البرهوش الجزء 23

تراه صدق عارف معرفتش فين غيكون غادي بيا بلاتي هادي طريق دارنا يكما غادي يدير ديك لعيبة ديال العين بالعين قلت ليه فين غادين قاليا ها حنا وصلنا.. وقف قدام واحد لقهوة دخلنا بركنا وهوما يجيبو دجاج ولفريت وايلي أش هادشي زعما فخبارو وعارض عليا لغدا يكما يكون داير ليا سم فيه صافي هيا هادي مبغاش يوسخ يديه قلت ليه سمحلي ودخلت لحمام عيطت عليها قلت ليها راه مفخبارو والو مقاليا والو نهار كامل وحنا مع بعضياتنا وعارض عليا لغدا دبا كاع غير متمشي نتي لحتا بلاصة غادي تفرشيها قالت ليا وخا باش ما كان علمني.. رجعت بركت حداه أنا شاك غيكون شي سم فطبصيلي ومن عند الله واحد لبرهوش صغير تيلعب حدايا والديه باركين فطابلة حدانا وكيترطا مديتليه بطاطا دجاج لمهم نجرب فيه هادشي هو عندو هانية راه غيمشي للجنة مغمض عينيه عبدو تيقوليا كول واش كتفرج فغداك.. أنا كنتسنا داك سم واش غيدير مفعولو فدري ولا لا دري بقا كيترطا عاد بديت تنقصي وتنشوف فيه سيد عااادي بحالا مفخبارو والو خرجنا من تما وصلني لدار لي يلاه خدينا قاليا غير بقى فيها حتى نقادو لوراق غدا ومشى.. سيد مفهمت فيه والو معرفتوش واش عارف ولا لا معطانيش راس لخيط ومو كتقوليا والله حتى عارف خويا هدا درس خاصني نتعلم منو بعد من لميمات لي عندهم دراري قباح بارك تنقاد فداك لفراش فبلاصتو عيطت على لواليدة قالت ليا ها مهدي سافر على لأقل رجع نتا لدار دبا قلت ليها واخايك ساعة سديت هزيت شي حوايج خرجت لموطور ومشيت لعندهم لدار حطيت حوايجي فواحد لبيت بقاو عليا إمتى غادي تصالح نتا وخوك واش مزال مناويش تقولينا فين كتمشي وشنو كتدير ومنين جاو لفلوس وطوموبيل ولموطور حتى هو بلاما تقول خدام مع صاحبي ولا ديك لهضرة لي مكدخلش لدماغ.. منقدرش نجاوبهم نقوليهم راه دخلت لإصلاحية وعلاش دخلت وبلي رباني شي واحد و وخا نعاود ليهم مغاديش يتيقو اللهم نبقى ساكت قلت ليهم غادي نبقى معاكم هاد لأيام قبل يجي مهدي تاني وغنمشي نقاد شي حوايج وغنرجع فاش أنرجع أنتحولو لدار أخرى ويمكن غادي نحتاجكم تخطبولي واحد لبنت لواليدة مبقاتش كتسول فين كنتي وشنو كدير قلبات سيدي دبا شكون هادي وريني شي تصويرة خويا لبنت لوحيدة لي تنعرف وطاحتلي فبالي هيا خت حنان وعندي شي تصاور من شحاال هادي وريتهم لواليدة واحد لواليد بارك فجهة لأخرى ديال صالون وتيقوليا ديك كبرتي البرهوش تيقولها ويعاودها وصافي سمعتك أساط غير دخلت لبيت سيفطت لبنت مساج من نهار لول ديال داك سميتو عليه مع سعاد بحال شي متال تيقولو فيه الله لا يوريك لموحش إلى داق لمهم معقلتش على لمتال بضبط ولكن شي حاجة بحال هكدا لمهم هيا هاديك داوي مع ختنى كتسول فيا فين كنتي غابر لا مساج لا والو وتنعيط تيلي طافي ولا مكتجاوبش خلعتينا حتى من ختي وراجلها عياو ميعيطولك يحسابلنا غير وقعاتلك شي حاجة ولا مبقيتيش باغي دوي معانا قلت ليها الله أودي حاشا بالعكس راه توحشت كلشي سميلي عليهم غادي ندوز نشوفكم هاد لأيام لابدة قالتليا صافي مرحبا غير علمني نهار لي غادي تجي فيه.. وأخيرا غادي نعس وغتفيقني لواليدة فصباح ممتيقش واش كنت غير تنحلم قالت ليا نوض تفطر بركنا تنفطرو لوالدة ولمسمن قصة عشق لا حدود لها ديما تنفطر على برى تناكل بحال هادشي ولكن لوالدة ماكلتها فشكل أااخر عندها شي مكون سري.. فطرت وبارك مع لواليد مبقى عندو ميدار غير بارك فدار حاضي طالعة ونازلة عنداك تلامط غادين يتوسخو زير روبيني مزيان علاش كتنفس من فمك دكتور لفايد قال.. يلاه شهيق زفير.. نص نهار بزز باش كملتو