البرهوش الجزء 20

لغد ليه أول حاجة فقت عليها مريم كتصوني ليا قالت ليا بلي مهدي جاي واش غادي تعطيه شي فلوس قلت ليها أه درت معاها فواحد لقهوة قريبة لدارهم قالت ليا هانية بنادم يمشي عند مو أين هي الأنوثة أنا لا أراها.. معرفتش واش يبغي ياخدهم من عندها ولا لا ومعرفتهاش هيا بعدا واش أتعطيهم ليه ولا تاخدهم بنت ناس تديرها ولكن معامن غنبقى حاضيها نشوف واش أتعطيهم ليه ولا لا مشيت لبنك جبدت واحد لبركة غادي ضاربهم فشكارتي كنتسنى فيها فديك لقهوة حتى جات لعندي بحوايج ديال دار ريحنا وهيا تقول لسرباي زوج WINSTON لله يحفظك دبا هادي بنادم على صباح وفدربهم لمهم مداتلي صاك بحال داكشي ديال لأفلام خديت جورنال من فوق طابلة ضربتهم فيه ودرتهم فصاك مديتو ليها قلت ليها عطيهم ليه ولكن ميعرفش بلي أنا لي عطيتهم ليه قالت ليا واخا صافي راه هادشي لي قلت ليه بلي بابا خلاهم ليا و غدا غادين نتلاقاو أنعطيهم ليهم وييع كان يحسابلي أتعيطهم ليه ليوم باش نشوف واش أتعطيهم ليه ولا لا ولكن حتى دبا نقدر نعرف لواليدة غادي تفاسرها تيليفون واحد نعرف لخبار.. قالت ليا تسناني نحطهم فدار نبدل حوايجي ونجي لعندك قلت ليها بلاش مرة أخرى قالتلي والو دبا هيا دبا قلت ليها يلاه غير متعطليش ختنى دخلات لدارهم بقات كتصبع وكترسم عاد خرجات ديتها معايا لدار نيشان هيا عارفاني وأنا عارفها نبقاو نضحكو على راسنا لمهم تراه مبغاتش تمشي لدارهم نهار كامل فدار مدرت والو داك نهار محسيتش بالوقت حتى ضلام لحال باركين كنتفرجو فواحد لفيلم كنشوف فتلفازة ومعرفتش لفيلم حتى علاش داير كنخطط كيفاش غنبدل هادشي كامل صافي هادي غادي تعطي لمهدي لفلوس غادي يولي يشوفها فالقمر غنتهنا منها ونقاد لأمور مع مهدي نقدر ندير معاه شي خدمة زعما يتشارك معايا بلفلوس لي أصلا ديالي ويمكن نتزوج كاع أصلا زواج صغر زوين.. بارك تنفكر حتى تنسمع دقان أنا قلت غيكون غير سيكيريتي غادي نشعل ضو طافينو حيت كنتفرجو زعما لمهم غنحل لباب تنضرب على ضو لي خارج من تحت لباب تيبانو ليا رجلين ديال بنادم على لأقل واحد 4 دبنادم عرفت طاريا شي حاجة قلت لختنى ششش تبعيني كتقوليا مالك نزلنا للكراج قطعت ضو وعيطت على عبدو منعرف شكون داخل لدار قاليا دخل لكراج وسد علك انا جاي.. ختنى كتسول فيا شنو واقع قلت ليها بقاي هنا أنا جاي لعندك شعلت ضو واحد جعبة ديال لحديد هزيتها وطلعت ليهم مباليا حتى واحد عند يمكن مشاو يلاه غنقوليها خرجي تنسمع تقرقيب فلباب لي لور حليت لباب لقدامي حيت عارف عبدو غادي يوصل دبا باش وصلت لباب لي تيضربو فيه وهو يتحل بنادم ضارب كاڭول ديك جعبة صيفطتها ليهم بدون شعور مكانش خاصني نطلقها ولكن ديك ساعة مع لخلعة مكتبقاش تفكر أنا راه رياضة ولقباحة ولكن شحااال عادي مطايفتش من أيام لإصلاحية بديت كنصيفط ليهم لكراسي لمخاد أي حاجة حدايا وكنغوت خوتنا معرفو باش تبلاو حتى كيدوز من حدايا عبدو كيف شي طيارة أخويا تراه بحال شي تور لي تيضربو تيطيح أخويا نحمد لله مني غير تيصرفقني من ليوم اتباليا مو دايزا من هاد طريق غادي ندوز من طريق لأخرى.. أخويا راه مدوز لعسكر فأمريكا