البرهوش الجزء 18

مدوز ليلة فواحد لوطيل تندوي مع ديك مريم مخلاتنيش نعس وأنا عارف راسي من داك نوع لي تيولف بنادم بزربا يعني إلا طولنا فلهضرة غادي نولي فشي حاجة غادي تزيد تعقد ليا حياتي كتر ما هيا معقدة.. لغد ليه فايق بكري باش مشيت لديك شركة حيت عارف فيها محامي نقدر تسولو على هادشي لي واقعلي قاليا معندك مناش تخاف غادي يطير ينزل داكشي ديالك دبا حالة وحدا لي تخاف منها هيا إلا وقفو معاه شهود لي كانو.. تنعيط على عبدو نسولو شكون هاد شهود لي كانو مع لحاج قاليا متخافش أنا لقيتيني غادي عندهم نسا نتا هادشي شويا ضربو على حسابي سير تعلم ليك شي حاجة دوز بيها لوقت.. هادشي لي درت راجع لبلاصة لي كنت فيها باش نشوف ديك لبنت وراجلها شحال مدويتش معاها وصلت لتما باش نازل من طاكسي غادي داخل لدار تيباليا هو خارج منها بوحدو سلمت عليه قاليا إمتى رجعتي قلتلو غير لبارح جيت غير نشوفكم واش بيخير؟ خونا وهو يعقني تاني تنسول فيه مالك المرض خونا تيبكي قاليا راه ماتت سيمانة دبا تنشوف فيه منيتك راه دويت معاها داك نهار قالتلي بلي معندها باش قاليا لموت جات فجأة نتا كنتي بحال خوها متنساش تداعا معاها.. عرفتي خونا بقى داوي عزيز عليها ديما كتدوي علك يلاه غنبدا نبكي وهيا تطل من شرجم ياسين إمتى جيتي خونا معرفتش كيفاش قلب لبكى ضحك تراه ميكرووب والله حتى بورشني مشا هو وهيا تنزل لعندي سلمت عليها سلام مغربي بقينا داوين قالت ليا بلي بدات كتدير لعلاج لمهم بركنا فواحد لكراسي حدا دار أنا عارف هاد خيتي هيا لي غادي تفكر معايا شنو غادي ندير حيت شااابعة تفلسيف وتقة لمهم عاودتليها داكشي بختصار مخلاتنيش حتى نكمل كتقوليا رجع لداركم بعد على هاد صداع كاامل رجع لداركم تعلم ليك شي حرفة كيما كنتي باغي شحال هادي.. واش من بعد هادشي كامل غادي تدخلي شي حرفة لدماغي وزيدي راه أنا مقودها مع خويا لكبير إلا عرفني شنو درتليه مغاديش يعاود يشوف فيا.. ختنى والو بقات شادالي فرجع معندك مدير هنا وبصح معندي منبقا ندير هنا قلت ليها صافي غدا ولا بعدو أنرجع قالت ليا حتال سيمانة جايا باش نرجعو مجموعين هادشي علاش بقات جاقراني باش نرجع قالت ليا راه كمل قرايتو مبقى عندنا منديرو هنا وبغيت نرجعو مجموعين قلتي بلي كلشي مرون تما دبا غادي تمشي معايا لدارنا غادي تريح ترتاح لجو زوين ولبحر حداك غادي تفكر مزياان فشنو غادي دير.. بقات كتحلف عليا حتى نمشي معاها قلت ليها ممحتاجاش تحلفي غنمشي معاك كيف بغيتي كيف كرهتي راه بغيت نشوف نساب ولمدام واش نسيتي وبلاما تقولي ليا زوجتوها بقينا داوين حتى تم راجع خونا برك معانا نفس الهضرة بحالا كانو عارفيني غادي نرجع ليوم لمهم غادي نكمل هاد سيمانة وأنرجعو مجموعين خليتهم فدار ورجعت لوطيل مجاتش نبرك مع سيد ومراتو أصلا كين غير بيت وداك لفوطاي فشكاال لمهم ديك سيمانة كملتها تما غير تسركيل بلاما قاد خونا لوراق ديالو صافي غادين مني طلعنا لديك طيارة وختنى كتدوي توحشت مي توحشت با توشحت كسكسو ناريي تراه مسكتاتش حتى وصلنا شدينا طاكسي غادي بينا أول مرة نمشي لديك لبلاصة لي ساكنين فيها بعيدة شويا جات فواحد لخلا تيخلع ومڭايلينها لحتى واحد فعائلاتهم وصلنا لدار ختنى خارجين والديها وديك ختها أححح تفو نسيت مجبتش شي كادو تيشوفو فيا زعما شكون هدا؟ قالت لمها هدا هو داك لولد ياسين لي عاودتلك عليه جا معانا غير بزز سلمت عليهم زعما مأاادب وي خالتي الله أخالتي راك فمقام خالتي تراه معنديش مع صواب لمهم دخلنا معالمينش دارهم مموجدين والو وأنا غنموت بجوع بقيت صابر تنحك فيها حتى حطو قدامي واحد طبصيل ديال لمسمن دبا شنو لبلان لمسمنة تنطويها على ربعة مكتبقاش فيها لبركة تراه طبسيل مسخ من جهتي ولكن بروجولة ديك لبرهوشة ديال ختها فسرااا ولمقودة لبنت لي عارضا عليا حنان بنت لعبد مكتحشمش بارك تنصيفط فلمسمن فمي عامر وهيا تقول ليهم راه ياسين جاي يشوف لبنت زعما غير يقاد شي خدمة عندو وغادي يجيب والديه عرفتي ديك دغمة لي ففمي مبقاتش باغيا تنزل مكنتش مستعد ومضاربش لهادشي حساب مها قالت ليا مرحبا بولدي تراه مبقيتش قاد نطلع راسي وي برهوش ولكن راه تنحشم فهادشي أخويا ولبنت دارت بناقص كاع ناضت أنا محملتش هاد لبلان أصلا كنت غير تنضحك معاها بديك لهضرة ديال ختك ختك أنا لي تنبغي تقدر تولد 3 من هاد لبنت لمهم بارك تنقوليهم غنمشي تيقولك والله حتى غتبقى معانا على لأقل واحد ليوماين وباها قبيح فلااح ومن داك نوع لي تيحلف بسادة ها عار سيدي بالعباس خويا أنا تيخلعوني هاد نوع نقدر نقوليه لا يخرجو فيا دوك لحلفات ديالو صافي غادي نبقى واحد ليوماين معاكم...

يتبع