البرهوش الجزء 22

عرفتي شنو هيا تكون مو تحت سرير وميدي ميجيب خاصك تكون ميكرووب سيدة تهرسات بسباب ديك تنقيزة لي دزت جون سينا نهار كامل وهو ينقز ومدارهاش هادي غادي بيها لصبيطار كتغوت بيدها أنا أخويا تنحمد لله كون ما سترني الله كوراني ميت دبا غادي يقلتني بدم بارد.. لمهم دخلنا لعند طبيب ليلة كملناها غير فصبيطارات و ولدها تيعيط ليها لمهم دارت لكبص مراجعها لفيلا وكتضحك قالت ليا اللهم هرسة ولا فضيحة هادي أخر مرة نبقاو أصدقاء ولا قول بحال ولدي هههه قلت ليها هادشي لي لقيتيني غادي نقولك حتى أنا.. خدات طوموبيلتها ومشات قالتلي غادي تقدر تسوق موحال واش يعاود يجيني نعاس هاد سيمانة كان قلبي غادي يسكت أخويا تنريسكي بحياتي مع هاد سيدة.. وكما قلت مدانيش نعاس ديك ليلة حتال لغد ليه شهية مفتووحة بقيت غير كنخشي فوجهي حتى دخل عبدو دم مبقاش كيطلع ليا لراسي عنداك يكون عرف شي حاجة قاليا صباح الخير الكفيفيت عرفتي عاد رتاحيت أول مرة نفرح حيت غادي يقولي شي واحد هاد لكلمة سيد بقى تينصح فيا بعد على هادشي تزوج ولا ديرلك شي حل خونا بقا داوي أنا خاصني نحشم بالعكس فرحاان اللهم هكدا ولا يعرف شنو كانت معايا ويقتلني.. داوين وهو يقوليا خاصو يمشي مو تهرسات درت فيها مصدووم وايلي إمتى؟؟ لله يشافيها! خونا بقى تيشوف قاليا شفتك مدرتي حتى تعليق على لواليدة كما موالف؟ عرفتي لما بركلي فركابي قلت ليه راه ماماك هاديك وكنحتارمها بحال لواليدة غنمشي معاك باش نشوفها قاليا واخا.. مشيت معاه عرفتي بارك معاهم مزال حابس ضحكة غير بززز واحد لساني بقيت عاضو حتى كنت غادي نقطعو خرجت بزربا حسن منولي مفركع بضحك قدامهم.. هاد لأيام لي دازت مبقيت تندوي مع حتى واحد حتى والديا نسيتهم تراه نهار مكنتش تنحس بيه وتيليفون طافي من شارج تنعكز نديرو فضو غير خليها على الله وصافي شوهة شوهة عاد عيطت على لواليدة قلت ليها غدا غادي ندوز عندكم قالتلي وخا دوز راه توحشناك, عيطت على مريم حيت معيطالي 100 مرة وممجاوبهاش قالت ليا والو خاص نشوفك ليوم قبل غدا قلت ليها وخا تلاقينا باركين فلعشيا كتسول فيا فين كنتي غابر قلت ليها غير خلي داك جمل راقد كنت كنحارب ليهود وتنرفع راية الإسلام زعما حنا وجهنا غير وجه صداع ولمشاكل.. ختنى بقيت راخي عليها لهم تنحس براسي ناقصاني شي حاجة وتوحشت دارنا ومنقدرش نرجع دابا.. لبنت طبختلها راسها جبدات واحد لباكية ديال لغارو واحد ورا واحد لمهم داوين حتى طاح ضلام عطيتها جاكيطتي قالت ليا مزال مناويش تمشي تشوف داركم قلت ليها راه معرفتش واش مهدي كين تما ولا لا مبغيتوش يشوفني قالت ليا هناك الله غادي نعيطليه ونعطلو شويا حتى تشوف والديك.. تراه رجولة وكتفكااار عيطاتليه جاوبها قالتليه بغيت نشوفك و توحشتك بغيت نقولك شي حاجة نتلاقاو تراه أنا تيقتها قطعات سولتها شنو باغيا تقولي ليه؟ قالتلي والو غير باش يجي سير لداركم نتا دبا راه مكينش فدار هو.. هادشي لي درت خديت جاكيت ديالي ومشيت لدار كنت داير مع لواليدة حتال غدا مكانتش دايرا بحسابي باركين لواليد تيقوليا ريحت لكارو عاد تفكرت ختنى كانت كتكمي حدايا دخلت لحمام حيدت جاكيت علقتها غسلت وجهي وخرجت عندهم بقيت معاهم حتى قالت ليا راه مهدي راجع لدار من قبييلا واش مزال موصلش خرج نتا بزربا تراه طيااارة خرجت لدرجة نسييت جاكيتي معلقة فلحمام ويييع ولكن مفيها لا وراق لا والو ترحكت باليا هو وقف قدام دار على بونة.. رجعت لدار كنلقا عبدو فدار تيجمع فلفراش قاليا عاوني سولتو شنو واقع قاليا نتا غادي تحول من هنا قلت ليه فين غنمشي؟ قاليا دبا غير غنجمعو هاد لفراش حتى نلقاولك شي بلاصة أخرى قلت ليه وخا تنعاون فيه وتنجر ليه لسانو نشوف واش عارف شي حاجة أصلا كون كان عارف غادي يصفيها ليا مغاديش نحتاج ندي ونجيب معاه فالهضرة.. بقينا حتال شي 12 تنجمعو فداكشي مشا هو نيشان لفراشي نعست لغد ليه تيصدمني مع 8 تيفيق فيا نوض نكملو جميع دلفراش خونا زربان هدا مالو تيجري عليا وصافي خرجت فطرت ورجعت تنجمع معاه فداك لفراش كامل حطيناه فصالون قاليا يلاه معايا تبعتو لطوموبيلتو داني لواحد لفيلا صغيرا قاليا هادي مزيانة وتمن زوين غادي تاخدها؟ قلت ليه أه سيد تبدل ديال بصح عيط على مولاها تلاقينا تفاهمو بزوج أنا بحالا غير كنتفرج قاليه صافي غادين ناخدوها مشا لطوموبيل جاب ليع شي فلوس عربون قاليه ياك هانية نجيبو ليها شي لفراش قاليه مولاها أه خود راحتك دار دارك كلمة ديال رجال... تفاهمنا على نهار لي غنقادو فيه لوراق واحد نوطير(الموتق) غير قريب دوينا معاه صافي جاب شي ناس بداو تيحولو لفراش أنا معرفتش خونا مالو ولكن 100% فدماغو شي حاجة واقفين معاهم تيدخلو فلفراش وهيا تصوني ليا لواليدة كتغوت قالت ليا كتكمي قلت ليها كيفاش واش كتضحكي عليا قالت ليا جاكيط لي نسيتي فيها باكية دلغارو لقاها خوك لبارح دار فضيحة عرفها ديالك مقديتش نبقى نكدب عليه قلت ليه بلي كتجي تشوفنا مرة مرة ودبا داير سبة بالخدمة وغادي يتحول لمدينة أخرى ولدي إلا كنتي غادي تدوي معاه شي نهار وتصالحو راه ليوم هو داك نهار دوي معاه وحاولو تصلحو لعلاقة راه نتا معندكش من غيرو وحتى هو.. لواليدة بقات كترغب فيا باش ندوي معاه وأنا منقدرش ماشي دبا مزال عندي بزاااف منقضي وشحال من مسمار خاصني نطرق قلت ليها بلي داك لغارو غير ديال صاحبي كنت مخلي عندو جاكيت وبلي قريب غادي ندوي مع مهدي غير رتاحي.. قطعات وانا نطلع مع عبدو فطوموبيل قاليا باغي نوريك شي حاجة لمهم غادين وهو يصوني تيليفون تنشوف لقيتها مو قطعت بزربا وهيا تعاود تعيط شاف فيا قاليا شكون تيعيط جاوب مالك؟ قلت ليه غير لواليدة مقديتش نقطع جاوبتها قالت ليا واش عبدو حداك قلت ليها أااه لحمد لله قالت ليا هرب سير لشي كوميسارية ولا شي بلاصة تخبى قلت ليها علاش؟ قالتلي من ديك ليلة لي كنت فيها عندك وأنا تنقلب على سنسلة ديالي لبارح باش دخلا لبيت كان هو خارج منو دخلت لقيتها فوق طابلة وأنا متأكدة طاحتلي فبيتك حيت مخليت حتى بلاصة هنا كنت باغيا نقولها ليك ونسيت دبا 100% هو عارف شنو كنا كنديرو هرب أنا غادا نسافر عند عائلتي حتى يبرد شويا.. تراه بقيت حاط تيليفون على ودني صدمة مقديتش حتى نجاوبها وهيا تقطع.. دبا غادي يقتلني مكين لا غدا لا والو دموع غادين يبداو يطيحو زعما إلا بديت تنبكي وطلبت سماحة غادي يحن قلبو, مستحيييل راه مو هاديك وقالها ليا 100 مرة فوت علك لوالدة بديت تنشهد ناري لا دنيا لا أخرة فرعون ومعندوش هاد زهر لمكوز...

يتبع