البرهوش الجزء 24

خويا شراب لا دين له داوي أنا ولبنت ساعتين وربع ومعاقل على والو واش عيرتها ولا عاودتليها شي حاجة مخاصهاش تعرفها مزعمتش حتى نعيط نسولها فاش دوينا حتى هيا هبيييلة بقات كتدوي ساعتين معند ديلمها ميدار كتر مني سيفطتلها مساج صباح الخير وخا عارف مكين لا خير لا والو كنتسناها تجاوب وغادي لدار راسي تيضرني واش خويا لي قاد داك لعجب ولا غير مطلعينها عليا وصلت لدار تنفطر معاهم وراسي ضارني مكرهتش نحزمو وهيا تجاوبني ختنا صباح نور شفتي غير ملي جاوبت عرفت راسي مفرشتهاش أول سؤال واش غنيتلك لبارح؟؟؟ قالت ليا مخليتي عقيل مخليتي بلال وحسني ودنيا صابحين ضاريني.. ألله أربي أش هاد شوهة وعارف صوتي كيفاش داير وزاد عليه داك لعجب قلت ليها سمحيلي راه كنت مع شي ناس وشربت واحد لعصير معرفتش واقيلا فيه شي حاجة.. قالت ليا بلاما تكدب راه عارفاك كتشرب قلتيها ليا لبارح وشي حاجة ديال خوك ولا منعرف.. بنت ناس عاودتلك هادشي كامل وغنيتلك من لفوق ومعاقل أنا على والو فقدت داكرة واقيلا لمهم سمحيلي والله ما عقلت على راسي واش مزال باغياني نجي لداركم؟ قالت ليا أه إلا بغيتي.. أنا قلت صافي غادي نلقاها بلوكاتني لبارح ولكن نن بالعكس بقات عليا بعد على داكشي وبقينا داويين تاني قلتلها غدا أندوز لعندكم يمكن نجيب لوالدة معايا قالت ليا مرحبا.. بارك مع دار كنتعصر تنحاول نتفكر وخا غير شي نويطة غنيتها لبارح والو لواحد غير يضرب شي قرعة ويمشي لإكسفاكتر(نكحتها عارف) قلت للوالدة غدا بغيتك تمشي تشوفي دوك ناس لي عاودتلك عليهم وديك لبنت بدات شنو غندي شنو غنجيب قلت ليها غنمشيو غير نشوفوهم عادي مكين والو دبا قالت ليا مندخلوش بيدينا خاوين.. جبدت بزطامي غادي نمدليها شي 100 درهم وهيا تحيد ليا راس مالي قالتليا باش تكبر فعين ناس متكونش شحيح.. طاحلي لبيرمي وهو يهزو لواليد بقى تيشوووف فلكنية ولاح ليا لبيرمي ديالي مدواش لواليدة لبسات حوايجها وخرجات هيا وياه بقيت فدار شاد تيلي داوي مع مريم قالت ليا راه مهدي مزال فدار لي كرا تما مغاديش يرجع واش منتلاقاوش؟ أنا صافي أخويا منتقصينيش مشاكل نولي شاريها مع مهدي حتى هو اللهم خليني بعيد على ختنى قلتها ليها بغيت نتصالح مع مهدي فاش أنتلاقا بيه ونتصالحو مخاصوش يعرف بلي كتعرفيني ولا تلاقينا شي نهار! قالت ليا لا وأنا تندوي معاه زعما غير باش نجيبلك لخبار مالنا على هادشي كامل غادي نقوليه تنعرف شي واحد وغادين نساليو؟ صافي؟ وليت أنا تنقوليها لا مديريهاش غادي يبدا يسول ويقلب شكون ويمكن يوصل ليا اللهم خليك معاه حتى نتصالحو ونديرو حل قالت ليا وخا.. رجع لواليد ولواليدة تراه خلاو غير لي نساو ولوالد قاليا غتمشي معايا لحمام ولواليدة معاوناه أييه كتبان موااسخ أولدي ضهرك محكيتيهش مني كنت تنحكولك واقيلا سير سير مع باك غادي معاه ومحاملش راسي عارفو غادي يهردني وغنبقاو شي 3 سوايع فسخون وانا كنلوى تما لعكس ديال لواليد ميكروب تيدخل سخون عاد كيصحاح تيوليو فيه 5 لمهم دخلنا قاليا نعس نعس باش ترطاب وبدا تيدير ليا صابون سيد محسسني بلي غادي توقع شي حاجة عارفو باغي يديني باش ينتاقم مني على ود لكنية مشيت معاه.. وبدا فيلم رعب أخر مرة مشيت لحمام