معاه هزيت موطور وهربت مشيت لبنك عاد مشينا لداك لموتق قاليا واحد زوج سيمانات ورجع لعندي تاخد لوراق لمهم غادي خارج مع عبدو بدا داوي ليا تاني على ديك تسافيرا لسيدني قاليا خاصنا نمشيو هاد سيمانة قلت ليه راه مهدي سافر لشي مدينة منقدرش نخلي والديا دبا حتى يرجع وبغيتك تعرفلي فاش خدام وشحال كيشد وكلشي لله يحفظك قاليا وخا ومشا نحلف عليه معارف شي حاجة سيد عااادي عيطت على مو راه سيد مفخبارو واالو غيكون لقاها غير تما وحطها ليك فبيتك خلعتينا على والو قالت ليا نتلاقو باش ندويو؟ وايلي شنو لي مزال عندنا ندويو فيه؟ قالت ليا فهادشي غدا نتلاقاو مع ديك ل1 قلت ليها وخا صافي.. رجعت لدار عند لواليدة لقيتها موجدا لغدا صرعها هاد ساط فاش سافر كان خاصو يديرها من شحاال هادي ولينا بحال لمش ولفار تيدخل هو تنخرج أنا.. لغد ليه تلاقيت بعبدو فصباح بعدا قاليا راه هاد خوك ولا تيفهم فداكشي لي كنتي كتشرب لا برين و لاروس و لابلونض و لا نوار تحرفن فداكشي دبا دار كونسيبط ديال شي حاجة حلوة ولقا شركة لي غادي تنتج وبداو كيخرجو ديك سلعة لسوق دبا غادي يبقى ياخد شي 35% من لأرباح كرا شي دار لبارح فجديدة تما قريب لمصنع ديال ديك شركة تيباليا غادي يبقى تما بزااف على لأقل شي 3 شهر وديك لخدمة خاصنا نسافرو ليها فأقرب وقت قلت ليه صافي غادين نسافرو مالك على هاد زربة سير نتا بوحدك وقضي لغرض نتا عارف خدمة لحاج كتر مني قاليا لا هاد لخدمة خاصك تكون معايا فيها ضروري قلت ليه إلا بغيتيني نمشي معاك تسناني حتى يرجع خويا بقى تيفكر قاليا وخا نهار غادي يجي هو أنمشيو حنا.. تفارقت معاه حيت غادي نشوف مو وي كنقلب على شي قتلة ديال لعصا.. تيباليا بحالا معارف والو وهيا كتقوليا راه والله حتى عارف وسيد والو باغي يديني نسافر معاه زعما باغي يصفيها ليا كون بغا يدير شي حاجة غيديرها هنا حسن بلا هاد صداع كامل.. تلاقيت بسيدة خويا وليت غير تنشوفها كتغلب عليا ضحكة كنتفكر ديك الحصلة ديال لكلاب لي حصلنا باركين فواحد لقهوة كتقوليا تاني والله حتى عارف لمعاملة ديالو معايا تبدلات بحالا طحت من عينو قلت ليها تبدل معاك نتي أنا عاادي بقينا داوين مني منك وهيا تقوليا نتا لي درتي هادشي كاامل قلتلك راه هاد بمشكل غادي يوقع, منيتك دبا لي قلتهالك أنا ديريها بلاما تفكري زعما راه نتي مولات لعقل أنا راه مزال مراهق أبنت ناس ختنى بقات كتضحك يااااك وفين مشات لهضرة ديال لحب مكيعرفش أرقام وشنو فيها إلا كنت تولدت فلوقت لخطأ.. ومنيتك تيقتيني وعقلتي غير على هادي نسيتي فاش قلتلك لغاية تبرر الوسيلة.. قالت ليا وخا قلتي بعد 3 شهر باغيك تسافر معاك عتابرهم أخر 3 شهر ليك بدا تصلي دير لاحتياطات دياولك.. بقينا تنضحو داوين حتى مشات غادي لدار وأنا نوقف عند واحد لمحل ندوقو سلعة ديال خونا وي من شحال مشربت ولكن بغيت نشوف ولد لعبد شنو صنع لينا مشيت لدار جديدة عيطت على لوالدة مغاديش نجي ليوم حتال غدا ونشوفكم ريحت قدام تلفازة حتى ضلام لحال مزيااان عاد بديت تنشرب معقلتش على ديك لقرعة داك لعجب حلو ولبورصونطاج د لالكول طالع مبقيتش عاقل على راسي لغد ليه فصباح لقيت راسي معنق لكرسي ديال لحمام مفهمت والو تخلعت أنا دوشت و والو معاقل على والو تراه طيااارة تيليفون معايا فلحمام لقيتو طافي درتو فشارج لقيت راسي معيط على لبنت لي داير معاها باش نشوف عائلتها هاد سيمانة وبقينا داوين ساعتين وربع واااع وتقطع غير حيت طفا تيليفون معاقل على والو شنو نكون قلت ليها فهاد ساعتااين يا ربي منكونش غنيت ليها يا ربي...

يتبع