البرهوش الجزء 21

عرفتي مقديتش نمشي نصرف داك شيك أصلا بب مبيناتناش لحسابات غير فطرت دوشت ومشيت لعند عبدو لكوميسارية ليوم خاص ناخد نمرة مو ليوم قبل غدا دخلت لكوميسارية لقيتو بارك مع واحد لبوليسي وحاط تيليفون قدامو لمهم ريحت تنعاود ليهم شنو وقع لبارح تاني واحد نص ساعة وخرجنا رجع معايا لدار وغير مقابلو إمتى غادي يحط تيليفون والو مرشقاتليه على لخدمة حتال ليوم أنا غير قاني عليه داكشي ديال إستراتيجية الهروب مسجون في الغربة واحد ساعة وهو يحط تيليفون ومشى لحمام طرت على داك تيليفون مفيهش لكود كتبت سعاد والو كتبت لواليدة طلعو ليا زوج نماري ويييع وهادي تخويرة سانك سانك مو لمربياه وسعاد ولكن معامن هو فيه حتى أنا ميكروووب جبدت تيليفون وصورت نماري بزوج وحطيت تليفون تراه تنبغي أبنادم جا مجرى معايا والو كمل فخدمتو وأنا تندخل فنماري بزوج لتيليفون مدلي شي وراق ديال لخدمة قاليا قراهم فاش تكون مسالي ومشا غير خرج عيطت على نمرة لولا جاوبني راجل عرفتها نمرة مو لي مربياه لأخرى متخونيش عندي معاها وليدات.. أسيدي جربت نمرة لأخرى وهيا تجاوبني هيا سلام سلام قالت ليا منين جاتك نمرتي؟ قلت ليها وايلي هادي خدمتنا عارفك شحال كتلبسي فرجلك لمهم بغيت ندوي معاك؟ أنا داوي معقول زعما وهيا كتضحك تراه سيدة كتركل بضحك ولكن مزيان لعلاقة تبدا بضحك ونشاط قالت ليا واخا نعتاتلي واحد لقهوة قريبة لدارها يعني باغيا ولدها يقتلني ولكن هانية أنموت شهيد مشيت لديك لقهوة قبل من لوقت بنص ساعة كنتسنى هههه ممتيااقش مرندف مع ختنى سولت سرباي على سميتو قاليا سميتو علي غير وصلات حدايا وضاربا دوك جلالب ديال لقوالب بركات وأنا ندير فيها قدييم زعما فديك لقهوة علي خويا أجي شوف لأنسة شنو باغيا كتباليا كتركل بضحك منعرف منين خرجات ديك لأنسة تفو قالت ليا ياسين دوي عادي بحال ديما شنو باغي واش شي حاجة فلفلوس لي عطيتك صباح؟ تراه تلف ليا داكشي بقات عليا ولدي قاد يولدك ونتا عارفو قبيح.. حتى أنا ميكرووب جلدة والو راه قلنالك لحب متيعرفش أرقام+ ولدك أنديرو بحال ولدي😂 لمهم صافي ختنى غير كتضحك وحتى أنا وليت غير مطلعها عليها ما منهاش أخويا قالت ليا راه غير مأترا عليك المراهقة.. كرفصاتني تكرفيصة ديال ليهود موحال واش نعاود نشوف فشي ميمة أصلا غتشرف بزربا وأنا غادي نبقا شباب مجاتش تنبرد على راسي زعما أسيدي غير خرجت من تما نيشان لبنك صرفت داك شيك لسميتي رجعت لديك لفيلا دبا خاص نتحول منها يمكن أصلا منقدرش نعاود نشوف لخيتي فعينيها تراه قمعاتني قمعة ديال لكلاب بارك كنعالج وهيا تصونيلي مريم قالت ليا راه خوك مخداش من عندي لفلوس قلت ليها بززيهم عليه قالتلي راه كان غير كيجرب فيا ولا خدام مع شي شركة كبيرة تما ممحتاجش لهاد لفلوس قلت ليها صافي جيبيهم ليا لنفس لقهوة مشيت لعندها مداتهم ليا حطيتهم حدايا وبقينا داوين قالت ليا مهدي راه غادي يولي يعبدني دبا فاش ديتليه هاد لفلوس واش متأكد مبغيتيهش يعرف بلي نتا لي مصيفطهم قلت ليها كلمة وحدة قلتها ليك دارنا معارفينيش عندي هاد لفلوس ومهدي مزال مسمع عليا حتى خبار من نهار خرجت مقلت ليك شنو واقع حتى درت فيك تقة.. وهيا تكالي على كتفي حتى أنا دايرا فيك تقة عرفتي متكيا عليا وكتكمي داك نوع دلبنات لي تيقولو تنموت على ربك أنا حبك شاطاني.. ولكن صراحة تقال فسرااا خاصني نقلب عليها باش تبعد عليا إلا بقات معايا غادي نولي فشدلي نقطع ليك مع مهدي.. لمهم بارك معاها