ديال درب تراه بدا تيحك ليا وديك لخرقة كحلا بحالا تيعدب فيا باش نعطيه شي معلومات كون غير هكدا تيحيد ليا فجلدة وكيدوي مسكتش شوهني قدام داك بنادم لي فلحمام وبارك عليا حيد شورط نحكلك ديك سميتو عليها كيفاش وي لواليد أنا محتارمك ولكن إلا لكرامة وسمعة يا عدو الله بزز باش قنعتو تراه وليت شاك فيه منهم ولا شي لعبة سيد صافي قيم عليا والو نحكلك فكوني منو غير عباد الله.. رجعنا لدار تنشوف فلمراية أنا معرفتنيش ندعيه يصيفطوه إعدام نيشان شمس مبقيتش قاد نوقف فيها ولكن شنو دارت ليه لوالدة بالغوات ولد لعبد تيقوليها راه هو لي رطيطب أنا مدرتليه والو.. دبا هادا وجه غنمشيو بيه عند ناس لواليدة كتخلط ليا ها لكوش لولا ديال زبدا ها بوماضة ها لعطرية عاد زادت قوداتها عليا ومخلاونيش نأجل مع ناس تال نهار أخر لغد ليه غادي واحد جهة فوجهي بحالا مجربين فيها سحور فقدت فيها لإحساس دبصح تنفكر نديكلاري بيه راه خاصو يتربى.. لمهم وخا مبغيتش نخرج ليهم فلول ولكن بززو عليا حتى مشينا عند ناس لي شافني كيتصدم أناري مالك ويلي شنو وقعلك تنقوليهم والو غير حك ليا لواليد فلحمام تيقوليك غير كتكدب وخا يكون حكليك بكاعيط حرش ولمشكل مقديتش نمضغ ديك جهة بحالا مبنجينها.. لمهم فلول لقينا غير لبنت و واليديها حتى دازت شي نص ساعة عاد جات حنان وراجلها بقاو ضاحكين مع دار أنا مكنحاوش نضحك غادي نضحك أنقطع شي حنك غنبقى معوق منو حياتي كاملا بقاو داوين عادي تعارفو وصافي قلتها ليهم فدار انمشيو غير نشوفو ناس وصافي غادين خارجين ومها بارك على لواليدة شوفي ديري ليه لخياطية ولا لي باغي يجرب شي لعبة كيجربها ليا فحنكي وصلتهم لدار ومشيت لداري تنشوف فلمراية جمالي راح فداكشي وليت بحال شي زومبي دخل عبدو تخلع ناري شنو وقعلك بقيت تنحلف ليه بلي غير لواليد حكليا متيقش قاليا خاصك تمشي لعند طبيب دبا والو بقى معايا حتى داني دخلنا لصبيطار داك طبيب بقى مصدوم واش متأكد خرقة كحلا دارتلك هادشي بدا تيعيط على عشرانو لي خدامين معاه ولفرمليات أجي تشوف واحد لحالة كيضحكو عليا وصافي عطاني واحد لبوماضة قاليا متخرجش لشمس هاد سيمانة.. أسيدي بقيت غير فدار ديك سيمانة مكنخرجش غير تلفازا فيلم مورا فيلم غير لواليدة تنعيط ليها نسول فيها لواليد منعاودش ندوي سيمانة يلاه رجعلي وجهي كيف كان راه غادر هاد لقدية تصلاح فيلم ديال رعب أخويا معمرها تنساليا لمهم مهدي مزال مسافر تنمشي نشوف دار وقتما بغيت كنتلاقا بعبدو تنقضيو شي غرض فلخدمة خونا صافي وليت متأكد بلي معارف والو رجعت تندوي أنا ومو ماشي داكشي غير داوين عادي فراندزوناتني زعما أحححح😂 حتى أنا راه درت عقلي زعما بديت تنشوف ديك بنت ناس مرة مرة لواليدة ومها تيدويو لمهم غادي تنقاد فهادشي غادي يجي مهدي يبقى مع لواليدة ولواليد غنمشي انا مع عبدو نسافر لأخر مرة أنرجع غنشد لأرض.. وحاجة وحدا لي مزال ضاراني فراسي خونا لي قالك من عائلة لحاج وكان باغيني نعطيه كاع هادشي لي مخلي معاودتش شفتو من نهار لابيسين قلت مع راسي بلي بعد داكشي لي درت مغاديش يعطلني ولكن سيد غبر دبصح تنسول عبدو عليه تيقوليا معرفتش خونا مسافر ولا منعرف وأول مرة نسول عبدو على شي واحد ويقوليا معرفتش...

يتبع