البرهوش الجزء 25

بعد هاد لمدة كاملا لي دوزتها بعيد على دار رجعت ساكن معاهم وخا غير مؤقتا حتى يقرب يرجع مهدي وغادي نخرج ولكن لمهم بارك مع والديا شويا واحد لواليد ولا تيخلعني من نهار حكلي فلحمام قلت ليه بلي كان خاصني نبدل لكنية باش نقاد وراقيا.. لمهم محسيتش بالوقت مع لواليدة ولواليد شي 3 شهر باش مشا مهدي لمهم كنتلاقا مرة مرة تلاقينا واحد نهار بالسبت مشينا لواحد لمحل ختنى كتشرب ديال بصح أنا غير كنتفرج عمر داود ميعاود لمهم مشيت غير نزهى مبقالي والو وندير عقلي ونتزوج حتى أنا خاص نغتانم لفرص لي باقين ليا مشربتش كنتسنى ختنى تسالي باش نمشيو لدار وخا مكنحملهاش ولكن راه دكتور اوز قالك ديرو فالخنز ومتعلموش لعڭز(هاد نويطة راه جديدة) لمهم ضربات شي 2 دليل غادين لدار وهيا تقوليا زرب ديك طوموبيل لي تابعانا تنعرف مولاها قلت ليها شكون قالتلي داك لولد لي كان خاطبني أول مرة غادي نشوفك واش نسيتي راك كتعرف باه هو لي جيتي معاه؟ سيدة مزال عاقلا على راسها وخا شاربة وهاد خونا لي ورانا ولد لي نصب عليا فلفلوس وقفت غادي ندوي معاه معندنا لاش نهربو أصلا مطلقين قالت ليا لا غير سير مبغيتوش يشوفنا بزوج غادي يشريلي صداع مع ماما قلت ليها وخا غادين وخونا تابعنا واحد لفيرو تنضرب على ضو لخضر من بعييد وأنا ندور فطريق غادي يشدو ضو لحمر يقدر يوقف دزت خونا تبعني مضربش على ضو كاع حتى كنسمع واحد ضربة يحسابلي غير أنا لي تضربت وقفت نشوف أش هادشي كتباليا طوموبيل ديالو مقلوبة غادي نشوف شنو وقع ليه وهيا تجرني مريم يلاه واش نتا مريض فين غادي طلعت بعدنا على تما وصلتها لدارهم باش تجيب لخبار خونا شنو وقع ليه غادي لدار وهيا تسيطفلي مساج راه سيد تيموت فلكلينيك قلت ليها واش شي واحد شاف طوموبيل ديالي قالت ليا لا راه تيقولو كان شارب مكين والو أنا غادي نعلمك غير رتاح.. لمهم مشيت لدار دوالديا موقع والو لغد ليه تنفيق على صوت تيليفون عبدو تيعيط سلام سلام قاليا راه خونا ولدو مات واش تبغي تمشي معايا نعزيوه؟ مقديتش نقوليه أنا سبابو قلت ليه لا واش نسيتي شنو دارلي مخاصنيش نمشي قاليا لا بالعكس راه موت هادي ولدو لي ماتليه وأنا طوموبيلتي خاسرا بغيتك تمشي معايا وتوصلني.. مقديتش نبقا نقوليه لا اصلا نمشي باش نشوف لقدية كيفاش دايرا فطرت ومشيت عندو باش طلع غادين وأنا نقوليه واش عرفوا شي حاجة على طوموبيل لي ضرباتو ولا كيفاش؟ قاليا أجي باش عرفتيه دار كسيدة؟ زمطني ديال بصح بغيت نصدرو راه قلتيها ليا قبيلا فاش عيطتيلي قاليا لا أنا عاقل على هضرتي كلمة بكلمة ومدكرتش ليك كيفاش مات دبا قوليا باش عرفتي واش عندك شي دخل فهادشي قولها ليا دبا قبل ميعرف باه وغادي تقودها على راسك؟ صافي تفكرت غير مريم بنت خالتو لي قالتها ليا راه كانو مزوجين عيطت نسولها واش بصح وقالت ليا بلي دار كسيدة.. خونا على بونة كان غادي يعرف بلي داك خونا كان تابعني حتى دار كسيدة شحال هادي كان عبدو أول واحد غادي نعاودليه بحال هادشي ولكن دبا لا منقدرش نعاود ليه شي حاجة مبقاتش ديك تقة بحال شحال هادي.. وصلنا لدار خونا دنيا عامرا بنادم عرفت شي ناس كانو تيعمرو مع لحاج لله يرحمو تيسولو فيا شنو كتدير كيفاش غادي مع لخدمة.. واحد شويا وهو يجي بات لولد لي مات سلم عليه عبدو حتى أنا قلت ليه لبركة فراسك سيد تصدم فاش شافني من بعد ديك تخويرة لي دارلي فلخدمة لي كان مشارك هو ولحاج فيها بارك حداه عادي بحالا مواقع والو مرة مرة تيقوليا أولدي دنيا مادايماش مكتدي معاك لا فلوس لا والو غير لعمل صالح.. خونا طبخلي راسي كنت غنقوليه هيا لا رجعتي ليا فلوسي ومشيتي مخفف عليك شويا.. وصلني مساج من عند مريم خرج لبرى ندوي معاك خرجت عندها واقفين وداوين قالتلي حتى واحد مشافك اصلا كنا بعاد عليه وهو أصلا كان شارب.. وهو يجي عبدو خرج بقى تيشوف فيا وختنى نعتلي براسو زعما يلاه نمشيو قلت ليها من بعد وندويو غادي أنا وساط نوصلو لدارهم تيجر ليا فلساني إمتى عرفتيها واش عارف بلي هيا وخوك.. وكانت مزوجة بهاد لي مات؟ أييه عارف راه غير غادي نرجعو من ديك تسافيرا فاش أيرجع مهدي مغاديش تبقى تعرفني أتشوف ياسين أخر وغادي نخطب وغادي تمشي معايا باك دار فيا واحد شوفة كنت كنتسناه يوقوليا مبروك يفرح لا عادي قاليا إن شاء الله.. هاد خونا والله حتى عارف شي حاجة كنت شاك دبا تأكدت...

يتبع