمات يمكن حيت ناقص حنان غنرجع لعند لواليدة نشبع حنان ورفيسة أخويا باش نتعالج.. لمهم سلمت عليها بيدي ودرت فيها مأاادب تنحشم زعما قاليا يلاه نوصلوك معانا معاودتش معاه لهضرة غادين قاليا فين غادي تبقى قلت ليه دار لي كنت فيها مخليها لواحد ناس بحال وجهك لله يعمرها دار مقديتش نمشي لعندهم سيد هو ومراتو وبزز باش وافق يبقى فدار سيد معاافر وخا واصلا ليه لعضم غادي يشوفني رجعت أيخرج غنبقى فشي فندق حتى نلقا شي كرى قريب لخدمة قاليا علاش تقدر تبقى معانا مراتو وهيا تدير فيه ديك شوفة ديال منيتك كان تيحساب غير دياولنا لي مسيميمات طلعو كلهم مسڭين بمغرفة وحدة أصلا أنا منبقاش معاه وخا ميكون عندي فين نمشي عندو لحريم وأنا عندي لوسخ فضوسي شيطان تيلعب بيا بزربا فلبلاصة قلت ليه لا منقدرش قالي اوا ملي مبغيتيش تبقا يلاه غير تعشا معانا قلت ليه وخا وصلنا لدار كيبالي ضو طافي دخلنا لقيناها خاوية وييع فين هو تيتيز لي وراني بركنا فطابلة وهو يقوليا كان خاصك تشوف لأولاد عندي ولكن معندك زهرك ليلة بايتين فدار خوهم لكبير اودي عارف راسي معندي زهر تعشينا غادين موصليني لباب حلينا لباب حتى كتضربني واحد ريحة زوينة كنشوف تراه بناتو غنبات😇 بقاو تيشوفو شكون هدا قاليهم صديق ديالي معرفت بيمن نبدا 3 فوطوكوبي سلمت بيدي اخويا نسلم بحني نولي موسخ سلعة لماليها خرجت من عندهم وعااارف راسي غادي نعاود نشوفهم.. مشيت لواحد لوطيل بايت داوي مع ديك مريم قالتلك أسيدي أنا زوين وحلمات بيا كاع عرفتي هاد حلمت بك واش بنادم متيحشمش فاش تيقولها زعما حلمتي بيه ولا بيها كتصليو لعشا راه باينا لحلم علاش كيدور حيت أصلا فاش تنكونو ناعسين كتكون حاط راسك على لمخدة والفص الأمامي كتأثر عليه الجادبية ديال زحل وكيتكى على الفص الخلفي شويا وكيتولدو لينا أحلام ديال سميتو عليه(عميييق وشااابع فلسفة) لمهم خاص تبداو تنعسو على جنبكم الإخوان من ليلة.. أسيدي حتى أنا جاري مع ختنى فالهضرة قالت ليا بلي تطلقات ومبقاتش كتوقف مع خويا أنا عرفتها كتفرش لشي غولاسيو دبا نقدرش نقول لا فرشتها ديك ليلة ديما أنا خارج لهاد زبل دخويا فعودو ديك لمرة كنت انقتلو دبا غادي ندي ليه درية لي حاط عليها لعين عام ولا كتر زعما إلا مسمحليش ليا هاد سيد معندي فين نرقد...

يتبع