البرهوش الجزء 19

أسيدي دخلت لواحد لبيت حطيت باليزتي فالقنة فيه غير تنجري بهاد لباليزة بحال شي هبيل غادي جاي لمهم ركبت لكارط ديالي فتيلي خرجت تنسول على شي حانوت لقيت واحد لبرهوش قدام لباب يحسابلي ولدهم صغير مديتلو 50 درهم وعطيتو 5 دراهم زعما راه تهليت فيه رجعت لبيت ساعة لولا ساعة تانية لبرهوش والو حطو لغدا وأنا مزال تندور فراسي مزال طامع بيه يدخل من لباب قلت ليهم واحد لولد كان قدام لباب صخرتو تعطل قالت ليا معندناش دراري حنا كاع ويييع تراه مبقاتش فيا 50 درهم بقات فيا ديك 5 دراهم لي زدتو ميستاهلهاش.. لمهم كنتغداو وداوين على ما فهمت سيد لي جاي معاه راجل هاد حنان منوضها مع دارهم قاليهم منقدرش نمشي لعندهم دبا حتى هو مسخوط كتاار مني أنا غير تغديت وخرجت عيطت على لواليدة قلت ليها بلي غادي ندوز عندهم بعد غدا فليل قالت ليا خوك غادي مسافر أجي غدا غنبقاو غير حنا فدار.. سولتها فين غادي هو قالتلي راه غادي لفرنسا عندو شي خدمة تما؟؟؟ خويا شنو غادي يديه لتما أشمن خدمة؟ قالت ليا منعرف لمهم غادي يخرج غدا فصباح قلت ليها صافي غدا مع ديك 2 غادي نجي لدار دوزت داك نهار معاهم فليل بارك فبيتي وهيا تدخل عليا لأم سلام سلام كيفاش داير بيخير لحمد لله قالت ليا انا ديرني بحال ماماك واش لهضرة لي قالتها حنان بصح؟ قلت ليها مكرهتش ومعرفتش تاني أنا دبا يلاه جيت ومزال عندي شي خدمة خاص نقادها هنا وعائلتي ومعرفتش إمتى غادي نرجع لتما تاني مبغيتش نخليها تسنى فيا.. قالت ليا صافي أولدي خدمتك وعائلتك هوما لولين حنان دكراتك ليا غير بالخير ومكرهتش تكون من لعائلة.. تراه سيدة لعضاامة ديال بصح بزز مني قلت ليها لحاجة صافي لبنت بنتكم ولولد ولدنا(راه قلت ليكم معنديش مع صواب) صافي غندوي مع لبنت بعدا وباش ما كان أتكوني نتي لولا تعرفي شنو غندير.. ديك ليلة حطيت تيلي بعيد عليا وبقيت تنفكر شنو غادي ندير أول حاجة خاصني ندير هيا نمشي عند والديا غدا باش نيت نفكر مزياان.. لغد ليه فايق معطل يلاه فطرت توادعت مع هاد ولاد ناس بقاو تيشدو فيا باش نبرك قلت ليهم بلي خاصني نمشي لابدة عندي خدمة عيطت على طاكسي لي وصلنا لبارح وصلني لدارنا لقيت غير لواليدة فدار لواليد مشا يوصل مهدي لمطار لواليدة شافت باليزة بدات كتسول فين كنتي هاد لمرة غتجاوب بصراحة شنو كتدير فهاد لخدمة علاش مباغيش ترجع لدار.. منقدرش نجاوبها بقيت تنعاود ليها نفس سيناريو خدام مع صاحبي فالمحل ديالو ومنقدرش نرجع لدار حيت خدام مع سيد ومزال مبغيتش مهدي يشوفني.. بقينا داوين حتى دخل لواليد بستلو يدو سولتو على مهدي قاليا راه سافر سولتو أشمن خدمة غادي يدير تما قاليا شي شركة ديال شراب إلا صدقاتليه هاد لخدمة غادي يتقاد كلشي.. بداو عليا خاصك ترجع ها خوك خدام مزيان وكلشي تقاد علاش مزال باغي تبعد نفس لهضرة تاني.. مشيت باش نرتاح ونفكر زادو وقعلي لعكس دخلت لبيت مهدي باش نرتاح عيطت على عبدو هاد لمرة دويت معاه بصفة مولشي مكين لا إمتى جيتي لا والو غدا بغيت نعرف شنو درتي وشنو واقع قاليا صافي غدا دوز لدارك وعيطلي باش نشرجلك.. بارك شاد تيليفون داوي مع ديك مريم حتى هيا عرفاتني نزلت لمغرب درت معاها فلخر ديال سيمانة باش نتلاقاو قالت ليا بلي مزال كتدوي هيا ومهدي قلت ليها مزيان بغيتك تعرفيه فاش خدام قالتلي وخا غنبقى ندوي معاه ولكن على ودك.. لمهم من شحااال هادي مكملت 24 ساعة كاملا مع والديا قلت ليهم متسولوني على والو بغيت ندوزو نهار بحال شحال هادي فطرنا خرجنا سركلنا لمدينة تغدينا على برى رجعنا لدار بقينا غير لهضرة لهضرة لحتية فلان مات فلانة ولدات كاع خبار لعائلة عرفتها فليل هزيت باليزتي ومشيت لفيلا دخلت حطيت حوايجي وعيطت على عبدو باش يجي عندي كنتسنى فيه وداوي مع مريم قالت ليا راه خوك مصدقاتش ليه ديك لخدمة وتحنسر ديال بصح قلت ليها واش إلا عطيتك شي بركة تعرفي كيفاش توصليها ليه بلاما يعرفها مني؟ قالت ليا أه صافي ضربها على حسابي.. خاصني نعاونو هو لي تيصرف على دار نعطيه شي حاجة يبدا بيها.. وصل عبدو بركنا مضحكت موالو قلت ليه شنو درنا مع خونا مزال رافع ديك دعوة قاليا أه راه درتلك محامي, سولتو على شهود لي جاب قاليا أنا وشيفور ديال لحاج لي شهدنا سولتو على شيفور قاليا داك سيد رجولة مغاديش يكدب وأنا راك كتعرفي بلاما ندوي.. لمهم كنت ممرض راسي على والو خونا معندو ميدير خرج عبدو من دار بارك قدام تلفازا كنتفرج قلت أجي نعيط على حنان ناخد من عندها نمرة ختها لقيتها مصيفطااها ليا فمساج بحالا قراتني قالت ليا ها نمرتها إلا بغيتي تدوي معاها لمهم معيط ليها مع ديك ل10 ديال ليل سلام سلام عارفاني شكون قالتلي واش لباس كيفاش غادي مع خدمتك.. مزعمتش ندوي معاها فشي حاجة قلت نبقى داوي معاها عادي حتى تجيبها لهضرة لمهم ساعة وصرف ديال لهضرة ومدوتش معاها فلموضوع لي معيطلها عليه ولكن ديك ساعة ديال لهضرة قريت ختنى باغا كنت حاڭر راسي لمهم قلت ليها سلميلي على خالتي وتصبحي على خير وقطعت..

يتبع