سيد راه وحش تيحيد ليهم فداكشي لي دايرين على وجهم وهوما يدخلو لبوليس عيط عليهم فطريقو هزو ليا خوتنا وقاليا خاص تمشي معانا نزلت بزربا عند ختنى طلعي لبسي حوايجك وسيري لداركم غدا عطي ديك لفلوس لمهدي قالت ليا واخا ولكن شنو واقع اش هاد صداع شكون هادوك قلت ليها ماشي شغلك هادشي ديري داكشي لي قلتلك طلعت غادي معاهم واحد سيكيريتي بالخف ربطوه وتكرفصو عليه زعما معولين عليه لمهم وصلنا لكوميسارية وأنا مجونب تاني أنا أصلا كنت متشائم بهاد ليلة تراه بقاو ليلة كاملا شادينا واش كتعرفوهم واش اول مرة شنو خداو واش ضربو شي واحد لمهم مرجعنا لدار حتال شي 3 دليل ممحتاجينش ندويو على شكون دار هادشي عارفينو بزوج قاليا هادشي علاش قلتلك مترجعش دبا راه غير خايف علك وصافي قلت ليه عارف لي كين ولكن بغيت نقاد هادشي شحال جهدي ما نهرب بغيت نفك هاد لمشكل يمكن غادي نتزوج بدا تيضحك عليا نتااا نتا غادي تزوج دير عقلك بعدا عاد دير عائلة تراه حاڭرني هاد سيد قلت ليه وخا غير صبر تبرد لقدية وغادي نفرجك.. بقى معايا فدار قادينا لباب وبات معايا لغد ليه شكون تيفيق فيا سعاد مو خويا كنعيا منقول صافي غنساها ولدها قبيح ولكن قدامها كنتلف لقلب معندو عقل قالت ليا صباح نور نوض تفطر قلت ليها وخا غادي خارج معاها عارفا شنو وقع لبارح هادشي علاش جات لمهم باركين تنفطرو وعبدو تيعاود ليها شنو وقع بلي غير شفارا وصافي تشدو دبا قال ليها يلاه لدار نشوف شروق ولود خليناهم بوحدهم ونمشي لكوميسارية وييع أول مرة نسمع سميت مراتو شروق وييع عبد الوهاب شروق كينا شي أزمة أسماء ولا منعرف لمهم قال لمو باش يمشيو قالت ليه غير سبقني أنا عندي شي شغل غنقضيه وغنتبعك خونا خارج وتيدير فيا دوك شوفات ديال حضي كرك إلا لواليدة خرج أول مرة نبقاو راس فراس تراه كتشوف فيا وكتشرب فقهوة أنا مفهمت والو لمخيخ ديال دماغي تفورماطا هادي مالها جرات صاكها ضربات يدها فيه ومداتلي شيك فيه 150 مليون صدمة كتر ما أنا مصدوم قالت ليا هادو دياولك ثمن ديال هاد لفيلا قاليا عبدو بلي عطاك فلوس باش كتبتيها ليا ولكن انا تنعرفو فاش تيكون تيكدب لمهم هداك ماشي تمن ديالها ولكن هداك جهدي مديتو ليها غير خودي فلوسك راه عبدو دار معايا بزااف ديال لحوايج ويستاهل ما كتر قالت ليا ولكن دار فسميتي ماشي سميتو خود هاد رزق ومغاديش يصيق لخبار قلت ليها لي بالك ضربت داك شيك فجيبي تراه دجاجة بكامونها غاديا خارجة وهيا تقوليا ومبقاش تشوف فيا دوك شوفات قدام عبدو راه شي نهار غادي يقتلك قالتها وهيا حابسة ضحكة غير بزز تراه كان كيحسابلي مفاهما والو طلعات فاهما لفيلم ومخليانا كنتقاتلو قلت ليها واش أنا لخاطري😂 قالتلي راه ولدي قاد يولدك ههههه طلقتها عليها حتى أنا لا أخالتي راه لعمر غير أرقام شنو فيها إلا كنت تولدت فلوقت لخطأ ماشي دنب ديالي.. بقات كتضحك قالت ليا من بعد وندويو وهيا تخرج أححح صافي مكين لا زواج لا والو دبا غادي نقاتل ونحارب مع ولدها.. أصلا حسيت بلي كتبغيني غير حشمانة نااري خربقاتني تاني مبقيت عارف واش نفطر ولا ندوش ولا شندير لعشق لممنوع سيري الله ياخد فيك الحق...

يتبع