وهيا تصوني ليا خت حنان ناس لي كنت فدارهم داك نهار لمهم جاوبتها قلت لمريم نخليك ومشيت لطوموبيل غادي لدار وداوي معاها فين نتا شنو كدير ونتي قالت ليا غدا عندي خاوي غنقول لدار قاريا ونتلاقاو قلت ليها واخا درنا وقيتا باش نتلاقاو لمهم دخلت لدار تنجمع فلحوايج فشي كرطونات غنديهم معايا وخا معرفتش فين غنمشي ولكن خاصني نخوي دار صافي خديت لفلوس ومبغيتش ختنى تقوليا خرج ولا شي حاجة اللهم نفهم راسي.. تنجمع حوايجي تنسمع دقان تنطل حيت سيكيريتي مبقاش لقيتها هيا سعاد مت خونا صدمة شنو جابها فليل نزلت حليت لباب هازا فيديها شي لعبة دخلات قالت ليا جبتلك هادشي دوق قلت ليها جاك لخير أخالتي عدبتي راسك قالت ليا بلا خالتي غير سعاد صافي هادي كتفلا تفركعت عليها دبا حاجة وحدة واش نقول قالتي ولا سعاد مرة كتشرقي ومرة كتغربي قالت ليا يلاه ندخلو وندويو قلت ليها وخا كتباليا دخلات طوموبيل لكراج صافي لقدية فيها ما فيها طلعت كيباليا كسكسو فداك طبسيل بارك تناكل وهيا تطلع من لكراج بركات حدايا وحطات يدها على راسي دوك لقطة فاش كتبغي لواليدة تصخرك وكتدخلك بالحنان ههههه لمهم قالت ليا شوف فكرت فداكشي لي قلتي ليا قبيلا ولكن يبقى بيناتنا عبدو ميعرف والو تراه متيقتش ودنيا تراه كانت كتباليا بعقلها وهادشي مستحييل كنت تنحاول وأنا منيس منها فاش تنسمع هادشي لقلب دار دوك ضربات أخويا لمهم مزكلتهاش حتى أنا عين هنا وعين على لباب لا يجي ولدها أخويا لمهم حلفات متبقى قالت ليا غنمشي حتال غدا بقيت تنشوف كيفاش غدا تاني؟ لمهم لغد ليه مشيت لعند لبنت لي داير معاها وبارك حداها وبالي فدار كتقوليا مالك كتباليا ماشي حتال لهيه قلت ليها والو غير مريض شويا كنت باغي نقاد لأمور زعما ولكن تراه لحلم فليل جات تاني شافت لحوايج مجموعين قالت ليا غير بقى هنا.. عبدو كنتلاقا بيه بنهار كنبقى غير نشوف فيه أخويا لا يولي غافلني وقاتلني دبصح وليت خايف وسيدة بحال لهبيلة لي قالو ليها زغرتي كل ليلة كل ليلة طاحت من عيني زعما هههه شعب كيما درتي معاه وحلتي تراه والديا نسيتهم مبقيت لا كندوي معاهم لا والو لمهم أسيدي واحد ليلة أول تحنسيرة ملابسين والو وخوكم خدامين فداك سميتو عليه وفرحااان حتى تنسمع عبدو تيعيط عليا أنا كنت غنتلاح من شرجم وسيدة كتموت من ولدها هزيت ديك ناموسية دخلي هههه بقات ناموسية عوجة هههه دبدوبة أخويا ويلاه تنقلب على ما نلبس وهو يدق فلباب غيحلو وسرير باينا تحتو شي وحدة تلاحيت فوقو باش ينزل عرفتي فيلم هندي والله تلاحيت فوق سرير وملابس والو سيد باش حل لباب تيضرب عليا صولو وهو يغطي عينيه تا شنو كدير الميكرووب وأنا كنقول مال لونطريما مكتبانش فيك وخرج سد لباب قاليا خرج خرج بغيت ندوي معاك عرفتي تنطل على ختنى واش قتلتها ولا شناوا وهيا ديرلي بيديها ديك 👋 بلاتي علك بزربا ضربت سروال وخرجت عندي قاليا واش نتا مريض راه دار فسميت لواليدة إلا جات دبا وشافتك كتدير هادشي مالك ميكروب.. بقيت غير ساكت أنا ودنيا ولاو كيغليو سخنو ديال بصح قاليا غادي نسافرو لسيدني شي خدمة قلت ليه وخا ماشي دبا شهر جاي قاليا لا هاد سيمانة.. داوين وتندفع فيه لباب تيقوليا مالك واش كتجري عليا قلت ليه وراه بغيت نعس أبنادم شهر جاي غنمشيو, نسيييت بلي عندو سوارت ديال دار سورت من لداخل وطالع تنضحك كتباليا سيدة يدها عوجة تهرسات وييييع هادشي لي كان ناقصني ولكن سيدة عندها صبر سيدنا أيوب تراه تهرسات ومدارتش صوت...

يتبع